Čoahkkin Formannskapet 28.01.2021

Behandling

I forkant av møtet vart det vurdert gildskap for Anne Dahle Austrheim (KrF), i samband med at det skal gjerast vedtak om oppstart av arbeid med reguleringsplan der ho har eigedom. Ordførar Per Lerøy orienterte om at vurderinga er at Austrheim ikkje er ugild ved oppstart, men vil vera det når planen skal godkjennast. Den same vurderinga gjeld formannskapsmedlem Morten Sognnes (H) og varaordførar Inger Lise Brekke (H), som også har eigarinteresse i areal der det i dette møtet skal gjerast vedtak om å starta reguleringsarbeid.

Handsaming i formannskapet:
Rådmannen sitt framlegg vert samrøystes vedteke

Behandling

Handsaming i formannskapet:
Rådmannen sitt framlegg vert samrøystes vedteke

Behandling

Avdelingsleiar Asbjørn Toft orienterte om saka. På denne eigedommen er det tidlegare søkt frådeling, fekk ikkje løyve av Fylkesmannen (no Statsforvaltar), no er det i staden bygging av hus på garden.

Bjørn Inge Dyrkolbotn (Sp) spurte om landbruksfagrådet har vore involvert i denne saka. Asbjørn Toft svara at saka er handsama av felles landbrukskontor, usikker om landbruksfagrådet har vore involvert. Saka er handsama etter dei lovene som er.

Anne Dahle Austrheim (KrF) spurte om kvifor saka er lagt opp som melding og ikkje som delegert, Asbjørn Toft svara at det like godt kunne vore ei delegert sak.

Handsaming i utvalet:
Rådmannen sitt framlegg vert samrøystes vedteke

Behandling

Avdelingsleiar Asbjørn Toft gjekk gjennom dei delegerte sakene

Sak 208/20: Anne Dahle Austrheim (KrF) spurte om denne saka. Meiner det er ei litt større sak som burde vore oppe i landbruksfagrådet. At det bruket som deler frå kjem under 100 mål, kva betyr det? Landbruksfagrådet burde også uttalt seg om at det skal byggast driftsbygning inne i marka. Asbjørn Toft svara at det er felles landbrukskontor som handsamar slike søknader, først etter jordlova. Austrheim kommune handsamar seinare saka etter plan- og bygningslova, der ein gjerne følgjer innstillinga etter jordlova. Den gamle garden misser ikkje særleg verdi, sidan dette er eit areal som er under attgroing. Dette er eit areal som ligg som LNF og ikkje i næringsområdet i Øksneset.

Ordførar Per Lerøy (Ap) viste til at det er heldig å få fleire utmarksparsellar til å henga saman for å få det beita på ein fornuftig måte. Øksnesmarka er under attgroing med sprake og einer. Treng å få det i drift, då må det gjerast inn og beitast.

Om sakene 005/21 og 007/21 sa avdelingsleiar Asbjørn Toft at det kjem ei klage på dette rammeløyvet. Det er gjeve rammeløyve tidlegare på denne tomta, som ligg i LNF spreidd med moglegheit til å bygga i alt tre bustader. Er gjeve løyve til 2 hus på den eine tomta og eit hus på den andre, her vil saka komma til politisk handsaming seinare. Løyva som er gitt er i tråd med kommuneplan, LNF spreidd, det er vatn, kloakk og veg på plass.

Handsaming i formannskapet:
Rådmannen sitt framlegg vart samrøystes vedteke

Behandling

Kommunalsjef service og forvalting, Thomas Lindås, orienterte om brøyting, mellom anna i Kystlandsbyen. (Sjå PDF som ligg ved møteboka)

Når standard på vegar er slik det skal etter utbyggingsavtale, så overtek kommunen vegen og tek på seg vintervedlikehaldet. Vegane i Arihamrane og Straumshagane er overteke og vert brøyta av kommunen. Brøytar noko i Kystlandsbyen, men litt av incentivet for å gjera ferdig vegane forsvinn når ein brøyter likevel utan å ta over. Burde ikkje ha brøyta desse her i Kystlandsbyen, for det gjer ein ikkje andre stader i kommunen.

Ordførar Per Lerøy (Ap) sa at det har komme tilbakemeldingar på kva som skal til for å få ta over vegen, ber om at det vert formulert ei skriftleg tilbakemelding til dei som bur i dette området, slik at dei har dette klart opp mot utbyggar.

