Møte i Alver kommunestyre den 16.12.2021

Vedtak

Innkalling og saksliste er godkjent.

Behandling

Sak 168/21 vert utsett

Det vert ei orientering om smittesituasjonen i staten av møtet

Ellers ingen merknader, samrøystes.

Vedtak

Møteprotokollen er godkjent.

Behandling

Ingen merknader, samrøystes.

Vedtak

Tilstandsrapport for Alver barnevernteneste 2021 er tatt til orientering.

Behandling

Innstillinga frå utval for oppvekst, kunnskap og kultur vart samrøystes vedteke.

Vedtak

Saka blir utsett. Rådmannen bes komme tilbake med fyldigere saksutgreiing før kommunestyret tar stilling til saka, herunder òg ei vurdering av konsekvensar dette får for ressursar og kapasitet.

Behandling

Framlegg frå H, AP, KRF og SP:

Saka blir utsett. Rådmannen bes komme tilbake med fyldigere saksutgreiing før kommunestyret tar stilling til saka, herunder òg ei vurdering av konsekvensar dette får for ressursar og kapasitet.

Framlegget vart vedteke med 44 røyster mot 2 røyster (J.Hellestveit-SP og M.I.Wergeland-SP)

Vedtak

Alver kommune seier opp avtalen med samarbeidskommunane om øyeblikkeleg hjelp døgntilbod. I løpet av 2022 vil rådmannen komme tilbake med sak om korleis tilbodet kan løysast frå 2023. Alver kommune vil i denne prosessen bidra til at samarbeidskommunane får etablert løysingar innanfor lovkrava.

Behandling

Innstillinga frå formannskapet vart samrøystes vedteke

Vedtak

Avtale om administrativt vertskommunesamarbeid om Nordhordland legevakt vert sagt opp med mål om å inngå ny avtale i 2022.

Behandling

Innstillinga frå formannskapet vart samrøystes vedteke.

Vedtak

Kommunestyret godkjenner å busetje 28 flyktningar i tråd med oppmodingstalet frå IMDI. Vedtaket inkluderer ikkje familiesameinte.
Slik situasjonen i Alver kommune er p.t for helsetenestene i kommunen, ønskjer ikkje Alver kommune åingar med kjende komplekse helserelaterte behov dette året.

Kommunestyret er positiv til å

Behandling

Framlegg frå A.Hetlebakke-KRF:

Rådmannen sitt framlegg til vedtak.

Framlegget fekk 16 røyster og fall (S.Hopland-uavh., S.Toft-V, A.Bakken-MDG, M.Klementsen-uavh., E.M.Dale-KRF, A.K.Eknes-KRF, J.Hellestveit-SP, S.Lavik-KRF, O.Myhr-KRF, A.Byrknes-KRF, A.Hetlebakke-KRF, A.Nordlund-SV, J.V.Sakseide-KRF, H.Breivik-uavh., L.Johnsen-MDG og S.Blommedal-uavh.)

Innstillinga frå formannskapet vart vedteke med 30 røyster

Vedtak

Alver kommunestyre godkjenner Områdeplan for Ostereidet med planID 1263-201802. Gjeldande plandokument er føresegn og plankart datert hhv 08.07.2021 og 05.07.2021.

Vedtaket har heimel etter plan- og bygningslova § 12-12.

Behandling

Innstillinga frå utval for areal, plan og miljø vart samrøystes vedteke.

Vedtak

«Kommunestyret godkjenner tilleggsavtale 2 mellom Alver kommune og Equinor Refining DA slik den ligg føre»

Behandling

Innstillinga frå formannskapet vart samrøystes vedteke med 45 røyster A. Sylta var ikkje tilstades under røystinga.

Vedtak

1) Budsjettendring:

Investeringsbudsjettet for 2022 på prosjekt 40002 Startlån til videreutlån vert auka med kr 30 mill frå kr 110 mill til kr 140 mill.

