Møte i Formannskapet den 04.11.2021

Vedtak

Innkalling og sakliste vert godkjent.

Behandling

Handsaming i formannskapet:
Kommunedirektøren sitt framlegg vart samrøystes vedteke

Vedtak

Møteprotokollane var ikkje med i innkallinga, så desse ligg til neste møte.

Behandling

Handsaming i formannskapet:Møteprotokollane var ikkje med i innkallinga, så desse ligg til neste møte.

Vedtak

Delegerte saker vart tekne til orientering

Behandling

Einingsleiar teknisk drift, Rolf Henning Myrmel, orienterte om dei delegerte sakene.

For sak 135/21 sa Myrmel at det her ikkje er søkt om kommunal overtaking av veg, vatn og lys. Det ligg i retningslinjene at dette skal godkjennast i forkant og byggast etter kommunen sine krav, det har ikkje skjedd her. Kan be om å få naudsynt dokumentasjon, og for veglys er det kurant å få dokumentasjon frå BKK på at dette er bygd etter krava, men det er verre med VVA-anlegga. Det er vanskeleg for kommunen å overta eit anlegg der ein ikkje kjenner dokumentasjonen på førehand.

Om Skoteneset/Toftegård sa ordførar Per Lerøy (Ap) at det er tretten bueiningar der i dag, og at utbygginga gjev inntekter til kommunen.

Handsaming i formannskapet:Kommunedirektøren sitt framlegg vart samrøystes vedteke

Behandling

Kommunedirektør Bjørnar Fjellhaug sa om endringar på kommunehuset at ein no bygger om i 3. etasje i for Fensfjorden PPT, dette skal vera klart til nyttår når alle tilsette skal vera på plass. 1. etasje er ikkje like hastig.

Kommunedirektør Bjørnar Fjellhaug sa Korona-situasjonen:
Statsforvaltar har kalla inn kommunedirektør og ordførar til møte, der vil ein få beskjed om eventuelle endringar nasjonalt.

Har vurdert det slik at det ikkje er behov for tiltak ut over handhygiene og liknande.

Vil be kommunestyret om at ordførar får fullmakt til å innføra tiltak på kort sikt.
Ser at dette må me leva med Covid 19. Følgjer situasjonen tett

Kommunedirektør Bjørnar Fjellhaug sa om legekontoret

PWC skal ta gjennomgang av organisering av legekontoret, startar arbeidet i neste veke.
Skal analysera organiseringa av arbeidet der.
Revisjonen ser på alle tal i samband med Helfo, kjem rapport derifrå

Kommunedirektør Bjørnar Fjellhaug sa om administrasjonen:

Monika Kvamme vil vera kommunedirketør medan han sjølv er på ferie.
Ny kommunalsjef oppvekst, Trine M. Jansen, er på plass 1. desember

Kommunalsjef Service og forvalting, Thomas Lindås, er på plass 17. desember etter permisjon
Økonomisjef Odd Harald Dommersnes vert vekke noko frå 11. november

Går over frå Easycruit til Webcruiter, som del av at Austrheim skal bli betre på rekruttering

Nytt kvalitetssystem, Netpower, på plass frå midten av november.

Einingsleiar teknisk drift, Rolf Henning Myrmel, orienterte om utbygging VA
Alversund maskinstasjon får jobben med vassutbygging Utkilen-Mastrevik og Mastrevik til idrettshallen, det siste strekket er inkludert pumpeleidning for kloakk.
Ventar strengare krav for utslepp indre basseng Mastrevik, og legg til rette for å pumpa dette via Åråsvågen og vidare ut i fjorden.

Hadde 3/11 synfaring med grunneigarar for å få oversikt på ting mellom entreprenør og grunneigarar.

Oppstartsdato for arbeidet er 1. desember

Kloakkstasjon Åråsvågen, der er ein i sluttfase for trinn 1, tar med seg pumpestasjon på Leikvoll for å få dette med seg til Åråsvågen. Anbodet går ut i løpet av november månad.
Dette er dei store utbyggingane for 2022.

Helge Dyrkolbotn (KrF) spurte om arbeidet er ferdig i løpet av 2022, det stadfesta Myrmel.

Myrmel sa vidare at det som står att av ringleidning for vatn er strekket frå krysset Solen og til høgdebassenget. Med dette på plass har ein betre moglegheiter til å utbetra inne i Åråsfeltet utan større avstengingar. Kan også starta på vatn til Førland når dette er på plass.

