Møte i Utval for helse og omsorg den 08.11.2022

Vedtak

Innkalling og saksliste vert godkjent.

Behandling

Utvalsleiar Ståle Hauge-AP løfta fram sak 046/22 til etter sak 041/22.

Utvalet godkjende samrøystes innkalling og saksliste med endring gjort i møtet.

Vedtak

Møteprotokollen vert godkjent.

Behandling

Utvalet godkjende samrøystes møteprotokollen for 04.10.2022.

Vedtak

Utvalet kjem med følgjande innstilling i saka:

Alver kommunestyre godkjenner å forlenge prøveordning med kommunalt følgje på ferie- og fritidsreise for personar med nedsett funksjonsevne ut 2023.

Ubrukte fondsmidlar til føremålet vert overført frå 2022 til 2023. Om tilgjengelege fondsmidlar i 2023 ikkje er tilstrekkjeleg, jamfør søknadstal, vert det fremja eiga sak.

Det vert utforma evalueringsrapport innan desember 2023.

Behandling

Utvalet vedtok samrøystes kommunaldirektøren sitt framlegg.

Vedtak

Utvalet for helse og omsorg kjem med følgjande innstilling i saka:

Alver kommunestyre godkjenner kommunal retningslinje for velferds- og arbeidsrelaterte aktivitetstiltak hjå vekstbedrift i Alver kommune jamfør vedlegg.
Utval for helse og omsorg ber kommunaldirektøren komme tilbake i kommunestyret om konsekvensen av å endre ordbruken i retningslinja  frå aktivitetstiltak til oppgåve.

Behandling

Sølvi Knudsen-SP er fast møtande 1.varamedlem til styret i Gløde, og ho ba utvalet vurdera sin habilitet i denne saka. Utvalet konkluderte samrøystes med at Knudsen er habil, og ho deltok i handsaminga av saka.

Utvalsleiar Ståle Hauge-AP sette fram følgjande felles tilleggsframlegg til kommunedirektøren sitt framlegg:

Utval for helse og omsorg ber kommunaldirektøren komme tilbake i kommunestyret om konsekvensen av å endre ordbruken i retningslinja  frå aktivitetstiltak til oppgåve.

Utvalet vedtok samrøystes kommunedirektøren sitt framlegg med tilleggsframlegg sett fram i møtet.

Vedtak

Utvalet kjem med følgjande innstilling i saka:

Alver kommunestyre godkjenner følgjande:

1. Røsvikrenen 4-6 vert tatt i bruk som avlastingsbustad, som alternativ til noverande avlastingstilbod på Ostereidet, Røsvikrenen i Knarvik og Havnevegen på Frekhaug.

2. Klargjering av bustad vert finansiert innanfor gjeldande budsjettramme.

Behandling

Utvalet vedtok samrøystes kommunedirektøren sitt framlegg.

Vedtak

Meldingar vert tekne til orientering.

Utval for helse og omsorg gjev si tilslutning til brev frå IMDI, og er positiv til å busetje flyktningar frå Ukraina som har tilknyting til allereie busette personar i kommunen (dette gjeld tilknyting både til familie og vener/sosiale relasjonar). Dette gjeld i tillegg til dei 180 som alt er busette.

Behandling

Det vart gjeve følgjande meldingar og orienteringar:

1. Prosjekt leiing, kvalitetsforbetring og ressurseffektiv drift – status v/Eva Mikkelsen-prosjektleiar/Simon Grandahl-rådgjevar helse og omsorg/Vibeke Erstad-tenesteleiar Psykisk helse og rus/Bernt Fjordheim-tenesteleiar Habiliteringstenester.

2. Status oppfølging av politiske saker - v/Leni Dale-kommunalsjef helse og omsorg

3. Notat - busetting av flyktningar - v/Arngunna Haga-avdelingsleiar NAV
Notatet vart lagt ved saka og ettersendt utvalet før møtet.

May-Irene Wergeland-SP sette fram følgjande felles protokolltilførsel knytt til orientering nr 3:
Utval for helse og omsorg gjev si tilslutning til brev frå IMDI, og er positiv til å busetje flyktningar frå Ukraina som har tilknyting til allereie busette personar i kommunen (dette gjeld tilknyting både til familie og vener/sosiale relasjonar). Dette gjeld i tillegg til dei 180 som alt er busette.

Utvalet vedtok samrøystes meldingar og orienteringar med protokolltilførsel sett fram i møtet.

Vedtak

Saka vert teke til orientering.

Punkt om Selskap- og utbyttepolitikk - Mål på effektivitet, setning 2 endrast til:For selskap der det føreligg andre spesifikt definerte mål, og som ikkje opererer i ein marknad, vil forventa avkastning kunne erstattast av andre mål, som å levere på det spesifikke formålet for selskapet.

Behandling

Assisterande kommunedirektør Martin Kulild orienterte i saka.

Utvalsleiar Ståle Hauge-AP sette fram følgjande felles tilleggsframlegg til kommunedirektøren sitt framlegg:

Punkt om Selskap- og utbyttepolitikk - Mål på effektivitet, setning 2 endrast til:
For selskap der det føreligg andre spesifikt definerte mål, og som ikkje opererer i ein marknad, vil forventa avkastning kunne erstattast av andre mål, som å levere på det spesifikke formålet for selskapet.

Utvalet vedtok samrøystes kommunedirektøren sitt framlegg til vedtak, med felles tilleggsframlegg sett fram i møtet.

Vedtak

Utval for helse og omsorg kjem med følgjande innstilling i saka:
Alver kommunestyre tek saka til orientering og ØHD-tilbodet i kommunen vert frå 01.01.2023 organisert ved Knarvik sjukeheim, korttidsavdeling.

Behandling

Kommuneoverlege Terese Folgerø orienterte i saka.

Utvalet vedtok samrøystes kommunedirektøren sitt framlegg.