Her ser du informasjon om eit møte i Formannskapet.
 
Clear
     
 

Møte i Formannskapet den 06.05.2021

Formannskapet
06.05.2021 10:40 - 16:10
Utval:Formannskapet
Dato:06.05.2021 10:40 - 16:10
Møtestad:Kilstraumen Brygge
Status:Møtet er ferdig protokollert
Sakskart:Innkalling - Formannskapet - 06.05.2021 (Hoveddokument) Tilleggsinnkalling med vedlegg - Formannskapet - 06.05.2021 (Hoveddokument) , Tilleggsinnkalling - Formannskapet - 06.05.2021 (Vedlegg)
Møteprotokoll:Protokoll - Formannskapet - 06.05.2021 (Hoveddokument)

Saksliste

  • Godkjenning av innkalling og saksliste Hoveddokument 418KB
    Brevdato: 22.04.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Innkalling og sakliste vart godkjent



    Behandling

    Handsaming i formannskapet:
    Rådmannen sitt framlegg vart samrøystes vedteke

  • Godkjenning av møteprotokoll Hoveddokument 421KB

    045/21 - 21/3042 - Godkjenning av møteprotokoll

    Journaldato: 19.04.2021  2 dokumenter
    Brevdato: 19.04.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Møteprotokoll frå forrige møte vart godkjent



    Behandling

    Handsaming i formannskapet:
    Rådmannen sitt framlegg vart samrøystes vedteke

  • Meldingar Hoveddokument 429KB

    046/21 - 21/3197 - Meldingar

    Journaldato: 22.04.2021  1 dokument
    Brevdato: 22.04.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Meldingane vart tekne til orientering



    Behandling

    Avdelingsleiar Asbjørn Toft sa om vedtaket frå Statsforvaltar om Buholmen, at vedtaket no er endeleg stadfesta. Ein kan få ting i orden, etter byggesøknader. Om saka i Buholmen sa Reidar Øksnes at dette illustrerer at ein skulle hatt personell til å følgja opp byggesaker.

    Om arbeidsløyse sa ordførar Per Lerøy at det ligg ein prosent over i Austrheim samanlikna med nabokommunane som har nest høgst arbeidsløyse.

    Handsaming i formannskapet: Rådmannen sitt framlegg vart samrøystes vedteke

  • Delegerte saker Hoveddokument 802KB

    047/21 - 21/3198 - Delegerte saker

    Journaldato: 22.04.2021  1 dokument
    Brevdato: 22.04.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Avdelingsleiar Asbjørn Toft gjekk gjennom vedtaka i dei delegerte sakene.

    Handsaming i formannskapet:
    Rådmannen sitt framlegg vart samrøystes vedteke

  • Løyve til endring av plassering for bygging av garasje gbnr 160123 - Lauvøy Hoveddokument 1MB

    031/21 - 21/1850 - Løyve til endring av plassering for bygging av garasje gbnr 160/123 - Lauvøy

    Journaldato: 12.03.2021  Sendt til: Hans Jacob Sortland   
    1 dokument
    Brevdato: 12.03.2021
    Dokumenttype: Utgåande dokument
    Ansvarlig enhet: Plan, bygg, oppmåling og miljø
    Sakshandsamar: Asbjørn Nagell Toft

    Dokumenter

     
  • Løyve til mellombels bruksløyve for bustadeining  seksjon 2 på gbnr 147/116 -Toftegård Hoveddokument 930KB
    Brevdato: 26.03.2021
    Dokumenttype: Utgåande dokument
    Ansvarlig enhet: Plan, bygg, oppmåling og miljø
    Sakshandsamar: Asbjørn Nagell Toft

    Dokumenter

     
  • Løyve til tilkobling til kommunalt vatn og til kommunalt avløp for bustadeining 9D på gbnr. 131320- Fonnes Hoveddokument 1 012KB
    Brevdato: 08.04.2021
    Dokumenttype: Utgåande dokument
    Ansvarlig enhet: Plan, bygg, oppmåling og miljø
    Sakshandsamar: Asbjørn Nagell Toft

    Dokumenter

     
  • Mellombels bruksløyve til bustadeining 9D i firemannsbustad på gbnr. 131/320 - Straumshaugane -Fonnes Hoveddokument 1MB
    Brevdato: 08.04.2021
    Dokumenttype: Utgåande dokument
    Ansvarlig enhet: Plan, bygg, oppmåling og miljø
    Sakshandsamar: Asbjørn Nagell Toft

