Utvalg: | Formannskapet |
---|---|
Dato: | 02.06.2022 09:00 - 15:30 |
Møtested: | Austrheim samfunnshus |
Status: | Møtet er ferdig protokollert |
Sakskart: | ![]() ![]() |
Handsaming i formannskapet:
Samrøystes for kommunedirektørens framlegg til vedtak.
Handsaming i formannskapet:
Samrøystes for kommunedirektørens framlegg til vedtak.
Handsaming i formannskapet:
Samrøystes for kommunedirektørens framlegg til vedtak.
Avdelingsleiar plan, Asbjørn Toft, orienterte om dei delegerte sakene.
Ordførar Per Lerøy (Ap) sa at ein vil be Husbanken om eit års utsetting av tilskotet til ROP-bustader, for å vera sikker på at ein rekk behandlinga med tanke på naboklager med vidare.
Varaordførar Inger Lise Brekke (H) spurte om storleiken på bustadene, der Austrheim i sine kommunale planar har sett minst 50 m2, medan Sintef har gitt råd om å bygga mindre.
Asbjørn Toft sa at det eine huset har vaktrom og er litt større enn dei to andre. Einingsleiar teknisk drift, Rolf Henning Myrmel, viste til at rådet frå Sintef var å bygga 42 kvadratmeter. No vert bustadene 52 kvadratmeter, det trengst for å kunna få støtte frå Husbanken, mellom anna plass til snusone og plass til stell.
Handsaming i formannskapet:
Samrøystes for kommunedirektørens framlegg til vedtak.
Kommunedirektør Bjørnar Fjellhaug sa at det skal vera eit møte i administrasjonsutvalet torsdag 16. juni, før formannskapet. Administrasjonsutvalet vert klokka 15.00, og så kommunestyre frå klokka 16.30.
Økonomi- og personalsjef Odd Harald Dommersnes orienterte om resultatet i det sentrale lønsoppgjeret, kommunen vil gje støtte til KS på dette resultatet. Det er semje i alle unnateke eitt forbund.
Ser at tillegg for arbeid på natt er endra frå kronebeløp til prosent, men minst 70 kroner. Det kan gje auke for dei med lang ansiennitet, så veit ikkje heilt kor mykje det vert i auka kostnader for kommunen.
Kommunalsjef oppvekst og kultur, Trine M. Jansen, orienterte om mottak av flyktningar frå Ukraina. I første omgang kjem det to kvinner, mor og dotter. Kommunen er bedt om å ta i mot vaksne einslege, men det har ein ikkje bustader til no. Når neste tilflytting av flyktning kjem, veit ein ikkje. Kommunen har lyst ut jobben som flyktningkoordinator internt, 50 prosent prosjektstilling fram til neste sommar.
Kommunedirektør Bjørnar Fjellhaug sa at han vil orientera om skuleprosjektet i kommunestyremøtet 16. juni.
Økonomi- og personalsjef Odd Harald Dommersnes orienterte om turnover i Austrheim kommune, samanlikna med andre kommunar. (Ligg ved møteboka)
Inger-Lise Brekke (H) sa at det er ikkje stor gjennomtrekk, men det er likevel utfordrande om kompetansen forsvinn.
Kommunedirektør Fjellhaug sa at det er enkelte stillingar det er utfordrande å rekruttera til, som psykolog og logoped. Ser at det ikkje er slik at ein blir verande i same jobb, unge i dag bytter jobb oftare enn før. Det kan vera for å få større stillingsprosent, eller dei tek andre jobbar for å klatra på karrierestigen.
Kommunen skal elles i gang med å rekruttera ny kommunalsjef helse og omsorg.
Økonomi- og personalsjef Odd Harald Dommersnes sa at det er viktig at det blir gjennomført sluttintervju med dei som sluttar.
Handsaming i formannskapet:
Samrøystes for kommunedirektørens framlegg til vedtak.
Formannskapet i Austrheim tek ikkje klagen til følgje.
Grunngjeving er gjeve i saksutgreiinga.
Vedtaket er heimla i forvaltningslova § 33.
Saka vert sendt til Statsforvalteren i Vestland for endeleg avgjerd.
Avdelingsleiar plan Asbjørn Toft orienterte om saka.
