Møte i Råd for menneske med nedsett funksjonsevne den 05.12.2019

Behandling

Handsaming i rådet:
Rådmannen sitt framlegg vart samrøystes vedteke

Vedtak

Godkjenning av møteprotokoll frå forrige møte 12.06.19, er utsett til neste møte i rådet.

Behandling

Ved ein bommert frå møtesekretæren vart ikkje møteprotokollen frå møtet 12.06.19 sendt ut saman med innkallinga.

Møteboka med vedlegg frå møtet 12.06.19 vart delt ut i møtet.

Handsaming i rådet:
Godkjenning av møteprotokoll frå forrige møte 12.06.19, er utsett til neste møte i rådet.

Behandling

Atle Utkilen tok opp saka om tilrettelegging av uteområdet på Årås skule, ei sak som har vore handsama i rådet våren 2019. Utkilen sa at så langt han kjenner til, så har det ikkje skjedd noko fysisk enno.

Rådmann Liv Løvvik svara at det var teke opp administrativt at ein skulle ta vekk grus og legga til rette med matter ved dei aktuelle leikeapparata. Løvvik sjekka dette opp med administrasjonen umiddelbart, men fekk ikkje svar straks, då dei aktuelle tilsette var ute i samband med ulike møte.

(I etterkant av møtet fekk rådmannen beskjed om at tilrettelegginga ikkje hadde skjedd enno på grunn av vedkommande som skulle gjera arbeidet, vikarierte som sjåfør på transporten til Aufera på Manger)

Vedtak

Rådet for menneske med nedsett funksjonsevne kjem med eit innspel til budsjett 2020 og økonomiplan 2020-2023. Dette innspelet vert utarbeidd i etterkant av møtet og vert ettersendt til kommunestyret.

Behandling

Atle Utkilen viste til dei spørsmåla han har stilt i forkant av møtet. Kommunalsjef helse og omsorg, Monika Kvamme, svara på vegner av administrasjonen.

Spørsmål: - Kven eig bussen, kva skjer med den.
Svar: - Det er ein 16-setar som kommunen eig.

Spørsmål: - Har kommunen støtte frå Fedje?
Svar: - Brukaren frå Fedje betalar 20 kroner per reise.

Spørsmål: - Er det støtte frå Nav til dette busstilbodet.
Svar: - Kommunen har fått støtte til kjøringa, men dette vil gå ut i samband med at sjåføren per i dag går av med pensjon.

Spørsmål: - Kva er rekneskapet for drifta av bussen?
Svar: - Drift av bussen vidare ville ha kosta 7-800.000 kroner årleg, med løn, andre kostnader og buss/vedlikehald. Brukarbetaling er så langt i 2019 på 47.000 kroner.

Spørsmål: - Kva anna bruk er det av bussen?
Svar: - Anna bruk er skulane i samband med svømming, Landbruksdagen, Boccia-laget med meir. Det er mindre utleige no enn det har vore tidlegare.

Monika Kvamme sa vidare at Nav viser vidare til fylket for denne transporten, men fylkeskommunen har på si side i 2020-budsjettet lagt opp til å legga ned ordninga med skyss i samband med VTA-plassar.

Randi Keilegavlen Dyrøy sa at dette kuttet er det ein del av innsparinga kommunen er inne i.

Rådmann Liv Løvvik sa at det er ikkje er lett å gjera dette kuttet, men ein må sjå det opp mot andre kutt som er gjort.

Elsa Skare sa at det er dei best fungerande som kan ta denne ti på sju-bussen (rutebuss), der dei også må venta utandørs på Radøy for skifte av buss. Trur det vil føra til fråvær, som igjen vil gje problem for Aufera. Det vert feil å kutta i dette tilbodet for dei svakaste, som kan gje enkelte brukarar høge drosjeutgifter. Brukarane har ikkje valt at dette tilbodet skal vera på Manger, det var på Austrheim tidlegare, men vart så flytta til Manger på Radøy.

