Møte i Kommunestyret den 10.12.2020

Behandling

Handsaming i kommunestyret:
Rådmannen sitt framlegg vert samrøystes vedteke

Vedtak

Møteprotokoll er godkjent

Behandling

Handsaming i kommunestyret:
Rådmannen sitt framlegg vert samrøystes vedteke

Vedtak

Møteprotokoll er godkjent

Behandling

Handsaming i kommunestyret:
Rådmannen sitt framlegg vert samrøystes vedteke

Vedtak

Det var ingen orienteringar i dette møtet.

Behandling

Det var ingen orienteringar i dette møtet.

Behandling

Avdelingsleiar Asbjørn Toft orienterte om saka.
Ordførar Per Lerøy sa at dersom modellen skal gå som dette, kjem dei større kommunane veldig bra ut, medan dei mindre kommunane kjem dårleg ut.

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Vedtak

Rådmannen rår til at møteplanen vert vedteke slik den ligg ved.

Det var sett opp møte i formannskapet og adm. utval den 21. januar. Sidan det vert kommunestyre 21. januar med skulesaka, kan dette vera eit nytt januar-oppsett:
Torsdag 14. januar: Formannskap
Torsdag 21. januar: Kommunestyre
Torsdag 28. januar: Administrasjonsutval
Torsdag 28. januar: Formannskap

Behandling

Handsaming i kommunestyret:
Rådmannens framlegg til vedtak, med tillegget med rettingar om møte i januar, vart samrøystes vedteke.

Behandling

Ordførar Per Lerøy sa at det ser ut for at Helsehuset vert 150-160 millionar rimelegare enn det var førespegla.
Det er lagt opp til reforhandling av husleigeavtalane på grunnlag av bygget vert rimelegare.

Handsaming i kommunestyret: Rådmannens framlegg til vedtak vart samrøystes vedteke.

Behandling

Kommunalsjef service og forvalting, Thomas Lindås, orienterte om saka. Det er no gjort ein revisjon av planen, dette er elles er eit arbeid som må gå kontinuerleg, både for denne overordna planen og dei underliggande planane. No er det teke ut opplysningar om kven som har kva rolle, dette er i staden plassert i ei oversikt som kan oppdaterast månadleg utan å rullera heile planen.

Britt M. S. Lerøy (Ap) spurte om kommunen har beredskapslager for ulikt materiell. Kommunalsjef Thomas Lindås svara at dette er omtala i underliggande planar, men at desse til dels er av eldre dato.

Kommunalsjef Monika Kvamme sa om beredskapslager at kommunen er pålagt å samla opp materiell for 8 månader framover, og dette har ein på plass i Austrheim no, med munnbind, hanskar, smittefrakkar, handsprit med meir. Har avtale med Mongstad om lokale for isolering av smitta der såframt desse lokala er ledige. Kan også bruka Kilstraumen til isolasjon, med matservering derifrå, eventuelt med servering frå Nordliheimen. Kan også isolera smitta personar i ein bustad kommunen eig i Åråsfeltet.

Ordførar Per Lerøy (Ap) sa at ein kan venta seg at det kjem pålegg frå Fylkesmannen om oppdateringar av dei underliggande planane.

Handsaming i kommunestyret:
Rådmannens framlegg til vedtak vart samrøystes vedteke.

Vedtak

Plan for fysisk aktivitet, idrett og friluftsliv 2012-2020 vert vidareført til 2022.
Arbeidet med ny plan startar i 2021.

Behandling

Helge Dyrkolbotn (KrF) la fram eit framlegg til vedtak om å legga til eit punkt om universell turveg ved Austrheim idrettspark. Dyrkolbotn viste til at dette ville vera eit godt folkehelsetiltak, og at løypa vil vera nær mange brukarar. som skulen og Furuly. Det kan også dela litt på bruken av stien til Vardetangen, som vert brukt av mange i dag.

Austrheim Ap og H hadde elles eit liknande framlegg, med denne ordlyden: "Universelt utforma tursti ved idrettshallen vert teken med i planen."

Handsaming i kommunestyret:
Rådmannens framlegg til vedtak, med tillegget frå KrF ved Helge Dyrkolbotn, vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Handsaming i kommunestyret:
Rådmannens framlegg til vedtak vart samrøystes vedteke.

Behandling

Jan Nordø (Bygdelista) sa at Bygdelista har lyst å vera med i styringsgruppa for planstrategien, for å vera med og ha ei hand på rattet. Nordø la fram eit eige framlegg til vedtak.

Handsaming i kommunestyret:
Dei to framlegga vart sette opp mot kvarandre.

Rådmannens framlegg til vedtak vart vedteke med 10 røyster (Arbeidarpartiet og Høgre) mot 7 røyster (Senterpartiet, Kristeleg Folkeparti og Bygdelista)

Vedtak

Rådmannen utarbeider ny utbyggingsavtalen der tilskotet vert betalt ut i 2020 og 2021. Anleggsbidraget som vart gjort vedtak om i KS-013/19, vert endra til kr. 650.778.

