Møte i Alver kommunestyre den 18.02.2021

Vedtak

Innkalling og saksliste er godkjent.

Behandling

Rådmannen sitt framlegg vart samrøystes vedteke.

Vedtak

Møteprotokollen er godkjent.

Behandling

Rådmannen sitt framlegg vart samrøystes vedteke.

Vedtak

Meldinga er teke til orientering

Behandling

Innstillinga frå kontrollutvalet vart samrøystes vedteke.

Vedtak

Årsmelding 2020 frå Alver kontrollutval vert teke til orientering.

Behandling

Innstillinga frå kontrollutvalet vart samrøystes vedteke.

Vedtak

«Alver kommunestyre opprettheldt sitt vedtak gitt i sak 025/20 datert 14.5.2020. Reguleringsplan for Meland kyrkjegard skal sendas til kommunal- og moderniseringsdepartementet for endeleg avgjerd. Vedtaket er gjort med heimel i plan- og bygningslova §§ 5-6 og 12-13.»

Behandling

Framlegg frå Sp. AP, KrF og H ved Ø.Oddekalv-AP:

Altenativ 1:

«Alver kommunestyre opprettheldt sitt vedtak gitt i sak 025/20 datert 14.5.2020. Reguleringsplan for Meland kyrkjegard skal sendas til kommunal- og moderniseringsdepartementet for endeleg avgjerd. Vedtaket er gjort med heimel i plan- og bygningslova §§ 5-6 og 12-13.»

Framlegget vart samrøystes vedteke.

Vedtak

«Alver kommunestyre godkjenner framlegg til reguleringsplan for Fv. 5310 Fosse – Moldekleiv med oppgradering av Fossekrysset, PlanID. 1256 2016 0012, som vist på plankart sist datert 20.01.21og med føresegner av revisjonsdato 21.01.21.

Vedtaket er gjort med heimel i plan- og bygningslovas § 12 – 12.»

Behandling

Innstillinga frå APM vart vedteke mot 4 røyster (L.Johnsen-MDG, M.Riise-MDG, M.Morken-SV og H.Weber-R)

Vedtak

Kommunestyret gjer vedtak om å dekke minimum 50% av totalkostnaden utanom det ordinære vegbudsjettet dersom Alver kommune får tilskot til eit eller fleire omsøkte prosjekt. Kostnadene dekkast gjennom auka låneopptak for investeringar.

Søknad om tiltak nr 3: Prosjektering senke kommunal veg mot kryss og utbetre Elsåskrysset mot fv Lurevegen, vert trekt.

Behandling

Fellesframlegg ved S.Toft-V:

Innstillinga frå formannskapet med følgjande endring:

Søknad om tiltak nr 3: Prosjektering senke kommunal veg mot kryss og utbetre Elsåskrysset mot fv Lurevegen, vert trekt.

Framlegget vart samrøystes vedteke.

Vedtak

Alver kommunestyre godkjenner plan for Den kulturelle skulesekken for 2021-2024 slik han ligg ved saka.

Behandling

Innstillinga frå utval for oppvekst, kunnskap og kultur vart samrøystes vedteke.

Vedtak

Framlegg til grunnavtale for del av Leirdalen idrettsanlegg, gnr 343, bnr 132, mellom Alver kommune og Nordre Holsnøy Idrettslag vert godkjent slik den ligg føre.

Behandling

Anne Grete Eide-AP stilde spørsmål om habilitet, som styremedlem i Nordre Holsnøy Idrettslag.

Kommunestyret gjorde samrøystes vedtak om at ho er inhabil i denne saka.

Rådmannen sitt framlegg vart samrøystes vedteke.

Vedtak

Betalingsordninga som gjaldt for elevar i tidlegare Åsheim skulekrins er avslutta.

Elevane byrjar frå hausten 2021 på Lindås barneskule som er deira nærskule i Alver kommune.

Kommunestyret viser til budsjettvedtak 172/20 og vil presisere at elevane som skal starte på 10. trinn hausten 2021 skal få fullføre opplæringa si på Kaland skule.

