Utval: | Kommunestyret |
---|---|
Dato: | 23.05.2019 18:00 - 19:00 |
Møtestad: | Austrheim samfunnshus |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vart godkjent.
Handsaming i kommunestyret:
Rådmannen sitt framlegg vart samrøystes vedteke.
Møteprotokoll frå forrige møte vert godkjent, med følgjande tillegg: Rådmannen skal til neste møte sjekka opp i dette med eventuelt nytt vedtak i sak 017/19 om kommuneplanen, og korleis dette kan gjerast. Framlegget frå Reidar Øksnes erlagt ved protokollen.
Reidar Øksnes (Sp) tok ordet, og viste til avstemminga i saka om arealplanen under kommunestyret 11. april 2019, sak «017/19: Kommuneplanen sin arealdel i Austrheim».
Reidar Øksnes: Eg sa i møtet 11. april at eg meinte det var feil at dei to vedtaksframlegga vart sette opp mot kvarandre. Skiljelinja i kommunestyret gjekk på spørsmålet om Øksnesmarka, resten av kommuneplanen var det semje om, og då vert det feil at det i vedtaket vart 10 for arealplanen og 7 mot. No har eg sett i retningslinjene og meiner det hadde vore rett å dela opp avstemminga slik at ein kunne stemma mot den delen som gjeld Øksnesmarka, men for resten av planen, ei stemmegjeving lik den som ein brukar under budsjetthandsaminga. Eg ønskjer å få saka opp til ny avstemming i kommunestyret, slik at ein får fram kvar skiljelinjene går.
Øksnes hadde eit eige framlegg til vedtak, med denne ordlyden:
«Austrheim kommunestyre godkjenner møteprotokoll for Austrheim kommunestyre møtedato 11.04.2019, med unntak av sak 017/19.
Sak 017/19 vert lagt fram til ny avrøysting på førstkommande kommunestyremøte. Då i tråd med rett røyste-rekkefølge.»
Ordførar Per Lerøy svara at han ser at det kan vera grunnlag for å vurdera måten kommunestyret stemte i denne saka. Lerøy spurte om det var ei grei løysing å be rådmannen fram til neste kommunestyremøte, sjekka opp i korleis ein kan handsama dette, og så tek kommunestyret dette opp til handsaming. Dette var ei løysing Reidar Øksnes støtta.
Handsaming i kommunestyret:
Samrøystes for framlegget til vedtak, med tillegg om at rådmannen til neste møte sjekkar opp i dette med eventuelt nytt vedtak i sak 017/19 om kommuneplanen, og korleis dette kan gjerast.
Framlegget frå Reidar Øksnes vert lagt ved protokollen.
Meldingane vart tekne til orientering.
Rådmannen sitt framlegg vart samrøystes vedteke.
Det vart orientert om prosessen rundt nedbemanning - konstituert rådmann Olav Mongstad orienterte. (Sjå også presentasjonen, som ligg ved protokollen)
Olav Mongstad: Arbeidet med nedbemanning starta tidleg, ettersom at ein såg at økonomien i kommunen var vanskeleg. Frå starten av har ein hatt med seg dei tillitsvalde, på ei kartlegging av behov og dagens bemanning. Ein reduksjon på atten stillingar inngjekk i budsjettet for 2019, og dette er starten på noko som vil vara, sidan ein legg til same drift i 2020, og ytterlegare innsparingar frå 2021.
Mongstad klargjorde bakgrunnen for at kommunen har tilsett i nye stillingar samstundes som det har gått ut oppseiingar. Dette kjem av at kommunen har fått inn midlar til satsingar på mellom anna helsesøster, rus/psykiatri (Recovery-prosjektet), habilitering/rehabilitering og barnevern. Her er det tale om satsingsområde der kommunen har søkt om og fått øyremerka midlar, og det gjeld oppgåver som kommunen må bu seg på å ta.
Tore Austrheim (Ap) spurde om det berre vert gjort kutt i tilbodet til barn/unge og helse, tenester som er lovpålagde, og ikkje innan utetenesta som til dømes vedlikehald av bygg og anlegg. - Kva tankar er gjort, og er det noko å henta på kutt i utetenesta, spurde Austrheim.
Konstituert rådmann Olav Mongstad svara at ein også har kutta i andre tenester. Ein vaktmeister som gjekk av med AFP er ikkje erstatta, det er redusert på reinhald, og det er redusert i administrasjonen dei siste åra. I administrasjonen starta ein med å kutta næringskonsulent, prosjektleiar for Austrheim heile livet, ein la ned familiekontoret, og gjorde endringar NAV som kanskje gjev litt innsparing på leiarsida der. Vidare er ei stilling som ingeniør på teknisk sett vakant. – Eg føler at me samla sett har vore innom veldig mange felt i denne innsparinga, sa Mongstad.
