Møte i Alver formannskap den 14.10.2021

Vedtak

Innkalling og saksliste er godkjent.

Behandling

Ingen merknader, samrøystes.

Vedtak

Møteprotokollen er godkjent.

Behandling

Ingen merknader, samrøystes.

Vedtak

1. Kommunestyret tek økonomirapport pr. 2 tertial 2021 til orientering.

2. Det vert føreteke budsjettjusteringar knytt til drift, sentrale poster og disposisjonsfond for 2021 slik det går fram av "status drift for kommune (1A)" og "status drift for tenesteområdene (1B).

3. Rådmannen får fullmakt til å budsjettjustere innsparing knytt til pensjon 2021 (totalt 2,7 mill kr) som er lagt til under administrativ styring og støttefunksjoner til tenesteområda under hver sektor.

4. Dei ulike postane i oppsettet under tabell koronarekneskap, vert budsjettjustert i samsvar med påløpte utgifter (både sentrale postar og driftsposter og overføring frå drift til investering). Rådmannen får fullmakt til å budsjettjustere endringar gjennom året i samsvar med mottatt finansiering (auke i rammetilskott og/ eller andre koronatilskot). Ein føresetnad for å justere driftspostar knytt til Covid-19 er at det er ført på eige objekt knytt til koronarekneskap. Det skal leggjast fram oversyn over koronarekneskapen med finansiering i samband med årsmeldinga.

5. Rådmannen får fullmakt til å budsjettjustere endringar gjennom året knytt til meirutgifter kommunesamanslåing. Ein føresetnad for å finansiere merutgifter knytt til kommunesamanslåing er at dei er ført på ansvar kommunesamanslåing eller eige objekt, og at dei avsette fondsmidlane på fond for kommunesammenslåing dekker meirutgiftene. Det skal leggast fram oversyn over kva utgifter som er dekka av kommunesamanslåingsmidlane i samband med årsmeldinga.

6. Det vert føreteke budsjettjusteringar knytt til investering for 2021 slik det går fram av "status Investering og finansiering (2A)" og "Status Investeringar (2B).
   I sum vert investeringsutgiftene redusert med kr 40,9 mill. til kr 475,5 mill.  
   Endring i finansiering (netto reduksjon kr 40,9 mill):

• Bruk av lånemidlar vert redusert med kr 46,3 mill.

• Kompensasjon for merverdiavgift vert redusert med kr 3,9 mill.

• Auke i bruk av bundne investeringsfond kr 9,3 mill.

7. Finansrapport vert tatt til orientering.

Kommunestyret vedtar investeringsrekneskapet med unntak av prosjekt Hestdal – nytt vassbehandlingsanlegg. Kommunestyret avventar politisk sak i november.

Auka kapasitet byggjesak 200 000 kr.

Kommunestyret legg inn midlar til å auke kapasitet på byggjesak, for å ta få ned sakshandsamingstida og etterslepet på byggjesak. Ved behov for ytterlegare auke i kapasitet, ber kommunestyret rådmannen setje i gong hensiktsmessige tiltak og rapportere til kommunestyret ved behov for ytterlegare finansiering.

Kommunestyret vil leggje inn 800 000 kr til auka kapasitet byggjesak i budsjett for 2022. Evt. vidare finansiering avklarast i økonomiplanarbeidet for 2023-2026.

Tiltaket vert finansiert ved auka bruk av disposisjonsfond.

Behandling

Tillegg tilrådmannen sitt framlegg:

Kommunestyret vedtar investeringsrekneskapet med unntak av prosjekt Hestdal – nytt vassbehandlingsanlegg. Kommunestyret avventar politisk sak i november.

Rådmannen sitt framlegg med tillegg vart samrøystes vedteke.

Framlegg frå H, Krf, Ap og Sp ved S.Sekkingstad-Sp:

Auka kapasitet byggjesak 200 000 kr.

Kommunestyret legg inn midlar til å auke kapasitet på byggjesak, for å ta få ned sakshandsamingstida og etterslepet på byggjesak. Ved behov for ytterlegare auke i kapasitet, ber kommunestyret rådmannen setje i gong hensiktsmessige tiltak og rapportere til kommunestyret ved behov for ytterlegare finansiering.

Kommunestyret vil leggje inn 800 000 kr til auka kapasitet byggjesak i budsjett for 2022. Evt. vidare finansiering avklarast i økonomiplanarbeidet for 2023-2026.

Tiltaket vert finansiert ved auka bruk av disposisjonsfond.

Framlegget vart samrøystes vedteke.

Vedtak

1. Kvasten avlastningsbustad får auka kapasitet med 3 plassar. Samla kapasitet etter auke vert då 8 plassar

2. Kommunen reduserer kjøp av private avlastingstenester. Det er ein føresetnad for reduksjon kjøp av teneste at målgruppe opprettheld kvalitet i tenestetilbod i kommunal regi.

