Utvalg: | Formannskapet |
---|---|
Dato: | 06.12.2021 09:00 - 15:30 |
Møtested: | Austrheim samfunnshus |
Status: | Møtet er ferdig protokollert |
Sakskart: | ![]() ![]() ![]() ![]() |
Møteprotokoll: | ![]() |
Ordførar Per Lerøy (Ap) påpeikte at dei siste sakene kom seint ut.
Kommunedirektør Bjørnar Fjellhaug sa at det er notert, og at i ny møteplan er det teke omsyn til fristar i samband med innkallingar.
Kommunedirektøren sitt framlegg vert samrøystes vedteke
Det var ingen meldingar til møte
Det var ingen meldingar
Kommunedirektøren sitt framlegg vart samrøystes vedteke
Christopher Straumøy orienterte om framlegg til nye vedtekter for Næringsselskapet. Det er ønske om å endre namnet for å gjere det meir i tråd med oppgåvene selskapet skal ha. Nytt namn: Austrheim kommunale eigedomsselskap. I dag er kommunestyret generalforsamling for selskapet, ein ønsker å endre det slik at formannskapet blir generalforsamling, for å skape meir effektivitet.
Det var drøftingar rundt samansetning av styret, leiing av selskapet, valnemda, blandt anna spørsmål som ein bør ha med nokon frå kommunestyret i styret. Christopher Straumøy sa at i praksis er det politikarane som bestemmer kven som skal sitte i styret, og at det viktige er å endre kven som skal vere generalforsamling. Han orienterte vidare om at det er Austrheim kommune som har ansvar for vedtak ved tildeling av bustad, men at selskapet skal hjelpe kommunen med tilgang til eigedomsmassen, selskapet kan leige ut til kommunen.
Det vart og peika på at vedlikehald må vere effektivt og ikkje gå utover ressursane til Teknisk Drift.
I første omgang må ein gjere noko med vedtektene og det må gjerast i generalforsamlinga. Det blir kalla inn til generalforsamling i samband med kommunestyret den 16.12.
Orienteringa frå Øyvind Brantun vert teke til vitande og formannskapet er positive til prosjektet.
Øyvind Brandtun frå Austrheim Idrettslag orienterte om prosjekt ny klatrehall som tilbygg til Austrheim hallen. Prosjektet er forankra i styret i Austrheim Idrettslag og det er ei prosjektgruppe som består av: Lennart Romarheim, Sjur Brandtun og Øyvind Brandtun.
Klatring er ein svært populær aktivitet og anlegg i til dømes i Bergen har ikkje kapasitet til fleire utøvarar. Idrettlaget har ved hjelp av midlar frå Sparebanken Vest hyra firmaet Vill til gjere eit forarbeid til prosjekt som gjeld mogelegheit for å utvide hallen med klatrehall og større styrkerom. Berekna kostnad er 7-8 mill. for påbygget (utvendig, utanom kjem oppbygging av til dømes sjølve klatreveggen) og finansiering er tenkt ved hjelp av tippemidlar, søknad til Sparebanken Vest med fleire og sponsormidlar.
Det er Austrheim kommune som eig hallen og er grunneigar, blant anne derfor treng ein kommunen med på laget. Det blir lagt vekt på at prosjekt ikkje skal belaste kommunen, utover støtte i form av møter for å fordele ansvar undervegs i prosjektet og mandat til å jobbe vidare. Dessutan treng prosjektet tilsluting frå politikarane og at kommunen tek det med i sin handlingsplan for fysisk aktivitet, idrett og friluftsliv som vert lagt til grunn for tippemiddelsøknadane.
Eit samrøystes formannskap ser positivt på prosjektet og at ein må kunne få det inn i prioriteringslista. På spørsmål om administrasjon har ressursar til å bidra svarar kommunedirektøren at ein må vurdere det praktiske, men seier formannskapet ja skal ein finne gode løysingar.
Framlegg til vedtak:
Orienteringa frå Øyvind Brantun vert teke til vitande og formannskapet er positive til prosjektet.
Vedtaket vart samrøystes vedteke
Kommunedirektør Bjørnar Fjellhaug orienterte om saka.
Kommunedirektøren sitt framlegg til vedtak vart samrøyses vedteke
Kommunedirektør Bjørna Fjellhaug gikk gjennom framlegg til budsjett og endringar i etter innspel i høyringsrunden.
Ordførar Per Lerøy (Ap) hadde med innspel frå Arbeidarpartiet, som ønskjer at ein tek tak i dette med at barnetryd vert trekt frå utbetalingane i samband med sosisalhjelp umiddelbart, men tek med seg tilbake til partiet at dette ikkje er så enkelt som først tenkt.
Helge Dyrkolbotn (Krf) - Viss det kjem nasjonale føringar som gjeld frå neste haust kan det vere fornuftig å vente.