Behandling

Denne saka vart diskutert i to vendingar. Først som del av 142/20 om budsjettreguleringar, deretter i 139/20 (141/20 og 142/20 vart handsama først i møtet). Diskusjonen er samla i denne saka.

Einingsleiar teknisk drift, Rolf Henning Myrmel, orienterte om saka. Det er tatt utgangspunkt i den rekneskapen som er levert, men ein ser at det er påløpt ein det kostnader som entreprenøren heller ikkje har lagt inn i rekneskapen som er levert. Administrasjonen har sett på dokumentasjonen, og finn det rimeleg å støtta desse kostnadene som er påført etter at arbeidet var igangsett.

Rådmann Liv Løvvik sa at dette framstår som eit legitimt krav, som er framsett etter at det har komme endringar. Kommunen bør ta dette ansvaret, og dekka desse ekstrakostnaden som har komme undervegs. Entreprenøren vil ikkje klara å få dette frå fylket.

Jan Nordø (Bygdelista) sa at det bør diskuterast om tilskotet skal aukast frå 480.000 (tidlegare vedteke) til 650.000. Synest ikkje anlegget framstår som ferdig, og ba om at dette vart diskutert nærare.

Einingsleiar teknisk drift Myrmel sa at Statens Vegvesen har godkjent anlegget, det er dei som har hatt byggeleiarar på dette. Det har vore ferdigbefaring og godkjenning frå Statens vegvesen, men skal følgja opp dette med vegvesenet no i etterkant.

Om historikken i saka sa Myrmel at det var sett i gang med arbeidet etter det som var godkjent av Statens vegvesen. Vegvesenet kom så med korrigeringar i etterkant, som gjorde at det måtte teiknast om i fleire rundar etter at prosjektet først var godkjent. Har også måtta gå tilbake på noko, føringskantane på busslomma var bygde etter teikninga, men måtte endrast etter innspel frå busselskapet.

Om veglysa som måtte flyttast, sa Myrmel at kommunen var i dialog med entreprenøren som leverte lysa om å flytta desse. Kommunen valde å gjennomføra veglysprosjektet med den entreprenøren og heller ta flyttinga i etterkant, det var rimelegare enn å ta dette som tilleggskostnader på veglysprosjektet.

Kommunalsjef Thomas Lindås sa at dette handlar om at det er påført ekstrakostnader som det ikkje var mogleg å vita om i forkant. Når ein har sagt at ein skal ha anleggsbidrag, er det rimeleg at ein tek del i den ekstrakostnaden som har komme her.

Jan Nordø (Bygdelista) sa vidare at ferdigstillinga av anlegget ikkje er god, med utgliding av masse i dammen bak, og at det ligg trestammar i fyllinga.

Ordførar Per Lerøy (Ap) sa at det var stilt rekkefølgjekrav for å kunna få bygd hus i feltet på Toftegård/ved denne busslomma. Dette er langs ein fylkesveg, men fylket har ikkje midlar, og kommunen har gått inn med midlar for å realisera dette. Her er det no etablert ni leilegheiter, og om det bur tre personar i kvar leilegheit tar kommunen årleg inn 675.000 kroner i rammetilskot på dette byggefeltet.

Anne Dahle Austrheim (KrF) sa at dette er ei sak frå 2005, med rekkefølgjekrav for å kunna ta i bruk bustader i det nye byggefeltet. Så vart det i 2016/2017 gitt mellombels ferdigattest, i påvente av at dette skulle komma på plass. I mellomtida var det i 2014 starta planarbeid for sykkelveg frå Mastrevik til Kilstraumen, og det har endra planen. Austrheim sa vidare at det er utbyggar som har vore den forsinkande part i denne saka, ikkje Statens vegvesen. Entreprenøren fekk anleggsbidrag i 2016, og så løyving for ekstra teikningar. Hadde krav om ferdigstilling av anlegget 1. september 2019. Dette arbeidet skulle vore klart før ein starta med den nye reguleringsplanen for sykkelveg frå Mastrevik til Kilstraumen, då kunne ein bygd busslomma etter den planen som låg. Kommunen bør ikkje dekka ekstra utgifter når det ikkje vert bygd innanfor gitte fristar. Austrheim la fram framlegg til vedtak i saka.

Per Lerøy (Ap) viste til at det i 2007 var eit eigarskifte for dette tomteområdet, då stoppa denne utbygginga opp. Det er fleire eigarar involverte her, og det er ikkje entreprenøren som er utbyggar av tomtene.

Avdelingsleiar for plan, Asbjørn Nagell Toft, sa at det kan vera ganske lange prosessar i slike saker. Det er ikkje alltid det er mogleg å dekka inn krava til infrastruktur. Her gjekk det lang tid av ulike årsaker, og i mellomtida kom den nye reguleringsplanen for gang- og sykkelveg, slik at rekkefølgjekrava vart mykje dyrare enn i 2005. No er alt på plass av krav, og kommune kan gje byggeløyve på dagen i dette feltet.

