Utval: | Formannskapet |
---|---|
Dato: | 08.06.2016 09:00 |
Møtestad: | Møterom Børilden |
Status: | Møtet er ferdig protokollert |
Sakskart: | |
Møteprotokoll: |
Jorund Stellberg etterlyste annonsering av tomt i sak 33/16. Dette vil bli gjort så snart som mogeleg.
Rådmannen sitt framlegg vert samrøystes vedteke
-Rolf Henning Myrmel og Helge Dyrkolbotn orienterte om ny bustad for mindreårige flyktningar i Austrheim kommune. Teikningar og kostnadskalkyle for
bygget vart lagt fram på møtet.
-Ordførar Per Lerøy orienterte om møte med skyss.
-Rådmann Jan Olav Osen orienterte om resultatet frå forbrukarrådet si undersøking om servicen i kommunane. Austrheim kommune vart nr. 8 i denne
undersøkinga.
Rådmannen sitt framlegg vart samrøystes vedteke.
Ansvaret for skulebilioteket på Årås skule vert frå 01.08.16 overflytta til biblioteket i Austrheim.
Kostnaden i 2016 kr. 30.000,- vert dekka med overflytting frå ansvar 220 til 251.
Fellesframlegg:
Ansvaret for skulebilioteket på Årås skule vert frå 01.08.16 overflytta til biblioteket i Austrheim.
Kostnaden i 2016 kr. 30.000,- vert dekka med overflytting frå ansvar 220 til 251.
Fellesframlegget vart samrøystes tilrådd.
Rådmannen sitt framlegg vart samrøystes tilrådd.
Jorund Stellberg ba om at Austrheim vurderer rapportering med utgangspunkt i framlagt døme. Administasjonen ser på dette om gjev tilbakemelding i seinare møte.
Fellesframlegg:
Austrheim kommunestyre godkjenner fylgjande justeringar av budsjettet for 2016:
Fellesframlegget vart samrøystes tilrådd.
1. Økonomiplan 2017-2020, vert vedteke slik det ligg føre i tabelloppsettet i saksutgreiinga,
med fylgjande endringar på driftsrammene for dei einskilde driftsåra:
Rammeområde: | 2017 | 2018 | 2019 | 2020 | |
Netto auke i frie inntekter | 4435 | 4435 | 4435 | 4435 | |
Reduksjon eigedomsskatt | -5800 | -5800 | -5800 | -5800 | |
Integreringstilskot flyktningar | 400 | 400 | 400 | 400 | |
2. 1. års ramme i økonomiplanen, vert grunnlaget for det vidare arbeidet med å fastsetje
årsbudsjettet for år 2017
3. Dei totale investeringsrammene for åra 2017-2020, vert vedteke slik dei ligg føre i vedlagte
tabelloppsett.
Framlegg frå H v/ Jorund Stellberg:
Austrheim Høgre vil ha ein planmessig gjennomgang av administrasjon og tenesteproduksjon med sikte på ikkje å innføre eigedomsskatt på hus og fritidsbustad.
Framlegg frå Ap v/ Siri Kaland:
Det vert i 2016 gjennomført taksering av eigedommar knytt til anna næring, taksering av hus og fritidseigedommar og ny taksering av eigedommar knytt til verk og bruk. For Ap vil det vera svært vanskeleg å innføra eigedomsskatt på hus og fritidseigedommar som følgje av Austrheim kommune sin vanskelege økonomiske situasjon. Dei økonomiske utfordringane kommunen har, må etter Ap sine vurderinga løysast gjennom andre tiltak enn ved innføring av eigedomsskatt. Grunnen til at me støttar ei taksering av hus og fritidseigedommar no, er at me veit at Finansdepartementet vurderer å innføra nye reglar for skattelegging av verk og bruk. Dersom dette vert ein realitet, vil det få dramatiske konsekvensar for dei kommunane som i dag har skatt på verk og bruk. I ein slik situasjon vil Austrheim kommune bli tvinga til å innføra eigedomsskatt på hus og fritidseigedommar. Ap ønskjer difor å ha grunnlaget klart slik at kommunen er godt førebudd dersom regjeringa gjer store endringar i reglane for skattelegging av verk og bruk.
Når det gjeld sjølve økonomiplanen for 2016 – 2020 så ønskjer me at det vert gjort følgjande endringar:
Eigedomsskatt: Vert redusert frå 21 800 til 16 000
Skatt på inntekt og formue: Vert auka frå 87 700 til 92 135
Dei andre tala i tabellen, blant anna inntektsutjamninga, vert juster i tråd med desse endringane.
Me byggjer forslaget vårt på at KS har rekna ut at Austrheim kommune vil få ein vekst i frie inntekter på 5% frå 2016 til 2017. Desse utrekningane skal vera basert på det nye inntektssystemet og vera i tråd med det som kom fram i kommuneproposisjonen i mai. Ser ein bort frå eigedomsskatt og andre inntekter som normalt ikkje vert rekna inn i dei fri inntektene, ser det ut til at KS har rekna ut at Austrheim vil få ein vekst i dei frie inntektene på minst 8,3 millionar kroner. Då skal dei også ha tatt omsyn til ei eventuell inntektsutjamning. Me meiner difor at det vil vera forsvarleg og auka skatteanslaget som vist over.
Framlegg til vedtak:
I økonomiplanen for 2016 – 2020 vert det gjort følgjande endringar:
Eigedomsskatt: Vert redusert frå 21 800 til 16 000
Skatt på inntekt og formue: Vert auka frå 87 700 til 92 135
Dei andre tala i tabellen vert justert i tråd med desse endringane.
Med utgangspunkt i dei to framlegga vert det gjort fylgjande fellesframlegg:
1. Økonomiplan 2017-2020, vert vedteke slik det ligg føre i tabelloppsettet i saksutgreiinga,
med fylgjande endringar på driftsrammene for dei einskilde driftsåra:
Rammeområde: | 2017 | 2018 | 2019 | 2020 | |
Netto auke i frie inntekter | 4435 | 4435 | 4435 | 4435 | |
Reduksjon eigedomsskatt | -5800 | -5800 | -5800 | -5800 | |
Integreringstilskot flyktningar | 400 | 400 | 400 | 400 | |
2. 1. års ramme i økonomiplanen, vert grunnlaget for det vidare arbeidet med å fastsetje
årsbudsjettet for år 2017
3. Dei totale investeringsrammene for åra 2017-2020, vert vedteke slik dei ligg føre i vedlagte
tabelloppsett.
Austrheim kommunestyre gjev rådmannen fullmakt til å kjøpe Høgeberget 16, gnr 149, bnr 62 til bruk for flykningar for kr 2.740.000,-.
Finansiering vert med tilskott på inntil 40% av kjøpesummen og restfinansiering gjennom lån i Husbanken.
Rådmannen sitt framlegg vart samrøystes tilrådd.
Politikar | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Siri Kaland | Arbeiderpartiet | Medlem | sikaland@gmail.com |
Jorund Stellberg | Høgre | Medlem | jorund.stellberg@gmail.com |
Morten Sognnes | Høgre | Varamedlem | morten.sognnes@austrheim.kommune.no |
Randi Keilegavlen Dyrøy | Kristeleg Folkeparti | Varamedlem | randidy1@start.no |
Anne Dahle Austrheim (Ikke møtt) | Kristeleg Folkeparti | Varaordførar | annedahleaustrheim@gmail.com |
Jan Erik Espelid (Ikke møtt) | Venstre | Medlem | jespe62@hotmail.com |