Utval: | Kommunestyret |
---|---|
Dato: | 12.12.2019 15:00 - 21:40 |
Møtestad: | Austrheim samfunnshus |
Status: | Møtet er ferdig protokollert |
Sakskart: | , |
Møteprotokoll: |
Innkalling og sakliste vart godkjent.
Handsaming i kommunestyret:
Rådmannen sitt framlegg vart samrøystes vedteke.
Møteprotokoll frå forrige møte vart godkjent
Handsaming i kommunestyret:
Rådmannen sitt framlegg vart samrøystes vedteke
Meldingane vart tekne til orientering
Handsaming i kommunestyret:
Rådmannen sitt framlegg vart samrøystes vedteke
Ingen orienteringar i dette møtet.
Ingen orienteringar i dette møtet.
Avdelingsleiar plan, byggesak, oppmåling og miljø Asbjørn Toft orienterte om saka.
- Det er viktig at det kjem innspel på kva planar som skal lagast. Gode planar viktig, til dømes med tanke på å søka midlar, der idrettsplanen kan sikra tippemidlar til idrett, klimaplanen midlar til enøk-tiltak. Nokre planar er kommunen pålagt å laga, andre er viktige for at ein skal få tilskot.
Reidar Øksnes (Sp) etterlyste planar i lista:
- Eg saknar ein strategiplan for korleis Austrheim kommune skal jobba vidare aleine, etter at me har sagt nei til å gå saman med andre kommunar. Vidare saknar eg ein plan som seier noko om korleis dette med Nordhordland biosfæreområde påverkar oss i det vidare arbeidet. Og så må ein sjå på at Austrheim ligg midt i eit nytt storfylke, det bør synleggjerast korleis dette påverkar oss.
Reidar Ulvøy (Ap) ba om at det vart laga ein ny klima- og miljøplan.
- Målet må vera at Austrheim kommune berre skal nytta fornybar energi til oppvarming av bygg innan utgangen av 2025. Alle personbilar og små varebilar som kommunen kjøper i perioden etter 2021, skal vera nullutsleppskøyrety. Nye ladepunkt må etablerast. Klima og miljøplanen skal også innehalda tiltak som sikrar at alle avdelingar i kommunen skal vera sertifiserte «Miljøfyrtårn» innan 2023.
Atle Utkilen (Bygdelista) hadde framlegg til endring av samansettinga av styringsgruppa for arbeidet med planstrategien, slik at alle parti i kommunestyret vert representert i styringsgruppa: «Formannskapet vedtek at Austrheim kommune sitt arbeid med planstrategi vert starta opp. Formannskapet og 1 representant frå parti som ikkje er del av formannskapet vert styringsgruppe for arbeidet.»
Avdelingsleiar Toft kommenterte innspela, og sa at politikarane er suverene i å føreslå kva planar administrasjonen skal laga. Toft sa vidare at det er viktig med god forankring, og at det er OK å ta inn dei partia som ikkje er representerte i formannskapet.
Helge Dyrkolbotn sa at KrF støttar Utkilen sitt framlegg til vedtak om å utvida styringsgruppa,
Inger Lise Brekke (H) ba om gruppemøte.
Møtet heva 15.27, møtet sett igjen 15.33
Inger Lise Brekke (H) fremja framlegg om at saka vart utsett til det neste møtet i kommunestyret.
Per Lerøy (Ap) presiserte at det ein ville ha utsett var val av styringsgruppe for planstrategien.
Helge Dyrkolbotn (KrF) sa at han ikkje var samd i å utsetja denne delen av saka.
Avdelingsleiar Toft sa at planstrategien skal på høyring, og at val av styringsgruppe ikkje stoppar administrasjonen sitt arbeid med å senda planen ut på høyring.
Per Lerøy (Ap) sa at ein kan vedta å starta arbeidet, men utsetta samansettinga av gruppa. Sa at rådmannen må førebu sak om dette til formannskapet og kommunestyret i 2020, og at det må komma som sak i februar 2020.
Rådmann Liv Løvvik sa at så lenge noko anna ikkje er vedteke, så er det formannskapet som er styringsgruppe, slik som sist.
Handsaming i kommunestyret:
Atle Utkilen sitt framlegg om at alle parti i kommunestyret bør vera med i styringsgruppa, vart utsett med 10 mot 7 røyster (Høgre og Ap for utsetting, Bygdelista, KrF og Sp mot).
Rådmannen sitt framlegg vart samrøystes vedteke.
Rådmann Liv Løvvik orienterte om rapporten.
- Det er nokre endringar sidan dette var klart i oktober. No er det stor usikkerheit om kommunen klarer eit overskot på 4,9 millionar i 2019, som er minimum for å komma ut av Robek-lista. Fylkesmannen har sagt at så lenge kommunen klarer å betala inn 3,8 millionar, så vil ein framleis vera under kontroll av Fylkesmannen, og blir ikkje sett under administrasjon av kommunaldepartementet. For Austrheim betyr dette at det er nok med 2,8 millionar i overskot i 2019, som saman med 1 million i overskot i 2018 vert desse 3,8 millionane.
- Det er framleis ein del tal som ikkje er heilt klare, som konsekvensar av oppjustering av løn og ein del variabel løn, og pensjonskostnader.
Handsaming i kommunestyret:
Rådmannen sitt framlegg vart samrøystes vedteke
Rådmann Liv Løvvik orienterte om saka.
Det er gjort nokre omdisponeringar, mellom anna for å sikra midlar til hjartesona på Kaland skule. Alt er godkjent av Fylkesmannen.
Handsaming i kommunestyret:
Rådmannen sitt framlegg vart samrøystes vedteke
Ole Georg Hoaas orienterte om saka:
- Politisk og administrasjonen var eit møte med Fylkesmannen i mars 2019, det vart opptakten til at ein starta arbeidet med eit interkommunalt samarbeid om barnevernet, med Alver kommune. Sjølve prosjektet starta i august, no er ein kommen dit at ein må ta ei avgjerd om ein skal gå inn i eit interkommunalt samarbeid med Alver. Treng kommunestyret sitt vedtak for å gå vidare i arbeidet.
- Å driva barnevern i ein liten kommune er særs utfordrande. Det er ein ny barnevernslov på trappene, der det vert understreka at det skal vera relativt tungt fagmiljø i alle kommunar med eige barnevern. Det er viktig med kompetanse innan jus og psykologteneste, der har ein vore nøydd til å leiga inn kompetanse. I samarbeidet med Alver ligg både juridisk- og psykologkompetanse inne. Det som no går til driftsutgifter til barnevern i den nye avtalen vil dekka det som ein tidlegare har brukt til kjøp av desse tenestene. Det har vore høg ressursbruk i barnevernet, men det vanskeleg å avgrensa ressursbruken i krisesituasjonar.
- Grunnkostnaden for Austrheim kommune er noko høgare i det interkommunale samarbeidet enn for eigen grunnbemanning, men likevel gunstig når ein ser på kva me i dag faktisk brukar på barnevernet. I tillegg får ein no kontroll på ressursbruken, og får sikra kompetanse i vårt eige barnevern.
