Utval: | Formannskapet |
---|---|
Dato: | 08.06.2023 10:00 - 14:30 |
Møtestad: | Austrheim samfunnshus |
Status: | Møtet er ferdig protokollert |
Sakskart: | |
Møteprotokoll: |
Ordførar Per Lerøy refererte framlegget til vedtak.
Handsaming i formannskapet:
Kommunedirektøren sitt framlegg vart samrøystes vedteke
Møteprotokoll frå forrige møte vert godkjent, med merknad om at i sak 040/23 skal rett dato for budsjettvedtak skal vere 15.12.22.
Ordførar Per Lerøy refererte framlegget til vedtak.
Ann Kristin Leirvåg (Ap) sa at i Protokoll frå møte 02.05.23 i sak 040/23 står feil årstal:
Budsjettvedtaket frå 15.12.2023 har eit verbalpunkt som seier at kommunedirektøren skal finna ei endeleg avklaring for kunsthuset i løpet av 2023. Rett årtal i setningen skal vere 15.12.2022.
Handsaming i formannskapet:
Kommunedirektøren sitt framlegg, med merknad om at rett dato i sak 040/23 skal vere 15.12.22 vart samrøystes vedteke
Økonomi- og personalsjef Odd Harald Dommersnes orienterte om brevet frå Statsforvaltaren og Ordførar Per Lerøy (Ap) informerte om Aufera.
Handsaming i formannskapet:
Kommunedirektøren sitt framlegg vart samrøystes vedteke
Einingsleiar Asbjørn Nagell Toft orienterte om delegerte saker.
Handsaming i formannskapet:
Kommunedirektøren sitt framlegg vart samrøystes vedteke
Kommunedirektør Bjørnar Fjellhaug orienterte om foreløpig rapport frå kommunebarometeret, slik det ser ut er det mykje bra, men vi må sjå nærare på kva som ligg bak tala. Dokumentasjon blir sendt ut. Det var nemnt at lånetala på bilblioteket ikkje er så høge, og til det kommenterte Bjørn Inge Dyrkolbotn (Sp) at biblioteket gjer ein fantastisk jobb på andre måtar, noko fleire var einig i.
Kommunalsjef Trine Merete Jansen orienterte om saka med avvik på elektroniske bekymringsmeldingar til barnevernet. Det er svært alvorleg hending, og kjem grunna eit systemsvikt hos Visma. Austrheim har ikkje tatt i bruk digital bekymringsmelding. Sidan vi er ein del av Alver barnevernteneste som har brukt systemet, kan det vere ein del som har valt Alver når dei har sendt inn bekyringsmeldingar. Kommunalsjefen har bedt einingsleiarane om at dei sikrar at meldingar dei har sendt inn er kome fram til Alver barnevernteneste. Feilen er retta og Austrheim ønskjer og ta i bruk meldingstenesta etterkvart.
Handsaming i formannskapet:
Kommunedirektøren sitt framlegg vart samrøystes vedteke
Orienteringa vert teke til vitande.
Kommunalsjef Trine Merete Jansen orienterte. Det er ikkje avdekka lovbrot etter tilsynet. Ho la til at vi janmleg får rapportar og det er ingen avvik i dei.
Handsaming i formannskapet:
Kommunedirektøren sitt framlegg vart samrøystes vedteke
Formanskapet tilrår:
Austrheim kommune vedtar samarbeidsavtalen for Interkommunal samarbeid mot akkutt forurensning Bergen region kommunalt oppgåvefelleskap.
Einingsleiar Asbjørn Nagell Toft orienterte om saka,
Handsaming i formannskapet:
Kommunedirektøren sitt framlegg vart samrøystes vedteke
Formannskapet tilrår:
Austrheim kommune viser til saksutgreiinga under som er ein uttale om klagepraksis hjå Statsforvaltaren i Vestland på dispensasjonsaker i sone tre for differensiert forvaltning av strandsona.
Einingsleiar Asbjørn Nagell Toft orienterte om saka, jamfør saksutgreiinga.
Ordførar Per Lerøy (AP), det blir jobba i region for å hente inn meir informasjon om presentasjon frå det årlege møte der staten møtar kommunane. .
