Her ser du informasjon om eit møte i Formannskapet.
 
Clear
     
 

Møte i Formannskapet den 27.05.2020

Formannskapet
27.05.2020 09:00 - 14:00
Utval:Formannskapet
Dato:27.05.2020 09:00 - 14:00
Møtestad:Teams-møte, evt. Børilden
Status:Møtet er ferdig protokollert
Sakskart:Innkalling til formannskapet 27.05.2020 (Hoveddokument) Tilleggsinnkalling - Formannskapet - 27.05.2020 - sak 076/20 (Hoveddokument) Tilleggsinnkalling - Formannskapet - 27.05.2020 - sak 077/20 (Hoveddokument) Tilleggsinnkalling - Formannskapet - 27.05.2020 - sak 078/20 (Hoveddokument)
Møteprotokoll:Protokoll - Formannskapet - 27.05.2020 (Hoveddokument)

Saksliste

  • Godkjenning av innkalling og saksliste Hoveddokument 405KB
    Brevdato: 20.05.2020
    Dokumenttype: Saksframlegg
    Ansvarlig enhet: Servicekontoret
    Sakshandsamar: Kristin Nesbø

    Dokumenter

     

    Behandling

    Handsaming i formannskapet:
    Rådmannen sitt framlegg vert samrøystes vedteke

  • Godkjenning av møteprotokoll Hoveddokument 407KB

    070/20 - 20/3475 - Godkjenning av møteprotokoll

    Journaldato: 20.05.2020  3 dokumenter
    Brevdato: 13.05.2020
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Møteprotokoll frå møte7. mai og 12. maivert godkjent.



    Behandling

    Til dette møtet var det protokollar frå to formannskapsmøte, 7. mai og 12. mai.

    Handsaming i formannskapet:
    Rådmannen sitt framlegg vert samrøystes vedteke

  • Meldingar Hoveddokument 402KB

    071/20 - 20/3631 - Meldingar

    Journaldato: 20.05.2020  1 dokument
    Brevdato: 20.05.2020
    Dokumenttype: Saksframlegg
    Ansvarlig enhet: Servicekontoret
    Sakshandsamar: Kristin Nesbø

    Dokumenter

     

    Behandling

    Handsaming i formannskapet:
    Rådmannen sitt framlegg vert samrøystes vedteke

  • Delegerte saker Hoveddokument 401KB

    072/20 - 20/3632 - Delegerte saker

    Journaldato: 20.05.2020  1 dokument
    Brevdato: 20.05.2020
    Dokumenttype: Saksframlegg
    Ansvarlig enhet: Servicekontoret
    Sakshandsamar: Kristin Nesbø

    Dokumenter

     

    Behandling

    Handsaming i formannskapet:
    Rådmannen sitt framlegg vart samrøystes vedteke

  • Løyve til bygging av garasje og tilbygg til bustadhus på gbnr. 13367 - Synnevåg Hoveddokument 1MB

    083/20 - 20/3426 - Løyve til bygging av garasje og tilbygg til bustadhus på gbnr. 133/67 - Synnevåg

    Journaldato: 12.05.2020  Sendt til: Jan Ove Synnevåg   
    1 dokument
    Brevdato: 12.05.2020
    Dokumenttype: Utgåande dokument
    Ansvarlig enhet: Plan, bygg, oppmåling og miljø
    Sakshandsamar: Asbjørn Nagell Toft

    Dokumenter

     
  • Orienteringssak Hoveddokument 456KB

    073/20 - 20/3633 - Orienteringssak

    Journaldato: 20.05.2020  1 dokument
    Brevdato: 20.05.2020
    Dokumenttype: Saksframlegg
    Ansvarlig enhet: Servicekontoret
    Sakshandsamar: Kristin Nesbø

    Dokumenter

     

    Behandling

    Kommunalsjef kultur og oppvekst Bjørnar Fjellhaug orienterte om ulike saker.
    - Fylkesmannen har sett tilsyn innan oppvekstsektoren på vent, men dette vert starta etter sommaren.

    - Barnevern vert formelt flytta over til Alver frå 1. juni 2020, og dei tilsette har siste arbeidsdag i Austrheim fredag. Vil orientera meir om det økonomiske under formannskapet si budsjettsamling 28/5, mellom anna med tanke på kva som skal reknast som uføresette kostnader.

