Lávdegoddi: | Kommunestyret |
---|---|
Dáhton: | 16.12.2021 15:00 - 21:55 |
Čoahkkinbáiki: | Austrheim samfunnshus |
Dilli: | Čoahkkima beavdegirji lea válmmas |
Áššekárta | ![]() ![]() ![]() |
Čoahkkinbeavdegirji | ![]() |
Handsaming i kommunestyret:
Rådmannen sitt framlegg vert samrøystes vedteke
(15 representantar, Randi Keilegavlen Dyrøy (KrF) og Jan Erik Espelid (Bygdelista) var ikkje på plass)
(I denne saka var Hege Ramsland vara for Aslak Andre Bakke)
Handsaming i kommunestyret:
Rådmannen sitt framlegg vert samrøystes vedteke
(15 representantar, Randi Keilegavlen Dyrøy (KrF) og Jan Erik Espelid (Bygdelista) var ikkje på plass)
(I denne saka var Hege Ramsland vara for Aslak Andre Bakke)
I samband med meldingssakene orienterte ordførar Per Lerøy om brev frå Statens Vegvesen om Vardebrua, som skal gje gangveg utan kryssing over fylkesveg 565 ved Kaland. Dette prosjektet er ein del av Nordhordlandspakken. Brua skal kosta til rundt 12 millionar, og det er valt ei løysing med ei bru av komposittmateriale.
Etter anbodsrunden måtte det firmaet (frå Holland) som vann senda over sine berekningar til Vegdirektoratet for godkjenning. Den verksemda som har rammeavtale med same direktorat for kontroll av papira frå leverandøren, har hatt innsigelsar på fleire punkt. Per i dag er tidsplanen at ein i beste fall er klar og på plass i mai, eller i verste fall ikkje er klar før til hausten.
Ordførar har prøvd å bruka kontaktutvalet i Nordhordlandspakken for å få fortgang i saka, i tillegg til eigen direkte kontakt, og til slutt er det sendt ein protest direkte til Samferdselsdepartementet. Fortvilande at byråkratiet er slik når ein ønskjer å betra trafikktryggleiken og få dei mjuke trafikantane vekk frå fylkesvegen. Har ikkje fått særleg hjelp frå Staten i denne saka.
Handsaming i kommunestyret:
Rådmannen sitt framlegg vert samrøystes vedteke
(15 representantar, Randi Keilegavlen Dyrøy (KrF) og Jan Erik Espelid (Bygdelista) var ikkje på plass)
(I denne saka var Hege Ramsland vara for Aslak Andre Bakke)
Kommunedirektør Bjørnar Fjellhaug ønskte velkommen den nye kommunalsjefen for oppvekst og kultur, Trine Merete Jansen, som tok til 1. desember. Tidlegare har Jansen vore rektor ved Sæbø skule i Alver, og før det avdelingsleiar ved ein skule i Bergen, som lærar og innan PPT.
---
Kommunalsjef helse og omsorg, Monika Kvamme, orienterte om Korona-situasjonen.
Omikron-viruset, som er meir smittsam, gjer at situasjonen er uavklart.
Tiltak er meir avstand, munnbind, avgrensa nærkontaktar, heimekontor med meir.
Mykje arbeid med Korona for kommunen.
Har starta vaksinering på nye måtar med Drop-in.
Er no på vaksinering i gruppa 45 til 65 år, samt helsepersonell og dei som jobbar i skule og barnehage.
Har rundt 450 dosar til bruk i dag 16/12, får 660 dosar til tysdag. Vaksine er rekna for å ha best effekt.
Har samkjørt karantenereglar mellom Omikron og Delta-viruset.
Hurtigtestar er eit knappheitsgode, og kommunen er pålagt å vera restriktive med utdelinga av desse.
Er i gang med beredskapsleilegheit for dei som treng hjelp med ein plass å vera i karantene/isolasjon.
Helsepersonell kan sleppa karantene og gå på jobb med testing, men må vera i fritidskarantene.
Helse Bergen melder at det er krevjande situasjon, for testing og analyse av testar
Monika Thorpe (Ap) spurte om beredskapsleilegheit er den i Sætremarka 46. Kvamme svara at det er denne, samt at ein sjekkar med Kilstraumen om dei kan hjelpa med leilegheiter. Alver kommune sitt tilbod til desse er på til Fjordslottet på Osterøy.
---
Kommunalsjef oppvekst og kultur, Trine Merete Jansen, orienterte om tiltak i barnehage og skule.
Ikkje høge smittetal i Austrheim.
Det er no gult nivå etter trafikklysmodellen.
Har tett dialog og har sett på beredskapsplanen som ligg, var klar til gult nivå då beskjeden kom.
I barnehagane er det utfordrande med bemanninga, med mykje forkjøling som går og fleire som er heime med symptom på grunn av Korona.
Har sett på kva som er kritisk låg bemanning i barnehage og skule. Uavhengig av trafikklys så må bemanninga vera tilstrekkeleg til at det er trygt for barna, at ein kan følgja smittevernsreglar og at ein kan følgja HMS-reglar.
Skulane melder at bemanninga er knapp, men dette har ein klart før og skal klara no også. Får litt pause rundt jul.
Barnehagane har litt redusert barnetal i romjula, det vil hjelpa noko.
I Alver er situasjonen annleis, men dei har heilt andre smittetal. Her i Austrheim har ein vurdert at ein har godt system for dette, og følgjer smittevernråd og tiltak. Må evt. vurdera på nytt dersom det kjem eit utbrot. Er klare til å gå til raudt nivå dersom det er naudsynt.
For barn er det vurdert at det er best å vera på skule og i barnehage.
