Møte i Formannskapet den 13.02.2020

Vedtak

Innkalling og sakliste vart godkjent.

Behandling

Handsaming i formannskapet:

Rådmannen sitt framlegg vart samrøystes vedteke.

Vedtak

Møteprotokoll frå forrige møte vart godkjent.

Behandling

Handsaming i formannskapet:

Rådmannen sitt framlegg vart samrøystes vedteke

Vedtak

Orienteringa vart teke til vitande.

Behandling

Økonomisjef Olav Birger Andersen orienterte om status økonomi, herunder årsresultat 2019: - Det skal vera møte med revisjonen fredag 14. februar, der ein skal sjå på tilhøvet mellom drift og investering, og kva utgifter som skal førast som drift og ikkje investering. Det ser per no ut for at kommunen får eit positivt resultat på kring 3,8 millionar kroner for 2019, men dette er med atterhald sidan rekneskapen ikkje er endeleg revidert. I løpet av 14 dagar er tala heilt sikre. Eit overskot på 3,8 millionar er under det som var budsjettert i 2019, men dersom kommunen hadde fått overføringa som var budsjettert med 2,5 millionar frå Mongstad Vekst, så hadde ein klart eit overskot på 6.060.000 kroner slik som opphavleg budsjettert.

Rådmann Liv Løvvik sa at resultatet viser at dei tilsette har gjort det dei skal, og la til at dersom kommunen hadde fått 2,5 millionar frå Mongstad vekst i 2019, så ville resultatet passert 6,3 millionar.

Økonomisjef Olav Birger Andersen la til at ein i 2019 var heilt i rute med personalutgifter, og ein har lukkast med å redusera lønsutgiftene samanlikna med tidlegare år.

Ordførar Per Lerøy (Ap) sa at resultatet viser at alle har jobba godt, spesielt er det jobba godt mellom leiinga og dei tillitsvalde. Når ein ser vidare at skatteinngangen i januar 2020 er "all time high", så ser dette bra ut.

Rådmann Løvvik takka for at politikarar og administrasjonen har klart å stå saman, det har vore ein føresetnad for å lukkast med innsparingar, i tillegg til samarbeid med tilsette, avdelingsleiarar og tillitsvalde.

Handsaming i formannskapet:

Samrøystes for å ta orienteringa til vitande.

Behandling

Sakshandsamar Asbjørn Toft orienterte om saka. Alle kommunar i Sogn og Fjordane har fått si dagsturhytte, no er det tidlegare Hordaland sin tur. Dette skjer gjennom eit spleiselag mellom fylkeskommunen, kommunane, spelemidlar og Sparebankstiftinga Sogn og Fjordane. Når ein tek med at kommunen får tilbake MVA så vert den kommunale eigendelen på rundt 150.000 kroner, dersom ein kan stilla fri grunn til hytta. Kan også komma heilt ned i null med vidare spleiselag og dugnadsinnsats. For å få opp hytta i år er det "førstemann til mølla", evt. vert hytta bygd seinare år. Tilbakemeldinga frå fylket sin prosjektleiar er at ein set pris på å komma raskt i gang, og at det er ønskjeleg med ein parallell prosess for kommunane Alver, Austrheim, Fedje, Masfjorden og Vaksdal. Med positivt vedtak frå politikarane så kan ein senda søknad raskt og få hytta på plass no i 2020. Hyttene vil komma i 2020, 2021 og 2022 rundt i Hordaland.

Dagturhytta skal ligga 500-3.000 meter frå veg. Aktuelle plassar i Austrheim er i 1-3 kilometer avstand frå Mastrevik, Kaland, Nordre Fonnesvågen eller liknande (mogleg å gå heimanfrå til hytta). Austrheim kommune har alt ein avtale med Markhus om ei hytte på Vardetangen, om dette ikkje vert realisert så kan ein plassera dagsturhytta der, grunnen er kommunal og det er ferdig planert. Vardetangen har universell tilkomst fram (dette er ikkje eit krav), og det er skule og barnehage i nærleiken. Vidare er det parkering tilgjengeleg, og det er ganske lett å etablera toalett, anten i nærleiken av kaien til snøggbåten, eller i nærleiken av varden.

Morten Sognnes (H) spurde om formannskapet skal ta stilling til plassering i dette møtet.

Sakshandsamar Toft svara at plasseringa ikkje skal avgjerast før seinare.

Ordførar Per Lerøy (Ap) sa at ein bør purra på Markhus. Kan Austrheim få to hytter er det bra, elles vil me ha denne dagsturhytta plassert på Vardetangen.

Sakshandsamar Toft sa at mange vil besøka kvar hytte når dei er på plass, slik at det dreg ein del folk. Det

Morten Sognnes (H) sa at det ville vera bra med hytte på Vardetangen, og toalett på hurtigbåtkaien, så ville ein også ha eit tilbod til dei reisande med hurtigbåten.

