Møte i Formannskapet den 23.01.2020

Vedtak

Innkalling og sakliste vart godkjent.

Behandling

Handsaming i formannskapet:
Rådmannen sitt framlegg vert samrøystes vedteke.

Vedtak

Møteprotokoll frå forrige møte vart godkjent.

Behandling

Handsaming i formannskapet:
Rådmannen sitt framlegg vert samrøystes vedteke.

Vedtak

Delegerte saker vart tekne til orientering.

Behandling

Avdelingsleiar plan, bygg, oppmåling og miljø Asbjørn Toft gjekk gjennom dei delegerte vedtaka.

Ordførar Per Lerøy spurte om oppfølging av arbeidet på Kaland med fortau der. Toft svara at dette må ein gjerne ta direkte med einingsleiar teknisk drift Rolf Henning Myrmel, som har oppfølginga av dette prosjektet.

Handsaming i formannskapet:
Rådmannen sitt framlegg vart samrøystes vedteke.

Vedtak

Orienteringane vart teke til vitande.

Behandling

Det vart orientert om transport til Aufera Manger i møtet i administrasjonsutvalet tidlegare same dag. (Ved kommunalsjef helse og omsorg Monika Kvamme og leiar teknisk drift Rolf Myrmel)

---

Kommunalsjef service og forvalting Thomas Lindås gav ei kort orientering om gangen i ei byggesak, frå frådeling av tomt og fram til ferdigattest.

Rådmann Liv Løvvik ba om at Lindås utarbeider eit "tidsskjema" for denne saksgangen, slik at formannskapet får ei lita oppskrift. Lindås svara at ein skal utarbeida eit slikt kart over den typiske saksgangen for ei byggesak.

Helge Dyrkolbotn (KrF) ba om at formannskapet vart teke med på synfaring når det kjem inn dispensasjonssøknader, slik at ein får meir kunnskap om dette.

Avdelingsleiar plan, bygg, oppmåling og miljø Asbjørn Toft viste til at det er relativt sett få klagesaker i Austrheim, mykje på grunn av at ein inviterer inn til møte (som ei gratisteneste) for å sjå kva som kan vera utfordringar i saka, og vidare ber den enkelte om å ta ein god runde med sine naboar for å få deira innspel.

Ordførar Per Lerøy (Ap) viste til at praksisen er at formannskapet skal på synfaring i dei sakene der kommunen seier nei til ein søknad.

Thomas Lindås sa at det er fint om politikarane kjem med innspel på førehand av møtet. om det er ei delegert sak dei ønskjer meir informasjon om.

---

Avdelingsleiar plan, bygg, oppmåling og miljø Asbjørn Toft orienterte om planarbeidet, som vert gjort med grunnlag i vedtaket kommunestyret gjorde 12.12.19 om ny planstrategi. Toft takka for dei vedtaka som er gjort av kommunestyret, og viste til at det har gitt utteljing. Mellom anna brukte kommunen 400.000 kroner på planarbeid på Kaland, her selde kommunen seinare areal for 4 millionar kroner, og det er i gang bustadbygging som gjev nye barnefamiliar til kommunen.

Ordførar Per Lerøy (Ap) viste til at det er viktig med ein god trafikksikringsplan, det å ha ein god plan har tidlegare resultert i at kommunen har lukkast med å få midlar til trafikksikringsprosjekt. Om trafikksikringsplanen sa Thomas Lindås at dersom planen skal rullerast no, må ein gjera ein jobb med teksten om det haldningsskapande arbeidet. Dagens plan er god på tiltak, men ikkje like god på haldningsskapande arbeid.

Rådmann Liv Løvvik sa at det vil kosta ein del ressursar å oppdatera ein plan som dette.

For kulturminneplanen står det att eit månadsverk. Det var semje om at når ein har brukt ressursar på dette (også innleigde ressursar), så må ein gjera dette heilt ferdig.