- Dei tre tilsette i dag går med inn i det nye samarbeidet. Austrheim har venta med å justera opp bemanninga, i forståing med at Austrheim skal gje Alver fridom til å justera kompetansen. Vedtaksteksten er sams med Fedje og Alver. Alver har hatt den oppe i formannskapet 11.12, der vart avtalen godkjent.
Rådmann Liv Løvvik viste til at Fylkesmannen har gitt kommunen skjønsmidlar for å dekka det arbeidet som Austrheim har sett i gang med arbeidet om Austrheim barnevern, og vil støtta dette vidare. Austrheim har historisk sett hatt dyre tiltak, der ein ikkje har klart å komma inn med lågterskeltiltak på tidleg tidspunkt. Dette har ikkje vore bra, korkje økonomisk eller for individet.
Bjørn Inge Håland Dyrkolbotn (Sp) sa at samarbeidet er gledeleg nytt for Austrheim, ei etterlengta betring.
Varaordførar Inger Lise Brekke (H) sa at det er viktig at dei som er mest sårbare får beslutningar frå eit godt fagleg miljø for. Etterlyste plan er det for informasjon til innbyggjarane om dette arbeidet.
Reidar Øksnes (Sp) spurte om korleis det er å trekka seg ut av samarbeidet. I det kommande arbeidet bør det bestemmast slik at ein ikkje kan gå ut av samarbeidet midt i ein budsjettperiode. Det er viktig både økonomisk og for dei familiane det gjeld.
Ole Georg Hoaas sa at det er lagt inn i avtalen at det skal vera ei evaluering etter det første heile driftsåret, og at det er naturleg at ein då kan endra på innhald og detaljar i avtalen. Hoaas sa vidare at sidan vedtaksteksten er lik i alle tre kommunane, så er det bra om det ikkje vert endra noko no. Ein startar raskt med implementering av samarbeidet, med informasjon og gjennomgang av saker. Er samd i at det er viktig korleis informasjonen kjem ut til innbyggjarane.
Reidar Ulvøy (Ap) spurte korleis arbeidsgjevaransvaret vert ivareteke i dette.
Hoaas svara at det er vertskommunesamarbeid, der ein overdreg arbeidsgjevaransvaret frå Austrheim til kommande Alver kommune. Dei tilsette har vore med i prosessen, og signalet er at dei er komfortable med korleis dette skjer.
Monika Thorpe (Ap) sa at ho er glad for at Austrheim er i gang med eit slikt prosjekt, og spurte om kva som skjer med evt. kontor i Austrheim.
Hoaas svara at barnevernet vil vera til stades i Austrheim etter tenestleg behov. Det skal vera kontorfasilitetar på kommunehuset som ein kan bruka, men utan at Austrheim vert ei eiga avdeling i Alver barnevern. Både Austrheim og Fedje kommunar er opptekne av barnevernet er tilstades i kommunen, og det er behovet som tenesta har som vert styrande for dette.
Rådmann Liv Løvvik sa at det kan vera bra for mange at ein kan be om hjelp utan å komma til kommunehuset, der det kan vera ganske gjennomsiktig.
Helge Dyrkolbotn (KrF) sa at han trur samarbeidet vert veldig bra. - Dette vil vera med på å styrka barnevernet, både juridisk og elles. Samstundes er det viktig at ein framleis kan ha møte i Austrheim, det er viktig både for dei som bidreg med hjelp i ulike tiltak, og for dei som treng hjelp
Atle Utkilen (Bygdelista) sa at han støttar etableringa av eit større barnevern. - Det er bra for kompetanse, og for kontinuitet. Utkilen etterlyste kva det er lagt opp til i budsjettåra framover, med nedtrekk på barnevern.
Liv Løvvik svara at ein kan spara på kjøp av tenester. Løvvik sa vidare at det har vore ein framifrå innsats frå dei BV-tilsette i det året som har gått, dei gjort ein verkeleg flott jobb.
Per Lerøy (Ap) sa at han slutta seg til den støtta som er gitt til barnevernet, til det arbeidet som er gjort i dette prosjektet her, og sa at dette vil vera ei god løysing for både Austrheim og Fedje.
Ole Georg Hoaas takka for støtta frå kommunestyret, som han skal ta det med seg tilbake til barnevernet.
Handsaming i kommunestyret:
Rådmannen sitt framlegg vart samrøystes vedteke
Einingsleiar teknisk drift Rolf Henning Myrmel orienterte om saka.
- Dette handlar om endringar i samband med at ein del av medlemskommunane har slått seg saman frå nyttår.
Per Lerøy viste til at samarbeidet er viktig dersom det skulle skje noko der ein må gjera ei strandsanering eller liknande. Her har ein kompetansen på plass, dersom uhellet skulle vera ute.
Myrmel forklarte at det er tre ulike nivå for hendingar/ansvar, dei små som kommunen tar seg av, dei litt større som IUA har ansvar for, og dei verkeleg store der Staten kjem inn, men IUA framleis utfører arbeidet.
Handsaming i kommunestyret:
Rådmannen sitt framlegg vart samrøystes vedteke
Rådmann Liv Løvvik orienterte om saka. Dette handlar om at organiseringa skal endrast til eit aksjeselskap, slik at det er mogleg for selskapet å legga inn anbod i ulike konkurransar. Rådmannen har på vegner av kommunen slutta seg til avtalen, med atterhald om støtte frå kommunestyret.
Handsaming i kommunestyret:
Rådmannen sitt framlegg vart samrøystes vedteke
Austrheim kommunestyre opphevar vedtak i K-sak 068/14. Austrheim kommune fylgjer den sentralt vedtatte bemanningsnormen i barnehagane.
Styrar i barnehagen må få handlingsrom og ekstra midler for å kunne tilkalle assistent dersom dette er naudsynt for å sikre forsvarleg drift. Dette gjeld dei timane pedagogane ved barnehagane skal avvikle plantida si.
Barnehagane får behalde assistentar som tilsvarer 1,2 årsverk i Austrheim Kystbarnehage, og 0,6 årsverk i Kaland barnehage.
Rådmann Liv Løvvik orienterte om saka.
- Dette gjeld ordningar som var innført då kommunen hadde meir pengar enn i dag. Å gå tilbake til statleg bemanningsnorm er eit nedtrekk, det må ein vera klare over.
Rikke Heldal Hope (H) sa at den pedagogiske norma og den statlege bemanningsnorma ikkje heng saman. Hope viste til at pedagogane har krav på plantid, per i dag 24 timar per veke på Kaland, og 40 timar per veke i Kystbarnehagen. I dag er det fleire små barn, som er lengre tid i barnehagen, og det er fleire som ikkje har norsk som morsmål. Om ventelista vert lang og ikkje kan tilby til dei med lovfesta rett til plass så kan det gje mindre skatteinngang for kommunen. Høgre hadde framlegg om å behalda 1,2 årsverk i Kystbarnehagen og 0,6 årsverk på Kaland: «Styrar i barnehagen må få handlingsrom og ekstra midler for å kunne tilkalle assistent dersom dette er naudsynt for å sikre forsvarleg drift. Dette gjeld dei timane pedagogane ved barnehagane skal avvikle plantida si.
