Her ser du informasjon om eit møte i Formannskapet.
 
Clear
     
 

Møte i Formannskapet den 05.11.2020

Formannskapet
05.11.2020 09:00 - 15:30
Utval:Formannskapet
Dato:05.11.2020 09:00 - 15:30
Møtestad:Austrheim Samfunnshus - kafeen
Status:Møtet er ferdig protokollert
Sakskart:Innkalling - Formannskapet - 05.11.2020 (Hoveddokument) , Innkalling - Formannskapet - 05.11.2020 (Vedlegg) Tilleggsinnkalling - Formannskapet - 05.11.2020 (Hoveddokument)
Møteprotokoll:Protokoll - Formannskapet - 05.11.2020 (Hoveddokument)

Saksliste

  • Godkjenning av innkalling og saksliste Hoveddokument 417KB
    Brevdato: 29.10.2020
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Handsaming i formannskapet:
    Samrøystes for rådmannens framlegg til vedtak.

  • Godkjenning av møteprotokoll Hoveddokument 418KB

    127/20 - 20/7428 - Godkjenning av møteprotokoll

    Journaldato: 23.10.2020  2 dokumenter
    Brevdato: 23.10.2020
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Det vart presisert at når det gjeld planstrategien, så skal det lagast plan for diskrimering og likestilling (likestilling mangla i referatet). Dette vert retta opp i den vidare sakshandsaminga.

    Rådmannen sitt framlegg vert samrøystes vedteke

  • Orienteringssak Hoveddokument 424KB

    128/20 - 20/7580 - Orienteringssak

    Journaldato: 29.10.2020  1 dokument
    Brevdato: 29.10.2020
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Kommunalsjef Odd Harald Dommersnes orienterte om økonomien per no.
    Inntektene er betre enn budsjett, det er auke i både rammetilskotet og skatteinntektene.

    Tala for oktober jobbar ein med no, og er klar med det i neste veke. Ser at det er god kostnadsstyring, og med rapportering månad for månad er det god bevisstheit innan dette.
    Personalutgiftene er under budsjett. Særleg oppvekst er flinke, med god styring.

    Ved utgang september er overskotet på 6,6 millionar, ser at det kjem rekning for barnevern på 2 millionar, men overskotet er likevel nok til at ein er ute av Robek-lista.

  • Budsjettframlegg 2021 Hoveddokument 516KB

    129/20 - 20/7550 - Budsjettframlegg 2021

    Journaldato: 29.10.2020  9 dokumenter
    Brevdato: 29.10.2020
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Behandling

    Rådmann Liv Løvvik orienterte om budsjettframlegget. Dette eit rammebudsjett på tenestenivå, og det er nytt for Austrheim å visa budsjettet på denne måten. Ein vil vise langsiktige mål og utfordringar. Omstilling er framleis nødvendig. Ein kan ta ulike grep, legg ned ikkje lovpålagte tenester, men kan legge seg på eit lågare tenestenivå og auke betalingssatsar. Eller effektivisere administrasjon og prosesser. Investering i godt leiarskap er viktig for å sikre effektivisering framover, samstundes må investeringane vere det vi må og ikkje det vi vil.

    Kommunalsjef Odd Harald Dommersnes orienterte vidare: I budsjettet er det teke som forutsetning at vi er ute av Robek, men budsjett blir framleis stramt. Vi skal levere mange ulike tenester til innbyggjarane våre og forbruk er sett opp omtrent som i førre budsjett. Det vart gjort eit grep her i fjor som gjer at vi har ein anna plattform i år. Dette gjeld spesielt lønskostnader.

    Trekte fram mellom anna: Helse og omsorg, her er ei stor auke, blant anna for å gjere ei «opprydding» i forhold til legane, som har til gode mykje permisjon. Dette vil påvirke budsjettet for 2021. Det blir eit nedtrekk i forhold til barnevern som har fått ei anna utvikling etter at vi gjekk inn i Alver barnevern. Integreringstilskotet blir mykje mindre sidan våre flyktningar no har vore her i 4 år og meir. Når det gjeld finans vil ein ikkje oppmode til å ta meir lån. Renteutgiftene er det som har sterkast risiko knytta til seg.