Kommunalsjef Thomas Lindås orienterte om brøytestandard, sjå vedlegg til møteboka. Er no ute raskare med brøyting og strøing enn tidlegare, og jobbar med ei liste over kva prioritering entreprenøren brøytar etter. Denne informasjonen vert publisert på nettsida.

Ordførar Per Lerøy (Ap) sa at det er bra at informasjonen vert gjort kjent.

Thomas Lindås sa at ein skal følgja kostnadene tett, men entreprenøren meiner at det ikkje skal vera så mykje dyrare å brøyta på mindre snø, sidan det kan gje mindre brøyting og strøing. Det var nok ikkje godt nok no i januar, men kjem nok til å få klager vidare også. Kommunen skal gjera alle tilsette ansvarlege ved å først varsla vakta om det er glatt, og i neste omgang ta aksjon sjølv og gjera noko med det.

Anne Dahle Austrheim (KrF) sa at det var sett i effekt veldig raskt etter kommunestyret den 21/1. Brøytinga er veldig bra no.

Morten Sognnes (H) sa at vintervedlikehald er vanskeleg, og nokon vil klaga uansett. Kan snø mykje på kort tid, og det kjem an på temperaturar. Må ta ansvar sjølve om å sko seg rett på bilen og skoa, det er trass alt vinter.

Bjørn Inge Dyrkolbotn (Sp) viste til at ein må tola noko vinter. Ser at det er stor forskjell på brøytinga denne veka og etter tidlegare snøfall.

Per Lerøy (Ap) sa at det er bra at dei tiltak som er innført fungerer. Samstundes vera klar over at svart veg heile tida vil ein ikkje klara å få til. Veldig nøgd med justeringar som er gjort, bra at ein set seg ned og kjem til forbetringar.

Anne Dahle Austrheim (KrF) ba om at ein seier rundt at folk må ta si eiga avkjøring sjølv, brøytemannskapa kjem seg ikkje rundt på alle vegane dei skal ta om dei skal ta alle avkjøringar.

Handsaming i formannskapet:
Rådmannen sitt framlegg vert samrøystes vedteke.

Behandling

Ketil Tjore i administrasjonen orienterte om at det er høve til å legga på eit påslag på 0,25 prosent på startlån, for å dekka kostnader kommunen har til denne ordninga.

Anne Dahle Austrheim (KrF) sa at ein ikkje bør innføra dette gebyret. Denne ordninga er for dei svakaste i kommunen, og ein tek heller ikkje gebyr for alle tenester i kommunen. Meiner at dette bør ein ikkje gå inn for.

Bjørn Inge Dyrkolbotn (Sp) spurte om status for startlån i 2020. Ordførar Per Lerøy svara at kommunestyret har vedteke ei ramme på 10 millionar, så langt er det 2 millionar som er godkjent av Statsforvaltar, må venta med resten til kommunen er ute av Robek-lista. Jobbar også med å komma i gang med fleire prosjekt eige til leige.

Bjørn Inge Dyrkolbotn sa at ein ikkje bør innføra dette gebyret, det er dei svakaste i kommunen, og startlån gjev kanskje nytilflyttarar som gjev tilskot og inntening på den måten.

Etter eit kort gruppemøte sa Morten Sognnes (H) at heller ikkje Høgre og Ap vil støtta rådmannens framlegg til vedtak.

Handsaming i formannskapet:
Rådmannens framlegg til vedtak vart avvist med 4 mot 0 røyster (Inger Lise Brekke (H) var fråverande).

Behandling

Avdelingsleiar Asbjørn Toft orienterte om saka.

Ordførar Per Lerøy (Ap) viste til at det er iver for å få til denne planen. Ein vil unngå den situasjonen som oppstod i Sunnhordland, der fylket laga plan mot kommunane sin vilje, og der departementet etter klage frå kommunane seinare har underkjent kystsoneplan Sunnhordland.

Regionrådet har i staden sett seg i førarsetet, og fått ein million i tilskot. Planarbeidet var utsett i påvente av at Alver kommune skulle komma på plass. Målet no er å vera ferdig med planen i denne valperioden, før kommunevalet i 2023. Arbeidet er i gang, har mellom anna fått orientering frå Havforskingsinstituttet om vasskvaliteten i sjøområda. Denne planen er viktig mellom anna for å unngå å komma i raud sone med tanke på oppdrettsnæringa.

