Møte i Formannskapet den 23.04.2020

Vedtak

Innkalling og sakliste vart godkjent

Behandling

Handsaming i formannskapet:
Rådmannen sitt framlegg vart samrøystes vedteke

Vedtak

Møteprotokoll frå forrige møte vart godkjent

Behandling

Handsaming i formannskapet:
Rådmannen sitt framlegg vart samrøystes vedteke

Vedtak

Meldingane vart tekne til orientering

Behandling

Handsaming i formannskapet:
Rådmannen sitt framlegg vart samrøystes vedteke

Vedtak

Delegerte saker vart tekne til orientering

Behandling

Avdelingsleiar for plan-, bygg-, oppmåling- og miljø Asbjørn Toft gjekk gjennom dei delegerte sakene.

Handsaming i formannskapet:
Rådmannen sitt framlegg vart samrøystes vedteke

Behandling

Helge Dyrkolbotn (KrF) spurte om status for saka om masseuttak Leirvåg, gjort av Odd Haugen.
Avdelingsleiar Asbjørn Toft svara at det er tale om kring halvanna dekar på kommunal eigedom, i hovudsak inn i det som ligg som friluftsområdemot Ekornsåta. Det er tatt dronefoto og målt opp mot kart. Det ser ut for at det er tatt ut 10-15.000 kubikk med stein ut av kommunen sitt område. Her er det to sider for kommunen, både som grunneigar, og som ei forvaltningssak sidan dette har skjedd inn i friluftsområdet.

Ordførar Per Lerøy (Ap) spurte kva som skjer vidare i saka.
Kommunalsjef Thomas Lindås svara om det juridiske. Det er eit privatrettsleg tilhøve mellom kommunen som grunneigar og Haugen som entreprenør. Forvaltningsmessig og offentlegrettsleg hentar ein no inn informasjon, og om dette går vidare til pålegg om retting kan det bli tvangsmulkt/dagbøter.

Bjørn Inge Dyrkolbotn (Sp) ba om at det også vart orientert om saka i kommunestyret seinare same dag.

Om dette svara Per Lerøy at dagens møte (23. april) i kommunestyret er eit Korona-møte, så dette må eventuelt komma i neste møte. Det er uansett ikkje ei politisk sak enno.

Helge Dyrkolbotn (KrF) ba då om at kommunestyret vert orientert seinare. Her er det både det privatrettslege spørsmål med verdiar, og om forvalting av området.

Per Lerøy (Ap) sa at ein ikkje kan ikkje spekulera i resultatet før det er klart juridisk. Ein forventar at når administrasjonen har fått klarlagt saka, så må dei komma til politikarane med råd om løysing. Det er viktig at kommunen er nøyaktig i dette.

Kommunalsjef Thomas Lindås sa at kommunen pliktar å følgja opp dei ulovlegheiter ein avdekkar.

Om ein ser på andre saker av denne typen så er det typisk krav om retting og tilbakeføring, mulkt eller reaksjon.

Helge Dyrkolbotn (KrF) sa at han har tillit til at rådmannen og dei andre i administrasjonen gjer det slik ein skal, men meiner det er OK å gje ei politisk signal.

Morten Sognnes (H) ba om at ein finn ei konstruktiv løysing, ein skal sjølvsagt ikkje gjera noko ulovleg, men må finna ei god løysing på denne saka. Bør vera konstruktiv på løysingar, kan ein få deler av tomta i bytte for steinen? Må setta ein tidsplan for når noko skal gjennomførast.

Kommunalsjef Thomas Lindås svara at som i andre saker der noko kan vera ulovleg, kan ein søka om dispensasjon eller reguleringsendring. Vanlegvis er pålegg om retting og dagbøter delegert, skal dette opp politisk?

Per Lerøy (Ap) sa at dersom det kan gjerast delegert som elles så gjer ein det, men må gjerne halda politikarane orientert om kva som skjer. Har tillit til at administrasjonen handterer dette i tråd med lovar og reglar.

Rådmann Liv Løvvik sa at kommunen i første omgang er oppteken av ei sikring av arealet. Skal gjerne orientera politikarane, når ein kjem så langt. Skal komma til ei best mogleg løysing på dette.

Per Lerøy (Ap) spurte om arbeidet som same entreprenør har i Dyrneskrysset, kva er sett som tidsfrist for omgjering til landbruksareal/slåtteeng? Til dette svara avdelingsleiar Asbjørn Toft at fristen som er gitt for ferdigstilling er 2023 eller 2025.

Denne saka skal det orienterast om i kommunestyret 30. april.

