Møte i Kommunestyret den 04.06.2020

Behandling

Handsaming i kommunestyret:
Rådmannen sitt framlegg vert samrøystes vedteke

Vedtak

Møteprotokoll frå forrige møte vert godkjent, med retting som er nemnt over.

Behandling

Marita Bru ba om at det vart retta opp kven som møtte for Bygdelista i førre møte.
Bru var den som møtte.

Handsaming i kommunestyret:
Rådmannen sitt framlegg vert samrøystes vedteke, med retting til at Marita Bru møtte for Bygdelista.

Behandling

Handsaming i kommunestyret:
Rådmannen sitt framlegg vert samrøystes vedteke

Behandling

Kommunelege Peter Kubon orienterte om Korona-situasjonen: - Det vert no vert letta på reiserestriksjonar i Sverige og Danmark, men med avgrensingar mellom anna for København-området, og andre område i desse landa med stort smittepress.

Det er viktig å vera ansvarleg, med tanke på kvar ein reiser og kva tiltak ein gjer sjølv med tanke på avstand med meir. Må vera forsiktige innanfor dei reglane som gjeld.

Dei lokale avgrensingane Austrheim kommune har innført for utlandsreiser må ein tilpassa etter kvart som det nasjonale bildet endrar seg. Kan få auka smittepress utover hausten, men har så langt vore veldig heldige i heile området som Helse Bergen dekkar.

Handsaming i kommunestyret:
Samrøystes for å ta orienteringa til vitande.

Behandling

Olav Birger Andersen orienterte om saka, og sa at det står att 850.000 kroner for å dekka inn uteståande underskot, og komma ut av Robek-lista.

Andersen gjekk gjennom nøkkeltala for 2019. Viste mellom anna til at det er høgare utgifter til løn enn budsjettert, men dette vert mykje henta inn på auka refusjon av sjukepengar, der refusjonen er budsjettert nøkternt.

Skatteinntekter landa over budsjett i 2019, og var til slutt 2,2 millionar over revidert budsjett.

Ser for fleire postar at det hadde vore OK med ei budsjettjustering også på hausten, for å ta med seg endringar for utgifter og inntekter som kjem etter 1. budsjettjustering

Handsaming i kommunestyret:
Samrøystes for formannskapet sitt framlegg til vedtak.

Behandling

Rådmann Liv Løvvik orienterte om saka.

- Det har i 2019 vore god innsats frå alle tilsette, i heile organisasjonen. Har stått saman politisk og tilsette for å få til innsparingstiltaka som er gjort.

Synd at ting utanfor organisasjonen gjer at ein ikkje når å komma ut av Robek frå 2020. Med den budsjetterte inntekta frå AS Austrheim Næringsselskap ville ein klart dette.

Ordførar Per Lerøy oppmoda til å lesa årsmeldinga, og gjerne ta den fram igjen til hausten når kommunestyret skal i gang med budsjettarbeidet for 2021. Meldinga viser breidda av aktivitetar i Austrheim, både det lovpålagde tenestetilbodet og elles.

Årsmeldinga fekk skryt frå Marita Bru (Bygdelista) og Reidar Øksnes (Sp), for at den viser det mangslunge aktivitetsnivået i kommunen.

Helge Dyrkolbotn (KrF) spurte om det er mogleg å laga ei lettare utgåve som kan distribuerast via nett og elles.

Handsaming i kommunestyret:
Samrøystes for formannskapets innstilling til vedtak.

Behandling

Olav Birger Andersen orienterte om saka.

Lønsutgifter er no nede i 69 prosent av totale utgifter, det er lågare enn tidlegare.

Det er elles sendt ut tertialrapport til kommande formannskap 11. juni, der ein ser at skatteinntektene er på veg ned i 2020, og ut året kan risikera å tapa 8 millionar kroner i skatteinntekter. Det skal vera ein liten reserve i budsjettet sidan det er lagt inn 3 prosent prisauke, som er meir enn venta prisvekst ut året.

Inger Lise Brekke (H) orienterte om at det er 7 prosent arbeidsløyse i Austrheim no, mot 5 prosent i Alver kommune.