Jan Nordø (Bygdelista) sa at dei ikkje er nøgde med ferdigstillinga og spurte kven som har godkjent anlegget. Nordø sa vidare at kommunen skulle ha kartlagt dammen i bakkant før utbygginga, og at om utbygginga er trenert så er det alvorleg. Nordø la fram framlegg til vedtak i saka.

Avdelingsleiar Asbjørn Toft sa at det er Statens vegvesen som stiller krav og godkjenner. Dei ser på sikkerheit, utføring og fare for utgliding av masser, og formelt sett er det alt på plass etter synfaring.

Kommunalsjef Thomas Lindås orienterte vidare om bakgrunnen for saka med vedtak gjort i 2016 og 2019. Det som er no er å seia at det har komme uføresette utgifter som entreprenøren ikkje kunne rå med, og det er lagt opp til at kommunen dekker 50 prosent av dette. Om det å stilla krav til utbetalinga sa Lindås at han ikkje ville rå til å ta det med, og at med eit slikt tillegg vil ein ikkje kunna få betalt ut desse midlane i 2020. Men kommunen vil følgja opp vidare opp mot Statens vegvesen.

Rådmannens framlegg til vedtak vart justert i tråd med at midlane er tenkt utbetalt i sin heilskap i 2020, slik at framlegget er slik:

Rådmannen utarbeider ny utbyggingsavtalen der tilskotet vert betalt ut i 2020.
Anleggsbidraget som vart gjort vedtak om i KS-013/19, vert endra til kr. 650.778.

Handsaming i kommunestyret:
Avrøystinga vart gjort slik:

Bygdelista sitt framlegg fekk støtte frå 1, Jan Nordø frå Bygdelista.

Deretter vart rådmannens framlegg sett opp mot KrF sitt framlegg. KrF sitt framlegg fekk støtte av 4 (KrF og Bygdelista), slik at rådmannens framlegg vart vedteke med 13 mot 4 røyster.

Behandling

Rådmann Liv Løvvik innleia til presentasjonen av tertialrapporten. Løvvik takka for arbeidet som er gjort av heile organisasjonen, med politisk støtte. Rådmannen sa vidare at det er gode tal, men åtvara mot å bruka for mykje av midlane no.

Økonomi- og personalsjef Odd Harald Dommersnes presenterte tertialrapporten.

Reidar Øksnes (Sp) sa om løyvinga til Landbruksfagrådet, der det er sett av 300.000 kroner, at rådet ikkje hadde fått med seg at det var sett av midlar, men det er planlagt no å tildela iht. retningslinjer som er brukt tidlegare.

Helge Dyrkolbotn (KrF) sa at det er gjort ein hard jobb av mange for å få dette resultatet. Må vera vaken for å sjå kvar det er tatt for mykje, slik at ein kan justera. Denne hestekuren var naudsynt, men må vera merksam på dei signal som måtte komma frå ulike stader i organisasjonen. Om investeringar, sa Dyrkolbotn at han støtta det at ein må ikkje vedta fleire prosjekt enn det er mogleg å realisera. Er samd i å støtta Leirvåg bedehus, men synest ikkje det er rett sakshandsaming å gje støtte når det er ein søknad som politikarane ikkje har sett.

Jan Nordø (Bygdelista) sa at det er grunn til å skryta av administrasjonen som har klart desse kutta. Ser at ein småkommune kan klara seg vel så bra som dei kommunane som slår seg saman. Nordø sa at han håpar landbruksmidlane får bein å gå på til landbruksføremål, og spurte om steinaldersatsinga, kva vil skje med desse midlane dette året og neste? Kommunalsjef Bjørnar Fjellhaug svara om steinaldersatsinga ved Fosnstraumen, og sa at treryddinga som skulle gjerast er ikkje gjort i år, men har fram til mai 2021 med å gjennomføra dette og det aktar ein å få til.

Varaordførar Inger Lise Brekke (H) sa at det er kjekt å sjå at kommunen har komme på den rette sida økonomisk. Spurte om midlar som er sette av til omsorgsteknologi, men ikkje brukt. Om det skal settast av meir midlar til dette må ein sjå på kvifor det som alt er avsett ikkje er brukt.

Kommunalsjef helse og omsorg, Monika Kvamme svara om dette. Atea har vore og sett på sjukeheimen, dei må komma tilbake for å undersøka bygget vidare, dette rakk ein ikkje å gjennomføra før Korona stoppa arbeidet. Planlegg å få fart på prosjektet i 2021. Ser at dette er meir kostnadskrevjande enn tenkt, og må sjå på kostandene. Må først få på plass ei løysing for dementavdelinga, der hastar det mest.

Britt Skaalevik Lerøy (Ap) spurte om lønsnivået i Austrheim kommune (for innbyggjarar). Ordførar Per Lerøy (Ap) svara at Austrheim har vore på 3.-4. plass i Hordaland, ligg no på sjuandeplass av 43 kommunar i Vestland når ein måler på inntekt per innbyggar. Dei som er over Austrheim er kraftkommunar samt Austevoll. Austrheim skårar godt på skatteinntekter sidan det er mange som tener jamt bra.

