Møte i Alver kommunestyre den 06.05.2021

Vedtak

Innkalling og saksliste er godkjent.

Behandling

Rådmannen sitt framlegg vart samrøystes vedteke.

Vedtak

Møteprotokollen er godkjent.

Behandling

Rådmannen sitt framlegg vart samrøystes vedteke.

Vedtak

Alkoholpolitisk plan 2020 -2024 Del III Forskrift om sals-, skjenke- og opningstider - Sal og utlevering av alkoholhaldig drikk bokstav b vert endra til:
Sal og utlevering av alkoholhaldig drikk gruppe 1 på dagar før søn- og heilagdagar kan skje frå klokka 09.00 til klokka 18.00. Dette gjeld ikkje dagen før Kristi Himmelfartsdag. Påske-, pinse- og nyttårsaftan er salstida til klokka 16.00.

Behandling

Innstillinga frå utval for helse og omsorg vart samrøystes vedteke.

Vedtak

Det vert starta opp eit 4-årig administrativt prosjekt for leiing, kvalitetsforbetring og ressurseffektiv drift i sektor helse og omsorg som rapporterer undervegs fagleg til utval for helse og omsorg og på økonomi til formannskapet.

Ansattes og brukergruppenes representanter involveres aktivt i prosjektet.

Organisering av dag- og aktiviseringstilbodet for brukarar i habiliteringstenesta vert evaluert og samstundes vert det starta opp dialog med vekstbedrifter om mogleg utviding av tilbodet.

Auka tal avlastingsplassar til barn og unge ved Kvasten bustad og avvikle kjøp av plassar hjå private aktørar.

Kommunestyret ber om ei eiga sak om auka tal avlastingsplassar til barn og unge ved Kvasten bustad og avvikle kjøp av plassar hjå private aktørar.

Behandling

Innstillinga frå formannskapet vart samrøystes vedteke

Tilleggsframlegg frå H.Weber-R:

Ansattes og brukergruppenes representanter involveres aktivt i prosjektet.

Framlegget vart samrøystes vedteke.

Nytt framlegg til vedtak (pkt 3 og 4) frå Sp. AP. KrF og H ved Ø.Oddekalv-AP:

Kommunestyret ber om ei eiga sak om auka tal avlastingsplassar til barn og unge ved Kvasten bustad og avvikle kjøp av plassar hjå private aktørar.

Framlegget vart samrøystes vedteke.

Vedtak

Alver kommune prioriterer innkomne søknader til kulturbygg i Vestland som følgjer:

(1) Manger ungdomslag: kjøkentilbygg til Solvang Ungdomshus

(2) Alver kommune: lokalt kulturbygg som del av nye Alversund framtidige barneskule.

Vurderinga er gjort med omsyn til føresetnadane i retningsliner for tilskot til kulturbygg frå Vestland fylkeskommune.

Behandling

Innstillinga frå utval for oppvekst, kunnskap og kultur vart samrøystes vedteke.

Vedtak

Alver kommunestyre godkjenner høyringsinnspelet, slik det ligg føre i saka.

Høyringsinnspelet vert oversendt i form av eit eige dokument, med saksframlegget som vedlegg.

Behandling

Innstillinga frå utval for oppvekst, kunnskap og kultur vart samrøystes vedteke.

Vedtak

Alver kommune innførar alternativ 4 - kulturpris og frivilligpris, slik det går fram av rådmann sitt framlegg.

Prisane skal delast ut første gong i 2021.

Det vert utdelt kulturpris for både 2020 og 2021

Behandling

Innstillinga frå utval for oppvekst, kunnskap og kultur vart vedteke med 24 røyster (8 SP, 7 H, 7 UAVH.og 2 MDG)

Framlegg på vegne av AP og Krf ved J.Borlaug-AP:

"Alver kommune innfører alternativ 1 - Tre likestilte prisar; kulturpris, idrettspris og frivilligpris. Prisane skal delast ut første gong i 2021."