Barnehagane får behalde assistentar som tilsvarer 1,2 årsverk i Austrheim Kystbarnehage, og 0,6 årsverk i Kaland barnehage».
Helge Dyrkolbotn (KrF) sa at det som Hope presenterte var bra, og at han støtta å droppa dette kuttet i plantida. - For borna sin del må me ha råd til dette, eg kjem til å støtta dette.
Bjørn Inge Håland Dyrkolbotn (SP) sa at Sp sannsynlegvis kom til å støtta dette framlegget. - Austrheim skal vera ein attraktiv kommune, då må me ha barnehagar som fungerer maksimalt.
Rådmann Liv Løvvik viste til at ho tidlegare har bedt om at endringar i nedtrekket vert saldert i budsjettet.
Handsaming i kommunestyret:
Rådmannen sitt framlegg vart samrøystes vedteke, med tillegg frå Austrheim Høgre ved Rikke H. Hope.
1. Budsjett 2020 – Økonomiplan 2020-2023, vert tilrådd slik det ligg føre i vedlagde tabelloppsett, med fylgjande endringar på driftsrammene for dei einskilde åra:
2. Total ramme for 2020 til fordeling drift vert kr. 200 307 000,- . Rådmannen har mynde til å tildele til dei ulike ansvarsområda innanfor denne ramma. 3. Den totale investeringsramma for år 2020 vert sett til 19 400 000 kr:
Den totale investeringsramma for 2020 vert finansiert slik: Ordinært låneopptak 8, 4 mill Overføre førre år 8,5 mill Sal av eiged. 2,5 mill Prosjekt som vart vedteke for 2019 og ikkje er avslutta, vert vidareført innanfor vedteken ramme slik det vart finansiert i 2019. Vekta avdragstid på låneopptak for 2020 vert fastsett til 30 år. 4. Måla for drifta vert vedteke slik dei går fram av kommuneplanen vedteke den 11.04.2019 i K-sak 017/19. 5. Rådmannen utarbeider detaljbudsjett og resterande lovfesta hovudoversikter, med bakgrunn i gjevne driftsrammer. 6. Kommunestyret skriv ut eigedomsskatt på næringseigedom, kraftverk, vindkraftverk, kraftnettet og anlegg omfatta av særskattereglane for petroleum jf. eigedomsskattelova (esktl.) § 3 første ledd bokstav d. Eigedomsskattesatsen vert vidareført med 7 promille. Utskrivingsalternativet omfattar også flytande oppdrettsanlegg i sjø, jf. Esktl. § 4 tredje ledd. 7. Takstvedtekter for eigedomsskatt i Austrheim kommune vedtatt i kommunestyret i K-sak 083/17 i møte 14.12.2017, skal gjelde for eigedomsskatteåret 2020, jf. esktl. § 10. 8. Kommunen vil i 2020 skrive ut eigedomsskatt på eigedommar som tidlegare var rekna som «verk og bruk» på eit «særskilt fastsett grunnlag» med heimel i overgangsregelen til eigedomsskattelova §§ 3 og 4 første ledd. Det særskilde grunnlaget skal i 2020 være lik 5/7 av differansen mellom eigedomsskattegrunnlaget i 2018 og 2019 som er forårsaka av at produksjonsutstyr- og installasjonar ikkje skal reknast med i grunnlaget. 9. Kommunen vil i 2020 skrive ut eigedomsskatt på bygningar og grunnareal så langt desse var omfatta av eigedomsskattegrunnlaget for verk og bruk i 2018, jf. overgangsregelen til eigedomsskattelova §§ 3 og 4 andre ledd. 10. Eigedomsskatten vert skriven ut i 2 terminar jf. esktl. § 25 første ledd. Siste alminnelege taksering I kommunen vart gjennomført I 2018 og 2019. 11. Marginavsetnad vert fastsett til 10% for 2020. |
12. Kommunestyret ber om at rådmannen gjer følgjande utgreiingar i 2020:
Kostnadar, pedagogiske og sosiale effektar av å samla ungdomstrinnet på ein av skulane i kommunen. Her må både investeringskostnadar og driftskostnadar gjerast greie for og det må leggjast fram ein realistisk framdriftsplan.
Kostnadar, pedagogiske og sosiale effektar av å samla mellomtrinnet på ein av skulane i kommunen. Her må både investeringskostnadar og driftskostnadar gjerast greie for og det må leggjast fram ein realistisk framdriftsplan.
Kommunestyret ber om klare råd om korleis skulestrukturen i kommunen skal vera i framtida. Målet må vera at ein kan få på plass ein felles ungdomsskule frå skuleåret 2021/2022.
Kommunestyret ber også rådmannen om å starta drøftingar med Alver kommune om godtgjersle for elevar frå Åsheim‐krinsen som går på Kaland barne‐ og ungdomsskule.
13. Skule og 8. klasse ved Kaland barne- og ungdomsskule i 2020/2021. Kommunestyret viser til det første punktet i dette budsjettnotatet, og understrekar at debatten om lokalisering av ein felles ungdomsskule i kommunen ikkje vil bli påverka av om elevane på 8. klassetrinn vert samla på Årås skule komande skuleår.
14. Austrheim kommunestyre utsett den delen av saka som omhandlar flytting av 8. klasse, og ber om at rådmannen tar kontakt med dei berørte parter og komma tilbake med ei sak til neste kommunestyremøte, som vurderer fordeler og ulemper ved denne saka.
15. Pleie og omsorg. Rådmannen må i første kvartal 2020 setja i gang arbeidet med å oppdatera «Eldremeldinga». Ei oppdatert eldremelding skal danna grunnlaget for utviklinga av pleie- og omsorgsavdelinga både når det gjeld bemannings- og investeringsplanar. Investeringsplanane må innehalda tiltak retta mot sjukeheimsplassar, omsorgsbustadar og omsorgsteknologi. Kommunestyret ber om at den nye «Eldremeldinga» vert lagt fram til politisk behandling innan sommaren 2020.
«Eldremeldinga» må ta utgangspunkt i målet om å etablera ein heiltidskultur i kommunen. Kommunestyret ber om at rådmannen lagar ein plan for å etablera ein slik heiltidskultur i samarbeid med tillitsvalte og verneombod.
16. Vatn og avlaup. Dei største investeringane dei komande åra vil vera knytt til vatn og avlaup. Kommunestyret ber om at ein oppdatert investerings- og framdriftsplan for dette fagfeltet vert lagt fram for kommunestyret 13. februar 2020.
17. Klima og miljøplan. Kommunestyret ber rådmannen laga ein ny klima og miljøplan. Målet må vera at Austrheim kommune berre skal nytta fornybar energi til oppvarming av bygg innan utgangen av 2025. Alle personbilar og små varebilar som kommunen kjøper i perioden etter 2021, skal vera nullutsleppskøyretøy. Nye ladepunkt må etablerast. Klima og miljøplanen skal også innehalda tiltak som sikrar at alle avdelingar i kommunen skal vera sertifiserte «Miljøfyrtårn» innan 2023.
