Her ser du informasjon om eit møte i Kommunestyret.
 
Clear
     
 

Møte i Kommunestyret den 17.02.2022

Kommunestyret
17.02.2022 18:00 - 22:50
Utval:Kommunestyret
Dato:17.02.2022 18:00 - 22:50
Møtestad:Austrheim samfunnshus
Status:Møtet er ferdig protokollert
Sakskart:Innkalling - Kommunestyret - 17.02.2022 (samanslått) (Hoveddokument) , Innkalling - Kommunestyret - 17.02.2022 (framside) (Vedlegg)
Møteprotokoll:Protokoll - Kommunestyret - 17.02.2022 (Hoveddokument)

Saksliste

  • Godkjenning av innkalling og saksliste Hoveddokument 63KB
    Brevdato: 10.02.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Rikke Heldal Hope (H) ba om ei orientering om korleis det vert framover for opningstid i barnehagane. Det har vore redusert opningstid i barnehagane dei siste månadene, noko som kan vera utfordrande for mange foreldre. Her svara kommunalsjef for oppvekst og kultur Trine Merete Jansen at ein håpar å gå tilbake til vanleg opningstid frå mars. Men det er høgt sjukefråvær i barnehagane, og å kutta opningstida er eit tiltak som ligg i planen i slike tilfelle med stort sjukefråvær. Har også spurt foreldre om å halda barn heime. Har tilbod om vanleg opningstid for barn av foreldre i samfunnskritiske jobbar, og er raus i tilfelle der det skapar store utfordringar for foreldra med kortare opningstid. Alternativet den siste tida til redusert opningstid, ville vore å stenga avdelingar. Har omdisponert for å få fleire vaksne inn i avdelingane medan barnehagen er open, ved å ta planlegging på kveldstid. Håpar at det skal bli meir stabilt etter at Korona er over, mange tilsette som har blitt smitta medan dei har vore på jobb i barnehagane. Elles får foreldra refundert noko av betalinga på grunn av redusert opningstid.

    ---

    Reidar Ulvøy (Ap) kom med følgjande framlegg til kommunestyret:
    I starten av kvart kommunestyremøte skal det orienterast om tal rapporterte hendingar knytt til dei respektive avdelingar, delt på rapportar under behandling, og tal som er ferdigbehandla. Rapportering skal gjelda alle tilsette i kommunen, inklusiv lærlingar.

    Ulvøy sa at framlegget er basert på gjeldande praksis i industrien, der ein rapporterer både positive, negative hendingar, forbetringsframlegg og så bortetter. Kommunedirektøren noterte seg innspelet frå Ulvøy.

    ---

    Reidar Øksnes (Sp) sa at ein må diskutera korleis ein ligg an med tanke på nye utbyggingar, og om ein har skodd seg for arealbehov til bustader og liknande. Her svara Per Lerøy (Ap) at dette gjerne kan vera eit eige tema for kommunestyret i neste møte, sidan det kan utløysa store investeringar for kommunen, som til dømes avlaupsleidning frå Kaland og ut på Fonnesflaket.


    Handsaming i kommunestyret:
    Kommunedirektøren sitt framlegg vert samrøystes vedteke

  • Godkjenning av møteprotokoll Hoveddokument 44KB

    002/22 - 21/9722 - Godkjenning av møteprotokoll

    Journaldato: 30.12.2021  2 dokumenter
    Brevdato: 30.12.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Handsaming i kommunestyret:
    Kommunedirektøren sitt framlegg vert samrøystes vedteke

  • Meldingar Hoveddokument 49KB

    003/22 - 22/1339 - Meldingar

    Journaldato: 11.02.2022  1 dokument
    Brevdato: 10.02.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Behandling

    Helge Dyrkolbotn (KrF) viste til oppmodinga frå Rådet for menneske med nedsett funksjonsevne (RMNF) om å støtta arbeidet med gangveg frå Kilstraumen og mot Utkilen. Her svara ordførar Per Lerøy (Ap) at det står høgt på lista i trafikksikringsplanen, og at ordførar vil bruka eit kvart høve til å løfta denne saka.