Per Lerøy (Ap) spurte om det skal vera tvungen tilkopling til avløp, Myrmel svara at andre kommunar har dette, og administrasjonen vurderer dette.

Morten Sognnes (H) spurte om det er planar for bygging av reinseanlegg. Myrmel svara at kommunen vert nøydde til å bygga reinseanlegg. Anlegget i Åråsvågen er nedslite. Kan ta med seg Solen (treng ein pumpestasjon til) og Mastrevik samt Åråsfeltet inn på ein felles reinsestasjon ved Blodvika til Åråsvågen, og ein eigen reinsestasjon på Fonnes. Fonnes-utsleppet går i dag til Bakkastraumen, må gå andre vegen til Fonnes og Fensfjorden. Stasjonane i Åråsvågen og på Fonnes er dei to stasjonane ein ser for seg må på plass først.

Helge Dyrkolbotn (KrF) sa at det er rett med tvungen påkopling. Dyrkolbotn spurte vidare om det er kapasitet til Kystlandsbyen, Myrmel svara at det er mogleg med ein pumpestasjon til.

Einingsleiar teknisk drift Rolf Henning Myrmel sa at det er behov for å ha tilkoplingar i kum, lettare å retta feil enn når det som før var mogleg for private å kopla seg rett på hovudleidning.

Einingsleiar teknisk drift Rolf Henning Myrmel sa om omsorgsbustader Sætremarka:

Har etterlyst frå arkitektane i Link Arkitektur nøyaktig plassering slik at ein kan legga ut anbod på VVA inn til tomtane. Det er kloakk tilgjengeleg tett på området, der ein kan kopla seg på. Kjem under grensa for Doffin-utlysing og kan gå direkte til tre firma og be om pris på denne jobben. Vil gå ut med VVA først, detaljteikningar bustad tar ein seinare.

Ligg i kommuneplanen at bustader skal vera minst 50 kvadrat, Link teiknar ut frå det. Sintef sitt prosjekt i Melhus rår til mindre bustader enn dette, men skal ein bygga mindre enn 50 kvadrat krev det dispensasjon frå kommuneplanen.

Inger-Lise Brekke (H) sa at retningslinjene nok ikkje var laga med tanke på ROP-bustader. Om det er faglege vurderingar ut frå brukargruppa så må det vera styrande for storleiken, eventuell disenpasjon frå kommuneplanen må det vera mogleg.

Per Lerøy ba om at kommunedirektøren går inn i dette, det er uproblematisk å gje dispensasjon om det trengs for å bygga mindre enn 50 kvadrat. Må vera mogleg med dialog med Statsforvaltar sidan dette er ei såpass spesiell gruppe.

RHM sa at med 25.000 kroner i kostnad per kvadrat vil det verta litt på tre bustader, om ein kan spara 10 kvadratmeter på kvar.

Ambulansestasjon:

Ordførar Per Lerøy og einingsleiar teknisk drift Rolf Henning Myrmel skal i møte med Helse Bergen om ny ambulansestasjon.

Myrmel viste til at det tidlegare er teikna ein større ambulansestasjon, med plass til lærling.

Kommunen har tomt der ein har avtale med Sætremarka burettslag med bytte, men kan også sjå på ei plassering langs vegen opp til dei kommande ROP-bustadene.

Eig denne tomten sjølv, og får VVA med seg her i samband med ROP-bustadene.

Per Lerøy viste til at ambulansetenesta eigentleg har sagt at det skal vera vaktskifte på Austrheim, dette vert ikkje gjennomført slik i dag.

Inger-Lise Brekke (H) spurte om finansiering, Lerøy svara at kommunen bygger og at Helse Bergen skal leiga dette av kommunen, slik at det skal vera sjølvfinansierande. Det er ønskje om at det skal ligga i rolege omgjevnader
Myrmel sa at det er sagt tidlegare at ein bygger noko som kommunen kan bruka vidare.

Myrmel viste teikningane som er laga før, det er også ein del nye krav som rein og skitten sone.

Per Lerøy (Ap) sa at det er bra plassering litt ut av feltet. Bør gjera det ein kan for å sikra seg at ambulansestasjonen vert verande. Med ei tilbaketrekt plassering vert dette ein god plass for dei tilsette.

Inger Lise Brekke (H) sa at ambulansestasjonen tett ved ROP er ei bra plassering.

Einingsleiar teknisk drift Rolf Henning Myrmel orienterte eigedom ved Mongstadkrysset. Her er det mogleg å få til ei masseutskifting og planering i samarbeid med BKK, som har overskotsstein frå anna prosjekt i området. Har makebytta noko med Equinor, der dei har fått areal og kommunen har fått noko.

