Utvalg: | Kommunestyret |
---|---|
Dato: | 16.06.2021 13:00 - 18:35 |
Møtested: | Austrheim samfunnshus |
Status: | Møtet er ferdig protokollert |
Sakskart: | ![]() |
Møteprotokoll: | ![]() |
Bjørn - Inge Dyrkolbotn (Sp) kjem i møte omlag kl. 16.00
Ordførar ba om at ein gjennomførte Generalforsamling for AS Austrheim Næringsselskap før kommunestyremøte.
Ordførar ber om at det vert teke opp ein ekstra sak i slutten av møte, om sak frå Nettverk av Petrolumskommunar.
Handsaming i kommunestyret:
Rådmannen sitt framlegg vert samrøystes vedteke
Handsaming i kommunestyret:
Rådmannen sitt framlegg vert samrøystes vedteke
Det vart diskutert om ein skal ta stilling til søknad i meldingane i Meldingssak i kommunestyret.
Ordførar Per Lerøy sa at meldingane vert viste, og om kommunestyret ønskjer å gå vidare med dei, må administrasjon eventuelt laga saksutgreiing til eit seinare møte.
Helge Dyrkolbotn (KrF) sa at dette ikkje høyrest ut som om noko kommunestyret skal gå vidare med.
Handsaming i kommunestyret:
Rådmannen sitt framlegg vert samrøystes vedteke
Sissel B. Monslaup, styrar Kaland barnehage, orienterte om Nærværsprosjektet. Sjå vedlagt presentasjon.
Varaordførar Inger-Lise Brekke (H) sa at dette er eit veldig bra prosjekt, og at bruk av appen kan vere eit tips for andre når det gjeld førebygging.
Helge Dyrkolbotn (KrF): Skryt til prosjektet. Spørsmål om bruk av appen: Kva funksjon har den og korleis blir det følgd opp?
Sissel Berge Monslaup forklarte at ein kan skrive kommentarar, dei er anonyme. På denne måten kan det kome fram ymse som folk elles ikkje vil si. Dei har luka vekk problemstillingar som at noko utstyr ikkje fungerer, og at ein her ser meir på arbeidsmiljø. Tek opp saker/tema i leiargruppa og personalmøte. Appen ordnar ikkje arbeidsmiljø, men gir ein peikepinn om kor utfordringane ligg. Gjentakande problem kan ein da ta fatt i. "Ei pulsmåling. "
Monika Thorpe (Ap) - har begynt på Nordliheimen. 60% svarprosent ved første måling. Er det rutinar på korleis det blir vidareført i systemet vårt?
Sissel Berge Monslaup: vi skriv prosjektrapport. I prosjektgruppe og styringsgruppa får dei informasjon om prosjektet og resultata jamleg.
Anne Dahle Austrheim (KrF): - kva er endring i samband med eigenmeldingar?
Sissel Berge Monslaup svara med eit eksempel: Tidlegare fekk styrar telefon tidleg på morgon, no har dei som rutine at dei ringer barnehagen, der vert skjema fylt ut og lagt på ein fast plass. Dei har vidare rutinar for kven dei skal kontakte for å fylle vakta til den som er vekke. No har alle eit ansvar her, ikkje berre styrar, og styrar kan no heller bruke tid på å ta seg av den som er sjuk. Rutinane vert terpa på jamleg.
Ordførar Per Lerøy (AP) - Dette er eit svært bra prosjekt.
Orienteringssaker etter politiske saker:
Før desse orienteringane, som var heilt til slutt i møtet, gjekk representanten Reidar Øksnes.
• Fondsbruk
Kommunedirektør Bjørnar Fjellhaug orienterte om dei midlane som står på fond, kva som er bunde/ubunde og planar for å få brukt desse midlane. Noko av denne orienteringa vart utsett til møtet 24. juni.
• Status ulike prosjekt (Thomas Lindås): Denne orienteringa vart utsett.
