Utval: | Formannskapet |
---|---|
Dato: | 25.11.2021 09:00 - 14:00 |
Møtestad: | Austrheim samfunnshus |
Status: | Møtet er ferdig protokollert |
Sakskart: | |
Møteprotokoll: |
Innkalling og sakliste vert godkjent, med dei utsettingar og korrigeringar som er nemnt over.
Ordførar Per Lerøy (Ap) sa at det vert sett opp eit ekstra formannskapsmøte måndag 6. desember, for å handsama innspela til budsjett. Fristen for innspel var for tett på møtet 25. november til at ein rekk å ta dette i dag.
Ordførar Per Lerøy (Ap) sa om sak 126/21 om klage i samband med landbruksveg Fonnes: Denne saka vert utsett til møtet 6. desember, slik at det kan gjennomførast ei synfaring. Som elles i saker der det er klage eller avslag frå administrasjonen, er det ønskjeleg med synfaring.
Kommunedirektør Bjørnar Fjellhaug sa at budsjettinnspela vil verta kommenterte i samband med ekstramøtet i formannskapet 6. desember.
Kommunedirektør Bjørnar Fjellhaug sa at sak 127/21 og sak 128/21 må utsetjast til møtet 6/12, sidan det må gjerast enkelte endringar på satsane i Austrheim opp mot NGIR sitt framlegg.
Handsaming i formannskapet:
Kommunedirektøren sitt framlegg vert samrøystes vedteke, med dei utsettingar og korrigeringar som er nemnt over.
Til dette møtet låg det føre fleire møteprotokollar til godkjenning.
Handsaming i formannskapet:
Kommunedirektøren sitt framlegg vert samrøystes vedteke
Meldinga vart teke til orientering, dette vart gjort saman med
Ordførar Per Lerøy (Ap) ba om at denne meldinga vart teke saman med orientering om saka seinare i møtet.
Handsaming i formannskapet:
Kommunedirektøren sitt framlegg vert samrøystes vedteke
Avdelingsleiar Asbjørn Toft orienterte om dei delegerte sakene.
Handsaming i formannskapet:Kommunedirektøren sitt framlegg vert samrøystes vedteke
Kommunedirektør Bjørnar Fjellhaug orienterte kort om budsjettinnspel som har komme sidan budsjettet vart lagt ut på høyring. Administrasjonen legg opp til å komma med ei ny innstilling i budsjettsaka før det ekstra formannskapsmøtet 6. desember.
------
Kommunalsjef helse og omsorg, Monika Kvamme, orienterte om Korona-situasjonen.
- Sjukehusa melder om stort trykk, som går ut over vanleg behandling utanom Korona.
- Staten har endra strategi, no skal Korona-vaksinering prioriterast framfor influensavaksinering.
- Er endra frå at ein bestiller vaksine til at ein får tildelt etter folketal.
- Vil ha vaksinering kvar veke fram til jul.
- Vaksinering av 3. dose 18-65 år er sagt skal starta etter nyttår, men kan verta tidlegare.
- Smitten har auka dei siste vekene, mykje smitte i Austrheim og i Alver.
- Jamt over ønskjer kommunane sentrale føringar heller enn at kommunane skal bestemma.
Varaordførar Inger-Lise Brekke (H) sa at det er viktig å sjå på belastinga på sjukehusa, at presset der gjer at annan aktivitet må utsetjast.
Kommunalsjef helse og omsorg, Monika Kvamme, sa vidare at Helse Bergen no rapporterer at smitten flyt fritt mellom fleire aldersgrupper, og at både vaksinerte og uvaksinerte er sjuke.
-----
Kommunalsjef helse og omsorg, Monika Kvamme, orienterte om arbeidet med Eldremeldinga. Presentasjonen ligg ved møteboka.
Etter spørsmål klargjorde Kvamme at kommunen ikkje kan ta betalt for omsorgsteknologi der denne erstattar helsehjelp, i desse tilfella må kommunen dekka kostnaden. Generelt er det slik at staten gjev støtte i samband med innføring av nye tenester, men om det vert lovpålagt så må kommunen dekka kostnadene sjølv.
Førebyggande tenester må etablerast for vaktmeistertenester, der ein til dømes skal brøyta og strø for dei som har heimetenester. Er også rimelegare enn at dei bryt lårhalsen og må leggast inn på Nordliheimen. Også andre tilbod ein kan etablera som vil kosta litt, middagstilbod og liknande, som uansett vil vera rimelegare enn sjukeheimsplass.