    Dokumenter

     
  • Vedtak -  endring  av løyve  - gbnr 1477 -  Kvalvågen - bustad Hoveddokument 1MB

    056/21 - 21/3058 - Vedtak - endring av løyve - gbnr 147/7 - Kvalvågen - bustad

    Journaldato: 22.04.2021  Sendt til: Kålås Bygg AS   
    1 dokument
    Brevdato: 21.04.2021
    Dokumenttype: Utgåande dokument
    Ansvarlig enhet: Plan, bygg, oppmåling og miljø
    Sakshandsamar: Asbjørn Nagell Toft

    Dokumenter

     
  • Orienteringssak Hoveddokument 606KB

    048/21 - 21/3199 - Orienteringssak

    Journaldato: 22.04.2021  1 dokument
    Brevdato: 22.04.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Orienteringane vart teke til vitande.



    Behandling

    Einingsleiar teknisk drift, Rolf Henning Myrmel, viste presentasjon om hardbruksbustader «Robuste og gode bustader» (ligg ved møteboka).

    • Ikkje for mange bustader saman, 3-4. Ha særleg branntryggleik i desse bustadene.

    • Ser på om ein kan få på plass to bustader ganske raskt, kanskje få på plass ein tredje der Austrheim VGS kan verta utfordra på å bygga denne over litt tid. Har tomt mellom Seniorsenteret og kommunehuset, men denne treng veg, vatn og avløp.

    • Fint tomt, skal etablerast på ein plass som gjer dette til eit ferdig bumiljø.

    Avdelingsleiar Asbjørn Toft sa at når dette vert søkt om kan ein gje løyve straks, sidan arealet er regulert til bustad.

    Rolf Henning Myrmel sa at det er aukande behov for denne typen bustader. Rådmann Bjørnar Fjellhaug la til at det må plass innan kort tid.

    Inger Lise Brekke (H) sa at det er ei utfordring å ivareta brukarane sine behov, samstundes som folk kan kjenna seg utrygge om dette vert etablert i deira nabolag. Må ha eit trygt og godt apparat rundt desse brukarane.

    Kommunalsjef helse og omsorg, Monika Kvamme, sa at når det er bestemt at ein skal bygga, så må ein ta informasjonsmøte med naboar. Dette ligg sentralt, får trygge tenester. Viktig for desse brukarane å ha ein fast plass å bu. Her kan brukarane gå til aktuelle tilbod og tenester.

    Per Lerøy (Ap) sa at det må plasserast slik at brukarane veit at dei blir sett.

    Anne Dahle Austrheim (KrF) sa at dette er sentral plassering, med kort veg mellom anna til Nordliheimen og brannstasjon

    Reidar Øksnes (Sp) spurte om det er mogleg å gje denne tomta vegutløysing i begge retningar, også mot hovudvegen. Om dette sa Ann Kristin Leirvåg (Ap) at det kanskje også bør skjermast mot hovudvegen.

    Inger Lise Brekke (H) sa at det ikkje bør vera for tett mellom bustadene, om dette sa Rolf Henning Myrmel at ein har sett på om ein kan bygga to slik skissert, og så flytta den tredje litt meir unna.

    Avdelingsleiar Asbjørn Toft sa at det må prosjekterast til det beste for dei som skal bu der. Byggesøknaden er utan tanke for kven som skal bu her, for kven det er veit ein ikkje enno.

    Inger Lise Brekke (H) sa at det ikkje sikkert dei skal bu der permanent, målet er å auka buevna for å flytta vidare.

    Kommunalsjef Monika Kvamme sa at ein må sjå på bemanning innan psykisk helse og rus, ser at det er utanom arbeidstid kveld og helg at behovet er størst innan desse områda.

    Per Lerøy (Ap) sa at å skaffa bustad er eit ansvar kommunen har for denne gruppa, sikra at dei får eit verdig liv. Bruka omgrepet omsorgsbustader for dette.

    Anne Dahle Austrheim (KrF) sa at ein må finna riktig balanse i informasjonen som skal ut.

    Per Lerøy (Ap) sa at ein må vera klar på at det er omsorgsbustader det er tale om her. Dei som er aktuelle bebuarar har tett oppfølging av tenestetilbodet.

    Rådmann Bjørnar Fjellhaug sa at ein må vera budd på motstand, men kommunen har eit ansvar for å ta vare på desse brukarane, og innbyggjarane elles.

    Inger Lise Brekke (H) spurte om det kunne flyttast litt vekk frå eksisterande hus, her svara Myrmel at det kjem i konflikt med byggegrensa mot fylkesvegen. Men kan gjera tilpassingar, dette er berre ein illustrasjon som viser at det er plass inne på den tomta som kommunen eig. Brekke sa vidare at denne plasseringa får kort veg frå Grønt Arbeid som denne gruppa er brukarar av.