Handsaming i kommunestyret:
Rådmannens framlegg vart samrøystes vedteke.

Vedtak

1. Investeringsbudsjettet for 2021 sjølvkost er basert på forventa framdrift på tidlegare vedtekne VA-prosjekt. Ut frå framdriftsplanen vil Austrheim kommune ta opp 3 000 000 kr i lån i 2021. Årets låneopptak, i tillegg til ubrukte lånemidlar til VAfrå 2020 på 9 000 000 kr, skal finansiere behovet for lånemidlar på sjølvkostområdet (VA) på 12 000 000 kr.

2. Det vert tatt opp 10 000 000,- kroner i Husbanken for videre lån til startlån

3. Det er i budsjettet for 2021 lagt inn investeringar på 6,8 millionar som skalfinansierast gjennom sal av fast eigedom,det vert ikkje oppstart av disse prosjekta før det er gjennomført sal av fast eigedom til å dekkja desse investeringane.

4. Økonomiplan for 2021-2024 og årsbudsjett for 2021 blir vedteke, jf.

Bevilgningsoversikt drift §5-4 og økonomisk oversikt drift §5-6.  Årsbudsjettet for 2021 blir vedteke på sum netto driftsrammer for dei ulike hovudområda, jf. eigen tabell.

1. Rådmannen gis fylgjande fullmakter innanfor budsjettets rammer(jf.Økonomireglement og kommunen sitt finansreglement):

a. Budsjettreguleringer som følger av sentrale og lokale lønnsoppgjør.

b. Budsjettreguleringer innanforsektoranesråmer.

c. Gjennomføre låneopptak av nye lån og refinansiere tidligere låneopptak. Herunder aksept avlånebetingelser og underskrift av gjeldsbrev på vegne av kommunen.

d. Beslutte oppstart av investeringer finansiert av ubundnefond, og sal av driftsmidler.

e. Fordeling av bevilgning til småinvesteringer innafor ramma på 100 000,- kr.

f. Regulering av teknisk art innanfor drift og finans.(jf. finansreglementet)

1. Kommunestyret skriv ut eigedomsskatt på næringseigedom, kraftverk, vindkraftverk, kraftnettet og anlegg omfatta av særskattereglane for petroleum jf. eigedomsskattelova (esktl.) § 3 første ledd bokstav d. Eigedomsskattesatsen vert vidareført med 7 promille. Utskrivingsalternativet omfattar også flytande oppdrettsanlegg i sjø, jf. Esktl. § 4 tredje ledd.

Takstvedtekter for eigedomsskatt i Austrheim kommune vedtatt i kommunestyret i K-sak 083/17 i møte 14.12.2017, skal gjelde for eigedomsskatteåret 2021, jf. esktl. § 10.Kommunen vil i 2021 skrive ut eigedomsskatt på eigedommar som tidlegare var rekna som «verk og bruk» på eit «særskilt fastsett grunnlag» med heimel i overgangsregelen til eigedomsskattelova §§ 3 og første ledd. Det særskilde grunnlaget skal i 2021 være lik 4/7 av differansen mellom eigedomsskattegrunnlaget i 2018 og 2019 som er forårsaka av at produksjonsutstyr- og installasjonar ikkje skal reknast med i grunnlaget.

Kommunen vil i 2021 skrive ut eigedomsskatt på bygningar og grunnareal så langt desse var omfatta av eigedomsskattegrunnlaget for verk og bruk i 2018, jf. overgangsregelen til eigedomsskattelova §§ 3 og 4 andre ledd.Eigedomsskatten vert skriven i samband med kommunale avgifter. Siste alminnelege taksering I kommunen vart gjennomført I 2018 og 2019.

Det vert gjeve ei ramme på 780 000,- kr til kontrollutvalet.

1. Det vert gjeve eit driftstilskot til Austrheim kyrkjelege fellesråd på 2 875 000,- kroner

2. Skatteøre vert sett lik maksimal sats i samsvar med Stortinget sitt vedtak om kommunalt skatteøre.

3. Godtgjersle til ordførar blir sett til same løn somstortingsrepresentantarog til løn til varaordførar er 9 % av ordførarlønafor 2021. Stortingets lønskommisjon foreslår i årleg innstilling godtgjersle for stortingsrepresentantane og løna til ordførar og varaordførar regulerast per mai 2021 i samsvar med endringar i løn til stortingsrepresentantar

4. Marginavsetning av innbetalt skattebeløp settes til 10 %.

5. Rådmannen kjem attende med eiga sak som omhandlar etablering av burettslag for fyrstegongs etablerarar våren 2021.

6. Rådmann kjem attende med sak om etablering av omsorgsbustader med driftsstøtte som vært drive av stiftingar eller andre frivillige/humanitæreorganisasjonar. Driftsstøtta til slike omsorgsbustadermå være innanfor lovverket om offentlege anskaffingar

7. Oppgradering og modernisering av Nordliheimen må prioriterast fram mot 2025. Straks eldremeldinga er ferdig i 2021 blir det set ned eit mellombels utval som skal følgja opp eldremeldinga og sikra at tiltaka i eldremeldinga vert gjennomførte. Rådmannen legg fram ei sak om dette for kommunestyret hausten 2021.

