Møte i Kommunestyret den 13.12.2018

Behandling

Rådmannen sitt framlegg vart samrøystes vedteke.

Vedtak

Meldingane vert tekne til orientering.

Behandling

Rådmannen sitt framlegg vart samrøystes vedteke.

Vedtak

Orienteringane vert teke til vitande. (3 orienteringar, og svar på spørsmål frå representanten Jorund Stellberg frå førre møte)

Behandling

Fleire orienteringar:

Rådmann Liv Løvvik orienterte om den endelege forliksavtalen med Søreide og Blindheim. Avtalen vart delt ut i møtet, den er no ikkje lengre under handsaming og er offentleg.
Som det står i avtalen vert den summen som er forhandla fram, 900.000 kroner, no overført til Blindheim/Søreide.

---

På vegner av rådmannen orienterte avdelingsleiar Asbjørn Nagell Toft om at Fylkesmannen i Hordaland har sendt klage på planvedtaket som kommunestyret i Austrheim gjorde 18.11.2018 om «Godkjenning av detaljregulering for næringsområde og småbåthamn på Langøyna i Austrheim». Toft sa at den vidare saksgangen for dette vert slik:

1. Klagen skal handsamast i formannskapet i januar 2019.

2. Om klagen vert teke til følgje vert den sendt til kommunestyret til endeleg avgjerd.

3. Om klagen ikkje vert teke til følgje vert saka sendt til Fylkesmannen i Hordaland og vidare til setjefylkesmann.

---

Ole Georg Hoaas frå Bedre Organisasjon orienterte om organisasjonsgjennomgangen han har jobba med i Austrheim, under namnet "Frå krise til utvikling". Med basis mellom anna i ei undersøking gjennomført av Telemarksforsking, og samanlikningar med kommunar tilsvarande Austrheim, har Hoaas sett på kva einingar i kommunen som brukar meir eller mindre ressursar enn i andre kommunar. Prosjektet er ikkje avslutta. (Lysarka frå Hoaas ligg ved møteboka).

---

I samband med orienteringane svara rådmann Liv Løvvik på spørsmål frå Jorund Stellberg frå førre kommunestyremøte, 18. november, om GDPR og etterleving av dette.

Løvvik innleia med å seia at det var eit godt spørsmål frå Stellberg. Dette med etterleving av GDPR er det mange kommunar som jobbar med no, og berre i Bergen er det kring 335 system som må tilpassast regelverket.

Spørsmål frå Stellberg: Kva rutinar har Austrheim kommune for lagring og sletting?

Svar: Opplysningar i fagsystema vert sletta etter gjeldande reglar oppsatt i systemet av leverandørane. Spørsmål frå Stellberg: Kva rutinar har Austrheim kommune for utgreiing av personvern? Svar: Arbeid med rutinar er kome i gang, men her har vi framleis ein del å gjere – i samarbeid med Lars Erling Aarland, som er personvernombod.

Spørsmål frå Stellberg: Er det logg for kven som har sett kva opplysningar når? Svar: I dei aller fleste fagsystem er det logg. Systema er tilgangsbegrensa, og når ein brukar loggar seg på vert det lagt att spor.

---

Sams vedtak.

Vedtak

Innkalling og sakliste vert godkjent, med ekstra sak om val av konsept for gangbru over fylkesveg 565, ved Fonnes.

Behandling

Ordførar Per Lerøy ba om at kommunestyret tok opp ei ekstra sak, val av konsept for gangbru over fylkesveg 565, ved Fonnes.

Rådmannen sitt framlegg vart samrøystes vedteke, med ekstra sak om val av konsept for gangbru over fylkesveg 565, ved Fonnes.

Behandling

På vegner av rådmannen orienterte einingsleiar Kari Utkilen om denne årlege rulleringa, der ein må gjenta vedtaket år for år for å kunna få spelemidlar. Fylkeskommunen har per no eit etterslep på tre år før ein får betalt ut spelemidlar til større prosjekt.

Samrøystes vedteke i kommunestyret.

Vedtak

Vertskommuneavtale NAV Fensfjorden vert vedteken slik den ligg føre i saksvedlegget.

Behandling

Rådmann Løvvik viste til at det er forhandla om avtalen, og sa at heller enn å bruka vedtaksframlegget som låg ved innkallinga, så må ein heller nytta vedtaksframlegget: "Vertskommuneavtale NAV Fensfjorden vert vedteken slik den ligg føre i saksvedlegget".