Har justert opningstid barnehagar på grunn av bemanninga og press der, men dei med grunnlag i arbeid som er samfunnskritisk får tilbod om vanleg opningstid.
Kommunedirektør Bjørnar Fjellhaug sa om skulane at ved ei nedstenging utan smitteutbrot må skuledagar takast igjen. Slik situasjonen er i dag ser ikkje kommunedirektøren at ein skal stenga skulane, men situasjonen kan endra seg i dag eller i morgon.
Kommunalsjef Monika Kvamme sa at Statsforvaltar har presisert at det er smittevernoverlegen som kan stenga skulane, ikkje skuleeigar åleine.
Kommunalsjef Trine Merete Jansen sa at dei kommunane som har valt å stenga må ta att desse dagane, og ein må ha ei god vurdering i botnen. Om ein følgjer retningslinjene så skal dette gå bra.
---
Økonomi- og personalsjef Odd Harald Dommersnes, og einingsleiar teknisk drift Rolf Henning Myrmel orienterte om avvik ved heisane på Kystbarnehagen og Nordliheimen. Dette er noko som må utbetrast, eller så må heisane stengast.
Avvik på våre personheisar i Kystbarnehagen og på Nordliheimen
Det er nå gjennomført kontroll på våre personheisar og det er funne avvik som vil bli monaleg kostbart å få utbetra.
Kystbarnehagen.
1 avvik som medføre fare for persontryggleiken, må utbetrast
3 avvik som kan medføre fare for persontryggleiken, må utbetrast.
Vi har mottatt tilbod for å lukka desse avvika pris 90 000,- kroner. Forslag om at dette blir tatt av det ordinære vedlikehaldsbudsjettet
Nordliheimen. Her må der gjennomførast ei større utbetring, som inkl. flg.
Ny moderne styring av heisen
Nye knappar og tablå
Heildekkande fotocellefelt på innerdører (og risikovurdering for å unngå kravet om innerdør)
Utskiftning av håndpumpe på aggregat (denne er veldig slitt)
Komplett ny moderne heisalarm (her kjem det nye krav til alarm, da gammel teknologi blir avviklet av teleselskapene)
Vi har mottatt tilbod for å oppdatera heisen på 495.000 kroner. Forslaget er at deler av midlane som var satt av til å oppgradere VA på Vestlia blir nytta til dette, slik at vi unngår at heisen i Norliheimen vert stengt.
Odd Harald Dommersnes sa at det no er oppe i fem millionar brukt i 2021 på etterslep på vedlikehald. Har hatt fleire slike ting, mellom anna idrettshallen der ein måtte bruka 500.000 for å unngå stenging.
Framlegget er å ta 500.000 frå prosjekt ny kloakk Vestlia, eit prosjekt som ikkje er starta opp enno. Kan finna nye midlar til det når det prosjektet kjem i gang. Ann Kristin Leirvåg (Ap) sa at det viktig at dette arbeidet på Vestlia vert utført.
Helge Dyrkolbotn (KrF) spurte om ein kan få inn fleire tilbod på arbeidet.
Rolf Henning Myrmel svara at ein kan henta inn prisar frå andre, men at det nok vil enda på dette nivået.
Ny heis på Nordliheimen vil kosta betydeleg mykje meir enn denne oppgraderinga. Rapporten som føreligg seier at usikkerheitsmomentet er heismotoren, resten er heisen er av god kvalitet, og Nordliheimen får ei fullgod oppgradering av heisen med dette tilbodet. Ny motor kan kosta rundt 100.000.
Odd Harald Dommersnes sa at kommunen skal sjølvsagt følgja reglar for anskaffingar. Under 100.000 treng ein ikkje bruka anbod, men på Nordliheimen må ein henta pris frå 3 tilbydarar.
Kommunalsjef Monika Kvamme sa at denne heisen vert brukt til transport for reinhald og varer, og at det er veldig vanskeleg å driva om ein ikkje har heis.
Spørsmål til orienteringane:
Reidar Øksnes (Sp) spurte om finansiering av heis-prosjekt skal gjerast i samband med budsjettjustering 2021. Odd Harald Dommersnes svara at det vert nytta av den avsette potten til Vestlia, og så må ein styrka potten til Vestlia igjen ved årsavslutninga.
Reidar Øksnes (Sp) ba om at teknisk vedlikehald og vedlikehald generelt vert eige emne i kommunestyret. Kommunen har ein del gammalt utstyr. Ordførar Per Lerøy svara at det hadde vore bra med eit klart bilde av korleis den tekniske tilstanden er.
Kommunedirektør Bjørnar Fjellhaug svara at ein skal laga økonomiplan for dei neste fire åra, og i samband med dette kartlegga kostnader til vedlikehald, og kva som må gå på drift eller kan tas som investeringar. Kan ikkje årleg ta oppdukkande ting på fem millionar i løpet av året.
Monika Thorpe (Ap) spurte om ein kan bruka av årets overskot til heisprosjekt, heller enn å ta i bruk det som er sett av til Vestlia. Her sa Odd Harald Dommersnes at straumrekningane som kjem inn kjem til å verta betydelege, og åtvara mot å ta av overskot/mindreforbruk.
Handsaming i kommunestyret:
Samrøystes for kommunedirektøren sitt framlegg til vedtak.
(16 stemmer, Jan Erik Espelid frå Bygdelista var ikkje på plass)(I denne saka var Hege Ramsland vara for Aslak Andre Bakke)
Austrheim kommunestyret vedtek «Vedtekter for Austrheim kulturskule» slik dei ligg føre. Vedtektene vert gjort gjeldande frå 01.01.2022.
