Čoahkkin Kommunestyret 12.11.2020

Behandling

Handsaming i kommunestyret:
Rådmannen sitt framlegg vert samrøystes vedteke

Vedtak

Møteprotokoll frå dei to siste møta vart godkjent, med ei retting: På frammøtelista for møtet 30. juni skal Britt Skålevik Lerøy erstattast av Anette Kaland.

Behandling

Reidar Øksnes etterlyste protokollen frå 18. juni. Møtesekretæren skal følgja opp.

Handsaming i kommunestyret:
Rådmannen sitt framlegg vert samrøystes vedteke, med ei retting: På frammøtelista for møtet 30. juni skal Britt Skålevik Lerøy erstattast av Anette Kaland.

Behandling

Handsaming i kommunestyret:
Rådmannen sitt framlegg vert samrøystes vedteke

Behandling

Tone Hartvedt og Vidar Totland frå Invest in Bergen orienterte om arbeidet som vert gjort av Invest i Bergen (presentasjonen ligg ved møteboka), med å lokka nye bedrifter til å etablera seg i Bergensområdet. Seinare i møtet skal kommunestyret ta stilling til om ein skal vidareføra medlemskapet i Invest in Bergen. Spørsmålet er å gå inn med 4 kroner per innbyggar, eit tilskot som vert matcha av Vestland fylkeskommune. Så langt av lokale kommunar er desse med vidare: Modalen, Masfjorden, Osterøy og Bergen.

Invest in Bergen jobbar mellom anna med etablering av datasenter, ikkje mining av kryptovaltuta, men datalagring. Eit anna prosjekt dei jobbar med er hydrogenproduksjon, blå eller grøn, der Mongstad er høgaktuelt.

Spørsmålsrunde:
På spørsmål frå Inger Lise Brekke (H) svara Vidar Totland at det er ein føremon om kommunen står for ein reguleringsplan for industriområdet i Øksnesmarka, det vil vera ein styrke om arealet er ferdig regulert for å trekka til seg ulike aktørar, til dømes frå akvakultur.

Reidar Ulvøy (Ap) spurte om ein ikkje kan henta straum til Kollsnes med sjøkabel rett frå til dømes Modalen, når det uansett skal leggast sjøkabel til plattformane. Vidar Totland frå Invest in Bergen stadfesta at dette er ei mogleg løysing. Om dette sa ordførar Per Lerøy (Ap) at ein bør ha energi tilgjengeleg, så mykje energi det vert produsert i regionen.

Hardy Pedersen (Ap) spurte om det ikkje er mogleg å oppgradera vasskraft for å få meir kraft disponibelt. Vidar Totland sa at det er tilstrekkeleg produksjon av kraft, men det er betre nett austover enn ut mot kysten.

Reidar Øksnes (Sp) spurte om det er laga kalkylar for kor mykje det kostar før ein kan setja spaden i jorda, anten det er Øksnesmarka eller andre stader. Vidar Totland svar at ein reknar nøye på dette for datasenter, men på meir overordna nivå for andre areal. Tone Hartvedt la til at det blir opplyst om reguleringsstatus der dette er aktuelt.

Tone Hartvedt sa at mange aktørar ønskjer å komma til eit område som er mest mogleg ferdig, til areal som både er regulert og har framført infrastruktur. Å venta i to år på ei regulering er ofte uaktuelt.

Aslak Bakke (H) spurte om korleis ein reklamerer for næringsareal. Tone Hartvedt svara at dei jobbar saman med Invest in Norway og andre, samlar store areal og framsnakkar dette, og til vanleg deltek på messer og utstillingar (men ikkje akkurat i år). Vidar Totland sa at dei marknadsfører kommunale og private tomter på like fot, og la til at det generelt er lettare å marknadsføra det som er ferdig regulert.

Rikke Heldal Hope (H) sa at det kan vera kritisk for kommunen å ta kostnaden med regulering, når ein ikkje veit meir om kven som kan vera aktuelle. Vidar Totland sa at det er lettare om det er klart, kan prøva å få aktørar som har lengre horisont, men ofte kjem bedriftene "fem på tolv" og skal ha areal.