På vegner av rådmannen sa assisterande rådmann Olav Mongstad sa at det har vore jobba med saka i heile 2018, først med tanke på samarbeid mellom Austrheim og Fedje, og etter kvart for dei fem kommunane Austrheim, Fedje, Modalen, Gulen og Masfjorden. Desse fem kommune tek ut den sosiale delen av sin organisasjon og samlar dette på ein plass, der Masfjorden vert vertskommune for eit nytt samla Nav-kontor i Sløvåg (i Gulen).

Asbjørn Brandtun (Ap) hadde eitt spørsmål og ei etterlysing i høve NAV-saka.
1. Er NAV Fensfjorden operativ frå 1.1.2019? (som er startdatoen for samarbeidet)
2. Brandtun ba det vert gjeve eit oversyn til kommunestyret i februar over kva interkommunale samarbeid Austrheim har i dag, og kva som kan komma vidare framover.

For spørsmålet svara assisterande rådmann Olav Mongstad at Nav Fensfjorden vil vera operativt på den måten at dei kommunalt tilsette vil ha eit kontorfellesskap 1-2 dagar i veka i Sløvåg. Seinare når samarbeidet kjem betre i gang, vil ein også bruka lokale på kommunehuset i Austrheim til å avvikla møte med brukarane.

Oversynet over interkommunale samarbeid i dag og framover kjem ein tilbake til kommunestyret med i 2019.

Samrøystes vedteke i kommunestyret.

Behandling

Leiar av mellombels utval for skule, Jan Erik Espelid (V) orienterte om arbeidet dei har gjort. Noko dei har sett på er ei samling av ungdomstrinnet som i dag er delt mellom Kaland og Årås, anten ved ein av desse skulane eller som eit nybygg ein annan plass. Eit nybygg med ungdomsskule med to parallellar på kvart trinn er tidlegare kostnadsrekna til 65 millionar. Det er også gjort vurderingar av pris på ei utbygging på Årås, som er kostnadsrekna til 10-12 millionar kroner for å få plass til alle.

Fleire i kommunestyret etterlyste at rapporten frå mellombels utval for skule no vert jobba vidare med. Anne Dahle Austrheim (KrF), Reidar Øksnes (Sp) og Tore Austrheim (Ap) etterlyste alle at dette vert teke fatt i, og Per Lerøy (Ap) ba om at dette med skulebygg vert inkludert i ei vurdering av kva Austrheim kommune skal eiga av bygningsmasse og korleis dette skal brukast.

Rådmann Liv Løvvik sa at ein kan sjå på dette i samband med at kommunen legg plan for strategisk eigarskap for kommunale bygg.

Ordførar Per Lerøy (Ap) sa at rådmannen må få i oppdrag å komma med ei sak om skule til politisk handsaming i første halvår 2019.

Samrøystes vedteke i kommunestyret.

Behandling

Rådmann Liv Løvvik orienterte om møteplanen. Der det er sett opp to alternativ, 16. og 23. mai, vert 23. mai gjeldande.

Samrøystes vedteke i kommunestyret.

Behandling

Sams vedtak i kommunestyret.

Behandling

Liv Ulvøy (uavhengig) spurte om korleis desse avgiftene er i Austrheim, samanlikna med nabokommunane.

Rådmann Liv Løvvik svara at ein jamt over har vurdert dette, og at Austrheim ønskjer å ligga likt med nabokommunane.

Thomas Lindås frå administrasjonen sa at det meste av desse avgiftene er styrt av sjølvkost, og skal dekka faktiske kostnader.

Sams vedtak i kommunestyret.

Behandling

Sams vedtak i kommunestyret.

Behandling

Sams vedtak i kommunestyret.

Vedtak

Austrheim kommunestyre aukar satsen med 4 % for betaling av heimetenester for 2019. Husstander med inntekt inntil 2 g (kr. 193.766) har ein eigendel pr. månad for heimetenester som vert regulert statleg.

Behandling

Sams vedtak i kommunestyret.

Behandling

Sams vedtak i kommunestyret.

Behandling

På vegner av rådmannen gav assisterande rådmann Olav Mongstad bakgrunnen for punkt to i vedtaket. Det vert jobba med innføring av nye typar omsorgsteknologi, og administrasjonen må komma tilbake til betalingssatsar for dette når det er aktuelt.

Sams vedtak i kommunestyret.

Behandling

Sams vedtak i kommunestyret.

Behandling

Sams vedtak i kommunestyret.

Behandling

Sams vedtak i kommunestyret.