    Einingsleiar teknisk drift Rolf Henning Myrmel sa at det må setjast ned ei gruppe med både teknisk og helse for å sikra at bustadene får dei kvalitetane dei skal ha.

    ----

    Einingsleiar teknisk drift, Rolf Henning Myrmel, viste presentasjonen «Vestlia – utbetring avløp» (ligg ved møteboka).

    • Legga ny hovudleidning på utsida av bygga, og kopla på bygg etter kvart, må flytta ut bebuar når dette vert gjort. Starta med dei to leilegheitene der problema er størst, og så resten etter kvart.

    • I 2012 gjekk ein for ei løysing med strømper i røyr (røyrfornying), det var på grunn av vanskar med å flytta ut dei bebuarane som budde der då.

    • I utgangspunktet har den kommunale byggkontrollen vore for dårleg, det er noko av den lærdommen ein må ta.

    Inger Lise Brekke (H) sa at det er bra at det vert tatt fatt i. Kva med erstatning? Myrmel svara at dei verksemdene som utførte ikkje eksisterer i dag.

    Per Lerøy (Ap) sa at denne kostnaden må ein berre ta, og det ligg inne i budsjettjusteringa.

    Rådmann Bjørnar Fjellhaug sa at ein har lyst etter personell som kan passa på slike ting i det vidare arbeidet.

    Reidar Øksnes (Sp) spurte om det er mogleg å føra noko av dette som investeringsutgifter, her svara Fjellhaug at noko må gå som vedlikehald/drift. Kommunalsjef Økonomi og personal, Odd Harald Dommersnes, sa at revisor har stramma inn på kva som er drift og kva som er investeringar.

    ---

    Einingsleiar teknisk drift, Rolf Henning Myrmel, viste presentasjon om «VA Kaland» (ligg ved møteboka).

    • Ser at det er heilt tette leidningar for kloakken, der ein må leggja ny kloakkleidning.

    • Sprenger ut for ny grøft, det tener til å gje stein til grøftearbeidet der det er djupare, og ein drenerer ut myra slik at det forenklar masseutskiftingane i neste omgang.

    • Viktig å få gjort denne jobben skikkeleg med ein gong.

    Per Lerøy (Ap) sa at dette er gamle synder ein må retta opp i.
    Ann Kristin Leirvåg (Ap) spurte om myra der det har vore utslepp, Rolf Henning Myrmel svara at dette er gjerda inn no.

    Reidar Øksnes (Sp) sa at dette var gjort raskt for å få bustader ferdig. No må ein ta det så godt som mogleg. Kan vera helseskadeleg, andre hadde ikkje fått ha det slik. Bør ta prøvar i myra for å sjå kva dette er av utslepp. Meiner det må vera ein kombinasjon av drift og investeringar.

    Per Lerøy (Ap) sa at VA må ein få på plass. Må bruka av fond og investeringar der det er mogleg. Gjera jobben skikkeleg. Ser at det er utfordringar også lengre oppe, med avløpsleidningen frå Kaland skule.

    Kommunalsjef service og forvalting, Thomas Lindås, sa at med det som ligg i dag treng ein å auka låneopptaket for neste år.

    Kommunalsjef økonomi og personal, Odd Harald Dommersnes, sa at revisor må godkjenna det som gjeld for å henta ut midlar frå fond. Uansett, her må ein berre finna pengar.

    Rolf Henning Myrmel sa at ein må bygga på fjell slik at det som ligg er permanent. Ser at det er utfordringar opp mot skulen med flatklemde røyr og svakk, men ikkje fått driftsproblem enno. Problem på Kaland også med vatn, mykje vatn som forsvinn her.

    Ann Kristin Leirvåg (Ap) sa at det lenge har vore problem med utslepp i dette området.

    Anne Dahle Austrheim (KrF) spurte om nye bustader, her svara Rolf Henning Myrmel at det må gjerast meir ned mot sjøen, og etter kvart nordover når dette skal til reinsestasjon og ut i sjøen på Fonnes-sida.

    ----

    Einingsleiar teknisk drift, Rolf Henning Myrmel, orienterte om arbeidet med vassleidning Utkilen – idrettshallen, her kan ein byggja sjøleidning med meir straks Kystverket har gitt sitt løyve. Vil no kjøra ut anbodet med atterhald om at Kystverket gjev si godkjenning, kan då starta arbeidet rett etter ferien. Håpar å få på plass ein byggjeleiar i mellomtida bruka Norconsult.

