Utval: | Formannskapet |
---|---|
Dato: | 24.02.2022 09:00 - 12:35 |
Møtestad: | Austrheim samfunnshus |
Status: | Møtet er ferdig protokollert |
Sakskart: | , |
Møteprotokoll: |
Sidan varaordførar Inger Lise Brekke (H) var fråværande, vart Morten Sognnes (H) vald som varaordførar i dette møtet.
Sidan kommunedirektør Bjørnar Fjellhaug var fråværande, fungerte kommunalsjef Thomas Lindås som kommunedirektør i dette møtet.
Handsaming i formannskapet:
Kommunedirektøren sitt framlegg vert samrøystes vedteke
Ordføraren ba om at det vart notert at formannskapet framleis vil ha ei orientering om korleis ein i samarbeid med Nav kan få til ei ordning med organisering av sommarjobbar for ungdommar, og eit opplegg gjennom Grønt arbeid der ein kan engasjera innbyggjarar med restarbeidsevne. Dette kan vera utkjøring av mat til eldre, rydding rundt kommunale bygg, og tilbod til private om å slå plenar/rydda, med meir. Kommunedirektøren har starta på dette, men var ikkje klar til dette møtet pga. sjukdom.
Handsaming i formannskapet:
Kommunedirektøren sitt framlegg vert samrøystes vedteke
Avdelingsleiar plan, Asbjørn Toft, orienterte om delegerte vedtak.
Det var spørsmål kring bruksløyve til bustad der ein i etterkant har funne ut at det ikkje er montert naudsynt pumpe på avlaup. Administrasjonen viste til at kommunen gjennomfører dokumentkontroll, og når det er signert på at det er utført, så legg ein til grunn at det er rett.
Handsaming i formannskapet:
Kommunedirektøren sitt framlegg vart samrøystes vedteke
Avdelingsleiar plan, Asbjørn Toft, orienterte om det private arbeidet som pågår med næringsområdet i Øksnesmarka (presentasjonen ligg ved møteboka).
Det vil gå ut melding om planoppstart til grunneigarar og offentlege instansar ein av dei første månadene, der offentlege etatar kan komma med plankrav og rekkjefølgjekrav. Kommunen kan også komma med krav.
---
Avdelingsleiar plan, Asbjørn Toft, orienterte om beiteprosjektet, der ein skal ha landskapspleie med geiter som eit arbeid for å redusera fare for utmarksbrann
Dette er aktuelt for fleire område kring kommunesenteret, og kan også vera aktuelt for friluftsområdet i Øksneset, der i samarbeid med Bergen og omegn friluftsråd.
Ordførar Per Lerøy (Ap) viste til at det er naudsynt å følgja opp med beiting i tilfelle der ein har tatt ned skog/kratt. Der ein tek vekk eitt tre, kjem det opp 10-15 nye busker. Viktig på fleire måtar, brannførebygging, attåtnæring for bønder, og redusera pollenplager for dei med allergi.
Bjørn Inge Håland Dyrkolbotn (Sp) spurte om ein har vore i kontakt med bønder i Austrheim. Her svara Asbjørn Toft at ein har vore i kontakt med fleire, men det tar tid å bygga opp ein geitestamme. Om ein leiger inn geiter frå Hopsdal no, kan desse bøndene vera med på å driva opplæring av bønder her. Med beiting av geiter først kan det vera mogleg med villsau/sau i etterkant.
Aslak Bakke (H) sa at ein også bør sjå på villsau, utan at det skal stoppa prosjektet med geiter i første omgang. Må informera lokale bønder om arbeidet som er i gang.
Morten Sognnes (H) sa at det er bra å komma i gang med dette, men kan utvida seinare med sau, kyr eller anna. Viste til vegetasjonsbrannane på Sotra, og sa at det er viktig å halda vegetasjonen nede.
Bjørn Inge Håland Dyrkolbotn (Sp) sa at ein bør ha villsau/sau også, her svara Asbjørn Toft at det er bra men krev gjerde. Geiter kan beita med NoFence, slik at ein ikkje må gjerda inn områda.
