Lávdegoddi: | Formannskapet |
---|---|
Dáhton: | 26.08.2021 09:15 - 13:50 |
Čoahkkinbáiki: | Austrheim samfunnshus |
Dilli: | Čoahkkima beavdegirji lea válmmas |
Áššekárta | |
Čoahkkinbeavdegirji |
Kommunedirektøren sitt framlegg vert samrøystes vedteke
Møteprotokoll frå møte 03.06.21 og 16.06.21 vert godkjent
Kommunedirektøren sitt framlegg vert samrøystes vedteke
Kommunedirektøren sitt framlegg vert samrøystes vedteke
Kommunedirektøren sitt framlegg vart samrøystes vedteke
Kommunalsjef Monika Kvamme - Status Korona:
Det er gjort og blir framleis gjort ein stor jobb. Vaksinerer 240 i dag, torsdag 26.08. Meir enn 2000 har fått si første dose og 1546 har fått dose to. Vi har kortare intervall no og det ser ut til at vi stort sett blir ferdig i løpet av september. Gravide og 16 - 17 åringar får no tilbod om vaksine. Medan vi tidlegare berre måe ta til takke med det vi fekk av vaksiner, er det no slik at vi må bestille det vi treng. Vi bestiller for 14 dagar om gongen. Framleis er det utfordring i høve testing på skule både med kapasitet innan våre ressursar og tal på testar tilgjengeleg.
Totalt sidan starten har Austrheim testa 2052 personar. Vi er kome langt med vaksinering og det er no slik at ein fokuserer på vaksinering og nedprioriterer TISK- viss det er nødvendig.
Helge Dyrkolbotn (Krf) - Mykje ros til helse og pleie og omsorg for gjennomføringa. Vaksinering på skulen skjer i samarbeid med Alver kommune noko som er svært positivt.
Varaordførar Inger Lise Brekke (H) - hadde to spørsmål: Får vi melding om kor mange av våre innbyggjarar som er vaksinert sjølv om dei har fått vaksine ein anna stad? Monika Kvamme kunne stadfeste at det gjer vi.
Kan tilsette i skule og barnehage føreta testing? Monika Kvamme svara at det kan vere det er slik vi må gjere det, men at utfordringa no er at vi ikkje har så mange testar.
Inger Lise Brekke kommenterte vidare at vi no kjem over i ein situasjon der vi må forholde oss til smitte på ein anna måte. Tiltak må kanskje lempast på for det er ei belastning for arbeidslivet å halde fram med tiltaka, men vi må sjølvsagt prøve å unngå at folk vert alvorleg sjuke.
Monika Kvamme - Tiltak er under vurdering heile tida, men folk må framleis vere flinke skal vi unngå smitteutbrot.
Ordførar Per Lerøy (Ap) - må skryte av måten tilsette har handtert situasjonen på, no er det om og gjere å stå distansen ut. Det er gjort ein kjempe jobb både når det gjeld testing og vaksinering.
Avdelingsleiar Asbjørn Nagel Toft - Rydding mot utmarksbrann:
Firma Arne Eikeland fekk jobben og er kome svært godt i gong i området rundt kommunesentert. Dei byrja i slutten av juni langs gang- og sykkelvegar til Årås skule. Ein let einskilde tre stå att for å dempe ny oppvekst og planta kastanjetre er teke vare på. All sitkagran, furu og einer (over 1 meter) blir fjerna. Fristen for arbeidet er 1. november og da skal han nok vere ferdig. I samarbeid med pleie og omsorgsavdelinga blir det etter at det andre er ferdig også rydda rundt Vestlia og omsorgsbustadane. Åråsfeltet blir ikkje med i denne omgang.
Per Lerøy (Ap) - Det er nok den posten på facebook som har fått flest likes av det vi har gjort. Det blir sett stor pris på arbeidet blant innbyggjarane. Kva med tre som blir felt, kan vi produsere ved av det eller kan folk hente og produsere ved sjølv? Vi såg til hendingar i Lærdal og Øygarden og søkte om midlar. Kan vi søkje om meir midlar? Vi har gode argument og har også fått positive tilbakemeldingar frå brannsjefen i Bergen.