    - Etter spørsmål frå Helge Dyrkolbotn (KrF) svara Fjellhaug at det er avtala at det skal vera tilgjengeleg kontor- og møteareal for barnevernet på kommunehuset i Austrheim. Dei skal ikkje ha faste kontordagar, men skal kunna ta møte og saksutgreiing her lokalt. Alle avtalar skal elles inngåast på nytt med Alver som erstatning for eksisterande avtalar med Austrheim kommune, som fosterheimar med meir.


    - Jobbar med plan for skule, ikkje berre ungdomsskular men heile grunnskulen. Arbeidet tek med seg innspel frå rektorar, personale, tillitsvalde, Samarbeidsutval (SU) og Foreldrearbeidsutval (FAU). Så er det tanken at formannskapet skal legga den ut på høyring, og kommunestyret får den etter høyringa. Om dette sa Per Lerøy (AP) at det er bra at rettleiarteamet er involvert som eit uhilda organ. Om dette sa Helge Dyrkolbotn (KrF) at det er viktig å ha med seg SU og FAU tidleg i prosessen. Vidare sa Dyrkolbotn at det er viktig at dette ikkje vert nok ein rapport utan konklusjon, den må enda med eit tydeleg råd. Fjellhaug svara at ein no jobbar ut frå at det er politisk avgjort at det skal vera ein ungdomsskule, og så vert det sett på korleis dette skal samlast. Bjørn Inge H. Dyrkolbotn (SP) ba om at ein involverte ikkje berre hovudtillitsvalde, men også plasstillitsvalde, her svara Fjellhaug at det vil gå ut til alle.

    - Fjellhaug sa om skulesaka at kommunen har kontakt med Alver kommune som også jobbar med sin skulestruktur, og skal i løpet av hausten få på plass ein avtale for Alver-elevar til Kaland for tida fram til Alver sin plan er klar. Om dette sa Morten Sognnes (H) at det er viktig for Kaland-skulen å få klarlagt dette samarbeidet med Alver, kva Alver tenker om dette, om dei til dømes vil ha elevane til Lindås.


    - Fjellhaug sa at det til hausten vert lovfesta rettar til "arbeidsmiljø" for born i barnehagen, med nye endringar i barnehagelova som er tenkt iverksett frå 1. august 2020.


    - Fjellhaug sa at Fylkesmannen har innvilga midlar til skuleutvikling, om lag 400.000 kroner, dette er midlar til skuleutvikling og samlingar med personalet.


    - Fjellhaug sa at rettleiarkorpset, ei ordning organisert av Utdanningsdirektoratet, er engasjert vidare til arbeid i Austrheim.


    - Om arbeidet i skule og barnehage sa Per Lerøy (Ap) at det er viktig at ein involverer dei tilsette, slik at alle får kunnskap og høve til å komma med innspel. Rådmann Liv Løvvik sa at det vert jobba ut frå ein tanke om at alle skal få vera med og seia si meining.


    - Fjellhaug presiserte at det er kommunestyret som er eigar av skule og barnehage, kommunestyret skal få årlege rapportar om arbeidet, og må så gje tydelege signal tilbake om kva ein ønsker å få gjort. Desse måla som kommunestyret har sett for verksemda i skule og barnehage, er det som ein skal rapportera på tilbake.

    Kommunalsjef oppvekst og kultur Bjørnar Fjellhaug orienterte om sak: Region Nordhordland - prioritering av prosjektskjøn 2020
    Har søkt om ein million kroner i støtte frå Fylkesmannen, til arbeidet med innlemminga av Austrheim/Fedje barnevern inn i Alver barnevern.

    Ordførar Per Lerøy viste til at samarbeidet om barnevern nettopp var eit ønske frå Fylkesmannen, og at det var naturleg med støtte. Godt nøgd med at det er jobba for å få dette høgare opp på prioriteringslista frå regionen.

    Kommunalsjef økonomi og personal Odd Harald Dommersnes orienterte om økonomi.

    - Austrheim kommune har ein kostnad på 3,7 millionar kroner i samband med Korona. Storparten av dette er eigen arbeidsinnsats. Kompensasjonen som er gitt er på 2,2 millionar, og ein ser at KS og Finansdepartementet står langt frå kvarandre i kva dette reelt sett kostar kommunane. I Austrheim er det også fallet i oljenæringa, som saman med Korona gjev fall i skatteinntektene. Skatteinngangen bremsa i mai, spennande på sjå kva som skjer framover.