Aslak Bakke (H) spurte om kostnad for dette, her svara Toft at det vil vera ein kostnad på 40 kroner per geit per dag, som skal dekka utstyr og lisensar. Ordførar Lerøy (Ap) skaut inn at det er ei ramme på eit par hundre tusen til dette.
---
Økonomi- og personalsjef Odd Harald Dommersnes orienterte om det økonomiske resultatet for 2021, som enda på 7,3 millionar kroner i mindreforbruk. Kom heldig ut på gode skatteinntekter, lågare sosialhjelpskostnader og låge pensjonskostnader.
Dommersnes viste til at det er nokre ting ein må sjå på framover:
Sjukefråvær, store underliggande kostnader
Kostnad til revisjon
Årås skule, underskot i 2021
Kystbarnehagen, underskot i 2021
I det heile må ein sjå nærare på drift framover, for å få betre kontroll på at ein ikkje bruker meir enn budsjettert.
Overskotet er sett til disposisjonsfond, og så får kommunestyret dette opp i juni der ein kan bruka overskotet til asfaltering eller anna.
Ordførar Per Lerøy (Ap) sa at det har vore to spesielle år med tanke på sjukefråvær. Generelt må ein ha fokus på gode tenester til innbyggjarane.
Aslak Bakke (H) spurte om kvifor det er avdelingar som har brukt meir enn budsjettert, her svara Dommersnes at det nok har vore slik tidlegare at det har gått greitt å bruka meir, men ein må over på at kvar eining skal klara budsjettet sitt.
Dommersnes sa det er månadleg rapportering, men må ha strengare oppfølging av at ein heldt budsjettet sitt. Treng kanskje eit politisk signal om dette.
Morten Sognnes (H) sa at det bør gjerast eit arbeid for å snu trenden på den enkelte arbeidsplassen, må jobba med dette no etter Korona.
Morten Sognnes (H) ba om at ein brukar midlar til å ferdigstilla næringstomta ved Mongstadkrysset, og får masseutskifta til eldrebustader på Kaland. Her svara Lerøy (Ap) at næringsområdet må ordnast med investeringsmidlar, medan disposisjonsfond må ein ha i bakhand dersom det skjer noko uføresett med inntektene.
----
Ordførar Per Lerøy (Ap) viste til uttalen som Fedje har gitt om E39 Vågsbotn-Klauvaneset, der dette arbeidet ikkje skal utsetjast. Her gav formannskapet ordføraren løyve til å omarbeida uttalen og melda denne inn frå Austrheim.
---
Ordførar Per Lerøy (Ap) orienterte om status for selskapet Plastcon sine planar om eit anlegg for plastresirkulering.
---
Bjarne Sæbø orienterte om klage frå Equinor på eigedomsskatt. Der er det ein detalj som kom opp på nytt, og er handsama i eigedomsskattenemnda, og som skal opp i felles klagenemnd for eigedomsskatt. På denne klagen er det ikkje så store summar det er tale om, på grunn av at klagen er på reglane som var gjeldande før siste lovendring om skattlegging av verk og bruk.
Ordførar Per Lerøy (Ap) sa om rettssaka mellom Equinor og Alver, der Alver tapte i første rettsrunde, der er det venta ein søknad frå Alver om partshjelp i samband med ei ankesak. I tillegg vil Nettverk av petroleumskommunar (NPK) bidra.
Handsaming i formannskapet:Kommunedirektøren sitt framlegg vart samrøystes vedteke
Formannskapet rår kommunestyret til å vedta «Reglement for folkevalde organ i Austrheim kommune» slik det ligg føre.
Kommunestyret ber kommunedirektøren koma attende med eiga sak om politisk styringsmodell i løpet av hausten.
Fungerande kommunedirektør i dette møtet, Thomas Lindås, orienterte om saka. Dette er ei oppdatering i samband med nytt lovverk, kommande streaming av politiske møte, med meir. Til hausten vil ein starta arbeidet med å vurdera ny politisk organisering/utvalsmodellen.