Auken vert finansiert med tilsvarande auke med kr 30 mill frå kr 110 mill til kr 140 mill i låneopptak/bruk av lånemidlar.

2) Vedtak om opplåning

Kommunestyret vedtar å ta opp lån på kr 140 mill i Startlån til vidare utlån.
Rådmannen gjennomfører låneopptak ihht. fullmakt i Finansreglementet pkt. 8.1.

3) Auka i startlån vert innarbeidd i budsjettet for 2022.

Behandling

Innstillinga frå formannskapet vart samrøystes vedteke.

Vedtak

Alver kommune tildeler midlar frå kommunalt kompensasjonsordning etter ein lik prosentvis fordelingssum ut frå søkesum, med eit øvre tak på kr 350.000.

Behandling

Nils Marton Aadland-styreleiar ved Gløde, Anne Grete Eide-styremedlem Gløde, Sølvi Knudsen, varamedlem styret Gløde og Thore Helland-søkar i saka stilde pørsmål om habilitet. Kommunestyret gjorde samrøystea vedtak om at dei 4 kommunestyremedlemmane er inhabil i denne saka.

Innstillinga frå utval for næringsutvikling og drift vart samrøystes vedteke.

Vedtak

• Alver kommune set av 100 mill kr i økonomiplanperioden 2022 - 2025 til forskottering av infrastrukturutbyggingar innan områdeplan Knarvik sentrum. Det er tilsvarande budsjettert med 60 mill. kr i tilbakebetaling av dei forskotterte midlane i økonomiplanperioden og 20,2 mill kr i mva refusjon.

• Dei resterande 20,2 mill kr av forskotteringa blir tilbakebetalt gjennom framtidige utbyggingsprosjekt i Knarvik.

• Ein føresetnad for å nytte forskotteringsmidlane er at medfinansiering frå utbyggjarar er sikra gjennom politisk vedtekne utbyggingsavtalar.

Behandling

Innstillinga frå formannskapet vart samrøystes vedteke.

Vedtak

• Forslag til ny lokal forskrift om innsamling og handsaming av hushaldningsavfall er vedteke.

• Forskrifta gjeld frå den dato då den siste av deltakarkommunane i NGIR har vedteke forskrifta. Frå same tidspunkt vert FOR-2000-10-05-1706: Forskrift om innsamling av forbruksavfall, oppheva.

• Forskrifta skal kunngjerast i Norsk Lovtidende når forskrifta er vedteken av alle deltakarkommunane i NGIR.

• Forskrifta skal gjerast tilgjengeleg på kommunen si nettside samtidig med kunngjering i Norsk Lovtidende.

Behandling

Innstillinga frå formannskapet vart samrøystes vedteke.

Vedtak

Alver kommunestyre godkjenner gebyr- og betalingssatsar for 2022, slik dei går fram av framlegg datert 15.12.2021 med følgjande endringar:

2.1 Reguleringsplan

Type2021Politisk vedtatt 2022% endring

Avvist planinitiativ - administrativ avgjerd12000123002,50 %

Detaljreguleringsplan i samsvar med overordna plan

1150001178752,50 %

Detaljreguleringsplan i strid med overordna plan

1300001332502,50 %

Detaljreguleringsplan med konsekvensutgreiing i samsvar med overordna plan

1900001947502,50 %

Detaljreguleringsplan med konsekvensutgreiing i strid med overordna plan

2050002101252,50 %

Kommunestyret ber om ein grundigare gjennomgang av sjølvkostgrunnlaget på gebyra i denne sektoren allereie i første formannskapsmøte i 2022, inkludert, men ikkje avgrensa til tydeliggjøring i kor mange timar ein forventar brukt per gebyrsats, samt timesats.
 
Frivillige lag og organisasjonar i Alver skal ikkje betale for å låne administrative bygg og seniorsenter per time eller til arrangement. Gebyrregulativet vert oppdatert i tråd med dette.

