Her ser du informasjon om eit møte i Kommunestyret.
 
Clear
     
 

Møte i Kommunestyret den 23.09.2021

Kommunestyret
23.09.2021 18:00 - 22:00
Utval:Kommunestyret
Dato:23.09.2021 18:00 - 22:00
Møtestad:Austrheim samfunnshus
Status:Møtet er ferdig protokollert
Sakskart:Innkalling - Kommunestyret - 23.09.2021 (Hoveddokument) , Innkalling - Kommunestyret - 23.09.2021 (framside) (Vedlegg) Tilleggsinnkalling - Kommunestyret - 23.09.2021  (Hoveddokument) , Tilleggsinnkalling - Kommunestyret - 23.09.2021 (kun side 1) (Vedlegg)
Møteprotokoll:Protokoll - Kommunestyret - 23.09.2021 (Hoveddokument)

Saksliste

  • Godkjenning av innkalling og saksliste Hoveddokument 401KB
    Brevdato: 25.08.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Innkalling og sakliste vart godkjent



    Behandling

    Helge Dyrkolbotn (KrF) kommenterte at det var saker som burde innom formannskapet først, som sal av arbeidssenteret.

    Ordførar Lerøy sa seg samd i at det var saker til møtet som skulle vore oppe i formannskapet først, men desse sakene var nok ikkje klare til det siste formannskapet som var før dette kommunestyret. Kommunestyret må vurdera sak for sak om ein evt. skal ta utsettingar på dei sakene som ikkje har vore innom formannskapet.

    Handsaming i kommunestyret:
    Kommunedirektøren sitt framlegg vert samrøystes vedteke

  • Godkjenning av møteprotokoll Hoveddokument 406KB

    062/21 - 21/6575 - Godkjenning av møteprotokoll

    Journaldato: 22.09.2021  3 dokumenter
    Brevdato: 25.08.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Møteprotokoll frå forrige møte vert godkjent, med retting for sak 45/21



    Behandling

    Jan Nordø (Bygdelista) påpeikte at det skal gjerast ei retting i protokollen frå møtet 16. juni 2021, frå sak 45/21 om attgroing. Dette er retta i protokollen frå det aktuelle møtet, rett vedtak er:

    Austrheim kommune løyver kr. 100.000 til tiltak for førebygging av utmarksbrann omkring Åråsfeltet og område sør for kommunesenteret. Midlane vert teke frå 251080048 Fond - komp.retaksering verk og bruk. Kommunen skal motverke attgroing av opne landskap gjennom aktiv landskapsforvalting og effektive landbrukstiltak. Dette vil me få til gjennom å utarbeida kommunal temaplan mot attgroing, med mål, strategiar og tiltak.
    Handsaming i kommunestyret:
    Kommunedirektøren sitt framlegg vert samrøystes vedteke, med retting for sak 45/21

  • Meldingar Hoveddokument 409KB

    063/21 - 21/6576 - Meldingar

    Journaldato: 25.08.2021  1 dokument
    Brevdato: 25.08.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Kommunedirektør Bjørnar Fjellhaug orienterte om meldingane.
    Viste til Statsforvaltar si stadfesting av utmeldinga frå Robek-lista, med ei tilråding om at det bør vera sjølvfinansierande investeringar ein prioriterer. Har ikkje uavgrensa med midlar til utbygging av skulane, så kommunen må frigjera kapital gjennom sal av eigedommar ein har.

    Handsaming i kommunestyret:
    Kommunedirektøren sitt framlegg vert samrøystes vedteke

  • Orienteringssak Hoveddokument 397KB

    064/21 - 21/6577 - Orienteringssak

    Journaldato: 25.08.2021  1 dokument
    Brevdato: 25.08.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Orienteringar til kommunestyret:

    Om Korona, ved kommunalsjef helse og omsorg, Monika Kvamme:

    • Skal over i «Normal kvardag med auka beredskap».

    • Austrheim er over landssnittet på vaksinering.

    • Ferdig med aldersgruppa 12-15, medan gruppa 16-17 år som skal ha to dosar skal vaksinerast med andre dose i første del av november.

    • No skal kommunen sjølv bestilla vaksiner og hurtigtestar.

    • Er no i ferd med å setta sluttdato på dose 1 vaksine.

    • I møte med Statsforvaltar er det sagt at kommunane skal skissera korleis ein ser for seg hausten.

    • Personellet er slitne, håpar å nedjustera dette arbeidet no. Folk har gjort ein fantastisk jobb.

    Ordførar Per Lerøy viste til at ein har halde smitten ute frå skule, barnehage og eldresenter. Han berømma dei tilsette for ein flott utført jobb, no må ein berre halda fram med denne gode trenden og unngå å stenga ned.

    Kommunalsjef Monika Kvamme sa at det kan verta tøft når mange får influensaen og skal halda seg vekke frå jobb. Får 800 influensavaksinar no etter Korona, til dei i risikogrupper og helsepersonell.

    Om status ROP-bustader/Åråshaugen omsorgsbustader, ved kommunalsjef helse og omsorg, Monika Kvamme:

    • Prosjektet har no namnet Åråshaugen omsorgsbustader. Frå administrasjonen jobbar Asbjørn Toft, Rolf Henning Myrmel og Monika Kvamme med prosjektplan og mandat.

    • Har rydda tomta, som er på toppen bak kommunehuset, på austsida.

    • Link Arkitekt startar i veke 40 med teikning av bygga, teikningane klare i løpet av oktober.

    • Er i kontakt med Husbanken for å få finansiert noko gjennom dei.

    Rikke Heldal Hope spurte om nærleiken til barnehage og skule. Monika Kvamme svara at det er lite tilbod om ROP-teneste i Austrheim, og kommunen må planlegga med større bemanning på dette. Dei som flyttar inn der vil krevja ulike typar tenester.