Helge Dyrkolbotn (KrF) spurte om pågang på næringsarealet kommunen snart har klart på Mongstad. Vidar Totland svara at dette var veldig aktuelt før det vart klart at det er lite straum tilgjengeleg på Mongstad. Totland sa vidare at ein må tenka totalitet på utnyttinga av arealet.

Reidar Øksnes (Sp) spurte om Invest in Bergen var med på å sjå på det næringslivet som alt eksisterer i regionen. Tone Hartvedt svara at ein ikkje ser på eksisterande bedrifter for å tilby hjelp, men har sett på kvar lokale bedrifter kan finna nye areal. Men elles har Innovasjon Norge eigne program for bedrifter som ønskjer å veksa. Til dette sa Hardy Pedersen (Ap) at lokale bedrifter er involverte i ulike prosjekt, som til dømes i Greenspot Mongstad.

Per Lerøy (Ap) oppsummerte at det må spelast inn for nye aktørar at det er sterk lokal kompetanse i regionen. Vil vera eit steg nærare med reguleringsplanen på plass, og når dette er gjort er det berre eit par veker før ein kan starta arbeid på tomta (N41 / N42 Kaland).

Reidar Øksnes (Sp) sa at det er viktig å infomera om arbeidet lokalt, der det kan vera skepsis til den høgare aktiviteten, til dette svara Per Lerøy (Ap) at det skal vera sikra gjennom arbeidet med ein reguleringsplan.

---

Kommunalsjef Odd Harald Dommersnes orienterte om rekneskapstala per 30. september (oversikta ligg ved møteboka). Dommersnes sa vidare at resultatet per oktober ser betre ut enn per september.

Kostnader til Korona er så langt 5,5 millionar kroner, her vert ekstrakostnader dekka av Fylkesmannen, men ikkje lønskostnader til dei som allereie ligg inne i budsjettet.

Britt Skaalevik Lerøy (Ap) spurte om det er arbeid som er utsett på grunn av Korona, her svara Dommersnes at ein i alle fall ligg etter på alarmanlegg på Nordliheimen, og for investeringar i vatn. Dette vert skubba ut i tid.

Om same emne sa Liv Løvvik at det er skubba på vedlikehald, det er utsett avspasering og fri for lege og anna helsepersonell, og det vil komma kostnader når ein seinare skal ta inn vikar når dei som har til gode fri skal ta ut dette.

Helge Dyrkolbotn (KrF), Aslak Bakke (H) og Monika Thorpe (Ap) sa at det er bra at økonomistyringa er under kontroll, men at det er viktig at ein har kontakt ut og ser der det har vore spara mykje, for dette kan gje høgt sjukefråvær eller anna.

Inger Lise Brekke (H) sa at det er bra at ein har fått rydda, no gjeld det å vera framtidsretta.

---

Rådgjevar Bjarne Sæbø orienterte om prosjektet "Bruk av areal på kommunehuset". Presentasjonen ligg ved møteboka.

---

Handsaming i kommunestyret:
Samrøystes for å ta orienteringane til vitande.

Vedtak

Planstrategi for Austrheim kommune 2020-2024 vert godkjent. Grungjevinga er gjeve i saksutgreiinga. Vedtaket er heimla i plan- og bygningslova sin § 10-1.

Styringsgruppa for planstrategiarbeidet er formannskapet.

Behandling

Avdelingsleiar Asbjørn Toft orienterte om saka.

Jan Erik Espelid (Bygdelista) sa at det må vera samanheng mellom samfunnsplan og planarbeid som vert starta opp. Han ba om at styringsgruppa for planstrategiarbeidet blir utvida med ein representant frå Bygdelista.

Avdelingsleiar Asbjørn Toft sa at dette med styringsgruppa for planstrategiarbeidet er omtala tidlegare, og i saka er det lagt inn det som er vedteke i formannskapet.

Reidar Øksnes (Sp) sa at det er naturleg at dette kjem som ei eiga sak til kommunestyret, sidan det er kommunestyret som har bedt om dette.

Inger Lise Brekke (H) sa at det ikkje er naturleg å votera om ei utviding av styringsgruppa inn i denne saka, men er gjerne med på å sjå på utvalsmodellen.

