Čoahkkin Formannskapet 03.06.2021

Vedtak

Innkalling og sakliste vart godkjent

Behandling

Handsaming i formannskapet:
Rådmannen sitt framlegg vart samrøystes vedteke

Vedtak

Møteprotokoll frå forrige møte vart godkjent

Behandling

Handsaming i formannskapet:
Rådmannen sitt framlegg vart samrøystes vedteke

Vedtak

Ingen meldingar til dette formannskapsmøtet.

Behandling

Ingen meldingar til dette formannskapsmøtet.

Handsaming i formannskapet:

Behandling

Avdelingsleiar Asbjørn Toft orienterte om dei delegerte sakene.

Handsaming i formannskapet:
Rådmannen sitt framlegg vart samrøystes vedteke

Behandling

Kommunedirektør Bjørnar Fjellhaug orienterte om framdrift for oppgradering av skulebygg. Rådgjevingsselskapet Inventura sendte ut prosjektet 2. juni, for å få inn tilbod om totalentreprise. Håpar på interessentar før sommaren, slik at ein kan inngå avtalar like over sommaren. Målet er at utbetringane skal stå klart til skuleåret 2022/23, og per no er ein i rute til for denne tidsplanen.

Handsaming i formannskapet:
Rådmannen sitt framlegg vart samrøystes vedteke

Vedtak

Austrheim kommune gjev på vilkår dispensasjon frå kommuneplan plan-id: 2013001 og dispensasjon frå kommuneplanen sin arealdel til omsøkt flytebryggje:

1. Flytebryggja vert skilta som open for ålmenta.

2. Fortøyningsblåsene i område tilhørande søkjar må fjernast.

Grunngjevinga er gjeve i saksutgreiinga. Vedtaket er heimla i plan- og bygningslova § 19-2, jf. § 11-6 og § 1-8.

Behandling

Sakshandsamar Christopher Straumøy og avdelingsleiar Asbjørn Toft orienterte om saka.

Helge Dyrkolbotn (KrF) spurte kring det å gje dispensasjon frå ein relativt ny kommuneplan. Asbjørn Toft svara at det vart stroke mange innspel i samband med rulleringa av kommuneplanen. Alle har rett til å søka om nytt tiltak, og desse skal handsamast.

Helge Dyrkolbotn (KrF) spurte om dette vil skapa presedens, her svara Christopher Straumøy at det vil det ikkje.

Ordførar Per Lerøy (Ap) sa at Statsforvaltaren strauk mange innspel i strandsona ved rulleringa av kommuneplanen. Statsforvaltar tolkar regelverket veldig strengt, mange som synest det er strengt handheva her på grunn av at det er for stor utbygging i Oslofjorden.

Helge Dyrkolbotn (KrF) sa seg samd i at det skal vera mogleg å koma til sjø, men spørsmålet er om alle skal ha rett til eiga flytebrygge. Christopher Straumøy presiserte at flytebrygga skal merkast med at den er open for ålmenta.

Morten Sognnes (H) spurte om dette kan øydelegga for etableringa av eit felles bryggeareal seinare på området som er sett av til det. Her svara Asbjørn Toft at det vil vera stor interesse for båtplass der, også frå innbyggjarar frå andre deler av kommunen.

Handsaming i formannskapet:
Rådmannen sitt framlegg vart samrøystes vedteke

Vedtaket vert sendt til Statsforvaltar i Vestland for klagevurdering.

Behandling

Avdelingsleiar Asbjørn Toft orienterte om saka. Dette er eit anlegg (energitunnel) som for det meste ligg i Alver kommune, men etter høyringa må merknadene likevel handsamast av politikarane i Austrheim.

Ordførar Per Lerøy (Ap) sa at dette er noko av det prosjektet som GreenSpot Mongstad har søkt om støtte til, 50 millionar kroner til utgreiing av prosjektet.

Asbjørn Toft sa at det kan bli tale om oppdrettsanlegg på 30.000 tonn, seks gonger større enn det største anlegget i Austrheim i dag (ved Øksneset).

