Utvalg: | Formannskapet |
---|---|
Dato: | 22.10.2020 10:15 - 15:45 |
Møtested: | Møterom Børilden - kommunehuset |
Status: | Møtet er ferdig protokollert |
Sakskart: | , |
Møteprotokoll: |
Det vart stadfesta at formannskapa skal vera på samfunnshuset, inntil Korona-situasjonen har endra seg. Møta framover vert lagt der.
Handsaming i formannskapet:
Rådmannen sitt framlegg vert samrøystes vedteke
Handsaming i formannskapet:
Rådmannen sitt framlegg vert samrøystes vedteke
Bjørnar Fjellhaug orienterte om meldinga "Referat frå dialogmøte om Alver barnevernsteneste". - Dette er avvik som vert lukka i løpet av 2020. Var venta at det ville vera nokre barnevernssaker som ikkje var godt nok handsama, men fylkeslegen har uttrykt at han er nøgd med oppfølginga som dei har hatt så langt.
Om dette sa Per Lerøy (Ap) at fylkeslegen er godt nøgd med Alver barnevern sitt opplegg.
Bjørnar Fjellhaug sa vidare at ein ventar at kostnadene til barnevern vil gå ned no som ein er med i Alver barnevern, mellom anna med lågare kostnad til tiltak.
Handsaming i formannskapet:
Rådmannen sitt framlegg vert samrøystes vedteke
Avdelingsleiar Asbjørn Toft orienterte om dei delegerte sakene.
Ordførar Per Lerøy (Ap) ba om at ein følgjer opp parkering i Bergsvik, jamfør delegert sak 153/20, for å sjå til at dette kjem på plass. Er ein del uheldig og trafikkfarleg parkering der no.
Handsaming i formannskapet:
Rådmannen sitt framlegg vart samrøystes vedteke
Kommunalsjef Odd Harald Dommersnes orienterte om budsjettarbeidet.
- Presentasjonen ligg ved, framdriftsplan med meir.
- Austrheim ligg høgt på administrasjon, og på barnevern. Barnevern skal ned, etter at ein no går inn i Alver kommune. At det er høgt på administrasjon handlar om at ein del er lagt på feil plass, til dømes ligg grønt arbeid under administrasjon, og kyrkja er lagt under administrasjon.
- Viktig at ein rapporterer godt, for å få gode statistikkar ut når ein skal samanlikna seg med andre kommunar. Vil ta meir enn eit år å få dette bra.
Anne Dahle Austrheim (KrF) viste til at det er viktig at tal vert lagt på rett plass slik at ein ser kvar kostnaden ligg.
Om rammetilskotet sa Odd Harald Dommersnes at ein ikkje veit sikkert, sidan statsbudsjettet 2021 ikkje er endeleg. Har ikkje teke med i 2021-budsjettet dei tilskota ein har fått frå Fylkesmannen i 2020, sidan ein ikkje veit om dette kjem også i 2021. Kommunestyret må elles sjå på kva som er lovpålagde og ikkje lovpålagde oppgåver.
For å bygga opp noko disposisjonsfond må ein ha eit resultat på 6 millionar / 3 prosent i 2021. I dag har ikkje kommunen noko disposisjonsfond i det heile. Legg ikkje opp til oppseiingar, men det kan bli endringar der ein må jobba på ein annan plass eller på ein annan måte.
Når ein ser på lånegjelda per innbyggjar er den på 90.000 kroner per innbyggjar, det er 10.000 over landsgjennomsnittet. Renta er no historisk låg, og stig den må kommunen betala meir. Om dette sa Per Lerøy (Ap) at det ligg ein del investeringar som kommunen må ta framover, som skule og sjukeheim.
Dommersnes sa vidare at administrasjonen legg opp til å auka lånegjelda med fem millionar til 272 millionar kroner.
For investeringar på V/A vil administrasjonen ha ein prosjekttilsett prosjektleiar for tre år, for å sikra framdrifta på desse investeringane. Om dette svara Per Lerøy (Ap) at ein tidlegare så godt som aldri har klart å følgja framdriftsplanen som kommunestyret har sett for investeringar.