    - Om dette sa ordførar Per Lerøy (Ap) at ein no ventar på den varsla tiltakspakken, som skal gje både kommunar og fylkeskommunar midlar til å setta i gang prosjekt, og få ned arbeidsløysa i kommunane.


    - Helge Dyrkolbotn (KrF) spurte om det var svikt i andre inntekter enn skatt, her svara Dommersnes at det er skatteinntekter som gjev størst utslag.


    - Rådmann Liv Løvvik peika på at det utfordrande er arbeidsløysa, saman med skattesvikten. Om arbeidsløyse sa Per Lerøy (Ap) at denne no er på 7,6 prosent i Austrheim. Viktig at kommunen kjem ut med anbod på større og mindre prosjekt, slik at ein skaffar arbeid til lokale verksemder.


    - Etter spørsmål frå Morten Sognnes (H) svara Dommersnes at ein per mai er 300.000 over budsjett akkumulert, og Per Lerøy følgde på med å seia at det var over budsjett tidleg i år, men 2,1 millionar etter budsjett i mai, slik at nesten heile forspranget er vekke.


    - Liv Løvvik sa at med denne utviklinga, og kompensasjonen på 2,2 millionar, vil Austrheim få eit underskot på 6 millionar kroner i 2020.


    - Dommersnes sa vidare at kostnadene til sosialstønad kan komma til å auka mykje med dagens arbeidsløyse.

    Kommunalsjef økonomi og personal Odd Harald Dommersnes orienterte om avtalen med dei tilsette sine tillitsvalde med forbod mot utlandsreiser.

    - Ser no at der endringar nasjonalt med ei oppmjuking av desse reiseråda. Har avtala med dei tillitsvalde at dersom det skjer store endringar så vil ein ta desse tinga opp til ei ny vurdering. Tillitsvalde ser at det er sårbart med lite folk. (Ingen smitte i kommunen per i dag).

    Kommunalsjef helse og omsorg Monika Kvamme orienterte om tredje legestilling ved legekontoret. Har lyst ut med søknadsfrist 2. juni. Er stort press på legane, og har ikkje fått avvikla dei permisjonane dei har krav på. Ønskje å halda på dei to LIS-stillingane ein har i dag.

    - Har lyst ut psykolog, som er lovpålagt frå 2020, fått ein søkar. Fristen er 2. juni.

    - Har tilsett ergoterapeut i halv stilling, i samarbeid med Fedje kommune.

    Om tredje fastlegestilling spurte Inger Lise Brekke (H) om det vert jobba med å få ein kvinneleg fastlege, om kvinnelege søkarar vert favorisert ved tilsettinga. Etterlyste også meir informasjon tidlegare i prosessen. Monika Kvamme svara at ein ser problemstillinga, men må sjå på kven som søker. Om orientering undervegs sa Kvamme at dette har skjedd raskt etter at Korona-situasjonen oppstod, og beklaga om det ikkje vart orientert meir undervegs.

    Etter spørsmål frå Brekke svara Kvamme at ein ser på ei flytting av arbeidsplassar frå legekontoret og til 2. etasje der barnevern og Nav flyttar ut. Er vanskeleg å overhalda smittevern, teieplikt med meir når det er så trongt som det er på legekontoret.

    Per Lerøy (Ap) støtta Brekke i at det burde bli informert meir og tidlegare om legestillinga. Støtta også innspelet om å få ein kvinneleg lege i tillegg til dei to mannlege som jobba der i dag.

    Rådmann Liv Løvvik sa Korona-situasjonen har framskunda arbeidet med å få på plass ein tredje lege, i tillegg til at ein må få avvikla desse permisjonane.

    Helge Dyrkolbotn (KrF) sa at det er politisk støtte til å få plass ein tredje lege. Må gjerne ha ein kvinneleg lege, men det må vera den best kvalifiserte.

    Inger Lise Brekke (H) svara Dyrkolbotn med at det må vera greitt å prioritera ei kvinne for å sikra ei teneste til kvinner. Og om prosessen, det er semje om å få ein tredje lege men må likevel ha gode prosessar.