Anne Dahle Austrheim (KrF) hadde spørsmål om fartsregulering er med her, her svara Asbjørn Toft at fartsregulering er eige felt. Ordførar Per Lerøy (Ap) sa at kommunen kan regulera fart i mange område, men det er ikkje del av dette arbeidet.

Handsaming i formannskapet:
Rådmannens framlegg til vedtak vart vedteke med 4 mot 0 røyster (Inger Lise Brekke (H) var fråverande).

Behandling

Avdelingsleiar Asbjørn Toft orienterte om saka. Det er no gjort tilpassingar av planen, mellom anna med veg fram til hyttene.

Per Lerøy sa at dette hyttefeltet fungerer godt, men det er synd at ein ikkje lukkast med flytebrygge i Litlosen. Alle båtane ligg i staden i Bergsvikvågen, og der er det lite plass, med smale passasjar å komma seg ut.

Anne Dahle Austrheim (KrF) spurte om kommunen kan igjen gjera framlegg om flytebrygger i Litlosen. Asbjørn Toft sa at ein har prøvd å få det inn gjennom dispensasjon, og gjennom å ta det med i kommuneplanen.

Handsaming i formannskapet:
Rådmannens framlegg til vedtak vart vedteke med 4 mot 0 røyster (Inger Lise Brekke (H) var fråverande).

Behandling

Ordførar Per Lerøy (Ap) sa at ein går i gang med dette arbeidet tidlegare enn før varsla. Med fleire planar for ny næringsaktivitet i Mongstad-området, så er det viktig å ha bustadareal disponibelt.

Avdelingsleiar Asbjørn Toft ba om at Morten Sognnes (H) vart kjent ugild i denne saka, sidan han er grunneigar med omfattande interesser. Formannskapet støtta at Sognnes var ugild.

Avdelingsleiar Asbjørn Toft orienterte om saka. Planen vil opna for fortetting, det er plass til ganske mange bustader, og ein kan skilja mellom høgare utnytting med rekkehus eller firemannsbustader og andre med einebustader. Ein kan ta det i ulike felt og byggesteg, gjennom å ha dette på høyring vil ein få klarlagt saka. I ein områdeplan som dette har kommunen styring frå a til å.

Ordførar Per Lerøy (Ap) sa at dette vert ein områdeplan som i Nordre Fonnesvågen, som ein kan byggja etter. Dette arealet er bra for Mongstad, og har kort veg til ferja for dei som jobbar i Sløvåg/Skipavika.

På spørsmål svara Asbjørn Toft sa at ein kan sjå på justeringar opp mot Ikornsåta, men når dette ligg som grøntareal er det ganske strengt.

Handsaming i formannskapet:
Rådmannens framlegg til vedtak vart vedteke med 3 mot 0 røyster (Morten Sognnes (H) var ugild og Inger Lise Brekke (H) var fråverande).

Behandling

Kommunalsjef Thomas Lindås sa at dette er eit politisk utval der administrasjonen ikkje kan delta, dette er klart etter at saka var oppe politisk tidlegare i januar. Men det er mogleg å ha med tilsette privatpersonar og ikkje som tilsette, men ikkje på kommunalsjefnivå eller liknande. Slik kan desse tilsette bidra inn, men utan å ha formell rolle i dette. Lindås sa at det trengst skriftleg samtykke frå deltakarane for å delta i utvalet.

Thomas Lindås sa at det kan vera fem ulike utval, eller eitt utval der alle er med, som så vert delt opp i underutval. Alle medlemmene må i så tilfelle vera medlem også i det overordna utvalet.

Morten Sognnes (H) sa at ein kanskje kan ha ei gruppe med medlem frå kvart underutval. Lita overordna gruppe med representantar frå kommunestyret, og så underutval.

Ordførar Per Lerøy sa at det må jobbast med saka fram mot kommunestyret, og at ein kan bruka valnemnda til å komma fram med eit framlegg til den 11/2. Lerøy viste til framlegget han hadde til utval, og sa at sjølv om det var endringar så var det her namn som kan brukast.

Bjørn Inge Dyrkolbotn (Sp) sa at Gro Kaland (Sp) kan vera medlem i utvalet.

