Møte i Kommunestyret den 23.04.2020

Vedtak

Innkalling og sakliste vart godkjent

Behandling

Handsaming i kommunestyret:
Rådmannen sitt framlegg vart samrøystes vedteke

Vedtak

Møteprotokoll frå forrige møte vart godkjent

Behandling

Handsaming i kommunestyret:
Rådmannen sitt framlegg vart samrøystes vedteke

Vedtak

Meldingane vart tekne til orientering

Behandling

Ordførar Per Lerøy orienterte om status for markering av frigjerings- og veterandagen 8. mai.

Austrheim kommune har delteke i markeringa i Selsøyna sidan 1992, der ein jamt over har hatt 200 frammøtte. I 2020 er den opne markeringa avlyst, men det vert likevel ei mindre markering i Selsøyna, med kransnedlegging som vert filma og lagt på nettet. Markeringa skjer i samarbeid med Neptun-klubben.

17. mai skal også markerast, der kjem det meir informasjon i det ordinære kommunestyret neste veke 30. april.

Handsaming i kommunestyret:
Rådmannen sitt framlegg vart samrøystes vedteke

Vedtak

Orienteringane vart teke til vitande.

Behandling

Rådmann Liv Løvvik orienterte om status for Korona. Austrheim er framleis i ein venteposisjon, men ser frå andre kommunar at det kan utvikla seg raskt. På Osterøy gjekk det frå 0 til 30 smitta på tre døgn, etter at smitten kom inn i ei verksemd og spreidde seg raskt. Dette viser at det kan snu veldig raskt.

Austrheim har lagt til rette for Korona-senger på Seniorsenteret, der ein kan ta inn dei som treng oksygenhjelp. Har framleis senger på sjukeheimen i tillegg.

Kommuneoverlege Peter Kubon sa at handvaskkampanjen også slår ned vanlege luftvegsinfeksjonar, veldig lite av dette no.

Så langt "dreg ein pusten" og ser om det kjem smitte. Dette kan ligga og ulma, og vidare så tek det rundt to veker frå ein gjer ei endring i samfunnet til det slår ut i smittetala.

Det er oppmuntrande at smitten er på nedgåande, men er spent på korleis det går inn i mai. Det realistiske er at ein får ein viss smitte fordelt over tid, men det er i tråd med det som er rådet frå den norske staten.

Kommunalsjef helse og omsorg Monika Kvamme sa at Austrheim er veldig heldige som ikkje har hatt smitte inne på sjukeheimen. Ser frå andre stader at det er tungt for dei tilsette og for dei pårørande at ein får dette inn på sjukeheimen.

No er det rigga for fem senger på sjukeheimen, må bruka det siste rommet på avdelinga til personalet som skal jobba på avdelinga. Kan i tillegg ta i bruk 5-6 senger som er plasserte på seniorsenteret, deler av rommet med skjermbrett, enkel standard på desse plassane.

Austrheim heldt på stenging for besøk til sjukeheimen, må evt. sjå på dette med utandørs besøk utan kontakt. Ser frå andre stader at det er små marginar, det skal lite til for at smitten spreier seg.

Parallelt med dette arbeidet må ein planlegga sommarferieavviklinga, som skal gå oppe i dette. Korona tek mykje tid sjølv om det ikkje er smitte her, med rapportering, og det å skaffa materiell. Må sjekka kvaliteten på materiell som vert tilbydd, og opplever at prisane stig veldig mykje. Utstyr som er bestilt har ikkje dukka opp enno, ventar på mykje.

Må også sjå på korleis tiltaka påverkar brukarane våre, anten det er Vestlia eller sjukeheimen. Har opna arbeidssenteret og slepper inn 1-2 brukarar i slengen der, for å gje eit tilbod om aktivitet.

Rådmann Løvvik sa at det er brukt 2.126.300 kroner så langt til materiell og arbeidskraft til Korona, sidan mars.

Ventar med opning av kulturskule til ein har med seg erfaring frå skular og barnehage. Er elles uroa for at folk trur at alt er over no, for det er det ikkje.

Kommunalsjef oppvekst og kultur Bjørnar Fjellhaug sa at oppstart barnehage frå 20. april var krevjande, men med færre barn enn venta har det gått bra. Kortare opningstid hjelper til at ein får dette til å gå rundt. Oppstarten har vore god, og borna har fått ein god tilbakegang til kvardagen.