    Kommunalsjef service og forvalting Thomas Lindås orienterte om byggesak på 157/60 og 157/81. På 157/60 er det gitt løyve til å bygga i tråd med formannskapet sitt vedtak 12. mai, tidlegare stoppordre er trekt og dispensasjon er gitt. Er nye ting frå Fylkesmannen i saka om garasjen på 157/81, der det no ser ut for at det må vera ei reguleringsendring som kan gjera garasjen lovleg. Den er ulovleg no. Ser det ikkje som ei kommunal oppgåve å starta reguleringsarbeid for dette. Asbjørn Toft sa at dette kan gjerast som ei mindre planendring, der ein flyttar byggegrensa ut i eksisterande veg, og ta inn den auka mønehøgda til huset på 157/60, slik at dette huset til dømes vil kunna reisast i same høgd om det skal byggast nytt.

    Morten Sognnes sa at ein må komma til ei løysing her, det synspunktet fekk støtte frå resten av formannskapet.

    Per Lerøy (Ap) sa at noko av problemet her er at reguleringsplanen ikkje stemmer med eigedomsgrenser, kva skuld har kommunen i dette? Asbjørn Toft svara at det er smale tomter, men på 157/81 var det mogleg å bygga både hus og garasje, utan å komma i konflikt med byggegrenser. Dette skjedde ved at det vart bygd utan å ta kontakt med kommunen. Det er grunneigar som må undersøka før dei byggjer.

    Thomas Lindås sa at det nok er slik at villfarelse ikkje gjer uskuldig. Her er det også slik at vegtilkomsten forbi 157/81 til 157/60 no er godkjent, og om denne vert bygd vil ikkje ei reguleringsendring nødvendigvis kunna hjelpa, då garasjen vil ligga så tett på vegen at det ikkje vert trafikkmessig tilrådeleg.

    Eit samrøysta formannskap stiller seg bak at kommunen tek kontakt med grunneigar (157/81) her om å gjera ei mindre reguleringsendring.

    Ordførar Per Lerøy (Ap) orienterte om arbeidet med å sikra tilgang til elektrisk kraft. Det er etablert eit ringsystem i regionen med Kollsnes som mål, der det er bygd ei ny 300 (420 KV) linje frå Steinsland via Matre, Mongstad til Kollsnes. Her har regionen stått bak arbeidet, men det var ein føresetnad at denne krafta skulle brukast lokalt og ikkje til Nordsjøen. No har NVE gitt løyve til at det kan trekkast kraft frå denne linja til elektrifisering i Nordsjøen, og når ein tek med at Equinor sitt kraftvarmeverk på Mongstad er stengt, så er det lite kraftoverskot igjen i regionen. Jobbar med kontakt opp mot Statnett/NVE for å sikra auka straumtilgang i Nordhordland, då må det gjerast investeringar for å auka effekten frå 300 til 420 kV. Statnett har ein plan om dette innanfor ein tiårsperiode, men dette har ikkje regionen tid til å venta på. I dag vil det ikkje bli gitt løyve til kraft for etablering av ny kraftkrevjande industri i regionen. Jobbar på fleire plan for å påverka for ein fortgang på dette arbeidet, her står ein samla politisk i heile regionen inkludert Bergen, og har også med seg næringslivet, i å fronta dette inn mot Statnett, NVE og Olje- og energidepartementet.

    Inger Lise Brekke (H) spurte om kva tidsperspektiv det er tale om, Per Lerøy svara at det beste ein kan klara er å få realisert tiårsplanen til NVE i løpet av tre år. Mange som kjenner seg førte bak lyset no, det var ein føresetnad at det ikkje skulle gå kraft til Nordsjøen frå denne linja, som vart etablert for å sikra elektrisk kraft til lokalt næringsliv.

    Helge Dyrkolbotn (KrF) sa at ein skuffa over situasjonen, men at med samla innsats må det vera mogleg å få til noko.

    Inger Lise Brekke (H) spurte om ein må legga om næringsstrategien vekk frå kraftkrevjande industri, og over på andre næringar. Til dette svara Per Lerøy (Ap) at ein må ha litt is i magen. Vert jobba no for å få dette på plass, mellom anna med møte alt i veke 23.

    Inger Lise Brekke (H) sa at denne krafttilføringa er viktig for å sikra at regionen kan ta del i det grøne skiftet.