Vedtak

Austrheim kommunestyre godkjenner justering av festeavgiftene, som vert gjort gjeldande frå og med 01.01.2019

• Friperiode:25 år

• Festeavgiftene vert kravd inn i bolkar på inntil 5 år

• 1. – 4. festeperiodekr 300,- pr år (26 – 45 år)

• 5. – 8. festeperiodekr 500,- pr år (46 – 65 år)

• 9.- 10. festeperiodekr 600,- pr år (66 – 75 år)

• Gravstad over 75 år kr 850,- pr år. Gravstader på 75 år skal vanlegvis slettast. Feste kan likevel forlengast etter skriftleg grunngjeven søknad.

• For barnegrav vert det kravd ½ festeavgift.

• Festeavgift for dobbeltgrav (reservasjon av kistegrav) kostar kr 3.000 pr grav og gjeld for 10 år. Ved behov for ytterlegare forlenging av reservasjonstida, skjer dette i 5–års bolkar, med årleg kostnad tilsvarande 1. – 4. festeperiode.(300 kr. pr år)

• Festeavgift for urnegraver er til ei kvar tid 50 % av kostnaden for kistegraver.

Behandling

Sams vedtak i kommunestyret.

Behandling

På vegner av rådmannen sa avdelingsleiar Asbjørn Toft at ein eigentleg skulle justera satsane med tre prosent, men at ein no i det siste framlegget har lagt på seks prosent.

Sakshandsamar Thomas Lindås la til at justeringane er i tråd med målet om at desse tenestene skal vera sjølvfinansierte. Lindås sa vidare at Austrheim har ein praksis som på fleire vis slår bra ut for dei som søker, mellom anna ved at det er eitt gebyr på kvar samla dispensasjonssøknad til formannskapet, heller enn eitt gebyr per konkrete dispensasjon slik nokre andre kommunar gjer det. Lindås sa også at når det i arbeidet med kommuneplanen vert lagt inn moglegheit for fortetting og bygging av garasjar, så slepp innbyggjarane å søka dispensasjon for å få til slike prosjekt.

Reresentanten Reidar Øksnes (Sp) sa at det er viktig at adminiastrasjonen legg til rette, slik at dei som får rettleiing får vita om alt dei må søka om dispensasjon for, ved første kontakt med kommunen.

Til dette svara Thomas Lindås at ein i Austrheim ikkje tar betalt for førehandskonferanse, og ein god førehandskonferanse skal sikra at eit prosjekt kjem godt ut frå start.

Sams vedtak i kommunestyret.

Behandling

Sams vedtak i kommunestyret.

Behandling

Sams vedtak i kommunestyret.

Vedtak

Austrheim kommunestyre vedtek uendra årlege vass og tilknytingsavgifter frå 1.1.19

Avgiftene for 2019 vert:

Behandling

Representanten Hardy Pedersen (Ap) viste til framlegget som Ap sette fram i formannskapet, om å endra vassavgifta mellom anna for naust. Pedersen etterlyste at der var gjort noko med dette mellom møtet i formannskapet og handsaminga i kommunestyret.

På vegner av rådmannen svara assisterande rådmann Olav Mongstad at desse avgiftene er ein del av ei større kommunal forskrift. Det ein kan gjera år for år er å endra satsane, men om ein ønskjer å gjera endringar mellom gebyrsatsane så må ein revidera heile forskrifta. Mongstad sa at ein kan ta framlegget frå Ap med som del av rullering av forsrkifta i 2019. I den samanhengn er det også aktuelt å ta ei nærare vurdering av industribygg, for å få med ei differensiering mellom lagerbygg som kanskje har eit toalett og vask og brukar lite vatn, og ulike produksjonshallar som kan ha eit stort vassforbruk.

Ordførar Per Lerøy (Ap) ba om at framlegget vart lagt ved protokollen vidare, slik at administrasjonen kan komma tilbake til dette så snart som mogleg.

Representanten Reidar Øksnes (Sp) ba om at det vart sett nærare på den fordelinga som var skissert i framlegget frå Ap, og sa at der bør vera forskjell på avgifta som vert lagt på ei båthamn med båtutleige og kommersiell drift, eller ein slipp med stort forbruk, samanlikna med ei båthamn som vert driven på dugnad.

Til dette sa ordførar Lerøy at det naturlege må vera at ein til dømes ved båthamna i Finnsvågen har vassmålar og deler kostnaden for det forbruket ein har.

Sams vedtak i kommunestyret.

