Møte i Eldrerådet den 05.12.2019

Behandling

Solbjørg Sætre tok oppgåva som møteleiar, som einaste representant for pensjonistlaga.

Liv Ulvøy tok opp at ein burde ha tilsendt protokoll frå dei møta som har vore.
Det vart klargjort at det ikkje hadde vore møte sidan august 2018.

Handsaming i eldrerådet:
Rådmannen sitt framlegg vert samrøystes vedteke.

Behandling

Solbjørg Sætre tok opp at protokollen frå møtet 17.08.18 var lite utfyllande, og at det var vanskeleg å sjå kva som var diskutert. Stussa også på ein punkt om at eldredagen var vurdert nedlagt.

Rigmor Ludvigsen svara at Austrheim kommune var ein av dei første i landet som markerte eldredagen, men at ein har hatt nedgang i aktiviteten og oppmøtet. Det var difor vurdert å legga ned markeringa. I 2019 enda det med at eldredagen vart flytta frå Austrheim samfunnshus og til Seniorsenteret, der Ludvigsen laga til arrangementet sjølv med mat og meir (plass til 70-80). Markeringa var kutta frå dei kommunale budsjetta, og ein har ikkje hatt rom for å sponsa deltakarane. Prisen har vore 650 per kuvert, der eigendelen har vore 300 kroner, og i tillegg har kommunen dekka utgifter til lyd og lys. Har vore ein kostnad på 20-30.000 kroner.

Monika Kvamme sa at ein på Nordliheimen har ein fast tradisjon sidan 2005 med eldredagsmarkering for dei som bur der og dei som får heimeteneste. Ludvigsen supplerte at ein gjerne koordinerer slik at underhaldninga først er på Nordliheimen og deretter på Seniorsenteret (tidlegare var det på samfunnshuset, men no er ein for få til å vera der).

Solbjørg Sætre takka Rigmor Ludvigsen for hennar innsats for å få til eldredagen 2019. Sætre etterlyste vidare at kommunen burde ha råd til å stå for dette arrangementet, og ba om at markeringa i 2020 vart diskutert med eldrerådet på vårparten det året, slik at ein kan få ta fatt i dette. Kommunen og kommunestyret må gjerne vera med og jobba for ein større aktivitet i rådet.

Liv Ulvøy sa seg samd med Sætre i at dette arrangementet bør halda fram, men for å få det til må ein spela inn til politikarane at eldredagen må inn i budsjettet. Stramme tider og vanskeleg å få til alle gode føremål, men dette bør ein få til. Takka også Rigmor for hennar initiativ for å få til eldredagen i 2019.

Rigmor Ludvigsen ba om at kommande eldredagar vert planlagt i samarbeid mellom fleire, slik at ein kallar inn eldrerådet, pleie/omsorg, administrasjonen elles, og kyrkja til felles planleggingsmøte.

Handsaming i eldrerådet:
Rådmannen sitt framlegg vert samrøystes vedteke

Vedtak

Ingen orienteringssaker til dette møtet.

Behandling

Ingen orienteringssaker til dette møtet.

Vedtak

Eldrerådet kom ikkje med nokon uttale til budsjettet.

Behandling

Økonomisjef Olav B. Andersen orienterte om budsjettet for 2020 (lysark ligg ved).
Rammetilskotet har gått ned, mellom anna i samband med at tidlegare øyremerka tilskot går inn i ramma utan at ramma vert fullt ut auka tilsvarande, og ved at småkommunetilskotet er kutta utan kompensasjon.

Skatteinngangen er god, mellom anna etter stor aktivitet hjå Equinor Mongstad i haust, men noko av dette kan gå til andre kommunar som følgje av at ein kjem over grensa for inntektsutjamning.

Kommunen har fastrente på ein del av gjelda no, og ventar med å binda meir. Skulle renta gå opp vil kommunen få ein million ekstra i utgifter per halve prosent som renta stig. Samstundes som høgare rente gjev auka utgifter på lån, gjev det også lågare pensjonsutgifter sidan KLP får betre avkasting av midlane sine.

Liv Løvvik sa at kommunen vil venta no med å binda meir av renta, sidan det er stor usikkerheit om korleis renta vil bevega seg dei næraste åra.

Olav B. Andersen tok ein gjennomgang av dei ulike postane i 2020-budsjettet.