    Om hage Nordliheimen, ved kommunalsjef helse og omsorg, Monika Kvamme:

    • Kaland trelast skal laga platting og store bed til denne hagen. Når dette er ferdig, kjem Arilds Port og skal setta opp gjerde. Bestilt ei markise. Vore i kontakt med Neptunklubben som skal gjera litt arbeid på dugnad. Har venta på prisar, kan ikkje bestilla utan at ein veit kva det skal kosta.

    Om flytting av fysioterapeutar, ved kommunalsjef helse og omsorg, Monika Kvamme:

    • Frå 1. oktober skal fysioterapi-tenesta og ergoterapeut samlokaliserast i nye lokale på Mastrevik Torg, saman med privatpraktiserande fysioterapeut Roger Villanger.

    • Er i dei tidlegare banklokala, med treningssal, 4 behandlingsrom til tre fysioterapeutar og ergoterapeuten, spiserom og garderobe.

    • Ser at dette vert bra for brukarane, med kort avstand til parkering, lege og apotek. Det var trong for ei modernisering, og her er det universell tilkomst.

    • Skal også driva førebyggande arbeid, fallførebygging og anna.

    • Coop har gjort bygget klart til denne bruken. Ombygginga er kostnadsrekna til 300-400.000 kroner, dette reflekterer seg i husleiga som kommunen skal betala.

    Varaordførar Inger Lise Brekke (H) spurte om leigekostnaden for lokala. Kvamme svara at det er 1.200 kroner kvadratmeteren, dette skal delast med Roger Villanger. Avtalen strekkjer seg fem år fram i tid.

    Om organisering/organisasjonskart, kommunedirektør Bjørnar Fjellhaug orienterte:

    • Nytt organisasjonskart ligg i innkallinga, under meldingar.

    • Ny kommunalsjef oppvekst og kultur er Trine Merete Jansen, som startar 1. desember.

    Om skule, generelt, kommunedirektør Bjørnar Fjellhaug orienterte:

    • Skulen er i gang for hausten, med litt auka korona-tiltak som reine hender med meir.

    • Glade for at ein ikkje har fått smitte inn i skule eller barnehage.

    • Arbeidslivsfag på ungdomsskuletrinnet, eit samarbeid med AVS, fungerer bra.

    • 5 dagars veke og kortare dagar har gitt betre skulekvardag, kortare dagar.

    • Kulturskulen, no er dette tilbodet tilbake på Kaland etter at det under Korona har vore berre på kulturskulen/Seniorsenteret.

    • Visuelle kunstfag er på plass som eit nytt fag.

    • Har 104 elevar i kulturskulen i år alt i alt.

    Om skuleruter/buss, kommunedirektør Bjørnar Fjellhaug orienterte:

    • På Årås er det kring 10 elevar på 1.-3. trinn som er ferdige klokka 13.00. Dei vert henta av tre bussar. Enkelte dagar er det ingen barn på enkelte ruter.

    • Også Kaland melder også at det kan vera lite elevar på enkelte avgangar.

    • For eldre elevar er det enkelte dagar elevar som er på arbeidslivsfag på AVS.

    • Kommunen dekker utgifter ut frå elevtal, og ikkje per buss.

    Økonomisjef Odd Harald Dommersnes sa at det har vore gitt melding frå kommunen om behov for skyss, og det er det skyssen er basert på. Skyss brukar tilbakemeldingar, jobbar med ruteplanlegging og deretter skal dei varsla operatør som skal laga sine skiftplanar. Tek tid å snu dette. Minsteprisen er no 20 kroner per bestilte reisande, som kommunen betaler Skyss.

    Ordførar Per Lerøy (Ap) sa at ein kanskje må sjå på gratis SFO, heller at ein elev skal heim etter skulen på ein nesten tom buss. Slik kan ein få alle til å vera på skulen til felles buss klokka 14.00. Dette har eit miljøaspekt, og det er slitasje på veg og materiell. Ber kommunedirektøren sjå på kva som er fornuftig i denne saka.

    Kommunedirektør Bjørnar Fjellhaug viste til at skyss heim kjem an på kven som skal på SFO, skal andre plassar enn heim, eller blir henta.

    Morten Sognnes (H) spurte om betaling, svaret er at kommunen betalar skyss per elev.

    Reidar Ulvøy (Ap) spurte om kostnader ved gratis SFO, ordførar Per Lerøy (Ap) ba om at kommunedirektøren kjem med ulike løysingar på korleis ein kan løysa dette.

    Skuleprosjekt, oppgradering og utbygging, kommunedirektør Bjørnar Fjellhaug orienterte:

    (Er på gang ei høyring av opplæringslova – ny lov ikkje i kraft i det neste budsjettåret, men frå 2023).

    • For Kaland ser ein på ulike løysingar med kostnadsramme, inkludert plan for uteområdet. Kommunedirektøren ønskjer at Kaland 1 vert rive, vil kosta mykje å få dette bygget i stand til å bruka til tenester. Heller riva det og legga arealet til rette som nytt uteområdet for elevane.

    • For Åras ser ein på ulike alternativ, mellom anna er det mogleg med eit tilbygg. Eller kan ha ungdomstrinnet i del C eller D. Ulike kostnader ved dei ulike alternativa.
      Er ønskjer frå skulane, det påverkar kostnader. Skulane har frist til 1. oktober til å melda inn ønskjer.

    • Rundt 20 millionar må dekka utbygging for begge skulane. Kommunen står framleis ikkje fritt til å låna til investeringar som ikkje er sjølvfinansierande, må dekka ein del ved å selja bygg. Kjem tilbake til neste formannskap med oversikt over dei kostnadsrammene som ligg.