Vedtak

1.Budsjett 2019 – Økonomiplan 2020-2022, vert tilrådd slik det ligg føre i vedlagde

tabelloppsett, med fylgjande endringar på driftsrammene for dei einskilde åra:

2. Total ramme for 2019 til fordeling drift vert kr.186.565.000,- .

3. Nettorammene på dei einskilde ansvarsområda vert fastsett til

(alle tal er oppført i 1000-kroner):

4. Den totale investeringsramma for år 2019 vert sett til kr. 9 700 000,-

Som fylgjer:

99 Brannstasjon 1 000000
99 Planmidler 1 000000

Den totale investeringsramma for 2019 vert dåkr. 9 700 000,-

Som vert finansiert som fylgjer:

Vekta avdragstid på låneopptak for 2019 vert fastsett til 30 år

5. Måla for drifta vert vedteke slik dei går fram av kommuneplanen vedteke den 04.02.15.

6. Rådmannen utarbeider detaljbudsjett og resterande lovfesta hovudoversiktar, med bakgrunn i gjevne driftsrammer.

7.Kommunestyret skriv ut eigedomsskatt på næringseigedom, kraftverk, vindkraftverk, kraftnettet og anlegg omfatta av særskattereglane for petroleum jf. eigedomsskattelova (esktl.) § 3 første leddbokstav d. Eigedomsskattesatsen vert vidareført med 7 promille.

8.Takstvedtekter for eigedomsskatt i Austrheim kommune vedtatt i kommunestyret skal gjelde for eigedomsskatteåret 2019, jf. esktl. § 10.

9.Kommunen vil i 2019 skrive ut eigedomsskatt på eigedommar som tidlegare var rekna som «verk og bruk» på eit «særskilt fastsett grunnlag» med heimel i overgangsregelen til eigedomsskattelova §§ 3 og 4 første ledd. Det særskilde grunnlaget skal i 2019 være lik 6/7 av differansen mellom eigedomsskattegrunnlaget i 2018 og 2019 som er forårsaka av at produksjonsutstyr- og installasjonar ikkje skal reknast med i grunnlaget.

10.Kommunen vil i 2019 skrive ut eigedomsskatt på bygningar og grunnareal så langt disse var omfatta av eigedomsskattegrunnlaget for verk og bruk i 2018, jf. overgangsregelen til eigedomsskattelova §§ 3 og 4 andre ledd.

11.Eigedomsskatten vert skriven ut i 2 terminar jf. esktl. § 25 første ledd.

12. Marginavsetnad vert fastsett til 10% for 2019.

Rådmannen får mynde til å gjera dei naudsynte endringane i ansvar 3200 som følgje av vertskommusamarbeidet med Masfjorden om NAV Fensfjorden.

Behandling

Økonomisjef Olav Andersen orienterte om arbeidet med budsjettet for 2019. Austrheim var tidleg i haust i møte med Fylkesmannen, sidan ein som Robek-registrert kommune uansett må ha budsjett godkjent av Fylkesmannen. Kommunen fekk tilbakemelding om at det første budsjettutkastett ikkje ville bli godkjent, og at Austrheim då ville bli lagt under styring frå departementet. Leiinga tok deretter ein ny runde med alle avdelingsleiarar for å kutta meir i utgiftene.

Når det gjeld resultatet for 2018 veit ein ikkje heilt kvar det landar. Prognosen per dato for kommunestyret er eit underskot på 1,226 millioner kroner ved årets slutt, men det kan landa ein plass mellom null og minus tre millionar kroner. Eit nytt underskot må eventuelt justerast inn ved budsjettjusteringa etter første tertial 2019.

Rådmann Liv Løvvik sa at det er kring atten årsverk som må kuttast for å klara innsparingane som det er lagt opp til. Ein prøver å unngå oppseiingar, men det er ikkje sikkert at ein lukkast heilt. Om det vert oppseiingar er det eventuelt i små stillingar, og for nyleg tilsette. Rådmannen minna samstundes kommunestyret på at sjølv om Austrheim kommune kanskje kjenner seg fattig, så er dette framleis ein kommune som er på snittet når det gjeld kommunale inntekter. Endringane som Austrheim no skal gjera vil ta dei komunale tenestene ned frå gullstandard til sølv, men det vil framleis vera gode tenester. Rådmannen la til at det er viktig å unngå underskot i 2018, og at det er bakgrunnen for at det er innført innkjøpsstopp, og sa vidare at dersom enkelte einingar startar 2019 med overforbruk så må ein ta fatt i dette i april/mai og ikkje venta ut året.

Representanten Tore Austrheim (Ap) viste til overføringar i 2018 frå Havbruksfondet, og ekstra utbytte frå BKK og AS Austrheim Næringsselskap, og spurte om kommunen utan dette ville ha enda kring 12 millionar i minus.