Rådmannen får fullmakt til å foreta nødvendige redaksjonelle endringar i dokumentet.

Behandling

Framlegg frå Sp, Ap, KrF, H, FrP og V ved T.Larsen-H: Som rådmann med følgende endringer under 2.1 reguleringsplaner. Endringene fremgår av tabellen: 2.1 Reguleringsplan Type2021Politisk vedtatt 2022% endring Avvist planinitiativ - administrativ avgjerd12000123002,50 %

Detaljreguleringsplan i samsvar med overordna plan 1150001178752,50 %

Detaljreguleringsplan i strid med overordna plan 1300001332502,50 %

Detaljreguleringsplan med konsekvensutgreiing i samsvar med overordna plan 1900001947502,50 % Detaljreguleringsplan med konsekvensutgreiing i strid med overordna plan 2050002101252,50 % Kommunestyret ber om ein grundigare gjennomgang av sjølvkostgrunnlaget på gebyra i denne sektoren allereie i første formannskapsmøte i 2022, inkludert, men ikkje avgrensa til tydeliggjøring i kor mange timar ein forventar brukt per gebyrsats, samt timesats.
 
Frivillige lag og organisasjonar i Alver skal ikkje betale for å låne administrative bygg og seniorsenter per time eller til arrangement. Gebyrregulativet vert oppdatert i tråd med dette.

Framlegget vat samrøystes vedteke.

Framlegg frå S.Sekkingstad-SP:

Rådmannen får fullmakt til å foreta nødvendige redaksjonelle endringar i dokumentet.

Framlegget vart samrøystes vedteke.

Innstillinga frå formannskapet med endring frå T.Larsen-H og tillegg S.Sekkingstad-SP vart samrøystes vedteke.

Vedtak

SP, Ap, KrF, Høgre og Frp har sidan 2019 jobba godt med økonomistyring og tatt naudsynte grep i organisasjon og effektivisering, for å sikre ein berekraftig økonomi for kommunen. Vi hadde med budsjettet i år gått i balanse frå 2022 med det utfordringbiletet vi hadde i 2019. Organisasjonen har arbeida godt og målretta for å gjere innsparingar og ta grep, i tråd med budsjettet i denne perioden.

Nye moment, som høgare staumutgifter, høgare renter og uforutsette utgifter i helse- og omsorgssektoren, gjer at vi i dag likevel er i ein krevjande økonomisk situasjon. Utan viktige grep dei to føregåande budsjetta, hadde situasjonen i dag sett langt verre ut. Vi skal fortsetje å ta viktige grep for å sikre ein berekraftig økonomi og gode tenester.

I budsjett og økonomiplan 2022-2025 byggjer vi vidare på eit godt grunnlag frå rådmannen. Vi gjer likevel viktige, politiske omprioriteringar.  

SP, Ap, KrF, Høgre og FrP har som mål å få etablert ein heiltidskultur i Alver kommune, der faste, heile stillingar er hovudregelen. Hausten 2019 vedtok vi å i gang med ein strategi for heiltidskultur. Nå løyver pengar til dette viktige satsingsområdet.

Regjeringa har varsla at dei vil ta rekninga for å ikkje rekne inn barnetrygd som inntekt ved utrekning av sosialstønad frå september 2022. Dette medfører ein ekstra inntekt på kr 1 mill. i 2022, og vidare kr 3 mill. årleg. Barnetrygd skal framleis ikkje reknast som inntekt ved utrekning av sosialstønad i Alver.

Alver kommune har ansvar for vedlikehald av kyrkjene i kommunen, og finn økonomisk rom til å starte arbeidet med den nyleg framlagte vedlikehaldsplanen til kyrkja, med kr 1 mill. i 2022, og vidare 2,5 mill. årleg i økonomiplanperioden.

Næringsutvikling er eit viktig satsingsområde for oss, og vi vel derfor å styrke næringsteamet i kommunen med eitt årsverk.