Førebur no ny oppstart i skulane, først 1. til 4. klasse frå 27. april. Smittevernomsyna ligg til grunn for drifta i skulen, og kan starta dagen til ulike tider og liknande. Legg opp til å bruka mykje tid ute både i barnehagar og skular, og innfører elles ulike tiltak som å ikkje dela instrument/materiell/verktøy, ha gym ute og ikkje i gymsalane, med meir.

Kommunalsjef service og forvalting Thomas Lindås sa at det er ein del ekstra arbeid med reinhald, med skular og barnehagar som skal vaskast meir enn før. Når skulane no opnar igjen så kan ein ikkje opna alle andre kommunale bygg før ein har tilstrekkeleg materiell og personale til å halda reint.

Britt Skaalevik Lerøy (Ap) spurte om kor mange som er testa for Korona, kva som er testkapasiteten, kva som er utfordringar med forsyningar av materiell, og om kommunen har eige vaskeri.

Kommunelege Peter Kubon svara om testing at Austrheim har testa 38 personar, og har kapasitet til å testa fleire. Dette omfattar også nokre som uansett skulle testast for andre ting, der ein har lagt med Covid-19 i tillegg. Når testinga vert på andre kriteria og analysekapasiteten er betre, så skal dette i nær framtid kunna aukast opp. Har ei avgrensing i dag på tilgang til testutstyr, men når sjukehusa no utvidar analysekapasiteten ventar kommunelegen at det er fleire testkit tilgjengelege.

Kubon sa vidare at ein må forventa auka spreiing når samfunnet opnar opp igjen, og det vert viktig å testa for smitte og ha kontroll på dei som er i nærleiken, jamfør Smitteappen som er lansert. Er uansett opning for at ein kan testa utanom kriteria når legen meiner at det skal gjerast.

Om materiell og vasking svara kommunalsjef Monika Kvamme at kommunen vaskar uniformer og bebuartøy på sjukeheimen, elles er det Aufera som tar resten. Smittevernsfrakkar er stort sett eingongsmateriell, og vert ikkje vaska. For materiell elles sjå over.

Reidar Ulvøy (Ap) takka for god informasjon og handteringa som er gjort av denne situasjonen frå administrasjonen, det er profesjonelt gjennomført!

Rådmann Liv Løvvik viste til at korpsa har spurt om øvingslokale. Det har ikkje kommunen tilgjengeleg, seniorsenteret har ein tatt til andre føremål, og skulane har stengt gymsalane og har gym ute. Kan ikkje opna andre bygg enno, har ikkje reinhaldsressurs til dette sidan ein brukar meir på barnehage, skule og sjukeheim der det må vaskast oftare pga. Korona.

Kommunen vurderer å henta inn ein vikarlege, dette skjer i samarbeid med Fedje kommune.

Det har komme ein statleg rettleiar om at ein kan ta fullt betalt for barnehagetilbod også ved redusert plass på grunn av redusert opningstid som i dagens situasjon.

Rådmannen sa vidare at kommunalsjef Monika Kvamme har vidaresendt til Fylkesmannen ei sak på dette med heimehjelp til innbyggjarar frå andre kommunane, Austrheim har ikkje kapasitet til å ta på seg dette no.

Rikke Heldal Hope (H) sa om korpsøving av med tømming av spytt frå instrument er det risiko for smitte, så øving bør skje ute.

Rikke Heldal Hope (H) spurte om det vert teke kostpengar i barnehage no, her svara kommunalsjef Bjørnar Fjellhaug at det ikkje er kostpengar så lenge ein ikkje har matservering.

Handsaming i kommunestyret:
Rådmannen sitt framlegg vart samrøystes vedteke

Behandling

Kommuneoverlege Peter Kubon orienterte om saka. Kubon viste til at det er ei utfordring som står att etter at ein opna camping-/ bubilplassar, og det er sanitæranlegga ved desse. Det er utfordrande å halda reint og føra oppsyn med desse. Kommunen har vore i kontakt med dei som driv desse anlegga, og det har allereie stengt desse på eige initiativ. Kubon har konkludert med at det rett å stenga sanitæranlegga inntil vidare, men det er mogleg å vera her med bubil eller båt utan å ha sanitæranlegg ope.

Reidar Øksnes (Sp) spurte om den kommunale tømmestasjonen er open.

Peter Kubon svara at tømmestasjonen er open, dette er dei private anlegga i Kilstraumen og i Njøten.