8. Rådmannen kjem attende med eiga sak knyta til veglys lang kommunale vegar i Austrheim.

9. Det vert sett ned eit utval med brukarrepresentantar for å vurdere driftsform/vedlikehald av bygg som ikkje inngår i kommunen si ordinære tenesteyting.

Punkt 8 skal endrast til: Det vert gjeve eit driftstilskot til Austrheim kyrkjelege fellesråd på 2 875 000,- kroner. (er endra over i vedtaket)

Når det gjeld verbalpunkta som er spelt inn frå Høgre og Arbeidarpartiet om opprusting av Kaland barne- og ungdomsskule og Årås skule, samt etablering av personalrom ved Kaland barnehage, går me ut frå at rådmannen kjem tilbake til med saker om når skulebruksplanen er ferdig og når me endeleg er ute av Robek-lista og skal revidera investeringsbudsjettet.

Forslag frå landbruksfagrådet er at det vert lagt inn 300.000 kr for 2021. Dette vil vera det same som ein har i inneverande budsjett.

Behandling

Rådmann Liv Løvvik orienterte om budsjettsaka. Justeringar som er gjort er iht tertialjusteringar, og ser at ein kjem ut av Robek-lista, men dette er først gjeldande frå sommaren 2021 etter at kommunen har fått godkjent rekneskapen for 2020.
- Rådmannen viste til at det er viktig at ein no set av midlar til disposisjonsfond, slik at der er midlar til å ta uføresette utgifter.
- Investeringar skal vera sjølvfinansierande.
- Avhendar eigedommar ein ikkje vil ha, samstundes som ein ser på dei bygningane som ein vil ha vidare.
- Elles for investeringar så er det slik at ein må vedtak på det som ein klarer å gjennomføra.
- Skal i gang med konkurranseutsetting av rundt 100 avtalar, og skal forhandla ned renta ved å gå frå fastrente til flytande. Skal jobba for å løysa ting smartare, alt frå betre innkjøpskontroll til lågare rente
- Må jobba for at Austrheim skal vera ein attraktiv kommune. Kan ein få plass kafé eller bygdeguide. Må vera open for innspel på korleis kommunen kan drivast betre.

Kommunalsjef økonomi og personal, Odd Harald Dommersnes, gjorde greie for det som ligg i saksutgreiinga, saman med dei ulike kommunalsjefane som tok spørsmål på sine felt.

Anne Dahle Austrheim (KrF) spurte om kva som ligg i vurdering av driftsform på bygg, kva bygg det er tale om? Her svara kommunalsjef Thomas Lindås at det er nøkkelbygg som ein skal sjå om ein skal ha eller avhenda. Det kan vera skulen i Rongevær, kyrkjelydshuset eller andre. Sjå om det er areal ein treng, kva som er beste driftsforma, og om noko skal avhendast.

Anne Dahle Austrheim (KrF) spurte om innspel frå RMNF, om at dei som skal ha vedtak på støttekontakt må få det. Her svara kommunalsjef Monika Kvamme at ein skal sjekka at alle får det dei har krav på.

Anne Dahle Austrheim (KrF) ba om at løyvinga til kyrkja vart justert opp i vedtaket. Her svara kommunalsjef Odd Harald Dommersnes at dette må justerast etter vedtaket i kommunestyret.

Reidar Øksnes (Sp) sa at landbruksfagrådet ikkje har hatt den beste drifta siste året. Har hatt møte no 1. desember, har innspel til budsjettet for 2021. Må jobba med å betra kommunikasjonen mellom administrasjon/kommunen med fleire til neste år. Ba om at det vart lagt inn ei løyving på 300.000 kroner til landbruksfagrådet, som vert saldert mot lågare overskot i 2021. Her svara kommunalsjef Odd Harald Dommersnes at dei 300.000 som ikkje er brukt av lndbruksfagrådet i år, er avsett på fond for bruk neste år.

Jan Nordø (Bygdelista) sa at Bygdelista synest godtgjeringa til ordførar er raus, og ba om at denne vart redusert, sjølvsagt uavhengig av kven som er ordførar no. Nordø la fram dette framlegget til vedtak:

Godtgjersle til ordførar blir sett til 90 % av løn til stortingsrepresentantar og godtgjersle til varaordførar til 9 % av ordførarløna for 2021. Stortingets lønskommisjon foreslår i årleg innstilling godtgjersle for stortingsrepresentantane, og løna til ordførar og varaordførar regulerast per mai 2021 i samsvar med endringar i løn til stortingsrepresentantar.