Budsjettet vårt byggjer vidare på viktige prioriteringar frå tidlegare år. Mellom anna har vi for 2022 reversert kutta i lærarårsverk og merkantile ressursar i skulane. Det er òg svært gledeleg at vi finn rom til å finansiere driftsavtalar med våre lokale, frivillige idrettslag for kommunale anlegg.

Dette har vi justert i forhold til rådmannen sitt framlegget til budsjett: 

Dette vil vi prioritere midlar til:

• Driftsavtalar idrettslag (700’ i 2022, 900’ årleg etter dette).

• Styrke ressurs næringsteam 700’.

• Reversere kutt i lærarstillingar 2 234'.

• Redusere reduksjon i lågterskeltilbod rus og psykiatri 1 820'.

• Prosjektstilling heiltidskultur 700'.

• Merkantil ressurs i skulen for 2022 450’.

• Naudsynt vedlikehald av kyrkjebygg med 1000’ i 2022 og vidare 2 500’ årleg i økonomiplanperioden.

Vi har òg, i tråd med vedtak i kommunestyret 16.12.2021, auka låneopptaket for startlån med kroner 30 mill. for 2022. Dette er ei viktig prioritering for å hjelpe fleire inn i bustadmarknaden.  

Inntekter/innsparingar:

• Utbytte Alver Tomteselskap 3 000' (i tråd med budsjettvedtak i 2020).

• Effektivisering og innsparing sektornivå helse 1 000' (forventa innsparing i samband med prosjektstilling).

• Reduksjon i kurs og kompetanseutvikling 500'.

• Statleg kompensasjon for sosialhjelpstønad 1 000'.

• Reduksjon varer og tenester 1000’ (200’ per sektor).

Investeringar:

• Ostereidet kunstgrasdekke blir gjennomført i 2022.

• Framskundar planlegging av nye skular, Eikanger og Frekhaug, samanlikna med rådmannen sitt budsjettframlegg. Planlegging frå 2022.

• Framskunda planlegging av Osterhallen med eitt år samanlikna med rådmannen sitt budsjettframlegg.

Budsjettvedtaket oppsummert inkl. endringar spesifisert over:

1. Investeringsbudsjettet for 2022 og for økonomiplanperioden 2022-2025 blir vedteke jfr.  Bevilgningsoversikter Investering etter § 5-5.  Budsjettet er basert på forventa framdrift på tidlegare vedtekne prosjekt, i tillegg til nokre nye mindre prosjekt.  Sum investeringsutgifter i 2022 vert budsjettert med 276 463 000 kr.  Bruk av lånemidlar vert budsjettert med 218 988 000, og av dette er kr 170 000 000 opptak av nye lån og resten vert finansiert med ubrukte lånemidlar. Øvrig finansiering framgår av bevilgningsoversikten.
    

2. Økonomiplan for 2022-2025 og årsbudsjett for 2022 blir vedteke, jfr. Bevilgningsoversikt drift §5-4 og økonomisk oversikt drift §5-6.  Årsbudsjettet for 2022 blir vedteke med sum netto driftsrammer for dei sju sektorane, jf. eigen tabell.
    

3. Rådmannen får fullmakt til å fordele sentralt avsett lønsauke til sektorane når årets lønsforhandlingar er gjennomført.
    