Uavhengig av formulering av vedtak og med bakgrunn i sakens realitetar kan ikkje kommunestyret sjå at vedtak om samarbeidsavtale med Austrheim kommune - Åsheim skulekrins, sak 145/20, med presisering av vedtaket i sak 010/21, inneheldt manglar som medfører at vedtaket er ulovleg. Krav om lovlegkontroll vert send til statsforvaltaren for handsaming.

Behandling

Tilleggsframlegg frå AP, KrF, H, R, V og Øvreås-FrP ved Ø.Oddekalv-AP:

Kommunestyret viser til budsjettvedtak 172/20 og vil presisere at elevane som skal starte på 10. trinn hausten 2021 skal få fullføre opplæringa si på Kaland skule.

Uavhengig av formulering av vedtak og med bakgrunn i sakens realitetar kan ikkje kommunestyret sjå at vedtak om samarbeidsavtale med Austrheim kommune - Åsheim skulekrins, sak 145/20, med presisering av vedtaket i sak 010/21, inneheldt manglar som medfører at vedtaket er ulovleg. Krav om lovlegkontroll vert send til statsforvaltaren for handsaming.

Rådmannen sitt framlegg vart vedteke med 25 røyster mot 21 (M.Morken-SV, M.I.Wergeland-SP, Y.Walaker-UAV, S.Sekkingstad -SP, L. Hopland van der Kooij-SP, L. Johnsen-MDG, T. Sletten-Hansen-UAV, S. Knudsen-SP, S. Hopland-UAV, J. Hellestveit-SP, V. Villanger-SP, R. Bø-FrP, M. Klementsen-UAV, H. Dale-UAV, J. Askeland-SP, L. Bjørge-SP, E. Nævdal-UAV, H. Breivik-UAV, M. Færø-UAV, M. Riise-MDG, T. Helland-UAV

Tilleggsframlegget vart vedteke med 27 røyster, mot 19 røyster (M.Morken-SV, M.I.Wergeland-SP, Y.Walaker-UAV, S.Sekkingstad -SP, L. Hopland van der Kooij-SP, L. Johnsen-MDG, T. Sletten-Hansen-UAV, S. Knudsen-SP, J. Hellestveit-SP, V. Villanger-SP, R. Bø-FrP, M. Klementsen-UAV, H. Dale-UAV, J. Askeland-SP, L. Bjørge-SP, E. Nævdal-UAV, H. Breivik-UAV, M. Færø-UAV, T. Helland-UAV)

Vedtak

Framlegg til ny forskrift om tildeling av langtidsopphald i Alver kommune med merknader vert vedteken med følgjande tillegg:

Dersom Alver kommune ikkje har spesialkompetanse i sine sjukeheimar for t.d. blinde og døve, så skal kommunen søkja langtidsplass i andre kommunar for personar med slike spesielle behov, dersom brukar ynskjer dette. Alver kommune dekkjer langtidsplassen.

Behandling

Endring i innstillinga frå HO under § 10, Val av sjukeheim, frå SP, Ap, Krf,H ved E.M.Dale-KRF:

Dersom Alver kommune ikkje har spesialkompetanse i sine sjukeheimar for t.d. blinde og døve, så skal kommunen søkja langtidsplass i andre kommunar for personar med slike spesielle behov, dersom brukar ynskjer dette. Alver kommune dekkjer langtidsplassen.

Framlegget vart samrøystes vedteke

Rådmannen sitt framlegg vart samrøsyetes vedteke

Vedtak

Kommunestyret vedtek retningsliner for handsaming av Startlån slik dei ligg føre i vedlegg til saka med følgjande tillegg:

Startlån kan brukes som eigenandel til anna lån i bank.

Endring første punkt:

Alver kommune prioriterer barnefamiliar.

Personar i sårbare livssituasjonar vert også høgt prioritet, etter ei konkret og individuell vurdering.

Behandling

Framlegg frå AP ved S.Hauge-AP:

Som innstilling frå formannskapet, med endring i første kulepunkt med følgjetekst.

Endring:

Alver kommune prioritera barnefamiliar og personar som har delt omsorg og/eller samværsrett med barn.