Handsaming i formannskapet:
Samrøystes for rådmannens framlegg til vedtak.

Behandling

Konstituert kommunedirektør Bjørnar Fjellhaug orienterte om arbeidet med Årsrapport 2020, som er gjort tilgjengeleg i den digitale løysinga Framsikt.

• Frå 2021 vert årsrekneskapen og årsrapporten lagt i same sak.

• Legg opp til strategisamling for kommunestyret til hausten, mellom anna med tanke på eigarskap og representasjon.

• Vert tøft økonomisk framover, der ein mellom anna må flytta ressursar over frå skule til helse, med den folketalsutviklinga ein har.

• Rekneskap og årsmelding er godkjent. At det er atterhald frå revisor heng saman med nye krav for oppsett, og formalitetatar som heng saman med den siste oppdateringa av kommunelova.

Per Lerøy (Ap) refererte frå kontakt med revisor, om at rekneskapen er godkjent, og at det er starta ein prosess for på sikra at dei formelle feila vert retta og ikkje kjem tilbake neste år. Lerøy la til at med Framsikt er det lettare å ha oversikt over budsjett og rekneskap.

Helge Dyrkolbotn (KrF) sa at tala er veldig lett tilgjengelege med denne løysinga, greitt å finna fram til det ein ønskjer å finna.

Kommunedirektør Bjørnar Fjellhaug sa at det skal leggast ut ein PDF-variant saman med vedlegga, og at det elles skal ordnast utskrift som er tilgjengeleg i Servicekontoret. (Servicekontoret bidreg med dette)

Inger Lise Brekke (H) sa at storparten som er gjort er bra, dei feila som er gjort med årsmeldinga reknar ein med er retta til neste år. Brekke spurte om skuleverket har tilgang til informasjonen som ligg her i Framsikt, lokalkjent informasjon er kjekkare for skuleborna i undervisninga. Her stadfesta Fjellhaug at dette er mogleg å bruka.

Odd Harald Dommersnes, kommunalsjef økonomi- og personal, sa at det har vore diskusjonar kring om Framsikt var godkjent for levering av årsrekneskapen. Kommunedirektør Bjørnar Fjellhaug sa at kommunen har krav på å driva med digitalisering, og revisjonen må henga med.

Inger Lise Brekke (H) og Helge Dyrkolbotn (KrF) uttrykte begge tillit til at rekneskap og rapport er gjort på ein god måte.

Morten Sognnes (H) sa at også revisjonen må oppdatera seg etter dei nye løysingane som kjem.

Handsaming i formannskapetSamrøystes for rådmannens framlegg til vedtak.

Vedtak

1. Kommunestyret vedtek Austrheim kommune sin årsrekneskap for 2020.

2. Kommunestyret vedtek å disponere årets rekneskapsmessige mindreforbruk til avsetning for disposisjonsfond kr.6 622 326,65,-.

Behandling

Odd Harald Dommersnes, kommunalsjef økonomi- og personal, orienterte om arbeidet med årsrekneskapen. Denne er for 2020 laga både i Framsikt og som eit eige vedlegg som vart produsert for revisor.

For overskot 2020 og 2021 er det føringar frå Statsforvaltar om at kommunen skal setta dette av til disposisjonsfond.

Per Lerøy (Ap) sa at det er bra at det er samsvar mellom budsjett og rekneskap, både på inntekter og utgifter. Tidlegare år har det gjerne vore ei gliding der auka inntekter har gitt auka utgifter, utan politisk vedtak. Skal vera politiske vedtak for å auka utgiftene.

Odd Harald Dommersnes viste til at ein frå 2019 til 2020 ikkje auka utgiftene, særleg er det innan barnehage og skule god kontroll på utgiftene. Inger Lise Brekke (H) spurte om dette går ut over tilbodet til elevane, her svara kommunedirektør Bjørnar Fjellhaug at det ikkje har gått ut over tilbodet til borna, men at det ikkje er heldig over tid å bruka så mykje mindre midlar enn budsjettert.

Kommunedirektør Bjørnar Fjellhaug sa at barnevern slo positivt ut i 2020 med eit mindreforbruk på kring 2 millionar kroner.