    Ordførar Per Lerøy spurte om ikkje inntektene for vatn/avløp er store i forhold til utgiftene? Kommunalsjef Thomas Lindås svarer på dette seinare.

    Ordførar Per Lerøy (Ap) seier at mange kommunar klager på at ein blir pålagt nye oppgåver frå staten og ekstra utgifter, men at vi har god inndekning på desse.

    Rådmann Liv Løvvik: Skjønstilskot frå fylkesmannen vil nok gå ned, men vi får truleg auka tilskot i samband med Covid – 19

    Ordførar Per Lerøy: Fylkesmannen har vore litt raus med oss fordi vi har vore på Robek.

    Kommunalsjef Odd Harald Dommersnes om Mongstad Vekst – forutsetning at verdiar vert henta ut. Ikkje sikkert at vi får dette som pengar, det kan bli som eigedom.

    Helge Dyrkolbotn (KrF): Mongstad Vekst og Austrheim næringsselskap, har vore tenkt avvikla og at ein får henta ut midlar, kanskje bør ein tenkje annleis, kan Næringsselskapet vere aktivt vidare.

    Ordførar Per Lerøy (Ap): Vi kan behalde Næringsselskapet som sovande selskap, men vi kan skrive ned aksjekapital. Mongstad vekst-området ved Keilevegen blir regulert og ein kan forvente at saka blir behandla i løpet av første kvartal 2021. Eit godt areal, men kan ikkje vite om det kjem kjøpar. Mongstad Vekst blir uansett lagt ned, så må ein sjå kva som kjem ut av det med fordeling av verdiane.

    Rådmann Liv Løvvik: Vi har no ein ordførar som er godt kjent med næring. På sikt bør ein truleg ha ein tilsett som kan jobbe med næring.

    Ordførar Per Lerøy om sal av eigedom: Har ein prosess om makebytte med Equinor ang. området ved PKS bygget og eit område Austrheim kommune eig.

    Helge Dyrkolbotn (KrF) dette er bra, men når det gjeld sal av eigedommar ønsker han å mane til litt forsiktigheit og tenkje langsiktig.

    Kommunalsjef Odd Harald Dommersnes kommenterte at ein sel ein del no og deretter blir det mykje mindre. Vi må ikkje selge det vi treng.

    Bjørn Inge Dyrkolbotn (Sp) hadde spørsmål om startlån: I år var det tomt for midlar, er det sett opp nok midlar i budsjettet?

    Ordførar Per Lerøy (Ap) sa at ein kan foreslå at vi aukar opp.

    Rådmann Liv Løvvik seier det er ei utfordring at det ikkje er så mange midlar til rådigheit frå Husbanken.

    Kommunalsjef Odd Harald Dommersnes seier at ein ikkje legg om til fleire store prosjekt samstundes, til dømes bør ein gjere ferdig vatn/avlaupsprosjektet før ein tek til med omsorgsbustader på Kaland.

    Inntekt frå sal av minibussen bruker vi til å kjøpe nyare bruktbilar til helse og omsorg. Det kjem 3 nye bruktbilar no i år, men det er ei kortsiktig løysing og på sikt skal vi ha el-biler.

    Det vart diskutert mogelegheit for å låne biler hos lokale bedrifter, og det kom spørsmål frå varaordførar Inger-Lise Brekke (H) om kvifor det er så mykje skader på bilane våre. Ordførar Per Lerøy (Ap) svarte at heimesjukepleien må kjøre på mange smale og dårlege vegar, det kan bli positivt med omsorgstun slik at ein får mindre av dette. Helge Dyrkolbotn (KrF) la til at det er vanskeleg å kome unna slitasjen på bilane. Bjørn Inge Dyrkolbotn (Sp) la til at det er eit velkjent problem i fleire kommunar. Morten Sognnes (H) seier at kvar bulk betyr ein kostnad, og etterkvart som det kjem ny teknologi og nytt utstyr i bilane kan det bli betre, men vi er ikkje der enda med våre bruktbilar.