18. Trafikksikring. Austrheim kommune har dei siste åra fått fleire tilskot frå fylkeskommunen til trafikksikringstiltak. Årsaka til dette er at kommunen har hatt ein relativt oppdatert og realistisk trafikksikringsplan. Det har også vore god samanheng mellom trafikksikringsplanen og vedtekne regulerings- og områdeplanar. No må trafikksikringsplanen oppdaterast slik at den også i framtida kan danna grunnlag for nye tilskot til trafikksikringsarbeidet i kommunen.
19. Bruk av lokalt næringsliv. Fleire av våre lokale butikkar er med i Merkur-programmet. Det er eit mål for statlege myndigheiter å sikra eit desentralisert tenestetilbod til innbyggjarane og gjennom Merkur-programmet ønskjer dei å styrka dei små distriktsbutikkane. Kommunestyret ber rådmannen greia ut om det er mogeleg for kommunen å handla meir lokalt både når det gjeld varer og tenester slik at kommunen kan bidra til å sikra eit lokalt mangfald av bedrifter.
20. Skyss Aufera. Rådmannen får i oppdrag, i samarbeid med brukarane og Aufera, å organisere eit tilfredsstillande skysstilbod til våre arbeidstakarar på Aufera. I tillegg ber ein om ei vurdering av det generelle transportbehovet i kommunen.
21. Barnehagane. Styrar i barnehagane må få handlingsrom og ekstra midlar for å kunna tilkalla assistent dersom dette er naudsynt for å sikra forsvarleg drift. Dette gjeld dei timane pedagogane ved barnehagane skal avvikla plantida si.
Barnehagane får behalda assistentar som tilsvarer 1,2 årsverk i Austrheim Kystbarnehage og 0,6 årsverk i Kaland barnehage.
22. Ungdomsrådet. Ungdomsrådet i Austrheim er ein viktig ressurs i arbeidet med å skapa ein kommune med gode oppvekstvilkår. Kommunestyret beklagar at Ungdomsrådet mista heile den økonomiske støtta frå kommunen i 2019. Kommunestyret løyver med dette kr 30.000,- i støtte til Ungdomsrådet sitt arbeid i 2020.
23. Om nye verbalpunkt: Med dette notatet vil kommunestyret gje rådmannen nokre prioriterte oppgåver. Nokre av framlegga vil ha økonomiske konsekvensar som vil endra budsjettbalansen. Me ber om at rådmannen gjer justeringar i budsjettet for å dekka inn dei ekstra kostnadane.
Rådmann Liv Løvvik orienterte om budsjettet, og viste Excel-dokumentet som viser dei konkrete nedtrekka som er gjort i budsjettet (dokumentet ligg ved), og dei moglegheitene kommunen har til å auka inntektene sine.
Løvvik sa vidare at kommunen er på 100 prosent pluss også dette året, sjølv med dei nedtrekka som er gjort.
Morten Sognnes (H) tok opp flyttinga av 8. klasse Kaland til Årås frå august 2020. Sognnes sa at intensjonen god, men ikkje gjennomtenkt nok. – Eg trur ungdommane frå Åsheim-krinsen i Lindås (kommande Alver) forsvinn frå Kaland til Lindås ved ei slik flytting. Sognnes med forslag om å ikkje flytta desse elevane, men heller ha fådelt skule for dei på Kaland.
Rådmann Løvvik svara Sognnes, og sa at det er gode pedagogiske grunnar til å ikkje ha fådelt skule.
– I ein liten kommune som Austrheim skal me raskt klara å samla ungdomsskulen på ein plass, i mellomtida er dette eit tiltak som sikrar eit godt tilbod til elevane i 8. klasse 2020/2021 frå Kaland.
Monika Thorpe (Ap) sa at i den situasjonen kommunen er i er det viktig å sjå framover, og sjå kva konsekvensar som kjem av dei vala ein tek. Viktig å sjå langtidsverknadene av budsjettet, både for dei som bur i kommunen og dei som kan tenka seg å bu her i Austrheim. Dette handlar om å gjera Austrheim til ein god kommune. Thorpe la på vegner av Ap/H fram framlegg til nytt verbalpunkt for pleie og omsorg: «Rådmannen må i første kvartal 2020 setja i gang arbeidet med å oppdatera «Eldremeldinga». Ei oppdatert eldremelding skal danna grunnlaget for utviklinga av pleie- og omsorgsavdelinga både når det gjeld bemannings- og investeringsplanar. Investeringsplanane må innehalda tiltak retta mot sjukeheimsplassar, omsorgsbustadar og omsorgsteknologi. Kommunestyret ber om at den nye «Eldremeldinga» vert lagt fram til politisk behandling innan sommaren 2020. «Eldremeldinga» må ta utgangspunkt i målet om å etablera ein heiltidskultur i kommunen. Kommunestyret ber om at rådmannen lagar ein plan for å etablera ein slik heiltidskultur i samarbeid med tillitsvalte og verneombod». Thorpe sa at ein her gjev rådmannen prioriterte oppgåver, og ba om at rådmannen gjer dei justeringar som skal til for å finansiera dette.
Ann Kristin Leirvåg (Ap) la på vegner av Ap/H fram framlegg til verbalpunkt om Aufera: «Austrheim kommune har nyleg gitt Aufera garantiar for låneopptak knytt til kjøp og innreiing av nye lokale. Kommunestyret er uroa for at nedlegging av den kommunale bussruta til Aufera, kan redusera talet på tilsette ved verksemda. Me ber difor rådmannen utgreia ulike løysingar som kan gje dei tilsette eit tilfredsstillande transporttilbod til arbeidsplassen på Aufera. Her bør det vurderast om ein kan finna nye bussjåførar som ikkje vil medføra ein kostnadsauke i forhold til dagens løysing. Eit anna alternativ som bør vurderast er om me kan erstatta bussen med eit mindre køyretøy som kan køyrast med vanleg bilsertifikat. Eit tredje alternativ er å få Skyss til å etablera bussruter mellom Mastrevik og Manger som korresponderer med ruter til og frå Mastrevik på ein slik måte at dei tilsette får akseptable reisetider til og frå jobb. Den siste løysinga bør kunna kombinerast med transport av elevar frå Manger til Austrheim vidaregåande skule. Kommunestyret ber om at utgreiingsarbeidet får høg prioritet og at ei løysing er på plass innan 1.1.2020. I utgreiingsperioden og fram til ei ny transportordning er på plass, ber kommunestyret om at dei tilsette ved Aufera får tilbod om ei tilfredsstillande transportordning».
Helge Dyrkolbotn (KrF) sa om budsjettprosessen at det har vore manglande informasjon og kommunikasjon, noko som har ført til «armar og bein». Viste til at det har vore etterlyst i formannskapet ei handsaming i ulike råd og organ, slik at dei fekk komma med sine innspel til budsjettprosessen. – Alle innser at det er minimalt med midlar å henta, det kjem lite frå Staten.
Synest det er lite fokus på kva som er konsekvensane av alle nedtrekka, og saknar fleire innspel frå dei ulike avdelingsleiarane. Veldig bra at ein brukar Kostra-tal og rapport frå Telemarksforsking, men dette er ikkje fasit for Austrheim kommune. Retningsgjevande, men ikkje fasit for justering i vår kommune. Dyrkolbotn sa at KrF hadde framlegg om innføring av eigedomsskatt i kommunen. – Eg trur kanskje at innbyggjarane i Austrheim kanskje hadde vore med på ein dugnad for å sikra eit betre tilbod innan kultur, ungdomsarbeid, skule og barnehage.
