Čoahkkin Formannskapet 11.11.2020

Behandling

Handsaming i formannskapet:
Samrøystes for rådmannens framlegg til vedtak

Vedtak

Ingen protokoll med til dette møtet.

Behandling

Innkallinga til dette møtet (11/11) var sendt ut før det siste møtet i formannskapet (5/11).
Det er såleis ingen protokoll med til dette møtet.

Behandling

Avdelingsleiar Asbjørn Toft orienterte om dei delegerte vedtaka.

Handsaming i formannskapet:
Rådmannen sitt framlegg vart samrøystes vedteke

Behandling

Rådmann Liv Løvvik orienterte om Korona-situasjonen. Det er no mange som testar seg, men lite ny smitte. Testing og karantene er viktig for å avgrensa smitten.

Helge Dyrkolbotn (KrF) viste til at smittevernoverlege Peter Kubon gjorde ein viktig innsats med å koordinera og informera under smitteutbrotet som ein hadde på Austrheim vidaregåande, der Dyrkolbotn jobbar.

---

Kommunalsjef økonomi og personal Odd Harald Dommersnes viste til at det var orientert om økonomi i møtet 5/11, og det er ikkje noko nytt å melda. Dommersnes sa vidare at det skal presiserast for leverandørar at når arbeid er utført så må ein få tilsendt faktura, slik at kommunen kan ha løpande oversikt på dette.

På spørsmål frå ordførar Per Lerøy (Ap) svara Dommersnes at ein ikkje kjenner fordelinga av den siste Korona-fordelinga frå Staten. Elles har Fylkesmannen no sagt at det vidare ikkje vil bli kompensert for ordinære lønskostnader som allereie ligg i budsjettet. I prosjektet Covid-19 er det no ført 5,5 millionar, av dette er ekstra kostnader kring 3 millionar, medan kring 2 millionar er lønskostnader.

Om dette siste sa rådmann Liv Løvvik at i den grad det er overtid og avspasering for arbeid med Covid-19, så må dette dekkast av ekstraløyvingane i samband med Korona. Ordførar Lerøy støtta dette, og sa at det har vore ekstra kostnader med å følgja opp smitte og smittesporing i bedrifter der kommunen ikkje har vore involvert elles tidlegare.

---

Rådgjevar Bjarne Sæbø orienterte om arbeidet med bruk av arealet på kommunehuset. Her er formannskapet styringsgruppe, og dei får mandatet til godkjenning i møtet 3. desember.

Handsaming i formannskapet:
Samrøystes for å ta orienteringane til vitande.

Behandling

Kommunalsjef oppvekst og kultur Bjørnar Fjellhaug orienterte om saka.

Helge Dyrkolbotn (KrF) sa at det er viktig å få til ein samla Austrheim-skule, få skulane til å samarbeida og snakka saman. Vidare må ein sjå på overgangar mellom barnehage/skule og vidare til og med at elevane skal inn på vidaregåande.

Inger Lise Brekke (H) spurte kven som ikkje går 5 dagars veke. Fjellhaug svara at 1.-4. klasse gjerne har fri onsdagar, og det er også nokre fridagar for dei i klassane 5.-7. Rettleiarkorpset har peika på at fridagen gjev avbrekk i rutinane midt i veka, og at det kunne vera utfordrande.

Varaordførar Inger Lise Brekke (H) spurte om femdagarsveke gjev kortare dagar, Fjellhaug svara at det vert kortare dagar men det kan dekkast av SFO. Brekke sa om dette at dette kan vera fordyrande for foreldra om dei må bruka SFO meir enn i dag med ein fridag, om det er slik at borna må vera til skulebussen går heim.

Kommunalsjef Bjørnar Fjellhaug svara om skyss at retten til skuleskyss gjeld tidspunktet etter at skuledagen er over. Om SFO sa Fjellhaug at det er lagt opp til at ingen skal betala meir enn 6 prosent av inntekta til SFO.

Varaordførar Inger Lise Brekke (H) sa at dette gjerne kan komma opp igjen i samband med saka om skulestruktur, som skal på høyring. Ordførar Per Lerøy (Ap) sa at det er naturleg å ta det då, kjem sikkert høyringsinnspel frå foreldre om nettopp dette.

Ordførar Lerøy (Ap) ba om at administrasjonen gav årleg rapport om dette emnet, der ein ser resultata frå skulen. Rådmann Liv Løvvik sa at dette arbeidet er viktig for å bli ein god kommune. Utdanning noko som folk er opptekne av.

Handsaming i formannskapet:
Samrøystes for å ta orienteringa til vitande

Behandling

Sakshandsamar Christopher Straumøy orienterte om saka.
Administrasjonen legg opp til å avvisa klagen, og saka vil gå til Fylkesmannen for endeleg avgjerd.

Handsaming i formannskapet:
Samrøystes for rådmannens framlegg til vedtak.

Vedtak

Sak om «Austrheimskulen i framtida – ny skulestruktur 2021» vert lagt ut på høyring i tråd med innstillinga i saka. Høyringsfrist vert sett til 24. desember 2020.

Behandling

Kommunalsjef Bjørnar Fjellhaug orienterte om saka.

Om avtalen med Alver kommune om Åsheim-elevane sa Fjellhaug at Austrheim har sagt at betalinga i 2020/2021 skal vera 35.000 kroner per elev frå Åsheim-krinsen som går på Kaland, og at dette skal vera grunnlaget for ein framtidig pris, med indeksregulering.

Etter orienteringa sa ordførar Per Lerøy (Ap) at det er gjort eit grundig arbeid, og sa at han håpa at det kjem mange gode innspel i høyringsprosessen.