Asbjørn Nagel Toft- Folk må eventuelt ta direkte kontakt med entrepenøren om dei felte trea, det er også noko som etter avtale går til grunneigarar. På sikt må vi prøve å få til aktiv beiting der vi ryddar. Aktivt landbruk er viktig i denne samanhengen.
Helge Dyrkolbotn (Krf) - Det er eit svart bra prosjekt, fint å sjå at det lysnar rundt omkring og Arne Eikeland har fått nye oppdrag frå private rundt omkring. Kva med området rundt vanntårnet i Åråsfeltet?
Asbjørn Nagel Toft - I samband med anbodet greidde vi ikkje å få med meir enn det vi har byrja med, rundt kommunesenteret. Vi vil gjere det heilt ferdig og har ikkje midlar til nye området no.
Reidar Øknes (Sp) - Prosjekter er nødvending. Kanskje kan ein etterkvart få meir ut av midlane. Elektrisk gjerde og sleppe dyr på beite vil gi ei positiv effekt. Klart noko må ein ta med maskin, men kan vi ta ei sak til landbruksfagrådet ang. beitebruksplan og slik få meir ut av midlane. Viktig at ein held det ved like, berre sjå til frilutftsområdet i Øksnes, der det har vokse opp att.
Per Lerøy (Ap) - Det er ikkje enten eller, ein må gjere begge delar. I Lerøy har det vore beiting, men grana veks opp likevel. Vi må både få på plass aktiv beiting og ta ned tre.
Asbjørn Nagel Toft – Det er ein del store grensetre og det er ikkje ein del av prosjektet, men på sikt må vi få det vekk. Beitedyr tek ikkje gran og furu på den måten at vi får alt vekk. Det kan også vere myr, men uansett er førebygging viktig.
Kommunalsjef Thoma Lindås og kommunalsjef Monika Kvamme- Tilsetjingar:
Prosessen med å tilsetje ny kommunalsjef for oppvekst og kultur er godt i gong. Det var 10 søkjarar og fleire er innkalla til intervju. Kommunedirektøren har god tru på at dei finn ein kommunalsjef blant desse.
Legestilling vert utlyst på nytt, kan vere at ein må sjå på kombinasjon mellom kommunalt tilsett og sjølvstendig næringsdrivande for å gjere det meir attraktivt.
Leiande helsesjukepleiar skal etterkvart over i pensjon og det vert lyst ut ei stilling som helsesjukepleiar med tilsetjing frå 01.01.22. Avdelinga har to tilsette i 100% stilling og ved hjelp av prosjektmidlar ei i 80% stilling.
Kommentarar frå formannskapet:
Inger Lise Brekke (H) - vi ønsker fulltidsstillingar også i typisk kvinneyrker, og for å vere meir attraktiv som arbeidsgjevar. Kan vi løyve resterande frå lønsmildlane for å få ei 100% stilling?
Kommunalsjef Monika Kvamme svara at det er noko ein må sjå på, pandemien har vist kor viktig desse stillingane er.
Per Lerøy (Ap) - vi ønskjer 100% stillingar, det er signalet frå politikarane.
Vi har høgare dekning av helsesjukepleiar enn det vi er plikta til i høve elevar på Austrheim vidaregåande.
Helge Dyrkolbotn (Krf) - kan vere vanskeleg å gi ekstra midlar til akkurat den stillinga når vi veit at det er mange andre mindre stillingar, men intensjonen for fulltidsstllingar er klar.
Morten Sognnes (H) - det er heller ikkje alle som av ulike grunnar ikkje ønskjer full stilling
Inger Lise Brekke (H) - vi må tenkje på at det er prat om to ulike stillingar, nokre er turnus medan andre er kontorstillingar. Stillingar bør utlysast i 100%, å kan heller tilsette søkje seg ned i stilling seinare.