Ordførar Per Lerøy viste til at det er gjort samanlikningar med Kostra-tal frå andre kommunar, og at det har resultert i at ein kuttar i skular og barnehagar.
--
Kommunestyrerepresentant Hardy Pedersen (Ap) og Gro Kaland (Sp) er Austrheim sine medlemmer i representantskapet i NGIR. Hardy Pedersen gav kommunestyret ei kort orientering om stoda i selskapet, og sa at administrasjonen og styret har gjort ein kjempejobb med å halda det ryddig etter konkursen i Reno Norden (NGIR hadde avtale med selskapet om bosshenting, og måtte ta over sjølv etter konkursen).
I samband med at det er representantskapsmøte i NGIR måndag 27. mai, oppmoda Pedersen kommunestyret til å sjå gjennom sakspapira og eventuelt senda han innspel. Servicekontoret sende ut NGIR-papira til kommunestyret fredag 24. mai.
Handsaming i kommunestyret:
Samrøystes vedtak om å ta orienteringane til vitande.
Konstituert rådmann Olav Mongstad orienterte om saka. Ein har no gått frå vertskommuneprinsippet, der Osterøy fram til no har vore vertskommune, til at IKT Nordhordland no er eit eige rettssubjekt. Som eige rettssubjekt kan IKT Nordhordland sjølv ta opp lån.
No er det også ei kommande utviding av IKT Nordhordland på gang, med kommunane Gulen, Samnanger og Austevoll inn, der sistnemnde alt kjøper tenester av IKT Nordhordland.
Reidar Øksnes (Sp) hadde spørsmål om korleis felles IKT-system påverkar korleis ein kan finna fram dokument frå arkivet, og viste til vanskar med å få fram dokument som trengst for landbruksfagrådet. Øksnes spurte kvar slike dokument vert lagra.
Konstituert rådmann Olav Mongstad svara at det er skilje mellom felles IKT og felles arkivsystem. Varaordførar Anne Dahle Austrheim (KrF), som jobbar med saksarkivet på Radøy, viste til at det er Radøy som er vertskommune for felles landbrukskontor. Saker i arkivet til landbrukskontoret er på Radøy, og vert ikkje arkivert i Austrheim kommune sitt arkiv.
Handsamining i kommunestyret:
Samrøystes for rådmannen sitt framlegg til vedtak.
Kommunestyret i Austrheim vel fylgjande kommunekomité for TV-aksjonen 2019:
- Leiar: Varaordførar Anne Dahle Austrheim
- Sekretær: Rigmor Ludvigsen/ Helge Dyrkolbotn
- Folkehelsekoordinator Helge Dyrkolbotn
- Eit medlem utpeikt av Lindåsneset Sanitetsforeining
- Eit medlem utpeikt av Årås Sanitetsforeining
- Eit medlem utpeikt av Kvinne- og familielaget
- Eit medlem frå Austrheim idrettslag
- Eit medlem frå Austrheim Rotary
Austrheim kommunestyre løyver kr.25.000,- til TV-aksjonen 2019.
Kostnaden vert dekka frå post 1490380001902. Administrasjonen sjekkar at der er midlar på den posten som er sett opp for kommunen sitt tilskot, og om så ikkje er tilfelle så kjem denne saka opp igjen i formannskapet.
Rådmannen får mynde til å erstatta eller legga til medlemmer i komiteen for TV-aksjonen.
For å sikra at ein kan supplera komiteen eller eventuelt erstatta medlemmer, ba rådmannen om mynde til dette.
Handsaming i kommunestyret:
Samrøystes for formannskapet sitt framlegg til vedtak, med følgjande tillegg: "Rådmannen får mynde til å erstatta eller legga til medlemmer i komiteen for TV-aksjonen".
Austrheim kommunestyre oppnemner ordførar som medlem i representskapet i BF IKS.
Austrheim kommunestyre oppnemner varaordførar som varamedlem i representskapet i BF IKS.
Handsaming i kommunestyret:
Samrøystes for å velja ordførar og varaordførar som høvesvis medlem og varamedlem i representantskapet i BF IKS.