Morten Sognnes (H) etterlyste reguleringsarbeid for fortau frå Fonnes til Kilstraumen. - Her har det vore dødsulukker, og for utviklinga av Austrheim er fortau på dette strekket utruleg viktig. For å få i gang trafikksikringsarbeidet er det utruleg viktig med ein reguleringsplan for fortau på dette strekket.

Rådmann Liv Løvvik etterlyste plan for tiltak mot fattigdom, korleis skal ein kunna nå dei som har minst, utan stigma. Bergen kommune har forsøk med sine kinokort, og regjeringa er i gang med ei ordning for fritidskort. Må laga plan med tiltak som er spissa mot dette.

Ordførar Lerøy (Ap) presiserte at ein må laga planar som er fleksible, til dømes at reguleringsplanar for næringsareal kan tilpassast ulike aktørar. Lerøy sa vidare at folkehelse no skal inn i alle planar.

Morten Sognnes (H) etterlyste at det vert planlagt areal slik at entreprenørar som har overskotsmasse (stein) får disponera areal der denne steinen kan leggast, og der det vert bruk for den seinare. Ordførar Lerøy (Ap) viste til at det i samband med Johan Sverdrup-røyrleidningen vart planlagt slike område.

Per Lerøy (Ap) viste til at med eit næringsområde på Kaland på 300 mål i kommunalt eige, og dessutan Mongstad vekst sitt område der, så må Austrheim også legga til rette for busetting i området Kaland/Fonnes innanfor ein avstand som gjer det mogleg å gå/sykla til skule/barnehage og andre tilbod.

Morten Sognnes (H) og Per Lerøy (Ap) viste til at Austrheim har gjort eit godt arbeid på plansida, slik at det er mogleg å bygga hus/fritidsbygg, og næring, og komma i gang i løpet av kort tid. Både for private og næringslivet er det ein fordel å kunna komma raskt i gang. For næring har Austrheim ein føremon med sjølveigd næringsområde, som ein no er i gang med reguleringsarbeid på.

Ordførar Lerøy sa at kommunen har presentert seg for selskap som Invest in Norway, Invest in Bergen og Green Byte, i samband med mogleg etablering av bedrifter for datalagring, batteriproduksjon og prosjekt med hydrogenproduksjon. Selskapa som står bak er opptekne av stort nok tilgjengeleg areal, tilstrekkeleg kapasitet for rein energi, føreseielege politiske system med meir. Om dette lukkast kan det gje skatteinntekter gjennom auka næringsaktivitet, kompetansearbeidsplassar, mogleg tilflytting med meir.

Morten Sognnes (H) viste til ein del større selskap vil leiga areal, og ikkje eiga sjølv. Rådmann Løvvik sa at ein også kan sjå på heimfall av areal etter ein viss periode.

Helge Dyrkolbotn (KrF) sa at ein må jobba opp mot fylket for å få utdanna ungdommar til dei arbeidsplassane ein har her i området.

---

Avdelingsleiar plan, bygg, oppmåling og miljø Asbjørn Toft orienterte om tilbodet om ei dagsturhytte. Kommunen får tilskot frå Fylkeskommunen, Sparebankstiftinga Sogn og Fjordane, og tippemidlar. Brutto kostnad er 900.000-1.000.000, pluss grunnkostnader 100-200.000 (litt avhengig av kva kommunen kan utføra sjølv).

Kommunen må gjera vedtak i vår, om at ein vil ha hytte i 2021 eller 2022, og så sjå på plassering og namn. Kan sjå på Vardetangen som aktuell plass, der arealet og parkering er på plass. dagsturhytta kan skapa ein del ny trafikk, mellom anna er det ein del som vil besøka alle dagsturhyttene i fylket. Det er også diskutert med Bergen og omland friluftsråd å bruka friluftsområde i Øksneset. Administrasjonen treng svar på om ein skal jobba vidare med dette, eller la det ligga.

Helge Dyrkolbotn (KrF) viste til at det tidlegare har vore snakk om at byggfag på AVS skulle legga til rette eit areal på Vardetangen, for plassering av ei hytte gitt av Markhus. Teknisk avdeling ved kommunen har gjort det arbeidet som var venta frå dei, og kjem denne hytta frå Markhus på Vardetangen, kan Austrheim få ei dagsturhytte også ein annan plass.