Leiar for kulturskulen, Elisabeth Jensen Risnes, orienterte om vedtekter for Austrheim Kulturskule, som er utarbeidde no. Risnes gjekk gjennom vedlegget til sakspapira.
Gro Kaland (Sp) oppforda til at ein vert flinkare til å ta korpsdeltakarar inn i kulturskulen. Elisabeth Jensen Risnes svara at ein skal sjå på dette.
Handsaming i kommunestyret:
Samrøystes for kommunedirektøren sitt framlegg til vedtak.
(16 stemmer, Jan Erik Espelid frå Bygdelista var ikkje på plass)
(I denne saka var Hege Ramsland vara for Aslak Andre Bakke)
Sakkunnig nemnd for eigedomsskatt | |
For perioden 2018 - 2021 | Vara |
Hardy Pedersen (Ap) – ATTVAL | Randi K. Dyrøy (KrF) – ATTVAL |
For perioden 2019-2023 | For perioden 2019-2023 |
Anette Kaland (Ap) – ikkje på val | Christer Pedersen (H) – ikkje på val |
Stein Kåre Løvslett (KrF) – ikkje på val | Odd Øksnes (Bygdelista) – ikkje på val |
For perioden 2018-2021 | For perioden 2019-2023 |
Leiar: Hardy Pedersen ATTVAL | Nestleiar: Stein Kåre Løvslett – ikkje på val |
Felles sakkunnig klagenemnd for eigedomsskatt | |
Medlemmer for perioden 2018-2021 | Vara for perioden 2018-2021 |
Gro Kaland (Sp) – ATTVAL | Terje Aasen (KrF) – ATTVAL |
Nils Ove Vassdal (H) – FEBRUAR 2022 | May Britt Vågheim Eliassen (H) - FEBRUAR 2022 |
Atle Utkilen (BYA) – JAN NORDØ (NY) | Petter Lerøy Skårnes (V) - SIRI KALAND NY |
Medlemmer valde for perioden 2019-2023 | Vara valde for perioden 2019-2023 |
Reidar Ulvøy (Ap) – ikkje på val | Adrian Stueland (Ap) – ikkje på val |
Morten Sognnes (H) – ikkje på val | Aslak Andre Bakke (H) – ikkje på val |
Lise Renate Helle (Sp) – ikkje på val | Per-Kristian Løvmo (Sp) – ikkje på val |
Leiar for perioden 2018-2021 | Nestleiar for perioden 2018-2021 |
Leiar: Nils Ove Vassdal FEBRUAR 2022 | Nestleiar: Reidar Ulvøy – ikkje på val |
Leiar i valnemnda Ann Kristin Leirvåg (Ap) la fram kandidatane til plassane der det skal vera attval. (Sjå framlegg til vedtak)
Desse vert valde for perioden 2022-2025
Høgre sin representantar står som i dag, dette kjem opp som sak til kommunestyret i februar 2022.
Handsaming i kommunestyret:
Samrøystes for valnemnda sitt framlegg til vedtak.
Kommunestyret vedtar møteplanen slik den ligg føre i saksutgreiinga.
Kommunedirektør Bjørnar Fjellhaug orienterte om møteplanen for 2022.
Har sett på fristar for utsendingar og høyringar, og sett opp datoane for å sikra at sakene kan komma ut i rett tid.
Kommunedirektøren orsaka at det har vore ein del ettersending for dei siste møta, dette skal ein prøva å få betre neste år med ny møteplan.
Handsaming i kommunestyret:
Samrøystes for kommunedirektøren sitt framlegg til vedtak
Lokal forskrift med gebyrsatsar for teknisk forvaltingsteneste 2022 vert godkjent slik den ligg føre.
Gebyrsatsane trer i kraft den 01.01.2022. Grunngjevinga er gjeve i saksutgreiinga.
Vedtaket er heimla i Plan og bygningslova § 33, Lov om eigedomsregistrering (matrikkellova) § 32,
Konsesjonslov, forskrift om gebyr heimla i forvaltingslova § 27 a, Forskrift nr. 864 heimla i Lov om
eigarseksjonar § 7 og Forskrift nr. 98 heimla i Lov om vern mot forureining § 52 og lov om hamner og
farvann § 6.
Kommunedirektør Bjørnar Fjellhaug orienterte om saka.
Handsaming i kommunestyret:Samrøystes for kommunedirektøren sitt framlegg til vedtak
Kommunestyret vedtek kommunedirektøren sitt framlegg til budsjettjusteringar for 3. tertial.
Kommunestyret tek rapporten til vitande
Økonomi- og personalsjef Odd Harald Dommersnes orienterte om saka.
Straum, kommunen har låst ein del av forbruket til ein pris på 32 øre. På same tid i 2020 var prisen 19 øre, beste pris me klarer å få no er 80 øre per kWh for dei avtalane som må fornyast.
Det som er usikkert er straum, samt at ein ser at ein ikkje får kompensert alle kostnader knytt til Covid-19. Har komme bra ut, men det er ikkje full dekning frå Staten.
For Covid-19 er det 2,5 millionar i direkte meirkostnader, får kompensert 2,1 millionar.
Skatteinntektene er gode, det har redda Austrheim bra i år.
Styrer mot 0 etter avsetnader på 6,5 million til disposisjonsfond, som kan disponerst av kommunestyret i 2022.
Advokatkostnader for saka på Klungerneset, innløysing av areal. Her orienterte einingsleiar teknisk drift, Rolf Henning Myrmel
Får kostnader på kring 600.000 til advokat før saka no er avslutta.
Dette er eit areal på Kaland som i 2017 var regulert som friområde, grunneigar kan då krevja innløysing.