4. For skatteåret 2022 skriv Alver kommune ut eigedomsskatt  etter eigedomsskattelova §§ 2 og 3 første ledd bokstav c, «berre på kraftverk, vindkraftverk, kraftnettet og anlegg omfatta av særskattereglane for petroleum», slik bestemmelsen lyder frå 1. januar 2019. Skattesatsen er 7 promille, jf. eigedomsskattelova §§ 10 og 11. Alver kommune vil i 2022 skrive ut eigedomsskatt på «et særskilt fastsett grunnlag» i henhold til overgangsregelen til eigedomsskattelova §§ 3 og 4, første ledd, slik at verdien av produksjonsutstyr og – installasjonar fasast ut med 1/7 for verk og bruk som frå og med 2019 er å anse som næringseigedom. Det særskilte grunnlaget skal i 2022 vere lik 3/7 av differansen mellom eigedomsskattegrunnlaget i 2018 og 2019 som er forårsaka av at produksjonsutstyr- og installasjonar ikkje skal reknast med i grunnlaget. Alver kommune vil i 2022 skrive ut eigedomsskatt på bygningar og grunnareal for anlegg nevnt i punktet over i henhold til overgangsregelen til eigedomsskattelova §§ 3 og 4, andre ledd. Eigedomsskatten skal betalast i tre terminar, jf. Eigedomsskattelova § 25.
    

5. Det vert gjeve ei ramme på 1 809 000 kr til kontrollutvalet.
    

6. Det vert gjeve eit driftstilskot til Alver kyrkjelege fellesråd på 25 959 000 inkl. dekking renter og avdrag på lånet for Kyrkja i Knarvik.
    

7. Skatteøre vert sett lik maksimal sats i samsvar med Stortinget sitt vedtak om kommunalt skatteøre.
    

8. Godtgjersle til ordførar var per 01.01.2021 987 997 kr og til varaordførar 592 798 kr. Løna skal regulerast per mai 2021 og 2022 i samsvar med endringar i løn til stortingsrepresentantar. Løna for 2021 er ikkje regulert ved utarbeiding av budsjett for 2022.

I tillegg er det vedteke desse verbalpunkt:

 Eigedomar

Kommunestyret ber rådmannen komme med ei sak om ev. sal av Kvassnesvegen 27/39 (gamle Western Geco) og gamle Alversund skule.

Merkantile ressursar i skulen

Kommunestyret ønskjer ikkje å redusere i den merkantile ressursen på skulane og har funne inndekning for dette i 2022, og vil arbeide for å unngå reduksjon vidare i økonomiplanperioden.

Lærarstillingar

Kommunestyret reverserer reduksjonen på 7,5 lærarstillingar i 2022, og vil arbeide for å unngå reduksjon i lærarstillingar vidare i økonomiplanperioden.

Støtte til TSU

Trafikktryggleik og forebyggjande tiltak innanfor dette området er viktig for Alver kommune, og TSU gjer eit viktig arbeid blant barn og unge. Kommunestyret løyver kr 60 000 for 2022 til TSU. Midlane vert tatt frå trafikktryggleiksfondet.

Utgreiing av eigedomskatt på næring

Kompensasjonsordninga for eigedomskatt på verk og bruk kan tyda på at kommunen må innføre eigedomsskatt på næringseigedom i heile kommunen dersom ein framleis skal krevja inn den delen av skatten som før berre har vore kravd inn på særskilde anlegg frå og med 2025. Dette gjeld den delen av skatten som kommunen framleis har moglegheit til å krevje inn etter bortfall av eigedomsskatt på verk og bruk.  

Kommunestyret ber rådmannen greie ut korleis utskriving av eigedomskatt på næring kan slå ut i Alver kommune.? 

• Kva skjer med kompensasjonsordninga/overgangsordninga etter 2024? Er det slik at for å behalde ordninga måkommunen innføre eigedomskatt på næring i heile kommunen? 

• Kva eigedomar/næringsaktivitet fell inn under eigedomskatt på næring? 

• Kven har rett på fritak for eigedomskatt på næring? 

• Kva blir inntektene til Alver kommune ved innføring av eigedomsskatt på næring?i heile kommunen? 

Kommunestyret ber om at denne utgreiinga vert lagt fram for formannskap og kommunestyret våren 2022.

Utviklings- og forbetringsprogram

Kommunestyret viser til vedtak om utviklings- og forbetringsprogram i sak 071/20. Kommunestyret ber om ei sak som konkretiserer dette arbeidet ytterlegare, og vil følgje opp arbeidet med statusrapport i kvart formannskapsmøte i 2022.