Inger-Lise Brekke (H), spurte om tilitsreformen kan den vere eit argument i slike saker. Til det svara Asbjørn Nagell Toft at reformen i seg sjølv er meir retta mot at tilsette skal ha tillit i jobben dei gjer.
Bjørn Inge Dyrkolbotn (Sp) sa at han ville vore endra krassare i si uttale og fekk svar frå ordføraren at det er det som vert jobba mot før vedtak i kommunestyret.
Handsaming i formannskapet:
Kommunedirektøren sitt framlegg vart samrøystes vedteke
Områdeplan for bustadområde B36 på Kaland og Fonnes og friområdet ved Ekornsåta, planid. 2021002 vert sendt ut på andre gongs offentleg ettersyn. Plankart og føresegner er datert den 30.05.2023 og Illustrasjonsplan er datert den 11.05.2023. Grunngjevinga for vedtaket er gjeve i saksutgreiinga. Vedtaket er heimla i plan -og bygningslova § 12-10.
Einingsleiar Asbjørn Nagell Toft orienterte om saka,
Asbjørn Toft orienterte saka. Det har vore ein god planprosess. Det er ein plan med stor grad av friheit. Realistisk kan ein tenkje 60 bueiningar, men det dobbelte er mogleg.
Det har vore merknader og konstruktive innspel Har teke omsyn til deil fleste.
Anne Kristin Leirvåg (Ap) spurte om tilhøyrande områder mot Leirvågen har vore aktuelle å ta inn i plan og Asbjørn Nagell Toft svara at det er LNF område.
Inger-Lise Brekke (H) påpeika at det er viktig at det blir sjåande bra ut. Asbjørn Nagell Toft sa at framover vil vi stille større krav til at det blir gjort skikkeleg arbeid med områda.
Handsaming i formannskapet:
Kommunedirektøren sitt framlegg vart samrøystes vedteke
Formannskapet tilrår:
Austrheim kommune sin uttaletil planframlegget for Detaljregulering for fv. 565 Alversundbrua er vist i saksutgreiinga under.
Einingsleiar Asbjørn Nagell Toft orienterte om saka, jamfør saksutgreiinga.
Helge Dyrkolbotn (Krf) sa at dette er ei god uttale, Austrheim har god nytte av brua og dessutan er det mykje båttrafikk i leia der. Ordføraren sa seg eining i dette.
Handsaming i formannskapet:
Kommunedirektøren sitt framlegg vart samrøystes vedteke
Austrheim kommune gjev dispensasjon frå reguleringsplan (plan-id: 2006005) til rammeløyve for 3 omsøkte Naust på Buholmen.
Grunngjevinga er gjeve i saksutgreiinga. Vedtaket er heimla i plan- og bygningslova § 19-2, jf. § 12-4.
Saka vert sendt til Statsforvalteren i Vestland for klagevurdering.
Sakshandsamar Christopher Marius Straumøy orienterte om saka,
Statsforvaltaren har ikkje kome med uttale i saka. Vestland fylkeskommune hadde spørsmål om avkjørsle, men det har ikkje relevans for dispensasjonssaka.
Ordførar Per Lerøy (Ap) påpeika at det ikkje er problem med tre naust i området, det blir estetisk fint.
Handsaming i formannskapet:
Kommunedirektøren sitt framlegg vart samrøystes vedteke
Formannskapet gjev på vilkår dispensasjon frå kommuneplanen sin arealdel for frådeling av bebygd tomt på gnr. 131/11 på Fonnes.
Vilkår 1. er at det vert tinglyst naudsynte rettar og pliktar knytt til VVA til omsøkt frådelt bustadtomt.
Vilkår 2. er at det vert tinglyst gjerdeplikt omkring omsøkt bustadtomt.
Vilkår 3. er at frisikta til avkjørsla til omsøkt bustadtomt alltid må verta ivareteke.
Grunngjeving for vedtaket står i saksutgreiinga.
Vedtaket er heimla i plan- og bygningslova § 19-2 jf. § 12-4.
Saka vert sendt til Stasforvaltaren i Vestland til klagevurdering.
Einingsleiar Asbjørn Nagell Toft orienterte om saka, jamfør saksutgreiinga.
Det har vore synfaring på eigedommen tidlegare.