Helge Dyrkolbotn (KrF) spurte korleis ein skal løysa det med lærarkrefter dersom 10. klasse skal vera den einaste på ungdomstrinnet. Her svara Bjørnar Fjellhaug at dette må ein sjå nærare på, men at ein skal sikra 10. klasse ei god avslutning.

Helge Dyrkolbotn (KrF) hadde også spørsmål om kulturskulesenter, og spurte om det er gjort ei vurdering av å få til eit overbygg mellom bygg C og D på Kaland, som kan verta eit samlingslokale. Kommunalsjef Fjellhaug svara at dette er sett på, men ikkje kostnadsrekna. Vidare sa Fjellhaug at ein ser på endringa av kulturskulen som ei styrking.

Varaordførar Inger Lise Brekke (H) spurte om det vert orientert ut til fleire om skulebruksplanen, om dette sa Per Lerøy (Ap) at Fjellhaug vil stilla på gruppemøte for dei politiske partia, og rådmann Liv Løvvik sa at administrasjonen vil stilla alle stader der det er behov.

Brekke (H) spurte om ein er klar på Årås til å ta imot Kaland-elevar frå hausten 2021, om dette sa Per Lerøy (Ap) at det er mogleg dersom ein gjer dei politiske vedtak i januar om skulebruksplanen, og gjer vedtak om dei løyvingar som skal til.

Rådmann Løvvik presiserte at ein ikkje kan henta prisar på ulikt arbeid før det gjort eit politisk vedtak, og Bjørnar Fjellhaug sa at ein også vil ha skuleåret 2020/21 på seg til å verta heilt klar, sidan 10. klasse held fram ved Kaland dette skuleåret. Fjellhaug la til at det at 10. klasse held fram på Kaland ut skuleløpet er etter ønske frå FAU på Kaland.

Etter spørsmål presiserte rådmann Løvvik at det pedagogiske tilbodet i kulturskulen skal vera der det er i dag (i stor grad på Seniorsenteret), uavhengig av om administrasjonen av kulturskulen vert flytta til Kaland skule. Helge Dyrkolbotn (KrF) ba om at det vart presisert i saka at det er administrasjonen for kulturskulen som vert samla på Kaland, og ikkje undervisninga.

Morten Sognnes (H) oppmoda til å arrangera eit folkemøte på Kaland for å få informasjon ut om skulesaka.

Bjørn Inge H. Dyrkolbotn (Sp) ba om at det vart sikra at Åsheim-elevar i Kaland 9. klasse får gå ungdomsskulen ut på Kaland. Bjørnar Fjellhaug svara at han er samd i det, men dette er det Alver kommune som styrer. Rådmann Liv Løvvik sa at Austrheim er innstilt på å gjera det ein kan for å halda på elevane frå Åsheim-elevane.

Ordførar Per Lerøy (Ap) sa at det ikkje kan vera urimeleg å be om 35.000 kroner frå Alver for kvar elev når elevtilskotet Alver kommune får frå staten er på 101.000 kroner per elev.

Ordførar Per Lerøy (Ap) takka for saksframstillinga frå kommunalsjefen, sa at saka er grundig og godt belyst, og takka for det engasjementet som er lagt ned i denne saka. Om folkemøta sa Lerøy at det ikkje er sikkert at dette er mogleg å få til på grunn av Korona.

Helge Dyrkolbotn (KrF) ba om at det vart laga til eit nettmøte, gjerne med innsending av spørsmål på førehand.

Inger Lise Brekke (H) ba om at ein laga til webinar på ulike tidspunkt, og evt. ha andre løysingar for dei som ikkje er på nett og må møta fysisk.

Ordførar Lerøy (Ap) sa at ein må sjå nærare på dette med nettmøte og liknande, når Korona-tiltaka er letta på frå 23. november. No må alle partar sjå på dette framlegget, både FAU, foreldre, elevråd, ungdomsråd og andre, og komma med innspel.

Handsaming i formannskapet:
Samrøystes for rådmannens framlegg til vedtak.

Behandling

Avdelingsleiar Asbjørn Toft orienterte om saka, der ein justerer satsane med kring 2 prosent.

På spørsmål frå ordførar Per Lerøy (Ap) svara Toft at gebyra i nabokommunane er nokolunde like. Kan vera litt dyrare byggesaksgebyr i Alver, der det er meir komplekse saker, og i Bergen som har høgare nivå på plandetaljar. Nivået i Austrheim er slik at folk søker om tiltak dei vil gjennomføra.

Ordførar Lerøy la til at administrasjonen må vera sikre på at gebyrnivået er omlag likt med nabokommunane, slik at ein ikkje taper i konkurransen med nabokommunar når folk ønskjer å byggja.

Handsaming i formannskapet:
Samrøystes for rådmannens framlegg til vedtak

Behandling

Ordførar Per Lerøy (Ap) viste til sakframlegget.

Handsaming i formannskapet:
Samrøystes for rådmannens framlegg til vedtak

Behandling

Ordførar Per Lerøy (Ap) viste til sakframlegget.

Handsaming i formannskapet:
Samrøystes for rådmannens framlegg til vedtak

Behandling

Ordførar Per Lerøy (Ap) viste til sakframlegget.

Handsaming i formannskapet:
Samrøystes for rådmannens framlegg til vedtak

Behandling

Ordførar Per Lerøy (Ap) viste til sakframlegget.

Handsaming i formannskapet:
Samrøystes for rådmannens framlegg til vedtak

Behandling

Ordførar Per Lerøy (Ap) viste til sakframlegget.

Handsaming i formannskapet:
Samrøystes for rådmannens framlegg til vedtak