Innbyggjarservice Knarvik senter

Kommunestyret ber rådmannen gå i dialog med huseigar med mål om å avslutte leigekontrakten på innbyggjarservice.

Planlegging av skular
Kommunestyret ønskjer å forsere planlegginga av ny ungdomsskule på Frekhaug og ny barneskule på Eikanger, og legg inn midlar til dette frå og med 2022.

Behandling

Innlegg ved Nestleiar Camilla P.Hagesæter ungdomsrådet , leiar RMNF Magne Bjørndalen, leiar eldreråd

Rekkefølge innlegg:

MDG, UAVH, Sp, R, Ap, KrF, SV, H, V, Frp

Framlegg frå MDG, V, R og SV:

Endringar til rådmannen sitt budsjettforslag

Inndekning:

• Utbytte frå Alver tomteselskap kr 5 000 000 i 2021. Dei andre åra kan tomteselskapet behalde kapitalen sin til å utvikla og styrka arbeidet med viktig sosial bustadbygging i Alver.

• Innføring av eigedomskatt med auke på 1 promille kvart år til ein kjem opp til 4 promille i 2024.

• Med vår modell er det ikkje naudsynt å ta noko frå disposisjonsfondet i 2022. Seinare år har me overskot til å halde oppe drifta/ tenestenivåa, og samstundes få råd til viktige investeringar.

Drifta/ tenestene

Med vår modell får vi styrka viktige tenesteområde på mange område innanfor både oppvekst og helse m.v.

• Feriefond for personar med spesielle behov vert auka med 500.000 kvart år.

• Barnetrygd skal ikkje reknast med som inntekt ved utrekning av sosialstøtte.

• Styrke både jordmortenester og helsesjukepleiartenestene

• Oppretthalde undervisningsressursane på eit akseptabelt nivå

• Innsparing ved skulestruktur ungdomsskular er ute av økonomiplanen

• Styrke merkantile ressursar på skulane, som gjer at skuleleiinga kan få betre arbeidstilhøve.

• Styrke ubunden tid pedagogar i barnehagar

•. Styrke tilbodet for blinde og synshemma med omsyn på å auke deira livsmeistring

• Styrke dagtilbod funksjonshemma

• Etablere stilling som klima- og miljøsjef i Alver kommune

• Gje tilskot for å styrke og  etablere lokale direktesal- og marknadsføringskanalar for lokalmat, til dømes REKO-ring

Investeringar:

MDG, Venstre, Raudt og SV ser at det er rom til å realisere viktige investeringar i økonomiplanperioden, slik at ikkje framdrifta stoppar opp.

Partia legg difor inn pengar til viktige investeringsprosjekt i perioden. Desse er :

Eikanger Skule: planlegging (2022), tomtekjøp (2023) og ferdig realisering i 2025.

Frekhaug Ungdomsskule: planlegging og prosjektering 2023, oppstart 2025

Osterhall m/ infrastruktur– planlegging 2022 og oppstart 2023 og ferdig realisert hall i 2024.

Veg/ infrastruktur knytt til bygging av hall Ostereidet– planlegging i 2022 og ferdig i 2023.

Framlegget fekk 5 røyster og fall (A.Nordlund-SV, H.Weber-R, L.Johnsen-MDG, A.Bakken-MDG og S.Toft-V)

Framlegg frå uavh.ved M.Klementsen-uavh.:

https://pub.framsikt.net/2022/alver/ps-2022-budsjett_2022_-_ua/#/polsim/politicalsimulation/

Framlegget fekk 8 røyster og fall (S.Hopland-uavh., H.Breivik-uavh., M.Færø-uavh., T.Sletten-Hansen-uavh., M.Klementsen-uavh., Y.Walaker-uavh., Aa.Karlsen-uavh. og K.O.Larsen-uavh.)