Videre skal Husbanken sine retningsliner for utlån også nyttast som argument og grunnlag i vurdering av saker.

Framlegget fekk 8 røyster og fall (A.G. Eide-AP, S. Hauge-AP, T. Øvretveit-FrP, J.Borlaug -AP, N. Bognøy-AP, K. Floen-AP, T. Skurtveit-AP, Ø. Oddekalv-AP)

Framlegg frå H, SP og KRF ved T.Larsen-H:

Endring første punkt:

Alver kommune prioriterer barnefamiliar.

Personar i sårbare livssituasjonar vert også høgt prioritet, etter ei konkret og individuell vurdering.

Framlegget vart vedteke med 45 røyster, mot 1 (S.Hauge-AP)

Framlegg frå M.Klementsen-Uavh.:

Alver kommunestyre vedtar å følge Husbankens reglement når det gjeld Startlånmidler.

Framlegget fekk 12 røyster og fall (M.Klementsen-Uav., S.Hopland-Uav., E.Nævdal-Uav., H.Dale-Uav., T.Sletten-Hansen-Uav., H.Breivik-Uav., S.Toft-V, M.Færø-Uav., S.Knudsen-Uav., H.Fyllingsnes-Uav., T.Helland-Uav. og Y.Walaker-Uav.)

Innstillinga frå formannskapet med endring vart samrøystes vedteke

Behandling

Innstillinga frå formannskapet vart samrøystes vedteke.

Behandling

Innstillinga vart samrøystes vedteke

Behandling

Framlegg frå M.Klementsen-uavh.:

Saken utsettes for å bli behandlet når pris for leieforhold i Helsehuset er fastsatt.

Framlegget fekk 11 røyster og fall (H.Weber-R, M.Klementsen-Uav., H.Dale-Uav., H.Breivik-Uav. E.Nævdal-Uav.og T.Sletten-Hansen-Uav., L.Johnsen-MDG, Y.Walaker-Uav., S.Hopland-Uav., T.Helland-Uav. og M.Morken-SV)

Innstillinga frå formannskapet vart vedteke med 38 røyster mot 7 røyster (H.Weber-R, M.Klementsen-Uav., H.Dale-Uav., M.Færø-Uav., H.Breivik-Uav. E.Nævdal-Uav.og T.Sletten-Hansen-Uav.) M.Morken-SV var ikke tilstades under røystinga.

Vedtak

Årsmeldinga vert teke til orientering.

Behandling

Innstillinga frå råd for menneske med nedsett funksjonsevne vart samrøystes vedteke

Vedtak

Årsmeldinga for Eldrerådet 2019-2020 vert teken til orientering.

Behandling

Innstillinga frå eldrerådet vart samrøystes vedteke.

Vedtak

Alver kommunestyre takkar for innbyggjarframlegget av 8.12.2020. Då dette er ein fylkesveg, vil kommunestyret sende framlegget til Vestland fylkesting og be om at det vert funne ei «god nok» løysing på denne saka.

Behandling

Framlegg frå KRF, AP, SP og H ved A.AA.Byrknes-KRF:

Alver kommunestyre takkar for innbyggjarframlegget av 8.12.2020. Då dette er ein fylkesveg, vil kommunestyret sende framlegget til Vestland fylkesting og be om at det vert funne ei «god nok» løysing på denne saka.

Framlegget vart vedteke med 27 røyster, mot 17 røyster (10 Uav., L.Hopland van der Kooij-SP, S.Knudsen-SP, 2 MDG, 1 V, 1 R og 1 SV)

Roy Bø-Frp var ikkje tilstade under røystinga.

Framlgg S.Toft-V:

1 Kommunestyret gjer vedtak om å dekke prosjekteringskostnader for å laga byggjeplanog kostnadsoverslag for etablering av fortau fra Blåklokka barnehage til Tveit veikryss

Kostnadene skal dekkast gjennom auka låneopptak for investeringar.

Det vert lagt opp til at prosjektet kan vera klart til å søka om trafikksikringsmidlar i løpet av 2021.

