Utval: | Eldrerådet |
---|---|
Dato: | 15.04.2021 18:00 - 20:00 |
Møtestad: | Kommunehuset |
Status: | Møtet er ferdig protokollert |
Sakskart: | , |
Møteprotokoll: |
Innkalling og sakliste vart godkjent
Handsaming i rådet:
Rådmannen sitt framlegg vart samrøystes vedteke
Møteprotokoll frå forrige møte vart godkjent
Handsaming i rådet:
Rådmannen sitt framlegg vart samrøystes vedteke
Eldrerådet tok meldinga til orientering.
Leiar Gro Johannessen orienterte om at ho hadde vore på webinar om dette saman med Ivar Bergsvik frå rådet.
Webinaret var saman med andre eldreråd i regionen, og handla om kva Helsehuset skal brukast til, mellom anna med tilbod av ulike sjukehustenester som dialyse, hudpleiepoliklinikk med meir. Johannessen og Bergsvik viste til møtereferatet, som vart delt ut.
Ivar Bergsvik viste til at det har vore arbeidd med å få på plass røntgen på Helsehuset, noko som har vore eit ønskje frå mange, men dette var ikkje på plass.
Ikkje klart kva spesialisthelsetenester som kjem i Helsehuset.
Handsaming i rådet:Rådmannen sitt framlegg vert samrøystes vedteke: Eldrerådet tok meldinga til orientering.
Orienteringssaker:
- Status betre nett Nordliheimen
Møtesekretæren vedgjekk at dette spørsmålet ikkje var godt nok førebudd. Kjem tilbake til det på seinare møte.
- Datakurs i samarbeid med Frivilligsentralen.
Møtesekretæren orienterte om at dette er utsett på grunn av Korona-situasjonen. Kommunal kriseleiing har sagt at dette må venta til smittepresset er lågare/vaksinering er på plass.
- Etterlysing av benkar i busskur.
Leiar Gro Johannessen spurte om ein ikkje skal etterlysa benkar i busskura, på vegner av dei som reiser med buss. Det var semje i rådet om at ein sender eit spørsmål om dette til Austrheim kommune, ved formannskapet, som eventuelt kan ta det vidare med fylkeskommunen.
Når det gjeld busskur ønskjer rådet også å ta opp at busskur med store vindusflater kjennest utrygge i sterk vind. Ein kan sjå til skuret ved Blomhaugane der glasveggen har reist med nordavinden, medan det ved senteret knakar i vinden, og dessutan er det heller ikkje regntett.
Møtesekretæren sender dette vidare til kommunen, ved formannskapet.
- Webinar om Region Nordhordland Helsehus (Gro og Ivar - sjå også melding)
Vart tatt under meldingssaker.
- Innspel om TV på Nordliheimen (Gro)
Frå bebuar på Nordliheimen er det etterlyst eit breiare kanaltilbod for dei som bur på Nordliheimen. Det kostar ein del om ein skal betala dette sjølve.
Idar Hopland sa at det er for snevert å berre ha nokre få kanalar, også der må det vera mogleg å ha underhaldningskanalar med fotball eller annan sport. Ikkje urimeleg å venta dette. Først må ein få ei oversikt over kva kanaltilbod det er på Nordliheimen i dag , og kva det kostar.
Ivar Bergsvik sa seg samd i at ein må kunna ha ein del sport, om ikkje alle premium-tilboda.
Solveig Hopen sa seg samd i ønsket, men på eit generelt grunnlag utan å knyta det til ein enkeltperson.
Semje i rådet om at ein først får ei orientering om kva kanaltilbod som er på Nordliheimen i dag, og så bestemmer rådet seg utifrå det. Tek det opp igjen i neste møte i eldrerådet.
Handsaming i rådet:
Samrøystes for å ta orienteringane til vitande.