    Ordførar Per Lerøy spurte om Norconsult kan komma for å orientera formannskapet i samband med møtet 21/10, og at ein får lagt fram kommentarane som har komme frå skulane.

    Kommunedirektør Fjellhaug sa at det ikkje er sikkert at begge skulane er klare til skulestart hausten 2022, men i løpet av 2022 skal dei vera klare. Viktig å vera realistisk.

    Helge Dyrkolbotn (KrF) sa at det er lova ungdomsskulelevane og foreldra at skulen skal vera klar når dei er på plass frå august 2022, må prioritera dette.

    Varaordførar Inger Lise Brekke (H), spurte om kva som skjer med undervisninga under utbygginga. Her svara kommunedirektør Fjellhaug at elevane for ein periode må ha undervising på alternativ plass, som klubbhuset eller Ungdommens Hus.

    Fjellhaug sa vidare at arbeidet må gjerast skikkeleg når ein er i gang. Tenker på starta med anbodsrunde kvar for seg for Kaland og Årås. Å dela dette vil gjera det lettare for lokale firma å vera med og legga inn tilbod på arbeidet. For Kaland ligg i utomhusplanen at Kaland 1 skal vekk, og området skal lagast slik at ein får tydeleg skilje mellom barnehage og skule.

    Britt M. Skaalevik Lerøy (Ap) spurte om Kaland 1. Fjellhaug svara at det har vore ulike alternativ for opprusting, men skal det brukast må det investerast ein del i bygget for å halda det oppe. FAU og SU samde om at dersom Kaland 1 ikkje skal brukast så må det vekk. Per Lerøy (Ap) viste til at arbeidsgruppa som vart tenkt sett ned ikkje var etablert då det ikkje var lovleg å ha tilsette og politisk valde i same utval. Alle som FAU og andre må komma med sine innspel for kva som skal gjerast med Kaland 1. Estimatet er 30 millionar for rehabilitering, må ha betre valuta med å bruka dette på ein annan måte.

    Helge Dyrkolbotn (KrF) viste til at Kaland er fint bygg, men elles betyr lite. Ombygging gjer undervisninga vanskeleg, må ha fram kostnaden med å flytta elevane til andre bygg i samband med byggeperioden.

    Ser ut for at det vert gode løysingar for begge skulane. Skulle gjerne hatt 40 millionar til dette, men har ikkje det. Ser at det er løft som må gjerast også på Nordliheimen.

    Fjellhaug svara om alternative lokale at målet er å komma med dette til formannskapet 21.10 og deretter i neste kommunestyre. Alternativa omfattar paviljong i byggeperioden, vil problematisera og løfta det fram det.

    Einingsleiar teknisk drift, Rolf Henning Myrmel, orienterte status ventilasjonsanlegg Kaland skule:

    • Manglar kraft på Kaland, bassenget har elkjele på 36 kilowatt men kan ikkje drivast på meir enn 24 kilowatt.

    • Jobbar med BKK for ny trafo eller splitta det slik at husstandar rundt kan få straum andre vegar.

    • Har for lite kraft til å driva Kaland skule

    • Ser på 4 nye borehol til 200 meter og ei større varmepumpe for å avlasta situasjonen.

    Ordførar Per Lerøy (Ap) sa at energieffektivisering er viktig, Myrmel svara at det er ein del av prosjektet.

    Helge Dyrkolbotn (KrF) spurte om kommunen får støtte frå Enova, Myrmel svara at det er mogleg å få støtte, men ordninga er dårlegare enn tidlegare.

    Aslak Bakke (H) spurte om tilgang til kraft. Per Lerøy (Ap) svara at det er dialog med BKK om dette, det kjem på plass men kan vera til dels stor eigendel. Dårleg tilgang til straum i nærleiken av Mongstad-krysset.

    Reidar Øksnes (Ap) spurte om kva som er vurdert som løysing, Myrmel svara at det er sett på fleire borehol for å auka storleik varmepumpe, men treng også ein ny trafo. Tek det med i dette prosjektet, for å sikra ferdigstilling.

    Gro Kaland (Sp) spurte om status framdrift, Myrmel svara at det er henta inn prosjektprisar, og vil ta det med i anbodet som no skal ut for ombygginga på Kaland.

    Einingsleiar teknisk drift, Rolf Henning Myrmel, orienterte om status varme- og ventilasjonsanlegg Kystbarnehagen:

    • Teknisk rom er bygd om, varmepumpene er i drift, driv testkøyring. I månadsskiftet oktober/november skal det stillast inn i golvet endeleg. No fungerer varmepumpene. Skal regulerast i okt./nov. slik at dette anlegget kan kjørast automatisk.

    • Skal så regulera også ventilasjonsanlegget som også går på vassboren varme.

    • Det er nok slik at det er levert dokumentasjon på innregulering av ventilasjon og varmeanlegg, men det er ikkje gjort. Aktørane har gått konkurs etter kvart, slik at det ikkje har vore noko ein kan gå på i etterkant.

    • Har også utfordringar med at fall i vasstrykket får det til å lekka i ventilane. Får ikkje forsikring på dette, kommunen får rekninga.

    Monika Thorpe (Ap) spurte om kva kommunen gjer me i neste runde for å unngå å hamna i denne situasjonen igjen. Kva er prosedyren og korleis passar me oss for dette. Myrmel svara at for Kystbarnehagen så var anbodet gjort slik at det var underleverandørane som hadde alt ansvaret på dette. Skal vera påpasselege i slike kontraktar at hovudentreprenøren ikkje kan fråskriva seg ansvaret. Ser at det er betre å ha gode planar og bruka litt meir tid, enn å jobba i blinde. Tilsett byggeleiar frå 1. oktober, har vore ein krevjande jobb, ser fram til å få denne på plass.