Kommunalsjef Monika Kvamme - når det gjeld fysioterapitenesta har den nye fysioterapeuten, Artur Øvreås, nett teke til i stillinga si. Etterkvart skal ergoterapeuten, våre fysioterapeuter inn i ei samlokalisering med Roger Villanger (privatpraksiserande med driftstilskot). Vi skal leige lokale på Mastrevik Torg, vi ser fleie fordelar med dette og vi trur dette er ei framtidsretta løysing.
Kommunalsjef Thomas Lindås - vi har inngått leigeavtale med Coop, det er ei ryddig og god avtale og Roger Villanger er med som leigetakar.
Per Lerøy (Ap) - fysioterapilokala i kjellaren på Nordliheimen har ikkje vore gode verken for tilsette eller brukarar, lokalet blir bra med universell tilkomst.
Personal og økonomisjef Odd Harald Dommersnes -
AS Austrheim Næringsselskap har kjøpt Setenesvegen 46 og leigd den ut til Austrheim kommune som framleiger til fysioterapeut.
Førebur ei sak om utvida rolle for AS Austrheim Næringsselskap som eigar for kommunale bustader og eventuelt andre kommunale bygg. Austrheim kommune eig 13 bustader utanom Vestlia og dei i Sætremarka burettslag. Næringsselskapet vert då utleigar av bustadane. Det vert jobba med jus, samansetning av styret med meir til saka som vert lagt fram i oktober.
Per Lerøy (AP) - ein må legge vekk vedtaket frå tidlegare, vi må bruke næringsselskapet aktivt. Dei offentlege bygningane har vore prioritert ikkje bustadane og
Helge Dyrkolbotn (Krf) - vi har ikkje brukt Austrheim Næringsselskap godt nok og det høyrets fornuftig ut med bustadane, men kva med samhandling med andre kommunale tenester, kan vi sikre det?Odd Harald Dommersnes svarte at det må ligge ei god avtale til grunn, der kommunen må definere nivå på tenentene næringsselskapet skal gi kommunen.
Inger Lise Brekke (H) - ein treng midlar ved oppstart av ei selskap, kor får ein det frå?
Odd Harald Dommersnes - ein kan skrive opp verdiane i Mongstad Vekst og nytt til finansiering.
Per Lerøy (Ap) - Verdiane i Mongstad Vekst er i realitenen mykje høgare enn det som er bokført.
Morten Sognnes (H) - dette høyres fornuftig ut. Kan ein risikere og måtte dekke tap ved konkurs?
Odd Harald Dommersnes - det er begrensa ansvar når det er eit AS og vil ikkje ligge garantiar frå kommunen.
Reidar Øksnes (Sp) - peiker på at dette er ei orientering, vi må først få sak på bordet og vedta at vi skal ha Austrheim Næringsselskap, så må vi ta stilling til vidare arbeid.
Personal og økonomisjef Odd Harald Dommersnes -
Kommunalsjef forvaltning og service Thomas Lindås går ut i permisjon frå no og fram til midten av desember. Avdelingsleiar Rolf Henning Myrmel erstattar han i leiargruppa. Grunna vakant stilling, permisjon med meir, vert HR- delen styrka med ekstern ressurs i ein periode på 6 månadar. Økonomi vert overført til rådmannen sin stab og framover blir det tre kommunalsjefar.
Vi skal ta i bruk systemet Webcruiter i samaband med søknadsprossessen ved utlysingar, få på plass ein del reglement og ha fokus på arbeidsforhold i einingane.
Per Lerøy (Ap) - dette høyres fornuftig ut.
Vidare vart følgjande diskutert i formannskapet:
Per Lerøy (Ap) – politiske vedtak som ikkje blir gjennomført som til dømes hagen ved Nordliheimen. Midlar og planar på plass, men ikkje noko er skjedd. Kommunedirktøren har fått på plass eit register over saker, ber om at dette blir presentert med status på kvart KS og FS møte. Det er ikkje sikkert det let seg gjere, grunna manglande kapasitet, men politikarane treng å vite om det. Tilbakemelding i møta er viktig.