Ordførar Per Lerøy (Ap) ba om at ein brukte dei søknadsordningar som finnest, og legg opp tilbodet slik at det er mogleg å få støtte. Lerøy viste til korleis kommunen har lukkast med å henta inn midlar til trafikksikring, der Austrheim får midlar medan andre kommunar ikkje leverer søknad. Om dette sa Morten Sognnes at det bør vera nokon som har ansvar for nettopp dette, for å sikra at ein hentar ut støtte der det er mogleg.
Etter spørsmål svara Kvamme at kommunen må tilby tenester også til dei som er på opphald på hyttene sine, og ønskjer hjelp av heimetenesta medan dei er på ferie.
------
Kommunalsjef helse og omsorg, Monika Kvamme, viste tal for befolkningsframskriving for perioden fram til 2040. Presentasjonen ligg ved møteboka.
Formannskapet var samla om å etterlysa tiltak for å halda på ungdommar i kommunen, for å få vekst i folketalet. Både for å halda på dei som er frå kommunen, samt få ungdommar til å flytta hit. I samband med dette vart det også etterlyst eit betre tilbod til dei so er "midt i livet". Monika Kvamme sa at det var ei tilbakemelding som også hadde komme på det opne møtet tidlegare i veka, om "Det gode liv i Austrheim".
------
Kommunalsjef helse og omsorg, Monika Kvamme, orienterte om arbeidet med Nordliheimen. Både levering av tilstandsrapport, og oppgradering av alarmanlegg, er så omfattande at det må ut på anbod. Alarmanlegg inneber installering av sensorarar på alle rom.
Handsaming i formannskapet:
Kommunedirektøren sitt framlegg vert samrøystes vedteke
Avdelingsleiar Asbjørn Toft orienterte om saka. Har vore auke i gebyra siste tre år, og kommunen legg opp til å halda seg på same nivå i 2022 som i 2021. Om det vert for dyrt, vert folk freista til å ikkje søka om løyve.
Ordførar Per Lerøy (Ap) spurte om kostnader til oppmåling samanlikna med andre kommunar, og sett opp mot arbeidet som skal utførast. Asbjørn Toft svara at det er ganske likt i Austrheim som i nabokommunar, men det ein ser er at dersom det vert større endringar i arealet så er det ei ny delingssak og heilt nytt gebyr. (5 prosent endring er grensejustering, meir enn dette er ny sak).
Handsaming i formannskapet:
Kommunedirektøren sitt framlegg vert samrøystes vedteke
Sakshandsamar Christopher Straumøy orienterte om saka, ut i frå sakspapira.
Sakshandsamar Christopher Straumøy viste til at den eine parten har bedt om å få ei vurdering av gildskap for Morten Sognnes (H). Sognnes sjølv orienterte om at han er med i styret i båtforeininga på Fonnes saman med Trygve Gullaksen.
Straumøy sa at gildskap skal vurderast ikkje berre frå det som er peika på frå parten, men generelt for heile saka.
Ordførar Per Lerøy (Ap) sa at det er heilt tydeleg for han at Sognnes ikkje er ugild i denne saka.
Helge Dyrkolbotn (KrF) sa at det er vanskeleg i formannskap og kommunestyre framover om det er berre mindre ting som skal til for å gjera ein representant ugild.
Varaordførar Inger-Lise Brekke (H) sa at det er bra at dette blir belyst, og ein må vera merksam på desse sakene om gildskap, men vurderer ikkje at Sognnes er ugild i denne saka.
Straumøy sa vidare at det også skal tas omsyn til korleis ting vert oppfatta utad, og ikkje berre kva som er innunder når ein automatisk er ugild.
Gildskap for Morten Sognnes (H) vart vurdert av formannskapet (utan Sognnes), og formannskapet konkluderte med at han er gild i saka.
Handsaming i formannskapet:
Formannskapet tok orienteringa til vitande, saka vert handsama vidare 6/12 når det også er planlagt synfaring.
Kommunedirektør Bjørnar Fjellhaug sa at Austrheim kommune ikkje kan bruka NGIR sine satsar direkte, og ba om at denne saka vart utsett til formannskapet sitt møte 6/12.
Handsaming i formannskapet:Kommunedirektøren sitt utsettingsframlegg vert samrøystes vedteke
Kommunedirektør Bjørnar Fjellhaug sa at Austrheim kommune ikkje kan bruka NGIR sine satsar direkte, og ba om at denne saka vart utsett til formannskapet sitt møte 6/12.