    Kommunalsjef Thomas Lindås påpeikte at vi er ein trafikksikker kommune og det har vore diskutert kjøreopplæring for tilsette. Ein må jobbe med haldningane. Inger-Lise Brekke (H) – det er mange gode forklaringar, men det må finnes moglegheit for å redusere kostnadene noko.

    Kommunalsjef Thomas Lindås orienterte om Forvaltning og service:
    Plan, bygg og oppmåling - skal ein få gjennomføring av planoppgåver må evt. ha meir midlar til det.

    Teknisk drift - To hovudutfordringar: Vedlikehaldsutfordringar og vintervedlikehald.

    Til tidlegare spørsmål frå ordførar om for store inntekter på vatn, vi hadde for lite inntekt i fleire år, så skulle vi ta det att og sette det noko høgt. Vi har vore på etterskot med VA-utbygginga. Det er no igangsett og det kjem ein del auka utgifter for kommunen i samband med dette, slik at å ta dette mykje ned er ikkje tilrådd.

    Per Lerøy (Ap): - Lekkasjane på vassverket, her er mykje ordna, ny teknologi hjelper å oppdage dette tidleg. Det er mykje skryt til PBO, dette må ein vidareformidle.

    Teknisk Drift
    Ordførar Per Lerøy (Ap): Det er undervurdert med ordinær vaktmeister som får eigarskap til bygningane våre. Helge Dyrkolbotn (KrF) støttar ordføraren i dette.

    Inger-Lise Brekke (H) det er slik i den ideelle verda, men det kan også vere andre og nye måtar å jobbe på, fordele oppgåver og prioriteringar kan vere betre enn ein fast tilsett på kvart bygg.

    Kommunalsjef Monika Kvamme orienterte om: Helse og omsorg og frivilligteneste.

    140 tilsette – har eit veldig annleis år. Tenkjer Covid 24/7. Smittesporing er krevjande.
    Arbeidssituasjon på legekontoret er generelt krevjande. Etterslep på permisjonar gjer at ein treng ein ekstra lege, dette må ein lyse ut så snart som mogeleg. Legane har mange listepasienter i tillegg til andre oppgåver på til dømes sjukeheim og helsestasjon. Har budsjettert inn med denne nye legestillinga. Vi treng fire faste legar. Det er mykje oppgåver og det vil ikkje bli mindre framover.

    Ordførar Per Lerøy (Ap): Denne stillingsutlysinga må til, vi har ikkje noko val.

    Varaordførar Inger-Lise Brekke (H): - Bra at ein tenkjer langsiktig, det bør vere ei fast stilling framover.

    Morten Sognnes (H) bra tenkt at ein skal erstatte Peter Kubon når han etterkvart blir pensjonist. Vi bør også sjå til Fedje.

    Kommunalsjef Monika Kvamme seier at Fedje har vore i kontakt med oss om samarbeid, legevakt i nord har jo også vore nemnt. (Randkommunesamarbeid)

    Rådmann Liv Løvvik– frå koronatid veit vi at vi må ha ein buffer. Nokre år fram i tid vil ein ha eit anna beslutningsgrunnlag. Vi må ta inn over oss endringar i aldersfordelinga.

    Morten Sognnes (H) – spenstige tanker å sei opp legevakta. Kva med Helsehuset? Vi må sjå kost/nytte for vår det.

    Kommunalsjef Monika Kvamme svarte at vi ikkje skal melde oss ut, men kanskje kan vi ha noko sjølv. Helsehuset blir bra, men det blir til dømes dyrare husleige.

    Ordførar Per Lerøy (H) – kostnadsfordeling er ei utfordring.