Monika Kvamme sa om prisen på bussen at Skyss tek 19 kroner billetten, kommunen tek 20 kroner. Vidare sa Kvamme svara at Aufera også må tilpassa seg med arbeidstida for brukarane, og legga det opp slik at ein kan ta bussar som går heilt fram. Dette fungerer i dag for ein del brukarar to av dagane i veka, sidan det kommunale busstilbodet berre er i drift måndag/onsdag/fredag.

Solbjørg Sætre sa at det her vert kutta i tilbodet til dei aller svakaste.

Økonomisjef Olav B. Andersen viste til at det er kutta 16 årsverk i kommunen i 2019, og at det skal kuttast vidare i 2020. Dette nedtrekket er konsekvensen av dei rammene som kommunestyret har sett.

Løvvik viste til at det er gjort harde kutt i heile organisasjonen, og at det må gjerast kutt også framover når ein ser på tala for dei kommande åra. I denne sektoren er det eit meirforbruk samanlikna med andre kommunar, og kommunen ser på at det er rimelegare med rutebuss enn skyss med minibuss.

Monika Thorpe spurte om kva som kan skje dersom VTA-plassane vert flytta til Austrheim, samstundes som Austrheim kommune har gitt ein lånegaranti til Aufera i samband med deira flytting til Manger Sentrum.

Rådmann Liv Løvvik svara at det avgjerande for Aufera er at dei får ei lønsemd i drifta, men for dette er det viktigast med dei friskaste brukarane. Lånegarantien er ikkje så stor. For enkelte av brukarane kan det gje eit betre tilbod om dei kunne hatt dette nærare Austrheim enn Aufera-tilbodet. Det viktigaste her er tilbodet, ikkje om det er på Manger eller Austrheim.

Utkilen sa at ein må finna løysingar, for å sikra at brukarane ikkje kjenner seg sparka bein under eller svikta. Kan rådet her vera med på å finna ei løysing på dette?

Elsa Skare spurte om det er mogleg å utsetta denne saka.

Monika Kvamme svara at det er mogleg. Per i dag er det ein vaktmester som har denne oppgåva, som vikar for den ordinære sjåføren.

Administrasjonen har rekna på kostnaden for ei enklare løysing, med mindre buss som kan henta på Manger måndag/onsdag/fredag, og komme fram til at det vil kosta rundt 23.000 kroner i månaden.

Liv Løvvik sa dersom dette skal utsettast må ein finna saldering for dette nedtrekket. Viste til at kommunen kjem dårleg ut fleire stader, i samband med statsbudsjettet og ein høg andel lønsutgifter av det samla budsjettet.

Atle Utkilen sa at politikarane 12. desember må sjå om det er mogleg på finna midlar til å driva denne bussen vidare.

Liv Løvvik viste lysark som viste den økonomiske framtida kommunen har for seg, der 2020 er det beste året i den kommande fireårsperioden. Kommunen må finna konkrete kutt også dei kommande åra, og eit anna viktig moment er at den demografiske utviklinga tilseier at kommunen må ta høgde for fleire eldre i åra framover.

Atle Utkilen spurte om meir detaljar om underlagsmaterialet for budsjettet. Liv Løvvik sa at kommunestyret i utgangspunktet gjev rådmannen rammer å styra innanfor, Olav B. Andersen følgde opp og sa ein kan ta kontakt med han for å få fleire tal om ein vil.

Liv Løvvik orienterte rådet om at det i 2020 vert starta opp eit arbeid med oppdatering av den bustadsosiale handlingsplanen, der ein vil sjå på kvar kommunen bør tilrettelegga for nye bustader.

Handsaming i rådet:

Fellesframlegg til vedtak, vedteke sams:

Rådet for menneske med nedsett funksjonsevne kjem med eit innspel til budsjett 2020 og økonomiplan 2020-2023. Dette innspelet vert utarbeidd i etterkant av møtet og vert ettersendt til kommunestyret.