Rådmann Liv Løvvik sa at dette er bestemt året før, og at at satsen til ordførar er grunnlag for godtgjeringa til representantane i kommunestyret.

Ordførar Per Lerøy (Ap) sa at dette med å sidestilla godtgjeringa til ordførar til den som stortingrepresentantar, var ein samde om på eit gitt tidspunkt i kommune-Norge. Dette var bestemt før hans tid som ordførar. For eigen del gjekk han ned i halvparten av løna då han gjekk over frå Statoil (no Equinor) til å vera ordførar i kommunen. Er ganske idealistisk å ta eit slikt val. Lerøy sa vidare at dette er eit spørsmål om kven vil ein ha inn i politikken. Ser mange stader at folk i det private ikkje ønskjer å gå inn i politikken, at det er berre offentlege tilsette som vil ta dette. Var ikkje rett av Stortinget å endra pensjonsreglane i 2013, midt i ein kommunestyreperiode, og vert ikkje rett å gjera dette som ordø føreslår midt i ein valperiode. Må sjå på kven som ein vil rekruttera, og ikkje kun offentleg tilsette.

Helge Dyrkolbotn (KrF) sa at det ikkje var rett å fremja dette framlegget no, midt i ein valperiode. Sjølv om det er sagt frå Nordø at det ikkje er slik, så vert det lett slik at det ser ut som eit angrep på den som er ordførar no. Viste også til å at det regulerer alle godtgjeringar i eit reglement som nyleg er vedteke.

Jan Nordø (Bygdelista) sa at det ikkje er gjort for å vera ufin, men synest løna er høg, og ti prosent mindre er ingenting. Meiner at ordføraren gjer ein bra jobb for kommunen, og ein god jobb med næringsarbeidet. Kanskje må ein sjå på tilsetting av ein næringssjef inn under rådmannen.

Rådmann Liv Løvvik viste til at det siste året har det vore mykje arbeid, også for ordførar som er ansvar for pressekontakt. Dette kan ikkje kompenserast med ferie, for ordførar har ikkje ferie.

Reidar Øksnes (Sp) sa at han gjekk tilbake til saka om landbruksfagrådet, og spurte om svaret han fekk. Er det ikkje slik at dersom me ikkje brukar pengane i 2020 så er dei borte. Kommunalsjef Dommersnes svara at dette ved ein feil var budsjettert som investering i 2020, men skulle vore sett på driftsbudsjettet. Vert no sett på fond.

Morten Sognnes (H) sa at han ville tilbake til saka om Åsheim-elevane. Har eit samfunn kring Kaland skule som diverre er delt mellom to kommunar. Politikarane i Alver er frie til å bestemma kva dei vil, men trur at det er ikkje er gitt fulle opplysningar som kunne ført til framhald av samarbeidet. Vil ikkje tru at Alver-politikarane er så arrogante, og så lite omsorgsfulle, og at dei etter kvart ser at dei med dette vedtaket kan øydelegga eit velfungerande samfunn. Håpar at dei kan gjera om sitt vedtak snart, og siterte Arnulf Øverland: "Du må ikke tåle så inderlig vel, den urett som ikke rammer dig selv".

Monika Thorpe (Ap) la fram framlegg til vedtak i budsjettsaka, på vegner av Arbeidarpartiet og Høgre:
Punkt 8 skal endrast til: Det vert gjeve eit driftstilskot til Austrheim kyrkjelege fellesråd på 2 875 000,- kroner.

Når det gjeld verbalpunkta som er spelt inn frå Høgre og Arbeidarpartiet om opprusting av Kaland barne- og ungdomsskule og Årås skule, samt etablering av personalrom ved Kaland barnehage, går me ut frå at rådmannen kjem tilbake til med saker om når skulebruksplanen er ferdig og når me endeleg er ute av Robek-lista og skal revidera investeringsbudsjettet.

Kommunalsjef Bjørnar Fjellhaug svara at dette er i tråd med det rådmannen har tenkt, tar dette for skulane i heilskap når skulebruksplanen er vedteken. Vil ha alt dette klart til skulestart 2022, også dette med personalrom for Kaland barnehage.

Helge Dyrkolbotn (KrF) sa at ein heldigvis ikkje er i ei slik stode at det er naudsynt å føreslå eigedomsskatt. Om reforhandling av 100 avtalar, pass på at ein tar frå dei store og ikkje dei mange små i det lokale næringslivet. Må ha med oss det lokale næringslivet vidare. Må auka attraktiviteten, vera ein attraktiv plass å bu og jobba. Gode skular og barnehagar er viktig, men også det frivillige livet med lag og organisasjonar. Desse har vore sveltefôra nokre år, viktig at ein får desse med seg vidare. Viste til soknepresten sitt innspel om Kyrkjelydshuset, ba om at ein sette salet på vent, til ein ser andre moglegheiter for bruken.