Marita Bru (Bygdelista) spurte om det framleis er ekstra kostnader med Korona. Om dette svara rådmann Liv Løvvik at det er gjort ein del investeringar som ein elles kunne unngått på grunn av Korona, mykje forbruksmateriell har blitt dyrare under smittesituasjonen, og ein må framleis vera budd på at smitten kan auka.

Per Lerøy viste til at kostnadene for kommunen også omfattar timetal som er omdisponert i administrasjonen. Samla støtte kommunen har fått i samband med Korona omfattar 2,3 millionar i sysselsettingsmidlar, 2,2 millionar i støtte til Korona-utgifter kommunen har hatt, og i overkant av 500.000 som kompensasjon for reduserte inntekter i barnehage og SFO.

Rådmann Liv Løvvik viste til at det er ein del usikkert, auka arbeidsløyse kan gje auka sosiale kostnader, eit lønsoppgjer slik staten ser for seg tilsvarar kun overhenget frå 2019, så her er det mykje som ikkje er klart før på hausten.

Marita Bru (Bygdelista) stilte spørsmål om eigedomsskatten, der noko var feilfakturert. Er det også overbudsjettert? Til dette svara Olav Birger Andersen at budsjettet er korrekt, men det var noko rekningar som var feil. Dette e retta opp.

Ordførar Per Lerøy (Ap) ba om at det til kommunestyret 18. juni vert laga ein årsprognose som viser korleis det kan slå ut økonomisk for resten av året, men la til at det ikkje skal brukast som ein "fasit" i etterkant for å "arrestera" administrasjonen.

Både rådmann Liv Løvvik og Olav Birger Andersen sa at det var mange ting som kan slå ut på økonomien utover hausten, som endra skatteinntekter, utbytte frå Mongstad Vekst, Havbruksfondet, med meir. Andersen sa at ein kan laga ulike scenario, type Worst/Middle/Best case, der ein har ulike alternativ.

Ordførar Per Lerøy sa at et slikt oversyn med ulike alternativ vera bra. Må hugsa å ta inn dei inntekter som har komme ekstra no i samband med Korona, i alt fire millionar kroner.

Britt Lerøy spurte om det er mogleg få rekneskapen tidlegare på våren. Olav Birger Andersen viste til at det er slik som no når gangen er via formannskapet før kommunestyret, medan ein per no har nyare tal klare som skal til neste formannskap. Rådmann Liv Løvvik sa at det var vanleg å ha tertialrapporten oppe i juni slik som no.

Handsaming i kommunestyret:
Samrøystes for formannskapets innstilling til vedtak

Behandling

Kommunalsjef Service og forvalting Thomas Lindås orienterte om saka, og sa at desse retningslinjene er meint å ta høgde for ulike alternativ for korleis kommunen kan avhenda eigedom.

Helge Dyrkolbotn (KrF) spurte om punktet der det er omtala å gå direkte til private interessentar, og spurte om dette betydde at ein skal gå utanom annonsering. Kommunalsjef Lindås svara at alle eigedommar skal ut på Finn/liknande, men at ein i tillegg kan tipsa lokale interessentar om at det er areal som kan utviklast.

Inger Lise Brekke (H) spurte om dette med sal av leilegheiter i bygg der det også bur private. Kommunalsjef Lindås svara at ein kan gje forkjøpsrett tilsvarande høgaste bod, men ikkje til takst. Kommunen ønskjer å ta ut best mogleg pris.

Per Lerøy (Ap) og Inger Lise Brekke (H) sa seg samd med prinsippet om forkjøpsrett til høgaste bod.

Reidar Øksnes (Sp) sa at retningslinjene også burde omfatta verdifastsetting, at punktet med utlysing kunne forenklast utan opplisting av dei ulike plattformar, og at ein i tillegg burde ta med at ein må sjå på kva som ligg av eksisterande avtalar og rettar.

Øksnes ba vidare om at godkjenning av sal skulle gjerast av formannskap og kommunestyre, og ikkje berre ordførar.

Kommunalsjef Thomas Lindås sa seg samd i at det kunne redigerast inn ei overskrift på teksten. Når det gjeld punktet om at alle eigedommar som hovudregel skal lysast ut, så er det for å ta inn den fleksibiliteten ein treng. Når det står at sal skal godkjennast ved ordførar så er det meint for å sikra hurtigheit og fleksibilitet i desse sakene. Prosjektrapporten for strategisk eigedomsforvalting viser til kva ein vurderer som aktuelt for sal, elles vil det leggast ut på Finn.no og heimesida til kommunen.

