Møte i Eldrerådet den 15.11.2022

Vedtak

Innkalling og sakliste vart godkjent

Behandling

Handsaming i rådet:
Kommunedirektøren sitt framlegg vert samrøystes vedteke

Vedtak

Møteprotokoll frå forrige møte vart godkjent

Behandling

Handsaming i rådet:
Kommunedirektøren sitt framlegg vert samrøystes vedteke

Vedtak

- Eldrerådet er kjent med at kommunen har ein kontaktperson for hørselshemma, og etterlyser korleis dette er gjort kjent for dei som er brukarar av høyreapparat.

- Tilsvarande informasjon bør gjerast for alle slike rådgjevingstilbod til personar med ulike behov.

- Informasjonen kan gjerne gjerast kjent med ei side i Kyrkjebakken eller tilsvarande.

Møtesekretæren sender dette vidare til administrasjonen.

Behandling

Eldrerådet er kjent med at det er ein person som er kontaktperson for hørselshemma, men at dette ikkje er så godt gjort kjent.

Rådet var samde om at ein etterlyser betre informasjon rundt dette, og tilsvarande for alle andre tilsvarande rådgjevingstilbod som kommunen har.

Gjerne som ei heilside i Kyrkjebakken, som kan rivast ut og takast vare på rundt om i heimane.

Handsaming i rådet:
Framlegget vart samrøystes vedteke

Vedtak

Eldrerådet sitt innspel til budsjett og økonomiplan: Eldrerådet ber om at kommunedirektøren kjem med eit tillegg i tekstdelen til budsjettet, som gjev ein plan/strategi for å lukkast med å få fleire til å bu heime lengre. Dette bør innehalda mellom anna:

• Omtale av tilpassing av bustaden, det kan vera tilskot til tilrettelegging, råd om korleis ein kan få rimelege lån i Husbanken, og anna rådgjeving.

• Omtale av tilrettelegging av det sosiale ved å bu heime, med tilbod om å treffa andre slik at ein unngår einsemd.

• Eldrerådet merkar seg at andre kommunar har etablert prosjektgrupper som jobbar med "Leve heile livet"-prosjektet, og ønskjer seg ei tilsvarande prosjektgruppe i Austrheim.

Behandling

Reidar Øksnes etterlyste at administrasjonen informerer om korleis ein skal lukkast med at fleire bur heime lengre. Kva er strategien kring dette, bør komma med som eit vedlegg i tekstdelen på budsjettet som seier noko om dette. Treng ikke vera berre det tekniske i heimen, men også problematikk rundt einsemd og det å komma inn og få middag og sosialt samvær.

Gro Johannessen viste til at andre kommunar har jobba med "Leva heile livet" der nettopp dette er i fokus.

Ivar Bergsvik etterlyste ein plan/strategi for korleis ein skal få fleire til å bu heime lengre. Det kan vera tilskot til tilrettelegging, hjelp med rimelege lån i Husbanken, råd om tilpassing og liknande.

Ivar Hopland sa at det er kostbart med tilrettelegging, bra om kommunen kan komma med kva tankar dei har kring å hjelpa med dette. Kommunen kan spara mykje på at det er færre institusjonsplassar i bruk, ved at folk klarer seg heime.

Solveig Hopen viste til at det er eit godt samhald der folk støttar opp om kvarandre i nabolaget, slik at dei kan ha det godt om dei bur i huset sitt så lenge som mogleg,

Handsaming i rådet:
Kommunedirektøren sitt framlegg vert samrøystes vedteke