Čoahkkin Råd for menneske med nedsett funksjonsevne 09.03.2021

Behandling

Handsaming i rådet:
Rådmannen sitt framlegg vert samrøystes vedteke

Behandling

Handsaming i rådet:
Rådmannen sitt framlegg vert samrøystes vedteke

Behandling

Handsaming i rådet:
Rådmannen sitt framlegg vert samrøystes vedteke

Behandling

Leiar Odd Sigvald Øksnes orienterte om dialogmøte som ein hadde hatt i samband med etableringa av Helsehuset. Det var etterlyst innspel til bruken, innan tre satsingsområde:

Psykisk helse og rus
Barn og unge
Somatikk

Eldrerådet i Alver har vore og sett på Helsehuset, 8. mars, eldreråd frå andre kommunar kan få komma på omvising seinare. Håpar Helsehuset kan verta eit løft for heile regionen.

---

Anny Bertelsen etterlyste ferdigstilling av rapporten om habilitering, som Mona Hatlem jobba med. Kommunalsjef Monika Kvamme svara at det står litt att på denne planen, håpar at det snart vert ferdigstilt.

----

Odd Sigvald Øksnes tok opp tidlegare diskuterte sak om leiar for arbeidssenteret. Kommunalsjef Monika Kvamme orienterte om at det frå 1. mai er på plass ein leiar for arbeid og inkludering, som skal leia Vestlia, alle tiltak og Austrheim arbeidssenter. Det er vernepleiar Britt Silvia Erstad Marøy som er tilsett, kjem frå arbeidssenteret Aufera på Manger.

Det er ikkje sett noko prosent på kor mykje stillinga skal bruka kvar plass. Ser på rollebeskrivelsen no for korleis dette skal vera. Dei som er på arbeidssenteret har ofte med seg tilsette frå der dei bur.
Ser at det er etterspurt eit tilbod av denne typen. Vurderer korleis det vert framover for opningstider.

Odd Sigvald Øksnes ba om at ein ser på innspelet frå RMNF, arbeidssenteret har vore litt laust organisert.

Anny Bertelsen ba om at vedkommande kjem til rådet for å orientera, møtesekretæren inviterer til møtet 1. juni.

Etter spørsmål frå Mette Ekornrød om plassering av arbneidssenteret, sa Monika Kvamme at ein ser på om dagens bygg er for framtida, med tanke på at det manglar universell utforming i bygget. Men transport er ofte ein bøyg, og bygget i dag ligg veldig godt til med tanke på at det ligg sentralt.

Odd Sigvald Øksnes sa at det er eit lokale på Sætre som er bra, men ikkje er universelt tilgjenge. Om dette sa Mette Ekornrød at ho er ugild på dette, men kan seia at det vert sett på om ein kan legga betre til rette enn i dag.

Behandling

Møteplanen for 2021 vart diskutert.
Samrøystes for framlegget til vedtak.

Vedtak

RMNF ønskjer at desse tiltaka vert prioriterte:

1. Gangfelt frå Nordliheimen til Seniorsenteret, og ei betre løysing der fortauet sluttar ved Nordliheimen.

2. Overgangsfelt ved samfunnshuset, der det er lagt opp til kryssing ved at gang/sykkelvegen skiftar side.

Behandling

Rådet såg igjennom tidlegare innspel frå RMNF til arbeidet med trafikksikringsplanen.

Helge Dyrkolbotn sa at ein bør prioritera fortau langs fylkesveg 565 mellom Nordliheimen og Seniorsenteret, på nordsida her manglar det fortau.

Semje frå dei andre i rådet på dette punktet.

Anny Bertelsen tok opp at det bør komma overgangar fleire stader, først ved samfunnshuset, og ved gamle kommunehuset. Etterlyste også fortau frå overgangen ved Nordliheimen og bort til Nordliheimen (stoppar i plenen i dag).

Helge Dyrkolbotn sa at det også bør takast med i planarbeidet som manglar av gangvegar, i prioritert rekkjefølgje: Frå Mastrevik nordover til Budalen og vidare til Kilstraumen, strekket Kilstraumen – Fonnes, og Austrheim kyrkje – Førland.

Mette Ekornrød sa at det det er sett opp veglys frå Mastrevik mot brua til Ulvøy, her burde det komme gangfelt også.

Det er også mogleg å komma inn med private innspel, til trafikksikringsplanen. Ivar Bergsvik seier det kjem ønskje om fartsdump ved Bergsvik.

Helge Dyrkolbotn sa at opplæring også må vera ein viktig del av trafikksikringsplanen.

Handsaming i rådet:
Samrøystes for framlegget til vedtak.