    ---

    Einingsleiar teknisk drift, Rolf Henning Myrmel, orienterte om status for vedtekne vedlikehaldsprosjekt. Ser at ein må sjå på ekstra sikring av skråning i Dyrneset, i samband med utbetring av veg, her brukar ein konsulent frå Multiconsult. Asfaltering må skje i samanheng med anna arbeid, og dermed har ein ikkje starta på Hopland før ein veit kva som skjer på Dyrneset. Per Lerøy (Ap) oppfordra til at ein tar arbeidet på Hopland no og heller la det vera grus før ein får asfalt på plass seinare, dette sa Myrmel seg samd i.

    ---

    Kommunalsjef helse og omsorg, Monika Kvamme, orienterte om vaksinestatus.

    • Vaksinerer 90 i dag. Dei som fekk Astra Zeneca i dose 1 får annan vaksine i dose 2.

    • Samarbeider fleire etatar for vaksineringa, og planlegg for vaksinering gjennom sommaren.

    • Ser at det er mykje arbeid med smitteoppsporing, folk har mange nærkontaktar.

    • No er det vaksinering av dei fødde i 1955 samt yngre i risikogrupper.

    • Innan juni/juli så skal alle i Austrheim ha fått tilbod om første dose.

    • Sender meldingar og informerer om vaksine

    Rådmann Bjørnar Fjellhaug sa om smitte at det har vore nære på med smitte i Austrheim, folk har mange nærkontaktar. Meiner ein har igjen for å vera restriktive innan kultur og ungdom, ser at det er der smitten aukar no.
    --

    Rådmann Bjørnar Fjellhaug orienterte om ulike punkt:

    • Har fått ut 10 millionar frå Husbanken til startlån, slik som kommunestyret ba om.

    • Prosjekt for førstegongs etablerte, dette står på lista men ikkje komme i gang så langt.

    • Ikkje starta på bestillinga om omsorgsbustader i drift av andre enn kommunen, som stifting eller liknande.

    • Leva heile livet-sak er planlagt å komma før sommaren.

    • Eldremelding er planlagt komma til hausten.

    • Veglys er det orientert om tidlegare. Rolf Henning Myrmel la til at veglys skal registrerast, så laga utbyggingsplan, ser også på dette i samband med trafikksikringsplanen.

    • Det som var vedteke av kommunestyret om 300.000 kroner til landbruksfagrådet i 2021, her må det gjerast ei justering i budsjettet for å få det inn.

    • Opprusting skulane og personalrom Kaland, jobbar med dette. Konsulentfirmaet Inventura skal ordna anbod på totalentreprise på utbetring skule, anbodet klart før sommaren. Skulane ser på utomhusplan, Årås har ein plan men dette er kostnadsrekna til 19 millionar, det har ein sagt at ein ikkje klarer. Må prioriterast inn midlar til dette etter kvart. For 8. trinn er det lagt inn 100.000 kroner til å ta i mot desse på Årås frå hausten, og så gjera ei større ombygging i løpet av det kommande skuleåret.

    • Ser at det er bruk for konsulentbruk all den tid det er så høgt press på fleire avdelingar.

    • Alver kommunestyre har sagt ja til at Åsheim-elevar skal få gå på Kaland ut barnetrinnet, her har det vore møte med Alver kommune. Tilbakemeldinga frå elevar og tilsette er at dette er teke godt i mot.

    • Samarbeid med AVS. Har hatt møte med skulen og har avtale frå hausten, samt eit arbeid som går litt meir på sikt. Arbeidslivsfag skjer frå hausten i samarbeid med AVS, og ser på prosjekt for høgtpresterande elevar frå hausten 2022. Sol og Vind-prosjektet, kanskje etablera Newton-rom anten der eller i tilknyting andre stader. Trur på at dette skal vea eit løft som kan betra fullføringsgraden på vidaregåande. Ser at søknaden til praktiske fag har gått ned, det har ikkje blitt framsnakka nok.

    • Helsehuset. Skal tilsettast ein koordinator som skal syta for at tenestene vert best mogleg, der kostnad skal delast 50 prosent på tannlegetenesta og 50 prosent på kommunane. I 2021 vil det kosta Austrheim 25.000 kroner, seinare rundt 50,000 kroner i året. Eit prosjekt som skal gå over 4 år.

    Handsaming i formannskapet:
    Samrøystes for å ta orienteringane til vitande.

