Møte i Eldrerådet den 17.11.2020

Vedtak

Rådmannen sitt framlegg vert samrøystes vedteke, med tillegg om at desse taker vert teke opp att i januar i 2021:

- Status internett Nordliheimen.
- Planarbeid i kommunen som eldrerådet bør kjenna til
- Eldredagen 2021
- Diverse

Behandling

Leiar i rådet Gro Johannessen ba om at desse sakene vart teke opp att i januar i 2021:

- Status internett Nordliheimen.
- Planarbeid i kommunen som eldrerådet bør kjenna til
- Eldredagen 2021
- Diverse

Handsaming i rådet:
Rådmannen sitt framlegg vert samrøystes vedteke, med tillegg om at desse taker vert

- Status internett Nordliheimen.
- Planarbeid i kommunen som eldrerådet bør kjenna til
- Eldredagen 2021
- Diverse

Vedtak

Møteprotokoll frå forrige møte vert godkjent, med retting som presisert

Behandling

Leiar i rådet Gro Johannessen sa at det må rettast i protokollen frå 13. oktober: Ungdomsrådet etterlyste asfaltering i Austrheimvegen.

Handsaming i rådet:
Rådmannen sitt framlegg vert samrøystes vedteke, med retting som presisert

Behandling

Ivar Bergsvik, som er Eldrerådet sin representant i RMNF, orienterte om RMNF sitt møte same dag.
- Det er eit stykke av stien frå Vardetangen til Årvikane som ikkje er tilpassa rullestolbrukarar. RMNF oppmoda om at dei som jobbar med vedlikehald til å sjå på dette ved høve, for å sjå på kva ein kan få til.
- Idar Hopland sa at det gjerne kan vera langt å legga om denne vegen dersom ein skal få til rullestoltilpassa veg her, sidan det er eit høgdedrag her.
- Solveig Hopen sa at det gjerne er andre stader i kommunen som er meir brukt i det daglege, der ein heller bør få lagt til rette tilkomsten, som ved til dømes Seniorsenteret.

---

Ivar Bergsvik orienterte om at RMNF håpar at arbeidssenteret kan få ein ny giv når det no skal tilsettast ein eigen avdelingsleiar for inkludering og avlasting. RMNF skal også ta dette opp i eit eige møte 1. desember, med tanke på å sikra at det er mål og meining over bruken av Arbeidssenteret. Det vera seg produksjon av andre typar enn i dag, samarbeid med bedrifter og liknande.

Om arbeidssenteret sa Reidar Øksnes at det kanskje er mogleg å henta inn kompetanse frå formingslærarar eller frå kunstnarar knytt til Kunsthuset, for å til ein variert aktivitet. Desse tankane tar Ivar Bergsvik med seg til det neste møtet i RMNF.

Solveig Hopen sa at dette kan vera ein god plass for at eldre med ulike ferdigheiter kan få delta, at dette kan vera ein moglegheit for dei til å delta i tilbodet på arbeidssenteret. Ser for seg at dette kan vera ein god måte for desse til å bruka den kompetansen dei har, anten det er innan sløyd eller anna.

Ein såg også på den uttalen som RMNF har gitt til budsjettet for 2021:
"Innspel frå Råd for menneske med nedsett funksjonsevne, til budsjettet for 2021:
- Ønskjer at det vert brukt 50.000 kroner til eit forprosjekt, der ein kartlegger om Austrheim arbeidssenter er eigna til for denne bruken vidare, eller om ein bør sjå på andre moglege lokale. Midlane vert henta frå det budsjetterte mindreforbruket i 2021.
- Rådet ber kommunestyret vedta som verbalpunkt at det må sikrast at dei som har vedtak på avlasting/støttekontakt, får tildelt dette."

Handsaming i rådet:
Rådmannen sitt framlegg vert samrøystes vedteke

Behandling

Gro Vigdis Johannessen sa at det er viktig at den lova løyvinga på 50.000 til Eldrerådet kroner kjem på plass, slik at rådet har midlar for å sikra at ein har midlar til eldredagen 2021. Såg i 2020 at ein ikkje hadde midlar, men denne dagen vart avlyst på grunn av Korona.

Møtesekretær Ketil Tjore sa at kommunalsjef Monika Kvamme var i gang med ei sak som omfattar både alarmanlegg/omsorgsteknologi og internett for dei som bur på Nordliheimen.

---

Solveig Hopen sa at rådet bør gje innspel om at kommunen bør legga til rette for bustader som kan sikra at eldre kan bu heime lengre, samstundes som dei kan oppretthalda sosial kontakt.

Kanskje eldre kan komma i bilde for å verta tilgodesett for å få lånestøtte om dei treng hjelp til å etablera seg på nytt. Er nok mange som er einsame langt ute i distriktet, kanskje særleg no når ein ikkje får besøk.

Må jobba for å ta vare på dei eldre på Nordliheimen, med både internett og anna.