Framlegget fekk 21 røyster og fall (T.Helland-Uavh., R.Bø-Uavh., 2 FRP, A.Nordlund-SV, S.Toft-V, H.Weber-R, 7 AP og 7 KRF)

Vedtak

Alver kommunestyre godkjenner samarbeidsavtalen mellom KnarvikMila og Alver kommune, samt profileringsavtalen, slik desse ligg ved saka.

Behandling

Innstillinga frå utval for oppvekst, kunnskap og kultur vert samrøystes vedteke.

Vedtak

«Føreseielegheitsvedtak for bruk av utbyggingsavtalar i Alver kommune blir vedtatt slik det ligg føre i vedlegg 2.»

Behandling

innstillinga frå formannskapet vart samrøystes vedteke.

Vedtak

«Kommunestyret vedtek følgjande retningsliner for plan- og bygningslova §§ 27-1 og 27-2 om tilknyting til offentleg vass- og avløpsnett:

1. Dersom kostnaden med tilkopling til både kommunalt vatn og avlaupsanlegg er større enn 2,5 G kan kommunen vurdere å godkjenne ei anna ordning.

2. Dersom kostnaden med tilkopling til berre kommunalt vatn eller berre kommunalt avløpsanlegg er større enn 2 G kan kommunen vurdere å godkjenne ei anna ordning.

3. Dersom det nyleg er gjort store investeringar i eksisterande private anlegg og desse anlegga fungerer tilfredsstillande, kan krav om tilknyting til offentleg anlegg utsettast med inntil 15 år.

4. Summane i punkt 1 og 2 er rettleiande og gjeld for bustader.»

Behandling

Framlegg frå M.Klementsen-uavh.:

«Kommunestyret vedtek følgjande retningsliner for plan- og bygningslova §§ 27-1 og 27-2 om tilknyting til offentleg vass- og avløpsnett:

Dersom kostnaden med tilkopling til både kommunalt vatn og avlaupsanlegg er større enn 1,25 G kan kommunen vurdere å godkjenne ei anna ordning.
Dersom kostnaden med tilkopling til berre kommunalt vatn eller berre kommunalt avløpsanlegg er større enn 1 G kan kommunen vurdere å godkjenne ei anna ordning.
Dersom det nyleg (dei siste 10 åra) er gjort store investeringar i eksisterande private anlegg og desse anlegga fungerer tilfredsstillande, kan krav om tilknyting til offentleg anlegg utsettast med inntil 15 år. 4. Summane i punkt 1 og 2 er rettleiande og gjeld for bustader.

Framlegget fekk 12 røyster og fall (8 Uavh., 1 V, 1 R, 1 SV og Ø.Moldeklev-Frp.)

Forslag frå SP, Ap, KrF og Høgre ved T.Larsen-H:

Endre tredje punkt i Formannskapet sin innstilling til:

3. Dersom det nyleg er gjort store investeringar i eksisterande private anlegg og desse anlegga fungerer tilfredsstillande, kan krav om tilknyting til offentleg anlegg utsettast med inntil 15 år.

Framlegget fekk 40 røyster, mot 3 røyster (M.Klementsen-Uavh., R.Bø-Uavh. og Y.Walaker-Uavh.)

Innstilling frå formannskapet med endring frå T.Larsen vart vedteke med 31 røyster (8 SP, 7 AP, 7 H, 7 KRF, M.Greve-MDG og T.Øvretveit-FRP.)

L.Johnsen deltok ikkje under votering av denne saka.

Vedtak

«Retningsliner for inngåing av mva-avtalar som ledd i gjennomføring av arealplanar i Alver kommune blir vedtatt slik dei ligg føre i vedlegg 1.»

Behandling

Innstilling frå formannskapet vart samrøystes vedtke.

Ø-Moldeklev-FRP var ikkje tilstades under røysting i denne saka.

Vedtak

Alver kommune avsluttar arbeidet med å finne lokale til Alver E-sport då intensjonen med verbalpunktet er rekna som oppfylt.

Behandling

Innsillinga frå formannskapet vart samrøystes vedteke

Vedtak

Kommunestyret vedtek reglement for styring av investeringsprosjekt slik det ligg føre i vedlegg til saka.

Behandling

Innstillinga frå formannskapet vart samrøystes vedteke.