Handsaming i formannskapet:
Samrøystes for kommunedirektørens framlegg til vedtak.
Austrheim kommune gjev på vilkår dispensasjon frå pbl. § 29-4 og frå kommuneplan, plan-id: 2013001 til gjenoppbyggjing av «Kristianhuset på gbnr. 152/29.
Huset vert oppført i tråd med det nedbrente «Kristianhuset» så langt det er mogeleg.
Det skal sikrast vegtilkomst for arbeidet med gjenoppbyggjingen gjennom avtale med Austrheim Kommune.
Det vert forutsett at bygget vert oppført i tråd med relevante offentlege føresegner.
Grunngjeving for vedtaket går fram av saksutgreiinga.
Vedtaket har heimel i plan- og bygningslova (pbl.) § 19-2 jf. §§ 11-6, 29-4 og naturmangfaldslova §§ 8-12.
Saka vert sendt Statsforvalteren i Vestland og Vestland fylkeskommune for klagevurdering.
Avdelingsleiar plan Asbjørn Toft orienterte om saka.
Handsaming i formannskapet:
Samrøystes for kommunedirektørens framlegg til vedtak.
Formannskapet i Austrheim tek ikkje klagen til følgje. Det gjevast dispensasjon frå føresegn 5.5.3.1 i reguleringsplan for Breivik/Åråsvågen/Sætremarka.
Grunngjeving er gjeve i saksutgreiinga.
Vedtaket er heimla i forvaltningslova § 33 og pbl. § 19-2.
Saka vert sendt til Statsforvalteren i Vestland for endeleg avgjerd.
Avdelingsleiar plan Asbjørn Toft orienterte om saka.
Handsaming i formannskapet:
Samrøystes for kommunedirektørens framlegg til vedtak.
Austrheim kommune gjev på vilkår dispensasjon frå kommuneplan plan-id: 2013001 og dispensasjon frå kommuneplanen sin arealdel og pbl. § 1-8 til omsøkte flytebryggje:
Flytebryggja vert skilta som open for ålmenta.
Fortøyningsblåse i område tilhøyrande søkjar må fjernast.
Grunngjevinga er gjeve i saksutgreiinga. Vedtaket er heimla i plan- og bygningslova § 19-2, jf. § 11-6 og § 1-8, samt naturmangfaldlova §§ 8-12.
Saka vert sendt til Statsforvalteren i Vestland for klagevurdering.
Avdelingsleiar plan Asbjørn Toft orienterte om saka.
Handsaming i formannskapet:
Samrøystes for kommunedirektørens framlegg til vedtak.
Formannskapet tilrår: Austrheim kommunestyre godkjenner årsrapporten for 2021 for Austrheim kommune.
Kommunedirektør Bjørnar Fjellhaug orienterte om årsrapporten.
Ordførar Per Lerøy (Ap) stilte spørsmål ved talet på tilsette i kommunen, både samla tal sidan lønsutgifter er den største kostnaden for kommunen, og deltidstilsette sidan talet på tilsette (328) var noko høgare enn talet på årsverk (253,5) i 2021.
Om deltid sa kommunedirektør Fjellhaug at det er nokre som jobbar frivillig deltid, her kommenterte ordførar Lerøy at deltid er krevjande for kommunen sidan det gjev fleire tilsette, og at det kan bli veldig krevjande for tilsette som mellom anna får dårlegare pensjon enn om dei hadde jobba fullt. Lerøy la til at i det private næringslivet ville ein ikkje fått velja sjølv å jobba deltid, dette får ein berre om det er særlege grunnar.
Kommunalsjef helse og omsorg Monika Kvamme sa at det er ein del som ikkje vil jobba fullt på grunn av at det er helg og kveld inkludert i heiltidsstillingar.
Morten Sognnes (H) spurte om det er mogleg å tilby nytilsette ei gulrot på tre års subsidiert bustad, for å få folk til å busetja seg i kommunen.
Inger Lise Brekke (H) sa at subsidiert bustad bør vera del av utlysingar, for å få fleire søkarar.