3. Starte arbeide med å finne eigna lokaler for å samlokalisere avlastingstiltaka som i dag vert gitt i Røsvikrenen i Knarvik, Havnevegen på Frekhaug og på Ostereidet. Målet er betre kvalitet og kostnadseffektiv drift. Kommunestyret ber rådmannen kome attende med ei sak om lokalisering, val av bygg/nybygg og eventuell økonomisk innsparing ved ei samlokalisering av desse avlastingstiltaka.

Behandling

Framlegg frå Sp, Ap, KrF og Høgre ved T.Larsen-H:

Tillegg til rådmannen sitt framlegg:

c) Kommunestyret ber rådmannen kome attende med ei sak om lokalisering, val av bygg/nybygg og eventuell økonomisk innsparing ved ei samlokalisering av desse avlastingstiltaka.

Rådmannen sitt framlegg vart samrøystes vedteke.

Tilleggsframlegget vart samrøystes vedteke.

Vedtak

• Alver kommune tilrår alternativ N1 med lang tunnel mellom Vågsbotn og Tellevikområdet, og kryssprinsipp A i Vågsbotn, slik det kjem fram i framlegg til kommunedelplan for E16/E39 Arna-Vågsbotn-Klauvaneset.

• Alver kommune støttar at det berre skal etablerast trafikkregulerande tiltak med skilt og oppmerking etter vedtak frå Statens vegvesen etter veglova.

• Alver kommune er opptatt av å sikre optimal framdrift på parsellen Vågsbotn-Klauvaneset, og ber derfor om at det vert gjennomført to separate reguleringsplanar for Ringveg Øst.

Behandling

Fellesframlegg frå Sp, AP, KrF og H ved Ø.Oddekalv-Ap:

Nytt kulepunkt:

Alver kommune er opptatt av å sikre optimal framdrift på parsellen Vågsbotn-Klauvaneset, og ber derfor om at det vert gjennomført to separate reguleringsplanar for Ringveg Øst.

Siste setning i kulepunkt 2 går ut.

Framlegget vart samrøystes vedteke.

Framlegg frå M.Klementsen-uavh.:

Nytt kulepunkt: Alver kommune meiner at bompengetrykket for innbyggarane i Nordhordland allereie er høgt. Alver kommune føreset at E16/E39 vert utan bompengefinansiering.

Framlegget fekk 3 røyster og fall (M.Klementsen-uavh., M.Færø-uavh.og T.Sletten-Hansen-uavh.)

Rådmannen sitt framlegg vart samrøystes vedteke.

Vedtak

Spørsmål 4 til 13 vert meldt attende til kyrkjerådet, i tråd med saksutgreiinga

Nytt svar på punkt 4 og 13

Alver kommune meiner det vert ei stor utfordring med å finne ein finansieringsmodell som fleire kommunar kan slutte seg. Dette vil krevje så mykje energi at det vil gå utover arbeidet. Denne utfordringa synest undervurdert. I anna slikt kommunalt samarbeid vil ein som regel ha representanter frå den politiske eller den administrativte leiinga. Det gjer at ein kan finne fram til modeller og fordeling som kan fungere. Med eit prostifellesråd meiner Alver kommune at det kan bli større "avstand" til den kommunale leiinga og vanskelegare å få til ei felles forståing som alle kommunane i prostiet kan slutte seg til. Risikoen for at den foreslåtte prostimodellen vil gje for stor slitasje er for stor.

Alver kommune vil også peike på at det verkar noko uklart korleis det nye prostifellesrådet skal vere samansatt. Dersom alle kommunane skal vere representert så kan det bli eit stort fellesråd noko som gjer det vanskeleg å få det til å fungere som eit "styre".

For mindre kommunar bør det vere mogleg å få til samarbeid på tvers av kommunegrensene som bygger på avtaler som kommunane blir samde om.

Konklusjon:

Alver kommune meiner at det ikkje er formålstenleg å ha eit fellesråd på prostinivå, og meiner dagens organisering med eit fellesråd på kommunalt nivå må oppretthaldast.

Behandling

Framlegg frå SP, AP, KRF, H ved A.AA.Byrknes-Krf:

Framlegg til vedtak med nytt svar på punkt 4 og 13

Alver kommune meiner det vert ei stor utfordring med å finne ein finansieringsmodell som fleire kommunar kan slutte seg. Dette vil krevje så mykje energi at det vil gå utover arbeidet. Denne utfordringa synest undervurdert. I anna slikt kommunalt samarbeid vil ein som regel ha representanter frå den politiske eller den administrativte leiinga. Det gjer at ein kan finne fram til modeller og fordeling som kan fungere. Med eit prostifellesråd meiner Alver kommune at det kan bli større "avstand" til den kommunale leiinga og vanskelegare å få til ei felles forståing som alle kommunane i prostiet kan slutte seg til. Risikoen for at den foreslåtte prostimodellen vil gje for stor slitasje er for stor.