Inger Lise (H) - dette er lurt. Samspill mellom politikarane og administrasjon kan bli enda bedre med dette. Det skaper openheit og får vekk ein del frustrasjon.
Thomas Lindås - vi kan hente mykje på kommunikasjon. Det er oppretta eit dokument, og vi er i sluttfasen med å sjekke ut korleis sakane ligg an.
Monika Kvamme - Når det gjeld hagen ved Nordliheimen ventar vi på prisar.
Helge Dyrkolbotn (Krf) – kjempe fint at vi får slike orienteringar. Vi må få eit ærleg svar på om vi kan gjennomføre. Det må vere realistiske vedtak vi gjer.
Thomas Lindås - ein måte å få meir realistiske vedtak på kan vere at politikarane sender saker til ugreiing, då kan administrasjon gjere ei grundig utgreiing før vedtak skal gjerast.
Reidar Øksnes (SP) - Kommunestyret og formannskapet har gjort vedtak, og kanskje utan at vi har hatt oversikt over kva ressursar ein treng for å gjennomføre. Vi må sjølvsagt forvente at administrasjon utfører, men viss ein ikkje har oversikt på vedtak og volum på arbeid i forhold til ressursane så er det ikkje så greit. Vi må vere klar over konsekvensar for nei og ja til vedtaka vi gjer.
Det kom og spørsmål frå formannskapet om kantslått, vi er trafikksikker kommune og det er trafikkfarleg når det veks høgt langs vegane våre. Thomas Lindås stadfesta at det er bestilt kantslått.
Sakshandsamar Christopher Marius Straumøy orienterte om saka.
Handsaming i formannskapet:
Kommunedirektøren sitt framlegg vart samrøystes vedteke
Avdelingsleiar Asbjørn Nagel Toft orienterte om saka: 2/3 av dette arealet ligg i Austrheim kommune. Mange utgreiingar vart gjort i samband med mogeleg leidning frå Johan Sverdrup og dei er nytta her, men det er og gjort nye utgreiingar. Det vert tilkomst via Keilevegen. På nordsida av Keilevegen er det ein del rekkefølgjekrav og ein må ha lik handsaming enten det er det offenlege eller private som regulerer. Det er mogeleg å justere vegen og ein kan sjå dette i samanheng med tidlegare regulert området på nordsida av vegen.
Ordførar Per Lerøy (Ap) sa at det er Mongstad Vekst som eig arealet. Dersom ein ikkje finn kjøpar til arealet, kan det hende at Austrheim kommune får tilbod om å overta arealet når Mongstad Vekst AS vert oppløyst. Dette vil då vere ein del av Austrheim kommune sitt utbyte frå Mongstad Vekst AS.
Reidar Øksnes (Sp) spurte om infrastruktur i høve overskotsvarme frå Mongstad. Til det svara Asbjørn Nagel Toft at det er det ikkje sagt noko om, men det er regulert inn i planområdet langs fylkesvegen.
Handsaming i formannskapet:
Kommunedirektøren sitt framlegg vart samrøystes vedteke
Sakshandsamar Christopher Marius Straumøy orienterte om saka.
Handsaming i formannskapet:
Kommunedirektøren sitt framlegg vart samrøystes vedteke
Austrheim kommune tek høyringsutkastet til Regional transportplan for Vestland 2022 – 2033 til orientering. Austrheim kommune vil framheva at konkrete prosjekta og tema som er med under pkt. 1-12 under må takast med i det planmessige og praktiske arbeidet vidare i RTP. Desse er:
1. Satsing på vedlikehald og punktutbetring på eksisterande fylkesvegar slik at ein får betre og tryggare vegar.
2.Det må byggjast gang- og sykkelveg på Fv. 565 frå Mastrevik til Fonnes og Litlelindås til Austrheim kyrkje.