Handsaming i formannskapet:
Kommunedirektøren sitt utsettingsframlegg vert samrøystes vedteke
Kommunedirektør Bjørnar Fjellhaug orienterte om saka.
Kuttar formannskap i januar, men kan likevel komma møte om det trengst i samband med skulesaka.
Legg opp til to dagar med kommunestyret i mai for budsjett og økonomiplan.
Flyttar første formannskap etter sommaren til september, for å få meir tid etter ferie.
Handsaming i formannskapet:
Kommunedirektøren sitt framlegg vert samrøystes vedteke
Inger-Lise Brekke (H) sa at det er bra om ein kan få på plass ei kafedrift, men var skeptisk til kombinasjonen med alkohol.
Bjørn Inge Haaland Dyrkolbotn (Sp) og Helge Dyrkolbotn (KrF) etterlyste kva styret og eigarlaga meiner om skjenking i kafeen.
Ordførar Per Lerøy (Ap) spurte om saka skulle utsetjast til formannskapet sitt møte 6/12, slik at det vert tid til å henta inn uttale frå styret for samfunnshuset. Dette framlegget fekk støtte frå formannskapet.
Handsaming i formannskapet:
Semje om å utsetja saka til formannskapet sitt møte 6/12, slik at det vert tid til å henta inn uttale frå styret for samfunnshuset.
Kommunedirektør Bjørnar Fjellhaug orienterte om saka:
Vert ikkje heilt ideell løysing når ein skal endra dagens bygg og ikkje bygga alt nytt.
Ber om at 5 millionar av ramma på 35 millionar vert sett av til uføresette kostnader.
Skal ein bygga for elevtoppane, eller det jamne? Ikkje stor elevvekst framover etter dagens prognosar.
Ba om at formannskapet går litt opp frå detaljane, og ser meir på det overordna med om ein skal ha tilbygg eller ikkje.
Ba om at formannskapet ikkje bestemte detaljar for dei ulike romma, men at det heller vert sagt kva behov som skal dekkast.
Ba om at det ikkje kan vera full runde med innspel frå alle ved mindre justeringar, det vil øydelegga framdrifta.
Prosjektleiar Stian Marøy sa ein låser løysingane byggteknisk om det vert gitt for mange føringar, dette er detaljprosjektering. Heilt OK å seia at ein vil ha tilbygg, vil behalda hallen på Kaland med meir, men detaljane må stå att til dei som skal utføra arbeidet på skulane.
Marøy sa vidare at det kostar mykje å ta nye rundar når ein for kvar runde må henta inn konsulentar. I tillegg må ein i ramma på 35 millionar ha ein margin for uføresette kostnader som kan dukka opp. Marginen bør ligga på rundt 20 prosent på eit prosjekt som dette, med utbetringar/endringar. Sjølv på skuleplassen som er asfaltert, kan ein måtte masseutskifta under.
Ordførar Per Lerøy (Ap) sa seg samd i at noko av framlegga frå politikarane har vore for detaljerte, og la fram eit oppdatert framlegg til vedtak:
Framlegg til vedtak:
Det skal byggjast tilbygg på Årås skule.
Kaland 1 skal rivast.
Det skal byggjast tilbygg på Kaland skule.
Kaland skule skal innreiast slik at gymnastikksalen også i framtida kan nyttast til storstove i lokalmiljøet.
Ein skal i størst mogeleg grad ta vare på dagens spesialrom.
Uteområda skal opparbeidast slik at desse vert ryddige og trivelege opphaldsplassar for elevane, samt enkle å vedlikehalda.
Transportløysingane ved skulane skal avspegla at Austrheim kommune er ein trafikksikker kommune.
Kommunedirektøren skal sikra at tiltaka ikkje overstig 35 millionar kroner.
Kommunedirektøren legg fram eit framlegg til endelege løysingar for Årås og Kaland skular for formannskapet i februar.
Helge Dyrkolbotn (KrF) la fram framlegg til vedtak på vegner av KrF og Sp. Sa at det er viktig når politikarane først sa at det skal vera felles ungdomsskule, så må det vera fasilitetar som er gode og berekraftige. Trur det er venta at ein får eit tilbygg på Årås. Tilbakemeldinga frå skulen er at det er OK å venta med vidare utbetringar, så lenge ein får plass til alle elevane.