Konstituert rådmann Olav Mongstad sa at saka handlar om litt tilpassingar i samband med at Radøy, Meland og Lindås går saman til Alver frå2020, litt vedtektsendringar på grunn av ei lovendring, samt litt andre tilpassingar som auka lånegrense.
Handsaming i kommunestyret:
Samrøystes for rådmannens framlegg til vedtak.
Kommunestyret er nøgd med at rådmannen har ei tett oppfølging av den økonomiske utviklinga i kommunen, men er uroa over kostnadsoverskridinga på lønsbudsjettet. Kommunestyret tek rapporten til vitande, men ber om at rådmannen set i verk tiltak slik at kommunen kan ta inn tre lærlingar hausten 2019. Opptaket av lærlingar er kostnadsrekna til om lag 120.000 kroner, og vert finansiert frå kommunestyret sin post for tilleggsløyving på 200.000 kroner. |
Konstituert rådmann Olav Mongstad sa at denne saka skulle vore oppe til kommunestyret tidlegare. Formannskapet har her gjort ei løyving på over 100.000 kroner, og i tillegg av kommunestyret sin pott, og då skulle denne budsjettorienteringa gått vidare til første kommunestyre. Det formannskapet gjorde var å bruka 120.000 kroner av kommunestyret sin pott, for å sikra at lærlingar som går ut av AVS får tilbod om læreplass. Ein hadde fått melding frå AVS om at der var lokale elevar som opplevde at dei var sist i rekka for å få læreplass i andre kommunar.
Ordførar Per Lerøy (Ap) la til at utan dette vedtaket ville det ikkje komme inn nye lærlingar i organisasjonen i år, sett bort frå to TAF-elevar som går over til å bli lærlingar. – Formannskapet har sagt at ein vil ha tre nye inn i «botn» som lærlingar, og at dette var ei rett prioritering av unge frå eigen kommune. Lerøy la til at ein ikkje utvidar budsjettet, men brukar av dei midlane kommunestyret har til rådvelde.
Handsaming i kommunestyret:
Samrøystes for formannskapet sitt framlegg til vedtak ("formannskapet" er bytta med "kommunestyret").
Politikar | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Anne Dahle Austrheim | Kristeleg Folkeparti | Varaordførar | annedahleaustrheim@gmail.com |
Hardy Pedersen | Arbeiderpartiet | Medlem | hardpe@online.no |
Tore Austrheim | Arbeiderpartiet | Medlem | tore.austrheim@hotmail.com |
Siri Kaland | Arbeiderpartiet | Medlem | sikaland@gmail.com |
Monika Thorpe | Arbeiderpartiet | Medlem | monikath@online.no |
Trude Sleire | Arbeiderpartiet | Medlem | trand@statoil.com |
Viggo Leirvåg | Høgre | Medlem | vigleirv@online.no |
Reidar Øksnes | Senterpartiet | Medlem | 56roek@gmail.com |
Jorund Stellberg | Uavhengige | Medlem | jorund.stellberg@gmail.com |
Jan Erik Espelid | Venstre | Medlem | jespe62@hotmail.com |
Ivar Bergsvik | Arbeiderpartiet | Varamedlem | ivar.bergsvik@gmail.com |
Oddmund Vikene | Arbeiderpartiet | Varamedlem | od-viken@online.no |
Dag Arne Solberg | Høgre | Varamedlem | dagarnesolberg@gmail.com |
Solveig Hopen | Høgre | Varamedlem | mastrevik@fribokhandel.no |
Stein Kåre Løvslett | Kristeleg Folkeparti | Varamedlem | steinkl@broadpark.no |
Petter Lerøy Skårnes | Venstre | Varamedlem | petter_sk@hotmail.com |
Ketil Tjore | ketil.tjore@austrheim.kommune.no | ||
Olav Mongstad | olav.mongstad@austrheim.kommune.no | ||
Asbjørn Brandtun (Ikke møtt) | Arbeiderpartiet | Medlem | asbjorn.brandtun@gmail.com |
Merethe Rikstad Tresvik (Ikke møtt) | Arbeiderpartiet | Medlem | mtresv@online.no |
Rikke Heldal Hope (Ikke møtt) | Høgre | Medlem | rikke.heldal.hope@hotmail.com |
Morten Sognnes (Ikke møtt) | Høgre | Medlem | morten.sognnes@austrheim.kommune.no |
Randi Keilegavlen Dyrøy (Ikke møtt) | Kristeleg Folkeparti | Medlem | randidy1@start.no |
Liv Ulvøy (Ikke møtt) | Uavhengige | Medlem | livulvoy@gmail.com |