Det kravet kom i 2019, på 3,5 millionar for 4,7 mål. Kommunen pliktar å løysa inn, men verdivurderinga var at det var verdt 20.000 kroner. Nådde ikkje fram med mekling og det vart halde offentleg skjønn.
Retten hadde saka oppe i november, der vart det avsagt dom på sju kroner kvadratmeteren, litt over 30.000 samla. Viser at det er dårleg rådgjeving når grunneigar vil ha skjønn heller enn minneleg ordning. No er saka avgjort, og grunneigar betalt for innløysing.
Samstundes fekk kommunen sakskostnader for begge partar, slik er det i første rettsinstans.
Om dette sa Per Lerøy (Ap) at dersom grunneigar hadde anka saka, måtte vedkommande ha betalt kostnadene sjølv. Men i første rettsomgang er det slik at den sterke part får kostnadene.
Myrmel sa vidare at dei siste åra har retten avsagt mellom 0 og 5 kroner kvadratmeteren i erstatning, her enda det altså på 7 kroner.
Reidar Øksnes (Sp) sa om rettssaka at kommunen må vera føre var i saker med grunnavståing. Kommunen må vera nøyaktige for å unngå disputtar, og elles gå for minnelege løysingar.
Økonomi- og personalsjef Odd Harald Dommersnes orienterte om sjukefråværet
Må jobba med dette. Suksessfaktoren er at ein får ned langtidsfråværet.
Må vera klar over at mange er slitne innan helse no.
Viktigaste ressursen kommunen har er dei tilsette.
Monika Thorpe spurte om nærværsprosjektet. Dommersnes svara at dette prosjektet gjekk i barnehagane, og hadde god effekt der. Jobbar vidare med prosjektet på Nordliheimen.
Morten Sognnes spurte om kostnader ved sjukefråvær. Dommersnes svara at ein kan rekna forsiktig 1.000 kroner dagen, og med 5432 dagar fråvær så er det høg kostnad. Det er langtidsfråværet som er stort, med 3027 dagar vekke.
Om detaljnivå for statistikken sa kommunedirektør Bjørnar Fjellhaug at ein kan legga det fram på avdelingsnivå, og resten kan ein ta munnleg i møtet.
Inger Lise Brekke (H) sa at det er bra med meir overordna tal, men gjerne skilt på eigenmeldt og legemeldt, i tillegg til kort- og langtidsfråvær.
Britt M. S. Lerøy (Ap) sa at noko av kostnader til fråvær vert refundert frå Nav, Dommersnes sa at det er rett, men 1000 kroner dagen er lågt tal.
Monika Thorpe (Ap) sa at det er bra at langtidsfråværet vert tatt fatt i. Dette starta nok før Covid-19, bra at ein tar fatt i det no.
Reidar Øksnes (Sp) ba om at rekneskapsrapporten og justeringar i framtida vart delt i to, kommunedirektør Fjellhaug sa at ein kan dela det til neste gong.
Handsaming i kommunestyret:
Samrøystes for formannskapet sitt framlegg til vedtak.
Austrheim kommunestyre vedtek gebyr- og betalingssatsar for 2022 slik den ligg føre i Gebyrliste (framsikt.net).
Kommunedirektør Bjørnar Fjellhaug orienterte om saka:
Det er vedteke i statsbudsjettet at det gradvis skal innførast gratis SFO for førsteklassingar, dette vil starta i 2022.
Det skal også vera lågare eigendel for SFO for dei med låg inntekt.
Gebyr for slam må aukast no, det har ikkje har vore auka dei siste åra. Det er ein ganske stor auke no på 40 prosent, både for årleg tømming og annakvart år.
Feiegebyret aukar 20 prosent, her er det ei endring på grunn av at fritidsbustader skal ha feiing. Einingsleiar teknisk drift, Rolf Henning Myrmel, sa at det vil ta litt tid å finna rett kostnadsnivå no som hytter skal ha denne tenesta, og for ein del hytter må feiaren ut i båt. Det er også strengare krav til HMS for feiarane, det gjer at kostnadene går opp.
Per Lerøy (Ap) spurte om slamtømming har vore subsidiert, Myrmel svara at det stemmer.
Reidar Øksnes (Sp) sa at det er viktig at folk veit kor ofte dei må tømma slam, det er rimelegare om det er godt nok å tømma sjeldan. Det vart presisert frå administrasjonen at tømming kvart 4. år berre er for fritidsbustader.
Handsaming i kommunestyret
Samrøystes for formannskapet sitt framlegg til vedtak.
Austrheim kommunestyre vedtek:
1. Kommunedirektøren sitt framlegg til budsjett 2022 og økonomiplan 2022-2025 vert vedteke slik det ligg føre.
2. Investeringsbudsjettet for 2022 sjølvkost er basert på forventa framdrift på tidlegare vedtekne VA-prosjekt. Ut frå framdriftsplanen vil Austrheim kommune ta opp 7,9 millionar kr i lån i 2022.
3. Det vert teken opp 10 millionar kroner i Husbanken for vidarelån til start-lån.
4. Økonomiplan for 2022-2025 og årsbudsjett for 2022 blir vedteke, jf. Bevilgningsoversikt drift §5-4 og økonomisk oversikt drift §5-6. Årsbudsjettet for 2022 blir vedteke på sum netto driftsrammer for dei ulike hovudområda.