    Reidar Ulvøy (Ap) spurte om kven som har tilsyn og driftsansvar, er det slik at denne kjenner anlegget og forstår det. Viktig at denne typen anlegget er skikkeleg drifta. Myrmel svara at det er rett at ein må ha opp kompetansen på dette.

    Gro Kaland (Sp) sa at det er kaldt i enkelte rom på Kaland skule, Myrmel svara at det er eigne varmepumper for å varma gymsalen der. Ikkje nok energi for å få varmen opp.

    Reidar Øksnes (Sp) ba om at ein er tydelegare på dette med kontraktar og forsikring, må vera tøffe i forhandlingar om gode avtalar i forkant.

    Per Lerøy (Ap) sa at han håpar at ein får brukt lokale og seriøse firma som vert verande. Det er enkelte som spekulerer i å gjera det for raskt, og går konkurs før dei er ferdige..

    Reidar Øksnes (Sp) spurte om det er mogleg å laga noko gruppe på energiutbygging i Austrheim framover. Per Lerøy (Ap) svara at det skal lagast ein miljø og energiplan. Einingsleiar teknisk drift Myrmel sa at det er meldt tilbake til høgskular at Austrheim er interessert i samarbeid med studentar, men så langt er det ikkje blitt gjennomført. Er veldig positive til å la studentar til å gå gjennom bygga i kommunen. Myrmel sa vidare at Kystbarnehagen no har varmepumper slik at ein sparer ein del straumutgifter.

    Einingsleiar teknisk drift, Rolf Henning Myrmel, orienterte om vassutbygging:

    • Bygger no Utkilen - Mastrevik - Idrettshallen og inn på eksisterande anlegg. Grøftar også med ny kloakkleidning Mastrevik - idrettshallen for å pumpa opp kloakken som renn til indre basseng Mastrevik og pumpa det ut i Blodvika på sjøsida.

    • Fått inn veldig gode prisar på dette arbeidet.

    • Så godt som ferdig til å senda ut anbod på kloakkstasjon i Åråsvågen og på Leikvoll, dette skal ut i oktober.

    • Kloakken på Nordliheimen er rehabilitert med strømpe og er klart til bruk igjen. Sett ned ny kumme utvendig slik at ein kan kopla seg på.

    • Vatn til Førland må venta ei stund til, det er att eit stykke Åråsdalen og til høgdebassenget, som skal ha dobbel leidning. Når dette er klart, kan ein starta til Førland. Ordførar Lerøy ba om at det vert prosjektert vassleidning til Førland. Myrmel sa at det er OK, ser på kva trasé som er sannsynleg, trur det vert på eksisterande leidning

    Kommunedirektør Bjørnar Fjellhaug orienterte om det nye organisasjonskartet, og viste korleis dei ulike oppgåve er løyst og plassert i organisasjonen. Dette låg ved til kommunestyret mellom meldingane.

    Kjem på nett med namn på kven som er i dei ulike stillingane.

    Organisasjonen skal evaluerast når avdelingane har eksistert ein periode. Ser at Helse/Omsorg har eit stort spenn, men ikkje midlar til fleire leiarar. Ser på kva som er mest tenleg organisasjon.

    Ser fram til å få ein normal organisasjon frå 1.1.22 med alle kommunalsjefane på plass.

    Asbjørn Toft orienterte om arbeidet med trafikksikring:

    • Austrheim kommune er resertifisert som trafikksikker kommune no i 2021.

    • Rullerer kommuneplan for trafikksikring, Sweco har jobben, mange innspel, kjem på høyring til formannskapet oktober/november.

    • Har bedt om nedsett fartsgrense strekket Kaland-rundkjøringa Mongstad, vil ha 60 km/t der.

    • Vegdirektoratet heldt på med vurderingar enno for Vardebrua. Ordførar har no sendt brev til direktoratet. Komposittbrua er på tredje gangs vurdering i direktoratet, no er det ikkje håp om at brua skal kom på denne sida av nyttår.

    • Prosjektet med fortau seniorsenteret til sjukeheimen skal ut på anbod no i oktober, har fått støtte.

    • Kantklipping skal gjera det tryggare langs vegane. Fylket har tatt sine vegar, kommunen tar no sine. Tar også oppmerking av fortau og overgangar.

    Per Lerøy (Ap) etterlyste flytting av HC-parkering på Årås, det må komma på plass, Asbjørn Toft svara at denne merkinga skal gjerast kanskje kjapt.

    Gro Kaland (Sp) spurte om skulevegen på Kaland, der burde ein sykla på fortauet, kanskje burde vegen vore einvegskjørt i tider. Toft svara at dette med einvegskjøring vert vurdert på tider av døgnet for å gjera det tryggare.

    Gro Kaland (Sp) sa at om det ikkje kjem noko utbetringar frå Kaland skule til rundkjøringa, så må det ryddast der. Asbjørn Toft svara at kommunen jobbar med dette.

    Reidar Øksnes (Sp) sa at ein må fiksa rekkverket ved kaien på Øksnes, men får lokalt folk materialar så skal me ordna det.

    Rikke Heldal Hope spurte om lys på barnehagen-parkeringa Kystbarnehagen. Asbjørn Toft lova å sjå på dette, om det kan komma på plass.

    ---

    Ordførar Per Lerøy orienterte om arbeidet som er gjort med å vera døropnar for Jan Hedberg sine tankar om resirkulering av innsamla plast, eit mogleg prosjekt på Mongstad. Skal vera eit kick off for dette i Knarvik 28. september, der ein også kan delta digitalt.