Framlegget fekk 17 røyster og fall L.Hopland van der Kooij-SP, M.I.Wergeland-SP, 2 MDG, 1 V, 1 R og 1 SV)

Roy Bø-Frp var ikkje tilstade under røystinga.

Vedtak

Jan Arild Lindaas blir vald som nytt fast medlem i Rådet for menneske med nedsett funksjonsevne for resten av inneverande valperiode.

Konrad Risnes held fram som første vararepresentant.

Behandling

Innstilling frå valnemnda vart lagt fram i møtet:

Jan Arild Lindaas blir vald som nytt fast medlem i Rådet for menneske med nedsett funksjonsevne for resten av inneverande valperiode.

Konrad Risnes held fram som første vararepresentant.

Innstillinga vart samrøystes vedteke.

Vedtak

Meldinga vert teke til orientering.

Behandling

Rådmannen sitt framlegg vart samrøystes vedteke.

Behandling

Spørsmål frå Sølvi Knudsen-SP:

Fylkesvegen frå Myrvollane til Meland er eit mykje brukt vegstrekk. Vegen er uoversiktleg med få møteplassar.

Dette vegstrekket vil verta ein svært viktig og mykje brukt veg når vegprosjektet Fosse-Moldekleiv kjem i gong. Sjølv om dette er fylkesveg bør Alver kommune føla ansvar for at det vert minst mogeleg ulempe både for persontrafikk og varetransport i anleggstida.

I dag pågår det eit stort kommunalt anleggsarbeid nær denne vegen. Spørsmålet til kommunen er følgjande:

Har Alver kommune vurdert å samhandla med Vestland fylke om fleire møteplassar på dette omtalte vegstrekket dersom kommunen har steinmassar til overs i samband med vassprosjektet?

For oss som køyrer denne vegen er det trong for å betra tafikktryggleiken i Grågotna, og tenkjer at det kanskje går an «å slå to fluger i ein smekk»

Vonar på ei god samarbeidsløysing.

Svar frå ordførar:

Per i dag har me ikkje vore i konkret dialog om dette med fylkeskommunen. Arbeidet langs Håtuftvegen følgjer reguleringsplan for området. Prosjektet har pr i dag massar som skal brukast i samband med vidare arbeid mot Grasdal og strekninga Myrvollane - Moldekleiv. Når desse massane er handtert vil det ikkje vere noko masseoverskot i prosjektet. Det er pr i dag ikkje sett av eigne midlar hjå kommunen til å evt opparbeide fleire møteplassar på strekninga Myrvollane – Meland.

Kommunen stiller seg positive til å ha dialog med VLFK om møteplassar og evt opparbeiding av fleire slike. Dette vil måtte sjåast i samanheng med eigedomstilhøve, regulerte områder og sjølvsagt trafikksikkerheit.

Spørsmål frå Sølvi Knudsen-SP:

For kort tid sidan vart ein kjent med at bygdefolk i Vestbygd i gamle Meland bad om at ein i samband med leggjing av vassleidning fram til krysset ved Tveit la til rette for gåande og syklande langs dette vegstrekket som er fylkesveg.

Slik eg har forstått det vert bygdefolket høyrt og det vert moglegheit for gåande og syklande å ta seg fram langs dette strekket.

Dette er svært bra.

Det pågår av og til tilsvarande arbeid langs kommunale vegar. No er det eit stort vassprosjekt fråpumpehuset på Hestdal og til krysset ved vegen som går til Meland.

På slike vegstrekk får ein aldri noko fortau eller liknande utan at det vert knytt til slike prosjekt.

Mine spørsmål er difor:

* Har det vore vurdert å leggja til rette enkle løysingar for gåande og syklande på dette vegstrekket eller delar av det?

* Kva rutinar er det i Alver kommune i forkant av slike prosjekt. Vertr ein skal planleggja store eller mindre prosjekt?

* Vert det arbeidd tverrfagleg mellom vass- og vegansvarlege, kultur og landbruk og dei som er ansvarlege på trafikktryggleik?

