Møte i Formannskapet den 07.05.2020

Behandling

Ordførar Per Lerøy (Ap) spurte om formannskapet godtok også den ettersende saka om planendring for Heiane bustadfelt og Finnsvågen. Dette vart godkjent av alle.

Handsaming i utvalet:
Rådmannen sitt framlegg vart samrøystes vedteke, med tilleggssak om Heiane-reguleringsplanen.

Vedtak

Møteprotokoll frå møtet 23. april er godkjent

Behandling

Handsaming i formannskapet:
Samrøystes for rådmannens framlegg til vedtak.

Vedtak

Ingen meldingar til dette møtet.

Behandling

Ingen meldingar til dette møtet.

Behandling

Asbjørn Toft orienterte om delegerte saker.
Sak 064/20, gbnr 157/60. Her har det også komme inn ein dispensasjonssøknad, som kan handsamast tidlegast i eit møte i formannskapet tysdag 12. mai.

Ordførar per Lerøy ba om eit ekstra formannskapsmøte tysdag 12. mai klokka 16.00 for å handsama denne søknaden om dispensasjon. Formannskapsmedlemmene stadfesta dette.

Kommunalsjef Thomas Lindås orienterte kort om saka, der det kort sagt er reist grunnmur høgare enn det som er tillate, om ein skal halda maksimal mønehøgde. Kommunen har forsøkt å formidla kontakt mellom 157/60 og 157/81, men har ikkje klart å få til ei semje mellom desse naboane. Innhaldet i ny søknad og nabomerknader vert utgreidd i saka som kjem opp til formannskapet tysdag 12. mai.

Ordførar Lerøy ba om at alle deler av saka vart tatt med i saka. Må sjå om det er mogleg å finna ei løysing, og om faginstansen og formannskapet er samde, må det vera mogleg å få med seg Fylkesmannen også.

---

Asbjørn Toft gjekk gjennom dei delegerte sakene vidare.

I samband med Delegert sak 070/20, ba ordførar Lerøy om at det vart lagt opp til synfaring her samstundes med synfaring på Heiane-feltet.

Handsaming i formannskapet:
Rådmannen sitt framlegg vart samrøystes vedteke

Vedtak

Ingen orienteringar.

Behandling

Ingen orienteringar (det vart orientert om Korona-situasjonen i administrasjonsutvalet, same dag som formannskapet).

Behandling

Økonomisjef Olav Birger Andersen orienterte om saka. Etter spørsmål frå ordførar Per Lerøy (Ap) svara Andersen om auka utgifter til teknisk at dette mellom anna skuldast utgifter til salting og strøing i mars månad, og reparasjonar etter lynnedslag som gav skader på Nordliheimen og Idrettsparken. Økonomi- og personalsjef Odd Harald Dommersnes sa at ein må laga ein handlingsplan på korleis ein skal lukka dette avviket, med eit kuttframlegg for å komma i hamn.

Ordførar Lerøy sa at i 2019 var det pleie/omsorg som var underbudsjettert, no er det teknisk. Ikkje rett å driva slik. Olav Andersen sa at teknisk eining etter hans syn var underbudsjettert, noko leiar teknisk drift har sagt frå om.

Rådmann Liv Løvvik sa at det i tillegg har gått rundt 2,2 millionar til Korona, usikkert om ein får dette refundert. Desse utgiftene er med i rekneskapen her. Det som har komme frå Staten i refusjonar er ikkje med.

Olav Andersen viste likviditetsprognosen for resten av 2020 (ligg ved saman med dei utsende sakene). Kommunen har ein reserve i kassakreditt på 15 millionar, som ein kan bruka. Odd Harald Dommersnes viste til at dersom arbeidsløysa går ned frå det ein har estimert på 8,5 prosent, så er det ei oppside for kommunen med auka skatteinntekter.

Kommunalsjef Odd Harald Dommersnes sa at det vert jobba med kor stort låneopptak ein reelt sett skal investera av det som er planlagt av V/A dette året. Er i dialog med Kommunalbanken for å sjå rentenivået, og i tillegg er det mogleg å få investeringar i V/A som grøne investeringar, som har betre vilkår enn andre lån.