    Handsaming i kommunestyret:
    Kommunedirektøren sitt framlegg vert samrøystes vedteke

  • Avtale om plassering av buss-skur ved snuplass for buss på Njøten Hoveddokument 853KB
    Brevdato: 07.09.2021
    Dokumenttype: Saksframlegg
    Ansvarlig enhet: Plan, bygg, oppmåling og miljø
    Sakshandsamar: Asbjørn Nagell Toft

    Dokumenter

     

    Behandling

    Einingsleiar plan, Asbjørn Toft, orienterte om saka. Toft sa at det kan skapa presedens om ein brukar midlar på å leiga plass til eit buss-skur. Kan i staden bruka eit anna eksisterande skur.

    Ordførar Per Lerøy (Ap), sa at det er ei OK løysing å bruka dette skuret, men at ein då må kjøra 100 meter på privat veg. Kommunen må ta på seg å brøyta 100 meter på privat veg. Drosje har sagt at det er OK å bruka denne vegen, kan også brukast av minibuss for skuleskyss.


    Helge Dyrkolbotn (KrF) sa at det ser ut som ei OK løysing, men må vera sikker på at grunneigarane av vegen er nøgde. Må ta ein dialog med dei på dette.

    Reidar Ulvøy (AP) sa seg samd med denne løysinga, men kan gjerne tilby at skuret kan utvidast om det er naudsynt, i samarbeid med Austrheim vidaregåande.

    Ordførar Per Lerøy (Ap), hadde framlegg til vedtak:
    Minibuss/drosje skal kjøra heilt inn til post/busskur og henta elevane der.
    Kommunen skal ha vintervedlikehald på dette stykket med privat veg.
    Det må føreligga godkjenning frå grunneigarane for vegen.

    Handsaming i kommunestyret:

    Sams for ordførar Lerøy sitt framlegg.

  • Sal av Arbeidssenteret Hoveddokument 584KB

    068/21 - 21/6906 - Sal av Arbeidssenteret

    Journaldato: 06.09.2021  1 dokument
    Brevdato: 06.09.2021
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Behandling

    Økonomisjef Odd Harald Dommersnes orienterte om saka, og sat at det ligg i budsjettet at ein skal selja ein del bygg i 2021, for å sikra finansiering av andre investeringar. Ikkje aktuelt å selja før arbeidssenteret er på plass i alternative lokale.

    Ordførar Per Lerøy Ap) sa at ein har sett på Fonnes senter og fått tilbod om å leiga deler av Fonnes Senter som arbeidssenter. Brukarane får lett tilgang ved vegen, busstopp like ved og universell tilkomst. Ligg an til offentleg anbodsrunde no på kven som har areal å tilby til eit nytt arbeidssenter. To grunneigarar ved Fonnes Senter er aktuelle, kan også vera andre som er aktuelle. Brukarane er med og påverkar korleis spesifikasjonane skal lagast. Alle vil stå fritt til å tilby areal til eit slik arbeidssenter, men det må ligga lett tilgjengeleg frå veg og med buss.

    Lerøy sa vidare at kommunen ikkje bør sitja på meir bygningsmasse enn kva ein klarer å handtera. Sett på om det kan opprettast burettslag eller likande for ungdommar eller nyetablerte. Kommunedirektøren bør selja arbeidssenteret til nokon som set i gang eit ungdomsbustadprosjekt i dette området, og gå i gang med eit tilsvarande som Sætremarka men for unge i staden for eldre. Ber om at før ein går på direkte sal lagar kommunedirektøren ei sak om å legga dette ut for ein annan type sal enn på den opne marknaden.

    Økonomisjef Odd Harald Dommersnes sa at ein må selja før ein kan starta med ROP-bustader (Rus og psykiatri) og digitalisering av Nordliheimen er også avhengig av at ein sel og får inn midlar.

    Per Lerøy (Ap) spurte om sal av eigedommar på Kaland, økonomisjef Odd Harald Dommersnes sa at ein slit med å få selt denne. Lerøy spurte om ein kan jobba meir med sal av næringseigedom ved Mongstadkrysset.

    Helge Dyrkolbotn (KrF) sa at han synest det er feil rekkjefølgje å selja før ein har orden på tilbodet til den gruppa som er brukarar av arbeidssenteret. Vil ta noko tid med anbod og ombygging før ein er på plass på Fonnes. Usikker på om det rett måte å seia dette på at ein må selja for å komma i gang, bør heller gjera som ordførar seier og selja næringsareal, enn å ta det som er dagleg arbeidsplass for denne gruppa.

    På strategikonferansen snakka ein om å få eldre til å bu heime lengre, her er det nære Nordliheimen, legekontoret, Mastrevik Torg med meir. Bør styra kva kommunen sel dette til. Tilby det på ein annan måte, til noko som er samfunnsnyttig for oss.

    Inger-Lise Brekke (H) sa at etter hennar syn tek ein her denne gruppa på alvor. Er ikkje usikkert no som det er fleire som er aktuelle for tilbydarar. Ei løysing på Fonnes kan brukast også ungdommar, og med nærleik til nye eldrebustader på Kaland kan dei bruka dette som kafé.

    Per Lerøy (Ap) sa at det er tomter i området som er aktuelle for eldrebustader, i regi av både saniteten og privat utbyggar, samt kommunen har på gang areal på Kaland. Men ungdommar manglar butilbod, det er ei klar melding frå ungdomsrådet om at det bør komma bustader for ungdommar som vil flytta heim igjen.

    Reidar Øksnes (Sp) sa at ein er kommen så langt på året at kommunen anten måp setta prosjekt på vent eller seia at me må skaffa pengar. Men kva er summen, og kor langt kjem me med digitalisering og anna med denne summen. Følgjer godt ordførar sitt poeng, ungdomsbustader har me diskutert mykje. Dagens brukarar av arbeidssenteret må verta ivaretekne på ein god måte. Leige av lokale til nytt arbeidssenter må komma opp som ei eiga sak. Ønskjer seg at taksten kjem inn, før ein vedtek sal av arbeidssenteret.