Framlegget:
Budsjett 2020 og økonomiplan 2020-2023
Framlegg frå Austrheim Krf
Austrheim kommune innfører eigedomsskatt frå og med år 2020 til og med 2023
Dette vil gje fylgande auke i frie disponible inntekter (ca tal):
2020 | 2021 | 2022 | 2023 | totalt |
2 mill | 4 mill | 6 mill | 8 mill | 20 mill |
Dyrkolbotn (KrF) la også fram eit framlegg om redusert kutt på kultur, midlar til ungdomsrådet og sikra skyss for dei som jobbar på Aufera. – Eg er i tvil om me har sett grundig nok på konsekvensane ved å legga ned Aufera-skyssen. Ungdomsrådet bør me hjelpa litt, og når det gjeld kultur: Kvifor skal det vera attraktivt å busetja seg i Austrheim om det er skore til bein og marg på kulturmidlar og alle tenester? Eg er redd at kutt i kultur kan gje negative konsekvensar.
Framlegget:
Budsjett 2020 og økonomiplan 2020-2023
Framlegg frå Austrheim Krf
Austrheim kommunestyre gjev rådmannen i oppdrag å løyse fylgjande
innanfor budsjettet for 2020:
1.Auke budsjettet for kulturmidlar/anna kultur med kr. 100.000,-
2. Tilføre Ungdomsrådet kr. 20.000,-
3. Organisere til tilfredsstillande skysstilbod til våre arbeidstakarar på AUFERA.
Om flytting av elevar frå Kaland til Årås sa Dyrkolbotn: - Me må slutta å diskutera, me skal slå saman ungdomsskulane og skal gjera det så snart som mogleg. Eg støttar det å flytta 8. klasse-elevane frå Kaland til Årås.
Anne Dahle Austrheim (KrF) la fram eit framlegg om å redusera nedtrekket for Austrheim Sokn:
Framlegget:
Budsjett 2020 og økonomiplan 2020-2023
Framlegg frå Austrheim KrF
Endring i overføring til Austrheim Sokn:
Nedtrekket vert redusert frå 500.000 kr til 300.000 kr.
Austrheim viste til at kommunen pliktar å støtta kyrkja sitt arbeid. - Inntektene kyrkja har er det som kjem frå kommunen, og elles gåver, men gåveinntektene går til trusopplæringstenester. Til samanlikning er posten til rådmannen auka med 1.170.000, og dette er finansiert mellom anna med nedtrekk på 500.000 til kyrkja.
Atle Utkilen (Bygdelista) tok opp saka om skyss til Aufera for dei som jobbar der. Utkilen viste til at han er leiar i rådet for menneske med nedsett funksjonsevne (RMNF), som også har handsama denne saka. – Eg ønskjer at kommunen vågar å setja ord på ein del område som me ønskjer å sikra.
Klarer me ikkje å sikra dette, så må me innføra eigedomsskatt øyremerka desse tiltaka. Eg håpar at dei som har sett prestisje på at ein ikkje skal ha eigedomsskatt er med på det. Utkilen ba også om ei betre utgreiing av skyssen til Aufera.
- Når det gjeld investeringar vil Bygdelista framskunda eldrebustader på Kaland. Eg meiner det er mogleg å omprioritera noko av investeringsmidlane neste år, då ein ikkje klarer å setta i gang alt der uansett. Bygdelista er klar på me ønskjer ein ungdomsskule i Austrheim.
Morten Sognnes (H) la fram eit framlegg på vegner av Høgre og Ap, om å utsetja saka som gjeld flyttinga av elevar frå Kaland til Årås:
Framlegget:
Skule og 8. klasse ved Kaland barne- og ungdomsskule i 2020/2021.
Austrheim kommunestyre utsetter den delen av saka som omhandlar flytting av 8. klasse. Kommunestyret ber om at rådmannen tar kontakt med dei berørte partar, og kjem tilbake med ei sak til neste kommunestyremøte som vurderer fordeler og ulemper ved denne saka.
Sognnes la også fram eit framlegg (på vegner av Høgre og Ap) om at administrasjonen snarast set i gang arbeidet med felles ungdomsskule.
Framlegget:
Grunnskule. Rådmannen må snarast mogeleg setja i gang arbeidet med å etablera ein felles ungdomsskule i kommunen. Målet må vera at politikarane får saka til handsaming i vårsesjonen i 2020 og at ein felles ungdomsskule er på plass frå skuleåret 2021/22. I samband med rådmannen sitt utgreiingsarbeid om ein felles ungdomsskule, må det også greiast ut om det kan vera tenleg å samla mellomtrinnet på ein av skulane. FAU, SU, tillitsvalte, Ungdomsrådet og verneombod må involverast i prosessane. Eventuelle endringar i skulestrukturen i Austrheim kommune er ikkje økonomisk motivert, men skal gjerast for å sikra eit best mogeleg skuletilbod til elevane i kommunen.
Hardy Pedersen (Ap) la fram to framlegg på vegner av Høgre og Ap:
Vatn og avlaup.
Dei største investeringane dei komande åra vil vera knytt til vatn og avlaup. Kommunestyret ber om at ein oppdatert investerings- og framdriftsplan for dette fagfeltet vert lagt fram for kommunestyret 13. februar 2020.
Ungdomsrådet.
Ungdomsrådet i Austrheim er ein viktig ressurs i arbeidet med å skapa ein kommune med gode oppvekstvilkår. Kommunestyret beklagar at Ungdomsrådet mista heile den økonomiske støtta frå kommunen i 2019. Kommunestyret løyver med dette kr 30 000,- i støtte til Ungdomsrådet sitt arbeid i 2020.
Reidar Øksnes (SP) etterlyste at ein kunne leggja inn dei ulike fromme framlegga i eit levande rekneark, der ein såg etter kvart korleis ein måtte kutta for å få dette til å gå opp. – Eg støttar at ein løyver pengar til ungdomsrådet slik at dei kan utføra dei oppgåvene dei har. Er samd i at det ikkje er mogleg å gjennomføra investeringar for 15 millionar i VA i 2020. Øksnes sa om Nordhordlandspakken: - Med bommane i Knarvik har Austrheim ein unik sjanse som ein attraktiv plass å bu i og flytta til også for næringslivet. Me må reklamera for Austrheim som ein god plass å bu. Om ungdomsskulen sa Øksnes: - Dei to siste periodane har det dette med skulestrukturen i Austrheim vore utgreidd to gonger, begge gonger har ein gått inn for ein skule og begge gongane har kommunestyret teke dette til vitande. Alle partar har vore med i det arbeidet som er gjort. Må ikkje no starta ein ny runde planlegging, anten gjer ein dette no eller aldri. Åsheim-krinsen må Alver kommune ta ansvar for. Manglande vilje til vedtak i Austrheim har gjort at Lindås har sleppt veldig lett frå dette.