Rådmann Liv Løvvik sa at det er ein kostnad med kassakreditt, der det også er rekna inn buffer for risiko, og at kommunen bør unngå dette. Odd Harald Dommersnes sa at kommunen i det lengste bør unngå å ta i bruk lån (kassakreditt) for å finansiera drifta.

Ordførar Per Lerøy (Ap) sa at ein må forventa at regjeringa legg fram tal i revidert budsjett 12. mai som er positivt for kommunane. Lerøy takka for oversikta som administrasjonen gjev. Ser at med ei arbeidsløyse som no, vil det gje ein skattesvikt for kommunen på 6,5 millionar i 2020.

Inger Lise Brekke (H) sa at arbeidsløysa i Austrheim per i dag er på 8 prosent.

Handsaming i formannskapet:
Rådmannen sitt framlegg vart samrøystes vedteke

Behandling

Økonomisjef Olav Birger Andersen orienterte om saka.

Som årsmeldinga viser, kunne kommunen ha komme ut av Robek-lista i 2019, om ein hadde fått med seg mellom anna dei venta utbetalingane frå AS Austrheim Næringsselskap. No må målet vera å komma ut av Robek-lista i 2020.

Rådmann Liv Løvvik viste til at det er ein merknad frå revisor og kontrollutval, med eit tal som ikkje var rett. Dette skal ein læra av i det vidare.

Helge Dyrkolbotn (KrF) sa at det er mykje bra informasjon i årsmeldinga, særleg frå avdelingane. Ser at det har vore trongt i kommunen, og det er gjort ein god jobb.

Ordførar Lerøy berømma årsmeldinga for god informasjon og oversikt.

Handsaming i formannskapet:
Rådmannen sitt framlegg vart samrøystes vedteke

Behandling

Økonomisjef Olav Birger Andersen orienterte om saka. Som rekneskapen viser var utgiftene høgare enn budsjettert i 2019, men inntektene var høgare enn dette igjen.

Ordførar Per Lerøy (Ap) spurte om korleis ein kan ha eit budsjett der det er 269 millionar i inntekter, men det blir 281, og det er budsjettert med 267 millionar i utgifter og det blir 278. Kan verka som om det her har komme auka inntekter, og så har administrasjonen brukt pengane utan politisk godkjenning.

Olav Andersen svara at det her er ein del postar som går mot kvarandre, så som at inntekt på refusjon av sjukepengar går opp i opp mot auka utgifter til vikar. Men slik vert ikkje rekneskapen ført. Og ein del av utgiftene var ikkje budsjetterte, men har politisk godkjenning, som refusjon til Helfo og forlik i Breidvik-saka, og utgifter til Nav Fensfjorden der ein betaler 4,7 millionar i året til Masfjorden kommune.

Lerøy svarte at dette med sjukepengar/vikar burde vore reflektert i revidert budsjett. Odd Harald Dommersnes sa at ein i så tilfelle bør revidera budsjettet meir enn ein gong. Lerøy svara at dette bør ein gjera, og ta med seg dei vedtaka som kommunestyret har gjort, og elles ta med dei erfaringane ein har som til dømes refusjon av sjukepengar.

Olav Andersen sa at ein gjerne kan justera budsjettet oftare, til dømes annakvar månad.

Rådmann Løvvik sa at det er særleg på hausten ein må følgja med. Og så er det utfordringar på ein del felt, som Nav Fensfjorden, der kostnader ikkje kjem til rett tid.

Ordførar Lerøy konkluderte med at det er semje om å revidera budsjettet oftare, for å ta med seg desse endringane undervegs.

Inger Lise Brekke (H) sa utgiftene til Nav Fensfjorden vel er føreseielege framover. Rett nok kan sosiale utgifter verta auka i den situasjonen ein er i no.

Olav Andersen svara at det er føreseieleg no, med kring fem millionar i året til Nav.

Ordførar Lerøy oppsummerte diskusjonen med ei presisering av at det var gjort ein stor innsats for å nå resultatet, og at det ikkje var kritikk men eit ønskje om betre revidering/informasjon undervegs.

Handsaming i formannskapet:Rådmannen sitt framlegg vart samrøystes vedteke