Framlegget frå SP, AP, KRF, H og FRP ved J.Hellestveit-SP:

https://pub.framsikt.net/2022/alver/ps-2022-budsjettforslag_fr%C3%A5_sp,_ap,_krf,_h_og_frp/#/polsim/politicalsimulation/

Framlegget vart vedteke med 33 røyster mot 13 røyster (A.Nordlund-SV, H.Weber-R, L.Johnsen-MDG, A.Bakken-MDG, S.Toft-V, S.Hopland-uavh., H.Breivik-uavh., M.Færø-uavh., T.Sletten-Hansen-uavh., M.Klementsen-uavh., Y.Walaker-uavh., Aa.Karlsen-uavh. og K.O.Larsen-uavh.)

Innstillinga frå formannskapet fekk 2 røyster og fall (E.M.Dale-KRF og O.S.Namtvedt-SP)

Vedtak

Kolbjørn Lunga innvilges ikkje fritak frå å møte som vararepresentant i kommunestyret

Behandling

Innstillinga frå valnemnda med endring av permisjon til fritak.

Kolbjørn Lunga innvilges ikkje fritak

Innstillinga med endring vart samrøystes vedteke.

Vedtak

Sidan Andre Fresvik SV, Leah Sophie Wergeland SV, Silje Nordal H, Agnes Hoshovde Bernes V og Sebastian Teigen Nygård MDG ikkje lenger er valbare gjennomfører kommunestyret nyval.

Som nytt medlem i utval for oppvekst, kunnskap og kultur veljas: Øystein Nigar SV

Som nytt varamedlem i utval for oppvekst, kunnskap og kultur veljas: Gro Marit Berge SV 2. vara,

Som nytt varamedlem i utval for oppvekst, kunnskap og kultur veljas: Margrethe Kalsås 4. vara SV

Som nytt varamedlem i utval for oppvekst, kunnskap og kultur veljas: Hege Vågenes Solheim 3. vara H

Som nytt varamedlem i utval for areal, plan og miljø veljas: Helge Fjellanger 2. vara V, Rolf Nesheim 3.vara

Som nytt varamedlem i valnemnda veljas: Anna Nordlund SV

Behandling

Innstillinga frå valnemnda:

Framlegget fekk 2 røyster og fall (C.Håland-H og I.Fjeldsbø-H)

Korrigert innstilling ved Ø.Oddekalv-AP:

Sidan Andre Fresvik SV, Leah Sophie Wergeland SV, Silje Nordal H, Agnes Hoshovde Bernes V og Sebastian Teigen Nygård MDG ikkje lenger er valbare gjennomfører kommunestyret nyval.

Som nytt medlem i utval for oppvekst, kunnskap og kultur veljas: Øystein Nigar SV

Som nytt varamedlem i utval for oppvekst, kunnskap og kultur veljas: Gro Marit Berge SV 2. vara,

Som nytt varamedlem i utval for oppvekst, kunnskap og kultur veljas: Margrethe Kalsås 4. vara SV

Som nytt varamedlem i utval for oppvekst, kunnskap og kultur veljas: Hege Vågenes Solheim 3. vara H

Som nytt varamedlem i utval for areal, plan og miljø veljas: Helge Fjellanger 2. vara V, Rolf Nesheim 3.vara

Som nytt varamedlem i valnemnda veljas: Anna Nordlund SV

Innstillinga vart vedteke med 43 røyster mot 2 røyster

.

Vedtak

1. Formannskapet set ned ei gruppe på sju medlemmer for å utarbeide framlegg til evaluering av politisk styringsstruktur og reglement.

2. Til å utarbeide framlegg til oppdatert politiske styringsstruktur og reglement, veljast:

Leiar: Øyvind Oddekalv vara Nina Bognøy

Nestleiar: Astrid Aarhus Byrknes vara Asle Hetlebakke

Medlem Thomas Larsen vara Nils Marton Aadland

Medlem Sølvi Knudsen vara Leif Taule

Maria Færø vara Morten Klementsen

Medlem Leif Johnsen vara Sveinung Toft

Medlem Nina Øvreås vara Esben Helland

1. Framlegg til ny politisk styringsstruktur og reglement skal til høyring i råd og utval, samt relevante lag og organisasjonar.