    Varaordførar Inger- Lise Brekke (H): – Vi må utnytte ressursane på ein god måte. Er vi bevisst på vidareutdanning for sjukepleiarane, innan førebyggjande arbeid, psykiatri etc. ?

    Kommunalsjef Monika Kvamme svarte at vår kompetanseplan går ut på dato no, og den må fornyast. Viktig å gi dei tilsette mogelegheiter også for å halde på dei.

    Rådmann Liv Løvvik – det kan ligge mogelegheiter i å nytte sjukepleiarar/andre tilsette til fleire/andre oppgåver.

    Helge Dyrkolbotn (KrF) – Det er svært positivt med meir frivillige i pleie og omsorg, men kva med dei andre tilboda på Seniorsenteret og elles? Kommunalsjef Monika Kvamme svarer at dette er ein balansegang og eit samspel.

    Rådmann Liv Løvvik: - Ein må vurdere om ein skal drive arbeid som kunne ligge i kulturskulen eller i frivillig arbeid? Å drive frivilligsentralen er stor grad koordinering av andre sin innsats og halde oversikt. Kulturen er ikkje ute, men vi må sjå kva områder vi treng frivilligheit.

    Helge Dyrkolbotn (KrF): Ja det er ein balansegang. Tilbodet som er i dag er svært verdsett. Frivilligsentralene ligg under kulturdepartementet og det er kanskje eit signal. Det er mange organisasjonar som driv med slik frivilligarbeid og dette må koordinerast.

    Ordførar Per Lerøy om heiltidskultur. Vi har mista nokre tilsette fordi andre kommunar tilbyr 100%, stemmer det?

    Kommunalsjef Monika Kvamme svarar at nokon har fått tilbod om 100% men har gått til andre kommunar likevel.

    Rådmann Liv Løvvik orienterte om oppvekst:

    Skule, her blir det å halde drift på nåverande nivå. Vi må satse på fagfornyinga (statleg satsing). Det er elles eit mål og etablere Familiens hus, med PPT, psykolog og skulehelseteneste.

    Det kjem eige sak om skulestruktur der det kjem avgjerd i starten av 2021.

    Åsheimkrinsen: Har ikkje fått endeleg tilbakemelding, men signal er at det blir barneskule på Kaland og ungdomsskule på Lindås for barn i Åsheim-krinsen. Det kom spørsmål om kva Lærarspesialist er, og til dette svara rådmann at går på å auke kompetansen fagleg med vidareutdanning innan ulike fag.

    Ordførar Per Lerøy (Ap) sa at dette betyr at vi må vidareføre vidareutdanningsprogrammet vi har hatt. Han sa vidare at endringar i skulestruktur må føre til justering av budsjett etter at det blir gjort vedtak i den saka.

    Kommunalsjef Odd Harald Dommersnes viste til siste side i budsjettdokumentet. Verbalpunkt skal skrivast inn.

    Administrasjon frå skryt frå politikarane for måten budsjettet er presentert på.

    ---

    Framlegg til endring frå Høgre og Ap:
    Teneste 3900: Den norske kyrkja fekk redusert sine løyvingar med kr 500.000,- frå 2019 til 2020. me meiner at ein ytterlegare reduksjon på kr 325.000,- frå 2020 til 2021 vert krevjande. Me foreslår difor at løyvingane frå 2020 vert ført vidare også i 2021 og at den norske kyrkja får eit driftstilskot på kr 2.875.000,-

    Dette inneber at sum ansvar 1000 rådmann for 2021 vert auka med kr 325.000 til kr 16.789.000,-

    Ber om at det vert lagt som vedlegg til budsjettet.

    Vedtak: Formannskapet tilrår at Kommunestyret vedtar budsjettet for 2021 og økonomiplan 2021 – 2024, med framlegg til endring. Grunngjeving er gjeve i saksopplysningane. Heimel er kommunelova § 14 – 2.

    Handsaming i formannskapet:
    Samrøystes vedteke å legga budsjettet ut på høyring, med tillegg frå Høgre/Ap.