Dersom ein har ein god tverrfagleg arbeidsmodell i Alver kommune kan då ein slik modell også vera ein arbeidsmetode i samhandling med fylket vedk. prosjekt langs fylkevegane?

Svar frå ordførar:

* Har det vore vurdert å leggja til rette enkle løysingar for gåande og syklande på dette vegstrekket eller delar av det?

I prosjektet slik det vert bygd no er det ikkje vurdert g/s-veg eller fortau som del av det kommunale prosjektet. Det kommunale prosjektet omhandlar vatn og avløp knytt til det nye vannbehandlingsanlegget. Langs med fylkesvegen er det ikkje regulert inn areal til fortau eller gang- og sykkelveg. For å etablere lovleg g/s-veg må regulering og avklaringar opp mot VLFK på plass.

* Kva rutinar er det i Alver kommune i forkant av slike prosjekt. Vert det vurdert kva ein kan få gjort av forbetringar for eit område/bygder når ein skal planleggja store eller mindre prosjekt?

Gjennom reglement for investeringsprosjekt vil ein sikre at behovsavklaringar i forkant av ei løyving av midlar tek for seg alle sider knytt til ei utbygging. Det vert lagt opp til brukargrupper og referansegrupper internt i kommunen og også med relevante eksterne partar. Slik er meininga at ein skal kunne fange opp synergiar på ein betre måte. Metodikken er ny for Alver, slik at ein del av dei pågåande prosjekta vi har gåande no ikkje har vore planlagt på denne måten i alle tilfeller. Økonomien vil i mange tilfeller også avgrense handlingsrommet, men dette skal no synleggjerast betre gjennom tidlegfasen (konseptfasen) av eit prosjekt.

* Vert det arbeidd tverrfagleg mellom vass- og vegansvarlege, kultur og landbruk og dei som er ansvarlege på trafikktryggleik?

Det vert arbeid på tvers i forvaltninga og samfunnsutvikling. Det er etablert felles fora for å kunne diskutere saker på tvers. I prosjekta er nemnde grupper (sjå over) også sett saman av ulike fagområder for å gjere samhandlinga og behovsvurderinga betre og meir heilskapleg.

Dersom ein har ein god tverrfagleg arbeidsmodell i Alver kommune kan då ein slik modell også vera ein arbeidsmetode i samhandling med fylket vedk. prosjekt langs fylkevegane?

Ja, mogelegvis kan ei tverrfagleg prosjektgruppe/samhandlingsgruppe fungere godt også opp mot eksterne partar som VLFK

Spørsmål frå Liv Hopland van der Kooij-SP:

 I møte 31.okt. 2019 gjorde Alver kommunestyre følgjande vedtak i sak 017/19 :

«Med heimel i lov 11. april 1980 nr. 5 om målbruk i offentleg teneste (mållova) § 5 første ledd skal Alver kommune ha nynorsk som målvedtak.

Alver kommune skal ha nynorsk som administrasjonsspråk.

Rådmannen kjem tilbake med sak om kva det skal innebere» 

Alver Senterparti etterlyser oppfølging av dette vedtaket, som me meiner bør føra fram til ein

Målbruksplan for Alver kommune.

Kan ordføraren tidfesta oppfølging av vedtaket frå 2019 ?

Svar frå ordførar:

Interpellasjon frå Leif Johnsen og Maya Riise-MDG:

Forureining frå næringsverksemd i Nordhordland har kome sterkt i fokus i det siste, også nasjonalt. Equinorlekkasjane på Mongstad synest mest alvorleg, med Miljødirektoratet sterkt involvert. Omfanget av miljø- og helserisiko er uvisst. Så kom avdekkinga av den enorme dekkdumpinga ved Hjelmås kai. Men forureining med påvist mest alvorleg naturøydelegging, er forgiftinga, nær utryddinga, av den levedyktige raudlista elvemuslingstammen i Mjåtveitelva så seint som i 2012.
Særleg det siste døme viser trist og tydeleg korleis miljøverntiltak i lovverket ikkje hindrar forureining, at krav i Plan og bygningsloven kjem til kort. Etter muslingmassakren kravde fylket at forureining til elva «ikkje skal skje», stammen skal reetablerast. Trass dette har forureining frå næringstiltak skjedd fleire gonger, og dei siste åra har kommunen stoppa verksemd der, ofte etter varsling og bekymringsmelding frå Mjåtveitelvens foreining (frivillig org.) Meland brukte regelverk i Plan og bygningsloven for å hindre forureining. Likevel skjedde forureining på nytt og på nytt, sist i des. 2020, då stoppa av Alver kommune. Ulike utbyggjarar har brote krava, utan at det har fått andre konsekvensar for dei enn midlertidig stopp, til avbøtande tiltak – som var nedsette i oppstartsløyve og skulle vore på plass - blei iverksette. Forureining skjer, gong på gong, forureinar betalar ikkje, naturen betalar. Ulovleg verksemd får ingen konsekvensar. Plan og bygningsloven hindrar ikkje forureining.

Denne historia viser at noverande praktisering av Plan og bygningsloven ikkje forhindrar forureining, eller at næringsaktørar opptrer ulovleg, av uvit og mot betre vitande, og slepp frå det. Eit anna krav som ikkje fungerer er kravet om vassprøvar, som er lagt til tiltakshavar, eit bukken og havresekken ansvar. Meland hadde ikkje økonomi og kapasitet til å tas prøvane, heller ikkje til nok kontroll, tilsyn eller vedlikehald av avbøtande tiltak.
Dette er dyrekjøpte lærdommar frå miljøkriminalitet i Meland. No seier leiaren i Miljøavdelinga i Alver i høve dekkskandalen at avdelinga har mange alvorlegare saker, for liten kapasitet og må prioritere. Miljøkriminalitet får skje.

Kan Plan og bygningsloven gi rom for ein strengare praksis? Kan sanksjonar settast inn straks den ulovlege aktiviteten vert påvist? Kan ein krevje at næringstiltak ikkje blir starta opp FØR krava om tiltak mot forureining er iverksette og godkjente?
På Mongstad og Mjåtveit gjeld det store operatørar; Equinor, Vassbakk og Stol og Prosjektstyring vest A/S. Dei har sjølvsagt både nærings- og miljøansvar, og samfunnsansvar på vegne av region og nasjon som seriøse og lovlydige aktørar, som forventast å følgje spelereglane og sette standard for mindre aktørar som t.d. på Hjelmås. Ikkje det motsette. Miljøkriminaliteten på Mongstad og i Mjåtveitelva er internasjonalt kjente og kan svekke regionen sitt omdømme, og sjansane for å trekkje til seg framtidige grøne verksemder og arbeidsplassar.

Spørsmål til ordføraren:

1. Korleis vil ordføraren sikre at krav om tiltak mot forureining vert etterlevde av næringslivet? Kan kommunen t.d. innføre ei strengare praktisering av miljøkrav i Plan og bygningsloven?

2. Ser ordføraren trong for styrkje Avdeling for miljø og tilsyn og sette den betre i stand til hindre og avdekke forureining?

Svar frå ordførar:

Først litt om ansvar, oppgåver og mynde:

Forureiningslova inneheld ei tydeleg og generell plikt for den enkelte om å unngå forurening: ingen kan ha noko, gjere noko eller sette i verk noko som kan medføre fare for forureining – med mindre det er gitt løyve til det. Vidare er det den ansvarlege for forureininga som skal sørge for beredskap og iverksette tiltak dersom forureining likevel skjer.

Lov, forskrifter og rundskriv seier noko om kven som er forureiningsmynde og kan føre tilsyn:

• Miljødirektoratet

• Statsforvaltaren

• Kommunane

Miljødirektoratet og Statsforvaltaren har hovudtyngden av oppgåvene som forureiningsmynde, i lag med enkelte andre etatar som til dømes Kystverket.

Kommunane har mynde til å godkjenne utslepp frå mindre avløpsanlegg, fastsette forskrifter og gebyr for kommunal renovasjon, og pålegge den ansvarlege å rydde opp i forsøpling og avfall - eller å betale for å rydde opp. Den forvaltningsmessige delen med pålegg osv må følgje bestemte prosedyrar når det gjeld varsling, pålegg og klagerettar mm.