    Handsaming i kommunestyret:
    Kommunedirektøren sitt framlegg vert samrøystes vedteke

  • Godkjenning av forprosjekt og tilrettelegging av Årås skule, Kaland skule og Kaland barnehage Hoveddokument 92KB
    Brevdato: 19.01.2022
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Bjørnar Fjellhaug

    Dokumenter

     

    Vedtak

    Forprosjekt for ombygging/tilrettelegging av Årås skule og Kaland skule og Kaland barnehage vert godkjent slik det ligg føre. Kostnadsramma er sett til kr 35 mill. Finansiering vert gjort gjennom låneopptak på kr 25 mill i 2022 og kr 10 mill i 2023. Prosjektet har mål om å vera ferdigstilt til skulestart 2023.

    Følgjande delprosjekt skal prioriterast i følgjande rekkjefølgje:

    1. Kaland skule og barnehage

    2. Årås skule

    3. Utomhusplan

    Forprosjektet vert delt i to prosjekt, eit for Årås og eit for Kaland. Prosjekta er inkl. utomhusarealet. Prosjekta vert tilrådd lagt ut på anbod snarast.



    Behandling

    Monique Meldahl frå Norconsult viste skisser over utbyggingsplanane slik dei er i dag (presentasjonen ligg ved møteboka).

    Helge Dyrkolbotn (KrF) sa at det er supert at ein har komme så langt, no gjeld det å få dette ut på anbod. Ikkje pirka i detaljar, då vert det dyrare og tek meir tid. Dyrkolbotn spurte om kvifor ein skal ta Kaland først og Årås etterpå, og meinte at det var betre å starta begge prosjekta samstundes. Viktig å ha ei god løysing på Årås, der ein samlar ungdomsskulen. Om utomhusareala sa Dyrkolbotn at det er OK å venta med dette, sjølv om ein gjerne skulle hatt midlar til å ta dette med ein gong.

    Kommunedirektør Bjørnar Fjellhaug svara at det ligg inne 25 millionar i 2022 til skuleprosjekta, og 10 millionar i 2023. Intensjonen er å gjennomføra prosjekta parallelt, men må sjå anboda først. Dersom prosjektet må delast, er det Kaland som blir tatt først, sidan dei no ikkje har skulekjøkken (Kaland 1 er stengt på grunn av vasslekkasje).

    Ordførar Per Lerøy (Ap) sa at ein kan få betalingsplan der rest blir betalt i 2023.

    Reidar Øksnes (Sp) sa at ein må vera sikker på at det som blir gjort, blir gjort skikkeleg, og at det er skikkeleg oppfølging av dette byggearbeidet. Øksnes viste til tidlegare byggeprosjekt der det har vore problem. Her svara kommunedirektør Bjørnar Fjellhaug at nettopp dette er noko av grunnen til at administrasjonen seier at ein skal ta Kaland først, og Årås etterpå, om ein ikkje kan ta begge prosjekta parallelt.

    Per Lerøy (Ap) sa at de er bra at ein har komme så langt utan store usemjer. Under synfaringa var Kaland eit trist skue, medan Årås var betre enn ein hadde trudd. Dette treng ikkje vera slutten på store skuleprosjekt, dersom ein lukkast med utbyggingsplanar for nye verksemder på Mongstad, vil det vera behov for fleire barnehage- og elevplassar på Kaland. Men først gjera dette arbeidet og sikra ein god plass for born, elevar og tilsette.

    Aslak Bakke (H) spurte om det er ein plan for uteområda ved skulane. Her svara kommunedirektør Bjørnar Fjellhaug at det er planar, men det er knapt med midlar. Må sjå på ein utomhusplan på litt sikt, dette kan leggast inn i eit større planarbeid, som kan lagast med støtte av tippemidlar.

    Handsaming i kommunestyret:
    Kommunedirektøren sitt framlegg til vedtak vart samrøystes vedteke.

  • Orienteringssak Hoveddokument 51KB

    005/22 - 22/1340 - Orienteringssak

    Journaldato: 10.02.2022  1 dokument
    Brevdato: 10.02.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Orienteringane vert teke til vitande.

    Til spørsmål om formell godkjenning av VA-investeringar var det semje om at kommunestyret gjev formannskapet mynde til å revidera investeringsplanen under møtet 24. februar.