Odd Harald Dommersnes, kommunalsjef økonomi- og personal, gjekk gjennom tala slik dei ligg i Framsikt, under Økonomi og Personal.

Ordførar Per Lerøy (Ap) viste til vedtak gjort i Alver om å setta tilknytingsgebyret for vatn til landbruksbygg likt med avgifta for vanlege hus. Betalar forbruket etter eigne satsar. Dette bør gjerast i Austrheim også.

Odd Harald Dommersnes, kommunalsjef økonomi- og personal, viste til at kostnader til interkommunale samarbeid går opp utan at kommunen har påverknad. Rådmann Bjørnar Fjellhaug sa at det ikkje er mogleg å plussa på 1,1 millionar kroner årleg på desse IKS-samarbeida, kommunen må vurdera kva tilbod ein bør delta i.

Helge Dyrkolbotn (KrF) spurte om dei tilboda som vert gitt er gode nok, der det er reduserte utgifter, slik det har vore etter barnevernssamarbeid med Alver. Her svara Odd Harald Dommersnes at det handlar ein del om at Alver som større kommune kan forhandla seg til betre prisar.

Handsaming i formannskapet:
Samrøystes for rådmannens framlegg til vedtak

Vedtak

Kommunestyret vedtek kommunedirektøren sitt framlegg til budsjettjusteringar i samband med tertialrapporten for fyrste tertial 2021.

I tillegg foreslår H og Ap at det vert sett av kr 100.000,- til oppgradering av hagen på oppsida av Nordliheimen.

Behandling

Kommunalsjef økonomi og personal, Odd Harald Dommersnes, gjekk gjennom saka. Ser ikkje at det kan brukast meir enn 1 million kroner til ombygging av kommunehuset, med dei utgiftene ein ser vil komma seinare i haust, mellom anna må det settast av 350.000 kroner til rekruttering av ny kommunedirektør.

Kommunedirektør Bjørnar Fjellhaug sa at han er samd med dette om å komma tilbake med ein plan for arbeidet med kommunehuset, men det er ønskje om å få ei ramme no.

Thomas Lindås sa at reinsking av Servicekontoret vil kosta 100.000 kroner. Per no ser det ikkje ut for at det vert mindre enn 1 million for ombygging, heller meir. Ordførar Per Lerøy (Ap) sa at det er klart at ein million kan vera for lite, men at ein ønskjer å ha ein plan slik at politikarane kan seia si meining om kva som bør prioriterast.

Helge Dyrkolbotn (KrF) sa at det er gjort budsjettjusteringar og legg opp til fleire, der alt er saldert mot auka skatteinngang. Er dette sikkert nok? Dommersnes svara at det er på grunn av usikkerheit at det er sett opp ein million og ikkje to millionar til kommunehuset.

Inger Lise Brekke (H) sa at det er tenkt frå politikarane at det skal gjerast noko som ikkje må rettast igjen om nokre få år. For Fensfjorden PPT er det viktig å ha eit godt tilbod, sidan ein skal visa seg fram for andre kommunar.

Per Lerøy (Ap) sa at det må gjerast så skikkeleg som mogleg. Sjå etter kva som er hensiktsmessig, kanskje sjå om enkelte tenester kan flyttast til leigde lokale, som til dømes bibliotek og Frivilligsentral. Treng møterom med lydisolering.

Helge Dyrkolbotn (KrF) sa at ein gjerne må sjå langt fram i kartlegginga, men setta opp kva ein må gjera no innanfor denne millionen. Inger Lise Brekke (H) sa seg samd i at ein kan tenka langt framover men ikkje gjera alt no, men la til at det som vert gjort må vera i tråd med det som er tenkt på lengre sikt.

Per Lerøy (Ap) ga som døme at ein kan seia at HC-toalett i 1. etasje kan vera tilstrekkeleg i første omgang.

Kommunaldirektør Bjørnar Fjellhaug sa at det er fleire ting som spelar inn:

• Legga til rette for Fensfjorden PPT.

• Tenka tryggleik.