2. Gruppas konklusjonar, etter høyringa, skal vere klar til handsaming i formannskapet 2.6.22

Behandling

Innstillinga frå formannskapet pkt 1(med endring til 7 medl.),3 og 4 vart samrøystes vedteke

Innstilling frå valnemnda:

Til å utarbeide framlegg til oppdatert politiske styringsstruktur og reglement, veljast:

Medlem Øyvind Oddekalv vara Nina Bognøy

Medlem Thomas Larsen vara Nils Marton Aadland

Medlem Astrid Aarhus Byrknes vara Asle Hetlebakke

Medlem Sølvi Knudsen vara Leif Taule

Maria Færø vara Morten Klementsen

Medlem Leif Johnsen vara Sveinung Toft

Medlem Nina Øvreås vara Esben Helland

Leiar: Øyvind Oddekalv

Val av nestleiar og vara for Nina Øvreås vert lagt fram i kommunestyret.

Framlegget vart samrøystes vedteke.

Framlegg frå Ø.Oddekalv-AP:

vara for Nina Øvreås vert

Nestleiar: Astrid Aarhus Byrknes

Framlegget vart vedteke mot 5 røyster (M.Klementsen-uavh., H.Breivik-uavh., Aa.Karlsen-uavh., T.Sletten-Hansen-uavh.og K.O.Larsen-uavh.)

Vedtak

Meldinga er teke til orientering

Behandling

Rådmannen sitt framlegg vart samrøystes vedteke.

Behandling

Grunngjeve spørsmål frå M.Klementsen-uavh.:

Vannrenseanlegget på Hestdal har hatt en overskridelse på budsjettetmed 31,4%.

Det har iinneværende periode kommet sak på sak med overskridelser der Rådmannen har bedt om mer penger til

ferdigstillelse av dette anlegget.

Ordfører har ved flere anledninger nevnt at Formannskap/kommunestyret skal ta besiktigelse av VAprosjektet

på Hestdal. Kan Ordfører bekrefte tidspunkt for FO eller KO sin(e) besiktigelse(r)?

Svar frå ordførar:

Ordførar har saman med administrasjonen arbeida med eit program og prøver å kombinere synfaring med andre møter eller andre ting som kan vere aktuelt for formannskapet sjå.

Dato for synfaringa er satt, og det er 19. januar, gitt at situasjonen tillater det. Datoen var satt for ei lita stund tilbake, men det skal no ha blitt sendt ut innkalling.

Same dag som synfaring, legg vi opp til å ha eit eigarmøte i Alver Tomteselskap som no arbeidar som strategiplan.

Program for denne dagen vil bli sendt ut så snart det er klart.

Vedtak

1. Det vert innført heimeskule for 5.-10. trinn i alle kommunale grunnskular frå og med 17.12.2021 til og med 21.12.2021

2. Det vert innført heimeskule for 1.-4. trinn i alle kommunale grunnskular frå og med 20.12.2021 til og med 21.12.2021

3. Det vert gitt eit tilbod på skulane til sårbare elevar og elevar under 12 år med foreldre i samfunnskritiske funksjonar i denne perioden

Behandling

Fellesframlegg ved Ø-Oddekalv-AP:

1. Det vert innført heimeskule for 5.-10. trinn i alle kommunale grunnskular frå og med 17.12.2021 til og med 21.12.2021

2. Det vert innført heimeskule for 1.-4. trinn i alle kommunale grunnskular frå og med 20.12.2021 til og med 21.12.2021

3. Det vert gitt eit tilbod på skulane til sårbare elevar og elevar under 12 år med foreldre i samfunnskritiske funksjonar i denne perioden

Framlegget vart vedteke mot 1 røyst V.Villanger-SP).