  • Søknad om dispensasjon til rammeløyve - gbnr. 130/121 - Mongstad Hoveddokument 1MB
    Brevdato: 21.04.2021
    Dokumenttype: Saksframlegg
    Ansvarlig enhet: Plan, bygg, oppmåling og miljø
    Sakshandsamar: Christopher Marius Straumøy

    Dokumenter

     

    Behandling

    Avdelingsleiar plan Asbjørn Toft orienterte om saka.

    Handsaming i formannskapet:
    Samrøystes for rådmannens framlegg til vedtak.

  • Rongevær Kurs- og fritidssenter - Leigeavtale mellom Austrheim Kommune og Bergen og Hordaland Turlag Hoveddokument 588KB
    Brevdato: 21.04.2021
    Dokumenttype: Saksframlegg
    Ansvarlig enhet: Plan, bygg, oppmåling og miljø
    Sakshandsamar: Christopher Marius Straumøy

    Dokumenter

     

    Behandling

    Avdelingsleiar plan Asbjørn Toft orienterte om saka.

    • Bergen og Hordaland turlag er begeistra for Rongevær, satsar på dette, kanskje også Bømlo.

    • Kort veg frå Baløy og over. Kan bygga seg naust i Baløy for kajakkar eller anna. Vil ha gode robåtar tilgjengeleg.

    • Som eigar har kommunen 40 års perspektiv på dette, men Bergen og Hordaland turlag vil ha moglegheit til reforhandling dersom interessa for anlegget ikkje er så stor.

    • Dette vil setja Austrheim og Nordhordland på kartet med ei slik turlagshytte.

    Per Lerøy (Ap) sa at det jamt over er begeistring for tilbodet. Det som er sett av som tid til skular, atten dagar og fire netter, det er dobbelt så mykje som bruken i dag, der 4. klasse har ei overnatting kvar.

    Per Lerøy (Ap) sa at det bør vera årvisse møte mellom kommunen og turlaget, gjerne før sesongen startar på våren.

    Inger Lise Brekke (H) sa at dette er heldig for kommunen, og innbyggjarane kan få eit tilbod som er betre enn  dag. Bra om ein har eit årleg samarbeidsmøte der ein ser på om det er mogleg å få meir ut av samarbeidet.

    Anne Dahle Austrheim (KrF) sa at turlaget nok er ein betre forvaltar av eigedommen enn det Austrheim kommune har vore. Spurte om bruken på dag/ettermiddag og spurte om tidspunkt, her svara Asbjørn Toft at klokkesletta kan justerast.

    Kommunalsjef service og fovalting, Thomas Lindås, sa at dette med årvisse møte kan ein få inn.

    Reidar Øksnes (Sp) sa at dette er bra for å få liv igjen i Rongevær. Turlaget må gjere komma for å orientera i samband med årsmeldinga. Kva med klausular frå då skulehuset vart bygt? På det svara kommunalsjef Thomas Lindås at dei rettane som allereie er tinglyste går føre nye tinglyste rettar.

    Anne Dahle Austrheim (KrF) spurte om tilgang til kjøkken. Her svara Asbjørn at planen til turlaget er å rusta opp bygget ved sjøen, slik at dette kan brukast av skular med meir. Er nok OK å justera tidspunkt til 20.00. Dette ser ein på før saka skal til kommunestyret.

    Handsaming i formannskapet:
    Samrøystes for rådmannens framlegg til vedtak.

  • Godkjenning av Forskrift om innsamling og handsaming av hushaldsavfall for NGIR-området Hoveddokument 561KB
    Brevdato: 19.04.2021
    Dokumenttype: Saksframlegg
    Ansvarlig enhet: Plan, bygg, oppmåling og miljø
    Sakshandsamar: Asbjørn Nagell Toft

    Dokumenter

     

    Behandling

    Avdelingsleiar plan Asbjørn Toft orienterte om saka.

    Handsaming i formannskapet:
    Samrøystes for rådmannens framlegg til vedtak.

  • Godkjenning av mindre vesentleg reguleringsendring for reguleringsplan hyttefelt –H06 – Bergsvik , Planid. 2006003 Hoveddokument 601KB
  • Rekneskap fyrste kvartal 2021 Hoveddokument 1MB

    054/21 - 21/2868 - Rekneskap fyrste kvartal 2021

    Journaldato: 22.04.2021  1 dokument
    Brevdato: 12.04.2021
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Vedtak

    Formannskapet rår kommunestyret til å ta tertialrapporten til vitande.



    Behandling

    Kommunalsjef økonomi og personal, Odd Harald Dommersnes, orienterte om saka.