Kommunane har også ansvar for beredskap og utrykking i ein akuttfase, i vårt tilfelle for ein stor grad ivaretatt av Nordhordland Brann og redning, og gjennom regionalt samarbeid i Interkommunalt utval for akutt forurensing (IUA).

Til spørsmål 1:

Statsforvaltaren fører tilsyn.

Kommunestyret sitt viktigaste verktøy er reglane i plan- og bygningslova knytt til utarbeiding av kommuneplanen, områdeplanar og detaljreguleringsplanar. Konsekvensutgreiingar kan t.d. avdekke om det er grunn for å iverksette tiltak, innføre rekkefølgekrav, gje nærare reglar om kva type verksemder som passar i ulike område – eller fastsette andre rammer for utbygging. Det kan t.d. handle om kvar ein må vere ekstra varsomme, som aktivitet i nærleiken av drikkevasskjelder eller vassdrag. Enkeltvedtak etter plan- og bygningslova skal i prinsippet sikre at omsyna blir ivaretatt, men enkeltvedtaka kan ikkje sette strengare vilkår enn det som går fram av krava som er gitt i planane.

Til spørsmål 2:

Ved kommunesamanslåinga vart avdelinga Miljø og tilsyn oppretta, som eit nytt grep. Dette mellom anna for betre å kunne ivareta kommunen sine plikter etter forureiningslova med forskrift. Altså behandle utslepp frå mindre avløpsanlegg, medrekna tilsyn av slike utslepp, og gje pålegg om å rydde opp i forsøpling og avfall.

Arbeidet med plansaker og enkeltsaker etter plan- og bygningslova foregår ved andre avdelingar. I planprosessar og enkeltsaksbehandlinga ligg det største politiske handlingsrommet på dette området, knytt til å forbygge og hindre forureining.

Spørsmål frå Sveinung Toft-V:

I lokalavisene, seinast i Strilen den 12 februar les me om kor farleg det er når bilar sklir på isen og hamnar  rett ut  i fylkesveg 57 i det farlege Lauvåskrysset.

Den bratte vegen ned bakken gjer det til tider umogeleg å stoppa når det er kome snø og is i vegbana. Etter mi vurdering er dette eit livsfarleg kryss, som det hastar å få gjort nokre strakstiltak med  snarast.

Spørsmålet er om Alver kommune  har sett på saka, eller om kommunen har tenkt å ta initiativ for å få på plass  strakstiltak no i vinter?

Svar frå ordførar:

I Lauvåskrysset møtes fylkesveg 57 Mongstadvegen og fylkesveg 5496 Risasjøvegen. Fylkesvegane er administrert, forvalta og drifta av Vestland fylkeskommune og Statens vegesen. Ordføraren kjenner ikkje detaljane omkring korleis oppgåvene og ansvaret er sortert regionalt, men Statens vegvesen har i hovudsak driftansvaret. Dette gjeld både for vinterdrift og sommardrift, og evtentuelle forbedringstilak som grøfting, grusing, tetting av hol. Meldingar om manglande eller ufullstendig oppfølging av brøyting og strøing går direkte til statens vegvesen frå brukarane / trafikkantane. Statens vegvesen har eige apparat som følgjer opp drifta og kontrollerer at standarden er i tråd med det vedtatte nivået.

Alver kommune har drifts- og vedlikehaldsansvaret for dei kommunale vegane, og har eit tilsvarande meldingssystem for dei kommunale vegane dersom innbyggjarane har noko dei ønskjer å melde frå om, enten det gjeld hol i vegen eller problem med snø og is.

Kommunen kan iverksette tiltak på eigne veger innafor tildelt budsjettramme, men kommunen har ingen mynde til å iverksette tiltak på fylkeskommunale veger. Vestland fylkeskommune har totalansvaret for alle fylkeskommunane i heile fylket, og vurderer årlege tiltak på vegnettet i dei prosessane som gjeld for budsjettprosessane der.