Utval: | Kommunestyret |
---|---|
Dato: | 08.04.2021 18:00 - 20:00 |
Møtestad: | Digitalt møte på Teams |
Status: | Møtet er ferdig protokollert |
Sakskart: | ![]() ![]() |
Møteprotokoll: | ![]() |
Handsaming i kommunestyret:
Rådmannen sitt framlegg vert samrøystes vedteke
Handsaming i kommunestyret:
Rådmannen sitt framlegg vert samrøystes vedteke
Kommunalsjef økonomi og personal, Odd Harald Dommersnes, orienterte om brevet frå Statsforvaltar om at Austrheim vert teke ut av Robek-lista når kommunestyret har vedteke årsrekneskapen for 2020. Statsforvaltar ber om at Austrheim aukar avsetningar til fond framover, så sjølv med overskot må ein halda att på midlane.
Handsaming i kommunestyret:
Rådmannen sitt framlegg vert samrøystes vedteke
Avdelingsleiar Asbjørn Toft sa at Vestland Fylkeskommunen ved trafikksikringsutvalet har løyvd 200.000 til gang/sykkelveg eller fortau mellom Nordliheimen og Seniorsenteret. Her må endeleg tildeling venta på vedtak. Kommunen ser for seg ein gang/sykkelveg kombinert med tilkomst til Seniorsenteret, for å få vekk denne avkjøringa.
Det som i tillegg er tildelt frå fylket, er 130.000 kroner til haldningsskapande arbeid mellom ungdom, her skal det gjerast arbeid i samarbeid med skular og med ungdomskoordinator.
Ordførar Per Lerøy sa at det er gjort eit godt arbeid med å søka midlar. Skal søka på nytt om nye midlar, her er det årlege tildelingar.
-----
Inger-Lise Brekke orienterte om samarbeidsprosjekt med Nav, med tittelen "Vi inkluderer!". Dette er noko representanten jobbar med til dagleg i Nav, og som er presentert for kommunen tidlegare. (Presentasjonen ligg ved møteboka).
Det er mogleg for bedrifter å verta flinke til å bruka Nav med tanke på tilskot for å få folk ut i arbeid. For kommunen er det kanskje helsesektoren som er mest aktuelt.
Reidar Øksnes (Sp) spurte om det kan stillast krav til lærlingbruk for bedrifter kommunen brukar, og korleis "Vi inkluderer" kan brukast av kommunen. Inger-Lise Brekke sa om dette at det er opp til kommunen kva dei legg i arbeidet. Det er kontaktpersonar som kan hjelpa kommunen til å bruka Nav betre, og det er opplegg for å laga alternative utdanningsløp for dei som ikkje kan fullføra vanleg lærlingløp.
----
Kommunalsjef Thomas Lindås orienterte om endringar og status for VA (Presentasjonen ligg ved møteboka).
Helge Dyrkolbotn (KrF) spurte om ein tok med seg alt når ein først er i gang med ny vassleidning på Kaland, dette svara Lindås på at skal verta gjort.
Morten Sognnes (H) sa at det er bra at ein har klart å redusera vassforbruket, samstundes som ein har fått fleire abonnentar. Viktig med kartlegging av eksisterande nett. Spurte om vatn til Førland, til det siste svara Thomas Lindås at det ligg seinare i VA-planen. Lindås sa vidare at det må vera finansiering på plass, og dessutan må kommunen få tak i fagfolk som kan gjera jobben. Planen er å ta fatt i dette med vatn til Førland når rammene er på plass.
Reidar Øksnes (Sp) spurte om bruken av konsulentar hindrar at desse verksemdene kan gje tilbod på arbeidet. Lindås svara at det er entreprenørane som gjev anbod no, Multiconsult er aktuelle for prosjektstyring gjennom ein opsjon ein har på det, etter at dei har bistått med anbodspapira.
Ordførar Per Lerøy (Ap) sa at reduksjonen av vassforbruket kjem av at ein har prioritert digitale målarar slik at ein kan finna og isolera lekkasjar ganske raskt. Dei fleste lekkasjar som er oppdaga er på private nett og ikkje på det offentlege. På Kaland tek ein no vatn og overvatn i same grøft der BKK skal leggja fram straumkabel til nye bustader i Kalandsfeltet. Skjer mykje positivt no.
----
Bjarne Ve Sæbø orienterte om arealbruk på kommunehuset, og moglege endringar. Kartlegginga som er gjort viser at det er til dels lite lydisolering mellom kontora, dette er vanskeleg å løysa sidan det er bygd for ope landskap, med veggar som berre går opp til himling. I kartlegginga var det også etterlyst fleire møterom.