5. Kommunedirektøren vert gjeven fylgjande fullmakter innanfor budsjettet sine råmer (jf. Økonomireglement og kommunen sitt finansreglement):
a) Budsjettreguleringar som fylgjer av sentrale og lokale lønnsoppgjer.
b) Budsjettreguleringar innanfor sektorane sine råmer.
c) Gjennomføre låneopptak av nye lån og refinansiere tidlegare låneopptak. Her under aksept av lånevilkår og underskrift av gjeldsbrev på vegne av kommunen.
d) Avgjere oppstart av investeringar finansiert av ubundne fond, og sal av driftsmidlar.
e) Fordeling av bevilling til småinvesteringar innafor råma på 100 000,- kr.
f) Regulering av teknisk art innanfor drift og finans.(jf. finansreglementet)
6. Kommunedirektøren vert gjeven fullmakt til å ”fryse” budsjettpostar og ledige stillingsheimlar, dersom situasjonen skulle tilseie det.
7. Kommunestyret skriv ut eigedomsskatt på næringseigedom, kraftverk, vindkraftverk, kraftnettet og anlegg omfatta av særskattereglane for petroleum jf. eigedomsskattelova (esktl.) § 3 første ledd bokstav d. Eigedomsskattesatsen vert vidareført med 7 promille. Utskrivingsalternativet omfattar også flytande oppdrettsanlegg i sjø, jf. Esktl. § 4 tredje ledd. Takstvedtekter for eigedomsskatt i Austrheim kommune vedtatt i kommunestyret i K-sak 083/17 i møte 14.12.2017, skal gjelde for eigedomsskatteåret 2022, jf. esktl. § 10.Kommunen vil i 2022 skrive ut eigedomsskatt på eigedommar som tidlegare var rekna som «verk og bruk» på eit «særskilt fastsett grunnlag» med heimel i overgangsregelen til eigedomsskattelova §§ 3 og første ledd. Det særskilde grunnlaget skal i 2022 være lik 3/7 av differansen mellom eigedomsskattegrunnlaget i 2018 og 2019 som er forårsaka av at produksjonsutstyr- og installasjonar ikkje skal reknast med i grunnlaget. Kommunen vil i 2022 skrive ut eigedomsskatt på bygningar og grunnareal så langt desse var omfatta av eigedomsskattegrunnlaget for verk og bruk i 2018, jf. overgangsregelen til eigedomsskattelova §§ 3 og 4 andre ledd. Eigedomsskatten vert skriven i samband med kommunale avgifter. Siste alminnelege taksering I kommunen vart gjennomført I 2018 og 2019.
8. Det vert gjeve ei råme på 845 000,- kr til kontrollutvalet.
9. Det vert gjeve eit driftstilskot til Austrheim kyrkjelege fellesråd på 3 175 000,- kr.
10. Ramma til Austrheim folkebibliotek vert auka med kr 109 000,-.
11. Ramma til Fensfjorden PPT vert auka med kr 250 000,-
12. Skatteøre vert sett lik maksimal sats i samsvar med Stortinget sitt vedtak om kommunalt skatteøre.
13. Godtgjersle til ordførar blir sett til same løn som stortingsrepresentantar og til løn til varaordførar er 9 % av ordførar si løn for 2022. Stortinget sin lønskommisjon gjer årleg framlegg i innstilling om godtgjersle for stortingsrepresentantane og løna til ordførar og varaordførar regulerast per mai 2022 i samsvar med endringar i løn til stortingsrepresentantar.
14. Marginavsetning av innbetalt skattebeløp blir sett til 10 %
15. Gebyr- og betalingsregulativ for 2022 vert lagt fram i eiga sak.
Kommunestyret viser til tidlegare drøftingar der kommunedirektøren fekk i oppdrag å be vertskommunen for NAV Fensfjorden gjera eit utgreiingsarbeid om konsekvensane av å halda barnetrygda utanfor når ein bereknar sosialstønad. Me ser ikkje at dette er gjort. Me ber no om at det vert teke eit nytt initiativ der ein tek sikte på å få etablert denne ordninga frå første januar 2022 for søkjarar av sosialstønad frå Austrheim kommune. Det vert hevda at det vil vera komplisert for NAV Fensfjorden å praktisera fleire ulike ordningar, men i NAV Nordhordland som NAV Fensfjorden er ein del av, vert det alt praktisert ein slik ordning som Austrheim kommune etterlyser for klientane frå Alver kommune. Me ser derfor ikkje at ei snarleg innføring av ei tilsvarande ordning for søkjarane frå Austrheim kommune vil vera særleg arbeidskrevjande for NAV Fensfjorden.
Kommunedirektør Bjørnar Fjellhaug orienterte om budsjett 2022 og økonomiplan for 2022-2025, slik det ligg i saksframlegget.
Kommunen må skapa seg handlingsrom for å frigjera ressursar til eksisterande og nye behov.
Startar alt våren arbeidet 2022 med budsjett for 2023 og økonomiplan 2023-2026.
Det er som er avsett til disposisjonsfond er 11,6 millionar. Det er driftsreserven vår, åtvarar mot å røra denne. Burde vore 25 millionar på disposisjonsfondet.
Barnetrygda skal ut av sosialhjelpsgrunnlaget frå september, jamfør statsbudsjettet for 2022. Ber om at det vert gitt tid til å greia ut dette.
Ser at det er bra med miljøarbeidar i skulane, vil bruka tid til å greia ut dette.
Økonomi- og kultursjef Odd Harald Dommersnes gjekk vidare inn i tala i budsjettet, ut frå dei tala som ligg i Framsikt.
Driftsresultat er enkelte år under det som er fastsett i økonomireglementet.
Skal ha ganske store investeringar framover, i 2021 er det budsjettert med 41 millionar kroner.
Dommersnes spurte om avtalen om felles landbrukskontor. Ordførar Per Lerøy (Ap) sa at det nok er politisk vedteke at den skal forlengast. Reidar Øksnes (Sp) sa at Austrheim er pålagt å ha landbrukskompetanse, men ein gjekk inn i felles avtale for å ha breiare kompetanse. Dommersnes sa at dette må komma opp på første møte i 2022, for dagens avtale går ut.
