Møte i Eldreråd den 09.03.2020

Vedtak

Innkalling og saksliste vert godkjent.

Behandling

Eldrerådet godkjende innkalling og saksliste.

Vedtak

Møteprotokollen vert godkjent.

Behandling

Eldrerådet godkjende møteprotokoll frå møte 3. februar.

Vedtak

Sigurd Knudsen og Jostein Dale vert valde som medlemmar i arbeidsgruppa for Den kulturelle spaserstokken.

Behandling

Kommunalsjef Leni Dale orienterte om saka.

Kirsti Gjetle Floen (Ap) gjorde framlegg om at eldrerådet vel to representantar til arbeidsgruppa for den kulturelle spaserstokken i Alver kommune.

Magne Rifsgård gjorde framlegg på Sigurd Knudsen som medlem.
Kirsti Gjetle Floen gjorde framlegg på Jostein Dale som medlem.

Framlegg sett fram i møtet vart samrøystes vedteke.

Vedtak

Eldrerådet vel følgjande representantar til "Trivselskomiteen" v/Meland helselag for perioden 2020-2023:

Representantar: Sigurd Knudsen og Klara Mongstad
Vararepresentant: Klara Hansen

Behandling

Medlem i eldrerådet, Sigurd Knudsen, orienterte om Trivselskomiteen i Meland helselag og om testamentet etter Malvin Hylland, med midlar til trivselstiltak for eldre og funksjonshemma.

Magne Rifsgård sette fram følgjande framlegg:
Eldrerådet vel følgjande representantar til "Trivselskomiteen" v/Meland helselag for perioden 2020-2023:

Representantar: Sigurd Knudsen og Klara Mongstad
Vararepresentant: Klara Hansen

Eldrerådet vedtok samrøystes framlegg sett fram i møtet.

Vedtak

Meldingar og orienteringar vert tekne til orientering.

Behandling

Orientering 1-3 vart halde i felles fora med eldrerådet og råd for meneske med nedsett funksjonsevne.

Deretter gjekk dei to råda kvar til seg.

Val av representantar til referansegruppe:
I tilknyting til orientering 3 - mandat feriereiser for personar med hjelpebehov, vart det i eldrerådet sett fram følgjande felles framlegg:
Representantar til referansegruppe: Kirsti Gjetle Floen Olav M. Steinsland

Eldrerådet vedtok felles framlegg sett fram i møtet.

Plassering av dagsturhytter:
Leiar i eldrerådet, Olav M. Steinsland informerte om ein invitasjon frå kultursektoren i Alver kommune om å vera med på møte om plassering av dei tre dagsturhyttene som skal byggast i Alver.
Det vart sett fram følgjande felles framlegg:
Helge Arne Kolås og Sigurd Knudsen representerer eldrerådet på møte om dagsturhytter i Alver kommune.
Torill S. Syslak er vararepresentant.

Eldrerådet vedtok felles framlegg sett fram i møtet.

På spørsmål orienterte kommunalsjef Leni Dale om status for utskrivingsklare pasientar frå sjukehus, og sa at det er eit temmeleg stort trykk for å ta imot pasientar.

Sigurd Knudsen reiste spørsmål om nedbemanning/stenging av dagsenter om sommaren.
Kommunalsjef Leni Dale svara at det er aktuelt å nedbemanna/stenga dagsenter i delar av sommaren, alt etter behov.

Sigurd Knudsen spurde om det er slik at bebuarar på Meland sjukeheim ikkje kan nytta seg av tilbod på dagsenteret.
Kommunalsjef Leni Dale svara at bebuarane på sjukeheimen i Meland kan nytta seg av dagsenteret, men må ha med seg personale.

Sigurd Knudsen informerte om pensjonistlaget sitt arrangement "Musikalsk kafe" i det nyrestaurerte Meieriet på Frekhaug, og om turlagsguppa Ganglajet.

Orientering om velferdsteknologi: Tenesteleiar Bente Fjeldstad Helland i heimetenesta i Alver kommune, og koordinator i velferdsteknologi i Alver kommune, Hildegunn Baravelli, gav eldrerådet ei grundig innføring i velferdsteknologi.

Organisering av arbeidet: Leiaren i eldrerådet innleia til ei drøfting av arbeidet/organisering i rådet.
Kirsti Gjetle Floen - som også er medlem i Utval for helse og omsorg, gjorde framlegg om at ho kunne informera om aktuelle saker i helse og omsorg, noko eldrerådet slutta seg til.

Eldrerådet tok meldingar og orienteringar til orientering, med dei tillegg som kom fram i møtet.