Vedtak

«Kommunestyret løyver kr 2,3 mill til arrondering og mellombels opparbeiding av areal mellom Helsehuset og Kvassnesstemma, GBNR 188/370, 188/737.
Av dette utgjer kr 0,5 mill eks mva kostnader til VA og kr 1,8 mill eks mva kostnader til veg.

Investeringsbudsjettet for 2021 vert auka med kr 0,5 mill på VA (ekskl. mva) og kr 2,25 mill på veg (inkl. mva).

Auken vert finansiert med bruk av lånemidlar med kr 2,3 mill og auke i mva-refusjon på kr 0,45 mill.»

Behandling

Orientering ved eigedomssjef Line M.Valle

Innstillinga frå formannskapet vart samrøystes vedteke.

Vedtak

Kommunestyret vedtek nytt mandat slik det ligg føre i vedlegg til saka

Behandling

Innstillinga frå formannskapet vart samrøystes vedteke.

Vedtak

Kommunestyret tek scenarioanalysen Nordhordland/Alver til orientering. Det er viktig å ha eit høgt fokus på næringsutvikling i regionen, mellom anna med tenke på arbeidsplassutvikling.

Alver kommune skal nytte scenarioanalysen som eit kunnskapsgrunnlag for planprosessar, strategiar og aktuelle utviklingsprosessar, og kjem tilbake til mål og tiltak i kommuneplanen sin samfunnsdel og strategisk næringsplan.

Kommunestyret viser til vedtak i Regionrådet 16.04.21 med å setje ned ei arbeidsgruppe som skal arbeide vidare med scenarioanalysen. Alver kommune vil aktivt følgje opp dette arbeidet.

Behandling

Framlegg frå S.Lavik-KRF:

Kommunestyret utset handsaming av sak 066/21 om scenarioanalysen for Nordhordland/Alver. Saka blir teken opp igjen til drøfting og evt. uttale i neste politiske runde, i næringsutvalet og i kommunestyret.

Framlegget fekk 9 røyster og fall (2 MDG, 1 SV og 6 KRF)

Innstilling frå utval for næringsutvikling og drift fekk

Forslag frå SP, Ap, Høgre, FrP og uavh. ved T.Larsen-H:

Kommunestyret tek scenarioanalysen Nordhordland/Alver til orientering. Det er viktig å ha eit høgt fokus på næringsutvikling i regionen, mellom anna med tenke på arbeidsplassutvikling.

Alver kommune skal nytte scenarioanalysen som eit kunnskapsgrunnlag for planprosessar, strategiar og aktuelle utviklingsprosessar, og kjem tilbake til mål og tiltak i kommuneplanen sin samfunnsdel og strategisk næringsplan.

Kommunestyret viser til vedtak i Regionrådet 16.04.21 med å setje ned ei arbeidsgruppe som skal arbeide vidare med scenarioanalysen. Alver kommune vil aktivt følgje opp dette arbeidet.

Framlegget vart vedteke med 35 røyster (8 SP, 7 AP, 7 H, 9 Uavh., 2 FRP, 1 V og 1 R.)

Vedtak

Kommunestyret godkjenner framlegg til politivedtekter for Alver kommune, med følgjende formulering knytt til tigging:

Tigging utgår frå vedtektene. (§2-4 vert tatt vekk, og dei påfølgjande paragrafane blir oppdaterte med rett nummer)

Behandling

Innstillinga frå formannskapet vart vedteke med 30 røyster

Framlegg frå T.Larsen-H:

§2-4. Tigging skal lyde:

Tigging på offentleg stad eller frå hus til hus, kan berre skje etter at det først er sendt melding til

politiet som kan setja vilkår om tid og stad for tigginga.

Framlegget fekk 14 røyster og fall (7 H, 2 FRP, S.Hopland-Uavh., Y.Walaker-Uavh., R.Bø-Uavh., H.Dale-Uavh. og E.Nævdal-Uavh.)

Vedtak

Meldinga er teke til orientering

Behandling

Under meldingar i ettertid: ta med protokollar frå møta i regionrådet, gjennomgang av kva som skal leggjast fram under meldingar.

Rådmannen sitt framlegg med tillegg vart samrøystes vedteke.