Møte i Utval for areal, plan og miljø den 24.05.2023

Vedtak

Innkalling og saksliste vart godkjent.

Behandling

Ingen merknader, samrøystes.

Vedtak

Møteprotokoll frå møte - 26.04.2023 vart godkjent.

Behandling

Møteprotokoll frå møte - 26.04.2023 vert godkjent, samrøystes.

Vedtak

Meldinga vart teke til orientering.

Behandling

Ingen merknader, samrøystes.

Vedtak

I medhald av plan- og bygningslova § 12-11, og i høve delegert mynde, legg Utval for areal, plan og miljø følgjande forslag til reguleringsplan ut til offentleg ettersyn:

Manger, gnr.445, bnr. 84, 322, 506 mfl. Plan-id 4631 2022 007, vist på plankart sist datert 21.03.2023, med tilhøyrande føresegner datert 21.03.2023.

Før planen vert lagt ut til offentleg ettersyn skal det ligge føre komplett illustrasjonsplan som m.a. viser reelt uteareal, og det skal framkome illustrasjonar med snitt og perspektiv som syner eksisterande og framtidig situasjon i riktig volum og høgde.

Som føresetnad for det vidare planarbeidet vert det lagt til grunn at:

• Føresegnene i større grad sikrar funksjonell og bevisst arkitektur

• Det vert vurdert parkeringskjellar på BKS1 fram mot 2. gongs handsaming

• Private balkongar/uteareal skal vere sørvest-vendte

• Føresegnene sikrar fysisk skilje mellom leike- og køyreareal

• Det vert sett krav til estetikk og utforming av støyskjerm på BKS1

• Føresegner om støy vert kvalitetssikra

Behandling

Kommunedirektøren sitt framlegg vart samrøystes vedteke.

Vedtak

Innstilling i APM - 24.05.2023:

Kommunestyre gjev sin tilslutning til vedtak av nye grenseverdiar og risikomatrise for Alver kommune.

Behandling

Orientering til saka v/Ståle Hauge-rådgjevar Samfunnsutvikling stab. re Frøysland Grande-avdelingsleiar Arealforvaltning og Edvard Hviding-rådgjevar Plan og analyse svara på spørsmål frå utvalet.

Kommunedirektøren sitt framlegg vart samrøystes vedteke.

Vedtak

Utval for areal, plan og miljø vedtar følgjande klargjering av rammene for arbeidet med kommuneplanen sin arealdel for Alver (plan id 4631-2022001):

Kommuneplanen sin arealdel for Alver skal omfatte heile Alver kommune. I planarbeidet kan det gjerast faglege og politiske endringar i heile planområdet, inkludert områder som det i planprogrammet, kap. 5 Innspel til arealdelen, ikkje er opna opp for innspel innanfor.

Behandling

Kommunedirektøren sitt framlegg vart samrøystes vedteke.

Vedtak

Meldinga vart teken til orientering.

Behandling

Marte Hagen Eriksrud-rådgjevar Plan og analyse orienterte om status for kommuneplanen sin arealdel for Alver.

Meldinga vert teken til orientering, samrøystes.