Per Lerøy (Ap) sa at det er to ulike saker, om medlemmer i styringsgruppa og utvalsmodellen.

Reidar Øksnes (Sp) sa at han held på at at det må komma ei eiga sak om korvidt styringsgruppa for planstrategien skal vera lik arealplanutvalet.

Jan Erik Espelid sa at han trekker framlegget om ein då kjem tilbake med ei eiga sak. Dette er framlegget som vart trekt:

1. I samsvar med kommuneplanen sin samfunnsdel der det heiter at Austrheim kommune ska «utarbeida kommunal temaplan mot attgroing, med mål, strategiar og tiltak» vert dette planarbeidet starta snarast råd, anten som eigen temaplan eller som del av revisjon av landbruksplanen.
2. Styringsgruppa vert utvida med ein representant frå Bygdelista.

Per Lerøy (Ap) sa at ein då ber rådmannen greia ut til neste kommunestyremøte om styringsgruppa for planstrategien skal vera lik arealplanutvalet.

Handsaming i kommunestyret:
Samrøystes for rådmannens framlegg til vedtak.

Behandling

Rådmann Liv Løvvik orienterte om saka.

Rådmannen sa at det ikkje er slik at det ikkje har eksistert ein god standard på dette frå før av, men det er oppdatert no opp mot nye lovparagrafar, og teke med nye punkt om varsling med meir.

Reidar Øksnes (Sp) sa at han synest det var bra at det var stykka opp til plakatar, som er synlege og forståelege, og kan slåast opp på arbeidsplassen. Elles ba han om at det vart tatt ein språkvask på dokumentet, dette svara rådmannen at skulle gjerast.

Handsaming i kommunestyret: Samrøystes for rådmannens framlegg til vedtak.

Vedtak

Kommunestyret gjev si tilslutning til den nye samarbeidsavtalen og at den trer i kraft 1.januar 2021. Vidare bekreftes det at kommunens representant(ar) med tilhørendevararepresentant(ar) til årsmøtet skal være kommunens representant(ar) ogvararepresentant(ar) i representantskapet til Bergen og Omland Friluftsråd KommunaltOppgavefellesskap (BOF)”.

Grunngjeving er gjeve i saksutgreiinga.

Saka vert sendt til kommunestyret i Austrheim.

Behandling

Kommunalsjef Thomas Lindås orienterte om saka, som er ei oppdatering med samanslåtte kommunar og mindre endringar elles.

Ordførar Per Lerøy (Ap) sa at BOF også skal koordinera innsamling av marint avfall framover.

Reidar Øksnes (Sp) spurte om BOF skal handheva noko i samband med marint avfall. Ordførar Lerøy sa at det er sett av midlar til innsamling av plast i skjergarden, utført av profesjonelle aktørar. Dette er eit prosjekt som går frå 2021 til 2023, der BOF skal koordinera arbeidet i sine medlemskommunarar, på vegner av miljøavdelinga hjå Fylkesmannen i Vestland.

Øksnes (Sp) ba om at ein sikra seg avtalar med private grunneigarar der det skal ryddast i strandsona, og viste til at det ein del strandsone som er beiteareal. Ordførar Lerøy svara at dette er noko Fylkesmannen har fokus på, mellom anna for å sikra areal der fuglar hekkar.

Øksnes (SP) sa vidare at det er bra at dette vert sett i system, men at ein må sjå nøye på mellom anna lagring av innsamla plast.

Handsaming i kommunestyret: Samrøystes for rådmannens framlegg til vedtak.

Behandling

Avdelingsleiar Asbjørn Toft orienterte om saka. For punkt 3 i vedtaket sa Toft at ein innstiller på ordførar Per Lerøy (Ap) som representant frå Austrheim kommune, med varaordførar Inger Lise Brekke (H) som vararepresentant.

Handsaming i kommunestyret: Samrøystes for rådmannens framlegg til vedtak.

Behandling

Ordførar Per Lerøy (Ap) orienterte om saka.

Jan Erik Espelid (Bygdelista) spurte kvar midlane skal hentast frå, og sa at det bør vera sett opp kva konto dette skal førast på. Rådmann Løvvik sa at dette skulle vore med, men det er uansett ikkje store kostnaden, kring 12.000 kroner.