Ordførar Per Lerøy (Ap) sa at Rongevær kurs- og fritidssenter må ha prioritert nummer ein. Avdelingsleiar Asbjørn Toft orienterte om at Bergen Turlag er interessert i å bruka Rongevær som kysthytte, med vanleg drift som ei hytte i fjellet. Turlaget vil investera både på Baløy med kajakk og robåtar for å komma til og frå Rongevær, og på Rongevær rusta opp og bygga nytt, for å gje meir soverareal og betre sanitærforhold. Ønskjer å leiga langsiktig, med rask avklaring. Dette kan vera med og auka reiselivsinteressa til Austrheim, og også styrka det kommersielle, Kilstraumen med fleire. Turlaget er flinke til å drifta.

Ordførar Lerøy (Ap) sa at dersom ei kan få inn turlaget eller Røde Kors er det bra. Kommunen er diverre ein dårleg eigar som gjer lite vedlikehald, ein har ikkje lukkast med drifta. I Rongevær har Neptun kasta seg rundt og skrapa og måla, berre for dekking av kostnad til måling. Må sjå på anna driftsform, fleire besøk dess betre. Sa at det må ligga i avtalen at skulane i Austrheim og Røde Kors må kunna bruka bygget slik dei har gjort tidlegare.

Kommunalsjef Thomas Lindås sa at det er ei utfordring med sal av Rongevær, på grunn av rett til tilbakekjøp. Om ein leiger ut i 40 år, kan neste generasjon gjera andre val enn me gjer i dag.

Lerøy sa at sal ikkje er aktuelt, men å leiga det ut. Må hiva seg rundt og levera her så raskt som mogleg. Bra om ein får inn ein profesjonell aktør. Kommunen har brukt 300.000 kroner årleg og fått inn 200-250.000 kroner, utgiftene er utanom det som er gjort med vedlikehald.

Avdelingsleiar Asbjørn Toft sa at det er brukt ein del midlar på drift av Rongevær, med ei 60 prosent stilling. Skuleklasse eller Røde Kors må kanskje betala leige, men vil vera rimelegare for kommunen enn den løysinga ein har hatt. Trur skulane vil bruka det meir enn i dag om det vert drifta profesjonelt. Bergen turlag er ein aktør som det vil vera ei gåve å få på plass i Austrheim, ei gåve for heile Nordhordland. Planstatusen legg til rette for at ein kan få gjort ting der ute.

Ordførar Per Lerøy (Ap) sa at rådmannen må omarbeida saka til kommunestyret, og få ei avklaring på Rongevær i første kvartal 2021.

Anne Dahle Austrheim (KrF) spurte om ein skal splitta saka og ta Rongevær først, det støtta Bjørn Inge Dyrkolbotn (Sp).

Ordførar Per Lerøy (Ap) støtta at ein ser på Rongevær først. Dei andre hastar ikkje like mykje, Kaland 1 er det sagt ikkje brukast til skule, me kva innhald den skal brukast til seinare kan ein sjå på etter kvart.

Rådmann Bjørnar Fjellhaug sa at det hastar mest for Rongevær og kyrkjelydshuset, der sistnemnde bruksavtale er sagt opp og tenkt å flytta dei kyrkjetilsette til kommunehuset.

Om kyrkjelydshuset sa Per Lerøy (Ap) at entreprenøren Vassbakk og Stol vil bruka kaien på Hopland for å frakta masser til vegprosjektet på Radøy (Soltveit – Marås). Tanken er at entreprenøren tek reparasjonar på vegen etter kvart som dei er naudsynte. Er også gitt tilbod til entreprenøren om å bruka plassen ved Kyrkjelydshuset som riggplass, der er det planert og det er vatn, straum og kloakk tilgjengeleg. Kommunen kan bruka leigeinntekter her til å rusta opp kyrkjelydshuset i etterkant, gitt at dette er eit bygg kommunen ønskjer å behalda.

Kommunalsjef Thomas Lindås sa at rådmannen gjerne vil flytta dei tilsette til kommunehuset for å nytta ledig plass, og ser også at det vil komma vedlikehaldskostnader å kyrkjelydshuset framover.

Anne Dahle Austrheim (KrF) sa at soknerådet gjerne vil flytta dei tilsette til kommunehuset for å bli meir tilgjengeleg.

Kommunalsjef Thomas Lindås sa at det er tenkt å vurdera ulike leigetakarar eller eige bruk av Rongevær, og argument for eller imot. Om Rongevær sa ordførar Lerøy at ein bør sjekka med fleire enn Bergen Turlag før det vert gjort noko vedtak.