Austrheim kommune løyver kr. 100.000 til tiltak for førebygging av utmarksbrann omrking Åråsfeltet og område sør for kommunesenteret. Midlane vert teke frå Midlane vert frå 251080048 Fond - komp.retaksering verk og bruk.
Avdelingsleiar Asbjørn Nagel Toft orienterte om saka.
Renee Hansen Semmingsen (Bygdelista) kom med framlegg i møte: I samfunnsdelen av kommuneplanen heiter det:
Kommunen skal motverke attgroing av opne landskap gjennom aktiv landskapsforvalting og effektive landbrukstiltak.
Dette vil me få til gjennom å utarbeida kommunal temaplan mot attgroing, med mål, strategiar og tiltak.
I tråd med føringane i kommuneplanen sin samfunnsdel skal Austrheim kommune så snart som økonomisk mogleg utarbeida temaplan mot attgroing der førebygging av utmarksbrann skal ha høg prioritet. Inndekking skal skje gjennom budsjettjustering i 2021 eller i budsjett for 2022.
Asbjørn Nagel Toft: Det er laga ein rapport som kan leggjast fram for kommunestyret.
Aslak Bakke (H) - fekk svar om korleis planen er elles, sidan rapporten kjem. Er det midlar ein kan søkje om til slike tiltak?
Asbjørn Nagel Toft - Det beste er å gi tilskot til beiterydding. Aktive bønder, ope landskap. Kommunestyret bør prioritere beiterydding og aktivt landbruk.
Ordførar Per Lerøy (Ap) - desidert beste måten å førebyggja er aktivt beitebruk. Landskapet blir enklare å sløkkja ved brann. Må vurdere om vi skal følge opp og løyva midlar.
Reidar Ulvøy (AP) - Vi må ha Sotrabrannen i bakhovudet. Dette er positive tiltak. Kva med private eigedommar, vi må tenkjer på desse også. Kan vi få til ein årleg kontroll for heile kommunen og kan eventuelt Brann - og redning vere nokon som kan ta dette tilsynet?
Per Lerøy (AP)- Vi kan sjå til telestasjonen så vil vi sjå kor alvorleg situasjonen er. Har vore dialog med Telenor og grunneigarar og opplever positivitet, men skal private rydde betingar det at det ikkje påfører grunneigarane kostnader. Kommunen må kanskje gå inn med midlar. Telesentralen er eit viktig punkt.
Monika Thorpe - BBK er ute og sjekkar med helikopter, men det er lite som bli teke ned. Kan vi presse meir på BKK og grunneigarar? Modalen har ein god ide med kommunale Geit med GPS sporing.
Asbjørn Nagel Toft - Det er tanken å halde fokus oppe på dette tema i samarbeid med grunneigarar.
Reidar Øksnes (SP) - landbruk, stønad og risiko er noko ein må sjå i samanheng. Kommunen har forpliktelsar i ulike området. Rydde området er ein ting, men det å få sett opp gjerde slik at ein kan ha beitedyr, det er svært viktig. Kanskje ikkje geit som er viktigast enda. Svært mange hus som er fritidsbustader, der ingen bur der fast og det vert naturleg rydda mindre. Viktig å sjå på område i Høgeberget. Vi skal ikkje omprioritere nå, men må vere merksam på andre områder. Brannsikkerheit, og tilkomst er også viktig. Må ta dette på alvor, greitt at vi bruker 100.000,- og tek med framlegg frå Bygdelista, men vi må ta dette vidare. Sjå på heilskapen og lage ein strategi og ta det gradvis framover.
Per Lerøy (Ap) - Vi har saker på sakslista fordi vi tar det på alvor. Grunneigarane som ikkje bur i kommunen kan og vere skeptiske til å gå igang grunna kostnader.
Reidar Ulvøy (Ap) - Private fråflytta gardsbruk, har vi mange av. Skal vi prøve å løfte saka og tenkje annleis. Elles forøvrig heilt einig med Reidar Øksnes.