Ordførar Per Lerøy (Ap) svara om investeringar i 2020: - Fylkesmannen har sett krav om at alle investeringar er sjølvfinansierande, så kommunen kan ikkje omdisponera desse 15 millionane som står på VA.
Reidar Ulvøy (Ap) la på vegner av Høgre og Ap fram framlegg om trafikksikringsplan:
Framlegget:
Trafikksikring.
Austrheim kommune har dei siste åra fått fleire tilskot frå fylkeskommunen til trafikksikringstiltak. Årsaka til dette er at kommunen har hatt ein relativt oppdatert og realistisk trafikksikringsplan. Det har også vore god samanheng mellom trafikksikringsplanen og vedtekne regulerings- og områdeplanar. No må trafikksikringsplanen oppdaterast slik at den også i framtida kan danna grunnlag for nye tilskot til trafikksikringsarbeidet i kommunen.
Ulvøy sa vidare: - Eg har spørsmål til rådmannen og dei som vil ha eigedomsskatt, kva konsekvensar kan dette ha for barnefamiliar, eineforsørgjarar og minstepensjonistar med eigen bustad? Eg meiner det er etableringsfiendtleg. Kan rådmannen sjå på følgjande, frysing av løn og gode i perioden, gjeldande for leiarstillingar, rådmannen inkludert? I privat næringsliv kan lønene svinga med konjunkturen.
Rådmann Løvvik svara Ulvøy om eigedomsskatt: - Dette med eigedomsskatt er sett på ut frå likningsverdien, og ikkje full marknadstaksering. Eigedomsskatt på hus og hytter må starta på ein promille, og det vert små summar. Generelt er det slik at dei som har råd til bustad, har råd til skatt.
Rådmann Løvvik svara Ulvøy om løn: - Ingen av dei tilsette har vore særleg motiverte for lønnsfrys. Kommunen har nett rekruttert eit par nye kommunalsjefar, og må evt. leita på nytt om desse seier nei til lønsfrys. Lønsfrys er ein nedgang i realløna, og eg trur ikkje dei tillitsvalde vil vera omforent om dette.
Britt S. Lerøy (Ap) sa om innkjøp: - Eg ønskjer ein gjennomgang av innkjøp og anskaffingsstrategi.
Har oppfatta at Austrheim kommune i stort omfang nyttar seg av Bergensavtalen, men vårt lokale næringsliv er små og når ikkje opp i dette like lett. Eg ønskjer større bruk av lokale næringsaktørar. På vegner av Ap og H la Lerøy fram dette framlegget:
Bruk av lokalt næringsliv.
Fleire av våre lokale butikkar er med i Merkur-programmet. Det er eit mål for statlege myndigheiter å sikra eit desentralisert tenestetilbod til innbyggjarane og gjennom Merkur-programmet ønskjer dei å styrka dei små distriktsbutikkane. Kommunestyret ber rådmannen greia ut om det er mogeleg for kommunen å handla meir lokalt både når det gjeld varer og tenester slik at kommunen kan bidra til å sikra eit lokalt mangfald av bedrifter.
Varaordførar Inger Lise Brekke (H) sa om Aufera skyssen: - At ein sel Aufera-bussen og endrar sjåføren betyr ikkje at tenesta forsvinn, men korleis dette er sett saman kan verta endra på. Eg opplever at prosessane har mangla dialog med interesserte partar og andre, dette er noko administrasjonen må vera merksam på. Det er viktig at det er ein god dialog og ein god prosess med dei ulike partane. Brekke ba om gruppeleiarmøte etter at alle som hadde teikna seg for innlegg hadde sleppt til.
Rikke Heldal Hope (H) sa om eigedomsskatt: - Det er nok semje om at kommunen hadde trengt friske midlar, men eigedomsskatt er ein usosial skatt som ikkje tar omsyn til evna til å betala. Eigedomsskatt kan føra til at folk må selja bustaden sin, av di dei ikkje har råd til å betala denne skatten.
Morten Sognnes (H) sa om Kaland skule og flytting av 8. klasse til Årås i 20/21: - Eg meiner det er frekt, sårande og uansvarleg å seia at Alver får ta ansvar for desse Åsheim-elevane. Kaland har i dag 31 elevar som gjev 750.000 kroner inn i kommunekassen. Det vil også kosta noko i skyss å senda elevar frå Kaland til Austrheim.
Atle Utkilen (Bygdelista) sa om Kaland skule og flytting av 8. klasse til Årås i 20/21: - Kanskje me skulle spurt ungdommane, det er få elevar i denne klassen, og kanskje dei vil til Årås? Økonomien i dette er ein ting, men også andre ting spekar inn.
Reidar Øksnes (Sp) sa om Kaland skule og flytting av 8. klasse til Årås i 20/21: - Me har ansvar for våre eigne elevar. Austrheim kommune har ei negativ utgift på Åsheim-elevane. Har prøvd å skru opp prisen tidlegare, då er trusselen frå Lindås at dei dreg elevane ut. Til Sognnes svara Øksnes: Det er kanskje frekt å seia at Alver kommune må ta ansvar for Åsheim-elevane, men eg får stå for det.
Bjørn Inge Håland Dyrkolbotn ba om at ein fann ei løysing der ein har bussen vidare (den som blir brukt til Aufera-skyssen): - Så langt eg veit er bussen kjøpt for alle, og me kan bruka den mot å fylla drivstoff. Me kan evt. kjøra den sjølv, ved at kommunen dekker utgiftene til sertifikat. I dag er det rimelegare å låna tilbake den bussen som vart selt til den vidaregåande skulen, enn å bruka eigen buss i kommunen.
Morten Sognnes (H) sa om Kaland skule og flytting av 8. klasse til Årås i 20/21: - Eg er ikkje mot å samla skulen, men vil samla ungdomsskulen på Kaland heller. Om me sender elevane Årås og taper elevane frå Åsheim-krinsen så er det ikkje sikkert me tener noko på denne endringa.
Einingsleiar teknisk drift, Rolf Henning Myrmel, svara om minibussen: - Den er kjøpt til ungdomsklubben, men dei har nesten ikkje brukt den pga. høg kostnad ved bruk. Seinare er det tilsett sjåfør. Minibussen har lagt på teknisk sitt budsjett, men me har ikkje brukt den. Den er også brukt til kjøra elevar på symjing, det er dette og Aufera den er brukt til, og nokre få andre oppdrag som til dømes for barnehage og eldre. Me har måtta brukt vikar og overtidsmidlar for å dekka denne skyssen til Aufera, og har i dag ikkje meir enn ein person som kan kjøra bussen.
Møtet vart sett på pause for gruppeleiarmøte, det det vart sett opp verbalpunkt til å stemma over.