Sæbø gjekk gjennom skissene etasje for etasje. I første etasje er biblioteket tenkt der Servicekontoret er i dag, med moglegheit for meirope. Biblioteket vil vera kombinert med Servicekontoret sin inngang.
I denne etasjen er det etablert HC-toalett der det i dag er toalett, ved å utvida med å ta rekvisitarommet.
I andre etasje er biblioteket sett til bruk for kyrkja, det står fysioterapi på teikninga men det er teke ut av styringsgruppa. Litt justeringar i dørplassering på Familiekontoret. Etablering av HC-toalett, ved å utvida eitt av dei eksisterande toaletta.
I tredje etasje er det teikna inn vegg som skjermar økonomikontoret, og arkivet for økonomi vert nytt møterom. Service er tenkt flytta opp i tredje etasje. Etablering av HC-toalett, ved å utvida eitt av dei eksisterande toaletta.
Odd Harald Dommersnes sa at det er politisk å avgjera kva som skal investerast i, men det er andre ting som også er presserande, som Vestlia og på Kaland skule. Gjekk over budsjett på vintervedlikehald, alt dette er budsjettjusteringar som kjem til kommunestyret seinare.
Reidar Øksnes (Sp) spurte om ein kan løysa noko ved å ta i bruk terrassen i 3. etasje. Om dette svara Thomas Lindås at konstruksjonen på bygget er pressa med tanke på vekt. Helge Dyrkolbotn (KrF) sa at han også tvila på styrken for terassen, men evt. ved Austrheimstova/kantina kan ein gjera noko med eit tilbygg.
Per Lerøy (Ap) oppsummerte med at biblioteket har søkt om støtte til flyttinga frå 2. til 1. etasje. Elles vil administrasjonen komma tilbake til politikarne med meir detaljerte planar med overslag på kostnader.
----
Rådmann Bjørnar Fjellhaug sa at det kom spørsmål frå Gulen og Masfjorden sist haust om samarbeid på PPT, her har Austrheim sagt seg villig til å vera vertskommune. Eit samarbeid på PPT er positivt også for Austrheim for å sikra ei god teneste, og vera mindre sårbare.
Administrasjonane i nabokommunane Masfjorden og Gulen har innstilt på samarbeid med Austrheim om Fensfjorden PP-teneste. Desse kommunane har samarbeid med Ytre Sogn PP-teneste ut året, Fensfjorden PPT kan så komma frå nyttår. Har elles søkt etter logoped i samarbeid med Fedje og Modalen kommunar, her er det fleire som er interesserte i jobben.
Ordførar Per Lerøy (Ap) sa at det er bra at ein får styrka små og sårbare fagmiljø, og at Austrheim kan få vera vertskommune.
-----
Bjarne Ve Sæbø orienterte om sal av eigedommar. Eit tomteareal på Kaland og eit hus i Åråsfeltet ligg ute no, og ei leileigheit på Blomhaugane er på veg ut for sal. Brukar eigedomsmeklar for å sikra best mogleg pris. Kommunalsjef Thomas Lindås sa at sal av eigedommar basererer seg på arbeidet som vart gjort med planen for strategisk eigedomsforvalting.
Handsaming i kommunestyret:
Samrøystes for rådmannens framlegg til vedtak.
Sakshandsamar Ketil Tjore orienterte om saka.
Helge Dyrkolbotn (KrF) sa at dette med streaming har komme for å bli. Bra om om ein kan få ein avtale med samfunnshuset som sikrar at dei kan rusta opp kafeen.
Reidar Øksnes (Sp) sa at ein kan sjå på mobilt utstyr heller enn å venta, dersom det dreg ut i tid.
Rådmann Bjørnar Fjellhaug sa at ein kan komma i gang med streaming før ein er ferdig med ombygging av lokala. Ketil Tjore supplerte med at streaming av Teams-møte kan komma i gang raskt, før ein streamar fysiske møte.
Handsaming i kommunestyret:
Samrøystes for formannskapet sitt framlegg til vedtak.
Austrheim kommunestyre vedtek at nye og oppjusterte avgiftssatsar for festeavgift vert gjort gjeldande frå og med 1.mars etter tilråding frå Austrheim sokneråd.
Nye avgiftssatsar vert:
Festeavgift for gravminner mellom 21 og 60 år: kr 500 pr år. Festeavgift vert kravd inn i bolkar på inntil 5 år. For eksisterande festeavgiftsavtalar vil prisendringa gjelda graver som er eldre enn 26 år.