Asbjørn Toft sa at det er viktig å bruka god tid til å finna den rette plasseringa. Kanskje kan Seteneset vera ein god plass med kort veg frå skulane? Også andre plassar kan vera aktuelle. Erfaringa frå hyttene i Sogn og Fjordane er at ein ønskjer tilrettelegging med toalettbygg i nærleiken av hytta, solcellepanel på hyttene, mulegheit for ovn, og platting ute der ein kan grilla.

Morten Sognnes (H) sa at ein må få plass hytta på Vardetangen, der det ligg til rette med fiskeplassar med meir. Vardetangen er framsida for kommunen.

Rådmann Løvvik ba om at det vart tilrettelagt for tilgang for så mange som mogleg. Ordførar Lerøy viste til at det er universelt tilgjengelege i Øksneset og på Vardetangen, med tilgang til toalett begge stader.

Ordførar Lerøy ba (Ap) om at det vert førebudd ei sak til kommunestyret 13. februar om ei slik dagsturhytte i Austrheim, evt. eit seinare år om ein må venta pga økonomi.

Handsaming i formannskapet:

Orienteringane vart teke til vitande.

Vedtak

Formannskapet tok saka til orientering.

Behandling

Det vart orientert om denne saka i administrasjonsutvalet.

Vedtak

Formannskapet tok orienteringa til vitande.

Behandling

Det vart orientert om denne saka i administrasjonsutvalet.

Behandling

Ordførar Per Lerøy (Ap) kom med utsettingsframlegg:

"Saka vert utsett til eit ekstramøte i formannskapet, torsdag 13. februar klokka 17.00, slik at ein får med seg alle høyringsuttalane som kjem fram til høyringsfristen 31. januar."

Om Alver kommune si betaling for elevar frå Åsheim-krinsen som går på Kaland, vart det sagt:

Morten Sognnes (H) viste til at for ein Austrheim-elev som går på skule i Alver så vert Austrheim fakturert 153.000 kroner per skuleår.

Rådmann Løvvik viste til møtet som har vore med Alver om dette, der Alver har vist til at ein skal sjå på heile skulestrukturen, og ber om ein eittårsavtale. Løvvik har svara at det minste Austrheim kan godta som ein eittårsavtale er å auka betalinga frå 25.000 til 50.000 kroner

Ordførar Lerøy (Ap) viste til at Alver sjølv betaler eigne privatskular 96.000 per elev. Austrheim kan gå med på ein opptrappingsplan, der ein startar på 50.000 som minimum, og så trappar det opp etter kvart.

Handsaming i formannskapet:
Samrøystes for framlegget om utsetting.

Behandling

Handsaming i formannskapet:
Samrøystes for rådmannens framlegg.

Behandling

Ole Georg Hoaas orienterte om saka. Han viste til at Austrheim har halde igjen på bemanninga i barnevernet i påvente av samanslåinga med barnevernet i Alver. Det er få tilsette i barnevernet i Austrheim i dag, og med ein fødselspermisjon på veg vert barnevernet endå færre, slik at det er viktig å komma raskt i gang med implementeringsprosessen.

Når det gjeld skjønnsmidlar frå Fylkesmannen, som er meint å vera med på å finansiera dette, er desse midlane nett lyste ut. Ein kan ikkje seia sikkert at Austrheim får skjønnsmidlar til dette arbeidet, men har sterke signal på det. Hoaas oppmoda formannskapet til å støtta framlegget, og at denne saka kan gå som informasjonssak i kommunestyret sidan det er tidskritisk å komma i gang.

Rådmann Løvvik sa at det er ein økonomisk risiko her, det må ein vera klar over.
Vidare sa Løvvik at medan Alver har sagt at ein ønskjer implementering 1. juli, så vil Austrheim jobba på for å få det til frå 1. april.

Handsaming i formannskapet:
Samrøystes for rådmannens framlegg.