Handsaming i formannskapet:
Kommunedirektørens framlegg til vedtak vart samrøystes vedteke.
Austrheim kommune gjev ikkje løyve til dispensasjon frå føresegn i reguleringsplan, plan-id: 2006003, til bod med takutstikk.
Grunngjeving for vedtaket går fram av saksutgreiinga.
Vedtaket har heimel i plan- og bygningslova (pbl.) § 19-2 jf. § 12-4 og naturmangfaldslova §§ 8-12.
I denne saka var det synfaring tidleg i formannskapet, der deltok Per Lerøy (Ap), Morten Sognnes (H), Aslak Bakke (H), Randi K. Dyrøy (KrF) og Bjørn Inge Håland Dyrkolbotn (Sp).
Sakshandsamar Christopher Straumøy orienterte om saka. I reguleringsplanen er det ikkje lagt opp til frittståande bod, men det er endra slik at ein kan bygga inntil 15 kvadratmeter BYA bod (endring gjort i 2021). Takutstikk skal inngå i BYA, og i dette tilfellet er det dobbelt så stort med dette. Det kommunedirektøren er oppteken av, er at dette kan skapa presedens der alle kan bygga større enn 15 kvadratmeter BYA.
Ordførar Per Lerøy (Ap) ba om at formannskapet samlar seg om eit vedtak i denne saka.
Det vart spelt inn frå fleire at bygget i utgangspunktet ser OK ut plassert i terrenget, men det kan skapa presedens for andre deler av dette feltet og andre stader i kommunen om ein gjev dispensasjon til dette tiltaket.
Ordførar Per Lerøy (Ap) viste til innspel kommunen tidlegare har fått om at det er risikabelt å ha for detaljerte planar, for det er vanskeleg å sjå for seg alle detaljar når ein lagar planen. Plassering kan vera betre å ha fridom på for å kunna justera i etterkant.
Avdelingsleiar plan Asbjørn Toft orienterte om prosessen som var for å få på plass planendringa om å kunna bygga ein bod på 15 kvadratmeter, det det mellom anna vart sett på plassering på kvar tomt. Om nokon ønskjer å bygga større enn dette kan ein søka om planendring, men det krev ein eigen prosess. Toft viste til at grunneigarane har vore medverkande i planarbeidet, og har fått det som dei ville ha det. Vil skapa presedens om ein gjev dispensasjon her.
Sakshandsamar Christopher Straumøy viste til at det i dette tilfellet har vore ei planendring frå der ein ikkje kunne bygga bod, til at ein kunne bygga ei bod på 15 kvadratmeter. Det er den konkrete grensa på 15 BYA for ein bod som er aktuell.
Bjørn Inge Håland Dyrkolbotn (Sp) viste til at det kan skapa presedens om ein gjev dispensasjon her.
Handsaming i formannskapet:Kommunedirektørens framlegg til vedtak vart samrøystes vedteke.
Politikar | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Morten Sognnes | Høgre | Medlem | morten.sognnes@austrheim.kommune.no |
Bjørn Inge Håland Dyrkolbotn | Senterpartiet | Medlem | Bjorn.Inge.Dyrkolbotn@austrheim.kommune.no |
Aslak André Bakke | Høgre | Varamedlem | aba@mrbakke.no |
Randi Keilegavlen Dyrøy | Kristeleg Folkeparti | Varamedlem | randidy1@start.no |
Thomas Lindås | thomas.lindas@austrheim.kommune.no | ||
Christopher Marius Straumøy | christopher.marius.straumoy@austrheim.kommune.no | ||
Bjarne Ve Sæbø | bjarne.ve.sebo@austrheim.kommune.no | ||
Odd Harald Dommersnes | odd.harald.dommersnes@austrheim.kommune.no | ||
Asbjørn Nagell Toft | asbjorn.n.toft@austrheim.kommune.no | ||
Inger Lise Brekke (Ikke møtt) | Høgre | Varaordførar | ilb5943@yahoo.no |
Helge Dyrkolbotn (Ikke møtt) | Kristeleg Folkeparti | Medlem | Helge.Dyrkolbotn@vlfk.no |