Reidar Ulvøy (Ap) sa at han støttar ei stenging.

Ordførar Per Lerøy (Ap) sa at det har komme mange bubilgjester til kommunen sidan måndag 20. april då dette vart opna. Gjester til kommunen er hjarteleg velkomne så lenge dei følgjer smittevernreglane. Lerøy la til at Kilstraumen skal opna igjen forsiktig frå 23/4, etter dei råda om smittevern som smittevernlegen har gitt. Det er då ikkje buffé, men middagsservering.

Varaordførar Inger Lise Brekke (H) sa at det er vist til at det er vanskeleg å oppretthalda smitteverntiltak ved sanitæranlegg, og spurte om kva som må gjerast for at det skal vera ope.

Peter Kubon svara at om ein skal opna så må det vera reingjort mellom kvar enkelt brukar. Det er mogleg, men det krev mannskap. Ser at det lett at hadde blitt dårleg gjennomført om det skulle bli opna for dette.

Hardy Petersen (Ap) viste til at det er tilsvarande i Kvam Herad, Hardangerfjord Feriesenter med meir. Sanitæranlegg ved private og kommunalt er stengt, men den kommunale tømmestasjonen er open.

Inger Lise Brekke (H) sporte kor lang tid stenginga skal vara?

Peter Kubon svara at det bildet som er i dag vil vara i månader framover. Ser ikkje for seg at det skal bli betre på kort sikt, det er ikkje signalet frå Staten eller andre. Når me har eit anna smittepress enn i dag er det ingen som har interesse av å oppretthalda dette lengre enn høgst mogleg, for dette er eit tilbod som ein eigentleg vil ha på plass. Har oppnådd mykje med det som allereie er gjort av smittevernstiltak, no må ein vera føre var og ta vare på det som ein alt har oppnådd.

Den overordna statlege tilrådinga er også at ein skal unngå unødvendige feriereiser. Strekker det allereie opp mot det rådet, ein stor aktivitet av bubilar går ikkje opp mot dette med unødvendige feriereiser, det er litt meir mot normalisering enn det som strengt tatt er ønskeleg.

Desse sanitæranlegga er ein av dei plassane der ein kan ha ukontrollert smitte. Når tømmestasjonen er open er det pga. at alternativet kan vera at tømminga skjer ustrukturert.

Reidar Ulvøy (Ap) sa at forsiktig opning skal me ha, men støttar fullt ut at ein skal vera konservativ i denne situasjonen.

Inger Lise Brekke (H) sa at ho synest at kommunestyret skal setja ein dato på dette, evt. heller ta ei ny vurdering når denne datoen nærmar seg. Kva meiner smittevernlegen er naturleg å setta som dato om ein skal gjera det?

Per Lerøy (Ap) la fram at ein kan setta 14. mai som dato.

Reidar Øksnes (Sp) sa at han ikkje ser kva ein er ute etter med ein sluttdato. Om smittevernloven tilseier det så kan ein heva dette vedtaket. Det vert like feil å seia 14/5 som å seia til jul, ein veit ikkje meir den 14/5 enn me gjer i dag. Å følgja smittevernlova er det tryggaste me gjer.

Peter Kubon sa at med lite utanlandsreiser i år, må ein forventa at bubil/camping og båt vil ta seg opp. Slik staten meiner det, etter slik eg forstår, kjem dei ei smittebølgje nummer to. Ein har vore veldig heldige både her og i Alver så langt, men det er andre område i landet med betydeleg smittepress, og ein kan venta større press mot oss i månadene som kjem. Dei overordna betraktningane er at Korona-situasjonen ikkje er over med det første.

Anne Dahle Austrheim (KrF) sa at ein slutt-dato skapar ei forventing om kommande opning mellom turistar, og legg press på dei som driv dette om at dei på kort tid skal opna opp. Forskrifta er heilt likt det som ligg i Alver kommune. Vil ikkje setja ein frist på 2-3 veker, og heller følgja det som kommunelegen har sagt.

Inger Lise Brekke (H) sa at det er gode argument som kom fram. Om KKL tar dette med seg i dei vidare møta er det inntil vidare som gyldigheit.

Per Lerøy (Ap) sa at KKL vil ta denne forskrifta med seg i møta framover.

Handsaming i kommunestyret:
Rådmannen sitt framlegg vart samrøystes vedteke