Gro Johannessen sa at dette med å bu sentralt er gull verd med kort veg til det meste. Kanskje vil mange eldre vera leigetakarar, og ikkje ha ansvar for det som ikkje er innanfor døra. Men kommunen må passa husleiga slik at det ikkje vert for kostbart.

Bør vera sentralt, men treng ikkje vera akkurat rundt Mastrevik torg. Kvar det skal ligga er vanskeleg å seia, folk er opptekne av ulike ting anten det er utsikt eller å vera i ly. Transport er viktig, å komma seg dit ein vil.

Solveig Hopen sa at eldre i dag ikkje er så "eldre" som før. Det er andre behov enn før, som å vera nettbrukar (særleg no som ein ikkje kan kjøra i banken). Kanskje kan ein setja av midlar til dataopplæring, eller til hjelp med komfyrvakt eller liknande.

Gro Johannessen spurte om ikkje det har vore arrangert slike datakurs før, og Idar Hopland sa at Neptun har arrangert eit slikt kurs for ein del år tilbake. Johannessen sa vidare at dette er mogleg å bruka noko av dei 50.000 kronene som rådet har, til dette.

Ivar Bergsvik sa at det bør komma eit sentrumsnært område der det kan byggast bustader for dei som ikkje nødvendigvis er helsetrengande, men som er lei av å halda hus og hage. Her er det ei utfordring at eldre kan måtta setja seg i skuld og gjeld for å få flytta i ein meir lettstelt bustad. Er det mogleg at kommunen kan legga til rette, eventuelt med Husbanken-hjelp. Kan ein be om at det vert sett av midlar til å starta ein planprosess for dette, der ein set av

Solveig Hopen sa at det må komma i uttalen på budsjettet at dette med 50.000 kroner må vera eit minimum, og at ein har gode ting å bruka dette på, altså at ein konstanterer at det er tildelt 50.000 kroner og at ein vil setja opp eit budsjett for korleis dette skal brukast.

Idar Hopland sa at det bør setjast opp eit budsjett for å synleggjera kva behov ein har, og kva midlane skal brukast til. Solveig Hopen støtta tanken om å setja opp eit budsjett og skriva opp kva ein prioriterer

Reidar Øksnes sa at det er like bindande om ein får noko inn i tekstdelen, av dei punkta som ikkje går på konkrete midlar, som til dømes dette Ivar Bergsvik tar opp som funksjonelle bustader for eldre.

Ivar Bergsvik viste til at ein gjerne kan be om midlar til å starta prosessen med å skaffa tomteareal til denne typen bustader som nemnt over.

Gro Johannesen sa at det kan vera ønskje om både eige og leige, er ikkje alle som ønskjer det ansvaret som ligg med for den som eig.

Solveig Hopen og Idar Hopland resonnerte at det kan vera mogleg å få meir enn det omsnakka tilskotet på 50.000 kroner, om ein har gode prosjekt som er sette opp.

Solveig Hopen støtta tanken om at sentrumsnære og lettstelte bustader er viktig. Idar Hopland sa at folk er opptekne av å bu nære butikkar og andre tilbod.

Gro Johannessen sa at det også måtte byggast denne typen bustader på Fonnes-sida av kommunen.

Solveig Hopen ba om at det også vart tenkt på kurs, og fekk støtte av Idar Hopland at dette med digitalisering er utruleg viktig i dagleglivet for mange. Hopland sa at det ikkje alltid er lett å spørja andre om hjelp, folk ønskjer å klara seg sjølv. For datakurs kan ein til dømes spørja Frivilligsentralen på Manger, som har kurs no.

Rådet sette saman eit fellesframlegg til budsjettuttale, som vart samrøystes vedteke.

Eldrerådet sitt innspel til budsjettet for 2021:

Rådet noterer seg at det er sett av 50.000 kroner til Eldrerådet i 2021, og takkar for at kommunestyret brukar midlar på dette.

Rådet ønskjer i 2021 å bruka midlar mellom anna på desse aktivitetane:
- Eldredagen 2021.

- Datakurs for eldre, dette med grunnleggande datakompetanse er berre meir og meir viktig i dagens samfunn. (Me har undersøkt litt med Alver, og fem kveldar med innleigd kurshaldar vil kosta kring 10.000 kroner).

- Sosiale arrangement meint for eldre, anten som tur eller møteplassar.

Eldrerådet set pris på at kommunen er i gang med planar for bygging av fleire lettstelte og sentrumsnære bustader for eldre. Slike bustader vil vera eit tilbod også for friske eldre, som ønskjer å flytta frå eit stort hus til ein meir lettstelt bustad. Dette vil vera eit prosjekt som vil gje kommunen innsparingar på andre felt, til dømes ved at det gjer det mogleg for eldre å bu heime lengre.

Rådet har merka seg at det i 2021 er lagt inn ei styrking til heimesjukepleien, og set pris på denne prioriteringa.