    Behandling

    Møtet starta med utdeling av diplomet som viser at Austrheim kommunehus er sertifisert som miljøfyrtårn.
    Alver-ordførar Sara Hamre Sekkingstad stod for utdelinga.

    Det var deretter orientering om Nordhordland og Gulen interkommunale renovasjonsselskap, ved dagleg leiar Bjørn Berg og økonomisjef Ove-Christian Fredriksen. Presentasjonen deira ligg ved møteboka.

    Christopher Straumøy, jurist tilsett ved byggesak, ga kommunestyret opplæring i gildskap. Presentasjonen ligg ved møteboka.

    Einingsleiar teknisk drift, Rolf Henning Myrmel, orienterte om arbeidet med kommunen sitt næringsområde ved Mongstadkrysset. Har makebytta noko areal med Equinor, for å sikra seg eit samanhengande område. Kommunen er no i dialog med Statnett, som har behov for å deponera stein frå utbygging av transformatorstasjon i Mongstad-området. Det er ein kostnad for kommunen her, men Statnett har sagt at det er mogleg å venta med betaling til 2024, og det gjer det mogleg å selja arealet før ein får denne rekninga.

    Einingsleiar teknisk drift, Rolf Henning Myrmel, orienterte om VA-investeringar etter prioritert handlingsplan for 2017-2027. Har sist veke fått på plass sjøleidning til Mastrevik, som sikrar volum og betre forsyningstryggleik. Treng utvida investeringsrammer for å gjennomføra det arbeidet som ein er i gang med i 2022. Investeringane ligg an til 15,5 millionar, ramma er 12 millionar.

    Inger-Lise Brekke (H) spurte om vatn til Solen-Førland. Her svara Rolf Henning Myrmel at dette ikkje står på planen så langt, men politikarane kan endra det. Administrasjonen ser for seg at det vert store kostnader framover med avlaup, for å møta venta miljøkrav. All utbygging av bustader med avlaup mot indre basseng, der kan ikkje få byggeløyve utan at ein har opplegg for å pumpa denne kloakken nord til Åråsvågen og vidare. Myrmel viste til at dette er den prioriteringslista som vart laga i 2017.

    Helge Dyrkolbotn (KrF) sa at halvannan million til pumpestasjon på Leikvoll kan tena seg inn sjølv på tilknytingsavgift.

    Til spørsmål om formell godkjenning av VA-investeringar var det semje om at kommunestyret gjev formannskapet mynde til å revidera investeringsplanen under møtet 24. februar.

    Reidar Øksnes (Sp) spurte om ny vassleidning vil gjera slutt på problem med trykk i Åråsfeltet, Myrmel svara at det kanskje ikkje vil gjera heilt slutt på det, men betra mykje. Sleppa vanskar ein har hatt med at ein ikkje klarer å fylla høgdebassenget på sommaren. Vidare kan ein isolera Åråsfeltet og dermed sikra trykket der.

    Myrmel sa om vassleidning til Solen/Førland at det kan sikra ein ringleidning til Austrheim-feltet med meir, der det no er ein dårleg leidning frå høgdebassenget gjennom myrane.

    Kommunalsjef Monika Kvamme orienterte om Korona-situasjonen. Dei fleste tiltaka er avvikla, paradoksalt nok sidan det no er mange smitta. 1254 PCR-testar tatt i 2021, men berre 79 smitta. I 2022 er det mange positive, med eigenmeldte rundt 300 siste to veker. Har vaksinert vel 6.000 for Korona, no er dette endra frå drop in-vaksinering og til legekontoret.

    Kommunedirektør Bjørnar Fjellhaug viste kommunen si nye nettside, der kvalitetssystemet med alle rutinar ligg lett tilgjengeleg. Det gjeld også avvikssystemet. Fjellhaug viste også til oppfølgingssystemet for å kontrollera at politiske vedtak vert følgde opp.