(nummereringa er frå framlegga)
Etter gruppemøtet var det avrøysting over budsjettet:
Punkt 1-11 (frå formannskapet): Samrøystes vedteke
Punkt 12 (erstattar punkt 12 frå formannskapet): Samrøystes vedteke
Punkt 13: Samrøystes vedteke
Punkt 14: Vedteke mot tre røyster, Sp sine tre representantar Bjørn Inge H. Dyrkolbotn, Reidar Øksnes og Lise R. Helle
Punkt 15: Samrøystes vedteke
Punkt 16: Samrøystes vedteke
Punkt 17: Samrøystes vedteke
Punkt 18: Samrøystes vedteke
Punkt 19: Samrøystes vedteke
Punkt 20: Samrøystes vedteke
Punkt 21: Samrøystes vedteke
Punkt 22: Samrøystes vedteke
Punkt 23: Nedstemt, med 10 (Høgre og Ap) mot 7 (Sp, KrF og Bygdelista)
Punkt 24: Nedstemt, med 10 (Høgre og Ap) mot 7 (Sp, KrF og Bygdelista)
Punkt 25: Nedstemt, med 10 (Høgre og Ap) mot 7 (Sp, KrF og Bygdelista)
Punkt 26: Samrøystes vedteke
Til slutt vart det røysta over samla budsjett.
Det vart vedteke mot 1 røyst, Atle Utkilen (Bygdelista).
Sakshandsamar Thomas Lindås orienterte om saka.
Austrheim ligg midt på treet gebyrmessig, elles kan ein merka seg at kommunen ikkje tek gebyr for førehandskonferanse.
Handsaming i kommunestyret:
Rådmannen sitt framlegg vart samrøystes vedteke
Avdelingsleiar Kari Utkilen orienterte om saka.
I formannskapet var det spørsmål om kva som er sjølvkost for dirigent til vaksenkor. Utkilen sa at den summen på 402 kroner som er lagt inn no tilsvarer sjølvkost. Men ein må gjera eigne avtalar ved bruk av dirigent til ulike prosjekt.
Handsaming i kommunestyret:
Rådmannen sitt framlegg vart samrøystes vedteke
Austrheim kommunestyre vedtek ny kloakkavgift frå 01.01.2020. Avgiftene vert auka med 3% frå 2019. Gebyr for tilknyting vert ved godkjend søknad.
Areal | Avgiftsareal | Årsavgift | |
Bustad/hytte inntil | 90 m² | 80 m² | 3.737,- |
Bustad/hytte over | 90 m² | 130 m² | 6.081,- |
Minsteavgift andre bygg | 100 m² | 4.039,- | |
Bygg med målt forbruk | Pr m³ | 30,24 | |
Fast avgift målar | 1.041,- |
Tilknytingsavgift for 2020
Avgift inkl. mva | |
Tilknyting bustad/hytte | 26.395,- |
Tilknyting andre bygg med under 50mm vassinntak | 26.395,- |
Tilknyting andre bygg med over 50mm vassinntak | 52.790,- |
Einingsleiar teknisk drift Rolf Henning Myrmel orienterte om saka.
Kommunen har eit etterslep å ta att på avlaup, ei teneste som skal vera sjølvfinansierande.
Handsaming i kommunestyret:
Rådmannen sitt framlegg vart samrøystes vedteke
Einingsleiar teknisk drift Rolf Henning Myrmel orienterte om saka.
Handsaming i kommunestyret:
Rådmannen sitt framlegg vart samrøystes vedteke
Austrheim kommunestyre vedtek uendra gebyr for feiing og tilsyn for bustadhus og lik gebyr for fritidshus og hytter frå 01.01.2020.
Grunnlag | Avgift pr.år inkl. avgift | |
Årleg gebyr for feiing og tilsyn | 1 pipe | 480,- |
Årleg gebyr for feiing og tilsyn | 2 piper | 636,- |
Tenesta vert betalt med fast årleg sum som er lik for alle abonnentar. Beløpet er rekna ut som gjennomsnittspris pr.pipe
Feiing og tilsyn gjeld berre for hus, fritidshus og hytter med montert eldstad/fyringsanlegg.
Einingsleiar teknisk drift Rolf Henning Myrmel orienterte om saka.
Handsaming i kommunestyret:
Rådmannen sitt framlegg vart samrøystes vedteke
Einingsleiar teknisk drift Rolf Henning Myrmel orienterte om saka.
Handsaming i kommunestyret:
Rådmannen sitt framlegg vart samrøystes vedteke
Einingsleiar teknisk drift Rolf Henning Myrmel orienterte om saka.
Tek att etterslep på vassavgifta, ei teneste som skal vera etter sjølvkost.
Austrheim er så vidt over snittet i landet på vassavgifta. Kan ikkje samanlikna med nabokommunane i kommande Alver, som har sett ned avgiftene for å tømma fonda sine før samanslåinga.
Handsaming i kommunestyret:
Rådmannen sitt framlegg vart samrøystes vedteke
Kommunalsjef helse og omsorg Monika Kvamme orienterte om saka.
Desse avgiftene vert auka med 3 prosent.
Handsaming i kommunestyret:
Rådmannen sitt framlegg vart samrøystes vedteke
Kommunalsjef helse og omsorg Monika Kvamme orienterte om saka.
Desse avgiftene vert auka med 3 prosent.
Handsaming i kommunestyret:
Rådmannen sitt framlegg vart samrøystes vedteke
Kommunalsjef helse og omsorg Monika Kvamme orienterte om saka.
Desse avgiftene vert auka med 3 prosent.
Handsaming i kommunestyret:
Rådmannen sitt framlegg vart samrøystes vedteke
Kommunalsjef helse og omsorg Monika Kvamme orienterte om saka.
Desse avgiftene vert auka med 3 prosent.
Handsaming i kommunestyret:
Rådmannen sitt framlegg vart samrøystes vedteke
Kommunalsjef helse og omsorg Monika Kvamme orienterte om saka.
Desse avgiftene vart sist auka frå august i samband med innføring av ny teknologi. No vert dei auka med 3 prosent.
Handsaming i kommunestyret:
Rådmannen sitt framlegg vart samrøystes vedteke
Rådmann Liv Løvvik orienterte om saka.
Betalingssatsane er innanfor dei rammene som er bestemte av staten.
Handsaming i kommunestyret:
Rådmannen sitt framlegg vart samrøystes vedteke
Rådmann Liv Løvvik orienterte om saka.
Handsaming i kommunestyret:
Rådmannen sitt framlegg vart samrøystes vedteke
Sakshandsamar Ketil Tjore orienterte om at dette er slik det er fastslege i den gjeldande Alkoholpolitisk handlingsplan for Austrheim.
Handsaming i kommunestyret:Rådmannen sitt framlegg vart samrøystes vedteke
Ordførar Per Lerøy viste til at dette må vedtakast for å kunna søka om spelemidlar til ulike anlegg.
Handsaming i kommunestyret:
Rådmannen sitt framlegg vart samrøystes vedteke
Saka utgjekk, var endeleg handsama i formannskapet 21. november.
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Nytt frå sist vedtak er at KrF har fått på plass vara.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Saka er føreslege utsett.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Må finna ein vara til dette vervet.
