Utval: | Kommunestyret |
---|---|
Dato: | 12.09.2019 18:00 - 18:30 |
Møtestad: | Austrheim samfunnshus |
Status: | Møtet er ferdig protokollert |
Sakskart: | , |
Møteprotokoll: |
Innkalling og sakliste vart godkjent.
I dette møtet var det sett opp spørjetime, men ingen spørsmål var registrerte.
Representanten Liv Ulvøy (V) meinte at ho hadde sendt inn spørsmål, men ordførar Per Lerøy (Ap) hadde ikkje fått desse.
Handsaming i kommunestyret:
Rådmannen sitt framlegg vert samrøystes vedteke.
Møteprotokoll frå forrige møte vart godkjent.
Handsaming i kommunestyret:
Rådmannen sitt framlegg vert samrøystes vedteke
Meldingane vart tekne til orientering.
Handsaming i kommunestyret:
Rådmannen sitt framlegg vert samrøystes vedteke.
Ingen orienteringar.
I dette møtet var det ingen orienteringar.
Austrheim kommunestyre godkjenner avtalen med Radøy kommune om dekking ein høvesvis del av eit eventuelt utløyst garantiansvar for lån til AUFERA AS.
I denne saka gjekk tre representantar frå som ugilde, og saka vart handsama utan at dei deltok.
Dette var Oddmund Vikene (Ap) som er styremedlem i Aufera, og Jan Erik Espelid (V) og Monika Thorpe (Ap) som er medlemmer i representantskapen i Aufera.
Konstituert rådmann Olav Mongstad orienterte om saka.
Spørsmålet om å stilla garanti for at Aufera skal kunna kjøpa nye lokale på Manger, har vore oppe tidlegare i kommunestyret. Grunnen til at den kjem tilbake no, er at Kommunalbanken ikkje godtok at Radøy kommune stilte garanti for kjøpet med atterhald om at dei to andre eigarkommunane Austrheim og Fedje tok sin del av garantien. No er dette endra slik at Radøy kommune gjev full garanti for lånesummen, basert på at kommunane Austrheim og Fedje gjer avtale om at dei er viljuge til å betala sin del dersom Aufera ikkje klarer å betala avdraga. Styret i Aufera har elles budsjettert med auka aktivitet når dei kjem inn i nye lokale.
Alt i alt inneber lånet at det skal betalast 416.666 kroner i årlege avdrag, og Austrheim kommune sin andel er 154.166 kroner pluss renter.
Rådmann Liv Løvvik sa at Fylkesmannen ikkje gjev førehandsgaranti om at dei godtek denne garantien, og som Robek-kommune må Austrheim sine investeringar godkjennast av Fylkesmannen. Samstundes er det slik at kommunen har hatt ein positiv dialog med Fylkesmannen i denne saka, og ein vil kunna få gjennomslag for denne garantien. Dette vedtaket skal sendast til Fylkesmannen for godkjenning i etterkant.
Liv Ulvøy (V) sa at ein del av møtegodtgjeringane, til kommunestyret og andre, har lagt fast i mange år. Kanskje burde ein lagt til noko i vedtaket om at godtgjeringa til kommunestyret bør indeksregulerast.
Konstituert rådmann Olav Mongstad sa at ein del av godtgjeringane i reglementet vert regulerte etter løna til ordføraren.
Per Lerøy (Ap) sa at godtgjeringa til kommunestyret bør kostnadsregulerast mot konsumprisindeksen, med første justering frå 1. mai 2019, og gjeldande frå neste møte for kommunestyret.
Liv Ulvøy kom med framlegg til tillegg i vedtaket, ei presisering om at: "Godtgjering til kommunestyret skal justerast samstundes med justering av ordførarløn".
Jorund Stellberg (Uavhengig) spurte om det er lagt spesielle bindingar til vervet som ordførar knytt til det å vera næringssjef.
Rådmann Liv Løvvik svara at det er ganske vanleg at ordførar tek særskilt ansvar for næringspolitikken, og at det gjerne vert litt meir tyngande her som kommunen ikkje har eigen næringssjef.
Konstituert rådmann Olav Mongstad sa at då Austrheim gjekk opp i 100 prosent stilling for ordførar så var det knytt til at ordførar skulle vera næringssjef. Utad er det nok tydeleg at ordførar er næringssjef, utan at det er gjort noko meir formelt vedtak enn frå 80-talet.
Jorund Stellberg (Uavhengig) kom med framlegg til tillegg i vedtaket, med ei presisering om at "til vervet som ordførar ligg det eit særskilt ansvar for arbeidet med næringsutvikling".
Rådmann Liv Løvvik sa at ein kjem tilbake til kommunestyret med reglementet når desse presiseringane er lagt inn.