    Jan Erik Espelid (Bygdelista) spurte om kommunen kunne tilbydd Austrheim næringsselskap å kjøpa denne eigedommen til takst.

    Økonomisjef Odd Harald Dommersnes sa at det kjem ei sak til neste kommunestyret om at Austrheim Næringsselskap kjøper ein del eigedommar som kommunedirektøren ønskjer å selja.

    Per Lerøy (Ap) sa at han synest den ideen er god, men då må kommunestyret som generalforsamling i næringsselskapet gje styret beskjed om å kjøpa dette og bruka som ungdomsbustader, som dei kan selja igjen seinare, som andelsleilegheiter. Dette bør ein ta opp i saka om korleis næringsselskapet skal brukast vidare. Kan vera bustader om dei skal leiga ut via kommunen. Kunne me brukt næringsselskapet til å bygga ungdomsbustader og ta inn selja andelar og leigeinntekter.

    Dommersnes sa at det er eigedomsselskap andre stader som er brukte nettopp til å utvikla bustader til grupper som treng det.

    Helge Dyrkolbotn (KrF) sa at han støttar ideen frå Espelid (Bygdelista), då kan ein styra meir kor hastig ein er med dette, får tid til å få på plass brukbart arbeidssenter til dei som skal bruka det.


    Ordførar Lerøy (Ap) kom med framlegg til vedtak: Utsetter denne saka og tar den opp i samband med sak om framtida for Austrheim næringsselskap, og korleis ein vil bruka det selskapet.

    Reidar Øksnes(Sp) spurte om korleis ei utsetting vil påverka dei prosjekta ein heldt på med?

    Ordførar Lerøy (Ap) sa at prosjekta ikkje har komme så langt at det skal midlar ut neste månad. Har dessutan to bustader til som ein ønskjer å seila for i alt 3,1 til 3,2 millionar kroner.

    Inger-Lise Brekke (H) sa at ein ikkje må venta for lenge til å selja slik at en ikkje får realisert det ein heldt på med.

    Kommunedirektør Bjørnar Fjellhaug åtvara mot å trekka tilbake alle sala, for desse er naudsynte naudsynte for å komma i gang med prosjekta. Må ta nokre val om å selja for å komma i gang med investeringar. Utan å selja kjem ein ikkje i gang med dei investeringar som er sette opp.

    Ordførar Lerøy (Ap svara at det er semje om å selja arbeidssenteret, men kven skal det seljast til? Sel ein til næringsselskapet så har ein til dels styring med tomta og kva som kjem på tomta seinare. Før saka kjem tilbake så må ein sjå kva ein vil med Næringsselskapet i framtida, bustader inkludert ungdommar, kanskje byta namn frå næringsselskap til bolig- og tomteselskap. Ulike moglegheiter, kommunestyret bestemmer.

    Reidar Øksnes (Sp) sa at han støttar utsetting, ber om at gruppeleiarforum vert brukt til å ta eventuelle avklaringar undervegs. Støtte frå ordførar til dette.

    Handsaming i kommunestyret

    Sams for utsettingsframlegg.

  • Rapport 2. tertial 2021 Hoveddokument 595KB

    069/21 - 21/6905 - Rapport 2. tertial 2021

    Journaldato: 17.09.2021  2 dokumenter
    Brevdato: 06.09.2021
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Behandling

    Økonomisjef Odd Harald Dommersnes orienterte om saka.

    Reidar Øksnes (Sp) sa om skogrydding at det ikkje er kommunen si oppgåve til å rydda der andre er grunneigarar, men ser at det ein har kom i gang med gode planar for beitebruksplan så ga det gode resultat. Landbruket kan bidra på ein positiv måte, kan få rydda meir areal på den måten, ved å vera litt kreative.

    Ordførar Per Lerøy (Ap) sa at dette er ikkje almisser til grunneigarar eller dei som driv gard, her er det på eigedom kommunen eig, rundt den gamle barnehagen og vasstårnet på Årås. Trur ikkje det går 308.000 kroner, men det vil gå ein del 1000 kroner til dette. Dette er mellom områda som administrasjonen har teke opp for å sikra Åråsfeltet mot skogbrann. Må gjerne bruka det attståande til å støtta andre grunneigarar som vil rydda skog og bruka meir til beiteland. Bakkøy var godt døme på kor ope det vart etter støtte til gjerde og rydding. Om det er att av dei 308.000 etter arbeidet så er det OK å støtta slikt arbeid.

    Aslak Bakke (H) sa at kommunen bør gå framfor som eit godt døme her. Bør gjerne støtta til gjerde og anna for å få rydda meir areal.

    Per Lerøy (A) sa at ein startar med rydding på eigen grunn, om det står noko att så bør kommunedirektøren komma tilbake med framlegg på korleis midlane skal brukast.

    Handsaming i kommunestyret:
    Samrøystes for kommunedirektørens framlegg til vedtak.

  • Utviding av IKT Nordhordland kommunalt oppgåvefellesskap  Hoveddokument 721KB
    Brevdato: 10.09.2021
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Bjørnar Fjellhaug

    Dokumenter

     

    Behandling

    Ordførar Per Lerøy (Ap) sa at han la til grunn at ei utviding kan gje reduserte kostnader for IKT.

    Handsaming i kommunestyret:
    Samrøystes for kommunedirektørens framlegg til vedtak.

  • Framtida til kyrkjelydshuset Hoveddokument 936KB

    071/21 - 21/7160 - Framtida til kyrkjelydshuset

    Journaldato: 17.09.2021  5 dokumenter
    Brevdato: 15.09.2021
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Bjørnar Fjellhaug

    Dokumenter

     

    Vedtak

    • Saka om sal av kyrkjelydshuset vert utsett til soknerådet har teke stilling til kontortilbodet dei får  i kommunehuset.