Morten Sognnes (H) - Vi skal forhalda oss til mange eigarar. Svært bra viss vi får plan på plass. Geit fungerer svært bra, dei kan brukast vedlikehald, men det er svært viktig at ein tar ned dei større trea og.
Asbjørn Nagel Toft - Arbeidet er viktig i alle kystkommunar og ein jobbar med det kontinuerleg. Også i samband med andre planar om til dømes Heiane plan. Vi må vere føre var og få rydda landskapet. Attgroingsfasen er farlegast.
Inger Lise Brekke (H) - Vi kan gjere meir så snart som økonomisk mogeleg. Framlegg er litt for ope. Kostnader må fortløpande presenterast for kommunestyret slik at ein kan ta stilling til det. Vise til samfunnsdelen, der det skal vere prioritert
Per Lerøy (AP) - Vedtak som foreslått, men vise til samfunnsdelen, ber om at kommunedirektøren skal utarbeide plan som oppfølging.
Konstituert kommunedirektør Bjørnar Fjellhaug - Entreprenørar kan arbeide vidare i sommar, derfor ønskeleg med midlar no. Midlane kan ein ta frå 251080048 Fond - komp. Retaksering verk og bruk
Framlegg til vedtak: Austrheim kommune løyver kr. 100.000 til tiltak for førebygging av utmarksbrann omkring Åråsfeltet og område sør for kommunesenteret. Midlane vert teke frå 251080048 Fond - komp. Retaksering verk og bruk.
Per Lerøy (Ap) - Er Bygdelista med på dette framlegget viss vi legg til det med samfunnsdelen i kommuneplanen?
Renee Hansen Semmingsen (Bygdelista) svara bekreftande på dette.
Handsaming i kommunestyret:
Framlegget vart samrøystes vedteke.
1.Den skisserte planen for reforma Leve heile livet- Gode liv for eldre i Austrheim Kommune vert vedtatt slik den ligg føre (2019-2023)
2.Tiltak som vert gjennomført skal gjerast innanfor dei økonomiske ramma til avdeling helse og omsorg. Eventuelle kostnader framover må vurderast ved budsjett 2022.
Kommunalsjef helse og omsorg Monika Kvamme orienterte om saka - Dette er ein samfunnsreform og har vi ein plan kan vi søkje om midlar.
Helge Dyrkolbotn (KrF) - Var litt kritisk ved førre behandling, men no er det ein svært god plan som vi kan jobbe etter.
Handsaming i kommunestyret:
Framlegget til vedtak vert samrøystes vedteke
Saka gjeld å legge funksjon inn i plan istaden for namn.
Handsaming i kommunestyret:
Vedtaket vert samrøystes vedteke
Kommunestyret vedtek at administrasjon kan starta eit arbeid med å innhente tilbod på utarbeiding av tilstandsrapport på Nordlheimen.
Kommunedirektøren kjem attende til kommunestyre med kostnad for arbeidet med med tilstandsrapport og korleis dette skal dekkast inn.
Kommunalsjef helse og omsorg Monika Kvamme orienterte om saka
Ordførar Per Lerøy (Ap) - Gjer merksam på at det er ein null for lite i framlegget til vedtak.
Helge Dyrkolbotn (KrF) - Støtter at ein må ha ein gjennomgang for Nordliheimen. Spørsmålet er om det klokt å ta ei rullering til hausten for kr 400.000,- . og heller ta det inn i budsjettet for 2022.
Framlegg til vedtak frå KrF. i møte:
Saka om tilstandsrapport på Nordliheimen vert utsett og teken opp i samband med budsjettbehandling for 2022.
Kommunestyret ser ikkje at det er økonomisk forsvarleg å bruke kr. 400.000,- på forskot no. Dette er ei viktig sak, men må vente til 2022 for å sikre dekning på budsjett.
Konstituert kommunedirektør Bjørnar Fjellhaug - Ein bør halde litt tilbake når det gjeld ekstra bevillingar, det kan innarbeidast i budsjett. Så kan ein starte rett over nyttår. Ser at saka er viktig. Dette må gjerast, Nordliheimen er den som står for døra no. Er det noko som skal prioriterast ekstra i haust, bør det vere Nordliheimen.