Solbjørg Sætre spurte kva som gjekk på posten for vaksenopplæring, om dette var noko som gjekk på eldre.

Monika Kvamme svara at midlar under denne posten gjekk til ulike opplæringsføremål, men ikkje mot eldre. Posten omfattar mellom anna også tilrettelagt undervisning for yngre.

Om investeringar sa Olav B. Andersen at dei største postane var til investeringar i vatn og avlaup, der dette vert dekka inn gjennom auke i til dei tilhøyrande gebyra.

Monika Kvamme sa at det skal investerast ein million i 2020 til nytt alarmanlegg på Nordliheimen, dagens anlegg er så gammalt at ein ikkje får delar til det lengre.

Olav B. Andersen sa at talbudsjettet er sendt også til Fylkesmannen, som vil ta ein gjennomgang før budsjettmøtet i kommunestyret 12. desember.

Solbjørg Sætre spurte kva kommunen ønskjer å selja. Liv Løvvik svara at det ikkje er avgjort kva areal som vert selt i 2020, men ein jobbar med fleire aktuelle objekt.

Rådmann Liv Løvvik viste ei orientering om den økonomiske utviklinga for kommunen framover (lysarka ligg ved).

Den store investeringa i 2020 er VA. Kommunen har høg gjeld, og ligg over både kommunegruppe 2 (som det er mest naturleg å samanlikna seg), og snitt i landet for gjeld per innbyggar.

Utviklinga vidare er at Austrheim taper på kutt i det kommunale skatteøret, taper på høg lønsvekst sidan lønsandelen av utgiftene er høgare enn snittet, og taper på at rammeoverføringa ikkje vert auka tilsvarande prisveksten. Ser også at i dei interkommunale samarbeida så er det ofte ein høgare vekst enn i eigne tenester. Må jobba med å bygga disposisjonsfond, skulle hatt eit fond på 30 millionar. Framover er det utfordrande med at det er færre born enn tidlegare.

Monika Kvamme sa om den demografiske utviklinga at det vert fleire rullatorar enn barnevogner. Fleire må bu heime lengre, og sjukeheimen vert berre for demente og dei som er alvorleg sjuke. Det inneber at fleire må sjå på sin eigen bustad og legga til rette for at dei kan bu heime lengre. Kommunen må setja seg ned med organisasjonane for dei eldre og sjå på kva som er utfordringane og moglegheitene i Austrheim. Må også sjå på kvar det er folk ønskjer å busetja seg, då ein ser at mange ønskjer å bu nære ulike servicetilbod.

Liv Ulvøy sa at dette er noko kommunen må ut og informera meir om, tidlegare har kommunen hatt vaktmester som har vore ute og hjelpt til med å fjerna dørstokkar, men dette er det ikkje midlar til i dag.

Liv Løvvik avslutta med å visa til at det er strammare utsikter framover, der 2020 er det beste året i økonomiplanperioden, med mest pengar til å bruka i drift av dei fire neste åra i perioden. Har samstundes tru på at kommunen skal komma seg ut av Robek-lista.

Arbeidet vidare vert å jobba med omsorgstrappa, og sjå korleis ein kan få på plass gode bustader til eldre som ikkje kan bu heime, men heller ikkje skal på institusjon.

Løvvik viste til den konkrete lista for kutt/inntektsauke for 2020 (Excel, ligg ved).

Skal forhandla med Lindås om ei oppdatering av avtalen og gjesteelevar ved Kaland skule, der Austrheim i dag før 25.000 kroner medan statleg start er 100.000 kroner.

Merethe Rikstad Tresvik sa om gjesteavtalen med Lindås/Alver at ein må unngå at elevane ikkje lenger får gå på Kaland skule.

Løvvik svara at Lindås/Alver må følgja nærskuleprinsippet, og dersom elevane frå Åsheim-krinsen ikkje skal få gå ved den næraste skulen. Austrheim og Lindås/Alver har saman eit ansvar for å halda oppe dette miljøet på Kaland, men Austrheim kan ikkje finansiera dette.

Monika Kvamme sa at ein i 2020 skal i gang med ein god del arbeid der eldrerådet skal involverast, som å skriva ny utgåve av eldremeldinga, ein habiliterings/og rehabiliteringsplan, plan for brukarmedverknad, og opplegg/brosjyre for førebyggande heimebesøk.