Utval: | Kommunestyret |
---|---|
Dato: | 08.04.2020 15:00 - 16:30 |
Møtestad: | Teams - elektronisk møte |
Status: | Møtet er ferdig protokollert |
Sakskart: | , |
Møteprotokoll: |
Innkalling og sakliste vart godkjent.
Møteprotokoll frå forrige møte vart godkjent.
Rådmannen sitt framlegg vart samrøystes vedteke.
Meldingane vart tekne til orientering.
Rådmannen sitt framlegg vart samrøystes vedteke.
Kommunalsjef Thomas Lindås orienterte om forskrifta som er vedteken om mellombels tilgang til fjernmøte. Er høve til å gjennomføra møte slik ein gjer no i dette møtet. Opptak frå dette møtet vert gjort tilgjengeleg etter møtet.
Lindås viste vidare til det mynde som ordførar og formannskap har til å styra mellombels etter beredskapsplanen, som ligg etter vedtak i kommunestyret frå 2017.
Bakgrunnen for at det kommunestyremøtet 2/4 vart avlyst, var at det var ei krevjande tid med Korona-arbeid i kommunen. Den daglege drifta er elles etter vanlege fullmakter innanfor vanleg delegasjon, ein har ikkje gjort noko ekstraordinært i denne situasjonen.
Ordførar Per Lerøy (Ap) viste til at det ikkje vert drive etter unntakstilstand, men vanleg drift.
---
Atle Utkilen (Bygdelista) har sendt eit innspel om val av styringsgruppe (sendt inn 8. april), som er med i protokollen frå kommunestyremøtet 13. februar. Dette innspelet ser Thomas Lindås og Ketil Tjore frå administrasjonen på til neste møte.
---
Rådmann Liv Løvvik orienterte om det som smittevernlegen har bestemt for idrettsaktivitet, herunder strenge reglar for ballspel.
Inger Lise Brekke (H) seier at ein bør følgja nasjonale retningslinjer for dette. Brekke spurte om idrettsanlegg som ballbinge og idrettsbana er å rekna som stengde. Rådmann Løvvik svara at som del av skuleanlegga så ser ein bana som stengt per no.
Brekke (H) følgde opp med å seia at det bør ikkje vera forbod mot å bruka fotballbana i seg sjølv, og at ho ikkje støtta ei stenging av idrettsanlegga.
Reidar Ulvøy oppmoda til å halda det stramt framover, og la fotballen ligga til over påske.
Rådmann Løvvik viste til at ballspel er særleg utsett sidan ein er smitteutsett straks ein får ballen spelt på seg. Løvvik viste til NFF sine utgitte «Fotballens Koronavettregler» med strenge krav til korleis ein skal kunna driva aktivitet. Løvvik sa at det er smittevernlegen som bestemmer for inntil sju dagar, og så er det kommunestyret evt. som må stadfesta dette. Det er vurdert at smitterisikoen er større i påskehelga.
Helge Dyrkolbotn (KrF) sa at han støttar dette til over påske, og så må ein legga seg på dei nasjonale retningslinjene etter påske.
Hardy Pedersen (Ap) viste til det som er sagt frå idrettslaget om at ein kan vera på anlegget i grupper på fem eller færre, men ballspel skal ein unngå.
Bjørn Inge H. Dyrkolbotn (KrF) sa at for skulane er det viktig at elevane kan bruka anlegget til å utføra dei øvingane som er sette opp som oppgåver.
Rådmann Liv Løvvik konkluderte diskusjonen med at idrettsanlegga er opne, men at ein skal unngå ballspel på grunn av smittefare. Halda dei vanlege smittevernreglane. Nye retningslinjer vert delte på kommunen si heimeside og med oppslag på idrettsbana.
Reidar Øksnes (Sp) spør kva er gjort med tilgjengelege toalett i Årvika og i Øksneset, rådmannen svarer at dette ikkje har vore drøfta detaljert så langt. Helge Dyrkolbotn viste link til Bergen og Omland Friluftsråd sin plakat om Korona-tiltak, og Reidar Øksnes ordnar dette oppslaget i Øksneset og Lise Renate Helle i Årvikane.
---
Hardy Pedersen spurte om planar, beredskapsplan og smittevernplanen. Møtesekretæren svara at smittevernplanen vert lagt ut no som den er vedteken i dette møtet.
---
For møter vidare vert det fastsett at det skal vera kommunestyremøte torsdag 30. april, slik at ein har erfaring frå både opning av barnehagar og skular. Møtesekretæren sender innkalling til Teams- møte klokka 18.00.
---
Rådmann Liv Løvvik orienterte om planar for opning av barnehage og skular, jamfør det som er gitt frå Staten. Det skal komma statlege retningslinjer over påske, som ein må retta seg etter. Kommunen må vurdera reinhald, areal, avstand, smittevern, bemanning. Jobbar for å oppnå mest mogleg normalsituasjon, slik at folk kan gå på arbeid og samfunnet byrjar å komma i gang igjen.
Reidar Øksnes (Sp) spurte om det er tenkt å dela skuledagane mellom elevane.