Monika Thorpe (AP) – Nærværsprosjektet viser at det er høgt sjukefråvær på Nordliheimen, delvis grunna fysiske arbeidsforhold. Kjempeviktig at vi kjem i gang med denne rapporten så snart som mogeleg. Skal vi utsette til 2022, vil det ta for lang tid.
Helge Dyrkolbotn (KrF) - Er einig med Monika Thorpe, bør vere prioritert, ein kan gå ut med anbod no og ta atterhald om at det blir midlar i budsjettet.
Reidar Øksnes (Sp) - Vi har ei pakke med midlar. Når vi får framlegg om auka bruk, bør det vere eit forslag om kor ein skal ta det frå. Ikkje berre budsjettjusteringar. Bør ikkje avd. for bygg behandle dette. Vi ønsker alle dette, men vi må vite kor vi tar pengane frå. Ønskjer at vi skjerper oss inn på måten vi erfaringsmessig har gjort det. Vi må vite kva vi har og kva vi skal bruke det til.
Anne Dale Austrheim (KrF) -
Bjørnar Fjellhaug - dette er bakgrunnen for at vi har skrive vedtaket slik. Vi har ikkje vore ute på anbod. Vi kan kome attende til summane.
Vi er ikkje formelt ute av Robek, kan ikkje nytte midlar no, men vi kan ta forarbeidet og det er det som er intensjonen i saka. Kommunalsjefen for Helse og Omsorg jobbar tett med PBO/eigedom. (svar til Øksnes). Tar til etterretning at vi ikkje har vore tydelege nok på kor vi skal ta midlane frå.
Inger- Lise Brekke (H) - Ber om gruppemøte
AP framlegg - Endre frå anbod til tilbod.
Kommunestyret vedtek at det kan starta eit arbeid med å lyse ut tilbod på å få ein tilstandsrapport på Nordliheimen.
Kostnadsramme vert sett til inntil kr 400 00,-. Inndekning vert gjort i kommunedirektøren si budsjettjustering hausten 2021.
Bjørnar Fjellhaug - viktig at ein går ut å få inn tilbod. Kan bruke hausten på dette. Treng ikkje bruke ekstra midlar i haust, men legge det inn i budsjett. Tidsnok at tilstandsrapport kjem i 2022.
Reidar Øksnes (Sp) - Vi treng ein tilstandsrapport. Skal ikkje sette to saker opp mot kvarandre. Det kan dukke opp noko som gjer at Nordliheimen må prioriterast. Vi kan ikkje stemme mot at rapporten blir laga.
Gruppeleiarmøte for å lage felles framlegg:
Kommunestyret vedtek at administrasjonen kan starta eit arbeid med å innhente tilbod på utarbeiding av tilstandsrapport på Nordlheimen.Kommunedirektøren kjem attende til kommunestyret med kostnad for arbeidet med med tilstandsrapport og korleis dette skal dekkast inn.
KrF trekker sitt framlegg.
Formannskapet trekker sitt framlegg.
Fellesframlegg:
Kommunestyret vedtek at administrasjon kan starta eit arbeid med å innhente tilbod på utarbeiding av tilstandsrapport på Nordlheimen.
Kommunedirektøren kjem attende til kommunestyre med kostnad for arbeidet med med tilstandsrapport og korleis dette skal dekkast inn.
Handsaming i kommunestyret:
Fellesframlegget vart samrøystes vedteke
Kommunestyret gjev ordføraren sommarfullmakt til å avgjere saker frå 25. juni 2021 til første ordinære kommunestyre etter ferien 23. september 2021. Saker som er avgjort etter fullmakt, vert lagt fram for kommunestyret som referatsak i møte den 23. september 2021.
Konstituert kommunedirektør Bjørnar Fjellhaug orienterte om saka.