Britt M. Skaalevik Lerøy (Ap) spurte om inntekter Kaland skule, her svara at Dommersnes at inntektene har gått ned sidan elevane frå Åsheim-kretsen ikkje vert betalte av Alver no. Elevane frå Åsheim-krinsen går på Kaland ut grunnskulen utan betaling frå Alver. Anne Dahle Austrheim (KrF) sa at desse inntektene hadde forsvunne uansett, sidan Alver ikkje ville betala for elevar frå Åsheim-krinsen som gjekk i Austrheim.
Jan Erik Espelid (Bygdelista) la fram framlegget frå Bygdelista:
Driftsbudsjettet 2022
Det vert sett av midlar til 100 % miljøarbeidarstilling med bachelorgrad i grunnskulen og tilstrekkeleg midlar til skuletur for 10. klasse. Det vert òg sett av midlar til vikarpool for barnehagar og skular og pleie og omsorg.
Inndekking skjer gjennom overskytande midlar frå auka rammetilskot i revidert statsbudsjett etter at kommunedirektøren sitt framlegg om auka tildelingar til Austrheim kyrkjelege fellesråd, Austrheim folkebibliotek og Fensfjorden PPT er trekt frå, og frå driftsoverskot for 2021.
Kommunestyret bed dessutan kommunedirektøren rydda rom for å leggja barnetrygda på toppen av sosialstønaden, og ekstra planmidlar til utarbeiding av temaplan mot attgroing og kommunedelplan for naturmangfald.
Investeringsbudsjettet 2022
Av folkehelseomsyn ønsker kommunestyret opprusting av turstiane i Øksnesmarka og Hoplandsmarka og tilrettelegging av gamle stiar og ferdselsvegar mellom bygdene.
Kostnad: Kr. 500 000 + tippemidlar.
Ordførar Per Lerøy (Ap):
Ap-gruppa ser at budsjettet er trongt for 2022. På bakgrunn av dette vil Ap endra sitt framlegg frå handsaminga i formannskapet og i høyringsrunden.
Støttar kommunedirektøren sitt framlegg, men har eige tillegg om barnetrygd og sosialstønad.
Vil komma tilbake til vedlikehaldsmidlar når ein ser utviklinga i løpet av året.
Ikkje usamd i at det er bra med miljøterapeutar i skulen, men har tillit til at kommunedirektøren vurderer dette. Ventar at kommunedirektøren kjem tilbake til dette til kommunestyret i løpet av året, for å betra oppvekstvilkåra og skulekvardagen i Austrheim kommune.
Ap sitt vedtaksframlegg:
Austrheim Arbeidarparti viser til tidlegare drøftingar der kommunedirektøren fekk i oppdrag å be vertskommunen for NAV Fensfjorden gjera eit utgreiingsarbeid om konsekvensane av å halda barnetrygda utanfor når ein bereknar sosialstønad. Me ser ikkje at dette er gjort. Me ber no om at det vert teke eit nytt initiativ der ein tek sikte på å få etablert denne ordninga frå første januar 2022 for søkjarar av sosialstønad frå Austrheim kommune. Det vert hevda at det vil vera komplisert for NAV Fensfjorden å praktisera fleire ulike ordningar, men i NAV Nordhordland som NAV Fensfjorden er ein del av, vert det alt praktisert ein slik ordning som Austrheim kommune etterlyser for klientane frå Alver kommune. Me ser derfor ikkje at ei snarleg innføring av ei tilsvarande ordning for søkjarane frå Austrheim kommune vil vera særleg arbeidskrevjande for NAV Fensfjorden.
Inger Lise Brekke (H):
Høgre vil ikkje gå ut over kommunedirektøren sitt framlegg.
Ønskjer å bygga disposisjonsfond.
Er i mot å endra slik at barnetrygd ikkje skal reknast som inntekt ved utrekning av sosialstøtte, her bør ein heller venta til det kjem nasjonalt.
Miljøarbeidar kan ein venta med til ny barnevernslov, trur dette snart kjem inn som tiltak der, og kommunalsjef oppvekst bør få jobba med dette.
Helge Dyrkolbotn (KrF):
Det har komme gode innspel frå Bygdelista og frå høyringsrunden. Om Bygdelista sine framlegg fell i avstemminga, så håpar eg det vert tatt med vidare.
Vil stemma for Ap sitt framlegg om barnetrygd.
Vil ha ei grundig vurdering til våren av det som ligg av framlegg, og sjå kva ein kan få til i samband med budsjettjusteringane då.
Per Lerøy (Ap):
Det er ei felles forståing om at ein lar framlegga ligga ved budsjettframlegget. Så kan det vurderast utover våren, om ein ser at det er tryggare økonomisk å kunna gjennomføra fleire av desse tiltaka.
Reidar Øksnes (Sp):
Sp støttar at ein tar barnetrygda ut av berekningsgrunnlaget for sosialstønad. Slik var det før. Ser med auka straumprisar, at det er dei som har lite frå før av som får det hardast. Ser problemstillinga Nav Fensfjorden tek opp om at det bør vera likt her med andre kommunar, men me er valde inn for å tena folk i Austrheim.
Om felles landbrukskontor, der må ein sjå på kva som er gjort med avtalen i samband med at Radøy, Meland og Lindås vart Alver.