Helge Dyrkolbotn (KrF) sa at dette har vore diskutert tidlegare, og at det då har vore semje om å laga eigne retningslinjer for dette med subsidiert bustad. Her svara kommunedirektør Fjellhaug at ein jobbar med dette, men den største utfordringa er at det er lite kommunale bustader, med tanke på at det er ein del som kommunen etter lova skal tilby bustad. Fjellhaug sa at kommunen skal legga til rette det ein kan for å skaffa bustad, i tillegg til å be eigedomsselskapet jobba meir med dette.
Bjørn Inge Håland Dyrkolbotn (Sp) sa at det ikkje er nok å tilby bustader, det er også slik at alle som bur i kommunen må ta eit tak med inkludering av nytilflytta.
Helge Dyrkolbotn (KrF) sa at kommunen har hatt dette tilbodet tidlegare, men at fleire kommunale bustader er selde.
Morten Sognnes (H) ba om at kommunen var meir aktiv med å skaffa seg bustader, og sa at det tilfører kommunen meir om nokon flyttar til kommunen og bygdene, enn om desse husa vert leigde ut til arbeidspendlarar.
Kommunedirektør Bjørnar Fjellhaug sa at dette er ei sak ein vil jobba vidare med opp mot Austrheim kommunale eigedomsselskap, for å sikra fleire bustader.
Handsaming i formannskapet:
Samrøystes for kommunedirektørens framlegg til vedtak.
Kommunestyret godkjenner rekneskapen for 2021.
Netto driftsresultat i rekneskapen for 2021 blir i heilskap sett av til disposisjonsfond.
Økonomi- og personalsjef Odd Harald Dommersnes orienterte om saka, inkludert uttalen frå Kontrollutvalet si handsaming 1. juni.
Om 2021 viste ordførar Per Lerøy at noko av avvika frå budsjett til rekneskap kjem av midlar som kom uventa utanfrå, som støtte til Korona-arbeid eller investeringsstøtte til trafikksikring. Desse midlane vil gje vekst, gjerne både i inntekter og utgifter.
Kommunedirektør Fjellhaug viste til at revisjon og kontrollutval var opptekne av at innkjøp må vera forankra i vedtak i kommunestyret, her sa ordførar Lerøy at politikarane og administrasjonen må hjelpa kvarandre for å til dette.
Handsaming i formannskapet:
Samrøystes for kommunedirektørens framlegg til vedtak.
Kommunestyretgodkjenner kommunedirektøren sitt framlegg til budsjettjusteringar på drift med eiauka kostnadsramme på kr 3 530 000,-. Den auka kostnaden blir dekka gjennom at ein aukar budsjettet med tilsvarande beløp på personskatt(inntekt og formue).
Investeringsramma for VA vert auka frå 12 til 19,1 millionar kroner. Den auka investeringsramma blir finansiert gjennom auka låneopptak på 7,1 millionar kroner
Kommunestyretgodkjenner kommunedirektøren sibudsjettjustering på kr 700 000,- for bygging av gang og sykkelveg langs FV 565. Ein godkjenner at kommunen sin eigenandel vert finansiert gjennom eit låneopptak på 500000,- kroner i samband med bygging gang/sykkelveg lang FV 565.
Kommunestyre godkjenner kommunedirektøren si budsjettjustering for veglys langs FV 5506 ved Hoplandssjøen på kroner 900 000,-. Ein godkjenner at kommunen sin eigenandel vert finansiert gjennom eit låneopptak på 700 000,- kroner i samband med oppsett av veglys lang FV 5506.
Kommunestyretgodkjenner at det vert teke opp eit låneopptak på 650 000,- kroner for å kjøpa ut leigeavtalen for traktoren som vert nytta på teknisk drift.
Kommunestyret godkjenner at det vert teke opp eit lån på 12 millionar kroner for å dekke VA investeringane som blei gjort i 2021.
Kommunedirektøren kjem attende med eisak om både økonomi og risiko knytta til bygginga av tursti i Åråsvågen.
Økonomi- og personalsjef Odd Harald Dommersnes orienterte om saka.
Det skal gjerast ei retting i saksframlegget, det fylkeskommunen sitt tilskot til tursti Åråsvågen er 1 million kroner og ikkje 1,3 millionar. Kommunen sin eigendel aukar tilsvarande. I tillegg er dette ein universelt tilgjengeleg gangveg, og ikkje tursti.