Morten Sognnes (H) spurte kor raskt ein bør handla her. Avdelingsleiar Asbjørn Toft svara at ein kan informera turistforeininga om at saka kan verta avklara kring påske i år.

Det vart lagt fram eit nytt fellesframlegg til vedtak:

Formannskapet går inn for å ta ut spørsmålet om bruk av Rongevær kurs- og konferansesenter, og ber rådmannen om å komma tilbake til kommunestyret 11. februar med ei sak om eit politisk oppnemnt utval som skal sjå på vidare bruk av Rongevær. Valnemnda skal engasjerast for å finna desse politiske representantane.

For dei andre bygga kjem rådmannen tilbake med ei ny sak til neste formannskap.

Handsaming i formannskapet:
Fellesframlegg til vedtak vart vedteke med 4 mot 0 røyster (Inger Lise Brekke (H) var fråverande).

Vedtak

Formannskapet vedtar oppstart av arbeid med Kommunal trafikksikringsplan iAustrheim kommune. Finansieringa av arbeidet vert eigeninnsats og løyvde midlar på kr. 100.000 til arbeidet frå Vestland fylkeskommune.Arbeidsgruppa vert som vist i saksutgreiinga. Grunngjevinga for vedtaket er elles gjeve i saksutgreiinga.

Behandling

Ordførar Per Lerøy (Ap) sa at det er viktig å ha trafikksikringsplanen på plass for å kunna søka om og få midlar til trafikksikringstiltak. Kan også få til prosjekt langs kommunevegar, ikkje berre fylkesvegar, men tiltak må vera forankra i trafikksikringsplanen for å få midlar.

Ser at gode søknader kan gje midlar som eigentleg var meint til prosjekt andre stader, der desse ikkje er moglege å realisera. Viktig å få ein god prosess og plan på dette, og ha ei tydeleg prioritering av tiltaka.

Anne Dahle Austrheim (KrF) ba om at Rådet for menneske med nedsett funksjonsevne (RMNF) vert knytt på i dette arbeidet, avdelingsleiar Asbjørn Toft svara at RMNF skal knytast på som referansegruppe og i høyringsrunden.

Asbjørn Toft sa at ein kan legga dette planarbeidet på anbod, eller kan klara å halda seg under 100.000 kroner ved å gjenbruka det ein har av tidlegare planlagde tiltak.

Per Lerøy (Ap) spurte om når ein skal vera ferdig med planen, Asbjørn Toft svara at planen skal vera klar i 2021 eller første halvdel av 2022.

Søker no om midlar til prosjektering av Synnevågkrysset, i neste omgang kan ein søka til sjølve arbeidet. Asbjørn Toft svara at om ein er ute av Robek-lista kan ein gjera det sjølv, eventuelt laga ein plan for Kilstraumen til Nordre Fonnesvågen.

Ordførar Per Lerøy (Ap) sa at ein søker om midlar til Synnevågkrysset og til haldningsskapande arbeid, og fortau frå Nordliheimen og til kulturskulen.

Handsaming i formannskapet:
Rådmannens framlegg til vedtak vart vedteke med 4 mot 0 røyster (Inger Lise Brekke (H) var fråverande).

Behandling

Avdelingsleiar Asbjørn Toft orienterte om saka. Kommunen regulerer her eit nytt område, og regulerer det som alt er bygd ut. Planen opnar for fortetting og betre utnytting, som kan gje plass til 10-20 nye bustader alt etter kva folk ønskjer.

For skulen betyr dette at fylkeskommunen raskt kan komma i gang med utbygging ved skulen, det kan dei også få til nede ved kaien, der det er areal regulert til bruk som vidaregåande skule.

Ordførar Per Lerøy (Ap) sa at fylket har sagt dei vil bygga skule for 249 millionar 2018-kroner frå 2025 til 2027, ved å oppgradera eksisterande bygg og reisa eit nytt bygg ved sidan av på deira tomt. Viktig å regulera dette no og legga press på fylket når det nærmar seg 2025, for gjennomføring av byggevedtak som to fylkesting har vedteke. Her vil kommunen rulla ut den raude løparen for fylket.

Vegløysinga bør bli betre i den nye planen, både for dei som skal inn i feltet og for skulen.

Handsaming i formannskapet:
Rådmannens framlegg til vedtak vart vedteke med 4 mot 0 røyster (Inger Lise Brekke (H) var fråverande).