    Rådmann Liv Løvvik kom med ei gladnyheit: Austrheim går inn i 2020 med ein folkevekst på 0,42, der tilveksten kjem av nye barn.

    Handsaming i formannskapet:
    Samrøystes for å ta orienteringane til vitande.

  • Meldingar/orienteringar frå oppvekst og kultur Hoveddokument 479KB
    Brevdato: 19.05.2020
    Dokumenttype: Saksframlegg
    Ansvarlig enhet: Oppvekst og kultur
    Sakshandsamar: Bjørnar Fjellhaug

    Dokumenter

     

    Behandling

    Dette vart det orientert om i 073/20.

  • Region Nordhordland - prioritering av prosjektskjøn 2020 Hoveddokument 428KB
    Brevdato: 17.04.2020
    Dokumenttype: Saksframlegg
    Ansvarlig enhet: Oppvekst og kultur
    Sakshandsamar: Bjørnar Fjellhaug

    Dokumenter

     

    Behandling

    Kommunalsjef oppvekst og kultur Bjørnar Fjellhaug orienterte om sak: Region Nordhordland - prioritering av prosjektskjøn 2020
    Har søkt om ein million kroner i støtte frå Fylkesmannen, til arbeidet med innlemminga av Austrheim/Fedje barnevern inn i Alver barnevern.

    Ordførar Per Lerøy viste til at samarbeidet om barnevern nettopp var eit ønske frå Fylkesmannen, og at det var naturleg med støtte. Godt nøgd med at det er jobba for å få dette høgare opp på prioriteringslista frå regionen.

    Handsaming i formannskapet:
    Samrøystes for å ta orienteringa til vitande.

  • Alkoholpolitisk plan 2020 - 2024 - Austrheim kommune Hoveddokument 435KB
    Brevdato: 06.05.2020
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Sakshandsamar Ketil Tjore orienterte om saka.

    Handsaming i formannskapet:
    Samrøystes for rådmannens framlegg til vedtak.

  • Retningslinjer for avhending av kommunale eigedommar Hoveddokument 581KB
    Brevdato: 11.06.2020
    Dokumenttype: Saksframlegg
    Ansvarlig enhet: Samfunn- og tenestyting
    Sakshandsamar: Thomas Lindås

    Dokumenter

     

    Behandling

    Kommunalsjef Thomas Lindås orienterte om saka.
    Det har vore orientert om denne saka før, men utan at ein vedtok retningslinjer for sal.
    Prøver no å vera så tydeleg som ein kan i retningslinjene, men samstundes ha eit handlingsrom for justeringar.

    Ordførar Per Lerøy (Ap) spurte om dette er godt eigna til å trekka til seg kjøparar/næringsliv som vil etablera seg i Austrheim. Til dette svara Thomas Lindås at kommunen bør vera ein meir aktiv eigar, som også kan gå med i prosjekt dersom det kan gje kommunen betre utteljing.

    Lerøy (Ap) spurte vidare om dette legg til rette for å selja leilegheiter der kommunen eig ein leilegheit i eit bygg der andre bur. Kan ein løysa dette? Til dette siste svara Thomas Lindås at ein kan la eigarar i bygg som leilegheiter som skal seljast, kan få rett til å tre inn på høgaste bod.

    Inger Lise Brekke (H) støtta framlegget frå Lindås om å la eigarar i same bygg få overta til høgaste pris. Elles oppmoda Brekke til å gå breitt ut i utlysinga av eigedommar som skal seljast.

    Helge Dyrkolbotn (KrF) spurte om punktet der det heiter at bygg/eigedommar som hovudregel skal leggast ut på den opne marknaden. Til dette svara kommunalsjef Lindås at det til dømes kan gjelda dersom kommunen ønskjer å selja Rongevær kurs- og fritidssenter, der ein kanskje ikkje vil selja til privat eige. Og når det gjeld direkte spørsmål til private, så skal det skje i tillegg til annan annonsering.

    Per Lerøy (Ap) spurte om det framleis er mogleg for lokale bedrifter å kjøpa kommunal eigedom og deretter utvikla denne. Det må vera mogleg å komma med ein god idé til kommunen utan at denne vert offentleggjort og gjort tilgjengeleg for alle. Viste til ideen som kom om Kystlandsbyen, der prosjektet var uttenkt av private. Kommunalsjef Lindås svara at det er eit mål for kommunen å vera ein meir aktiv eigar som sikrar mest mogleg midlar til kommunen. Men ser utfordringar i at kommunen seier at "det var ein god tanke", og så legga eigedommen ut for sal med denne ideen.