• Kvar skal servicemottaket vera plassert i bygget?

• I andre kommunar er gjester avhengig av å ha avtale, loggar seg på når dei kjem og vert henta av den som avtalen er med.

• Stemmer som det er sagt at det er mangel på møterom med tilstrekkeleg lydisolering.

Inger Lise Brekke (H) spurte om kva oppgåver som skal ligga i eit publikumsmottak/innbyggarservice, og kvar det skal ligga. Kan ligga i senteret, det vil skapa aktivitet og også vera heldig for næringslivet der. For det som skal vera på kommunehuset kan ein sjå på om det er mogleg å samla publikumstenester i 1. etasje.

Per Lerøy (Ap) sa at det må leggast godt til rette når ein inviterer andre kommunar inn i samarbeidet om Fensfjorden PPT.

----

Per Lerøy (Ap) viste til framlegget frå H og AP om pengar til hagen ved Nordliheimen. Dette handlar også om andre kommunale eigedommar, at den tilsette ser på eigedommen ein jobbar ved, og tar ansvar der. (Framlegget frå Ap/H ligg ved møteboka)

Kommunalsjef Thomas Lindås sa at ein skal jobba med eigarskap til der ein jobbar. Det gjeld alle avdelingar og alle tilsette.

Kommunedirektør Bjørnar Fjellhaug sa at det er eit haldningsarbeid som må gjerast i heile organisasjonen, på fleire felt.

Helge Dyrkolbotn (KrF) sa at det kanskje er annleis no enn tidlegare, at det er lettare å be at teknisk skal ordna dette.

Inger Lise Brekke (H) sa at ein må sjå på om det er mogleg å invitera pårørande og andre inn til dette arbeidet.

Morten Sognnes (H) sa at dette med robotklypparar kan vera noko å satsa på, for å frigjera arbeidstid. Her svara Bjørnar Fjellhaug at dette er noko å prøva ut. Sognnes sa vidare at det er bra å dela opp oppgåvene og gje den tilsette sitt arbeidsområde som dei skal ta ansvar for.

Handsaming i formannskapet
Samrøystes for rådmannens framlegg til vedtak, med tillegg av innspelet frå Ap/H:

H og Ap støttar kommunedirektøren sitt forslag til budsjettjusteringar, men ber om at kommunedirektøren legg fram ein meir detaljert plan for korleis løyvinga til planarbeidet for kommunehuset skal nyttast. Denne planen må leggjast fram for kommunestyret når saka skal opp til endeleg behandling der.

I tillegg foreslår H og Ap at det vert sett av kr 100.000,- til oppgradering av hagen på oppsida av Nordliheimen.

Behandling

Kommunalsjef økonomi og personal, Odd Harald Dommersnes, gjekk gjennom saka.

Ordførar Per Lerøy (Ap) viste til at det i nabokommunar har variert veldig mellom estimata for inntekter og utgifter, det har ein ikkje hatt her i Austrheim.

Per Lerøy (Ap) sa om demografi og utgifter at folk er sprekare enn før opp i alder, men må legga til rette med omsorgsbustader slik at folk kan bu heime lenger, og ha eit tenestetilbod som er tilrettelagt. Rigga Nordliheimen på ein effektiv måte.

Helge Dyrkolbotn (KrF) sa at tilbod som Furuly og andre er ein viktig del av dette, Per Lerøy svar at det ikkje er mål at kommunen skal bygga. Bra som på Furuly at det er samla, heimehjelp kan svinga innom fleire bebuarar på same turen.

Inger Lise Brekke (H) sa at kommunen får meir og meir ansvar, for demente, for unge pleietrengande og for dei som vert raskare utskrivne frå sjukehus etter inngrep eller liknande.

Ordførar Per Lerøy (Ap) sa ein må satsa på at eldre bur heime lengre, og vidare bruk av omsorgsteknologi og bygging av omsorgsbustader.

Inger Lise Brekke (H) spurte om det finnest ei oversikt over kva som ikkje er lovpålagt. Bjørnar Fjellhaug svara at dette skal synleggjerast gjennom budsjettarbeidet. Både sjå på kva tenester ein skal tilby, og kva nivå det skal vera på desse tenestene.