    Handsaming i kommunestyret:
    Kommunedirektøren sitt framlegg vert samrøystes vedteke

  • Tilskot til VA til Krossøy Hoveddokument 79KB

    006/22 - 22/429 - Tilskot til VA til Krossøy

    Journaldato: 20.01.2022  3 dokumenter
    Brevdato: 17.01.2022
    Dokumenttype: Saksframlegg
    Ansvarlig enhet: Teknisk drift
    Sakshandsamar: Rolf-Henning Myrmel

    Dokumenter

     

    Vedtak

    Austrheim kommune vil ikkje overta drift og vedlikehald påomsøktevassleidningar.Grunngjevinga er at desse ikkje oppfyller krav i VA-normen til Austrheim kommune. Kommunen kan ikkje støtte tilskot til privat vassleidningar grunna at eit slik tilskot må førast i drift. Det er ikkje avsett midlar for tilskot over drift på VA i budsjett for 2022.



    Behandling

    Handsaming i kommunestyret:
    Kommunedirektøren sitt framlegg vert samrøystes vedteke

  • Tilskot vassleidning - Utkilen Hoveddokument 66KB

    007/22 - 22/371 - Tilskot vassleidning - Utkilen

    Journaldato: 20.01.2022  2 dokumenter
    Brevdato: 17.01.2022
    Dokumenttype: Saksframlegg
    Ansvarlig enhet: Teknisk drift
    Sakshandsamar: Rolf-Henning Myrmel

    Dokumenter

     

    Vedtak

    Austrheim kommune kan ikkje støtte tilskot til privat vassleidning slik søknad ligg føre. Dette grunna at eit slik tilskott må førast i drift. Det er ikkje avsett midlar for tilskott over drift på VA i budsjett for 2022.



    Behandling

    Gro Kaland (Sp) spurte om dette er sams med praksis tidlegare. Her svara einingsleiar teknisk drift Rolf Henning Myrmel at det er VA-normen som gjeld, med krav om minst 100 mm leidning. For Utkilen er det varsla at dei vil søka på nytt om overtaking, og då med dispensasjon frå kravet om 100 millimeter leidning. Elles er det slik at dette kravet er noko røyrleggjarar skal kjenna til. Ordførar Per Lerøy (Ap) sa at det er gitt dårlege råd til dei som har bygd ut her, hadde det vore 100 millimeter leidning burde kommunen overtatt den.

    Reidar Øksnes (Sp) viste til at dersom ein overtek leidningar med for liten kapasitet, så kan kommunen pådra seg krav til utbetring, og det kan bli vanskar med å krevja tilknytingsavgift og vassavgift om ein ikkje kan levera nok vatn.

    Handsaming i kommunestyret:
    Kommunedirektøren sitt framlegg vert samrøystes vedteke

  • Supplering med ny vara til RMNF Hoveddokument 49KB

    008/22 - 21/9558 - Supplering med ny vara til RMNF

    Journaldato: 20.12.2021  1 dokument
    Brevdato: 20.12.2021
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Kommunestyret gjeravedtak om at Haldis Lillian Dyrnes blir valt til varamedlem for Odd Øksnes i Rådet for menneske med nedsett funksjonsevne (RMNF), frå no av og ut valperioden (ut 2023).



    Behandling

    Handsaming i kommunestyret:
    Kommunedirektøren sitt framlegg vert samrøystes vedteke

  • Permisjon frå kommunestyret i 2022 - Marita Bru (Bygdelista) Hoveddokument 70KB
    Brevdato: 18.01.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Kommunestyret gjev Marita Bru permisjon frå vervet som kommunestyrerepresentant, ut 2022. Bru har ikkje høve til å tre inn igjen i vervet før fritaksperioden er over, men er tilbake i kommunestyret frå 1. januar 2023.



    Behandling

    Handsaming i kommunestyret:
    Kommunedirektøren sitt framlegg vert samrøystes vedteke

  • Tilstandsrapport for skule og barnehage 2021 Hoveddokument 51KB
    Brevdato: 03.02.2022
    Dokumenttype: Saksframlegg
    Ansvarlig enhet: Oppvekst og kultur
    Sakshandsamar: Trine Merete Jansen

    Dokumenter

     

    Vedtak

    Kommunestyret tek tilstandsrapporten for barnehage og grunnskule 2021 til orientering. 



