Čoahkkin Råd for menneske med nedsett funksjonsevne 08.06.2021

Vedtak

Innkalling og sakliste vart godkjent

Behandling

Handsaming i rådet:
Rådmannen sitt framlegg vert samrøystes vedteke.

Vedtak

Møteprotokoll frå forrige møte vart godkjent

Behandling

Handsaming i rådet:
Rådmannen sitt framlegg vert samrøystes vedteke.

Behandling

Denne meldinga var vedlagt i samband med at Britt Silvia Erstad Marøy skulle orientera om arbeidssenteret. Hennar innspel er noterte under orienteringar.

Handsaming i rådet:Rådmannen sitt framlegg vert samrøystes vedteke.

Behandling

Leiar for avdeling Arbeid og inkludering (mellom anna drifta av Arbeidssenteret), Britt Silvia Erstad Marøy, var bedt om å delta i møtet. Ho orienterte om arbeidet vidare med drifta av arbeidssenteret.

Etter at ho starta i jobben er det gjort ein del med arbeidssenteret og drifta.

• Har mala nokre av romma.

• Har laga ein ansvarsplan for den vekefaste drifta.

• Jobbar med oppsett over faste oppgåver.

Nokre oppgåver dei har no:

• Vaskar bilen kvar måndag (Aufera-bilen)

• Er i drivhuset dagleg

• Vatnar blomane rundt kommunehuset

• Makulasjon

• Plenklipping

• Handling

• Lagar ved/tennbrikettar

Dei tilsette lagar arbeidshefte med individuelle oppgåver som dei ulike brukarane har å arbeida med, når det ikkje er praktiske arbeidsoppgåver å halda på med.

Oppgåver/aktivitetar dei ønskjer å komma i gang med:

• Vil komma i gang med bossplukking, er kjøpt noko utstyr til dette og skal kjøpa eigne arbeidsklede til dei som skal jobba med dette.

• Ønskjer å overta distribusjon av internposten

• Trim/musikk og basseng er på lista

• Låna bøker frå biblioteket og bruka det aktivt på arbeidssenteret.

• Har bestilt prosjektor til bruk i trimmen

• Ipad bestilt

• Startar i dag med produksjon av skilt over gards- og bruksnummer.

Ann Kristin Leirvåg viste til at det var diskutert i formannskapet om ein kunne leiga seg inn på tidlegare Fonnes Senter, som erstatning for dagens bygg. Formannskapet har tenkt at ordførar Per Lerøy, leiar for avdeling Arbeid og inkludering Britt Silvia Erstad Marøy, og ein representant frå RMNF kunne vera med på ei synfaring på det bygget.

Britt Silvia Erstad Marøy sa at det hadde vore bra med større plass, som dessutan vil vera på eitt plan. Kunne der fått plass til produksjon og sanserom.

Var litt diskusjon kring plasseringa, det talar for Fonnes at det er nære basseng, og kan vera bra å ha arbeid ein annan plass enn bustaden (mange på Vestlia). Er litt utfordrande med transport, men det er behov for eit kjøretøy uansett med dei oppgåvene som er tenkt.

Anny Helene Sætre Bertelsen spurte om det er laga individuell plan for brukarane. Britt Silvia Erstad Marøy svara at dette vert det jobba med.

---

Møtesekretær Ketil Tjore orienterte om saksgangen i kommunen, mellom anna korleis informasjonsflyten går. Postmottaket er felles mottakspunkt for all korrespondanse inn på huset, anten det er brev eller e-post (post@austrheim.kommune.no)

Møtesekretæren fekk i heimelekse å laga til eit boks-oppsett som viser organiseringa av det kommunale tilbodet, og administrasjonen.

Handsaming i rådet:

Rådmannen sitt framlegg vert samrøystes vedteke.