Inger Lise Brekke (H) sa at det kan vera ikkje-lovpålagde tenester der ein ser at ringverknadene er store at det er verdt det å halda oppe støtta.

Helge Dyrkolbotn (KrF) sa at det også handlar om at eit tilbod som kanskje ikkje er lovpålagt, kan vera det som fører til at folk flyttar til kommunen, og då er det ei investering som er verdt det.

Ordførar Per Lerøy (Ap) sa at det er viktig å satsa på tilflytting, for utviklinga vidare. Om disposisjonsfondet sa Lerøy sa at dette bør formulerast slik at det skal vera på eit visst nivå som snitt over tid, som ein buffer.

Morten Sognnes (H) sa at ein åtte års økonomiplan kan sjåast på som ein strategiplan.

Odd Harald Dommersnes sa at det for åra framover er lagt opp til auke for sektoren helse, omsorg og frivillige tenester, men dei andre sektorane ligg flatt.

Inger Lise Brekke (H) sa at løyvinga til steinalderstien ved Fosnstraumen kan gå ut, andre kan ta denne kostnaden.

Helge Dyrkolbotn (KrF) sa at det er fornuftig om formannskapet tar ei drøfting saman med administrasjonen om kva som skal vera måla for kommunen framover. Gjerne eit møte der ein jobbar med måla, utan å gjera noko vedtak.

Kommunedirektør Bjørnar Fjellhaug sa at det frå budsjettsamlinga 25. mai vart gjort ei slik bestilling om drøftingsmøte, og at det er viktig å setja nokre mål.

Helge Dyrkolbotn (KrF) sa at det er viktig å tenka høgt saman om dette, sjå på kva ein kan gjera for å få folk til å flytta til Austrheim.

Inger Lise Brekke (H) sa at det er like viktig å halda på dei innbyggjarane ein har, som å få tak i nye. Per Lerøy (Ap) svara at det må vera første mål å få dei som er frå Austrheim til å bli buande, eller flytta heim igjen.

Morten Sognnes spurte om status for steinalderstien i Fosnstraumen. Kommunedirektør Bjørnar Fjellhaug sa at det er fleire utfordringar her:

• Er gitt midlar frå fylket, men desse kan ikkje brukast til skogrydding.

• Strenge krav på korleis skogryddinga skal gjennomførast.

• Er på annan manns grunn, må anten kjøpa eller få ein langsiktig avtale med grunneigar.

• Har måtta betala tilbake ein del midlar på grunn av sein framdrift, men Riksantikvaren har signalisert at ein kan søka seinare når ein er klare til å gå i gang.

Handsaming i formannskapet:
Samrøystes for rådmannen sitt framlegg til vedtak

Behandling

Kommunalsjef økonomi og personal, Odd Harald Dommersnes, gjekk gjennom saka.

Dette er midlar som er frigjort, men samstundes er det ikkje midlar som kommunen kan disponera, det vert ståande i pensjonsfondet.

Handsaming i formannskapet:
Rådmannen sitt framlegg vart samrøystes vedteke

Vedtak

Kommunedirektøren får fullmakt til å endra planar der namn står til funksjon, og at det vert gjennomgåande i kommunale planar at det vert nytta tittel/funksjon i staden for namn.

I smittevernsplanen vert namn endra med funksjon, slik at det til ei kvar tid er fungerande smitteoverlege som har ansvar for smittevernet i Austrheim kommune.

Behandling

Kommunedirektør Bjørnar Fjellhaug sa at det er ønskjeleg å endra planar slik at roller er knytte til funksjon og ikkje namn, både generelt og i dette konkrete tilfellet for Smittevernplanen.

Handsaming i formannskapet:
Rådmannen sitt framlegg vart samrøystes vedteke

Behandling

Kommunalsjef helse og omsorg Monika Kvamme orienterte om saka.

Helge Dyrkolbotn (KrF) sa at ein må sjå på meir enn berre veggar og tak, men oppgraderingar også elles for å gjera bygget tenleg. Her svara Monika Kvamme at det gjeld også fiber og velferdsteknologi.