Ordførar Per Lerøy (Ap) la fram framlegg til tillegg, på vegner av Ap og Høgre, mellom anna med ei anna løysing for gangveg frå Åråsfeltet til Åråsvegen. Avdelingsleiar Plan, Asbjørn Toft, sa at det er mogleg å søka fylkeskommunen om å endra dette prosjektet.
Lerøy (Ap) ba om at det vart laga teikningar og sendt inn som framlegg til fylkeskommunen, for å sjå på denne løysinga. Her sa Asbjørn Toft at det gjerne må brukast konsulent for å få laga desse teikningane, men at administrasjonen kan laga eit framlegg på korleis dette kan løysast.
Administrasjonen viste til at det var nokre som hadde ønskje om å overta skøytebana som er lagra ved idrettshallen, her sa Helge Dyrkolbotn (KrF) at dette ikkje bør gjevast vekk til eit bygdelag utan at det er ein god plan for bruken, elles er det avfall.
Bjørn Inge Håland Dyrkolbotn (Sp) ba om at det vart bygd eit gjerde langs nordveggen på Ungdommens Hus, slik at skuleborn kan gå trygt frå skulen og til hallen/Ungdommens hus. Einingsleiar teknisk drift, Rolf Henning Myrmel, sa at dette har vore diskutert tidlegare. Også Inger Lise Brekke (H) støtta at det kjem eit gjerde her. Dette skal også stoppa parkering heilt inn til veggen.
Helge Dyrkolbotn (KrF) sa at han kan vera samd i mange av framlegga i tillegget frå Ap og H, men det er ikkje rett å vedta når det ikkje er kostnader på dette. Saka om gangveg er OK, resten bør gå tilbake til kommunedirektøren for å svarast ut. Elles er det budsjettjustering med mykje høgare summar enn det som ligg her i saka.
Per Lerøy (Ap) svara at det ikkje er nye ting, til dømes geiter var oppe i kommunestyret tidlegare, men er ikkje med no i revidert budsjett, og då må ein påpeika dette. Inger Lise Brekke (H) støtta Lerøy at det ikkje er nye saker.
Helge Dyrkolbotn (KrF) spurte om det er mogleg å bora etter jordvarme og varma både kommunehuset, Årås skule, Nordliheimen med fleire. Her svara Asbjørn Toft at det er kommunehuset og sjukeheimen som er tilrettelagt for vassboren varme. Økonomi- og personalsjef Odd Harald Dommersnes sa at det også vert vurdert installering av solvarme på Nordliheimen.
Helge Dyrkolbotn (KrF) ba om at det vart sett av ein fast sum til vedlikehald av idrettsanlegg, slik at det ikkje kjem som store overraskingar. Her svara kommunedirektøren at dette skal vurderast i samband med budsjettarbeidet. Har også ein avtale med idrettslaget om at dei kan forskottera.
Det var semje i formannskapet om at tilleggsframlegget frå vert sendt over til administrasjonen for utgreiing.
Handsaming i formannskapet:
Samrøystes for kommunedirektørens framlegg til vedtak.
Tilleggsframlegget frå Austrheim Arbeidarparti og Austrheim Høgre vert sendt over til administrasjonen for utgreiing.
Kommunestyret vedtek den framlagte økonomiplanen slik han ligg føre, men kommunedirektøren vil i budsjettframlegg for 2023 komme med endeleg framlegg til økonomiplan for perioden 2023-2026.
Kommunedirektør Bjørnar Fjellhaug orienterte om saka.
Handsaming i formannskapet:
Samrøystes for kommunedirektørens framlegg til vedtak.
Formannskapet og kommunestyret ber kommunedirektøren om å søka Statsforvaltar om å gje Austrheim status som turiststad, heile året. Dette vil gje grunnlag for å gje Austrheim Handel løyve til søndagsope, og eventuelt andre butikkar som også måtte ønskja det.
Ordførar Per Lerøy (Ap) sa at det er ei bra sak for kommunen å verta definert som turistområde, og at det i neste omgang kan søkast om søndagsope for butikkane.
Helge Dyrkolbotn sa at KrF er i mot søndagsope, ser ikkje behovet for dette. Om alle får dette er det då tenleg for Austrheim Handel, spurte Dyrkolbotn.
Inger Lise Brekke (H) sa at dersom det blir mogleg å søka om søndagsope, så er det ikkje mogleg å forskjellsbehandla, då må alle få halda ope.