Anne Dahle Austrheim (KrF) spurte om korleis dette står i samanheng med den stillinga som oppretta for prosjektsstilling økonomi. Dommersnes svara at dette er ei prosjektstilling der vedkommande er den som skal vera ute i marka og følgja opp entreprenørane. Kostnaden skal førast på prosjektet.
Kommunalsjef Thomas Lindås sa at med ein fagleg dyktig prosjektleiar kan kommunen få betre og rimelegare løysingar enn med å bruka interne ressursar som allereie er skvist.
Ordførar Per Lerøy (Ap) sa at det er berre til å setta fart på dette, ligg etter på investeringar for både vatn og avlaup. Krava vert skjerpa frå overordna styresmakter på begge desse felta.
Morten Sognnes (H) sa at han støttar at V/A vert sett i gang med ein prosjekttilsett prosjektleiar. Er mange ting å ta fatt i, særleg innan avlaup.
Per Lerøy (Ap) sa vidare at det tidlegare har komme vedtak frå kommunestyret som administrasjonen ikkje har klart å setta i verk, sjølv om det er sett av pengar. Kommunalsjef Bjørnar Fjellhaug svara at denne prosjektstillinga nettopp skal vera med og sikra framdrifta i investeringsprosjekta.
Om Mongstad Vekst sa ordførar Per Lerøy (Ap) at ein ventar at dette selskapet vert avvikla i løpet av 2021, med utbetaling av midlar til kommunen, via Austrheim Næringsselskap som er selskapet der kommunen eig sin del.
Om kostnadskutt 2021:
- Kutt hjå rådmann er basert på at kyrkja vert flytta inn på kommunehuset.
- Utgifter til barnevern er venta å verta rimelegare etter flyttinga til Alver, med færre tiltak.
- Kutt Kaland skule er knytt til ein klasse er flytt til Årås, samt samanslåing av to barneskuleklassar med mindre ressursbehov der. Budsjettet er lagt opp for to ungdomsskular, endrar eventuelt i etterkant dersom kommunestyret går for ein felles ungdomsskule.
- Heimeteneste 2 Vestlia, redusert opp mot kva som er reelt.
- Renteutgifter er forventa
Om kostnadsvekst i 2021:
- For helsetenester er dette auke frå 2 til 3 legar, auke i utgifter til legevakt etter innflyttinga i Helsehuset, og oppgjer av etterslep av avspasering for kommunelegane, som ikkje er oppgjort iht. ein avtale som kommunestyret har vedteke tidlegare.
Bjørn Inge Dyrkolbotn (Sp) sa at det er bra at det ikkje skal kuttast i stillingar.
Inger Lise Brekke (H) sa at det var ein nyttig presentasjon. Ba om at ein ser vidare på dette med at fleire kan bu heime lengre, med heimeteneste og mat. Odd Harald Dommersnes svara at det er lønsamt for kommunen å få til dette.
Om dette sa Per Lerøy (Ap) at ein må sjå på korleis fleire kan bu heime lengre, og kva ein då kan gjera for å få fleire heimar som er tilrettelagde, for at folk kan vera heimebuande.
Når det gjeld interkommunale samarbeid ba kommunalsjef Dommersnes om at ein ser tett på dette for å unngå kostnadsauke.
Per Lerøy (Ap) spurte om kva som er budsjettert av overskot, Dommersnes svara at det er lagt opp til eit budsjettoverskot på 6 millionar.
Bjørnar Fjellhaug sa at det kan verta endra oppgåver for enkelte, og at ein må jobba meir effektivt, for å klara budsjettoverskotet.
Thomas Lindås orienterte om sal av eigedommar:
- To kommunale leilegheiter er selde for 700.000 og 1,2 millionar.
- Har eit mål om å selja eigedommar i 2020 for 4,5 millionar.
- Har ein lunken interessent til bustadområdet på Kaland, der er taksten 3,2 millionar.
- Sel eit bustadhus der taksten er 2,5 millionar. Har rydda litt, må kanskje ta vekk ein oljetank i hagen før sal. Håpar på sal før nyttår av dette huset.
- Næringsområde på Mongstad har no fått ein takst på 13 millionar. Skal i møte med Equinor sidan noko av dette ligg tett på dei.