Kommunalsjef Thomas Lindås svara at innkjøpsstrategien seier at ein skal handla lokalt der ein kan innanfor lov om offentlege anskaffelsar. Om kyrkjelydshuset har ein sagt opp avtalen, skulle flytta til nyttår, men har sett flyttinga på vent til ein har fått avklaringar på kva tankar som er om den vidare bruken.

Reidar Ulvøy (Ap) sa om Åsheim-elevane at det er viktig å få tydeleg fram kva dette eigentleg galdt. Hadde det vore mine born hadde eg sett krav om at dei fekk gå i alle fall ut si tid på skulen, dersom dei ønskjer det. (Her skaut ordførar Per Lerøy inn at dette var oppe i kommunestyret i Alver, men framlegget fall).

Her svara kommunalsjef Bjørnar Fjellhaug at når ein ser på avtalane så er det klart at det er det økonomiske i avtalen Austrheim har hatt ønskje om å seia opp. I møte med Alver kommune har ein sagt frå Austrheim at ein både vil ha elevane med vidare, og la dei gå ut skuleløpet sitt dersom dei ønskjer det. No er det slik at det er dei som går 9. klasse på Kaland som kjem til å gå skuleløpet ut i Austrheim. Har elles ikkje blanda seg, men svara på dei spørsmål som har komme.

Ordførar Per Lerøy (Ap) sa at det var ein trasig situasjon, men her er det politikarane i Alver som har makta. Kanskje dette er illustrerande på korleis det er å vera i ein utkant i ein større kommune.

Rådmann Liv Løvvik sa at ein ikkje har blanda seg i den politiske handsaminga i Alver, har berre svara på spørsmål som ein har fått.

Reidar Øksnes (Sp) viste til budsjettinnspela frå Kaland og Årås skule, og ba om at rådmannen ikkje gløymer desse, som til dels kjem i tillegg til lista frå Norconsult. Øksnes sa vidare at han har ei kjensle av at prosjekt der kommunen er eigar i, burde hatt betre oppfølging. Det vil vera vel anvendt, med tanke på framdrift og tidleg avdekking av avvik og dermed også kvalitet.

Reidar Øksnes (Sp) spurte om ein kan setta opp driftsmidlar til landbruksfagrådet vidare med 300.000 kroner årleg. Til dette svara rådmann Liv Løvvik at kommunestyret kan auka driftsmidlar til landbruksfagrådet dersom ein ønskjer det, det kan gjerast i dette møtet.

Reidar Øksnes la fram tilleggsframlegg:

Landbruksfagrådet hadde møte 01.12.2020 der mellom anna sak angåande budsjett for 2021 var oppe.

Forslag frå landbruksfagrådet er at det vert lagt inn 300.000 kr for 2021.

Dette vil vera det same som ein har i inneverande budsjett.

For landbruksfagrådet, Reidar Øksnes

Om styring av prosjekt sa rådmann Løvvik at dette er det jobba med dei siste par åra. No er det lagt opp til månadlege rapporteringar.

Om elevar på Kaland frå Åsheim sa rådmann Løvvik at det er 16 elevar som går på Kaland skule i år, og det er lagt opp til 2 til frå hausten 2021. Dette ville kosta Alver 630.000 kroner med gjesteelev-satsen på 35.000 kroner.

Avrøysting om budsjettet:
Jan Nordø trekte sitt framlegg om å redusera gotgjering til ordførar, så det vart ikkje røysta over dette.

Kommunestyret var samrøystes om:
- Framlegget i saksutgreiinga.
- Tillegget frå Ap/H, nytt punkt 8 samt verbaltillegg.
- Punkt om løyving til landbruksfagrådet, lagt fram av Reidar Øksnes.

Vedtak

Kommunestyret vedtek rådmannen sitt framlegg til budsjettjusteringar i samband med tertialrapporten for 3 kvartal 2020, minus løyvinga til anleggsbidrag til arbeid med busslomme og fortau på Toftegård, som kjem opp igjen i sak 139/20.

Det vert sett av kr 500 000,- av årets overskot til å retta opp feil og manglar i Austrheimhallen og idrettsparken. Ein 20 % vaktmeisterressurs vert også øyremerka til vedlikehald og ettersyn av anlegget.

Behandling

Kommunalsjef økonomi og personal Odd Harald Dommersnes orienterte om budsjettjusteringar etter 3. tertial.

Einingsleiar teknisk drift Rolf Henning Myrmel sa at det har vore ute anbod på arbeidet med ferdigstilling av gang- og sykkelveg ved Vardebrua på Fonnes. Fekk inn tre prisar, og det er oppstart over helga. Skal byggast kring 110 meter med ny gang- og sykkelveg.

Anne Dahle Austrheim (KrF) spurte om ho var ugild med tanke på løyvinga til Baløy båthamn, sidan faren hennar medlem i båtlaget. Her svara ordførar Per Lerøy at dette er vurdert tidlegare. Dette er ei sak mellom båtlaget og kommunen, alle i Austrheim kan bruka dette anlegget. Det var semje i kommunestyret om at Anne Dahle Austrheim ikkje var ugild.