Ved å ha ei slik fullmakt kan ein få avgjort saker som skulle oppstå i sommarferien.
Handsaming i kommunestyret:
Samrøystes vedteke
Konstituert kommunedirektør Bjørnar Fjellhaug orienterte om saka.
Handsaming i kommunestyret:
Samrøystes vedteke.
Konstituert kommunedirektør Bjørnar Fjellhaug orienterte om saka. Årsmeldinga er frå 2020-utgåva over i digital drakt, med den digitale løysinga Framsikt. Sidan dette er første året med Framsikt-løysinga, er det ting her som ein reknar med skal bli betre i kommande årsmeldingar.
Er i dialog med revisjonen for å få årsmeldinga og årsrekneskapen heilt i tråd med dei krava som ligg i den nye kommunelova, samt at ein vert samde om korleis den digitale årsmeldinga skal leverast.
2020 enda med overskot, slik at ein etter godkjenning av årsmelding og årsrekneskap kan senda melding til Statsforvaltar og formelt komma ut av Robek-lista.
Ordførar Per Lerøy (Ap) sa at årsrapporten er moderne og inneheld den informasjonen ein treng.
Anne Dahle Austrheim (KrF) sa at det var laga ein grundig årsrapport, om også er nyttig for det vidare arbeidet, med opplisting av utfordringar.
Handsaming i kommunestyret:
Samrøystes vedteke.
1. Kommunestyret vedtek Austrheim kommune sin årsrekneskap for 2020.
2. Kommunestyret vedtek å disponere årets rekneskapsmessige mindreforbruk til avsetning for disposisjonsfond kr.6 622 326,65,-.
Økonomi- og personalsjef Odd Harald Dommersnes orienterte om saka. Tala viser mellom anna at kommunen har klart å halda budsjetta på personalutgifter. Elles har ein klart å redusera renteutgifter i 2021, desse var på 4,6 millionar i 2020.
Er framleis i Robek-registeret til Statsforvaltar har registrert det som skal registrerast, sannsynlegvis er dette klart i august.
I samband med kontrollutvalet sin uttale til årsrekneskapen viste Dommersnes til at det er ein del nytt i samband med at ein har gått over til Framsikt. Framover har ein inngått eit samarbeid med Stord kommune, som også brukar Framsikt, for å sikra at alt er på rett plass i samband med årsrekneskapen for 2021.
Dommersnes viste til at kommunestyret er suverene til å disponera mindreforbruket i 2020, men at Statsforvaltar har lagt føringar på det bør settast av til disposisjonsfond.
Revisor Janne Eraker sa at framstillinga av tala i årsrekneskapen ikkje følgjer krava etter lov og forskrift fullt ut, det gjev at det er sett atterhald i godkjenninga. Talmessig er dette eit godt rekneskap, og rekneskapen er sett opp på ein god og oversiktleg måte. Det er framstillinga som er utfordrande. For dei som brukar rekneskapen er det ikkje vesentleg informasjon som manglar, og det er ikkje noko som er utelete med vilje.
Eraker sa vidare at det er kjempebra at det er teke i bruk digitale løysingar som Framsikt, og revisjonen ønskjer å henga med på den digitale utviklinga. Men det må vera mogleg å dokumentera at dokumenta for rekneskap og årsmelding er låste per dei datoane som gjeld for innlevering, der fristane er 22. februar for rekneskap og 31. mars for årsmelding.
Revisjonssjefen orienterte om at det pågår ein samanslåingsprosess der Nordhordland revisjon IKS har slått seg saman med Indre Hordaland Revisjon til Vestlandsrevisjon IKS, gjeldande frå 1.1.2021. Eraker er no revisjonssjef i både Vestlandsrevisjon IKS og Nordhordland revisjon IKS. Kan ikkje legga ned sistnemnde IKS før alle selskap som brukar denne er overførte, og det er det øvste organ i det enkelte selskap som må vedta bytte av revisor.
