Møte i Alver formannskap den 06.02.2020

Vedtak

Innkalling og saksliste er godkjent.

Behandling

Ingen merknader, samrøystes.

Vedtak

Møteprotokollen er godkjent.

Behandling

Ingen merknader, samrøystes.

Vedtak

Alver kommune sluttar seg til uttale i saksutgreiinga og vil særleg leggja vekt på kor viktig det er at skattesystemet for havbruk må utformast slik at det stimulerer til langsiktigheit og størst mogleg lokal verdiskaping. Utvalet meiner også det er urimeleg at store deler av dei inntektene det offentlege nyt godt av frå næringa potensielt vert flytta bort frå vertskommunane og til staten. Det vil verka direkte negativt på vertskommunane sin motivasjon og evne til å vera ein god og langsiktig samarbeidspart for næring.

Behandling

Uttale frå utval for næringsutvikling og drift, med endring frå utval for næringsutvikling og drift til Alver kommune, vart samrøystes vedteke.

Vedtak

Kommunestyret godkjenner mellombelse retningsliner for styring av investeringsprosjekt i Alver slik dei ligg føre i saka. Retningslinene skal gjelde fram til endeleg utgåve ligg føre.

Behandling

Rådmannen sitt framlegg var samrøystes vedteke.

Vedtak

Alver kommune vedtar selskapsavtale for Interkommunalt Arkiv Hordaland IKS og gjer denne gjeldande frå og med 01.01.2020

Behandling

Rådmannen sitt framlegg vart samrøystes vedteke.

Vedtak

Ansvarsområde trafikksikring blir flytta frå utval areal, plan og miljø til formannskapet

Under arbeids- og ansvarsområde for utval næringsutvikling og drift blir følgjande tekst lagt inn:

• Vere styringsgruppe for aktuelle hovudplanar og temaplanar innafor drift, vedlikehald og forvaltning av kommunale eigedomar, anlegg, veg, vatn og avløp

• Følgje opp årlege forvaltnings- og vedlikehaldsplanar

Melding om hending til politiet (Anmelde til politiet)

• Rådmannen får delegert mynde til å anmelde saker til politiet på vegne av kommunen.

Utbyggingsavtalar

• Formannskapet får utbyggingsavtalar ansvarsområde.

  • Formannskapet får delegert mynde til å legge utbyggingsavtalar på høyring i samsvar med plan- og bygningslova kap. 17

Formannskapet bed rådmann utarbeida sak vedrørande sjukepengar til ordførar/varaordførar Alver kommune i politisk styringsstruktur. Framlegget og utgreiinga frå rådmann vert lagt fram i kommunestyremøte 20.02.2020.

Leiar eller den som møter for leiar, i eldrerådet, råd for menneske med nedsett funksjonsevne og ungdomsrådet har rett til å uttale seg i kommunestyret i saker der det ligg føre skriftleg uttale frå det (dei) aktuelle rådet (a).  Innlegg frå ovannemnde representantar skal haldast før sjølve ordskiftet i saka tek til.

Behandling

Protokolltilførsel - felles v/Ø.Oddekalv-AP:

Ein kjem tilbake til punkt om kjøp/sal av eigedom i kommunestyret

Rådmannen sitt framlegg:

• Ansvarsområde trafikksikring blir flytta frå utval areal, plan og miljø til formannskapet

  Framlegget vart samrøystes vedteke

• Under arbeids- og ansvarsområde for utval næringsutvikling og drift blir følgjande tekst lagt inn:

  • Vere styringsgruppe for aktuelle hovudplanar og temaplanar innafor drift, vedlikehald og forvaltning av kommunale eigedomar, anlegg, veg, vatn og avløp

    • Følgje opp årlege forvaltnings- og vedlikehaldsplanar

  Framlegget vart samrøystes vedteke

• Kjøp og sal av areal, eigedomar og bustadar, fullmakt til rådmannen:

  • Rådmannen får fullmakt til å gjennomføre kjøp og sal av bustader til kommunal verksemd innanfor ei definert økonomisk ramme. Kjøp og sal må støtte behov og mål i bustadsosiale planar og økonomisk ramme blir definert årleg i investeringsbudsjettet.