Inger Lise Brekke (H) - Vi er i eit vertskommunesamarbeid og må vere forsiktig med å komplisere deira arbeid, meiner vi bør vente å sjå kva som skjer nasjonalt.
Per Lerøy (Ap) - Påpeikte at det ikkje er lagt inn noko ekstra vedlikehaldsmidlar. Bjørnar Fjellhaug svarte at det er lite handlingsrom og at det er politikarane som må avgjere kor dei vil sette inn trykket framover.
Odd Harald Dommernes kommenterte at ein kan hente midlar frå disposisjonsfond til veivedlikehald, men det er eit stramt budsjett og ein må spesielt tenkje på straumkostandane.
Helge Dyrkolbotn (Krf) - Admininstrasjon har gjort ein god jobb med budsjettet og har god kontroll.
Inger Lise Brekke (H) - Vi må halde oss på ei moderat linje og ha disposisjonsmidlar i bakhand.
Per Lerøy (Ap) - er dels einig i det og kanskje kan vi sjå på justeringar etter 1. tertial.
Kommunedirektøren sitt framlegg til tilråding vart samrøystes vedteke.
Kommunestyret vedtek kommunedirektøren sitt framlegg til budsjettjusteringar for 3 tertial.
Kommunestyret tek rapporten til vitande
Odd Harald Dommersnes orienterte og gikk gjennom tala i foreløpig rekneskap for 2021.
Framlegg til vedtak:
Kommunedirektøren sitt framlegg til tilråding:
Kommunestyret vedtek kommunedirektøren sitt framlegg til budsjettjusteringar for 3 tertial.
Kommunestyret tek rapporten til vitande.
Framlegget vart samrøystes vedteke
Det var synfaring på Fonnes, der følgjande deltok:
Formannskapet: Per Lerøy (Ap), Inger Lise Brekke (H), Helge Dyrkolbotn (Krf), Morten Sognnes (H)
Administrasjon: Bjørnar Fjellhaug, Asbjørn Nagel Toft, Christopher Straumøy
Frå partane i saka: Tore Mykelbusthaug, Øystein Austrheim, Ronny Larsen
I møtet orienterte Chistopher Straumøy om saka og klagehandsaminga. Det vart spørsmål kring det med 4 meter avstand til naboeigedomen. Christopher Straumøy informerte formannskapet om at Landbrukskontoret sitt vedtak om avstandskrav på 4 meter til naboeigedommane gjeld, men at det ikkje er det klaga handlar om. Formannskapet skal ta stilling til om det er tilstrekkeleg behov for landbruksveg slik at landbruksforskrifta vert gjeldande.
Framlegget frå kommunedirektøren vart samrøystes vedteke
Saka vart trekt før møte
Saka vart ikkje behandla, den vart trekt før møte.
Orienteringane vert teke til vitande.
Kommunalsjef Monika Kvamme orienterte kort om korona- og vaksinesituasjon:
Ny forskrift i kraft frå fredag 3.12. kl. 21.00. Ikkje så store inngrep, men går meir på arrangement, registrering av besøkjande mm. Når det gjeld heimekontor så er det førebels beslutta at vi i kommunen er på kontoret. Vaksinerer førstkomande torsdag og neste veke. Det er for aldersgruppa 65 pluss og helsepersonell. Det går mykje i sjølvtesting, einskilde kommunar rapporterar om at dei er tom for hurtigtest. Vi har framleis ein del på lager, men det er mykje spørsmål. Klar melding frå Statsforvaltaren at folk må kjøpe testane sjølv om dei ikkje har symptom.
Avdelinga kjøper inn nye system, Helserespons og Remin, blandt anna for å forbetre kommunikasjon og lette arbeidet i samband med vaksinering.
Ny kommunalsjef for Oppvekst og Kultur Trine Merete Jansen presenterte seg for formannskpet. Ho byrja i jobben forrige veke og held no på å gjere seg kjent i organisasjonen og med oppgåvene. Kjem frå rektorjobb i Alver og gler seg til arbeidet både innan oppvekt- og kultursektoren.
Politiker | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Morten Sognnes | Høgre | Medlem | morten.sognnes@austrheim.kommune.no |
Helge Dyrkolbotn | Kristeleg Folkeparti | Medlem | Helge.Dyrkolbotn@vlfk.no |
Odd Harald Dommersnes | odd.harald.dommersnes@austrheim.kommune.no | ||
Trine Merete Jansen | trine.merete.jansen@austrheim.kommune.no | ||
Monika Kvamme | monika.kvamme@austrheim.kommune.no | ||
Bjørnar Fjellhaug | bjornar.fjellhaug@austrheim.kommune.no | ||
Christopher Marius Straumøy | christopher.marius.straumoy@austrheim.kommune.no | ||
Kristin Nesbø | kristin.nesbo@austrheim.kommune.no | ||
Bjørn Inge Håland Dyrkolbotn (Ikke møtt) | Senterpartiet | Medlem | Bjorn.Inge.Dyrkolbotn@austrheim.kommune.no |