  • Tilskot frå næringsfondet - koronatilskot Hoveddokument 827KB
    Brevdato: 02.11.2020
    Dokumenttype: Saksframlegg
    Ansvarlig enhet: Samfunn- og tenestyting
    Sakshandsamar: Thomas Lindås

    Dokumenter

     

    Behandling

    I denne saka var det to representantar som var ugilde, Helge Dyrkolbotn (KrF) og Bjørn Inge H. Dyrkolbotn (Sp).
    Desse to ugilde vart skifta ut med vararepresentantane Anne Dahle Austrheim (KrF) og Reidar Øksnes (Sp).

    Saka vart handsama i starten av møtet.

    Kommunalsjef Thomas Lindås orienterte om saka, saman med sakshandsamar Bjarne Ve Sæbø. Denne er no oppe på nytt i formannskapet, etter at den vart utsett sist. I samband med utsettinga var beskjeden at alle søkarane måtte legga inn på nettportalen regionalforvaltning.no. Etter at søknadene no er registrerte på nytt har administrasjonen gjort ei vekting innanfor kriteria, med poengstilling 1-10, som ei skjønnsmessig vurdering.

    Bjarne Sæbø sa at det i vurderinga er sett på oppstart, tidsplan, og i kor stor grad det vil gje lokal aktivitet. Det er eit mål at tilskotet skal skapa aktivitet for det lokale næringslivet. Etter endringa fekk mellom anna Straumcamp og Kilstraumen meir midlar.

    Reidar Øksnes (Sp) spurte om vektinga når ein har sett på prosjekta, med tanke på kva vekting som er lagt inn, og sa seg usamd med vurderingane om sysselsettingseffekten dette vil gje i Austrheim for dei ulike aktørane. Øksnes spurte om Storebø traktor, som ei lokal bedrift med lokale tilsette, ikkje burde vurderast høgare enn 1 på skalaen.

    Kommunalsjef Thomas Lindås svara at det er gjort vurderingar utelukkande ut frå det som er notert i søknadene. Er open for at politikarane har andre vurderingar i denne saka enn innstillinga. Innstillinga er ingen fasit, men er fagmessig vurdert ut frå søknadene og det som stod der.

    Om Storebø traktor svara Bjarne Sæbø at prosjekt som er nesten ferdige ikkje vil skapa meir aktivitet om dei får støtte her. Når det gjeld storleik på støtta har ein gitt støtte til fem prosjekt for å sikra at det ikkje vart så små summar at dei ulike prosjekta ikkje kom i gang.

    Anne Dahle Austrheim (KrF) spurte om vektinga, og sa at Optimal Hudhelse skulle vore vekta høgare, dei har måtta stenga i ein lengre periode på grunn av Korona-stenginga.

    Kommunalsjef Thomas Lindås repeterte krava for tildeling (ligg i utgreiinga). Rådmann Liv Løvvik viste til at det er ope for formannskapet å vurdera annleis enn administrasjonen har gjort.

    Ordførar Per Lerøy svara at det er vanskeleg å avgjera tildelinga. Ser at ein ikkje bør smøra for tynt utover, slik at det ikkje hjelper i det heile.

    Anne Dahle Austrheim (Sp) sa at Optimal hudhelse burde blitt vurdert høgare på poeng, og ein sum som 25.000 kunne gitt stor betydning for dei. Thomas Lindås svara at dette vart vurdert.

    Reidar Øksnes (Sp) sa om søknaden til prosjektet Til deg/ Livsmeistring for barn, at han ikkje hadde oppfatta at nokon har flagga noko behov for denne typen teneste i Austrheim. Om det er behov for denne typen tenester må det flaggast av dei som har med dette å gjera.

    Rådmann Løvvik svara at det er vurdert at det kan vera andre behov for sårbare barn under Korona, kommunen har mellom anna etablert hjartetelefon. Kommunalsjef Bjørnar Fjellhaug sa at i den situasjonen ein er i no med Korona, er det krevjande for ein del barn, og kommunen ser på kva behov desse har.