3.Ny Alversund bru. Den brua som er her i dag toler ikkje tungtrafikk og er i dårleg stand.
4.Snøggbåten frå Bergen som går til og frå Selje/Sogndal er viktig for både pendlarar og andre reisande. Snøggbåtkaien på Vardetangen i Austrheim kommune må få eit venterom med ein standard som dei reisande der treng i dag.Snøggbåten frå Knarvik-Bergen er viktig for pendlarar og tilbodet må utviklast vidare. Sjøen og fjordane våre vert med nullutsleppteknologi ein framtidsretta og miljøvenleg ferdsleveg. Båttransport må i Vestland fylke difor verta eit viktig supplement i kollektivtilbodet i framtida.
5.Gode ferje- eller omkøyringsalternativ når Nordhordlandsbrua vert stengt.
6.Ferjeavløysingsprosjektet Masfjordbrua er eit viktig prosjekt for nærings- og
samfunnsutvikling i regionen.
7.Rekkefølgjekrav sett i reguleringsplanar til utbygging av infrastruktur på fylkesvegar før utbygging av næring- og bustadområde kan skje må medfinansierast av Vestland fylkeskommune.
8.Billetteringssystem og -satsar mellom buss, båt og tog må samkøyrast. God korrespondanse mellom ferjer og bussar i distrikta og eit godt busstilbod i helgane er viktig i heile Vestland fylke, det gjeld og til Austrheim kommune.
9.Gode og gratis løysingar for innfartsparkering i heile fylket slik at ein reduserer biltrafikken inn mot regionsenter og vidare inn mot Bergen.
10.Satsa på gode vidaregåande skular i distrikta. Dette reduserer og transportbehovet for mange av innbyggjarane våre. Effektiv skuleskyss til dei vidaregåande skulane er og viktig for trafikktryggleik og for ein god utvikling av våre vidaregåande skular framover.
11.Fv. 57 må omklassifiserast til Riksveg. Dette er og den viktigaste omkøyringsvegen for E39 i Nordhordland og Gulen.
12. Å utgreiia behovet for modulvogntog på Vestlandet slik det står i handlingsprogrammet på side 17 er feil prioritering i forhold til trafikktryggleik, økonomiske ressursar og det å prioritera utbetringar og vedlikehald av eksisterande fylkesvegnett.
Ordførar Per Lerøy la fram følgjande framlegg på vegne av Ap og Høgre i møte: Pkt. 6 bør flyttast opp til pkt. 1
Vidare diskusjonar i møte:
Pkt. 1 når det gjeld gang- og sykkelveg på Fv. 565 bør det stå Mastrevik til Fonnes og Litlelindås til Austrheim kyrkje
Pkt. 2 rette tekst til i dårleg stand
Pkt. 3 sette dei tre siste setningane først, slik at utgreiinga kjem til slutt
Formannskapet vedtek samrøystes framlegg til vedtak med følgjade endringar:
Pkt. 6 bør flyttast opp til pkt. 1
Pkt. 1 når det gjeld gang- og sykkelveg på Fv. bør det stå Mastrevik til Fonnes og Litlelindås til Austrheim kyrkjePkt. 2 rette tekst til i dårleg stand
Pkt. 3 sette dei tre siste setningane først, slik at utgreiinga kjem til slutt
Sakshandsamar Christopher Marius Straumøy orienterte om saka.
Handsaming i formannskapet:
Kommunedirektøren sitt framlegg vart samrøystes vedteke
Personal- og økonomisjef - Odd Harald Dommersnes orienterte:
Systemet Framsikt som vi no nyttar til rapportering har og ein politikarmodul. Det vil bli gitt opplæring og ein kan hente ut dei rapportane ein ønskjer å sjå på.
Samstundes har administrasjon strama opp rutinane for rapportering. Dette er det avdelingsleiarane som skal føreta.