Vestlandsrevisjon IKS femner om kommunane/herada Voss, Ullensvang, Ulvik, Eidfjord, Austrheim, Fedje, Masfjorden, Modalen og Osterøy. Vestlandsrevisjon IKS har kontor på Knarvik og Voss, og har no mange kommunar der ein kan dra nytte av samarbeid.
Handsaming i kommunestyret:
Samrøystes for rådmannen sitt framlegg til vedtak.
Økonomi- og personalsjef Odd Harald Dommersnes orienterte om saka.
1 prosent opp i rente kostar kommunen 2,6 millionar i auka renteutgifter.
Har byrja å låsa renta på ein del lån, slik reglementet tilseier.
Deler opp låneporteføljen, slik at det ikkje er lån som er på meir enn 25 prosent av totalen.
Låner av ulike bankar, no KLP og Sparebank Midt-Norge som dei siste.
Når ein er ute av Robek-lista, vil det gje betre lånevilkår for kommunen.
Utgiftene viser at det må takast kontroll på personalutgiftene, med tanke på sjukefråvær.
Skatteinntektene er gode, det er dette som finansierer budsjettjusteringane ein har gjort.
Statsforvaltar gav denne veka 750.000 i ekstra skjønstilskot til kommunen.
Eigedomsskatten er på budsjett, det er også andre inntekter.
Vaksinasjon kostar, mykje av dette arbeidet skjer på overtid.
Samla for Korona er utgiftene på 6,5-7 millionar så langt for 2021.
Kjøkkenet har god kontroll på økonomien, og gjer det bra på inntekter.
For brøyting ser ein at det må budsjetterast med meir.
Handsaming i kommunestyret:
Samrøystes for formannskapet sitt framlegg til vedtak.
Økonomi- og personalsjef Odd Harald Dommersnes orienterte om saka.
Ordførar Per Lerøy (Ap) viste til at det står midlar på fond som må brukast. Mellom anna til retaksering av verk og bruk. Her er arbeidet gjort, og skal ikkje gjerast igjen før om 8 år.
Helge Dyrkolbotn (KrF) ba om at det vert retta til at det er felles framlegg frå formannskapet.
Dyrkolbotn ba om at det vart sett inntil 100.000 kroner til hage på Nordliheimen.
Konstituert kommunedirektør Bjørnar Fjellhaug sa at det skal sjekkast kva som er bundne fond, men dette som Lerøy nemner er fritt.
Ordførar Per Lerøy (Ap) sa at fond for eigendel til steinalderplass ved Fosnstraumen kan ein også bruka av.
Handsaming i kommunestyret:
Samrøystes for fellesframlegget frå formannskapet, inkludert at det skal heita at det kan brukast inntil 100.000 kroner til hage på Nordliheimen.
Økonomi- og personalsjef Odd Harald Dommersnes orienterte om saka.
- Løpande drift skal finansierast med løpande inntekter.
- Det er krav om rulleringar av økonomiplanen årleg.
- Ser at utgiftene aukar, men ikkje at inntektene aukar.
- Kjem ikkje utanom at ein må gjera nokre prioriteringar.
Ordførar Per Lerøy (Ap) sa at det skal gjevast nokre signal om føringar for budsjett 2022 og framover. Endeleg vedtak av budsjett og økonomiplan skjer i desembermøtet.
Odd Harald Dommersnes sa at det viktig med føringar. Administrasjonen treng tydelege signal.
Helge Dyrkolbotn KrF) sa at han kjenner seg trygg på at økonomisjefen har kontroll på tala. Politikarane må ha kontroll på økonomien og planen framover. Ikkje nøgd med det verdtaket ein gjorde i formannskapet, har nytt framlegg til vedtak:
1. Orientering om førebels økonomiplan 2022 - 2025 vert teke til vitande.
2. Strategidokument for Austrheim kommune vert utarbeidd som grunnlag for endeleg økonomiplan 2022-2025 og lagt fram for kommunestyret i samband med budsjett 2022
3. Rådmannen arbeider videre med kartlegging av investeringsbehov for å sikre betre økonomisk drift. Eventuelle nye investeringsbehov vert innarbeidd i endeleg framlegg til økonomiplan 2022 - 2025 som skal til politisk handsaming hausten 2021.