Handsaming i kommunestyret:
Sams for rådmannens framlegg, med dei to tillegga framsett i kommunestyret.
Konstituert rådmann Olav Mongstad orienterte om saka. Dette vert gjort for å tilpassa til ny kommunestruktur frå 1. januar 2020.
Handsaming i kommunestyret:
Samrøystes vedtak for rådmannens framlegg til vedtak.
NAV Fensfjorden vil følgje statens rettleiande satsar for økonomisk stønad, med dei reguleringar som blir gjort årleg.
Når det gjeld øvrige ytingar får NAV fullmakt til å fastsetje rutiner ut frå eit forsvarleg skjønn og kjennskap til kostnadsnivå i kommunane.
Konstituert rådmann Olav Mongstad orienterte om saka.
Kommunane som går saman i Nav Fensfjorden (Fedje, Austrheim, Gulen, Modalen og Masfjorden), har ein del felles praksis allereie. Mellom anna reknar alle desse kommunane med barnetrygd og kontantstøtte som inntekt i samband med tildeling av sosialstønad.
Men det er ein del som avgjerast på skjønn, og her jobbar Nav Fensfjorden med å få ei felles skjønnsmessig forståing.
Handsaming i kommunestyret:Samrøystes vedtak for rådmannens framlegg til vedtak.
Representanten Jorund Stellberg (Uavhengig) orienterte om samanslåingsprosessen mellom Nordhordland Revisjon IKS og Indre Hordaland Revisjon. Stellberg er styreleiar i Nordhordland Revisjon AS, eit selskap som er 97 prosent eigd av Nordhordland Revisjon IKS, og kjenner dermed prosessen godt.
Stellberg forklarte at det skal dannast eit nytt selskap før utgangen av 2019, som vert ei samanslåing av Nordhordland Revisjon IKS og Indre Hordaland Revisjon. Etter kommunesamanslåingar og endringar som trer i kraft frå nyttår vil ein ha i alt ni eigarkommunar i dette selskapet, Vestlandsrevisjon IKS. Eigarkommunar i Nordhordland er Austrheim, Fedje, Masfjorden, Modalen og Osterøy, og frå Hordaland Revisjonsdistrikt er det Voss, Ulvik, Eidfjord og Ullensvang.
Stellberg ba om at punkt 2 i vedtaket vert endra slik at namna på ordførar/varaordførar ikkje er med:
Som kommunen sin representant i representantskapet i det nye selskapet vert vald ordførar og som vara varaordførar.
Rådmann Liv Løvvik sa at det er veldig bra at dei små kommunane er offensive og etablerer dette selskapet.
Ordførar Per Lerøy (Ap) sa at det var positivt at ein fekk starta dette selskapet, som med mange flotte medarbeidarar og eit godt namn kanskje kan verta revisor for fleire kommunar.
Handsaming i kommunestyret:
Samrøystes for Jorund Stellberg sitt framlegg.
Politikar | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Anne Dahle Austrheim | Kristeleg Folkeparti | Varaordførar | annedahleaustrheim@gmail.com |
Monika Thorpe | Arbeiderpartiet | Medlem | monikath@online.no |
Hardy Pedersen | Arbeiderpartiet | Medlem | hardpe@online.no |
Asbjørn Brandtun | Arbeiderpartiet | Medlem | asbjorn.brandtun@gmail.com |
Merethe Rikstad Tresvik | Arbeiderpartiet | Medlem | mtresv@online.no |
Tore Austrheim | Arbeiderpartiet | Medlem | tore.austrheim@hotmail.com |
Rikke Heldal Hope | Høgre | Medlem | rikke.heldal.hope@hotmail.com |
Morten Sognnes | Høgre | Medlem | morten.sognnes@austrheim.kommune.no |
Randi Keilegavlen Dyrøy | Kristeleg Folkeparti | Medlem | randidy1@start.no |
Reidar Øksnes | Senterpartiet | Medlem | 56roek@gmail.com |
Liv Ulvøy | Uavhengige | Medlem | livulvoy@gmail.com |
Jorund Stellberg | Uavhengige | Medlem | jorund.stellberg@gmail.com |
Jan Erik Espelid | Venstre | Medlem | jespe62@hotmail.com |
Oddmund Vikene | Arbeiderpartiet | Varamedlem | od-viken@online.no |
Håkon Budal | Arbeiderpartiet | Varamedlem | |
Solveig Hopen | Høgre | Varamedlem | mastrevik@fribokhandel.no |
Siri Kaland (Ikke møtt) | Arbeiderpartiet | Medlem | sikaland@gmail.com |
Trude Sleire (Ikke møtt) | Arbeiderpartiet | Medlem | trand@statoil.com |
Viggo Leirvåg (Ikke møtt) | Høgre | Medlem | vigleirv@online.no |