- Vurderer frådeling av ei tomt ved kyrkjelydshuset, og ei tomt i Åråsfeltet, som begge kan seljast.
- I 2021 vil ein vurdera sal av kyrkjelydshuset og det gamle kommunehuset, begge desse kjem det politiske saker på.
Handsaming i formannskapet:
Samrøystes for rådmannens framlegg til vedtak.
Sakshandsamar Christopher Straumøy orienterte om saka.
Dette er eit bygg med stor kulturhistorisk verdi lokalt.
Det er spesiell sak sidan tiltakshavar ikkje er grunneigar og ikkje har avtale med grunneigar. Men administrasjonen meiner at på bakgrunn av dom i lagmannsretten så føreligg det eit "de facto" tomtefeste.
Morten Sognnes (H) sa at ein her ikkje har noko med det privatrettslege å gjera. Dette er ei restaurering av huset.
Bjørn Inge Dyrkolbotn (Sp) sa at det kulturhistoriske må vega tungt her.
Inger Lise Brekke (H) sa at når muren står att etter brannen, og med dommen frå lagmannsretten, så er eigartilhøvet intakt, og det er tale om å bygga oppå muren. Går inn for å støtta framlegg til vedtak.
Anne Dahle Austrheim (KrF) sa at hennar gruppe har diskutert saka og vil støtta framlegget til vedtak.
Kommunalsjef Thomas Lindås sa at sjøtilkomsten er det som har rettsleg vern, medan parkering og gangsti frå vegen ikkje er tinglyst. Avdelingsleiar Asbjørn Toft sa at vanlegvis har ein gangrett alle vegar etter friluftslova, men at ein ikkje nødvendigvis kan gå same vegen kvar gong, og ikkje over dyrka mark.
Handsaming i formannskapet:
Samrøystes for rådmannens framlegg til vedtak.
Planstrategi for Austrheim kommune 2020-2024 vert godkjent. Grungjevinga er gjeve i saksutgreiinga. Vedtaket er heimla i plan- og bygningslova sin § 10-1.
Styringsgruppa for planstrategiarbeidet er formannskapet.
Avdelingsleiar Asbjørn Toft orienterte om saka.
I samband med kven som skal vera i styringsgruppa sa kommunalsjef Bjørnar Fjellhaug at administrasjonen ikkje såg at det var naudsynt å laga ei eiga sak på dette, sidan det låg i vedtaket at det er formannskapet som er styringsgruppe. Avdelingsleiar Asbjørn Toft sa at det uansett er mogleg for kommunestyret å gjera ei endring på styringsgruppa direkte i møtet.
Om planstrategien elles sa avdelingsleiar Toft at den er førande, men at det kan gjerast endringar undervegs framover.
Rådmann Liv Løvvik viste til at det er gitt nasjonale innspel på planar, som for diskriminering og for vald i nære relasjonar. Om dette svara avdelingsleiar Asbjørn Toft at det også skal lagast ein kommunedelplan oppvekst, og at noko av dette kanskje kan inngå som ein del av dette.
Morten Sognnes (H) spurte om ein ikkje bør legga til rette for fleire bustader, om ein lukkast med industri på nytt område på Kaland. Om dette svara avdelingsleiar Asbjørn Toft at det alt er ein tomtereserve på rundt 500 bustader i Austrheim (på private hender), av dette er kring 150 i Kaland-krinsen. Viste vidare til at det på Kaland er på plass reguleringsplan for skulen og barnehagen, og for gangveg frå Fonnesvågen til Kaland skule.
Er elles langt på veg med regulering av gang- og sykkelveg, om ein får regulert frå Fonnes til Kilstraumen så er det regulert gang- og sykkelveg gjennom nesten heile kommunen.
Morten Sognnes (H) viste til at det er på strekket Fonnes-Kilstraumen det har skjedd flest ulukker, så det er viktig å startar der. Per Lerøy (Ap) viste til at det også kan opna for nye bustader om ein får bygd i alle fall deler av dette strekket.
Avdelingsleiar Asbjørn Toft sa at administrasjonen gjer mest mogleg av planarbeidet sjølv, men at politikarane må vera klare over at det må leigast inn planfirma til ein del av arbeidet, som må dekkast inn gjennom budsjetta. Når det vert laga planar på areal som kommunen eig sjølv, kan det leggast inn som ei investering slik at det kan avskrivast.