    Per Lerøy (Ap) sa at ein ikkje berre burde sjå på kortsiktig inntekt, men sjå på kva som kan gje best mogleg utvikling på sikt.

    Asbjørn Toft sa at politikken tidlegare har vore at kommunen har selt eigedommar til takst.

    Helge Dyrkolbotn (KrF) ba om at utlysing av eigedommar må vera hovudregelen, det er ikkje sikkert at ein lokalt har alle gode idear om kva ein eigedom kan brukast til.

    Rådmann Liv Løvvik viste til at det må vera armlengdes avstand mellom kommunen og kjøpar, og ei god løysing kan vera å gjera som i Bergen der ein går aktivt ut og annonserer at dette er eit område der ein ønskjer utvikling. Viser elles til at Austrheim skal selja for 4,4 millionar kroner i år, for å sikra finansiering av investeringar som kommunen har på gang.

    Thomas Lindås sa at dagens praksis er at dersom nokon tek kontakt og vil kjøpa, så er svaret at det skal gjennomførast takst og lysast ut. Eventuelle idear om bruk/utvikling er konfidensielle. Det er mogleg å setja klausular på at eigedommen skal utviklast innan så og så lang tid.

    Per Lerøy spurte om det er mogleg å seia nei til å selja til spesielle tilbydarar. Liv Løvvik svara at dette etter hennar syn vil vera vanskeleg, men mogleg. Avdelingsleiar Asbjørn Toft sa at kommunen som grunneigar står fritt til å seia ja eller nei. Det er ikkje eit enkeltvedtak, og det kan ikkje påklagast.

    Bjørn Inge H. Dyrkolbotn (Sp) spurte om det er mogleg å setta av leilegheiter som skal seljast, for dei som har vanskar med å komma seg inn på bustadmarknaden. Rådmann Liv Løvvik svara at det ikkje er rom for å gje subsidiar. Thomas Lindås sa at kommunen kan ta inn i arbeidet med reguleringsplanar og utbyggingsavtalar at det skal leggast til rette for mindre bustader.

    Helge Dyrkolbotn (KrF) spurte om det er mogleg å selja leilegheiter heller enn å pussa opp for kommunale midlar, for å hjelpa folk inn på bustadmarknaden. Om dette sa Per Lerøy (Ap) at det er betre for kommunen å selja enn å pussa opp slike leilegheiter.

    Per Lerøy (Ap) viste til at det er tre tomter tilgjengeleg i Kystlandsbyen, som er rimelege. Helge Dyrkolbotn (KrF) ba om at desse gjerne vart lyste ut meir aktivt.

    Handsaming i formannskapet:
    Samrøystes for rådmannens framlegg til vedtak.

  • Oppfølging av forvaltningsrapport spesialundervisning og PPT Hoveddokument 869KB
    Brevdato: 18.05.2020
    Dokumenttype: Saksframlegg
    Ansvarlig enhet: Oppvekst og kultur
    Sakshandsamar: Bjørnar Fjellhaug

    Dokumenter

     

    Behandling

    Kommunalsjef oppvekst og kultur Bjørnar Fjellhaug hadde ein eigen presentasjon om forvaltningsrapporten som er levert for spesialundervisning og PPT. (Presentasjonen frå Fjellhaug ligg ved møteboka).

    Fjellhaug ser at det er gjort ein del funn som administrasjonen må gripa fatt i, som dokumentasjon og felles plan og rutinar. Kan vera usamd med deler av rapporten, men kan bruka den til å gjera endringar til det beste for barn og unge.

    Per Lerøy (Ap) sa at det er bra med forvaltingsrapportar for å visa kva som fungerer og kva som ikkje fungerer. Har ikkje innsigelsar til innhaldet i rapporten, stolar på at det faglege innhaldet er godt. Som politikar er eg skuffa, på grunnlag av at kommunestyret har satsa bevisst på kompetanse og høgt utdanna tilsette i barnehagar og skular. Skuffande at ein no får ein rapport på at samarbeidet ikkje har vore godt i organisasjonen, mellom einingane. Dette med samarbeid på tvers av kommunale einingar må berre komma på plass no, dette må vera mogleg å få til i ein liten og oversiktleg kommune som Austrheim. Her har kommunalsjef Fjellhaug full støtte til å ta grep.