Inger-Lise Brekke (H) sa at det er OK at ein skal gå på prinsippa i saka. Viktig å ivareta at alle elevane får den plassen dei treng. Skal ikkje legga føringar på om det er tilbygg eller ikkje, men meir at ein skal ivareta plassbehovet på skulane. Samd med at Kaland 1 skal rivast, utanom dette vil ikkje Brekke legga detaljerte føringar på korleis det skal løysast, vil heller seia at det skal vera nok plass til undervisning og spesialrom. Brekke spurte om ikkje trafikkløysinga på Kaland heller skal vera eit eige prosjekt, og sa vidare om kostnadsoverslag at det må vera implisitt at det er ein margin på 20 prosent.
Rolf-Henning Myrmel sa at det er viktig for administrasjonen at det ligg i vedtak at det skal settast inn margin. Elles er det naturleg å dela desse prosjekta slik at ein heldt att på uteområda, og kan bruka desse som saldering dersom kostnadene vert for høge.
Stian Marøy sa at det er eit mål å halda seg innanfor ramma, men at det kjem an på dei prisane ein får inn, kanskje må ein gjera om på prosjektet dersom prisane vert for høge. Kan bruka uteområda til å saldera.
Bjørn Inge Haaland Dyrkolbotn (Sp) sa at et er viktig at skuleleiinga vert teke med i den vidare prosessen. Det er greitt at formannskapet ikkje skal detaljstyra, men at skuleleiinga må vera med.
Per Lerøy (Ap) sa at den nye kommunalsjefen for oppvekst må vera med i den vidare prosessen.
Helge Dyrkolbotn (KrF) sa at han ønskjer å behalda punktet om at det skal byggast nytt på Årås. Viktig å inkludera skuleleiinga i det vidare arbeidet. Dyrkolbotn sa vidare at det kan vera salderingspost å ikkje riva Kaland 1.
Bjørnar Fjellhaug sa at det er OK å ha implisitt i vedtaket at ramma er 35 millionar inkludert sikkerhetsmargin. Når det gjeld riving av Kaland 1 ønskjer Fjellhaug å ha dette med vidare. Elles er det OK å involvera skuleleiinga, men kan ikkje la alle komma med innspel ved kvar minste endring, for då kjem ein ikkje vidare.
Inger-Lise Brekke (H) sa at dersom ein heldt på punktet om tilbygg på Årås skule, så vil det vera eit sterkare prinsipp enn kva som er det beste for alle elevane. Prinsippet om at det skal vera til beste for alle elevane må vera viktigare enn tilbygg.
Stian Marøy sa at den naturlege prosessen vidare er at den politiske bestillinga går til Norconsult for justeringar, deretter går teikningar til ei arbeidsgruppe der skuleleiinga deltek, og etter den runden vert det låst for endringar. Etter dette vil det som utgangspunkt ikkje vera mogleg med endringar, for endringar etter dette vil vanlegvis ha høg kostnad.
Helge Dyrkolbotn (KrF) sa i ein kommentar til Inger-Lise Brekke (H) at det erfaringsmessig er dyrare på sikt å lappa enn å bygga nytt, og ba om at det vart spesifisert tilbygg på Årås i vedtaket. Brekke svara at ho ikkje er mot tilbygg, dersom det er beste løysinga.
Bjørn Inge Haaland Dyrkolbotn (Sp) spurte om teikningane for Årås, korleis tilbygget påverkar kostnadene. Stian Marøy svara at ein kan spara på å laga nye teikningar dersom ein kan bygga mindre. Frå Norconsult er det lagt inn mindre midlar til andre endringar på Årås ved eit tilbygg.
Helge Dyrkolbotn (KrF) sa at det er OK at ein ikkje får gjort noko meir i eksisterande bygg dersom det vert tilbygg.
Einingsleiar teknisk drift, Rolf Henning Myrmel, sa at det viktigaste for teknisk drift er at det ikkje er større areal enn kva ein har bruk for, for det skal vaskast, vedlikehaldast og varmast opp. Om dette svara Per Lerøy (Ap) at arealet vert redusert noko ved riving av Kaland 1.
Inger-Lise Brekke (H) heldt oppe sitt ønske om å endra punkt 1 i Ap sitt framlegg, der tilbygg ikkje er like fastsett.
Morten Sognnes (H) sa at det må vera mogleg å bruka lokale bedrifter i dette arbeidet, heller enn ein stor entreprenør utanfrå. Om Kaland skule sa Sognnes at det er ei skam at skulen er i så dårleg stand som den er i no.