Handsaming i formannskapet:
Rådmannen sitt framlegg vert samrøystes vedteke

Behandling

Avdelingsleiar for plan-, bygg-, oppmåling- og miljø Asbjørn Toft gjekk gjennom saka.
- Slik det ligg an no er det 167.000 kroner i kostnad for kommunen etter at ein reknar inn tilskot frå Vestland fylke, Sparebankstiftinga Sogn og Fjordane, MVA-kompensasjon og spelemidlar. Kommunen har gjort klar for samarbeid med Fonnes bygdelag om tilsyn, så langt er det toalett i Årvika, og treng også noko ved kaien på Vardetangen.

Må ha dispensasjon for bygging i strandsone og LNF, om alt dette kjem på plass så kan hytta komma på plass i løpet av 2020.

Ordførar Per Lerøy (Ap) sa at han har vore i kontakt med Skyss om venterom/ toalettfasilitetar på hurtigbåtkaien ved Vardetangen. Skyss er positive, men dette er ikkje deira bord, og Lerøy vart vist vidare til Vestland Fylkeskommune for å ta saka vidare. Ser for seg noko liknande det ein har på Sævrøy ferjekai, eit funksjonelt bygg med venterom og toalettfasilitetar, som vil vera bra både for dei reisande og for turgåarar. Ein kan rusta opp parkeringsplassen på Vardetangen med enkle grep, og kan der auka kapasiteten dobbelt opp ganske raskt, det vil gje i alt fire plassar å parkera rundt denne dagsturhytta.

Helge Dyrkolbotn (KrF) sa at administrasjonen har gjort det politikarane har bedt om i denne saka, og følgd opp tidlegare vedtak. I utgangspunktet kunne Dyrkolbotn tenkt seg ei anna plassering, som Seteneset. Men slik situasjonen er økonomisk i kommunen er Vardetangen det beste. Der er det ferdig planert, og kan få hytta opp og stå ganske raskt. Så må administrasjonen ta signalet frå formannskapet om at ein kan få til ei dagsturhytte også ein meir sentral plass i kommunen etter kvart, som tillegg til Vardetangen. Elles må ein sjå til at hytta vert halden ved like ved stort besøk.

Varaordførar Inger Lise Brekke (H) sa at det er viktig å gjera det turområdet ein har på Vardetangen ferdig og komplett, gjerne med å kombinera med toalett. Kan gjerne få fleire dagsturhytter, med erfaringa etter kvart på korleis dette fungerer.

Per Lerøy (Ap) sa at ei dagsturhytte på Vardetangen kjem tett på skular/barnehage, og har god parkering. Den vil også vera eit godt tilbod for turar eller fisketurar for dei som bur på Mongstad i anleggsleiren, og gjera det kjekkare for dei som bur og jobbar der. Har tru på at Fonnes bygdelag vil halda denne hytta godt i hevd.

Morten Sognnes (H) sa at Vardetangen er merkevara for Austrheim, og med universelt utforma veg, toalett/parkeringsplassar er dette absolutt rette plassen å plassera ei slik hytte.

Inger Lise Brekke (H) spurte om finansiering, får kommunen dekka dette?

Asbjørn Toft svara at ein kan venta tippemidlar i 2022. Totalutgift for kommunen er slik fylket ser det 167.000 kroner eller mindre, men må mellomfinansiera tippemidlar/MVA. Kommunen får ikkje tilskot til meir enn ei hytte, Alver søkte før dei vart ein kommune og får tre hytter.

Per Lerøy (Ap) viste til at estimatet for hytta er 1 million kroner, men det inkluderer ein del som alt er gjort, som grunnarbeid, og i tillegg kan ein bruka lastebil og ikkje helikopter for å få hytta på plass.
Har mykje på plass av kostnader som ein har teke allereie.

Helge Dyrkolbotn (KrF) fekk ordet og klargjorde at han ikkje legg opp til noko diskusjon om plassering. Kjempeflott med Vardetangen.

Rådmann Liv Løvvik sa at dette vert ei spektakulær plassering, samstundes som der er universell tilkomst. Her kan ein også få til noko med venterom/toalett på Vardetangen. Med ein pakke til ein million kroner, der ein betaler 167.000 kroner, så må ein berre slå til. Fylkesmannen er også positive. Kommunen må dra ned budsjettet rundt ein halv million for mellomfinansiering.
Håpet om ei hytte til skal ein halda varmt, men her er det ikkje alle som står klar med midlar.
Bygdelag kan også søka, gjerne direkte til Gjensidige eller andre.

Handsaming i formannskapet:
Rådmannen sitt framlegg vart samrøystes vedteke