    • Rådmannen får fullmakt til å gjennomføre kjøp og sal av areal og eigedomar som ikkje har prinsipiell eller strategisk verdi. I saker der det er tvil om prinsipiell og strategisk verdi, skal rådmannen ha dialog med ordførar. Økonomisk ramme blir definert årleg i investeringsbudsjettet

    • Rådmannen skal rapportere på kjøp og sal av bustader, areal og eigedomar i samsvar med rapporteringsrutinar i økonomireglementet

Framlegget fekk ingen røyster og fall

• Melding om hending til politiet (Anmelde til politiet)

  Rådmannen får delegert mynde til å anmelde saker til politiet på vegne av kommunen.

  Framlegget vart samrøystes vedteke

• Utbyggingsavtalar

  • Formannskapet får utbyggingsavtalar ansvarsområde.

    • Formannskapet får delegert mynde til å legge utbyggingsavtalar på høyring i samsvar med plan- og bygningslova kap. 17

  Framlegget vart samrøystes vedteke.

Fellesframlegg ved N.Bognøy-AP:

Formannskapet bed rådmann utarbeida sak vedrørande sjukepengar til ordførar/varaordførar Alver kommune i politisk styringsstruktur. Framlegget og utgreiinga frå rådmann vert lagt fram i kommunestyremøte 20.02.2020.

Framlegget vart samrøystes vedteke

Framlegg fra S.Sekkingstad-SP:

Leiar eller den som møter for leiar, i eldrerådet, råd for menneske med nedsett funksjonsevne og ungdomsrådet har rett til å uttale seg i kommunestyret i saker der det ligg føre skriftleg uttale frå det (dei) aktuelle rådet (a).  Innlegg frå ovannemnde representantar skal haldast før sjølve ordskiftet i saka tek til.

Framlegget vart samrøystes vedteke.

Vedtak

Alver kommunestyre gjev følgjande fullmakt til funksjon beredskapsleiar i Alver kommune:

• Ved hendingar der kommunal kriseleiing (KKL) er mobilisert, får funksjonen «beredskapsleiar» i kommunal kriseleiing (KKL) fullmakt til å styra og disponera ressursar i kommunal drift og tenesteyting på alle nivå, der samordna leiing er naudsynt.

• Beredskapsleiar får fullmakt til å disponere naudsynte økonomiske midlar for å handtere ei konkret hending, med mål om å redusera konsekvensar og normalisere tenesteytinga og samfunnskritiske infrastrukturar og funksjonar. Beredskapsleiar kan ikkje forplikta Alver kommune til varige kostnadar.

• I dei tilfelle der rådmannen ikkje innehar funksjonen beredskapsleiar i KKL, skal rådmann og ordfører informerast.

Behandling

Rådmannen sitt framlegg vart samrøystes vedteke.

Vedtak

Saka vert tatt til orientering

Behandling

Framlegg frå SP/AP/KRF/H v/N.M.Aadland-H:

Saka vert tatt til orientering

Framlegget vart vedteke med 9 røyster (mot FNB og FRP)

Protokolltilførsel:

Samarbeidspartia er i prosess og vil konkludere endeleg i kommunestyret.

Rådmannen sitt framlegg fekk ingen røyster og fall.

Vedtak

Meldinga er teke til orientering.

Behandling

• BKK transformatorstasjon – ved BKK, i starten av møtet

• Områdeplan Midtmarka / Rotemyra

• Bibliotek i Alver v/ M.G.Berge avd.leiar bibliotek og E.Utne kultursjef

• Strategi- og styringsdokument planarbeid v/H.Haugsdal kommunalsjef

• Kommuneplan Alver – prosess samfunnsdelen v/K.Nåmdal tenesteleiar

• Status økonomi og økonomiplanprosess v/Ø.R.Forthun rådmann

• Investeringar / sløkkevatn Ostereidet - etter sak 005/20 ved L.M.Valle eigedomssjef

• Krav frå Austrheim kommune vedkomande Alver-elevar på Kaland skule v/Ø.R.Forthun rådmann

• Form på orienteringar

• Prosess med oppstart av Havbruksplan v/K.Nåmdal tenesteleiar

Rådmannen sitt framlegg vart samrøystes vedteke