    Behandling

    Kommunalsjef oppvekst og kultur Trine Merete Jansen orienterte om tilstandsrapporten for barnehage og grunnskule 2021. Presentasjonen ligg ved møteboka. Tala er slått saman for skulane, det er tal for kvar skule, men det er for små tal til å presentera.

    Inger-Lise Brekke (H) og Rikke H. Hope (H) spurte om korleis Austrheim-elevane ligg an samanlikna med andre kommunar. Kommunalsjef Jansen svara at Austrheim ligg under snittet for landet.

    Aslak Andre Bakke (H) ba om at ein tar dette opp som ei større sak i kommunestyret, også med tanke på kva tiltak ein kan setja inn for å få forbetringar.

    Monika Thorpe spurte om kva ein gjer heilt konkret, her viste Jansen til seinare deler av presentasjonen.

    Reidar Ulvøy spurte om det er midlar til å setta inn tiltak der dette er naudsynt, her svara Jansen at det kan gjerast tiltak utan å setja inn fleire vaksne, og at det må løysast innanfor eksisterande budsjett for skulane.

    Hege Ramsland (H) spurte om ein ser på arbeidet i skulane og formidlinga, når resultata er dårlege. Her svara kommunedirektør Bjørnar Fjellhaug at skulane jobbar med å einsretta begynnaropplæringa, og få ein betre overgang mellom barnehage og skule. Kommunalsjef Jansen la til at det vert jobba med lesing, med støtte frå PPT. Lesing er viktig for mange fag, også rekning. Jansen sa vidare at det er viktig å erkjenna at ein er på det nivået ein er på, så må ein jobba på grunnlag av data. Må ta val ut frå det ein veit sikkert, og ikkje kva ein trur.

    På spørsmål om kompetanse sa kommunedirektør Bjørnar Fjellhaug at det heile vegen vert jobba med etterutdanning, og at rektor kvart skuleår skal plassera dei tilsette på best mogleg plass. Fjellhaug svara på spørsmål frå Inger-Lise Brekke (H) at assistentar ikkje vert sette til undervisning.

    Reidar Øksnes (Sp) spurte om det i undersøkingar berre er spurt om ein sjølv vert mobba, eller om elevane kan svara at andre vert mobba. Kommunalsjef Jansen svara at det er mogleg å svara at andre vert jobba.

    Inger-Lise Brekke (H) spurte om tilbodet til dei evnerike elevane, Jansen svara at kravet til tilrettelagt opplæring gjeld alle elevar, også dei som er i øvre sjikt.

    Reidar Øksnes (Sp) spurte om det var for mykje fokus på dei som ikkje har så gode karakterar, Jansen sa at det ofte er desse som fell ut av skuleløpet seinare og ikkje kjem inn i arbeidslivet, og at det er bakgrunnen for at dei vert satsa på.

    Reidar Ulvøy (Ap) spurte om kvar tala burde sett ut, Jansen svara at ein kan komma tilbake med samanlikningar med Vestland og Norge, men generelt sett lærer elevane for lite i løpet av skoleløpet.

    Helge Dyrkolbotn (KrF) støtta Aslak Bakke (H) i at dette er eit tema som ein må komma tilbake til i eit større møte, og gjerne tidlegare på dagen. Kommunedirektør Fjellhaug svara at dette kjem opp igjen under todagarsmøtet i mai.

    Handsaming i kommunestyret
    Samrøystes for kommunedirektøren sitt framlegg til vedtak.

  • Budsjettjustering sjølvkostområde Hoveddokument 62KB
    Brevdato: 18.01.2022
    Dokumenttype: Saksframlegg
    Ansvarlig enhet: Økonomi og personal
    Sakshandsamar: Odd Harald Dommersnes

    Dokumenter

     

    Vedtak

    Kommunestyret vedtek kommunedirektøren sitt framlegg til budsjettjustering innan sjølvkost området VA-Investering.



    Behandling

    Kommunedirektør Bjørnar Fjellhaug orienterte om saka.

    Handsaming i kommunestyret:
    Kommunedirektøren sitt framlegg vert samrøystes vedteke.