    Reidar Øksnes (Sp) sa at det er andre typar tenester som kan hjelpa for slike ting, som Inn på tunet-tenester med meir, som ein har erfaring med i Austrheim. Om dette tilbodet skulle vurdert, så kunne ein hatt Inn på tunet eller eit tilbod ved Rongevær kurs- og fritidssenter.

    På spørsmål frå Morten Sognnes (H) sa Anne Dahle Austrheim at Optimal hudhelse bør vurderast opp i kategori 2, slik også Straumcamp vart, då kan Optimal hudhelse få støtte.

    Varaordførar Inger Lise Brekke (H) sa at ho var usikker på driftsmodellen for Til deg/ Livsmeistring for barn, med tanke på kor mange som skal jobba der.

    Sakshandsamar Bjarne Sæbø svara at slik administrasjonen har forstått dette, så er det lagt opp til ein tilsett.

    Reidar Øksnes (Sp) la fram sitt eige framlegg. Tatt vekk Veltec, med argumentasjon om at dette er ei bedrift med stort konsern i ryggen, og pga. at det er eit utviklingsprosjekt det er søkt om. Tatt inn Mongstad Industrier som ny på lista, dei har lærlingar og unge tilsette. Justert på fleire av dei andre.

    Etter spørsmål svara Bjarne Sæbø sa at det kan gis maks 50 prosent av prosjektkostnad. Alle søknadene var på under 50 prosent av prosjektkostnad

    Morten Sognnes (H) sa at ein skulle gjerne ha gitt til alle som har søkt. Ser på Magne Hope, skulle gjerne ha gitt noko der også, for å ha signaleffekt. Om framlegget frå Anne Dahle Austrheim om å støtta Optimal Hudhelse så kan ein gjerne ta med dette, liten sum som vil bety mykje for bedrifta.

    Per Lerøy (Ap) sa at tildelinga er skjønnsmessig, formannskapet står fritt til å fordela midlar. Kommunalsjef Thomas Lindås sa at dette med poengsum og tabell er brukt som verktøy av administrasjonen, formannskapet er ikkje bunde av dette men kan dela ut midlane heilt fritt.

    Per Lerøy (Ap) sa om Tobias Båt at dei har god tillit i marknaden, og at verksemda ønskjer å utvikla selskapet med ein 25 -fotar som dei har på gang.

    Reidar Øksnes (Sp) ba om at det vart sett på kvifor andre får til det dei får til, som i Skipavika. Øksnes sa at ein kan gjerne bu i Austrheim og jobba i Sløvåg, og ba om at det vart sett på ei kryssande pendlarrute der ein ser på dette, og at det vart arrangert konferanse for næringslivet i brei forstand.

    Etter gruppemøte vart det fram eit eige framlegg basert på Senterpartiet sitt framlegg, der ein også legg inn 145.000 kroner frå kommunen. Dei 145.000 frå kommunen skal salderast mot overskot for 2020, slik at dette vert redusert tilsvarande. Det skal setjast opp poengsummar tilsvarande for tildeling og utbetaling, for å synleggjera kvifor det er gjort dei endringar som er gjort.

    Handsming i formannskapet:
    Samrøystes for fellesframlegget.

  • Tildeling av ekstra tilskot Hoveddokument 452KB

    158/20 - 20/8277 - Tildeling av ekstra tilskot

    Journaldato: 26.11.2020  1 dokument
    Brevdato: 26.11.2020
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Formannskapet tok opp ei ekstrasak om tildeling av ekstra midlar til ulike prosjekt.

    I denne saka var Morten Sognnes (H) ugild, og var erstatta av Ann-Kristin Leirvåg (Ap).

    Kommunalsjef Thomas Lindås presenterte lista i saksframlegget. Dette er ting ein kan få i gang raskt.

    Ordførar Per Lerøy (Ap) viste til at dette er prosjekt som har vore diskutert tidlegare. For kaiar er det meint å gjera avtalar tilsvarande det som er gjort for Ervik-kaien. På Baløy eig kommunen kaien og har bruk for denne i samband med Rongevær kurs- og fritidssenter.