Alver kommune vil også peike på at det verkar noko uklart korleis det nye prostifellesrådet skal vere samansatt. Dersom alle kommunane skal vere representert så kan det bli eit stort fellesråd noko som gjer det vanskeleg å få det til å fungere som eit "styre".

For mindre kommunar bør det vere mogleg å få til samarbeid på tvers av kommunegrensene som bygger på avtaler som kommunane blir samde om.

Konklusjon:

Alver kommune meiner at det ikkje er formålstenleg å ha eit fellesråd på prostinivå, og meiner dagens organisering med eit fellesråd på kommunalt nivå må oppretthaldast.

Framlegget vart samrøystes vedteke

Rådmannen sitt framlegg med vedtekne endringar vert samrøystes vedteke.

Vedtak

Formannskapet tar saka til orientering, og vil arbeide vidare med spørsmålet om utgreiing fram mot kommunestyremøtet.

Formannskapet ønskjer å leggje til rette for utvikling og spreidd busetnad i heile kommunen, og oppmodar gamle Romarheim-Urdal skulekrins om å ta aktivt del i prosessen med kommuneplanen sin samfunnsdel og arealdel.

Behandling

Rådmannen sitt framlegg fek ingen røyster og fall.

Framlegg frå S.Toft-V:

Alver kommune støttar at det vert sett i gang ei konsekvensutgreiing av den omsøkte grensejusteringa etter inndelingslova § 8.

Utgreiinga skal gje opplysningar om relevante tilhøve som folketal, areal, geografi, kommunikasjonstilhøve, beredskapsmessige tilhøve, pendling, , det kommunale tenestetilbodet, tilbod for barn og unge, og økonomiske verknader av ei eventuell grensejustering. Det må og drøftast kva konsekvensar ei grensejustering vil få for innbyggjarane i dei to grunnkrinsane, og kva konsekvensar ei grensejustering vil ha for dei tre aktuelle kommunane (Alver, Masfjorden og Modalen).

Det må og gjennomførast ei brei innbyggjarhøyring i dei aktuelle grunnkrinsane Romarheim og Urdal.

Framlegget fekk 5 røyster og fall (N.Øvreås-Frp, S.Toft-V, M.Færø-uavh., T.Sletten-Hansen-uavh. og M.Klementsen-uavh.)

Tilleggsframlegg frå Sp, Ap, H og KrF ved S.Sekkingstad-Sp:

Formannskapet tar saka til orientering, og vil arbeide vidare med spørsmålet om utgreiing fram mot kommunestyremøtet.

Formannskapet ønskjer å leggje til rette for utvikling og spreidd busetnad i heile kommunen, og oppmodar gamle Romarheim-Urdal skulekrins om å ta aktivt del i prosessen med kommuneplanen sin samfunnsdel og arealdel.

Framlegget vart vedteke med 8 røyster (T.Larsen-H, Ø.Oddekalv-Ap, N.Bognøy-Ap, A.Hetlebakke-Krf, A.Byrknes-Krf, M.I.Wergeland-Sp, L.H.van der Kooij-Sp og S.Sekkingstad-Sp).

Vedtak

Alver kommune løyver kr. 50 000,- i kommunebidrag til TV aksjonen 2021.

Midlane vert løyvd frå konto 11200 – 1000 – 1000

Behandling

Rådmannen sitt framlegg vart samrøystes vedteke.

Vedtak

• Kommunestyret vedtar politisk møteplan for 2022 slik den er lagt fram i saka.

Behandling

Rådmannen sitt framlegg vart samrøystes vedteke

Vedtak

Meldinga er teke til orientering

Behandling

• Protokoll Regionrådet 14.06.2021 og 03.09.2021, vedlegg

• IUA Bergen Region – protokoll styremøte 22.03.2021, vedlegg

• Resultat Åpenhetsbarometeret ved rådmann Ørjan Raknes Forthun

• Status dekksak Hjelmås, vedlegg

• Status framdrift for utviklings- og forbetringsprogram ved rådmann Ørjan Raknes Forthun

• Rettsak Equinor ved kommuneadvokat Eirik Schuz

  Orienteringa var lukka jf.kommunelova § 11.5 b. og off.lova § 18.

• Intensjonsavtale mellom Equinor Refining Norway AS-og Alver kommune om utbygging av vannforsyning til Mongstad industriområde ved rådmann Ørjan Raknes Forthun - vedlegg vart ettersendt 13.10.2021

• Status kraft ved Nh.næringslag Baste Tveito

• Gjennomgang av tal sjukeheimsplassar, omsorgsbustad pluss og andre institusjonsplassar vi har innan helse og omsorg, inkludert kapasitet, kjøp av plassar i andre kommunar og venteliste ved avd.leiar Kari Hesjedal

• Utkøyring av mat på Radøy ved tenesteleiar Eirik B.Utne

• Ny funksjonalitet og informasjon på www.alver.kommune.no ved avd.leiar Silje Andvik Hoaas

• Kommunebarometeret for Alver kommune, vedlegg

Rådmannen sitt framlegg vart samrøystes vedteke.