    • Det som ikkje viser i tala enno, er at sjukefråværet er høgt innan Helse og omsorg, her kjem det auka kostnader etter kvart.

    • Legekontoret, her er det ein del som må rettast med øydelagt utstyr, må få på plass ultralydapparat, og legebil kjem på plass no i år etter krav som kom i 2015.

    • Avviket på rådmannsposten skuldast medlemsutgifter til NUI og regionrådet.

    • Må ta fatt i dette med sjukefråværet, det vil avgjera om ein har pluss eller minus i år.

    Det ligg 5 millionar i budsjett 2021 frå Mongstad Vekst AS. Ordførar Per Lerøy (Ap) sa at selskapet har kring 10 millionar i banken pluss eigedommar bokført til 4,4 millionar. Har nokre forpliktingar på Mongstad Sør. Selskapet skal oppløysast, ein skal selja eit bustadhus på Hope, og har avtale om å selja jorda på denne eigedommen. Resten er næringseigedommar som er i ferd med å bli ferdig regulerte. Det er spennande ting på gang på Mongstad, jobbar med søknad om 50 millionar som skal gje prosjektering av energitunnel frå raffineriet til Mongstad Sør. Om dette kjem på plass vil eigedommane til Mongstad Vekst bli ettertrakta. Batterifabrikk er framleis aktuelt, med andre eigarar, Hydrogenfabrikk er aktuelt, det vil utløysa smoltanlegg og oppdrettsanlegg på land.

    Odd Harald Dommersnes sa at det ein må vera merksam på at ein kanskje ikkje får desse pengane frå Mongstad vekst i år. På det positive ser ein at utbyttet frå BKK blir nesten to millionar meir enn den halve millionen som er lagt inn, og Havbruksfondet ser ut til å gje ein million meir.

    Reidar Øksnes (Sp) sa at skatteinngangen kan vera høg i både 2021 og 2022, først ved etterslep Korona og så revisjonsstansen som ein skal ha på Equinor i 2022.

    Per Lerøy (Ap) sa at det kjem nye prosjekt, som veg over Radøy og hydrogenfabrikk-prosjekt som vil gje stor aktivitet lokalt under utbygginga.

    Inger Lise Brekke (H) sa at ho ikkje er så uroleg for skatteinngangen, men for sjukefråværet.

    Reidar Øksnes (Sp) sa at ein må jobba for at Austrheim skal vera plassen å leva og bu, litt for mykje innpendling av arbeidskraft.

    Odd Harald Dommersnes sa at ein jobbar for å få ned sjukefråværet, Styrar ved Kaland barnehage, Sissel Berge Monslaup, har jobba med dette på Kaland barnehage. No skal Monslaup jobba med dette for Kystbarnehagen, og etter det Nordliheimen.

    Handsaming i formannskapet:
    Samrøystes for rådmannens framlegg til vedtak.

  • Endring av stillingstittel frå rådmann til kommunedirektør Hoveddokument 822KB
    Brevdato: 22.04.2021
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Bjørnar Fjellhaug

    Dokumenter

     

    Vedtak

    1. Rådmannen sin stillingstittel vert endra frå rådmann til kommunedirektør.

    2. Endringa vert gjort gjeldande frå 21. mai 2021.



    Behandling

    Rådmann Bjørnar Fjellhaug orienterte om saka.

    Handsaming i formannskapet:
    Samrøystes for rådmannens framlegg til vedtak.

  • Budsjettjustering fyrste kvartal 2021 Hoveddokument 725KB
    Brevdato: 20.04.2021
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Vedtak

    Kommunestyret vedtek rådmannen sitt framlegg til budsjettjusteringar i samband med tertialrapporten for fyrste tertial 2021.

    Tillegg frå formannskapet om 500.000 kroner til varmeanlegg Kystbarnehagen, og 200.000 kroner til utstyr til reinhaldarar. Administrasjonen skal komma tilbake i juni-møtet med ei sak om ombygging kommunehuset og planane «Områdeplan for bustadområde B36 på Kaland og Fonnes og friområdet ved Ekornsåta, planid. 2021002», og «Reguleringsplan for Bustadområdet B07 og skuleområdet ved Austrheim Vidaregåande skule, planid. 2021001».



    Behandling

    Kommunalsjef økonomi og personal Odd Harald Dommersnes orienterte om saka.

    Er ikkje midlar til alle dei tinga som ein bør ta fatt i, men kan gjera meir ved å redusera det budsjetterte mindreforbruket.