Handsaming i formannskapet:
Kommunedirektøren sitt framlegg vart samrøystes vedteke

Behandling

Kommunedirektør Bjørnar Fjellhaug orienterte om arbeidet med budsjett, jamfør slik dette ligg i Framsikt-løysinga.

Høyringsfristen vert sett til 24. november, for å ta det opp i formannskapet 25. november, før det skal vedtak i kommunestyret 16. desember.

Inger Lise Brekke (H) sa at ein må jobba for å halda på helsefagarbeidarar, det er for mange som tar vidareutdanning med 3PÅ og forsvinn ut av dette yrket. Det er stor etterspurnad etter arbeidskraft innan helse sosial, for mange som søker seg vekk, sjukepleiarar og andre.

Helge Dyrkolbotn (KrF) sa at der er ei utfordring å få elevane til å søka på desse linjene. Må inn i tiandeklassane og påverka dei til å ta desse vala. For seint når dei har søkt plass på VGS.

Bjørn Inge Dyrkolbotn (Sp) peika å at det lågtlønt i helsefag, her må ein også gjera noko for at det skal bli attraktivt å søka seg til denne sektoren. Her sa kommunedirektør Bjørnar Fjellhaug at kommunestyret skal få oversendt KS sitt debatthefte for hovudtariffoppgjeret 2022.

Bjørnar Fjellhaug sa vidare at ein kanskje må inn gulrøter for å få søkarar til Austrheim.

• Bjørn Inge Dyrkolbotn (Sp) sa at det kan lukkast betre med gulrøter her enn i kommunar som Modalen og Høyanger, med betre vegsamband til kommunen.

• Bjørnar Fjellhaug sa at gulrøter er ein ting, men ikkje leggja seg over det som KS har som lønspolicy. Det er ein fare ved å heva enkelte og ikkje alle.

• Ordførar Per Lerøy (Ap) sa at ein kan sjå på andre tiltak, som treårige gjennomgangsbustader, som eit tiltak for å trekka tilsette til kommunen. Ved å innføra noko slikt i Austrheim, og få fleire innbyggjarar, vil kommunen få auka rammetilskot.

• Inger Lise Brekke (H) sa at kommunane ikkje kan overby kvarandre i lønstilbod, men det kan vera andre gode som yrkesgruppene særleg finn attraktive.

Ordførar Per Lerøy (Ap) sa at det er positivt at at ein bygger om Nordliheimen med tanke på arbeidsbelasting, pasientane er sjukare enn dei har vore, og det er meir krevjande pasientar med fleire diagnosar.

Økonomisjef Odd Harald Dommersnes gjekk gjennom vidare budsjettframlegget slik det ligg føre.

• Økonomireglementet seier at resultatet skal vera tre prosent, men det kan vera avvik. Er i 2022 lagt opp til 2,6 prosent i resultat.
  Statsforvaltar seier det skal vera minst 1,75 prosent.

• For sal av bustader til næringsselskapet ser ein på om dei kan ha same momskompensasjon som kommunen har, jobbar me dei avklaring der.

Kommunedirektør Fjellhaug ba om at den potten som er sett av som reserve for kommunedirektør får stå i fred, slik at det er mogleg å dekka oppdukkande utgifter av dette i løpet av 2022. Må ha noko å gå på når det kjem utgifter som ein ikkje var klar over.

Handsaming i formannskapet:
Samrøystes for å legga budsjett og økonomiplan ut på høyring, med høyringsfrist 24. november.

Behandling

Økonomisjef Odd Harald Dommersnes orienterte om rekneskapen per september.

• Viste til at det har dukka opp ein del prosjekt som ikkje er sluttførte, som vil kosta ein del midlar.

• Har gode skatteinntekter, ligg ein del over det som var venta.

• For barnevern ser ein at ein får betre prisar på kjøp av tenester saman med Alver kommune.

Varaordførar Inger-Lise Brekke (H) spurte om overskriding løn ved Kystbarnehagen.

Økonomisjef Odd Harald Dommersnes viste til finansrapporten frå Bergen Capital Management, som viser låne- og rentevilkåra for kommunen. Skal refinansiera eit lån nå, det betyr at ein vil oppfylla kravet til fastrenteandel, eit krav som ligg i økonomireglementet. Renterisikoen for kommunen er at renteutgiftene aukar med to millionar per auke i prosent lånerente.

Handsaming i formannskapet:
Samrøystes for kommunedirektørens framlegg til vedtak.