Stian Marøy sa om tilbygg og plass at den skulefaglege vurderinga er at det er plass utan tilbygg. Til dette svara Helge Dyrkolbotn (KrF) at den skulefaglege vurderinga også ligg på skulen, og at det ikkje er gitt at Norconsult har det einaste svaret.
Bjørnar Fjellhaug sa at kommunedirektøren tar med seg bestillinga her frå formannskapet, og kjem tilbake med ei sak i februar 2022 der ein viser framdrift. Noko kan gjerast i 2022 og noko i 2023.
Inger-Lise Brekke (H) sa at ho heldt på sitt framlegg om at dette med tilbygg er vurderingar som må gjerast prosjektet, og ikkje ligga som føring i vedtaket.
Bjørnar Fjellhaug sa at han forstår at det er ulikt syn på ting, men det er skulefagleg kompetanse både hjå kommunedirektøren og hjå Norconsult som er brukt. Her svara Helge Dyrkolbotn (KrF) at han ikkje betvilar kompetansen hjå kommunedirektøren eller Norconsult, men at det er fleire sider ved saka.
Per Lerøy (Ap) sa at tidlegare erfaringar med ombyggingar på Kaland har overtydd han om at det er betre med tilbygg enn ombyggingar, for det har vist seg at det kostar meir enn det smakar.
Inger-Lise Brekke (H) sa at det ligg meir til rette for tilbygg på Kaland enn på Årås, der det kan løysast med ombyggingar.
Per Lerøy (Ap) oppsummerte om avrøystinga, at Inger-Lise Brekke (H) gjerne kan notera seg eit nytt punkt nummer 1 i vedtaket, som kan settast opp mot framlegget frå Ap.
Avrøysting i saka
Punkt 1 i vedtaket, framlegget til Per Lerøy/Ap (over) vart sett opp mot framlegget frå Inger-Lise Brekke/H:
1. Det skal gjerast nødvendig ombygging på Årås skule for å gje elevane og tilsette undervisnings- og arbeidsrom i medhald til dagens krav, evt. med tilbygg dersom det blir vurdert naudsynt.
Inger-Lise Brekke/H sitt framlegg fekk støtte av dei to frå Høgre (Inger-Lise Brekke og Morten Sognnes), og fall.
Helge Dyrkolbotn (KrF) la fram framlegg til eit nytt punkt 10:
10. Tiltaka skal gjennomførast i eit nært samarbeid mellom brukarane av skulane og kommuneleiinga.
Stian Marøy frå administrasjonen spurte om kva som ligg i dette med «nært samarbeid»? Skal alle detaljar gjennom med brukarane er det tungvint. Til dette sa Per Lerøy (Ap) at formannskapet heldt seg til det overordna, og Bjørn Inge Haaland Dyrkolbotn (Sp) sa at det må vera det som er driftsviktig som det skal vera samarbeid om. Inger Lise Brekke (H) spurte om det var naudsynt å ta med dette punktet, Helge Dyrkolbotn (KrF) la sa at det ikkje er mistillit til administrasjonen, men ei presisering. Stian Marøy sa at det ikkje vert tatt ille opp, men det er naturleg og sjølvsagt at brukarane skal takast med på råd.
Bjørnar Fjellhaug sa at dette punktet vert ivareteke av kommunedirektøren, og etter det sa Helge Dyrkolbotn (KrF) at han ut frå dette trekkjer sitt framlegg til punkt 10 i vedtaket.
Til slutt vart det røysta over Per Lerøy (Ap) sitt framlegg til vedtak, med punkta 1-9.
Handsaming i formannskapet:
Samrøystes for nytt framlegg til vedtak, frå Per Lerøy (Ap).
Politikar | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Morten Sognnes | Høgre | Medlem | morten.sognnes@austrheim.kommune.no |
Helge Dyrkolbotn | Kristeleg Folkeparti | Medlem | Helge.Dyrkolbotn@vlfk.no |
Bjørn Inge Håland Dyrkolbotn | Senterpartiet | Medlem | Bjorn.Inge.Dyrkolbotn@austrheim.kommune.no |
Asbjørn Nagell Toft | asbjorn.n.toft@austrheim.kommune.no | ||
Christopher Marius Straumøy | christopher.marius.straumoy@austrheim.kommune.no | ||
Rolf-Henning Myrmel | rolf.henning.myrmel@austrheim.kommune.no | ||
Monika Kvamme | monika.kvamme@austrheim.kommune.no | ||
Bjørnar Fjellhaug | bjornar.fjellhaug@austrheim.kommune.no | ||
Stian Marøy | stian.maroy@austrheim.kommune.no |