Rådmann Liv Løvvik sa at kommunen følgjer dei reglar som gjeld, mellom anna med ulik framgangsmåte for næringseigedom og andre eigedommar. Vil laga liste over kva som kan seljast, der det er lagt inn inntekter frå sal framover.

Kommunalsjef Lindås sa at ein vil løfta for politisk nivå kva som er aktuelt å selja, om det ikkje ligg klart i retningslinjene, og om det er spesielle areal/eigedommar det er tale om.

Per Lerøy (Ap) viste til at kommunestyret har lagt ei føring på sal når det er lagt inn i budsjettet salsinntekter på over 4 millionar kroner. Elles er det naturleg å ta det opp politisk dersom det er spesielle eigedommar som skal seljast, som til dømes kyrkjelydshuset, det gamle kommunehuset, med fleire.

Marita Bru (Bygdelista) spurte om kva eigedommar som er selt dei siste åra. Kommunalsjef Lindås svara at han ikkje har nøyaktige tal på dette, men at det varierer litt frå år til år på bustadeigedommar og anna.

Ordførar Lerøy (Ap) viste til at kommunen dei seinare åra har selt strøtomter ulike stader, eit større areal i Kalandsfeltet, og tre naust på Baløy. I all hovudsak skjer dette på den opne marknaden. Om dette sa kommunalsjef Lindås er at når det ikkje vert lyst ut, så gjeld det gjerne tilleggsareal til private eigedommar og tilsvarande som ikkje har interesse på den opne marknaden.

Marita Bru (Bygdelista) spurte om ein kan presisera siste punktet i lista slik at ein ser kva som skal til politisk godkjenning.

Reidar Øksnes (Sp) kom med eit framlegg til endring av vedtaket (det vart ikkje røysta over dette, saka vart utsett):

"Retningslinjer for verdisetting og mulig avhending av kommunal eigedom

Det 4. siste kulepunktet endra til: Om det ikkje er avtalar eller rettar som hindrar dette, skal alle eigedommar lysast ut på den opne marknaden.

Vil stryka det siste kulepunktet."

Per Lerøy (Ap) sa at det siste punktet gjerne kan endrast til at "ved sal av eigedom signerer ordførar på vegner av kommunestyret".

Helge Dyrkolbotn (KrF) støtta Reidar Øksnes sitt framlegg samt Per Lerøy sitt punkt om å redigera siste kulepunkt. Dyrkolbotn sa at han ikkje ser at det er nødvendig å spesifisera vedtaket meir slik, Bru (Bygdelista) ba om.

Kommunalsjef Thomas Lindås sa at utan fleksibiliteten som ligg i dette kulepunkt 6 i dag, så kan ein til dømes ikkje selja til BOF elle liknande. Rådmann Løvvik ba om at ein ikkje innskrenkar både dette og kommande kommunestyre sine moglegheiter til å selja eigedom.

Per Lerøy (Ap) ba om at saka vert utsett til kommande kommunestyre 18/6 for å gje rådmannen ein sjanse til å komma med eit justert framlegg, for å sikra at det vert juridisk rett.

Anne Dahle Austrheim (KrF) sa seg samd med Lindås i at det må ligga fleksibilitet til å unngå sal av til dømes skulen/kurssenteret i Rongevær. Støttar ordførar i at ein ventar med saka til 18/6.

Thomas Lindås svara sa at ein fint kan ta saka opp til handsaming 18/6 med justeringar.

Rådmann Løvvik ba om at eigedomsrapporten vart sendt ut til alle.

Inger Lise Brekke (H) sa seg samd i at ein kan komma tilbake med eit justert framlegg, det same vart støtta av Reidar Ulvøy (Ap) og Morten Sognnes (H). Også Reidar Øksnes (Sp) sa seg samd i at saka kjem opp på nytt i kommunestyret.

Handsaming i kommunestyret:
Samrøystes for Per Lerøy (Ap) sitt framlegg om utsetting