Møte i Råd for menneske med nedsett funksjonsevne den 13.09.2022

Vedtak

Innkalling og sakliste vart godkjent

Behandling

Handsaming i RMNF:
Kommunedirektøren sitt framlegg vart samrøystes vedteke

Vedtak

Møteprotokoll frå forrige møte vart godkjent

Behandling

Handsaming i RMNF:
Kommunedirektøren sitt framlegg vart samrøystes vedteke

Vedtak

Meldingane vart tekne til orientering

Behandling

Odd Øksnes viste til meldingssak 020/22.2 med konklusjonen om at «Derfor vil me be om at kommunedirektøren og formannskapet startar planlegging og framdrift av nytt arbeidssenter så snart som råd.»

Om dette svara konstituert kommunalsjef Kim A. Vangberg at parallelt med arbeidet med Austrheim Arbeidssenter fekk ein tilstandsrapporten for Nordliheimen, som seier at det vil kosta 50 millionar å få denne opp til dagens standard. No vil kommunestyret få ei sak med vurdering av eit nytt helsetun, og så vil ein måtta vurdera gjenbruk av dagens Nordliheim opp mot ei flytting av Arbeidssenteret til Kaland.

Odd Øksnes viste til at det særleg er alvorleg at det først vart sagt at det var veldig viktig med å komma med innspel om nytt arbeidssenter, men så stoppa det heilt. Ikkje nøgd med korleis denne saka utvikla seg.

Ivar Bergsvik spurte om det vert avgjort i haust om det skal byggast ny sjukeheim, Kim A. Vangberg svara at det er målet, men at det vert ein prosess med planlegging og plassering. I tillegg må det også gjerast kortsiktige tiltak med dagens bygg, som reparasjon av varmeanlegget. Må komma tilbake til når det skal stå klart, men det er først i 2027/28, som eit grovt estimat.

Mette Ekornrød sa at dersom det ikkje skal lagast nytt arbeidssenter, så må det gjerast noko med dagens bygg.

Odd Øksnes ba møtesekretæren laga eit skriv der RMNF ber om eit konkret svar, med tanke på kva som skjer med opprusting, eventuelt nye lokale, og med ein tidsplan for når dette skal skje. Ønskjer også at det kjem informasjon om kva som skjer med drifta på kort sikt, og viser til den kartlegginga og dei ønskjer som vart gjort tidlegare i samband med kartlegging av nytt arbeidssenter. Ber om at svaret er RMNF i hende innan neste møte, som per no er sett opp 15. november.

---

Odd Øksnes viste til meldingssak 020/22.4 om "Tilgang til SOR-Digital +". Det er sendt over tankar om at ein kan laga ei samling for fem eller 20, med innspel frå Odd Øksnes, leiar av RMNF og Tone Rugset frå NFU. Konstituert kommunalsjef Kim A. Vangberg viste til at han har fått ein e-post frå Øksnes om dette, og at det vil bli fulgt opp. Det er viktig at dette vert vurdert i samband med den kompetanseplanen som skal lagast for dei ulike einingane i haust, der ein skal sjå på kva behov det er i dei ulike einingane, og kva ein skal ta først eller sist.

Hege Ramsland viste til at det per no er RMNF som har betalt for denne opplæringa, slik at det ikkje belastar andre budsjett.

Handsaming i RMNF:
Kommunedirektøren sitt framlegg vart samrøystes vedteke

Behandling

Arvid Bauge frå Nordhordland Taxisentral orienterte om situasjonen kring drosjekapasitet.
- Viste til at i Alver står kommunen for ein base med kjøring for taxisentralen, som gjer det mogleg å ha eit større tilbod elles også.
- Ville då fått kapasitet i tillegg som også ville vore tilgjengelege for den private marknaden.
- Per i dag går ein i underskot på kjøringa nord i regionen.
- Skal ein ha kapasitet, må ein ha ein grunnbase med kjøring.
- Nordhordland Taxisentral har 11 bilar i heile regionen. Høyrest kanskje mykje ut, men det er slik at ein del er hengt opp i pasientkjøring på bysida.
- Ser også at det er færre som har HC-bil ute i regionen med dagens drosjeordning, dei trekker anten inn til sentrum, byttar til personbil eller stoppar med kjøring.

Mette Ekornrød viste til at ein per i dag må bestilla turen dagen før, for å få HC-taxi.

Bauge frå Nordhordland Taxisentral svara at fastkjøring bestilt av skole og Skyss kan ein fiksa, men utanom er det lettare å avvikla bestilte turar enn turar på kort varsel. Turar på kort varsel kan vera vanskeleg med tanke på kjøre- og kviletid, særleg gjeld det langkvilen i helgene.

For saksgangen for skuleskyss viste Bauge til at det er skulen som bestiller dette av Skyss og Nordhordland Taxisentral.

Hege Bergsvik ba om at det vart spelt inn til kommunestyret, spørsmålet om ein skal ha kjøringa sjølv eller om det skal setjast ut på anbod.

---

RMNF diskuterte saka om bygging av fortau langs fylkesveg 565, der det er ønskje om få dette på plass frå Mastrevik Torg og nordover mot Krossnes. Mette Ekornrød sa at ho er i kontakt med representantar frå fylkeskommunen, med tanke på å få dei på synfaring her når fylkestinget har sitt møte på Mongstad i haust.

Anny Bertelsen viste til at det tidlegare er sagt at ein kan bygga gangvegen i parsellar, altså bit for bit. Mette Ekornrød sa at det må vera mogleg å bygga til og med uteavdelinga i Kanserdalen, før ein er sikker på korleis ein skal gå vidare.

---

Ivar Bergsvik har delteke som Eldrerådet sin eine representant på fylkeseldrekonferansen 2022, og såg der at det var mange Eldreråd som deltek i eigne prosjektgrupper for «Leve heile livet». Konstituert kommunalsjef Kim A. Vangberg svara at det pågår eit planleggingsarbeid på mange felt, og vil gjerne komma tilbake til RMNF seinare for å orientera om dette. Kommunedelplanen for helse og omsorg skal omfatta livet frå vugge til grav, og vil inkludera det som tidlegare var ei eiga Eldremelding.

Handsaming i RMNF:
Kommunedirektøren sitt framlegg vart samrøystes vedteke