Odd Harald Dommernes gikk gjennom rapporten og formannskapet kommenterte til einskilde punkt undervegs:
Varaorførar Inger Lise Brekke (H) kommenterte ang. reinhald at det er dyrt for kommunen å ha desse tenestene, å setje ut denne type tenester kan vere noko å tenkje på. Spesielt i samband med ekstra oppgåver som nedvask og covid slik at ein ikkje "bruker opp" dei tilsettte og får sjukefråver av den grunn. Kommunalsjef Thomas Lindås svar til dette at kommunen nyleg har valt å satse innan reinhald og at ein ikkje har sett effekten av dette endå. Ein del tilsette skal ta fagbrev innan reinhald og det kan og hjelpe til at ein jobbar annleis og betre framover.
(Inger Lise Brekke går frå møte og vara Ann Kristin Leirvåg tiltrer møtet)
Ordførar Per Lerøy (Ap) påpeikar at vi ikkje har frislepp av midlar, vi skal og bygge disposisjonsfond.
Reidar Øksnes (Sp) - har vi skrifteleg avtalar? Sett attende har det vore ein del avtalar som ikkje har vore heilt heldig.
Ordførar Per Lerøy (Ap) - ja når vi inngår noko forpliktande må det vere skriftleg, vi kan ikkje tillate oss å inngå lause avtalar. Svært bra at vi har to juristar i organisasjonen. Det synes som at administrasjon har god kontroll på avtalar no.
Kommunalsjef Thomas Lindås - vi er styrt av et lovverk i det vi gjer, og vi er nok vorte meir besvisst på dette med skriftleg dokumentasjon. Vi dokumenter nok ikkje alle samtalar med innbyggjarane, men har eit stort fokus på å dokumentere det som er viktig.
Ordførar Per Lerøy (Ap) - Uformelle samtalar innan byggesak er og viktig. Vi skal gi råd til dei som har spørsmål. Innbyggjarane set stor pris på at vi har ei open dør og gir dei råd på vegen. Det er svært viktig at vi held fram med det.
Reidar Øksnes (Sp) - Det må vere slik at ein kan få vite kva ein treng før ein sender inn søknad. Det skal ikkje bli slik som i nokre andre kommunar, der ein må søkje for så å få avslag, men administrasjonen må gi realistiske råd.
Kommunalsjef Thomas Lindås - det er mange uformelle møter. I samband med byggesaker har ein også førehandskonferansar. Dette er gratis i Austrheim kommune og blir dokumentert i sakssystemet.
Morten Sognnes (H) - vil gi ros til plan og bygg i Austrheim. Det er annleis i nabokommunar, i Austrheim opplever innbyggjarar og næringsliv at dei får hjelp. Det blir lagt merke til og slikt skaffar aktivitet i kommunen vår.
Politihkar | Bellodat | Lahttošládja | E-poasta |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Morten Sognnes | Høgre | Medlem | morten.sognnes@austrheim.kommune.no |
Helge Dyrkolbotn | Kristeleg Folkeparti | Medlem | Helge.Dyrkolbotn@vlfk.no |
Ann Kristin Leirvåg | Arbeiderpartiet | Varamedlem | Kristin1964@gmail.com |
Reidar Øksnes | Senterpartiet | Varamedlem | 56roek@gmail.com |
Kristin Nesbø | kristin.nesbo@austrheim.kommune.no | ||
Thomas Lindås | thomas.lindas@austrheim.kommune.no | ||
Monika Kvamme | monika.kvamme@austrheim.kommune.no | ||
Odd Harald Dommersnes | odd.harald.dommersnes@austrheim.kommune.no | ||
Asbjørn Nagell Toft | asbjorn.n.toft@austrheim.kommune.no | ||
Christopher Marius Straumøy | christopher.marius.straumoy@austrheim.kommune.no | ||
Bjørn Inge Håland Dyrkolbotn (Ii boahtán) | Senterpartiet | Medlem | Bjorn.Inge.Dyrkolbotn@austrheim.kommune.no |