Reidar Øksnes (Sp) spurte kva kommunen gjer med manglande trafo-kapasitet på Kaland skule, klarer ein å utnytta nye varmebrønnar, og kva forhold er ein i opp mot BKK? Her svara Rolf Henning Myrmel at dette vert ein del av oppgraderinga av Kaland skule, og må inn i det prosjektet. Her sa Per Lerøy at både ny brønn for geovarme og forsterka nett inn til skulen er med i dei 23-24 millionane som er sett av til prosjektet, skal vera nok elektrisk kraft der då til å utnytta geobrønnar.
Jan Erik Espelid trekte Bygdelista sitt framlegg til vedtak, under forståing at det vert lagt ved saka for vurdering til våren, slik det er også er nemnt for andre innspel til budsjettet.
Handsaming i kommunestyret
Samrøystes for kommunedirektøren sitt framlegg til vedtak.
Tillegget frå Ap vart vedteke mot Høgre sine fire stemmer. (I Vedtaket er
Plan for fysisk aktivitet , idrett og friluftsliv 2012-2020 vert vidareført til 2022.
Liste over prioriterte anlegg klar til spelemiddelsøknad 2022:
Prioritering/ | Ordinære anlegg | |
1 Nr 145211 | Rehabilitering lys Austrheimhallen | Fornyast |
2 Nr 145120 | Båthus i Årvika friluftsområdet | Fornyast |
3 Nr 145248 | Dagsturhytta Vardetangen m/toalett | Fornyast |
4 150572 | Baløy, Småbåthamn | Ny søknad |
5 Nr 151374 | Baløy. Naust/utstyrslager | Ny søknad, |
6 Nr 151376 | Rongevær. Uteområde og kaianlegg/friluftsområdet | Ny søknad, |
Prioritering | Ordinære nærmiljøanlegg | |
Avdelingsleiar Kari Torkildsen Utkilen orienterte om saka. Denne prioriteringslista må vedtakast årleg for å kunna få spelemidlar, og dette vedtaket skal sendast over til Fylkeskommunen innan 15. januar 2022.
I 2022 vil ein jobba med teksten og planen, for fornying av meir enn berre sjølve prioriteringslista.
Søknadene må gjerne oppretthaldast i tre år før ein får midlar, det betyr ikkje at søknadene er underkjente, men at ein berre må venta på tur. Alle dei tre øvste på lista er ferdige prosjekt.
Nummer 4. er søknad frå DNT til småbåthamn med tanke på robåtar for bruk til kysthytta i Rongevær.
Nummer 5. er søknad frå DNT til naust/utstyrslager i Baløy, denne søknaden er ikkje ferdig per no.
Nummer 6. er søknad frå DNT til uteområde kai Rongevær, denne søknaden er ikkje ferdig per no.
Etter dagens reglar kan ein starta arbeidet og søka innan eitt år etter at arbeidet er ferdig. Dette kan vera OK sidan ein då veit kva arbeidet vil kosta.
Har prosjekt som er på gang seinare. Hadde løyve på 290.000 kroner til Steinaldersti, der måtte kommunen gje frå seg pengane sidan ein ikkje kom i gang med prosjektet.
Ingen prosjekt blir sette i gang før finansieringa er i gang.
Reidar Øksnes spurte om kvar på Rongevær det skal lagast kai. Kari T. Utkilen svara at det DNT sitt prosjekt, i tilknyting til Rongevær kurs- og fritidssenter.
Gro Kaland (Sp) spurte om 600.000 kroner som prosjekt til gymsal Kaland, kva dette skal brukast til. Kari T. Utkilen svara at dette er arbeid som er gjort.
Handsaming i kommunestyret:
Samrøystes for kommunedirektøren sitt framlegg til vedtak.
(16 stemmer, Jan Erik Espelid frå Bygdelista var ikkje på plass)
(I denne saka var Hege Ramsland vara for Aslak Andre Bakke, saka vart handsama etter 091/21)
Kommunestyret tildeler frå løyvinga på kr. 820.000 til Austrheim kommune frå kommunal kompensasjonsordning for lokale verksemder i særleg utsatte bransjer og kommuner til følgjande verksemder:
Kilstraumen Brygge AS kr. 700.000.
Straumcamp AS kr. 120.000.
Kommunen vil kontrollera om verksemdene har ubetalte kommunale krav, om det er noko uteståande så vil tilskotet verta motrekna mot dette.
Tilskotet vert betalt ut til den enkelte verksemda når kommunen har den naudsynte informasjonen som skal registrerast på regionalforvaltning.no. Sluttrapportering for tilskot frå denne ordninga må sendast til departementet innan 31.01.2022.
I denne saka vart Helge Dyrkolbotn (KrF) og Bjørn Inge Håland Dyrkolbotn (Sp) ugilde på grunn av tilknyting til Kilstraumen Brygge.
Ordførar Per Lerøy (Ap) orienterte om at det var fire søknader, to frå reiseliv og to frå industri. Denne ordninga var retta mot reiseliv, så dei to frå industri såg ein vekk frå. Tildelingsvedtaket skal vera endeleg innan 1. januar 2022, og midlar som ikkje blir delte ut går tilbake til Staten.
Søknadene er vurderte av Per Lerøy, Kari Utkilen og Bjarne Sæbø, medan Asbjørn Toft har skrive saka.
Reidar Øksnes (Sp) sa at det er trist at ein berre har to reelle søkarar når det er ein god reiselivskommune som Austrheim. Lerøy svara at ein har kontakta fleire aktørar, men desse har ikkje vore registrerte i Austrheim og kunne ikkje søka.
Morten Sognnes (H) at Kilstraumen Brygge utviklar området på en god måte, reknar med at det er brukt av tidlegare tilskot til dette.
Inger Lise Brekke (H) sa at Austrheim bør satsa på reiseliv, men akkurat under pandemien har Austrheim kommune vore heldige og vore lite råka av nedgangen i reiseliv eller for landet.