Anne Dahle Austrheim (KrF) spurte om saka med anleggsbidrag til arbeidet med busslomme og fortau på Toftegård (139/20) bør handsamast først, før det vart sett av midlar i denne saka. Etter diskusjon i kommunestyret vart den løyvinga teke ut av denne saka og teke opp i sak 139/20. Debatten er ført i den saka.

Reidar Ulvøy (Ap), sa om løyving til busskur på Njøta at dette bør kunna fabrikkerast ved AVS, ved at dei får oppdraget. Må også sjå på dette i samband med løyving til bom på gangveg i Vikane, er det mogleg å bruka AVS. Her kan ein gje den vidaregåande skulen fornuftige oppgåver i tillegg til eigne prosjekt.

Ordførar Per Lerøy (Ap) sa til Helge Dyrkolbotn (KrF) (som jobbar ved AVS) at ein gjerne må samarbeida om desse prosjekta, både for busskuret og bommen.

Morten Sognnes (H) la fram framlegg på vegner av Ap/H i denne saka:

Det vert sett av kr 500 000,- av årets overskot til å retta opp feil og manglar i Austrheimhallen og idrettsparken. Ein 20 % vaktmeisterressurs vert også øyremerka til vedlikehald og ettersyn av anlegget.

Kommunalsjef Bjørnar Fjellhaug sa at det har vore ein del etterslep på vedlikehald i hallen og for idrettsparken, Må ha på plass ein vedlikehaldsavtale som sikrar at anlegget er trygt. Hadde ikkje oversikt tidlegare i haust, men ser no at ein må legga inn midlar.

Reidar Øksnes (Sp) sa at det ikkje er noko feil med å bruka midlar på idrettsparken, men er det mogleg å bruka desse midlane no i 2020, eller er det tenkt meir som budsjett for 2021?

Kommunalsjef Odd Harald Dommersnes sa at noko kan brukast i 2020, men elles vert det sett av til fond for bruk i 2021, 500.000 av årets overskot. Bør komma i gang i 2020.

Kommunalsjef Bjørnar Fjellhaug sa at ein har sett i gang arbeidet, og noko vil ein klara å få gjort no i 2020.

Hardy Pedersen (Ap) sa at det har vore eit driftsstyre for anlegget tidlegare, men dette forsvann og administrasjonen skulle ta vedlikehaldet. Det viser seg at ein ikkje klarer dette, treng å ha nokon som er tettare på enn det ein har i dag. Ber om at eit slikt driftsstyre kjem på plass igjen, for heile idrettsparken, der ein har med lag og organisasjonar som er tettare på, gjerne med ein representant frå administrasjonen som kan vera bindeledd inn mot adm.

Kommunalsjef Bjørnar Fjellhaug sa at ein ser på ulike modellar for å få på plass eit slikt driftsstyre, og vil ha det inne tidleg i 2021.

Jan Nordø (Bygdelista) spurte om kvifor ikkje dette kjem frå rådmannen med saksutgreiing, der ein viser kva konkrete ting som ligg bak denne løyvinga på 500.000 kroner.

Rådmann Liv Løvvik sa at det er uvant at det er midlar tilgjengeleg for å gjera noko. No var det ei befaring, og det viste seg at det var større behov enn ein hadde tenkt.

Helge Dyrkolbotn (KrF) støtta Nordø i at dette burde komma frå administrasjonen. Ba om at det kom eit råd som hadde ansvar for alle idrettsanlegg i kommunen, og ikkje berre for idrettsparken og Austrheimhallen. Dette kunne vera eit råd med representantar frå idretten, kommunestyret og administrasjonen, nokon som kan komma med innspel og peika på utfordringar. Dyrkolbotn sa vidare at det er riktig å ta eit skippertak for vedlikehald i idrettshallen.

Per Lerøy (Ap) sa at dette kom inn frå H og Ap i tolvte time etter at oppvekstleiar og idrettslaget var på synfaring dagen før kommunestyremøtet, den ein avdekka at noko var utrygt. Såg også at det ikkje har vore uavhengig tilsyn med anlegget på fleire år. Må ta grep for å sikra at det er inspeksjonar og at det er eit anlegg som er trygt. Veit ikkje om 500.000 er dette rette summen, men startar med dette.

Bjørn Inge Håland Dyrkolbotn (Sp) sa at det er klart at det er behov for å gjera noko, men ber om at administrasjonen må høyra med dei som brukar hallen, for å unngå løysingar som er tungvinte og som skaper frustrasjon.

Kommunalsjef Bjørnar Fjellhaug svara at ein sjølvsagt skal involvera, noko er akutt, men må laga ein plan vidare.

Handsaming i kommunestyret:
Røysta over budsjettjusteringar punkt for punkt.

Hoppa over det eine til punktet Haugen/Toftegård, samd for alle dei andre, inkludert tillegget frå Ap/Høgre om 500.000 til Austrheimhallen/idrettsparken.