Kommunalsjef Bjørnar Fjellhaug svara at ein må venta på kva krava er, men om det skal vera maksimalt fem per gruppe kan ein ikkje ta inn alle elevane. Ser på dei moglegheitene som ligg, heile vegen frå skuleskyss til klasseromma. Her la rådmannen til at det ikkje berre er utfordringar med areal, men også med lærarressurs.
---
Ordførar Per Lerøy (Ap) viste til at skatteinngangen hadde vore bra i starten av året, men med mange permitteringar pga. Korona og stopp pga. oljeprisen er det vanskelege tider no. Rådmannen viste i denne samanheng til at det har gått over 2 millionar ekstra til kostnader med Korona i ekstra arbeidsverk.
Ordførar Per Lerøy sa at det også bør settast i gang prosjekt som kan fungera som motkonjuktur-tiltak, for å få i gang sysselsettinga. Rådmannen sa at ein skal prøva å få i gang investeringsprosjekt så raskt som ein kan, og bruka lokale der ein kan innanfor spelereglane.
---
Inger Lise Brekke (H) sa at det er fare for at ein del vil gå frå å vera permitterte til å verta utan arbeid. Viktig at skule og barnehage no kjem i gang slik at folk kan komma seg tilbake på jobb, og dermed at bedriftene kan få hjula i gang igjen. Om dette sa ordførar Per Lerøy at det etter krisa i 2014 gjekk nesten fire år før ein kom i gang igjen.
---
Hardy Pedersen (Ap) spurte om Helse/Omsorg har fått inn nok smittevernmasker. Kommunalsjef helse og omsorg Monika Kvamme svara at ein har ein del per no, og ikkje har brukt så mange enno. Om det ikkje skulle verta bruk for desse som er samla inn, så vil ein levera dei tilbake til dei private som kom med masker då denne situasjonen oppstod.
---
Ordføraren avslutta orienteringane med å oppfordra til at alle tek ansvar for smittevernreglane, og formidlar vidare til dei som ikkje etterlever det som er innført.
Handsaming i kommunestyret
Orienteringane vert teke til vitande.
Rådmann Liv Løvvik orienterte om saka.
Ordførar Per Lerøy (Ap) supplerte med at dette var eit vedtaksframlegg som kom frå Alver kommune, men der formannskapet i Alver gjorde eit litt avvikande vedtak i etterkant av Austrheim sitt formannskapsmøte.
Reidar Ulvøy (Ap) sa at han støtta at ein heldt ei stram linje, og viste til at dette er i tråd med dei nasjonale retningslinjene.
Hardy Pedersen (AP) spurte om campingplassen i Njøten, Per Lerøy svara at det var distribuert skilt om stenging.
Handsaming i kommunestyret:
Samrøystes for rådmannens framlegg til vedtak
Handsaming i kommunestyret:
Samrøystes for rådmannens framlegg til vedtak.
Politikar | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Reidar Ulvøy | Arbeiderpartiet | Medlem | reidar@subseaintv.no |
Britt Mary Skaalevik Lerøy | Arbeiderpartiet | Medlem | britt.leroy@hotmail.no |
Hardy Pedersen | Arbeiderpartiet | Medlem | hardpe@online.no |
Ann Kristin Leirvåg | Arbeiderpartiet | Medlem | Kristin1964@gmail.com |
Monika Thorpe | Arbeiderpartiet | Medlem | monikath@online.no |
Atle Dag Utkilen | Bygdelista i Austrheim | Medlem | atle@adu.no |
Aslak André Bakke | Høgre | Medlem | aba@mrbakke.no |
Rikke Heldal Hope | Høgre | Medlem | rikke.heldal.hope@hotmail.com |
Morten Sognnes | Høgre | Medlem | morten.sognnes@austrheim.kommune.no |
Anne Dahle Austrheim | Kristeleg Folkeparti | Medlem | annedahleaustrheim@gmail.com |
Randi Keilegavlen Dyrøy | Kristeleg Folkeparti | Medlem | randidy1@start.no |
Helge Dyrkolbotn | Kristeleg Folkeparti | Medlem | Helge.Dyrkolbotn@vlfk.no |
Lise Renate Helle | Senterpartiet | Medlem | Liserenatehelle@gmail.com |
Bjørn Inge Håland Dyrkolbotn | Senterpartiet | Medlem | Bjorn.Inge.Dyrkolbotn@austrheim.kommune.no |
Reidar Øksnes | Senterpartiet | Medlem | 56roek@gmail.com |
Monika Kvamme | monika.kvamme@austrheim.kommune.no | ||
Bjørnar Fjellhaug | bjornar.fjellhaug@austrheim.kommune.no | ||
Odd Harald Dommersnes | odd.harald.dommersnes@austrheim.kommune.no | ||
Thomas Lindås | thomas.lindas@austrheim.kommune.no | ||
Olav Birger Andersen | OlavBirger.Andersen@austrheim.kommune.no | ||
Liv Løvvik | liv.lovvik@austrheim.kommune.no |