  • Aktivitetsplan mot mobbing og krenking for barnehagane i Austrheim Hoveddokument 46KB
    Brevdato: 21.01.2022
    Dokumenttype: Saksframlegg
    Ansvarlig enhet: Oppvekst og kultur
    Sakshandsamar: Trine Merete Jansen

    Dokumenter

     

    Vedtak

    Aktivitetsplanen mot mobbing og krenkingar for barnehagane i Austrheim vert vedteken.



    Behandling

    Kommunalsjef Trine Merete Jansen orienterte om tilstandsrapporten for barnehage og grunnskule 2021. Presentasjonen ligg ved møteboka.

    Handsaming i kommunestyret:
    Kommunestyret var samrøystes om å vedta planen i staden å ta det til orientering.

  • Oppdatering og revidering av delegeringsrelement Austrheim kommune Hoveddokument 96KB
    Brevdato: 19.01.2022
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Bjørnar Fjellhaug

    Dokumenter

     

    Vedtak

    Framlegg til revidert Delegeringsreglement | Austrheim (kf.no) for Austrheim kommune vert vedteke slik det ligg føre.



    Behandling

    Kommunedirektør Bjørnar Fjellhaug orienterte om saka.

    Handsaming i kommunestyret:
    Kommunedirektøren sitt framlegg vert samrøystes vedteke.

  • Strategisk kompetanseplan 2022-2026 Hoveddokument 96KB
    Brevdato: 28.01.2022
    Dokumenttype: Saksframlegg
    Ansvarlig enhet: Kommunedirektør
    Sakshandsamar: Bjørnar Fjellhaug

    Dokumenter

     

    Vedtak

    Kommunestyret vedtek strategisk kompetanseplan 2022-2026 slik den ligg føre.



    Behandling

    Kommunedirektør Bjørnar Fjellhaug orienterte om saka. Når planen er vedteken må det innarbeidast midlar i budsjettet for å oppfylla dette.

    Helge Dyrkolbotn (KrF) sa at ein bør satsa på å tilsetja menn også i skulane, og ikke berre i barnehagane slik det er nemnt i planen. Treng ikkje stå konkret at ein skal vera leiande lærebedrift i regionen. Desse to innvendingane støtta ordførar Per Lerøy (Ap).

    Her svara kommunedirektør Bjørnar Fjellhaug at dette er nemnt i del 2 av planen, medan det er del 1 som skal vera førande for det vidare arbeidet.

    Britt M. Skålevik Lerøy (Ap) sa at det ikkje er alle assistentar som kan klara ei fagutdanning, og spurte om dette er i balanse mellom ønskjet om at alle skal ha fagutdanning. Her svara Fjellhaug at det vert brukt i framtidig rekruttering, og at ein for dei eksisterande tilsette skal gje tilbod om å ta fagutdanning. Til fagutdanning er til dømes rekna barne- og ungdomsarbeidar, helsearbeidar med meir.

    Britt M. Skålevik Lerøy (Ap) spurte vidare om det ikkje er vel ambisiøst å ha dette som krav, om ein skal klara å behalda eit mangfald.

    Aslak André Bakke (H) sa at det er bra med satsing på lærlingar, og på menn i fleire tenester.

    Anne Dahle Austrheim (KrF) støtta Britt M. Skålevik Lerøy i at det vil vera for strengt å krevja fagutdanning, og at det for innvandrarar kan vera for strengt. Austrheim spurte om dette er meint berre for faste stillingar. Kommunedirektør Fjellhaug svara at det skal gjelda faste stillingar.

    Handsaming i kommunestyret:
    Samrøystes for administrasjonsutvalet si tilråding til vedtak.

  • Frå kontrollutvalet - Rapport frå eigarskapskontroll: Eigarstyring i Austrheim kommune - til kommunestyrehandsaming Hoveddokument 50KB
    Brevdato: 10.02.2022
    Dokumenttype: Saksframlegg
    Ansvarlig enhet: Servicekontoret
    Sakshandsamar: Ketil Tjore

    Dokumenter

     

    Vedtak

    Kommunestyret sluttar seg til revisor sine tilrådingar og ber administrasjonen om å følgje opp tilrådingane om å:

    • oppdatera eigarskapsmeldinga denne valperioden, i tråd med kravet i kommunelova § 26-1, samt kommunisera den til organa i selskapa til kommunen,

    • ha jamlege eigarmøte med selskap der dette ikkje skjer,

    • syta for tiltak for å sikra felles føringar frå eigarane i NGIR IKS og Aufera AS, t.d. ein felles eigarstrategi eller ei felles eigarskapsmelding.

