Møte i Formannskapet den 11.06.2020

Behandling

Handsaming i formannskapet:
Rådmannen sitt framlegg vert samrøystes vedteke

Vedtak

Protokollen frå møtet 27. mai kjem til neste møte.

Behandling

Protokollen frå møtet 27. mai var ikkje klar til 2. juni då denne innkallinga var sendt ut.
Den kjem til neste møte.

Behandling

Avdelingsleiar Asbjørn Toft orienterte om dei delegerte vedtaka.

Handsaming i formannskapet:
Samrøystes for rådmannens framlegg til vedtak

Behandling

Ingen orienteringar i dette møtet.

Behandling

Inger Lise Brekke (H) sa at for henne var det vanskeleg å ha dette vervet i haust, sidan Brekke både er oppteken med arbeid i nominasjonskomiteen i Høgre før stortingsvalet, og som meddommar i ei ankesak.

Ordførar Per Lerøy (Ap) sa at det ikkje er noko i vegen for å finna ein annan kandidat. Ber om at ein tek ein runde internt i Høgre på ein annan kandidat, og så tek det opp i samband med kommunestyret torsdag 18. juni. Brekke (H) sa seg samd i dette.

Ordføraren sa vidare at resten av vedtaket kan ein gå for no, med medlemmer og løyvinga på 25.000, som har stått på dette nivået dei siste 5-6 åra.

Handsaming i formannskapet:
Samrøystes for Inger Lise Brekke (H) sitt framlegg til vedtak

Behandling

(Til innkallinga for denne saka har det komme med ei fil gjeldande 2017, denne skulle ikkje vore med).

Olav Andersen gjekk gjennom tala.
- Ein rask gjennomgang av mai-rekneskapen viser at ein ligg tilsvarande som per 1. tertial.

- Jobbar no med å laga ei prognose for ut 2020, med ulike scenario for korleis situasjonen med Korona kan slå ut for Austrheim kommune.

Ordførar Per Lerøy (Ap) viste til at ein i arbeidet med desse prognosane for resten av året må ta omsyn til manglande utbytte, eventuelt overføring av midlar frå Mongstad Vekst, og utbetaling frå Havbruksfondet.

Inger Lise Brekke (H) sa at med dei utbetalingar som no har komme frå Nav til permitterte, så vil det komma ein del skatteinntekter til kommunen, sidan dette er utbetalingar som den enkelte må skatta av.

Per Lerøy (Ap) sa at det er bra at kommunen trass situasjonen kan få eit positivt resultat i 2020.

Handsaming i formannskapet:
Samrøystes for rådmannens framlegg til vedtak.

Vedtak

Formannskapet rår kommunestyret til å gjera følgjande justeringar etter tertialrapportering I - 2020.

Behandling

Olav Andersen gjekk gjennom tala.

- Aukar til teknisk drift med 1,3 millionar, finansiert med midlar frå skjønnsmidlane.

- Aukar med 2,5 millionar til startlån, dette er sjølvfinansierande.

- Aukar med 215.000 til maskin for desinfisering, henta frå investeringsramma til V/A.

Odd Harald Dommersnes sa at ein legg opp til å ta fleire budsjettjusteringar undervegs i løpet av 2020, for å unngå store avvik mellom budsjett og rekneskap.

Anne Dahle Austrheim (KrF) spurte om korleis vilkåra no er for startlån.

Ketil Tjore forklarte at det no er slik at kommunen ikkje gjev startlån som toppfinansiering, dersom vedkommande får lån i banken kan ein ikkje få startlån. Startlån er no for dei som ikkje får finansiering i bank.

Austrheim (KrF) viste til at det inneber at det er færre som kan få startlån innanfor ein gitt sum, sidan den enkelte får meir. Er vel også større risiko for tap med fullfinansiering.

Per Lerøy (Ap) sa at det er viktig å skaffa folk bustad, og det er verdt det å ta sjansen på eit tap. Ein viss risiko er det med slike lån, for når banken seier nei så er det ein risiko.

Rådmann Liv Løvvik sa at intensjonen med startlånsordninga nettopp er å hjelpa inn på bustadmarknaden folk som elles ikkje klarer det.

Inger Lise Brekke (H) sa at dette er ein risiko som kommunen må ta, startlånsordninga har ein sosial profil og heilt annleis enn ein kommersiell bank.

Handsaming i formannskapet:
Samrøystes for rådmannens framlegg til vedtak.

Behandling

Olav Andersen gjekk gjennom tala.

Det er lagt inn endringar i tråd med den budsjettjusteringa som er gjort.
- Aukar til teknisk drift med 1,3 millionar, med midlar frå skjønnsmidlane.

- Aukar med 2,5 millionar til startlån, dette er sjølvfinansierande.

- Auka med 215.000 til maskin for desinfisering, henta frå investeringsramma til V/A.

Administrasjonen må sjå på kva ein skal gjera med nedgangen i inntekter frå 2020 til 2021, der ein etter kvart skal driva kommunen med 15 millionar i lågare inntekter. Det er lagt inn uspesifisert nedtrekk frå 2021 og utover i planen, dette er det viktig å jobba med framover, for å definera nedtrekka eller kompensera for svikten i inntekter.

Lagt opp til resultat på fire millionar flatt for åra framover.

Viser elles til at regjeringa ventar mindre løns- og prisvekst for åra framover, dette kan gje kommunen ein reserve framover opp mot det som er lagt inn i planen.

Ordførar Per Lerøy (Ap) sa at med revidert statsbudsjett så kan det komma auka inntekter til kommunane. For inneverande år kan det sjå ut for at økonomien i Austrheim går bra, men 2021 vert definitivt utfordrande for oss.

Handsaming i formannskapet.
Samrøystes for rådmannens framlegg til vedtak.

Behandling

Sakshandsamar Asbjørn Toft orienterte om saka.
Etter sist møte i formannskapet er denne saka kommen vidare til realisering.

Etter godkjenning frå rådmannen tar ein 50.000 kroner av tildelinga frå regjeringa i samband med Korona, til tett tank under toalettet.
Ser at det er 30.000 besøkande i 2019, og med dagsturhytte kan ein venta endå fleire. Då er det viktig å ha toalett på plass.

Når det gjeld drift av anlegget er det i utgangspunktet Austrheim kommune som skal ta dette, men administrasjonen vil ta kontakt med Bergen og Omland friluftsråd for å sjå om dei kan drifta anlegget parallelt med at dei driftar sine anlegg i Årvikane, på Øksnes med fleire.

Kommunen har i tillegg fått innspel på at det er behov for toalett ved kaien på Litlelindås, der det er problem med forsøpling. Har i første omgang tatt kontakt med Equinor der dei som brukar kaien til fisking, jobbar, og dette vert teke opp gjennom bedrifta.

Per Lerøy (Ap) sa at det er viktig å legga til rette for at dei som brukar området kan gå på toalettet, no i første omgang på Vardetangen og i neste omgang eit tidsriktig venterom med toalett på hurtigbåtkaien på Vardetangen.

Bjørn Inge Haaland Dyrkolbotn (Sp) tok opp at det er ein del hundeposar langs stien til Vardetangen, der folk har plukka opp skiten, men så har lagt det igjen. Til dette sa Per Lerøy (Ap) at det må vera på plass både bosspann og skilt med oppfordringar om å ta med seg hundeposane.

Inger Lise Brekke spurte om det kan informerast via nettside og på Facebook om korleis ein skal oppføra seg med tanke på boss med meir. Møtesekretæren noterer seg dette.

Handsaming i formannskapet:
Samrøystes for rådmannens framlegg til vedtak