Kommunalsjef Odd Harald Dommersnes viste til at dette med diskriminering no er innskjerpa frå statleg hald, og at det skal med i årsmeldinga frå kommunen. Etter litt diskusjon vart det konkludert med at diskriminering kan lagast som ein temaplan.
Barne- og ungdomsplanen skal begynnast på i 2021.
Handsaming i formannskapet:
Samrøystes for rådmannens framlegg til vedtak.
Avdelingsleiar Asbjørn Toft orienterte om saka.
Handsaming i formannskapet:
Samrøystes for rådmannens framlegg til vedtak.
Avdelingsleiar Asbjørn Toft orienterte om saka.
Handsaming i formannskapet:
Samrøystes for rådmannens framlegg til vedtak.
Kommunalsjef Thomas Lindås orienterte om saka. Dette er ei justering mykje på grunn av at det er nye kommunar, samt at det er lagt inn at BOF skal driva med innsamling av Marin forsøpling.
Ordførar Per Lerøy sa at dette er innsamling av plast frå havet, basert på inntekter frå avgifta som er på plastposar. Skal i Austrheim bruka den kartlegginga som Neptun har gjort.
Morten Sognnes (H) spurte om dei også tek inn plastbåtar, ordførar Per Lerøy (Ap) sa at dette er noko ein må spela inn. Sognnes viste til at det er mange som berre dumpar gamle plastbåtar og ikkje tek ansvar for desse.
Handsaming i formannskapet:
Samrøystes for rådmannens framlegg til vedtak.
Ordførar Per Lerøy (Ap) orienterte om saka.
Er ikkje store summar for kommunen, og når kommunen er inne med midlar så doblar fylkeskommunen desse summane.
Handsaming i formannskapet:
Samrøystes for rådmannens framlegg til vedtak.
Ordførar Per Lerøy viste til at denne saka også var handsama i administrasjonsutvalet.
Handsaming i formannskapet:
Samrøystes for rådmannens framlegg til vedtak.
Saka vert sendt tilbake for ny søknadshandsaming.
Søkarane får beskjed om at dei kan legga inn sine søknader på nytt, direkte på nettsida www.regionalforvaltning.no.
Det vert ikkje opna for nye søkarar, enn dei som hadde levert søknad i denne runden.
Søkarane skal ha levert sine søknader på
Administrasjonen vil så handsama saka for utsending til formannskapet tysdag 3. november, for handsaming i møtet 5. november.
I denne saka var Bjørn Inge Dyrkolbotn (Sp) ugild, Reidar Øksnes (Sp) var inne som vara.
Representantane diskuterte kring det at det er ulik kvalitet på dei ulike søknadene, mellom anna med tanke på tidsplan for når dei skal komma i gang, med meir.
Kommunalsjef Thomas Lindås viste til at administrasjonen hadde vurdert å be søkarane om å legga sine data inn på nytt i skjemaet i Regionalforvaltning.no, men hadde ikkje gjort det, for å heller få saka fram til formannskapet.
Ordførar Per Lerøy (Ap) og Morten Sognnes (H) støtta framlegget om å utsetja saka, for å la søkarane legga inn sine data på nytt, og la saka komma opp igjen til møtet 5. november. Også Reidar Øksnes (Sp) støtta dette, og ba om at det vart vurdert om ein skulle spreia støtta på fleire, heller enn større summar til enkelte.
Anne Dahle Austrheim (KrF) sa at det kan vera betre å satsa på enkelte heller enn å dela det tynt utover, og fekk støtte av Inger-Lise Brekke (H).
Kommunalsjef Thomas Lindås sa at midlane vert betalte ut etterskotsvis, og at det må investerast først. Om det er for små summar, kan det vera at summane ikkje vert verksame i det heile.
Handsaming i formannskapet:
Samrøystes for dette nye framlegget:
Saka vert sendt tilbake for ny søknadshandsaming.
Søkarane får beskjed om at dei kan legga inn sine søknader på nytt, direkte på nettsida www.regionalforvaltning.no.