    • Det vert inngått ny avtale om evt. tenesteyting. Dersom tenesteyting erstattar oppgåver som vert gjeven gjennom tilskot, skal dette synleggjerast.

    • Ved årleg budsjetthandsaming skal tilskot og andre ytingar koma tydeleg fram.

    • Administrasjonen må ta kontakt med grendene som soknar til Kyrkjelydshuset, Austrheim Skule, for å tilby og sjekke ut interessa for å bruka dette som felles grendahus.



    Behandling

    Om ugildskap sa ordførar Per Lerøy (Ap) om Helge Dyrkolbotn og Anne Dahle Austrheim, at som leiar og nestleiar i soknerådet har dei så stor interesse i denne saka at dei bør vurderast som ugilde. Dei resterande 15 representantar var samde om at Anne Dahle Austrheim og Helge Dyrkolbotn var ugilde (desse to røysta ikkje over dette).


    Dei som er innkalla som vara for Helge Dyrkolbotn og Anne Dahle Austrheim tok plass i møtet, dette var Stein Kåre Løvslett og Inger Anne Austrheim.

    Kommunedirektør Bjørnar Fjellhaug orienterte om saka. Kommunen kan dekka tilbodet om å stilla kontor ved å flytta kyrkja inn på kommunehuset. Formannskapet har teke ut fysioterapeut frå skissene for endringar av kommunehuset, desse skal til lokale på Mastrevik Torg, ser no at ein skal klara ombygging av kommunehuset også utan å flytta biblioteket. Om ein skal la soknet leiga bygget der dei er i dag, på ein tiårsavtale, så må ein sjå nøyare på dette. Bør sjå på heilskapen for avtalen med kyrkja for å utnytta det best mogleg. Om kommunestyret vil ha kyrkjelydshuset så skal ein gjera det, men rår ikkje til dette.

    Varaordførar Inger Lise Brekke (H) spurte om en har bygningar å tilby dei tilboda som brukar kyrkjelydshuset har i dag. Fjellhaug svara at dette kan løysast andre stader, som på skular og barnehagar og seniorsenteret.

    Reidar Øksnes (Sp) sa at om ein samanliknar med Øksnes, har Drøvel gjort om bedehuset til grendahus som er ei stor rikdom for bygda. Bør utsetta denne saka for å ta runde til bygdene for å sjå om dei rundt kunne vore interessert noko liknande for kyrkjelydshuset. Er det mogleg at bygget kan vera både for kyrkja og ein lokalitet for bygdefolket? Øksnes hadde sitt utsetjingsframlegg.

    Om dette sa ordførar Per Lerøy (Ap) at soknerådet hadde ein runde i vår bygdene rundt utan å komma fram til noko.

    Reidar Øksnes (Sp) sa at kommunen som eigar av bygget bør ta denne runden til bygdene.

    Det var pause i møtet for gruppemøte

    Per Lerøy (Ap) sa at Ap og Høgre vil at ein skal ta fatt i punkt 2 og 3 i kommunedirektøren sitt framlegg. Vil utsetta saka i punkt 1 men ha med seg dei to andre punkta. Soknet bør få sjå alternativa i kommunehuset før dei skal flytta. Viste også til orienteringssak 004/21 om ny kyrkjeleg organisering der ein del skal ligga under prostiet og ikkje i kyrkja. Vert Austrheim sokn ein del av Nordhordland kyrkjelege fellesråd? Høgre og Ap meiner at den organiseringa ein har i dag er ein godt tente med, ikkje begeistra for utkastet i 004/21, og vil setta ned utval for å svara på denne høyringa. Heng saman desse sakene. Om me i framtida skal ha kyrkjeleg fellesråd som vert styrt frå Knarvik, er det ikkje sikkert at behovet vert det same som no. Vil utsetja punkt ein i denne saka, til det føreligg ei skildring av korleis dette løysast og kva soknet sagt om det, og til det kjem ei endeleg skildring frå statleg hald om korleis kyrkja skal organiserast.

    Einingsleiar teknisk drift, Rolf Henning Myrmel, sa at slike skisser kan vera klare til neste kommunestyremøte.

    Stein Kåre Løvslett (KrF) viste til at kommunedirektøren ba om eit endringsframlegg, endringa må vera at punkt 1 er at ein kjem tilbake til når løysinga for kontor når dette er lagt fram for soknet, og soknerådet har fått sjansen til å ta stilling til dette.

    Reidar Øksnes (Sp) sa at han heldt oppe sitt framlegg, og sa han trur folkemøte i samband med strategi kan vera eit godt høve til å flagga dette for bygdene som krinsar til kyrkjelydshuset.

    Inger-Anne Austrheim og Stein Kåre Løvslett gjekk frå etter denne saka, og Helge Dyrkolbotn og Anne Dahle Austrheim gjekk tilbake i møtet (alle KrF).

    Handsaming i kommunestyret:

    Det vart røysta over utsetjingsframlegget frå Reidar Øksnes (Sp). Det fall mot Bygdelista, KrF og Sp.

    Per Lerøy ba om punktvis avrøysting over punkta i hans framlegg til vedtak.

    Kulepunkt 1: Sams

    Kulepunkt 2: Vedteke mot ei røyst, Gro Kaland, Sp.

    Kulepunkt 3: Sams

    Reidar Øksnes ba om at siste part av hans framlegg vart vedteke som eit kulepunkt 4 i vedtaket. Ordførar Per Lerøy sa at det var OK å gjera det slik, og kommunestyret var sams om at dette kjem inn som kulepunkt nummer 4 i vedtaket.