Per Lerøy (Ap) støtta Sognnes i at Kilstraumen utviklar området på ein god måte, og likeins for Straumcamp.
Morten Sognnes (H) sa at kommunen gjerne kan støtta lag og organisasjonar som jobbar med turstiar. Turstien til Vardetangen dreg til seg mykje folk, som etterpå gjerne stoppar på Kilstraumen for middag. Lerøy svara at ein gjerne kan støtta arbeidet med turstiar, men denne ordninga opna ikkje for det.
Handsaming i kommunestyret:
Samrøystes for kommunedirektøren sitt framlegg til vedtak.
(14 stemmer, Jan Erik Espelid frå Bygdelista var ikkje på plass, og det var to ugilde, Helge Dyrkolbotn (KrF) og Bjørn Inge Håland Dyrkolbotn (Sp), på grunn av tilknyting til Kilstraumen Brygge)
Kommunestyret tok orienteringa til vitande.
Aslak Andre Bakke (H) orienterte kommunestyret om at det vert jobba med å ta opp igjen saka om eit basseng/badeland på Mongstad
Det vert snakka om badeland både i Knarvik og i Sløvåg.
Mongstad er rett plass, og her kan ein bruka energi frå det grøne skiftet.
Kan dra til seg gjester frå eit større området.
Om det er semje om dette, så kan ein gjerne be kommunedirektøren jobba med dette.
Må ha private krefter med seg også.
Dette kan verta ein “game changer” for kva dette området kan få framover.
Helge Dyrkolbotn (KrF):
Takkar Bakke for innspelet, må ha eit skikkeleg samarbeid for å få dette til.
Treng å få nokre bedrifter på gli.
Røyrsystemet frå Equinor og opp til vegen vart for dyrt sist.
Det må vera så stort at Åsane-folk kjører hit for å bruka anlegget.
Aslak Andre Bakke (H):
Kan setta opp eit lite bygg med basseng, men må sjå større på det
Kan etablera eit anlegg ned mot sjøen på Keilen-sida.
Har store moglegheiter til å få til noko.
Det er ikkje eit Austrheim-prosjekt, men eit regionsprosjekt å få dette til.
Per Lerøy (Ap):
Kommunen har tomt tilgjengeleg, på 20 mål.
Prosjektet er avhengig av energitunnelen, men der skal ein i møte med Equinor om Hydrogenprosjektet. Kjem den tunnelen, kan ein få energien opp til området utan at det kostar skjorta.
Inger Lise Brekke (H):
Kan gjera det til regionalt prosjekt der Austrheim kommune er løysinga for å få dette til, med kommunal tomt og tilgang til varme frå Equinor.
Reidar Øksnes (Sp):
Heiar på dette, må kosta støv av prosjektet og få det inn i ei ny og tenleg drakt.
Per Lerøy (Ap) sender over rapporten som vart laga tidlegare. Møtesekretæren sender ut til representantane og legg den ved møteboka.
Handsaming i kommunestyret:
Kommunestyret tok orienteringa til vitande.
Politihkar | Bellodat | Lahttošládja | E-poasta |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Britt Mary Skaalevik Lerøy | Arbeiderpartiet | Medlem | britt.leroy@hotmail.no |
Hardy Pedersen | Arbeiderpartiet | Medlem | hardpe@online.no |
Ann Kristin Leirvåg | Arbeiderpartiet | Medlem | Kristin1964@gmail.com |
Monika Thorpe | Arbeiderpartiet | Medlem | monikath@online.no |
Rikke Heldal Hope | Høgre | Medlem | rikke.heldal.hope@hotmail.com |
Morten Sognnes | Høgre | Medlem | morten.sognnes@austrheim.kommune.no |
Aslak André Bakke | Høgre | Medlem | aba@mrbakke.no |
Helge Dyrkolbotn | Kristeleg Folkeparti | Medlem | Helge.Dyrkolbotn@vlfk.no |
Randi Keilegavlen Dyrøy | Kristeleg Folkeparti | Medlem | randidy1@start.no |
Anne Dahle Austrheim | Kristeleg Folkeparti | Medlem | annedahleaustrheim@gmail.com |
Reidar Øksnes | Senterpartiet | Medlem | 56roek@gmail.com |
Bjørn Inge Håland Dyrkolbotn | Senterpartiet | Medlem | Bjorn.Inge.Dyrkolbotn@austrheim.kommune.no |
Anette Kaland | Arbeiderpartiet | Varamedlem | anette.kaland@austrheim.kommune.no |
Jan Erik Espelid | Bygdelista i Austrheim | Varamedlem | jespe62@hotmail.com |
Hege Ramsland | Høgre | Varamedlem | hegeramsland@gmail.com |
Gro Kaland | Senterpartiet | Varamedlem | gro.kaland@outlook.com |
Rolf-Henning Myrmel | rolf.henning.myrmel@austrheim.kommune.no | ||
Monika Kvamme | monika.kvamme@austrheim.kommune.no | ||
Bjørnar Fjellhaug | bjornar.fjellhaug@austrheim.kommune.no | ||
Odd Harald Dommersnes | odd.harald.dommersnes@austrheim.kommune.no | ||
Trine Merete Jansen | trine.merete.jansen@austrheim.kommune.no | ||
Reidar Ulvøy (Ii boahtán) | Arbeiderpartiet | Medlem | reidar@subseaintv.no |
Marita Terese Bru (Ii boahtán) | Bygdelista i Austrheim | Medlem | marita.bru2209@gmail.com |
Lise Renate Helle (Ii boahtán) | Senterpartiet | Medlem | Liserenatehelle@gmail.com |