    Per Lerøy (Ap) ba om at ein kjem tilbake til kommunestyret den 20. mai med sak med midlar til varmeanlegg Kystbarnehagen og til å ordna lekkasje i taket over landskapet på Kaland barne- og ungdomsskule

    Avdelingsleiar Asbjørn Toft sa om reguleringsplanane at ein treng 400.000 til dei to planane i 2021 for å ikkje stoppa framdrifta.

    Per Lerøy (Ap) spurte om kva som manglar ved Kystbarnehagen. Ser at det er brukt byggtørkar, medan ein ikkje får anlegget i drift som det skal. Om Kystbarnehagen sa einingsleiar teknisk drift, Rolf Henning Myrmel, at varmeanlegg og ventilasjonsanlegg ikkje er riktig innstilt. Anlegget på Kystbarnehagen har aldri vore justert inn skikkeleg, det er beviset på at kombinasjonen av eigenkontroll og useriøse aktørar ikkje går i hop.

    Anne Dahle Austrheim (KrF) sa at det går ut over dei minste og dei tilsette når det ikkje er i orden på Kystbarnehagen.

    Anne Dahle Austrheim (KrF) spurte kva det gjev av ekstra belasting om ting ikkje er i orden for reinhaldarar. Om det siste svara Rolf Henning Myrmel at reinhald har stått på og jobba på i Korona. Dette er yrke med mykje slitasje skadar, manglar utstyr til vask og boning. Bra om me hadde fått dette på plass for å visa at ein meiner alvor og gjer noko for å unngå sjukefråvær. Ønskjer 200.000 til å ha nye maskiner, noko er 15 år og må skiftast, har også 30 år gamalt materiell som burde vore skifta. Tunge maskiner som ikkje oppdaterte

    Inger Lise Brekke (H) spurte om det vil kosta noko å venta med reguleringsplanar, Asbjørn svara at det treng det ikkje, men det kan komma søknader på dispensasjonar for nye hus og tilbygg skule av di det ikkje er reguleringsplan på plass. Når ein har starta planarbeidet vert det gjerne venta at det går sin gang. Og det er tomter som er attraktive som ein kan få aktivitet på når planane er ferdige. Mykje meir arbeid om ein ikkje har reguleringsplan på plass.

    Reidar Øksnes (Sp) sa at kommunehuset veit ein ikkje talet for. Ventar med det. Ber om at det vert lagt fram for kommunestyret kostnad for vaskeutstyr og for å få varmeanlegget på Kystbarnehagen på plass, med prioritering 1 og 2, og kommunehuset nedst etter dei andre. Bør ikkje gapa over for mykje, få på plass det ein har sett i gang.

    Anne Dahle Austrheim (KrF) støtta å setta reinhaldsutstyr som nummer ein, varmeanlegg Kystbarnehagen som nummer to, reguleringsplanane som 3 og 4, kostnad rundt 1,1 millionar.

    Bjørnar Fjellhaug sa at det ikkje er nokon sum sett for ombygging av kommunehuset, men må i alle fall sikra plass til PPT før 1. januar 2021 (Fensfjorden PPT), og skal også følgja opp styringsgruppa sitt signal om å flytta biblioteket til 1. etasje. Kan be rådmannen om å komma til kommunestyret med sak om dette i haust.

    Per Lerøy framlegg om å prioritera vaskeutstyr 200.000 og Kystbarnehagen 500.000 kroner, og så kan ein komma tilbake til sommaren med tal på dei andre prosjekta.

    Anne Dahle Austrheim sa at varmeanlegget Kystbarnehagen må prioriterast, om ein legg til utstyr til reinhald, i alt 700.000. Kan komma tilbake til juni-møtet med tal og prioriteringar på dei andre prosjekta.

    Odd Harald Dommersnes sa at det ligg 6 millionar til overskot etter 2020, om dette sa Bjørnar Fjellhaug sa at kommunen framleis er på Robek og må halda igjen, men støttar framlegget om å komma tilbake til kommunestyret med dei andre sakene.

    Anne Dahle Austrheim (KrF) sa det er viktig med dei 200.000 til kultur. Per Lerøy (Ap) sa om dette at det 14. august vert brujubileum i Kilstraumen, og der må det vera kaffi og kake for å markera at det er 50 år sidan bruene kom. Det er også 50 år sidan ungdomsskulen vart etablert, med jubileum same år som den vart flytta, og 30 år sidan frivilligsentralen kom.

    Odd Harald Dommersnes sa at det er vedlikehaldsetterslep fleire stader er, Rolf Henning Myrmel la til at det nok kjem meir til naudsynt vedlikehald, både på bygg og under jorda.