Helge Dyrkolbotn (KrF) sa at han er samd med at dersom det vert opna for søndagsopent, så vert det ope for alle å søka. Kvifor kan ikkje Austrheim Handel heller prøva Brustadbua-ordninga, spurte han.
Handsaming i formannskapet:
Kommunedirektørens framlegg til vedtak, vedteke med 3 mot 2 (Helge Dyrkolbotn (KrF) og Bjørn Inge Håland Dyrkolbotn (Sp).
Kommunestyret i Austrheim vel følgjande kommunekomité for TV-aksjonen 2022:
- Leiar: Ordførar Per Lerøy
- Sekretær: Rigmor Ludvigsen
- Ein tilsett i administrasjonen med lokalkunnskap i Austrheim
- Eit medlem utpeikt av Lindåsneset Sanitetsforeining
- Eit medlem utpeikt av Årås Sanitetsforeining
- Eit medlem frå Austrheim idrettslag
- Eit medlem frå Ungdomsrådet
Rådmannen får mynde til å erstatta eller legga til medlemmer i komiteen for TV-aksjonen.
Austrheim kommune løyver 30.000 kroner til TV-aksjonen 2022.
Kostnaden vert dekka frå post 1490380001902
Ordførar Per Lerøy (Ap) orienterte om saka.
Handsaming i formannskapet:
Samrøystes for kommunedirektørens framlegg til vedtak.
Tilråding frå formannskapet:
Kommunestyret tekdriftsrekneskapen for fyrste tertial til vitande.
Kommunestyret tek finansrapporten for fyrste tertial til vitande.
Kommunalsjef Odd Harald Dommersnes orienterte om saka.
Langtidsfråværet utgjer over 50 prosent.
Straumkostnaden vil stiga når det skal inngås nye avtalar.
Har hatt ein del konsulentkostnader, men desse prosjekta er avslutta.
Advokatkostnader kan ein ikkje føresjå, dette er kostnader kommunen får når sakene oppstår.
Helge Dyrkolbotn (KrF) sa at han kjenner seg trygg på tala som vert lagt fram for formannskapet. Det er ein del utfordringar, må ha kontroll på utgiftene også når inntektene er betre enn budsjettert. Om barnevern sa Dyrkolbotn at ein må satsa på førebyggande arbeid for å unngå kostnader til institusjon, dette kan vera fritidskontaktar, støtte til frivillig arbeid, avlastingstilbod med meir.
Ordførar Per Lerøy (Ap) sa at han er uroleg over at langtidsfråværet er såpass høgt. Nokre vanskelege diagnosar er det vanskeleg å jobba førebyggande på, men det er mogleg å redusera
Varaordførar Inger Lise Brekke (H) sa at det er viktig med langsiktig arbeid for å halda nede sjukefråværet.
Handsaming i formannskapet:
Samrøystes for kommunedirektørens framlegg til vedtak.
Kommunestyret vedtek at ein overfører budsjettmidlar for prosjekt som ikkje vart sluttført i 2021 til 2022 og at desse vert finansiert ved bruk av ubrukte lånemidlar.
Kommunalsjef Odd Harald Dommersnes orienterte om saka.
Handsaming i formannskapet:
Samrøystes for kommunedirektørens framlegg til vedtak.
Politiker | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Morten Sognnes | Høgre | Medlem | morten.sognnes@austrheim.kommune.no |
Helge Dyrkolbotn | Kristeleg Folkeparti | Medlem | Helge.Dyrkolbotn@vlfk.no |
Bjørn Inge Håland Dyrkolbotn | Senterpartiet | Medlem | Bjorn.Inge.Dyrkolbotn@austrheim.kommune.no |
Monika Kvamme | monika.kvamme@austrheim.kommune.no | ||
Odd Harald Dommersnes | odd.harald.dommersnes@austrheim.kommune.no | ||
Trine Merete Jansen | trine.merete.jansen@austrheim.kommune.no | ||
Bjørnar Fjellhaug | bjornar.fjellhaug@austrheim.kommune.no | ||
Asbjørn Nagell Toft | asbjorn.n.toft@austrheim.kommune.no | ||
Rolf-Henning Myrmel | rolf.henning.myrmel@austrheim.kommune.no |