Morten Sognnes (H) ba om at tilstandsrapporten er differensiert slik at ein ser bygg for bygg.

Handsaming i formannskapet:
Rådmannen sitt framlegg vart samrøystes vedteke

Behandling

Kommunedirektør Bjørnar Fjellhaug orienterte om saka.

Handsaming i formannskapet:
Rådmannen sitt framlegg vart samrøystes vedteke

Behandling

Kommunalsjef økonomi og personal, Odd Harald Dommersnes, gjekk gjennom saka.

• Denne typen finansrapport vil bli gitt ut til formannskapet i samband med handsaminga av tertialrapportar framover.

• Det finansreglementet som kommunestyret vedtok i 2020 følgjer ein ikkje per no, men kjem etter kvart i hamn, mellom anna med å oppfylla kravet om at det skal vera fastrente på minst 33 prosent av låneporteføljen.

• Ser at det er mogleg å få betre vilkår ved konkurranseutsetting, og det hjelper også at kommunen no er ute av Robek-lista.

Inger Lise Brekke (H) sa at det er bra med engasjement rundt dette med økonomi.

Inger Lise Brekke (H) sa at arbeidsløysetala er Austrheim no under 3-talet, det er ei bra utvikling.

Per Lerøy (Ap) viste til at kostnadene til personale er over budsjett, må vera på vakt for at dette ikkje utviklar seg.

Odd Harald Dommersnes sa at ein må sjå på dette med sjukefråvær. Kommunedirektør Bjørnar Fjellhaug sa om dette at ein må kunna forventa at folk er på jobb, og at dei løyser dei oppgåvene som arbeidsgjevar har behov for å løysa. Skal ha fokus på sjukefråvær, og har sett i gang eit eige nærværsprosjekt der Sissel Berge Monslaup skal jobba med nærvær for heile kommunen.

Inger Lise Brekke (H) sa at ein må jobba både med å få ned sjukefråvær, og med førebygging. Må jobba med arbeidsmiljøet, for å unngå at det skjer konfliktar eller anna som over tid kan føra til sjukefråvær.

Morten Sognnes (H) sa at det er bra med fokus på sjukefråvær. Kva er samanhengen mellom Korona-pandemi og pålegg om å halda seg heime, og sjukefråværet? Her svara Bjørnar Fjellhaug at ein ikkje ser ein direkte link mellom Korona og fråværet. Der dei er tettast på, som legekontoret, er fråværet lågast.

Inger Lise Brekke (H) spurte om korleis det er tenkt kring heimekontor? Har det slått positivt ut med fleksibilitet kring heimekontor.

Odd Harald Dommersnes sa at det er langtidsfråvær som er utfordrande. Har over 20 personar til ei kvar tid med langtidsfråvær. Er ein lenge vekke, er det tungt å komma tilbake til jobb etterpå. Det er desse ein må ta fatt i, og hjelpa tilbake igjen.

Per Lerøy spurte om kvifor det er avvik på Administrasjon og Undervisning, her svara Bjørnar Fjellhaug at det viser betre om ein skil ut Vaksenopplæringa som eigen post, for slik å få betre oversikt over kvar pengane går.

Odd Harald Dommersnes sa at det er sett opp større investeringar enn det er midlar til, slik at ein må sjå på kva som skal prioriterast her.

Helge Dyrkolbotn (H) spurte om kva som er med i sjukemeldingstala, Odd Harald Dommersnes svara at det er langtidsfråværet som er problematisk, fråvær på grunn av sjuke born med meir er ikkje med i desse tala.

Inger Lise Brekke (H) sa at ein må sjå på arbeidsmiljø med tanke på arbeidskultur og relasjonar.

Odd Harald Dommersnes spurte om investeringsmidlar til kyrkja (200.000 kroner), formannskapet sa at dette kan betalast ut no.

Handsaming i formannskapet:
Samrøystes for rådmannens framlegg til vedtak, med tillegg om at investeringsmidlar til kyrkja kan betalast ut no (200.000 kroner)