Handsaming i formannskapet:
Kommunedirektøren sitt framlegg vart samrøystes vedteke.
Formannskapet tilrår:
Vedlikehaldsplan for Austrheim kommune vert godkjent slik den ligg føre. Økonomiske rammer for planlagt vedlikehald, vert fastsett kvart år i samband med handsaming av kommunen sitt budsjett og økonomiplan.
Einingsleiar Atle Vaage orienterte om saka. Bakgrunn er at eininga skal lage ein vedlikehaldsplan. Med denne saka legg ein prinsippa for korleis eininga skal tenkje. Dette er strategien, kostandane kjem i budsjettet. Det er etterslep på vedlikehald og det blir lagt opp til 5års syklusar i denne plan for førebyggjande vedlikehald og utanfor plan blir det kun akutte tilfelle gjort noko med. Eigedommane som Austrheim kommunale eigedomsselskap har overtatt blir ikkje omfatta av planen, der har selskapet ansvar for vedlikehald medan Austrheim kommune har ansvar om noko blir øydelagt.
Fleire tok ordet og var samd i at dette var bra og at det vil gi forutsigbarheit i arbeidet.
Handsaming i formannskapet:
Kommunedirektøren sitt framlegg vart samrøystes vedteke
Formannskapet tilrår:
Kommunestyret godkjenner rekneskap for 2022.
Netto driftsresultat i rekneskap for 2022 blir i heilskap sett av til disposisjonsfond.
Økonomi- og personalsjef Odd Harald Dommersnes orienterte om rekneskap og fekk tilbakemelding frå politikarane om at det var ein grei gjennomgang.
Det vart diskutert om ein får meir realistiske tal om ein budsjetterer med utgifter i samand med sjukefråvær og at leiarane og må jobbar i drift, dei er ikkje berre leiarar. Kommunedirektøren kommenterte at når det gjeld fastløn er vi ganske på budsjett og at det ligg ein produksjonsdel i leiarstillingane.
Under handsaming av årsrapport og rekneskap vart det bestemt at det skal vere ei synfaring på skulane før kommunestyreperioda er over.
Handsaming i formannskapet:
Kommunedirektøren sitt framlegg vart samrøystes vedteke
Formannskapet tilrår at Austrheim kommunestyre godkjenner årsrapport for 2022 slik den ligg føre.
Kommunedirektør Bjørnar Fjellhaug orienterte om årsrapporten og fekk tilbakemelding frå politikarane at Framsikt gir god oversikt.
Handsaming i formannskapet:
Kommunedirektøren sitt framlegg vart samrøystes vedteke
Formannskapet tilrår at kommunestyret vedtek den framlagte økonomiplanen slik han ligg føre, kommunedirektøren vil i budsjettframlegg for 2024 komme med endelig framlegg til økonomiplan for perioden 2024-2027 (HØP 24-27).
Økonomi- og personalsjef Odd Harald Dommersnes orienterte og sa blant anna at pensjonakostandane går opp, kommunen får auka kostander i samband med generell prisoppgang. I brev frå Statsforvaltaren kan ein lese at vi frå auka frie inntekter og at skjønstilskotet blir det same som tidlegare.
Ordførar Per Lerøy (Ap) sa at vi må jobbe for å få fleire innbyggjarar til kommunen, vi må få opp bustadbygging og få private på banene.
Bjørn Inge Dyrkolbotn (Sp) sa at i Sogn Avis er Austrheim kommune nevnt som ein av fire distriktskommunar med aukande folketal.
Handsaming i formannskapet:
Kommunedirektøren sitt framlegg vart samrøystes vedteke
Formannskapet tilrår:
Kommunestyret i Austrheim kommune gir med dette sin tilslutnad til at kommunane Fedje, Gulen, Masfjorden og Modalen blir nye deltakarar i Bergen og Omland Friluftsråd Kommunalt Oppgavefellesskap, med verknad frå 01.01.2024. Dei nye deltakarkommunane sitt ansvar og forpliktingar følgjer av samarbeidsavtalen, og av lov om kommunar og fylkeskommunar (LOV-2018-06-22-83, frå 01.01.2020 «kommunelova»).
Kommunalsjef Trine Merete Jansen orienterte om at nabokommunane ønsker å bli med i oppgåvefelleskapet.