Leiar Gro Johannessen viste til at RMNF har prioritert ei betre løysing ved Seniorsenteret/Nordliheimen, der det manglar fortau, og overgang ved Samfunnshuset. Husmorlaget har peika på dei same, samt betre lys på ulike fotgjengarovergangar slik det er i Åråsdalen, samt at det er vanskeleg å passera trygt forbi Austrheimsvegen 867.
Johannessen spurte om Eldrerådet kan støtta det frå RMNF og Husmorlaget, evt. tillegg.
Solveig Hopen viste til at det er gjort mykje på Kaland/Fonnes, der det berre er Vardebrua som manglar.
Møtesekretæren sa at det er lova 200.000 frå Vestland Fylkeskommune til ei løysing ved Nordliheimen og Seniorsenteret, og at administrasjonen ser for seg ei løysing som tar både fortau og ny innkjøring til Seniorsenteret.
Ivar Bergsvik sa at han støttar framlegget om at Eldrerådet støttar RMNF og Husmorlaget sitt innspel.
Idar Hopland spurte om det er mogleg å gjera noko med vegløysinga forbi seniorsenteret for å gje betre sikt.
Handsaming i Eldrerådet:
Samrøystes for felles framlegg til vedtak.
Rådet diskuterte planarbeidet som er på gang, og er positive til at det kan komma nye bustadområde i kommunen.
Handsaming i rådet:
Samrøystes for felles framlegg til vedtak.
Rådet diskuterte planarbeidet som er på gang, og er positive til at det kan komma nye bustadområde i kommunen.
Handsaming i rådet:
Samrøystes for felles framlegg til vedtak.
Eldrerådet diskuterte ulike klima- og miljøtiltak., og konkluderte med at ein ønskjer å komma med eit innspel om Åråsvågen, der det lenge har vore plager med forureining frå pumpestasjonen. Om dette problemet hadde blitt løyst, kan det bli ein fin badeplass sentralt i kommunen.
Handsaming i rådet:
Samrøystes for å ta orienteringane til vitande.
Leiar i Eldrerådet Gro Johannessen fekk støtte i rådet for å henta inn ulike tilbod i samband med Eldredagen 2021.
Hentar inn tilbod frå Samfunnshuset, både med servering av mat og utan servering av mat.
Hentar inn tilbod frå Kilstraumen på levering av mat til Samfunnshuset.
Det var semje om å invitera Rigmor samt Nordliheimen til møtet i rådet 1. juni, med tanke på planlegging av underhaldninga på eldredagen, og for å diskutera korleis ein kan få det slik at bebuarane frå Nordliheimen kan komma, slik dei har gjort tidlegare.
Ivar Bergsvik tok opp at ein kan komma med innspel frå eldrerådet om kva underhaldning ein ønskjer på eldredagen. Kan komma med innspel til Gro Johannessen eller direkte til Rigmor Ludvigsen.
Gro Johannessen las opp framlegg til ei lita påminning som går i bladet Kyrkjebakken no i april, så tar ein endeleg påmelding seinare.
Må ha bindande påmelding, og ta med evt. allergiar og ønskje om skyss.
Når det gjeld kven som ikkje betaler for å vera med ønskjer rådet å invitera hundreårsjubilantar (og eldre) med følgje. Det har også vore vanleg at leiar ikkje betaler eigendel.
Frivilligsentralen jobbar elles med ein aktivitetsdag som kan engasjera dei eldre, her kan Eldrerådet stå som medarrangør.
Dette vil bli diskutert meir på seinare møte
Politikar | Parti | Medlemstype | E-Post |
---|---|---|---|
Gro Vigdis Johannessen | Medlem | grovigdis.johannessen@gmail.com | |
Ivar Bergsvik | Arbeiderpartiet | Medlem | ivar.bergsvik@gmail.com |
Idar Johan Hopland | Arbeiderpartiet | Medlem | idar.hopland@gmail.com |
Solveig Hopen | Høgre | Medlem | mastrevik@fribokhandel.no |
Reidar Øksnes (Ikke møtt) | Senterpartiet | Medlem | 56roek@gmail.com |