Per Lerøy (Ap) sa at med eit evt. toalett på hurtigbåtkaien, og det eksisterande i Årvika, så har ein to alternativ for ei hytte på Vardetangen.

Inger Lise Brekke (H) sa at hytta kan brukast til å knyta saman fleire aktivitetar. Vardetangen ligg nær Kaland barne- og ungdomsskule, i Seteneset er det nært skule og også nært barnehage.

Per Lerøy (Ap) sa at for stien i Seteneset er det laga ein plan for å unngå konflikt med dyr på beite. Når det gjeld ei plassering på Vardetangen kan ein gå frå Kaland skule og dit utan å kryssa vegen, når den nye gangbrua på Kaland kjem på plass.

Inger Lise Brekke (H) sa at det ville vera bra om ein kunne få hytte frå Markhus på Vardetangen, og i tillegg ei dagsturhytte i Setenesmarka.

Sakshandsamar Toft sa at kommunen også tenkjer på Setenesmarka, ein har parkering og toalett tilgjengeleg ved Mastrevik Torg, men må ha avtale med grunneigar. Andre aktuelle plasseringar kan vera Øksnesmarka, Hoplandsmarka, Litlåsfjellet og andre.

Helge Dyrkolbotn (KrF) sa at det vert viktig å sjå på korleis ein skal drifta denne hytta. Kven tek jobben med å sjå etter den?

Inger Lise Brekke (H) oppfordra til å sjå ting i samanheng, kanskje kan Grønt arbeid halda ei slik hytte ved like?

Handsaming i formannskapet:
Samrøystes for rådmannens framlegg til vedtak.

Vedtak

Austrheim kommune søkjer Bufdir om tilskot for å ta del i forsøk med fritidskort for haust 2020 og vår 2021.

Behandling

Helge Dyrkolbotn (KrF): - Eg ser at det kan bli vanskeleg å halda fram når forsøksperioden går ut, men me kan ikkje seia nei, og må berre søka om å få vera med.

Rådmann Liv Løvvik sa at ordninga med fritidskort skal vera universell. Etter utløpet av prøveperioden så må ein eventuelt behovsprøva det. Austrheim har 22 born som er under grensa for fattigdom, og dei skal kommunen klara å hjelpa uansett.

Handsaming i formannskapet:
Samrøystes for rådmannens framlegg til vedtak.

Vedtak

Med bakgrunn i den saksutgreiinga som låg til grunn for høyringa og resultatet av høyringsuttalene, tilrår formannskapet at komande 8. klasse ved Kaland barne- og ungdomsskule vert slått saman skuleåret 2020 på Årås skule av pedagogiske grunnar.

Behandling

Rektor ved Årås skule/skulefagleg ansvarleg Bodil Boie Brekkan gjekk gjennom ein presentasjon om saka (ligg ved møteboka). Brekkan viste til at det er særs få ungdomsskular i landet som vert drivne etter fådeltprinsippet, og sa at det er gode grunnar til dette. Å driva fådelt skule for 8. og 9. klasse på Kaland barne- og ungdomsskule vil gå ut over tilbodet til 8. klasse.

Helge Dyrkolbotn (KrF): - Takk til rådmannen for ryddig ein gjennomgang. Eg trur ein skal vera veldig observant på dette med læringskultur. Samstundes må ein ha ekstra fokus på at dette er ei viktig sak for både born, foreldre og besteforeldre. Dyrkolbotn la til at ein bør nytta seg av ungdomsrådet sitt tilbod om støtte.

Morten Sognnes (H) sa at dersom politikarane vedtek dette, så flyttar ein elevane uansett kor trygge dei er.

Rådmann Liv Løvvik sa at det alltid vert utvist skjønn når det gjeld born med særskilte behov. I slike saker strekker kommunen seg langt, og det er ikkje tvil om at borna vert teke godt vare på. Vidare: Opplever at ungdomsrådet har ei offensiv rolle med å på seg å hjelpa i samband med ei flytting.

Ordførar Per Lerøy takka for ei god orientering, og la til at den vidare diskusjonen tek ein i kommunestyret.

Handsaming i formannskapet:
Samrøystes for rådmannens framlegg til vedtak.

Vedtak

Formannskapet rår til at kommunestyret godkjenner at det for 2020 er tatt opp 2,5 millionar kroner i nye midlar til startlånsordninga.

For startlån i 2021 og vidare skal låneramma til startlånsordninga vurderast i samband med årsbudsjettet og økonomiplanen, og innarbeidast i desse.

Behandling

Ordførar Per Lerøy (Ap) sa at dette er ei positiv sak. Startlånsordninga er viktig for mange familiar som slik kan få hjelp til å få eigen bustad, og klara seg økonomisk betre enn som leigetakarar. I Austrheim er det ganske høge leigekostnader, men ikkje så dyrt å kjøpa bustad. Tap på startlån er elles lite, på landsbasis 0,008 prosent av porteføljen.

Handsaming i formannskapet:
Samrøystes for rådmannens framlegg til vedtak.