Handsaming i formannskapet:
Kommunedirektøren sitt framlegg vart samrøystes vedteke
Formannskapet tilrår:
Kommunestyret i Austrheim vel følgjande kommunekomité for TV-aksjonen 2023:
- Leiar: Ordførar Per Lerøy
- Sekretær: Rigmor Ludvigsen
- Ein tilsett i administrasjonen med lokalkunnskap i Austrheim
- Eit medlem utpeikt av Lindåsneset Sanitetsforeining
- Eit medlem utpeikt av Årås Sanitetsforeining
- Eit medlem frå Austrheim idrettslag
- Eit medlem frå Ungdomsrådet
Kommunedirektøren får mynde til å erstatta eller legga til medlemmer i komiteen for TV-aksjonen.
Austrheim kommune løyver 30.000 kroner til TV-aksjonen 2023.
Kostnaden vert dekka frå post 1490380001902
Ordførar Per Lerøy refererte framlegget til vedtak.
Handsaming i formannskapet:
Kommunedirektøren sitt framlegg vart samrøystes vedteke
Framlegget har vore på høyring til partigruppene, utan at det kom merknader. Innspelet frå formannskapet 02.05.23 er lagt inn i reglementet. Formannskapet tilrår at kommunestyret vedtar reglementet slik det ligg føre.
Kommunedirektør Bjørnar Fjellhaug la fram saka, jamfør saksutgreiinga.
Handsaming i formannskapet:
Kommunedirektøren sitt framlegg vart samrøystes vedteke
Formannskapet tilrår:
Kommunestyret tar tertialrapporten og finansrapporten for fyrste tertial til vitande.
Kommunestyret godkjenner kommunedirektøren sitt framlegg til budsjettjusteringar på drift med ei aukakostnadsramme på 11,6 millionar kroner. Dei auka kostnadane blir dekka gjennom at ein aukar budsjettet med tilsvarande på inntekt gjennom auka skatteanslag, rammetilskott og auka utbytte frå Eviny.
Kommunestyret godkjenner kommunedirektøren sitt framlegg til budsjettjusteringar på investering og kommunen tek eit låneopptak på kroner 5,1millionar for å finansiere desse budsjettjusteringane.
Kommunedirektør Bjørnar Fjellhaug orienterte om rapporten og status på ulike prosjekt før Odd Harald Dommersnes la fram tala i rapporten.
Handsaming i formannskapet:
Kommunedirektøren sitt framlegg vart samrøystes vedteke
Formannskapet tilrår:
Kommunestyret vedtek at ein overfører budsjettmidlar for prosjekt som ikkje vart sluttført i 2022 til 2023 og at desse vert finansiert ved bruk av ubrukte lånemidlar.
Økonomi- og personalsjef Odd Harald Dommersnes orienterte.
Handsaming i formannskapet:
Kommunedirektøren sitt framlegg vart samrøystes vedteke
Politikar | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Helge Dyrkolbotn | Kristeleg Folkeparti | Medlem | Helge.Dyrkolbotn@vlfk.no |
Bjørn Inge Håland Dyrkolbotn | Senterpartiet | Medlem | Bjorn.Inge.Dyrkolbotn@austrheim.kommune.no |
Ann Kristin Leirvåg | Arbeiderpartiet | Varamedlem | Kristin1964@gmail.com |
Kristin Nesbø | kristin.nesbo@austrheim.kommune.no | ||
Bjørnar Fjellhaug | bjornar.fjellhaug@austrheim.kommune.no | ||
Odd Harald Dommersnes | odd.harald.dommersnes@austrheim.kommune.no | ||
Trine Merete Jansen | trine.merete.jansen@austrheim.kommune.no | ||
Anne Hildegunn Færøy | anne.hildegunn.feroy@austrheim.kommune.no | ||
Asbjørn Nagell Toft | asbjorn.n.toft@austrheim.kommune.no | ||
Atle Vaage | atle.vaage@austrheim.kommune.no | ||
Christopher Marius Straumøy | christopher.marius.straumoy@austrheim.kommune.no | ||
Morten Sognnes (Ikke møtt) | Høgre | Medlem | morten.sognnes@austrheim.kommune.no |