Det vert ikkje opna for nye søkarar, enn dei som hadde levert søknad i denne runden.
Søkarane skal ha levert sine søknader på www.regionalforvaltning.no seinast torsdag 29. oktober klokka 23.59.
Administrasjonen vil så handsama saka for utsending til formannskapet tysdag 3. november, for handsaming i møtet 5. november.
Austrheim formannskap rår kommunestyret til å vedta økonomireglement for Austrheim kommune.
Kommunalsjef Odd Harald Dommersnes orienterte om saka.
Legg opp til å betra driftsresultatet - bygga opp disposisjonsfond - redusera lånegjelda i prosent av brutto driftsinntekter.
Kommunalsjef Dommersnes spurte om det er vanleg i Austrheim å legga fram rapport etter 3. tertial, ordførar Per Lerøy (Ap) svara at det ikkje har vore vanleg, men har vore etterlyst.
For økonomi viste Dommersnes til at det er avdelingsleiarar som framover må løysa budsjettsprekkar innan sine tenesteområde. Om det er avvik utover dette, så må ein be om auka midlar politisk. Det var ein diskusjon om dette, Dommersnes presiserte at budsjettet er bygd nedanfrå og opp, og at dersom avdelingsleiarar ser at det er behov for meir så må det løysast innanfor den sektoren. Skulle det skje spesielle ting, som at nokon med store behov flyttar til kommunen, så vil administrasjonen gå til politikarane og be om ekstra midlar, og be om ei politisk prioritering på korleis dette skal løysast. Formannskapet vil få månadlege rapporteringar på dette, med rapport og prognosar.
Morten Sognnes (H) sa at dette er noko ein har venta på, og som ein ser fram til. Inger Lise Brekke (H) sa at denne måten å jobba på, gjev avdelingsleiarar eit eigarskap til budsjetta sine.
Anne Dahle Austrheim (KrF) spurte om ein kan setja ein ambisjon på 1,75 prosent driftsoverskot heller 3 prosent, for å ha større handlingsrom. Dommersnes svara at driftsoverskotet skal sikra oppbygging av disposisjonsfond, men at kommunestyret uansett kan endra dette reglementet på kort varsel.
Per Lerøy (Ap) sa at 1,75 prosent som driftsoverskot er eit statleg råd, Fylkesmannens råd er 3 prosent, men kommunestyret er suverene til å seia at i år kan me kjøra med 0 i driftsoverskot.
Kommunalsjef Odd Harald Dommersnes sa at det er tilrådeleg å bygga seg opp ein buffer, dersom det til dømes skal investerast i ny Nordliheimen eller liknande.
Morten Sognnes (H) støtta eit mål om 3 prosent driftsoverskot.
Per Lerøy (Ap) sa seg samd med at ein skal vera nøkterne med investeringane framover, og bygga opp fond, men det er viktig å ha med seg at det er kommunestyret som avgjer om det skal vera driftsoverskot på 0 prosent, 1,75 prosent, eller 3 prosent. Her er kommunestyret suverene.
Handsaming i formannskapet:
Samrøystes for rådmannens framlegg til vedtak.
Politiker | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Morten Sognnes | Høgre | Medlem | morten.sognnes@austrheim.kommune.no |
Bjørn Inge Håland Dyrkolbotn | Senterpartiet | Medlem | Bjorn.Inge.Dyrkolbotn@austrheim.kommune.no |
Anne Dahle Austrheim | Kristeleg Folkeparti | Varamedlem | annedahleaustrheim@gmail.com |
Christopher Marius Straumøy | christopher.marius.straumoy@austrheim.kommune.no | ||
Bjørnar Fjellhaug | bjornar.fjellhaug@austrheim.kommune.no | ||
Asbjørn Nagell Toft | asbjorn.n.toft@austrheim.kommune.no | ||
Odd Harald Dommersnes | odd.harald.dommersnes@austrheim.kommune.no | ||
Liv Løvvik | liv.lovvik@austrheim.kommune.no | ||
Thomas Lindås | thomas.lindas@austrheim.kommune.no | ||
Helge Dyrkolbotn (Ikke møtt) | Kristeleg Folkeparti | Medlem | Helge.Dyrkolbotn@vlfk.no |