    Handsaming i formannskapet:
    Samrøystes for rådmannens framlegg til vedtak, med tillegg om 500.000 kroner til varmeanlegg Kystbarnehagen, og 200.000 kroner til utstyr til reinhaldarar. Administrasjonen skal komma tilbake i juni-møtet med ei sak om ombygging kommunehuset og planane «Områdeplan for bustadområde B36 på Kaland og Fonnes og friområdet ved Ekornsåta, planid. 2021002», og «Reguleringsplan for Bustadområdet B07 og skuleområdet ved Austrheim Vidaregåande skule, planid. 2021001».

  • Koronastønad til lokale verksemder, etter statleg løyving i februar og april 2021 Hoveddokument 742KB
    Brevdato: 26.04.2021
    Dokumenttype: Saksframlegg
    Ansvarlig enhet: Økonomi - Skatt
    Sakshandsamar: Bjarne Ve Sæbø

    Dokumenter

     

    Behandling

    Bjarne Ve Sæbø orienterte om saka.

    Kommunen har disponibelt i alt 822.940 gjennom to ulike statlege ordningar.
    Det var ni søknader innan fristen, og tildelinga er fordelt etter beste skjønn til desse ni.

    Per Lerøy (Ap) orienterte om kva drift som ligg bak dei ulike verksemdsnamna. Det var godt dokumentert det som var søkt om. Alle desse har nok tapt mykje meir enn dei får.

    Bjarne Ve Sæbø sa at Kilstraumen har fått støtte tidlegare, men oppfyller samstundes alle dei kriteria som låg i ordningane. Og kommunen er gitt betydeleg fridom til å dela dette som ein sjølv vil.

    Per Lerøy (Ap) la til at det er driftstilskot i denne runden, medan det var prosjekttilskot tidlegare.

    Inger Lise Brekke (H) spurte om idrettslaget kunne ha fått, og om ein har sikra seg at dei kjenner til ordninga. Om dette svara Bjarne Ve Sæbø at ein har annonsert i avisa, på nettsida og Facebook. Meiner ein har annonsert det godt ut frå dette. 

    Anne Dahle Austrheim (KrF) sa at det er gje lik informasjon om ordninga, og ikkje ta kontakt med spesielle, det kan bli uryddig.

    Kommunalsjef økonomi og personal, Odd Harald Dommersnes, sa at det er eigne tilskotsordningar til avlyste arrangement hjå idrettslag.

    Handsaming i formannskapet:
    Samrøystes for rådmannens framlegg til vedtak.

  • TV-aksjonen 2021 - oppretting av kommunekomité Hoveddokument 449KB
    Brevdato: 30.04.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Ordførar Per Lerøy orienterte om saka.

    Handsaming i formannskapet:
    Samrøystes for rådmannens framlegg til vedtak.

Frammøte

Frammøte
PolitikarPartiMedlemstypeE-Post
Per LerøyArbeiderpartietOrdførarper.leroy@austrheim.kommune.no
Inger Lise BrekkeHøgreVaraordførarilb5943@yahoo.no
Ann Kristin LeirvågArbeiderpartietVaramedlemKristin1964@gmail.com
Anne Dahle AustrheimKristeleg FolkepartiVaramedlemannedahleaustrheim@gmail.com
Reidar ØksnesSenterpartietVaramedlem56roek@gmail.com
Bjørnar Fjellhaugbjornar.fjellhaug@austrheim.kommune.no
Rolf-Henning Myrmelrolf.henning.myrmel@austrheim.kommune.no
Monika Kvammemonika.kvamme@austrheim.kommune.no
Odd Harald Dommersnesodd.harald.dommersnes@austrheim.kommune.no
Asbjørn Nagell Toftasbjorn.n.toft@austrheim.kommune.no
Bjarne Ve Sæbøbjarne.ve.sebo@austrheim.kommune.no
Morten Sognnes (Ikke møtt) HøgreMedlemmorten.sognnes@austrheim.kommune.no
Helge Dyrkolbotn (Ikke møtt) Kristeleg FolkepartiMedlemHelge.Dyrkolbotn@vlfk.no
Bjørn Inge Håland Dyrkolbotn (Ikke møtt) SenterpartietMedlemBjorn.Inge.Dyrkolbotn@austrheim.kommune.no

Kontaktinformasjon om tenesta

Austrheim kommune
Sætremarka 2
5943 Austrheim
Telefon: 56162000
ACOS Innsyn levert av ACOS AS