Økonomisjef Olav Andersen gav litt bakgrunnsinfo for at utgiftene har vore som dei har i 2018, med høge utgifter mellom anna innan barnevern og anna, og oppsummerte med å gje Tore Austrheim rett i at kommunen har brukt meir pengar enn ein hadde.

Varaordførar Anne Dahle Austrheim (KrF) viste til at med sju millionar kroner mindre til fordeling i 2019, og eit budsjettert overskot på seks millionar, er det tretten millionar kroner mindre til drifta. Anne Dahle Austrheim la til at 2019-budsjettet har nedtrekk på tilbodet til mange av dei svakaste gruppene, anten det er innan barnevern, spesialpedagogikk eller i heimetenesta. Varaordføraren oppfordra administrasjonen til å ta vare på dei svakaste, og sikra at alle får den hjelpa dei treng, og at ein held seg innanfor dei lovpålagde rammene.

Til dette svara rådmann Løvvik at ingen av dei kutta det er lagt opp til i 2019 vil føra Austrheim ned på ressursbruken til dei kommunane som Austrheim er samanlikna med i rapportane frå "Bedre Organisasjon" (Sjå under orienteringar). Løvvik la til at det er ei utfordring at det er tenestene til dei svakaste gruppene som har dei største kostnadene, anten det er heimeteneste eller barnehage, men at ein også etter kutt vil vera godt over det lovpålagde minimum. Austrheim kommune må sjå kva smarte grep nabokommunane gjer, som greier seg med mindre enn Austrheim sine inntekter.

Ordførar Per Lerøy (Ap) viste til at ein er i gang med å kutta 18,45 årsverk i bemanninga for å sikra at ein i 2019 kjem fornuftig ut i budsjettet. Ordføraren viste til at det særleg har vore innan barnevern at Austrheim har hatt store kostnader, og la til at eit samarbeid liknande kommande Nav Fensfjorden kan vera løysinga også for barnevern. Lerøy viste til at i eit samarbeid vert det eit større miljø å jobba innanfor, og at ein i einingar som barnevern og PPT kan løysa utfordringar med kompetanse, i tillegg til at ein kan unngå utfordringar som mindre kommunar gjerne har med at det er tette relasjonar mellom tilsette og brukarar.

Om økonomien sa Lerøy at Austrheim har hatt bra med pengar og levt deretter, og ikkje tatt tøffe beslutningar. Om skulestrukturen sa Lerøy at Austrheim skulle slått saman ungdomsskulane for lenge sidan, ikkje berre på grunn av økonomi, men også for å skapa betre miljø for ungdommane.

Representanten Tore Austrheim (Ap) oppfordra administrasjonen til å sjå på korleis ein brukar eigne drifts- og vedlikehaldsressursar på best mogleg måte, for å spara utgifter på sikt. Austrheim spurte om kommunen kan gjera meir vedlikehald internt, for å spara meir.

Rådmann Liv Løvvik svara at kommunen må jobba smartare på fleire måtar, og at ein må sjå til nabokommunane og Bergen for å sjå kva gode løysingar dei brukar.

Representanten Asbjørn Brandtun (Ap) hadde to spørsmål, det var kva som ligg i kuttet for felles landbrukskontor og kva som er inkludert i løyvinga på ein million til ungdomsklubben.

På vegner av rådmannen svara økonomisjef Olav Andersen at endringa på felles landbrukskontor er eit reint kutt i løyvinga, frå 725.000 i revidert budsjett for 2018, til 500.000 kroner i budsjettet for 2019.

På vegner av rådmannen svara einingsleiar kultur Kari Utkilen svara at posten 4200 ungdomsklubb (980.000 kroner), omfattar mange ulike tiltak til barn og unge, i regi av ungdomskoordinator og andre.

Representanten Tore Austrheim (Ap) kom med nokre spørsmål til administrasjonen, om symjehallen på Kaland. Austrheim Ap ønskjer at kommunestyret får ein gjennomgang av prosjektet, med oppsummering av kva som er gjort og kva som står att, kva det har kosta, kva som er vidare planar, kva som har gått bra eller dårleg, og kva ein kan gjera betre neste gong.

Sams vedtak i kommunestyret for budsjettvedtaket, og for tillegget om at "Rådmannen får mynde til å gjera dei naudsynte endringane i ansvar 3200 som følgje av vertskommunesamarbeidet med Masfjorden om NAV Fensfjorden."