Handsaming i kommunestyret:
Valnemnda sitt utsettingsframlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Administrasjonen sender brev til organisasjonane med spørsmål om kandidatar
Handsaming i kommunestyret:Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
ADMINISTRASJONSUTVAL | ||
Medlemmer formannskapet | Vara til formannskapet | Valde av |
Ordførar Per Lerøy, Ap | sjå varaliste for formannskapet | Kommunestyret |
Varaordførar Inger Lise Brekke, H | sjå varaliste for formannskapet | |
Morten Sognnes, H | sjå varaliste for formannskapet | |
Bjørn Inge H. Dyrkolbotn, Sp | sjå varaliste for formannskapet | |
Helge Dyrkolbotn, KrF | sjå varaliste for formannskapet | |
Tillitsvalde | Vara for tillitsvalde | Valde av |
Janina Fenne, Fagforbundet | Inger Synnevåg | Fagforeiningane |
Geir Follesø, Utdanningsforbundet | Monica Mjanger, Utdanningsforbundet | Fagforeiningane |
Leiar: | Nestleiar: | Valde av |
Ordførar Per Lerøy, Ap | Varaordførar Inger Lise Brekke, H | Kommunestyret |
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte. Handsaming i kommunestyret: Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Framlegg om å utsetta saka for å finna vara som er politisk utvald, som erstatning for Nesbø som er tilsett i administrasjonen.
Handsaming i kommunestyret:
Valnemnda sitt utsettingsframlegg vart samrøystes vedteke
NGIR IKS – Nordhordland og Gulen interkommunale renovasjonsselskap IKS | ||
Representant | Vara | Valde av |
Hardy Pedersen, Ap | Magnus Kvingedal, H | Kommunestyret |
Gro Kaland, Sp | Jan Nordø, Bygdelista | Kommunestyret |
Leiar i valnemnda, Ann Kristin Leirvåg (Ap), orienterte.
Atle Utkilen (Bygdelista) ba om at Jan Nordø vart sett inn som vara for Gro Kaland (Sp).
Handsaming i kommunestyret:
Valnemnda sitt korrigerte framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Leiar i valnemnda, Ann Kristin Leirvåg (Ap), orienterte.
Handsaming i kommunestyret:
Valnemnda sitt framlegg vart samrøystes vedteke
Interkommunalt utval for akutt forureining (IUA) | |
Medlem: | Varamedlem: |
Leiar i valnemnda, Ann Kristin Leirvåg (Ap), orienterte.
Dei medlemmene som er i utvalet i dag, held fram.
Handsaming i kommunestyret:
Valnemnda sitt nye framlegg vart samrøystes vedteke
Handsaming i kommunestyret:
Rådmannen sitt framlegg vart samrøystes vedteke
Rådmannen rår til at tilknytning til naust, flytebrygge og utvendige vannpostar vert kr 10.558,- og at årleg avgift vert rekna etter fast avgift målar og etter målt forbruk.
Avgift inkl. mva
Tilknyting naust | Kr. 10.558,- | |
Tilknytning til flytebrygge. | Kr. 10.558,- | |
Tilknytning vannpost. | Kr. 10.558,- | |
Målt forbruk pr. m3 | Pr. m3 | Kr. 27.10 |
Fast avgift målar | Kr. 1.011,- |
Tillegg frå Reidar Øksnes (Sp):
Kva skjer der det er fritt fram for andre enn medlemmene i båthamna å henta vatn, til dømes om det er tilrettelagt for gjesteplassar som alle kan bruka. Kan kommunen sjå på dette når ein sender rekning?
Einingsleiar teknisk drift Rolf Henning Myrmel orienterte om saka.
Administrasjonen har sett opp eit framlegg til vassavgift for utvendig tilknyting. Det er ønske frå administrasjonen om at det er krav om vassmålar, då slike punkt er meir utsette for lekkasje. Om det er vassmålar må ein betala etter forbruk, noko som vil ansvarleggjera med tanke på å oppdaga og avgrensa lekkasjar.
Er det ønske om innvending tilkopling er det andre reglar, som kommunen ikkje styrer sjølv. Mellom anna er det då krav om avlaup.
Formannskapet hadde ikkje med kravet om vassmålar, men ein skal bruka ganske mykje vatn før dette vert dyrare enn det formannskapet la opp til.
Same gebyr gjeld også om ein etablerer ein vannpost i eit hyttefelt. Gebyret er likt uansett kor stor båthamn det er tale om, sidan det er forbruket som styrer dette.
Reidar Øksnes (Sp) spurte om kva som skjer der det er fritt fram for andre enn medlemmene i båthamna å henta vatn, til dømes om det er tilrettelagt for gjesteplassar som alle kan bruka. Kan kommunen sjå på dette når ein sender rekning?
Handsaming i kommunestyret:
Samrøystes for rådmannen sitt framlegg, og legg ved Reidar Øksnes sitt innspel.
Rikke Heldal Hope (H) ba om at saka vert utsett, for å få betre tid til å sjå på framlegget.
Handsaming i kommunestyret:
Samrøystes for utsetting
Politikar | Parti | Medlemstype | E-Post |
---|---|---|---|
Per Lerøy | Arbeiderpartiet | Ordførar | per.leroy@austrheim.kommune.no |
Inger Lise Brekke | Høgre | Varaordførar | ilb5943@yahoo.no |
Reidar Ulvøy | Arbeiderpartiet | Medlem | reidar@subseaintv.no |
Britt Mary Skaalevik Lerøy | Arbeiderpartiet | Medlem | britt.leroy@hotmail.no |
Hardy Pedersen | Arbeiderpartiet | Medlem | hardpe@online.no |
Ann Kristin Leirvåg | Arbeiderpartiet | Medlem | Kristin1964@gmail.com |
Monika Thorpe | Arbeiderpartiet | Medlem | monikath@online.no |
Atle Dag Utkilen | Bygdelista i Austrheim | Medlem | atle@adu.no |
Aslak André Bakke | Høgre | Medlem | aba@mrbakke.no |
Rikke Heldal Hope | Høgre | Medlem | rikke.heldal.hope@hotmail.com |
Morten Sognnes | Høgre | Medlem | morten.sognnes@austrheim.kommune.no |
Anne Dahle Austrheim | Kristeleg Folkeparti | Medlem | annedahleaustrheim@gmail.com |
Helge Dyrkolbotn | Kristeleg Folkeparti | Medlem | Helge.Dyrkolbotn@vlfk.no |
Lise Renate Helle | Senterpartiet | Medlem | Liserenatehelle@gmail.com |
Reidar Øksnes | Senterpartiet | Medlem | 56roek@gmail.com |
Bjørn Inge Håland Dyrkolbotn | Senterpartiet | Medlem | Bjorn.Inge.Dyrkolbotn@austrheim.kommune.no |
Stein Kåre Løvslett | Kristeleg Folkeparti | Varamedlem | steinkl@broadpark.no |
Rolf-Henning Myrmel | rolf.henning.myrmel@austrheim.kommune.no | ||
Monika Kvamme | monika.kvamme@austrheim.kommune.no | ||
Kari Torkildsen Utkilen | kari.utkilen@austrheim.kommune.no | ||
Ketil Tjore | ketil.tjore@austrheim.kommune.no | ||
Thomas Lindås | thomas.lindas@austrheim.kommune.no | ||
Liv Løvvik | liv.lovvik@austrheim.kommune.no | ||
Randi Keilegavlen Dyrøy (Ikke møtt) | Kristeleg Folkeparti | Medlem | randidy1@start.no |