  • Ny utsending til årsmøtet i Bergen og Omland friluftsråd Hoveddokument 438KB
    Brevdato: 17.09.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Nestleiar i valnemnda, Aslak André Bakke (H), la fram framlegg på Oskar Nordgard som ny

    Handsaming i kommunestyret:
    Samrøystes for at Oskar Nordgard er ny representant/utsending til årsmøtet i Bergen og Omland friluftsråd.

  • Ny tredje varamedlem til representantskapet i NGIR Hoveddokument 434KB
    Brevdato: 17.09.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Nestleiar i valnemnda, Aslak André Bakke (H), la fram framlegg på Aslak André Bakke som ny tredje varamedlem til representantskapet i NGIR.

    Handsaming i kommunestyret: Samrøystes for at Aslak André Bakke er ny tredje varamedlem til representantskapet i NGIR.

  • Oppdatert finansreglement Hoveddokument 573KB

    074/21 - 21/7259 - Oppdatert finansreglement

    Journaldato: 22.09.2021  2 dokumenter
    Brevdato: 20.09.2021
    Dokumenttype: Saksframlegg
    Ansvarlig enhet: Økonomi - Skatt
    Sakshandsamar: Bjarne Ve Sæbø

    Dokumenter

     

    Behandling

    Bjarne Ve Sæbø orienterte om saka.
    - Startlån frå Husbanken skal haldast utanom det som heiter netto renteberande gjeld.
    - Aukar den moglege delen på enkeltlån til ein tredel av samla portefølje, mot 25 prosent som det har vore før.

    Handsaming i kommunestyret:
    Samrøystes for kommunedirektørens framlegg til vedtak.

  • Spørsmål frå Jan Erik Espelid, Bygdelista i Austrheim Hoveddokument 428KB
    Brevdato: 01.11.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Jan Erik Espelid (Bygdelista) la fram spørsmålet sitt om innføring av utvalsmodellen:

    Bygdelista i Austrheim

    Førespurnad til ordføraren om innføring av utvalsmodellen

    Nytt organisasjonskart for Austrheim kommune syner ei organisering med tre etatssjefar; kommunalsjef for oppvekst og kultur, kommunalsjef for helse og omsorg og kommunalsjef for forvaltning og service.

    I den samanhengen etterlyser Bygdelista i Austrheim framdrift i arbeidet med politisk utvalsmodell organisert under dei tre etatssjefane; utval for oppvekst og kultur, utval for helse og omsorg og utval for næring og miljø tilsvarande modellen som Austrheim kommune har hatt tidlegare.

    Innføring av politisk utvalsmodell er programfesta av Høgre, Sp og Bygdelista. KrF seier dei vil vurdera det. Modellen vil føra til breiare deltaking i det politiske arbeidet og sannsynlegvis større engasjement. Fleire politikarar vil få eigarskap til sakene. Modellen vil styrkja faglegheita, og han vil avlasta formannskapet. Det er også sannsynleg at modellen vil auka rekrutteringa til politikken.

    Jan Erik Espelid

    Bygdelista i Austrheim

    Ordførar Per Lerøy (Ap) sa at han meiner det tidlegare er bestemt, og bestilt av tidlegare rådmann, at dette skal utgreiast. Ordføraren ba om at dette vert henta fram att og utgreidd.

Frammøte

Frammøte
PolitikarPartiMedlemstypeE-Post
Per LerøyArbeiderpartietOrdførarper.leroy@austrheim.kommune.no
Inger Lise BrekkeHøgreVaraordførarilb5943@yahoo.no
Reidar UlvøyArbeiderpartietMedlemreidar@subseaintv.no
Britt Mary Skaalevik LerøyArbeiderpartietMedlembritt.leroy@hotmail.no
Hardy PedersenArbeiderpartietMedlemhardpe@online.no
Monika ThorpeArbeiderpartietMedlemmonikath@online.no
Morten SognnesHøgreMedlemmorten.sognnes@austrheim.kommune.no
Aslak André BakkeHøgreMedlemaba@mrbakke.no
Rikke Heldal HopeHøgreMedlemrikke.heldal.hope@hotmail.com
Helge DyrkolbotnKristeleg FolkepartiMedlemHelge.Dyrkolbotn@vlfk.no
Anne Dahle AustrheimKristeleg FolkepartiMedlemannedahleaustrheim@gmail.com
Randi Keilegavlen DyrøyKristeleg FolkepartiMedlemrandidy1@start.no
Bjørn Inge Håland DyrkolbotnSenterpartietMedlemBjorn.Inge.Dyrkolbotn@austrheim.kommune.no
Reidar ØksnesSenterpartietMedlem56roek@gmail.com
Idar Johan HoplandArbeiderpartietVaramedlemidar.hopland@gmail.com
Jan Erik EspelidBygdelista i AustrheimVaramedlemjespe62@hotmail.com
Gro KalandSenterpartietVaramedlemgro.kaland@outlook.com
Rolf-Henning Myrmelrolf.henning.myrmel@austrheim.kommune.no
Monika Kvammemonika.kvamme@austrheim.kommune.no
Asbjørn Nagell Toftasbjorn.n.toft@austrheim.kommune.no
Bjørnar Fjellhaugbjornar.fjellhaug@austrheim.kommune.no
Bjarne Ve Sæbøbjarne.ve.sebo@austrheim.kommune.no
Ann Kristin Leirvåg (Ikke møtt) ArbeiderpartietMedlemKristin1964@gmail.com
Marita Terese Bru (Ikke møtt) Bygdelista i AustrheimMedlemmarita.bru2209@gmail.com
Lise Renate Helle (Ikke møtt) SenterpartietMedlemLiserenatehelle@gmail.com

Kontaktinformasjon om tenesta

Austrheim kommune
Sætremarka 2
5943 Austrheim
Telefon: 56162000
ACOS Innsyn levert av ACOS AS