Festeavgift for gravminner over 61 år: kr 900 pr år. Gravminner over 61 år skal normalt slettast. Festeavgift vert kravd inn i bolkar på inntil 5 år.
Festeavgift for barnegrav og urnegrav: 50% av ordinær avgift.
Årleg gravstellsavtalar vert auka frå kr 1.200 til kr 1.500 for 2021 og til kr 1.900 frå og med 2022.
Kremasjonsavgifta vert refundert for innbyggjarar med bustadadresse i Austrheim kommune.
Timesats/godtgjering for utbetring og montering utført på oppdrag av gravplassforvaltninga sine eigne tilsette: kr 500
Avsetjing av kistegrav (dobbeltgrav) – maksimalt inntil 20 år:
kr 5000 – gjeldande for dei 10 første åra.
kr 2.500 gjeldande for kvart av dei neste 5 årsbolkane.
Innbetalt avgift vert ikkje refundert.
Avgifter utanbygds; gravferd, kiste eller urnegravlegging:
Grunnpris kistegravlegging: kr 8.000
Tillegg for sermoni i kyrkja kr 5.700
Grunnpris urnegravleggingkr 4.000
Tillegg for sermoni i kyrkjakr 5.700
Rådmann Bjørnar Fjellhaug orienterte om saka.
Handsaming i kommunestyret:
Samrøystes for rådmannens framlegg til vedtak.
Rådmann Bjørnar Fjellhaug orienterte om saka, som var lagt fram utan framlegg til vedtak.
Ordførar Per Lerøy la fram framlegg om å støtta appellen.
Handsaming i kommunestyret:
Samrøystes for å støtta appellen.
Kommunalsjef Helse og omsorg, Monika Kvamme, orienterte om saka.
Helge Dyrkolbotn (KrF) ba om at ein også tek med seg aktiviteten som er på Seniorsenteret, og i regi av ulike lag og organisasjonar. Spurte om ein kan gjera vedtak her seinare for å ta med seg dette. Monika Kvamme sa at det er forventa politisk vedtak i løpet av 2021.
Reidar Øksnes (Sp) sa at ein kan utfordra til meir frivillig innsats, kan unge vera besøksvenner? Er gjort mykje bra med turstiar.
Per Lerøy (Ap) sa at ein då kan utsetja saka og ta dette med i neste framlegg.
Politikar | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Reidar Ulvøy | Arbeiderpartiet | Medlem | reidar@subseaintv.no |
Britt Mary Skaalevik Lerøy | Arbeiderpartiet | Medlem | britt.leroy@hotmail.no |
Hardy Pedersen | Arbeiderpartiet | Medlem | hardpe@online.no |
Ann Kristin Leirvåg | Arbeiderpartiet | Medlem | Kristin1964@gmail.com |
Monika Thorpe | Arbeiderpartiet | Medlem | monikath@online.no |
Marita Terese Bru | Bygdelista i Austrheim | Medlem | marita.bru2209@gmail.com |
Aslak André Bakke | Høgre | Medlem | aba@mrbakke.no |
Rikke Heldal Hope | Høgre | Medlem | rikke.heldal.hope@hotmail.com |
Morten Sognnes | Høgre | Medlem | morten.sognnes@austrheim.kommune.no |
Anne Dahle Austrheim | Kristeleg Folkeparti | Medlem | annedahleaustrheim@gmail.com |
Randi Keilegavlen Dyrøy | Kristeleg Folkeparti | Medlem | randidy1@start.no |
Helge Dyrkolbotn | Kristeleg Folkeparti | Medlem | Helge.Dyrkolbotn@vlfk.no |
Lise Renate Helle | Senterpartiet | Medlem | Liserenatehelle@gmail.com |
Bjørn Inge Håland Dyrkolbotn | Senterpartiet | Medlem | Bjorn.Inge.Dyrkolbotn@austrheim.kommune.no |
Reidar Øksnes | Senterpartiet | Medlem | 56roek@gmail.com |
Asbjørn Nagell Toft | asbjorn.n.toft@austrheim.kommune.no | ||
Monika Kvamme | monika.kvamme@austrheim.kommune.no | ||
Bjørnar Fjellhaug | bjornar.fjellhaug@austrheim.kommune.no | ||
Odd Harald Dommersnes | odd.harald.dommersnes@austrheim.kommune.no | ||
Bjarne Ve Sæbø | bjarne.ve.sebo@austrheim.kommune.no | ||
Thomas Lindås | thomas.lindas@austrheim.kommune.no |