    • syta for at kommunestyret/formannskapet får lagt fram årsrekneskap, årsrapportar, strategidokument og liknande for selskapa som kommunen har eigarinteresser i for handsaming i forkant av eigarmøte.

    Kommunestyret ber administrasjonen om å gje kontrollutvalet ein skriftleg status om

    oppfølging av tilrådingane innan 4. kvartal 2022.



    Behandling

    Kommunedirektør Bjørnar Fjellhaug orienterte om saka.

    Aslak André Bakke (H) ba om at ein fekk fleire orienteringar av den typen ein hadde i kommnestyret i dag, frå NGIR.

    Handsaming i kommunestyret:
    Samrøystes for administrasjonsutvalet si tilråding til vedtak

Frammøte

Frammøte
PolitikarPartiMedlemstypeE-Post
Per LerøyArbeiderpartietOrdførarper.leroy@austrheim.kommune.no
Inger Lise BrekkeHøgreVaraordførarilb5943@yahoo.no
Reidar UlvøyArbeiderpartietMedlemreidar@subseaintv.no
Britt Mary Skaalevik LerøyArbeiderpartietMedlembritt.leroy@hotmail.no
Hardy PedersenArbeiderpartietMedlemhardpe@online.no
Ann Kristin LeirvågArbeiderpartietMedlemKristin1964@gmail.com
Monika ThorpeArbeiderpartietMedlemmonikath@online.no
Rikke Heldal HopeHøgreMedlemrikke.heldal.hope@hotmail.com
Aslak André BakkeHøgreMedlemaba@mrbakke.no
Helge DyrkolbotnKristeleg FolkepartiMedlemHelge.Dyrkolbotn@vlfk.no
Anne Dahle AustrheimKristeleg FolkepartiMedlemannedahleaustrheim@gmail.com
Reidar ØksnesSenterpartietMedlem56roek@gmail.com
Jan Erik EspelidBygdelista i AustrheimVaramedlemjespe62@hotmail.com
Hege RamslandHøgreVaramedlemhegeramsland@gmail.com
Stein Kåre LøvslettKristeleg FolkepartiVaramedlemsteinkl@broadpark.no
Gro KalandSenterpartietVaramedlemgro.kaland@outlook.com
Pål Andreas Håland DyrkolbotnSenterpartietVaramedlempaldyr@gmail.com
Rolf-Henning Myrmelrolf.henning.myrmel@austrheim.kommune.no
Monika Kvammemonika.kvamme@austrheim.kommune.no
Bjørnar Fjellhaugbjornar.fjellhaug@austrheim.kommune.no
Cecilie Fonnes Hjelmtveitcecilie.fonnes.hjelmtveit@austrheim.kommune.no
Thomas Lindåsthomas.lindas@austrheim.kommune.no
Trine Merete Jansentrine.merete.jansen@austrheim.kommune.no
Christopher Marius Straumøychristopher.marius.straumoy@austrheim.kommune.no
Birgitte Gullaksenbirgitte.gullaksen@austrheim.kommune.no
Marita Terese Bru (Ikke møtt) Bygdelista i AustrheimMedlemmarita.bru2209@gmail.com
Morten Sognnes (Ikke møtt) HøgreMedlemmorten.sognnes@austrheim.kommune.no
Randi Keilegavlen Dyrøy (Ikke møtt) Kristeleg FolkepartiMedlemrandidy1@start.no
Lise Renate Helle (Ikke møtt) SenterpartietMedlemLiserenatehelle@gmail.com
Bjørn Inge Håland Dyrkolbotn (Ikke møtt) SenterpartietMedlemBjorn.Inge.Dyrkolbotn@austrheim.kommune.no

Kontaktinformasjon om tenesta

Austrheim kommune
Sætremarka 2
5943 Austrheim
Telefon: 56162000
ACOS Innsyn levert av ACOS AS