    Inger Lise Brekke (H) sa seg samd med ordføraren, og er overraska over at det er avdekka manglar på system, i samband med overgang barnehage/skule med meir. Brekke sa vidare at PPT burde vera tettare på det daglege skulemiljøet, for å få eit større fagmiljø og dra vekslar på kunnskap mellom kvarandre.

    Fjellhaug sa at det skjer godt arbeid både i barnehage og skule, men det overordna kommunale arbeidet er ikkje godt nok. Overgang barnehage/skule kan vera god, men det er skuleeigar-nivået som ikkje har hatt plan og system som har sikra at dette vert ivareteke. Må også sikra at det ikkje er spesialundervisning for mange elevar, dei fleste skal ha undervisninga saman med andre, og spesialundervisning skal vera for dei som ikkje når kompetansemåla.

    Per Lerøy (Ap) viste til at kommunestyret tilsette ein kommunalsjef for skule, og gjekk inn i KS-prosjektet for å bli ein god barnehage- og skuleeigar, men ser ikkje at ein har fått noko igjen for dei ressursane ein har sett inn.

    Rådmann Liv Løvvik sa at det ikkje har vore kapasitet sentralt i kommunen til å ha ein sentral plan på dette arbeidet. Må jobba for å få meir tilpassa opplæring inn i skulen, og ikkje spesialundervisning for mange. Skal sikra dette med å få plass ein plan, som ein kan måla seg etter.

    Helge Dyrkolbotn (KrF) sa at det er bra med denne typen ettersyn slik at ein får korrigert kursen undervegs. Veit at det vert jobba godt ute i organisasjonen, men manglar det overordna. Trur ikkje det har mangla på tilbodet til born og unge, men har ikkje overordna plan. Ønskjer at PPT er meir aktive i rettleiing av dei som driv spesialundervisning og undervisning elles ute i skule og barnehage. For barn som ikkje går i barnehage, må ein ta med helsestasjonen i dette kartleggingsarbeidet.

    Per Lerøy (Ap) sa at det har vore jobba med dette lenge, no må ein komma frå ord til handling.

    Inger Lise Brekke (H) sa at ho kjenner seg trygg på at det skjer ei endring no. Må jobba vidare med lærarar og assistentar, og dela informasjon fram og tilbake. I tillegg må kommunen ha ein plan på å gje eit godt tilbod til dei evnerike elevane, og desse elevane skal ha eit individuelt tilpassa undervisningsopplegg.

    Kommunalsjef Bjørnar Fjellhaug sa at det er bra at det er eit stort engasjement om dette. Seier seg samd med Brekke i at skulen må ha eit eige tilpassa opplegg for dei elevane som er evnerike, ein skal sikra eit tilbod til alle elevane. Det er mange som kan vera sårbare på ulike sett. Skal elles rapportera undervegs i arbeidet vidare.

    Handsaming i formannskapet:
    Samrøystes for rådmannens framlegg til vedtak.

Frammøte

Frammøte
PolitikarPartiMedlemstypeE-Post
Per LerøyArbeiderpartietOrdførarper.leroy@austrheim.kommune.no
Inger Lise BrekkeHøgreVaraordførarilb5943@yahoo.no
Morten SognnesHøgreMedlemmorten.sognnes@austrheim.kommune.no
Helge DyrkolbotnKristeleg FolkepartiMedlemHelge.Dyrkolbotn@vlfk.no
Bjørn Inge Håland DyrkolbotnSenterpartietMedlemBjorn.Inge.Dyrkolbotn@austrheim.kommune.no
Asbjørn Nagell Toftasbjorn.n.toft@austrheim.kommune.no
Thomas Lindåsthomas.lindas@austrheim.kommune.no
Monika Kvammemonika.kvamme@austrheim.kommune.no
Odd Harald Dommersnesodd.harald.dommersnes@austrheim.kommune.no
Bjørnar Fjellhaugbjornar.fjellhaug@austrheim.kommune.no
Liv Løvvikliv.lovvik@austrheim.kommune.no

Kontaktinformasjon om tenesta

Austrheim kommune
Sætremarka 2
5943 Austrheim
Telefon: 56162000
ACOS Innsyn levert av ACOS AS