Reidar Øksnes (Sp) ba om at ein vurderer namnet Invest in Bergen, her svara ordførar Lerøy at namnet Bergen er det som er kjent ute, og er lettare å selja enn andre namn. Rådmann Løvvik sa at ein kan diskutera namnet, men at det er veldig bra arbeid som blir gjort.

Handsaming i kommunestyret: Samrøystes for rådmannens framlegg til vedtak.

Vedtak

Austrheim kommunestyre vedtek økonomireglement for Austrheim kommune.

Behandling

Kommunalsjef økonomi og personal, Odd Harald Dommersnes, orienterte om saka. Det er behov for å vedta eit oppdatert økonomireglement no.

Viste mellom anna til at kommunen framover må bygga seg opp eit disposisjonsfond, for å vera budd på svingingar i inntektene.

Det nye reglementet legg opp til å starta mykje tidlegare med arbeidet med økonomiplan og budsjett, alt frå februar månad. Ei anna endring er at det vert rapport også etter 3. tertial, og at ein ikkje ventar til årsrekneskapen er klar etter nyttår.

Britt Skaalevik Lerøy (Ap) spurte om når det skal rapporterast internt månad for månad, og om dette er fastsett. Kommunalsjef Dommersnes svara at dette er fastsett til andre tysdag i månaden.

Handsaming i kommunestyret:
Samrøystes for rådmannens framlegg til vedtak.

Behandling

Leiar i valnemnda Ann Kristin Leirvåg (Ap) orienterte om saka.
- Morten Sognnes kan ikkje vera medlem her, sidan han er medlem i formannskapet.
- Endringa er at Aslak Bakke går opp frå vara og inn som fast medlem i felles sakkunnig klagenemnd for eigedomsskatt 2019-2023, medan Jan Hopland er ny som vara for Bakke.

Handsaming i kommunestyret: Samrøystes for rådmannens framlegg til vedtak.

Behandling

Sakshandsamar Ketil Tjore orienterte om saka.
Dette er ei endring etter at Marita Bru kom inn på fast plass i kommunestyret, med dette vedtaket erstattar ho Atle Utkilen i formannskapet.

Handsaming i kommunestyret:
Samrøystes for rådmannens framlegg til vedtak.

Vedtak

Kommunestyret vedtek som forskrift dei tiltaka som Kommunal kriseleiing (KKL) har innført i dagens smittesituasjon. Tiltaka er tilnærma lik dei som er innførte i Bergen og dei næraste omegnskommunane, det største unntaket er at det er opna for 50 gjester i både gravferder og gudstenester.

Forskrifta vert sendt til Fylkesmannen for orientering.

Behandling

Varaordførar Inger Lise Brekke (H) spurte om det var naudsynt med tiltaket om maksimalt fem personar i private heimar.

Rådmann Liv Løvvik viste til at det var gitt eit frå senralt hald råd om å ha mest mogleg like retningslinjer, og Austrheim har lagt seg opp mot det som gjeld i Bergen. Løvvik sa vidare at smittespreiinga ofte skjer i heimesituasjonar, der det ikkje blir brukt munnbind.

Ordførar Per Lerøy (Ap) sa at det var tilrådd å ha det likt med resten av regionen, og sa vidare at sjølv med desse tiltaka auka smiten, der både Viken og Vestland gjekk i raudt denne dagen.

Reidar Ulvøy (Ap) sa at det er kjipt med strenge tiltak, men det er fornuftig å vera konservative. Det er tidsavgrensa kor lenge dette varer, og vidare er det viktig å ikkje ha for mange ulike reglar i regionen.

Ordførar Per Lerøy (Ap) sa at det er ein ny smitte i kommunen i dag, og ganske mange som er i karantene. Austrheim står no med 12 personar med Korona-smitte, men er nok over 20 sidan mange har vore registrerte i andre kommunar, men har vore isloerte i bustader i Austrheim kommune.

Det vart røysta over framlegget. Det vart vedteke mot ei røyst (Inger Lise Brekke, Høgre).

Forskrifta vert sendt til Fylkesmannen for orientering.