Heile kommunestyret vert kalla inn til strategisamling i midten av september. Ordførar Per Lerøy (Ap) sa at det vert gjeve nokre føringar frå politisk til administrasjonen under strategiseminaret.
Aslak Bakke (H), spurte om sjukefråværet. Når byrjar alarmen å ula? Når skjer det noko når tala går opp? Bør inn i målsettingane slik at det er klart kommunisert til dei tilsette. Bakke spurte kor mykje som er korttids- og langtidsfråvær. Odd Harald Dommersnes svara at dette med fråvær vert det jobba med gjennom nærværsprosjektet.
Ordførar Per Lerøy (Ap) sa at han støtta KrF sitt framlegg til vedtak. Må jobba vidare med dette utover hausten.
Handsaming i kommunestyret:
Samrøystes for KrF sitt framlegg til vedtak.
Økonomi- og personalsjef Odd Harald Dommersnes orienterte om saka.
Handsaming i kommunestyret
Samrøystes for formannskapets framlegg til vedtak:
Politiker | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Reidar Ulvøy | Arbeiderpartiet | Medlem | reidar@subseaintv.no |
Britt Mary Skaalevik Lerøy | Arbeiderpartiet | Medlem | britt.leroy@hotmail.no |
Ann Kristin Leirvåg | Arbeiderpartiet | Medlem | Kristin1964@gmail.com |
Monika Thorpe | Arbeiderpartiet | Medlem | monikath@online.no |
Morten Sognnes | Høgre | Medlem | morten.sognnes@austrheim.kommune.no |
Aslak André Bakke | Høgre | Medlem | aba@mrbakke.no |
Helge Dyrkolbotn | Kristeleg Folkeparti | Medlem | Helge.Dyrkolbotn@vlfk.no |
Anne Dahle Austrheim | Kristeleg Folkeparti | Medlem | annedahleaustrheim@gmail.com |
Bjørn Inge Håland Dyrkolbotn | Senterpartiet | Medlem | Bjorn.Inge.Dyrkolbotn@austrheim.kommune.no |
Reidar Øksnes | Senterpartiet | Medlem | 56roek@gmail.com |
Idar Johan Hopland | Arbeiderpartiet | Varamedlem | idar.hopland@gmail.com |
Renee Hansen Semmingsen | Bygdelista i Austrheim | Varamedlem | renee_sem@yahoo.no |
Hege Ramsland | Høgre | Varamedlem | hegeramsland@gmail.com |
Stein Kåre Løvslett | Kristeleg Folkeparti | Varamedlem | steinkl@broadpark.no |
Gro Kaland | Senterpartiet | Varamedlem | gro.kaland@outlook.com |
Monika Kvamme | monika.kvamme@austrheim.kommune.no | ||
Bjørnar Fjellhaug | bjornar.fjellhaug@austrheim.kommune.no | ||
Odd Harald Dommersnes | odd.harald.dommersnes@austrheim.kommune.no | ||
Thomas Lindås | thomas.lindas@austrheim.kommune.no | ||
Kristin Nesbø | kristin.nesbo@austrheim.kommune.no | ||
Hardy Pedersen (Ikke møtt) | Arbeiderpartiet | Medlem | hardpe@online.no |
Marita Terese Bru (Ikke møtt) | Bygdelista i Austrheim | Medlem | marita.bru2209@gmail.com |
Rikke Heldal Hope (Ikke møtt) | Høgre | Medlem | rikke.heldal.hope@hotmail.com |
Randi Keilegavlen Dyrøy (Ikke møtt) | Kristeleg Folkeparti | Medlem | randidy1@start.no |
Lise Renate Helle (Ikke møtt) | Senterpartiet | Medlem | Liserenatehelle@gmail.com |