    Kommunalsjef Thomas Lindås sa at dei to kaiprosjekta er prosjekt der ein får mykje igjen for pengane, sidan det er mykje som vert løyst på dugnad.

    Ordførar Per Lerøy (Ap) sa at gangvegstrekket er frå Vardebrua og vidare til dei seks husstandane som er på den sida, samt at ein då er halvvegs til Leirvågkrysset med gang- og sykkelveg. Aukar trafikktryggleiken i dette området på Fonnes. Lerøy sa at dette skaper lokal aktivitet, der ein går ut til tre lokale tilbydarar med gangveg-prosjektet.

    Bakgrunnen for avtalen med Morten Sognnes er å dekka noko av kostnaden som Sognnes har hatt med flytting av landbruksveg i samband med Vardebrua.

    Helge Dyrkolbotn (KrF) etterlyste at det vart lagt inn pengar til stubben frå overgangen Nordliheimen og opp til kulturskulen. Ordførar Per Lerøy (Ap) svara at det må ein sjå på neste år, er fylkesveg men kommunen må nok ta dette.

    Kommunalsjef Thomas Lindås sa at dette er prosjekt der det er mogleg å få gjort noko i løpet av dei to siste månader av 2020. Ordførar Per Lerøy (Ap) sa at her kan ein få gjort noko klart til Vardebrua kjem, og det kompletterer heile prosjektet. Vardebrua er elles utsett frå 1. januar til mars, etter siste rapport. Det blir brukt 455.000 ekstra for å fullføra desse prosjekta.

    Det vart vurdert om Bjørn-Inge Dyrkolbotn (Sp) ville vera ugild i denne saka, sidan han har naust på Baløy. Helge Dyrkolbotn (KrF) meinte at Bjørn-Inge Dyrkolbotn ikkje var ugild sidan han ikkje er medlem i Baløy båtlag.

    Inger Lise Brekke (H) sa at det er viktig med låg terskel for å melda seg ugild. Men med det er som er sagt om at Dyrkolbotn ikkje medlem i båtlaget, og det er ein kommunal kai så er han ikkje ugild i denne saka.

    Handsaming i formannskapet:
    Samrøystes for rådmannens framlegg til vedtak.

Frammøte

Frammøte
PolitikarPartiMedlemstypeE-Post
Per LerøyArbeiderpartietOrdførarper.leroy@austrheim.kommune.no
Inger Lise BrekkeHøgreVaraordførarilb5943@yahoo.no
Morten SognnesHøgreMedlemmorten.sognnes@austrheim.kommune.no
Helge DyrkolbotnKristeleg FolkepartiMedlemHelge.Dyrkolbotn@vlfk.no
Bjørn Inge Håland DyrkolbotnSenterpartietMedlemBjorn.Inge.Dyrkolbotn@austrheim.kommune.no
Ann Kristin LeirvågArbeiderpartietVaramedlemKristin1964@gmail.com
Anne Dahle AustrheimKristeleg FolkepartiVaramedlemannedahleaustrheim@gmail.com
Reidar ØksnesSenterpartietVaramedlem56roek@gmail.com
Liv Løvvikliv.lovvik@austrheim.kommune.no
Odd Harald Dommersnesodd.harald.dommersnes@austrheim.kommune.no
Bjørnar Fjellhaugbjornar.fjellhaug@austrheim.kommune.no
Kristin Nesbøkristin.nesbo@austrheim.kommune.no
Thomas Lindåsthomas.lindas@austrheim.kommune.no
Bjarne Ve Sæbøbjarne.ve.sebo@austrheim.kommune.no
Monika Kvammemonika.kvamme@austrheim.kommune.no

Kontaktinformasjon om tenesta

Austrheim kommune
Sætremarka 2
5943 Austrheim
Telefon: 56162000
ACOS Innsyn levert av ACOS AS